تعليق البشير على رفع العقوبات ..

02:10 PM January, 17 2017

سودانيز اون لاين
Munir-a222
مكتبتى
رابط مختصر

أنقل لكم من صفحة أخونا المبدع خالد عثمان أحمد بالفيسبوك هذه الصورة وتعليقه البديع ..


عبدالرحيم: نحن عشرين سنة بنقول الامريكان ديل قاصدين دينا .. هسي نقول شنو للناس ..
البشير : هم فعلا كانو قاصدين دينا . لكن لقونا ما عندنا دين ..

سلام أخ بشيز

البشير:- (إذا أمريكا رضيت عنا فهذا معناه أننا فارقنا الشريعة والدين)!!

حبيبنا منير .. مودتي ..
شكراً على البوست .. أخونا خالد ده قدر يعبر عن الوضع بصورة رائعة ومختصرة ..
الحبيب منير .. قبل فترة كنت في البلد هناك في ارياف دنقلا ( ضواحي الدنيا ) عندي
مشروع عشرة فدان .. طبعاً ضرائب والتراخيص والرسوم من المحلية .. دي ما مشكلة .. عشان رواتب أولادنا الشغالين في المحلية
لكن بدون إكراميات ( ليست رشوة ) إكراميات ما في حاجة تمشي .. أهم واحد في المجموعة هو المساح .. طبعاً يعرف أن
الاجازة للمغتربين محدودة للغالبية بــ ( شهر ) والمواعيد عند المساح بالحجز وغالباً للمغترب يكون الموعد أكثر من الشهر لأنه عارف موعد التاشيرة والحجز كمان
وعليه ولزاماً لا بد من الاكرامية .. لأن تقرير المساح أهم من قرار رئيس الجمهورية ممكن ينقص المساحة ويزيد حسب مزاجه
وحسب الاكرامية .. تخيل المساح ده عربيته ( أكسنت ) مكيف هواء ( لاحظ في ضواحي الدنيا ) ..

ومن أجل أن أثبت مصداقية ما قاله الحبيب خالد في الكارتير المصور .. عندما يأتي وقت صلاة نفس المساح هو الذي يتقدم لامامة ..
عادي جداً ان تجمع بين هذة وتلك .. ما في أي مشكلة ..

ولاحظت بأن هؤلاء يندرجون تحت تصنيف ( الزول الشاطر ) وغيره في نفس الوظيفة ولا يستفيد يصنف ( الزول الغبي )
حتى أهله يتضايقوا منه ..

شكراً منير وآسف للاطالة .. مشكلتي أن مقدراتي ضعيفة في التعبير بالعامية (ناس ضواحي الدنيا ) .. وحكي بالفصحة بايخ ..

تاني شكراً .. مودتي .. منير ..

ألف مرحبتين أستاذنا الحبوب علي عبدالوهاب عثمان

شكراً على إتحافنا دائماً بإضاءة مشوقة من ضواحى الدنيا ..

الأخ خالد فعلاً أبدع وإختصر الحال فى مجمله بهذا التعليق الذكى وهذه الصورة التى تتطابق تماماً مع التعليق ..

سلامات أخ كمال عباس ..
زمان كتبت برضو أن البشير كان يقول أن شرعيتنا مستمدة من شريعتنا ..