سوف أقوم مساء اليوم جولة في أسواق وبقالات الخرطوم عن استعدادالمواطنين للاعتصام ففي ليلة الاعتصام السابق ازدحمت الاسواق والبقالات من المواطنين لشراء حوائجهم ٠٠
Post: #2 Title: Re: عصيان يوم (19) من خلال مشاهداتي Author: محمد المسلمي Date: 12-18-2016, 01:20 PM Parent: #1
سوف انقل لكم الأحداث كما هي. دون اي تحيز لن أزيد او أنقص عن الواقع والحقيقة امامي ننقل لكم الواقع من الخرطوم العاصمة من مساء اليوم
---- للعلم انا سوف أواصل عملي المعتاد
Post: #3 Title: Re: عصيان يوم (19) من خلال مشاهداتي Author: محمد المسلمي Date: 12-18-2016, 01:21 PM Parent: #2
ارجوا من الزملاء المتابعة
Post: #4 Title: Re: عصيان يوم (19) من خلال مشاهداتي Author: محمد المسلمي Date: 12-18-2016, 01:25 PM Parent: #3
هذا البوست لاعلاقة له بالحكومة او المعارضة
وإنما بصفتي مواطن وزميل هنا واخلاق المهنة تلزمني ان انقل لكم الأحداث كما هي
Post: #5 Title: Re: عصيان يوم (19) من خلال مشاهداتي Author: الهادي الشغيل Date: 12-18-2016, 01:39 PM Parent: #4
تمام يا مسلمي سنتابع معك وأنت عيننا التي ننظر بها من على البعد للشارع السوداني ويا ليت يكون توثيقك مصوراً مش زي المرة الفاتت كان كلام إنشائي .. متابعين
Post: #6 Title: Re: عصيان يوم (19) من خلال مشاهداتي Author: محمد المسلمي Date: 12-18-2016, 03:23 PM Parent: #5
Quote: تمام يا مسلمي سنتابع معك وأنت عيننا التي ننظر بها من على البعد للشارع السوداني ويا ليت يكون توثيقك مصوراً مش زي المرة الفاتت كان كلام إنشائي .. متابعين
الاخ الحبيب الهادي الشغيل سلام. ولعلك طيب وشاكر مرورك ومتابعتك وسوف انقل. الواقع الحقيقي لكم دون زيادة او نقصان وتكون شهادة والشاهد مؤتمن
----- سوف أقوم بالتصوير لكن اخوك شغال بالتلفون يصعب علي إنزالها في المنبر
Post: #7 Title: Re: عصيان يوم (19) من خلال مشاهداتي Author: محمد على طه الملك Date: 12-18-2016, 03:28 PM Parent: #5
برضو ممكن تفرز لينا المتحركين في الشوارع بسؤالهم إذا كانوا مواطنيين عاديين أم مؤتمر وطني .. لإنو سمعنا أنهم استنفروا ناسهم واجروا حافلات لكي يظهروا للعالم بأنه لا يوجد عضيان .
Post: #8 Title: Re: عصيان يوم (19) من خلال مشاهداتي Author: muntasir Date: 12-18-2016, 03:39 PM Parent: #7
أعمل حسابك وانت بتصور داب تشرح ليهم انت معاهم ولا مع الخيانة نبقى في تضامنوا مع المسلمي
Post: #10 Title: Re: عصيان يوم (19) من خلال مشاهداتي Author: حماد الطاهر عبدالله Date: 12-18-2016, 03:44 PM Parent: #8
الأخ/ المسلمي تحياتي إنت مع الكتال ولا مع الحجاز؟ وفي الحالتين سوي ليك (درقة)..............
Post: #31 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:32 AM Parent: #10
الاخ حمّاد الطاهر. عبدالله سلام
انا. بديكم. الزيت. بس ولا مع ده ولا ده. شاهد. وشايف بيعني
Post: #30 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:30 AM Parent: #8
منتصر. سلام انا بديكم. النجيضة من. غير. صور وبعد. ده الله. يكفينا. شرهم
Post: #9 Title: Re: عصيان يوم (19) من خلال مشاهداتي Author: Munir Date: 12-18-2016, 03:41 PM Parent: #7
مافى شئ بيحدد إن كان العصيان ناجح أو فاشل من مجموعة صور هنا وهناك لأنو أى واحد بيصور النصف العاجبو من الكوب .. المحك الحقيقى هو الكهرباء والموية والإذاعة .. إذا الكهرباء ما قطعت والموية شغالة معناها العصيان نص كُم .. يللا يا مسلمى جيب لينا أخبار الكهرباء والموية ..
