اغنيات الزمن الجميل

Post: #1
Title: اغنيات الزمن الجميل
Author: adil amin
Date: 02-03-2017, 01:05 PM

12:05 PM February, 03 2017
سودانيز اون لاين
adil amin-
مكتبتى
رابط مختصر

Post: #2
Title: Re: اغنيات الزمن الجميل
Author: علي دفع الله
Date: 02-03-2017, 01:42 PM
Parent: #1

الزمن الجميل دا بالضبط بدايتو سنة كم؟؟؟ ونهايتو سنة كم؟؟؟
وهل حا يجي زمن فلاني ويكون الاغاني الهسي دي اغاني زمن جميل؟؟؟
اتمنى القى اجابة ...
مع ودي واحترامي صديقي عادل ..

Post: #3
Title: Re: اغنيات الزمن الجميل
Author: جلالدونا
Date: 02-03-2017, 01:49 PM
Parent: #2

الزمن الجميل ده يا على فترة اولى و فترة تانية
الفترة الاولى دى غنى الحقيبة ودى الاصول
الفترة التانية ده زمن الغنوة الحديثة
محتاجين نرجع لى غنى الحقيبة و دستور 2005

Post: #4
Title: Re: اغنيات الزمن الجميل
Author: علي دفع الله
Date: 02-03-2017, 02:02 PM
Parent: #3

هسي الدخل دستور 2005 شنو هههههه داير تراضي عادل امين ساي
شكرا على الاجابة عن فترات الزمن الجميل ..لكن انا عندي راي في اغاني الحقيبة دي ..وكان قلتو انا خايف هسي ينبروا لي الجماعة ويطالبوا بتوقيفي من البورد والحق ع.م.ص 😃

Post: #5
Title: Re: اغنيات الزمن الجميل
Author: adil amin
Date: 02-03-2017, 04:12 PM
Parent: #4

الزمن حالة وجدانية لكل شخص تربطه بفترة محددة من عمره كان سعيد وكان يسمع هؤلاء الفنانيين ..
لمن كانت الناس ما ببتسمح بالكريمات في التلفزيون
لمن كانت الخرطوم مليانة جنوبيين
لمن كان جوز الحمام ثلاثة فردات
لمن كان تفج القمري وتخت الشرك
زمن باصات ابو رجيلا
زمن المريخ وحامد بريمة
زمن المدارس داخليات
زمن السودان اقاليم
زمن الجامعات خمسة يس
زمن القطر يظبطو عليه الساعة
زمن برنامج مشروع الجزيرة في الجزيرة نزرع قطنا ..
زمن راس الدولة اربعة من اركان السودان الاربعة والانتخابات وعلي دفع الله رمز الماسورة

Post: #6
Title: Re: اغنيات الزمن الجميل
Author: adil amin
Date: 02-03-2017, 04:15 PM
Parent: #5

زمن الفنان الذري

Post: #7
Title: Re: اغنيات الزمن الجميل
Author: adil amin
Date: 02-03-2017, 04:24 PM
Parent: #6

هسي الدخل دستور 2005 شنو هههههه داير تراضي عادل امين ساي
***************
ودستور 2005 واتفاقية نيفاشا الطريق الطويل البرجع الناس للزمن الجميل والدولة الديمقراطية الفدرالية المكونة من ستة اقاليم والانتخابات والشعب يقرر والختمية والانصار واركان الجمهوريين والجنوبيين
والشعب السوداني لا ياتي بي البروز عبر صناديق الاقتراع ويختفي هذا النظام الذلا اخذى السودانيين في الداخل والخارج ان شاء الله
وانتو يا براعم زمن (البشير التربي) بس بارو عمكم ده بتصلو يوم..لي الزمن الجميل البحجوكم بيه الان الابهات والامهات

Post: #8
Title: Re: اغنيات الزمن الجميل
Author: عرفات حسين
Date: 02-03-2017, 05:14 PM
Parent: #7

adil amin
لك ارفع القبعه
عفارم عليك ...

