بتتذكروا الاطفال السمر النحاف العادوا من بعد هزيمه في اخر دقائق وحققوا فوز كاسح وفازوا بي كاس جيم ؟

07:52 AM February, 20 2017

سودانيز اون لاين
Khalid Elsayed-Sudan
مكتبتى
رابط مختصر

بقلم شاهيناز القرشي

بتتذكروا اطفال كأس جيم
بتتذكروا الاطفال السمر النحاف العادوا من بعد هزيمه في اخر دقائق وحققوا فوز كاسح وفازوا بي كاس جيم ؟
بتزكروا كيف بكوا وانفعلوا مع العلم السوداني؟ يااخي بتتزكروا المدرب بتاعهم؟ الكان قاعد في الارض عيونوا ما بتفارق الميدان وسبحتوا ما فارقت يدوا؟
المدرب الكان قاعد طرف الملعب وروحوا وعقلوا وقلبوا مع اللاعبين ؟،الاطفال الكانوا بجروا لي مدربهم بي شعور ابوي كل ما احرزوا هدف؟ ،بتزكروا انهم اخدوا مكافاءت وجوائز واسمهم اتردد في الاعلام مقرون بي اسم السودان؟
الاطفال ديل قاتلوا ولعبوا واجتهدوا واحرزوا كاس ،كانوا فريق حقيقي بي روح فريق تدربوا واشتغلوا وتعبوا واصبحوا فريق ،
الكاس السنه دي اتلعب تاااني طيب المفروض شنو؟
المفروض الفريق الجاب الكاس دا يمشي يلعب لي عدة اسباب
اولا دا حقهم لانهم من صنع المجد
ثانيا" هم بقى عندهم خبره تأهلهم اكتر من غيرهم للفوز
ثالثا الانظار كلها حاتكون مركزه على حامل النسخه السابقه يبقى لازم يظهر الفريق بي مستوى لائق
ربعا دا حقهم دا حقهم دااااا حقهم
الحصل انو الاطفال ديل بعد ما رجعوا من قطر ما وقفوا تدريباتهم نفس الفريق نفس المدرب مع اضافة بعض العناصر الجديده وقبل السفر بي كم يوم جاهم قرار انو ما حايشاركوا ،ليه ماحايشاركوا؟
السودااان ما مشارك
صرف المدرب اللاعبين ولغى التمارين
بعد كم يوم ظهروا اولاد بي فل سوت في المطار وساكاهم الصحافه وتصوير واهتمام عجيب، مع العلم انو كاس جيم الاول (الجابوهوا الاولاد السمر النحاف) اللبسه اللعبوا بيها الاولاد (السمر النحاف) كانت تبرع من بعض ابناء الجاليه السودانيه في قطر، سافر المنتخب المزور ولعب مباريات مهزله اتغلب عشششره من الكويت
عشره يخوانا وهو حامل اللقب واتغلب تاااني تسعه
مااا هم ما نفس الفريق، هم اولاد اشخاص ما ،متنفزين قادرين يسرقوا مجد اطفال (سمر ونحاف) بي كل قوة قلب ناس قادرين يسرقوا الفرحه من اطفال،فرحه صنعوها براااهم ،الفرحه دي صنعوها الشفع ديل ليه تسرقوها منهم بي اي حق؟
انتوا سرقتوا فرحة ومستقبل اطفال فائزين انتوا هزمتوهم انتوا علمتوهم انوا الحق بضيع ولو وراو مطالب
انتوا سوقتوا اطفالكم الغير مستعدين ولا جاهزين وهزمتوهم شر هزيمه حملتوهم عار ما حقهم العار حقكم
المحسوبيه والانانيه وسرقة فرحة اطفال مستحيل تولد ابطال
دا بثبت لي شئ واااحد والله الغلط مافينا والله نحن بخير العله فيكم انتوا بتسرقوا كل شئ وترجعوا مدمر
كما السكه حديد
اجدب كما الجزيره
فاسد كما التقاوي
مهزوم كما فريق كاس جيم
مسروق كما ابطال كاس جيم
كل الكفاءت تتم اقالتها واحالتها للصالح العام
والعام هو انتم ونحن الهامش
لصالح فريقكم المزور كل مؤهلاتوا انو تبعكم معاكم حقكم
والمصيبه نحن من ندفع التمن انتم من اخطاء وسرق وافسد ولكن لازلتم اسياد السلطه والمال كل يوم تزدادوا غنى ونفوذ ونحن نذداد فقر ومرض والم
حكومة الانقاذ لا اجد تعبير يصفكم اكتر من انتوا فقر وجبتوا لينا الفقر ما ان تضعوا اصابعكم على شئ حتى يتحول الى كارثه وهزيمه #ارحلوا
شاهيناز القرشي