Post: #32 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:33 AM Parent: #9
منير. سلام الكهرباء والموية. شغالات لكن. قصة العصيان. بقت حدث. ألبيوت الشارع. المناسبات وعلي. قول. المثل. العيار المايصيب يدوش
Post: #12 Title: Re: عصيان يوم (19) من خلال مشاهداتي Author: عبدالله محمد أحمد Date: 12-18-2016, 03:56 PM Parent: #4
الاخ المسلمي تحياتي. العصيان ليوم واحد. لا اعتقد ان هناك هلع لتخزين مواد تموينية
Post: #33 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:35 AM Parent: #12
Post: #11 Title: Re: عصيان يوم (19) من خلال مشاهداتي Author: محمد فاروق عبدالله Date: 12-18-2016, 03:52 PM Parent: #1
متابع
Post: #13 Title: Re: عصيان يوم (19) من خلال مشاهداتي Author: muntasir Date: 12-18-2016, 04:00 PM Parent: #11
سلام منير انت مع ياتو نص ياخ الكهرباء والموية دي عشرة كيزان بشغلوها والإذاعة دي إلا دبابة ولا كيف
Post: #14 Title: Re: عصيان يوم (19) من خلال مشاهداتي Author: حماد الطاهر عبدالله Date: 12-18-2016, 04:26 PM Parent: #13
واضح انه المقصود ما بعد العصيان .... عشان كده الإستعداد لازم.
Post: #34 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:36 AM Parent: #11
الاخ الحبيب. محمد فاروق. سلام. دعواتك
Post: #15 Title: Re: عصيان يوم (19) من خلال مشاهداتي Author: محمد المسلمي Date: 12-18-2016, 07:10 PM Parent: #1
Quote: ممكن تفرز لينا المتحركين في الشوارع بسؤالهم إذا كانوا مواطنيين عاديين أم مؤتمر وطني .. لإنو سمعنا أنهم استنفروا ناسهم واجروا حافلات لكي يظهروا للعالم بأنه لا يوجد عضيان .
مولانا محمد علي طه للملك سلام ولعلك طيب .٠٠كنت في عزاء خارج الخرطوم اَهلها بسطاء الكل يتحدث عن اعتصام غدا وأنهم لن يتحركوا من بيوتهم عشان خايفين من المشاكل .من ضمنهم طالب جامعي ذكر لي انه لن يذهب الي جامعته استطلعت كمية منهم وأكدوا انهم متابعين وعارفين الاعتصام بكرة وكمان هم في قمة التفاؤل ان الإنقاذ خلاص قربت 🏃🏃🏃🏃
Post: #16 Title: Re: عصيان يوم (19) من خلال مشاهداتي Author: ABDALLAH ABDALLAH Date: 12-18-2016, 09:00 PM Parent: #15
سلام حفيد ,, أبونا الشيخ إبراهيم الكباشى أول بوست أدخله بعد غياب لأكثر من شهرين ,,, قلنا نتبرك بود شيخنا . . كنت فى السودان بعد غيبه طويله ,,, سألت منك سؤال الضهبان أنت وحبيبنا حسين ملاسى كم كنت أود أن ألتقيكما . أرجو أن تنقل لنا بالصوت والصوره العصيان المدنى للشعب السودانى من داخل السودان . يا ود شيخنا , لك ودى .
Post: #17 Title: Re: عصيان يوم (19) من خلال مشاهداتي Author: Omer Abdalla Omer Date: 12-18-2016, 09:28 PM Parent: #16
سلام حفيد ,, أبونا الشيخ إبراهيم الكباشى ___________________________ عند الله و عندو! محمد المسلمي دا ذاتو لسع فيهو بركة ونور جدودو ناس الحبر اب نايبا شبر! مرة مرة اهو بطلع منو نور رغم ضلام وهابيتو! قلنا نسلم عليك و لك التحايا يا وليد ود الشيخ! لكن كان برضو تتضامن مع المساكين الجائعين العاصين امر حاكم حرامي ظالم! تفتكر إنت أخلاق المهنة ما بتتطلب منك التضامن مع الشعب؟
Post: #18 Title: Re: عصيان يوم (19) من خلال مشاهداتي Author: معاوية المدير Date: 12-18-2016, 11:44 PM Parent: #17
سلآمات يا مسلمي.
في إنتظارك يا رجل...