في نظري الزمن الجميل هو الزمن الذي لم تكن فيه قبليه
كان هناك :
التبيديه
والهبانيه
والبيوميه
والقبانيه الي الخ
وكان
الغردنيون
والافنديه الي الخ
واكن
السلطين
الشيوخ
والعمد الي الخ

والسيدين
وبس

وكان يامكان
في مجتمع واصاله
وبس

واحترام وتقدير لكبار السن

اصبحنا غوغاء يضحك علينا الغرباء

Post: #9
Title: Re: اغنيات الزمن الجميل
Author: adil amin
Date: 02-04-2017, 03:33 PM
Parent: #8

كان في يا عرفات...الديمقراطية بتاعة الانجليز والفدرالية بتاعة الجنوبيين لحدي قبل يوم من 30يونيو وانقلاب الكيزان وفرضو علينا اقبح واخر انواع بضاعة خان الخليلي "الاخوان المسلمين"
وهسة قلنا ليهم رجعو الاقاليم واعملو انتخابات اقليمية حرة خلو ناس الاقاليم يجيبو ناسهم حاكم اقليم ونائب اقليم ..وانتو في المركز ده ان شاء الله تقلبو موطر سوزوكي لم يعد يلزمنا ابدا
ازمة المركز هي في المكونات بتاعتو..ناس ربع دماغ وعيهم لا يتجاوز جمهورية العاصمة المثلثة او مثلث الحمدي ورجعنا لي دستور بدرية ودولة الون مان شو المركزية =النموذج المصري العاطل من 18 نوفمبر 1958
وشكرا على اغنية حسن عطية

Post: #10
Title: Re: اغنيات الزمن الجميل
Author: adil amin
Date: 02-04-2017, 03:35 PM
Parent: #9

Post: #11
Title: Re: اغنيات الزمن الجميل
Author: adil amin
Date: 02-04-2017, 03:37 PM
Parent: #10

يا ريت تجينا الراسية ورزينة دي الديمقراطية يا عرفات ...تفكنا مكن العميانة وقياداها مجنونة "الانقاذ"
والله يرحم احمد المصطفي والفن الراقي الاصيل

Post: #12
Title: Re: اغنيات الزمن الجميل
Author: adil amin
Date: 02-04-2017, 03:42 PM
Parent: #11

وكمان منهج المخضرم عبدالرحمن علي طه "منقو قل لا عاش من بفصلنا
والسودان بعد الجنوبيين مشو ,,بقى امسخ من الترمس
شكرا يا ابراهيم دينق على هذا التثقاف الجميل

Post: #13
Title: Re: اغنيات الزمن الجميل
Author: عرفات حسين
Date: 02-04-2017, 11:26 PM
Parent: #12

الجميل الاصيل
adil amin
الوالد الله يرحمه, قال ايام الشباب كان عندنا فكره نفجر الفندق الكبير
لانه الانجليز بستمتعو بارضنا , الان ارضنا حره وما نستطيع حتي ريتها
اخير زمن الانجليز بدل الحرقه من البعد والغربه

Post: #14
Title: Re: اغنيات الزمن الجميل
Author: adil amin
Date: 02-05-2017, 04:00 AM
Parent: #13

الاخ عرفات
تحية طيبة
ما توصل اليه ووالد بالتجربة لازال البعض حتى على مستوى هذا البورد يمارس المزايدات الرخيصة ولا يريد ان يواجه الحقيقية
النخب المؤدلجة السودانية ..اتلي حولها المستعمر السري = رجل المخابرات المصري صلاح سالم 1955الى كلاب حر تنبح في الانجليز وتعض القوى الديمقراطية الختمية والانصار والجمهوريين والجنوبيين لحدي ما انفصل الجنوب..كانو اصلا كاعجاز نخل خاوية"الشيوعين" واعجاز نخل منقعر"الاخوان المسلمين " ينبحون في ديمقراطية بتاعة الانجليز والفدرالية بتاعة الجنوبيين وعلق السودان في جامعة الدول العربية وشوه نفسه مع العرب حاصل فارغ ساكت..لحدي هسة اسوا انظمة سياسية في العالم ما بعرفو الديمقراطية ولا الفدرالية ولا الاشتراكية ولا المحكمة الدستورية العليا واحترام القضاء والقانون..ورافغين شماعة اسرائيل ونحن شماعة الابتلاءات.
ويا حليل درافور وكردفان كمان

Post: #15
Title: Re: اغنيات الزمن الجميل
Author: عرفات حسين
Date: 02-05-2017, 12:15 PM
Parent: #14

adil amin
الاسطوره
عفارم عليك لنتذكر الرجل الذي هدم استقلال السودان وعمق الخلافات
ونسج المؤمراة .. صوره

Post: #16
Title: Re: اغنيات الزمن الجميل
Author: adil amin
Date: 02-05-2017, 02:31 PM
Parent: #15

