والله دمعتك أبت تنزل يا سالمين ياخ

08:53 AM January, 08 2017 سودانيز اون لاين
فرح الطاهر ابو روضة-...................
مكتبتى
رابط مختصر
ايوه يا سالمين
والله صحي
أبت تنزل
بس طارت غصة
في الحلق سكنت
لا اتنخجت
لا دمعت وسالت
وجفت
ومن بعدها قلنا
ده حال الدنيا
اصلها غدارة ونقادة
حرامية بتسرق كل الحاجات المنية
لا خلتني أصدق
ولا أكذب
انك مت
ولسه يقولك
يا زول أقيف
لا ني باكيك
ولا بنزل فوقك دمعة
ولسه منتظرين الطله
حارين الرجعة
مقامك لسه حضور غربتنا
الدنيا لسه مغيب
ليه مستعجل الرحيل الهجعة
وزي قلت لك
يا سالمين
انت لسه فينا طيب
وسليم
وسالم
سمح صبوح
كما كنت إنساني
رهيف ضمير
ولسه فينا باقي حاضر
حي ما بتموت
وتظل لليوم وباكر
واني لا باكيك
ولا بتنزل مني فوقك دمعة
جفت الأقلام الماسي
انحسرت الحرف
اغلقت الدفاتر
أبو روضة
وسلام عليك مع الخالدين