Post: #2
Title: Re: !!.... كـــــــــــــــبرت يا باشـــــــــ�
Author: عبد العزيز محمد عمر
Date: 02-25-2017, 11:22 AM
Parent: #1
البوست ما عنده علاقة بأي معتقدات ... أو فلسفات ... أو نظريات ..
جن × جن
بس
الشغيل
|
Post: #3
Title: Re: !!.... كـــــــــــــــبرت يا باشـــــــــ�
Author: عبد العزيز محمد عمر
Date: 02-25-2017, 11:25 AM
Parent: #2
وباشري الذي يسكن في الرياض - يا سادتي - هو شخص جميل الملمح والروح.. اشتهر عنه أنه يرى الجن ..
ويخاطبه.. وفي هذا قولان.. يروح لدوامه ويأتي لبيته .. مثل مثل سائر البشر في صحارى نجد .. المملوءة بقصص الجن.
يحكي باشري أنه ذات مساء بااارد وهو ينتظر مباراة في الدوريات الأوروبية بتوقيتها الشتوى، أنه قد غلبه النعاس...
فأحضر بالقرب منه كأساً من الماء يمسح به وجهه حتى يستطيع الانتظار إلى ما بعد الحادية عشرة مساءً..
فكان يقول أنه قد أقدم على عمليه المسح زهاء الأربع مرات... وبين كل مرة وأخرى يدخل في غفوة طويلة ..
فقال أنه في المرة الأخيرة تثاقل عليه النوم، فأخذ مسحته ثم زاغت عينه إلى أعلى الدولاب،
فقال وجدت ( الجني ) جالساً وقال لي وهو يضحك:
( كبرت يا باشري والله ..)...
.
|
Post: #4
Title: Re: !!.... كـــــــــــــــبرت يا باشـــــــــ�
Author: عبد العزيز محمد عمر
Date: 02-25-2017, 11:28 AM
وفي خرطوم الله أكبر ...من أقدار الله أنه تصادفنا أن نكون حضوراً في جلسة علاج بالقرآن.. وكان الشيخ يتلو الآية ( فأصابه إعصار فيه نار فأحترقت )..
والمريض يتلوى ويتحدث بلهجة غريبة ... أقرب للعربي المكسر ، في حين أنه لم يعرف هذه اللهجة من قبل...
هنا طلب الشيخ من أحد الحضور القيام بتلاوة هذه الآية.. والشيخ رجل ذو بشاشة وطرفة.. فقال له ( امسك لي الأبنص دا لحدي ما أرجع دقيقتين بس )
يعني ردد الآية دي ...
صاحبنا قام بالتلاوة وزاد عليها ( اطلع يا زول.. أطلع يا زول ... الدخلك شنو )... هنا تحدث الجني بلسان الفتى وقال له ( أكان طلعت بدخل فيك انت)...
فما كان من صاحبنا إلى أن أخذته الرجفة فصاح : ( يا شيخنا تعال امسك النصيبة بتاعتك دي بالله ).
جاء الشيخ وقال له : انت عملت شنو ..؟
قاليهو : قلت ليهو اطلع يا زول.
الشيخ قاليهو : ياخي أنت ما عندك رخصة .. الخلاك تسوق شنو..؟ قلنا ليك امسك الأبنص بس ..
.
|
Post: #5
Title: Re: !!.... كـــــــــــــــبرت يا باشـــــــــ�
Author: عبد العزيز محمد عمر
Date: 02-25-2017, 11:32 AM
Parent: #4
في منطقة خليوة والسيالة وكنور في عطبرة تكثر أحاديث الجن.. ويقال إن أحدهم كان عائدا من حفلة متأخرة ...
وعندما جاوز مقابر ود فلاتي ... وجد هنالك حفلا أخراً... فبدأ في الدخول والهجيج معهم .... إلا إنه وجد أن لهم أرجل حمير ...
عندها قام بالصياح والجري ... حتى وجد عربية.. فأوقفها ... سائقها قال له: مالك يا زول..
قال ليهو : لقيت ناس عندهم حفلة ... لكن كرعينهم كرعين حمير...
بتاع العربية قاليهو : زي دي يعنى.؟؟؟ فكان هو ذات نفسه له كرعين حمير ...
زولنا قال بسم الله ...
ووجد ضحى الغد ينام في المقابر..
.
|
Post: #6
Title: Re: !!.... كـــــــــــــــبرت يا باشـــــــــ�
Author: محمد البشرى الخضر
Date: 02-25-2017, 11:37 AM
Parent: #5
هههههههههه| Quote: البوست ما عنده علاقة بأي معتقدات ... أو فلسفات ... أو نظريات .. |
أهم حاجة بقت الدسكليمر يا قريبك مع القبقبة دي
|
Post: #7
Title: Re: !!.... كـــــــــــــــبرت يا باشـــــــــ�
Author: عبد العزيز محمد عمر
Date: 02-25-2017, 11:54 AM
Parent: #6
| Quote: أهم حاجة بقت الدسكليمر يا قريبك مع القبقبة دي |
ههههههههههههههههههه
كيف يااااخ ... لازم.
يلموا فيك الجماعة لا تعرف نفسك في وادي المقدم .... ولا الربع الخالي..
قلنا اخير نشترط عليهم من اللول ..
تحياتي يا هندسة
.
|
|