دا بثبت لي شئ واااحد والله الغلط مافينا والله نحن بخير العله فيكم انتوا بتسرقوا كل شئ وترجعوا مدمر
كما السكه حديد
اجدب كما الجزيره
فاسد كما التقاوي
مهزوم كما فريق كاس جيم
مسروق كما ابطال كاس جيم
كل الكفاءت تتم اقالتها واحالتها للصالح العام
والعام هو انتم ونحن الهامش
لصالح فريقكم المزور كل مؤهلاتوا انو تبعكم معاكم حقكم

حبيبنا خالد ..
يا ريت تكون سمعت اللقاء مع واحد إسمه الدكتور عبدالله
هو مسئول الرياضة في وزارة التربية والتعليم ..
حلقتين من التبرير الفطير .. كلام ما يدخل الراس
في برنامج ساعة رياضة في قناة الشروق ..

أمر يثير الغضب ويفجر الاعصاب ..
سأله المذيع عن مدرب الفريق السابق ( أبوسبحة ) ولماذا أحمد آدم
أخذ أكثر من عشرة دقائق تبرير ..
لماذا هؤلاء يجيدون هروب والفبركة .. بعد يومين من الدكتور عبدالله
خرج علينا وزير الزراعة الدكتور الدخيري وهو أمهر من د عبدالله
في تبرير فسائل أمطار

قدرة عالية جداً في فن التبرير واللف ودوران .. وضعف واضح من المقدمي البرامج والصحفيين


حبيبنا خالد حاول تشاهد تلك الحلقات ..

اللف والدروان والالتفاف على الحقائق بدرسوها ليهم دراسة اضف عليها لقدرة على الضحك على البسطاء
والله يااخوي علي من شدة كرهي لهم اصبحت لا اطيق مشاهدتهم
وعلي المستوي الشخصي قمت بمقاطعة كل الزملاء المنتمين لهم

شكرا خالد
على محاولة رفع الظلم والضيم
من الفريق الذي أجبر على عدم خوض
المنافسة لمصلحة أبناء المتنفذين والبطانة
الفاسدة
شكرا لرفع الضيم عن مدبر عمل في كل الظروف
الغير ممكن من أجل السودان وأبناء السودان
وانا والله من هنا
بتمنى رد الجميل لذاك الفريق والمدرب
بمجهود شعبي بطريقة أو بأخرى
لأنه وضح تماما بأن الدولة سخرت كل طاقاتها
من أجل إقصاء أبناء الغبش
ومن حملوا اسم السودان على حدقات عيونهم
خالص التقدير والاحترام

من يعرف كيف تدار هذه الدولة لن يندهش

لقد عم الفساد كل شيء وله جند مسخرون يبررون.


.

لكأنه غضب رباني

بتمنى رد الجميل لذاك الفريق والمدرب بمجهود شعبي بطريقة أو بأخرى لأنه وضح تماما بأن الدولة سخرت كل طاقاتها من أجل إقصاء أبناء الغبش ومن حملوا اسم السودان على حدقات عيونهم

أريتها بقت على الأطفال السمر و دوري جيم




سلام

دمار شامل