الرمادي ممكن يبقي كاكي ويعوض ساكتي

05:47 PM December, 18 2016

سودانيز اون لاين
زهير عثمان حمد-السودان الخرطوم
مكتبتى
رابط مختصر

عندنا ناس كان عاشوا في القمرة ولا في برلين بحبوا أكل الطين وكل المزاج مكجره وعامل فيها بحر علوم لا فيهو غرفان ولا طافح بس منو شربان تنظيز وثقلة دم وبجاحه والواحد كان ماعاش مذلول روحو ما بترقد ساي
ومثلث حياتو ما بفقل أبدا وحتي أفاقو العلمية والعملية ما بتكون شاغلة تش الا بممارسة مرض المشاططات وستات الماريس ما هي طبيعة وجينات فيهو والزول العيافه ما بتنضفوا الليفة ولا العوام في البحر ريحتوا جيفة وأنا بتذكر
في تاريخ ناس هلكوا زمان في مدينة من المدن العاصفية دي مدن أطنها أسمها (أبا بمبي) بتقوم مع خيرات الارض وبجو الناس من كل الدينا أشتغلوا وأسترزقوا فيها كانت هناك قصة أطربنش هو فني تخطيط ولا رسام خرايط زول حريف في شغلة لكين
كل وقتو مع أخبار السوق والمحاكم فضايح وعيوب العالم وكان سمع خير يقول ليه الخير من دا فلان وكان سمع شين يقول دي ما حالة علان وربك كمان من فضلو وجود أداهو لسان وأضنين يسمعو سمع جهاز تصنت ألماني الصنع والتصميم وأستمر الحال واحوالو بقت لبن وعسل ولكين ما خلا لا الغلابة واكابر كسر شديد من لسانو وعمايلو المهم الدنيا ما عندها ضمانة لا للصحة ولا المال و لو قبلت عليك أم بناين قش ألله يسترك منها ومن البهدلة حقت أنو يروح كل شيء منك أها اصبحت المدنية الرهيبة ديك سراب والاصحاب عرفو لسان الزول بس لسان كلب أجرب والمرة كمان مع الاولاد ما كانت هي بت عز جاءت عشان تعيش أيام النعمة بعد زولك بقي أبطو والنجم هي ذاتا فارقت ضلو المهم زولنا بقي شاكي باكي دمعو هميل واتحسر كدي لكين لا أجاويد نفعوا ولا داعوات صالحين ولا فكي في ماينور قدر يرجع الايام السماحة ولا بت القبايل رجعت ليهو زولنا أخد الامور من قاصرا وهجا
المهم يا ناس لكين الزول دا كتب في حيطة البيت حقو عبار ة زي الحكمة قال فيها ( كنت قايل الرمادي ممكن يبقي كاكي حكومة ويحكم وبرضو بسكوتو يتعوض تمن لسانو لكين لقيت الخير في معاشرة الناس بالنيه السليمة والمودة )
حسي دا كلامنا لزول ما بيننا غير عشرة المسلمين ومعرفة الدنيا يا أخوي أبقي عاقل عمرك بنتهي متين ولا الدينا تقبل عليك متين ما معروف وديل الاتنين ما عندهم أمان كل الموت ولا الدنيا غير الناس الراصدين زي بربار و صرار والشايل في قلبو مغايص
عمايلك !!!
الله يستر عليك وأنشا لله تحس وتفهم وبعد عمرك دا
زي ما بيقولو أهلنا اللي ما بهدي الكريم تعبان .
كلامي واضح ظنوا #

فوق عشان الزول يقرا