Post: #1
Title: ما بين شتول النخيل ومحاسن والزواج بالتراضي
Author: عباس الدسيس
Date: 02-21-2017, 05:59 AM
04:59 AM February, 21 2017 سودانيز اون لاين
عباس الدسيس-Saudia
مكتبتى
رابط مختصر الشعب السوداني المغلوب علي امره كل مره بمسك ليهو في عضم اكد واجدعو.
الزواج بالتراضي في نص الدستور وعدم ادراج ولي الامر لاتمام الزواج عامل مشكلة وصلت حد التكفير من ناس عصام احمد البشير وعموم هيئة العلماء التعيسه
طبعا عصام شغال بسياسة يا فيها يا نطفيها وهو الزول ذاتو الجاط دستور 2005 وقال بالتراضي حسي ضد التراضي
زمن نميري في الثمانينات اولها كان الناس بتاكل وتشرب قبل الدخول في الضائقة المعيشيه نهايتها وخراب البيوت يحكي لي عمنا زراعي
كانو شغالين مع المنظمات في الاماكن النائية وعشان اشوفو المدن فترات طويله عندهم زميل ليهم من اهلنا ناس الجزيرة زراعي ضارب الخلاء بالسنين
واحد من اولاد الخرطوم ما بقدر علي الخلاء كل شهرين بمشي لي اهلو زول الجزيرة سألو الخرطوم كيف ؟؟؟
قال ليهو والله البلد خربت مع الضائقة المعيشيه تقيف في شارع بانت بالمورده البنات اقابضن فيك بلا سبه بلا سبب
زول الجزيرة الكلام عشعش ليهو في راسو حزم امرو إمشي مع زول الخرطوم زيارة
مشو الخرطوم بالليل وقفو طيطي ضربو ابوحمــار مع المزه بالجبنه المضفره وقت الليل مشي قال ليهو يلا نشوف لينا محل فول و ل كوارع نتعشي
زول الخرطوم بجهز في العشاء زولنا ود الجزيرة وقف في نص الشارع وقعد اكورك .... ما قلتو البنات بقابضن ساكت ما شوفنا حاجة جيناكم تعالو قابضونا وين الكاف شين تلعبو علينا تغشونا.....
يا هيئة علماء الوهم دار المايقوما ملانه الناس حكاية زواج بولي امر او التراضي قنعت منها شغاله كيري وخلو زواج المتعه والزواج العرفي انتو قاعدين وين
العاجبني في عمك بشة دايما ضارب باراء هيئة العلماء الحيطه اعمل ليهم المديدة حرقتني مع اللجان وبعد شوية اجليهم.
العضم الثاني حكاية شتول النخيل بالله دا كلام بلد الرغيفه فيها قدر السوسيوه بدل الناس تركز علي زراعة القمح يتم استيراد شتول بمليارات لمصالح شخصية
ووزير الزراعه رئيس مجلس ادارة الشركة المستورده احنا السودانيين علاقتنا بالبلح والتمور عامة ضعيفه اللهم الا بدعة الكيزان الجابو لينا البلح مع التمر في اجتماعاتهم
ياخ احنا البلح ما بنطراهو الا في عيد الضحية للشربوت او مرأة نفسا اعملو ليها مديدة تمر و ل ناس العرقي علاقتنا ضعيفة مع التمور.
برضو اقولو ليك محاسن كبي انقاره
واقفين تحننو وراكبين تجننو
|
Post: #2
Title: Re: ما بين شتول النخيل ومحاسن والزواج بالتراض
Author: sadig mirghani
Date: 02-21-2017, 09:21 AM
Parent: #1
يا عباس
شوف قصة الزواج بالتراضي دي زي قصة
الكوندوم وبنات الجامعه
اساسا الزول القاصد الشغلة دي
لو شال معاهو شراب اخير من يشوت ضفاري
اها الجماعة جو جارين حرام ودي دعوة للفساد
فهم غايتو
يلا قصة التراضي دي بت ناس ماف بتعرس بدون ولي امر
الا في حدود ضيقة زي قيس وليلي
عنتر وعبلي
وروميو وجولييت
وكلهم فشلو
المهم البتتحنك بدون مهر ودهب وصالة وريحة
وبتعرس ليها ولد مسلوع عشان بتحبوا بدون ولاية
نسبتهم مابتفوت 0.1%
الباقين ديل بدل يتقبضوا في ملاية واحدة
وتتفتح ليهم مادة في النظام العام
اخير تعرس بلا ولي
هي اساسا لو عندها ولي كان تجر الشارع
عالم بطالة
وين مجيدو
|
Post: #3
Title: Re: ما بين شتول النخيل ومحاسن والزواج بالتراض
Author: عباس الدسيس
Date: 02-21-2017, 01:33 PM
Parent: #2
Quote:
يا عباس شوف قصة الزواج بالتراضي دي زي قصة الكوندوم وبنات الجامعه اساسا الزول القاصد الشغلة دي لو شال معاهو شراب اخير من يشوت ضفاري اها الجماعة جو جارين حرام ودي دعوة للفساد فهم غايتو يلا قصة التراضي دي بت ناس ماف بتعرس بدون ولي امر الا في حدود ضيقة زي قيس وليلي عنتر وعبلي وروميو وجولييت وكلهم فشلو المهم البتتحنك بدون مهر ودهب وصالة وريحة وبتعرس ليها ولد مسلوع عشان بتحبوا بدون ولاية نسبتهم مابتفوت 0.1% الباقين ديل بدل يتقبضوا في ملاية واحدة وتتفتح ليهم مادة في النظام العام اخير تعرس بلا ولي هي اساسا لو عندها ولي كان تجر الشارع عالم بطالة وين مجيدو
|
حبيبنا صديق
اخبارك يا وجيه
دا العضم البنكد فيهو احنا وشاغلننا بيهو
تلفزيون واذاعات ومساجد وجدال ونقاش في الفارغه
ونرجع تاني لي مربع حرام وحلال
تحياتي وتقديري
|
Post: #4
Title: Re: ما بين شتول النخيل ومحاسن والزواج بالتراض
Author: عبدالحفيظ ابوسن
Date: 02-21-2017, 03:32 PM
Parent: #3
دسيس
صادق
ازيكم يا صحاب
قال المؤذن لأبو البت
البت موافقة
قال ليهو
هي البت زاتها الجابتو
|
Post: #5
Title: Re: ما بين شتول النخيل ومحاسن والزواج بالتراض
Author: محمد حيدر المشرف
Date: 02-21-2017, 04:16 PM
Parent: #1
البوست ده غير البوست بتاع المصري الداير جواز ؟
|
Post: #6
Title: Re: ما بين شتول النخيل ومحاسن والزواج بالتراض
Author: عباس الدسيس
Date: 02-22-2017, 05:25 AM
Parent: #5
Quote:
دسيس صادق ازيكم يا صحاب قال المؤذن لأبو البت البت موافقة قال ليهو هي البت زاتها الجابتو
|
ودابوسن اخبارك
ياهو حالنا
اشغلونا بقضايا واستهلكو المنابر في صراعات لا تغني ولا تسمن من جوع
تحياتي وتقديري
|
Post: #7
Title: Re: ما بين شتول النخيل ومحاسن والزواج بالتراض
Author: عباس الدسيس
Date: 02-22-2017, 06:39 AM
Parent: #6
Quote:
البوست ده غير البوست بتاع المصري الداير جواز ؟
|
ود المشرف اخبارك يا حبيبنا
بتاع المصريين بتاعين خوازيق
حتي في البوستات بركبوك ماسوره
|
|