الحقيقة مرة يا يا عرفات
ولحدي هسة الناصريين والشيوعيين والاخوان المسلمين ما عارفين ليه ما عندهم جماهير في السودان...لانهم منبتين فكرا واخلاقا وسلوكا ولهم تاريخ مشين ومجلل ب العار لا يشبه ابدا السياسة الراقية زمن الانجليز ومؤتمر الخريجين بين السودانيين
والحركة الشعبية صنعت جماهير تسد عين الشمس وفي كل السودان..للانها بنت السودان الاصيل
مصر من افسدت الديمقراطية في السودان والفدرالية ايضا وتتمسخر على السودان والسودانيين في اعلامها حتى اليوم
لان الشعب السوداني لا ياتي بالحثالة السياسية عبر الانتخابات من 1954 وحتى اليوم
وهذه حقيقية
انا لا اسيء لاحد عندما اكتب هنا ولكن البعض يفضل بدل التعايش المع الحقيقة المرة العيش في الوهم الجميل
وهسة قوى الاجماع دي مضيعة زمن الناس ساكت هم والنظام يتبادلو الادوار لاعادة انتاج الدولة المركزية المجرمة التي قتلت جل رموز السودان واهانت البعض الاخر واتداهم يرجعو الاقاليم ويعملو فيها انتخابات حرة ؟؟نشوغف لو جاء واحد من الوجوه الشائهةوالمملة الموجودة في المركز دي ؟؟
ويا حليل ثنائي النغم

Post: #17
Title: Re: اغنيات الزمن الجميل
Author: Ahmed Yassin
Date: 02-05-2017, 03:12 PM
Parent: #16

عادل امين وشركاه
لسلام يا روح البدن .. يا غصين النقا يا لدن .. احكي ليك اياما عدن
الامان يا جنة عدن .. جاز سربا زانو الفطن .. الاحتفال بقرب الوطن
اول شىء مشكور على الاتحاف يا جميل
ياهو الزمن البنبكي عليهو
ثانيا .. كنا عايزين نبدأ معاك يا عدولة من دمعة الشوق كبي الغناها كرومة ود مستورة بت عرضو بالنقرزان الخفيف
وجاء الكابلي غناها بى ايقاع العشرة بلدي او حتى نرجع لى وراء لنواحي الغناء الماعندو سيد زي
الموز روى .. قايم سوا .. فاطرِك ضوى .. أه بالنار قلبى إنشوى
عادل حبيبنا
اسمح لي اقول ليك مع كل البتحقق فيهو من هذا الجمال اقول ليك
شوفة عارضك نعمة جزيلة .. ترد الروح و الغمة تزيلا
دي وصف الخنتيلة بتاعة ابوصلاح وبرضو غناها كابلي وهي من بحر القصير
لكن لقيت في شيوعيين وناصريين وجمهوريين وما عارف شنو

Post: #18
Title: Re: اغنيات الزمن الجميل
Author: adil amin
Date: 02-06-2017, 03:00 PM
Parent: #17

الزمن الجميل نقد نسمع الغنا حقا ونتونس ايضا ونشوف الضيعو شنو
الناس لازم تعرف ان الزمن وما يختزنه الانسان في وجدانه ليس مجرد اغاني ولكن ذكريات طيبة وذكريات مرة
مالو نطرب ونتنور..
وانا عرفات لمن نتقابل في زمن جاي وزمن ماشي وزمن لسه..بكون الحديث ذو شجون
و والله انا تحديدا مافي شي موجعني الدنيا دي مشي الجنوبيين وانفصال الجنوب ودي لتيمة البتلاقاها في بوستاتي باستمرار
وهس خريطة السودان الذى السروال المعلق في السلك دي اصلو ما راكبة لي في راسي
وكمان نهديك اغنية اكثر تميزا للرائع الكابلي
تخلي الانصار ياخدو ليهم برجة في البوست ده
" />">

Post: #19
Title: Re: اغنيات الزمن الجميل
Author: adil amin
Date: 02-06-2017, 03:00 PM
Parent: #18

Post: #20
Title: Re: اغنيات الزمن الجميل
Author: adil amin
Date: 02-06-2017, 03:04 PM
Parent: #19

رايك شنو في ود ياسين...
الدينا لازم نرجع اناصر وختمية وجمهوريين وجنوبيين ...رفعت الاقلام وجفت الصحف
اااااخ كا ن مع الاحباب نجمو شارق زماان
مالو والافلاك في الظلام
يا سودنا يا اجمل وطن

Post: #21
Title: Re: اغنيات الزمن الجميل
Author: adil amin
Date: 02-13-2017, 07:23 AM
Parent: #20