Post: #2 Title: Re: احذروا السفير عبدالله الأزرق يا ناس ايرلن Author: عمر دفع الله Date: 12-31-2016, 01:41 PM Parent: #1
Post: #3 Title: Re: احذروا السفير عبدالله الأزرق يا ناس ايرلن Author: اميرة السيد Date: 12-31-2016, 02:32 PM Parent: #2
ياعمر دفع الله.. السفير ده...عبد الله الازرق...هو شاعر قصيدة الناها بنت مكناس وزيرة الخارجية الموريتانية السابقة التي زارت السودان والف فيها هذا الشاعر قصيدة يتغزل بجمالها.... يعني احتمال ما يكون عنده غرض بالسياسة ولا علاقة بناس المؤتمر الوطني..وخاصة وهو ما معين تعيين سياسي ودبلوماسي مترقي بالترقية العادية...عشان كده يمكن ودوهو ايرلندا ...او قول نفوهو في ايرلندا بدل ما يودوه باريس او جنيف او نيويورك او طوكيو او واشنطن... يعني ما تخافوا منه....سفير شاعر ومليان احاسيس ومشاعر وما اظن يكون بتاع مؤتمرات (وش مبتسم) والله يديك الصحة والعافية
يعني احتمال ما يكون عنده غرض بالسياسة ولا علاقة بناس المؤتمرالوطني..وخاصة وهو ما معين تعيين سياسي ودبلوماسي مترقي بالترقية ،،اقتباس------------------------------------------------------ --العزيز عمر دفع الله ،و اختنا اميرة السيد كل سنة وانتو طيبين ،،جميل جدا يا عمر دفع الله ان تنبهنا الى خطورة المدعو عبد الله الازرق ،اولا اختنا اميرة من السذاجة ان نخلص الى ان عبد الازرق هو ليس بسياسي وانه كذا وكذا ،، عبد الله الازرق ،سفير النظام بلندن هو من كوادر النظام الاساسية التى يستعين بها النظام فى محاولاته اليائسة لتجميل وجه القبيح ..كان وكيلا لوزارة الخارجية ،وبعدها قنصلا منتدبا من جهاز الامن الى السعودية ثم لندن وله يد كبير فى بيع ممتلكات السودان بلندن بابخس الاثمان .. ما يهمنى هنا ان هذا الشخص الان بدبلن قام باستئجار منزل مكون من 7غرف بالضاحية الجنوبية بدبلن (red house ,seafield road ,killiney )بما يعادل 8000الف يورو شهريا على حساب الشعب السودانى المغلوب على امرو, غير الاربع اثيوبيات الائى يعملن لدى المدعو ..والطباخ المغربى. الامر الثانى تاجير مبنى السفارة بدبلن 4 لا يقل عن 16 الف يورو فى الشهر ؟ماذا يستفيد السودان من اهدار هذة الاموال؟؟؟ ففى المقابل ليست لنا فى ايرلندا مصالح اقتصصادية بفعل عذلة هذا النظام!ولاتوجد خطوط طيران وطنية ولا اى عائد اقتصادى غير فتح باب كبير لنهب امول الشعب المغلوب على امره. ثالثا: قام الشرفاء من ابناء وبنات السودان بايرلندا بافشال اللقاء المرتقب لهذا الشخص بالسودانيين بفندق كروان بلازا ببلانشردستاون ،،فاستعاض عنه بعزومة فى البيت الكائن بمنتجع كلينى بجنوب دبلن وامه بعض انصار النظام وبعض الانتهازيين من ذوى الكروش الجائعة ومتعددو الوجوه من امثال المدعو عبد المنعم ! ونحتفظ باسماءهم فردا فرداتسلم عمر على هذا التحذير وندعو كافة الشرفاء فى ايرلندا فضح هذا اللص فى هيئة السفير ومقاطعته اجتماعيا و بالضرورة سياسيا ...
Post: #5 Title: Re: احذروا السفير عبدالله الأزرق يا ناس ايرلن Author: عمر دفع الله Date: 12-31-2016, 04:09 PM Parent: #4
سلام يا اميرة ومرتضى
للاسف لقد وصلتنى بعض المعلومات من ان السفير قد وصل بالفعل الى مجموعة كبيرة من الاطباء ولمساعيه هذه علاقة بنقابة الاطباء . عموما لن اتسرع في نشر الاسماء حتى تضح الرؤية بعد احتفالات راس السنة واعياد الميلاد .
حتى نعود
Post: #6 Title: Re: احذروا السفير عبدالله الأزرق يا ناس ايرلن Author: اميرة السيد Date: 12-31-2016, 04:09 PM Parent: #4
مرتضى كل سنة وانت طيب.. وان شاء الله تكون مريت بالسطر الاخير في مداخلتي (وجه ضاحك على حد القهقه).. واذا كان انتدب من قبل من جهاز الامن ..معناه دا ما دبلوماسي... ...وبعدين اذا انت جيت للحقيقة...فان معظم سفارات هذا النظام القمئ مفروض تتقفل...لانهم بيصرفوا ملايين العملات الصعبة بدون فائدة... والسفارات بتعامل السودانيين في الخارج وكانهم حيوانات... والله يديك الصحة والعافية
Post: #7 Title: Re: احذروا السفير عبدالله الأزرق يا ناس ايرلن Author: عمر دفع الله Date: 12-31-2016, 05:00 PM Parent: #6
بيت الاطباء في دبلن هل سيتحول الى دار للمؤتمر الوطني ؟ سنأتي اليه في حينه .......
ود دفع الله كيفك..المدعو وجه دعوات خاصة لعدد من من أنصار النظام معروفين بالاسم .. ولبى الدعوة المشبوهة عدد من الأطباء الوطنيين الذين كانوا الأسبوع الفائت مع الوقفة الداعمة للعصيان! ما يحزن أن مجموعة من اللجنة التنفيذية لنقابة الأطباء ذهبت للقاء المدعو الأزرق. ولكن للأطباء الشرفاء من الجنسين لهم الكلمة العليا قريبا ولن يهنأ سفير النظام بإقامة طيبة فى الجزيرة الايرلنديه كما يعتقد.. لك تقديرى الذى تعرف.
Post: #12 Title: Re: احذروا السفير عبدالله الأزرق يا ناس ايرلن Author: اميرة السيد Date: 12-31-2016, 10:12 PM Parent: #10
علاء ووينو الشعر القالو في الوزيرة الاسرائيلية... يعني انت مفتكر انو قابلها بصفتها وزيرة خارجية اسرائيل... وانت براك قريت ان الخارجية السودانية تنفي ان السفير التقى بوزيرة خارجية اسرائيل... وين ملاحظتك ان الوزيرة دي لسع عندها مسحة من الملاحة والجمال.. واظنه ما بكون عارف انها الوزيرة الاسرائيلية...عشان كده الخارجية نفت.. (المرة دي الوش ضاحك بس) والله يديك الصحة والعافية
وبعدين اذا انت جيت للحقيقة...فان معظم سفارات هذا النظام القمئ مفروض تتقفل...لانهم بيصرفوا ملايين العملات الصعبة بدون فائدة... والسفارات بتعامل السودانيين في الخارج وكانهم حيوانات... والله يديك الصحة والعافية __________ تسلم يا أميرة ..فعلا ميزانيات مفتوحة للنهب المصلح لذا وجب علينا فضحهم أينما حلوا. شكرا أميرة وكل سنة وانتى طيبة
Post: #15 Title: Re: احذروا السفير عبدالله الأزرق يا ناس ايرلن Author: عمر دفع الله Date: 01-06-2017, 05:26 PM Parent: #14
