فيها ايه شعب اعتصم

04:56 PM December, 18 2016

سودانيز اون لاين
ابراهيم حسين-جامعة الاحفاد للبنات-قسم نظم المعلومات الادارية
مكتبتى
رابط مختصر

فيها ايه شعب اعتصم
وشال مع قلمو العصا
احنا ما دايرين قصور
احنا بس في حق العشا
نربط في البطون مرة
ومرة نبيت قوة العِشا
داك يفتش في الدواء
حبيبة كايسة حبيب القسا
فيها ايه شعب اعتصم
عبر عن داخلووشعورو
شال بكل رقي وحضارة
شبال هموم كمان امورو
ليه حتي العصيان تجرد
يكفي ماهاميك شرورو
فيها ايه شعب اعتصم
لزم كل واحد حد ديارو
طول من الاطفال قلد
حتي نسي اتفقد لجارو
شبع من حجا امضبيبنة
بلد تايهة وصلة حوارو
وفيها ايه لو للظلم عبر
أنشد بحرية فرح كنارو
فيها ايه شعب اعتصم
طالب بس ابسط حقوق
جلس في الهجيرة مدة
متين عصيانو صبح عقوق
كم شفنا في زمناكم عجب
احلي ما فيكم نكهة فسوق
كارفة من لب الدين لجاية
ماخدة جرح بلدي الحروق
فيها ايه شعب اعتصم
حتي التعب قال واي كفاية
النضم مابجيب معاك نتيجة
اللوح رفض بكت المحاية
ليه حق العصيان تصادر
داير راي المجموع ما برايا
انك ياظلم لازم تستف غرور
تبدا في وطني حلاتها الحكايا
فيها ايه شعب اعتصم
نادي يلا حشود الدك تعالي
نمشي سوا مشوارنا العصير
نشرب من موية النيل حلالي
توزع الدعوات كوب عصير
نشوف زفة النجمة التلالي
يسري نسيم النقاء في وريد
ونبشر مع المحبوب علالي
18 ديسمبر 2016
د. ابراهيم حسين