Post: #19 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 07:33 AM Parent: #18
السلام عليكم ياصحاب وشاكر مروركم قمت صباح اليوم بجولة في شارع المدارس. بحري وعدد من المدارس. من الشارع الرئيسي طلاب قليلين عربات ترحيل الطلاب اقل من. النصف لانوجد اي. زحمة يأتيك احساس. ان. اليوم. عطلة. رسمية ٠٠ الشوارع. من بحري الي الخرطوم شبه. فاضية كانك في. عطلة عيد كبري. النيل. الأزرق. لاتوجد. به. اي. زحمة. شارع. الصحافة. مع. طلمبةً الغالي. ( شارع ١٥) اقل من. الجمعة ٠٠شارع السوق الشعبي. عربات قليلة المواطنين الذين كانوا يتجولون برجولهم قليلون جدا جدا
------- ملاحظة عامة اغلب العربات في الشوارع اما عربات نقل ركاب ( حافلات وبصات الوالي) عربات فارهة اما لموظفين في. الدولة او تجار٠حسب راي الشخصي الاعتصام حتي الان ناجح
Post: #20 Title: Re: عصيان يوم (19) من خلال مشاهداتي Author: عبداللطيف خليل محمد على Date: 12-19-2016, 07:55 AM Parent: #19
شكرا جزيلا
ادي فرة تاني و افيدنا بالله ..
Post: #21 Title: Re: عصيان يوم (19) من خلال مشاهداتي Author: خالد العبيد Date: 12-19-2016, 08:57 AM Parent: #20
شكرا يا محمد يا مسلمي اثق جدا في كلامك
Post: #23 Title: Re: عصيان يوم (19) من خلال مشاهداتي Author: محمد عبد الله الامين Date: 12-19-2016, 08:59 AM Parent: #21
الاخ محمد المسلمي رغم انك تؤيد هذا النظام الفاشل ولاكني اثق فيما تنقل لنا من احداث الاعتصام متابع .....
Post: #40 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:43 AM Parent: #23
الاستاذ محمد عبدالله الامين مشكور ياطيب
Post: #39 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:43 AM Parent: #21
الاخ الاستاذ خالد العبيد سلام ولعلك طيب شاكر الثقة منكم وهي شهادة اعتز بها
Post: #38 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:42 AM Parent: #20
الاستاذ عبداللطيف خليل محمد علي. سلام أبشر بدئها ليك لفات
Post: #37 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:41 AM Parent: #18
Post: #36 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:40 AM Parent: #17
حباب الاخ الدكتور عمر عبدالله عمر ولعلك والاسرة بخير ويعلم الله مشتاقون
----- تلفونك ضاع مع التلفون السابق رسل لي في الماسنجر مغروض فيه
Post: #35 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:38 AM Parent: #16
العم عبدالله عبدالله. سلام وحمدلله. علي سلامة عودتك ياليتني التقيت بك. لكن إرادة الله وماعندنا في الطيب نصيب ولو ربنا مد في الأيام. نتقابل
Post: #22 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 08:58 AM Parent: #1
في. سوْال لأحد الأصدقاء الان ذكر انه تحرك من المنطقة الصناعية بحري وحتي الكلاكلة اللفة وصل في نصف ساعة وكان مثل هذا المشوار في الطبيعي معه من كثرة السيارات يصل في ساعة ونصف ٠ سألته وهو ليس بسياسي مواطن عادي السبب. شنو قال لي ان الجماعة قالوا. في إضراب 😂😂🏃
Post: #24 Title: Re: عصيان يوم (19) من خلال مشاهداتي Author: MOHAMMED ELSHEIKH Date: 12-19-2016, 09:01 AM Parent: #22
انت محل ثقتنا يا راجل
يلا خليك عيوننا في شوارع الخرتوم
Post: #25 Title: Re: عصيان يوم (19) من خلال مشاهداتي Author: جمال الباقر Date: 12-19-2016, 09:07 AM Parent: #24
واصل احسبك صادقا هذه المرة نتابع
Post: #42 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:45 AM Parent: #25
جمال الباقر مشكور
Post: #41 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:44 AM Parent: #24
الاخ المهندس محمد الشيخ سلام ومشكور علي ثقتكم وحتي الان العصيان حسب ما اري ناجح
Post: #26 Title: Re: عصيان يوم (19) من خلال مشاهداتي Author: aosman Date: 12-19-2016, 09:09 AM Parent: #1
Quote: إنت مع الكتال ولا مع الحجاز؟
شيخ المسلمي هنا شغال سواق درداقة بس, عليه التوصيل فقط. الأخ محمد المسلمي, أرجو تحديد زمن الزيارة بالضبط, يعني ذكر الساعة والدقيقة, كلم صباح لا تكفي.
Post: #27 Title: Re: عصيان يوم (19) من خلال مشاهداتي Author: أيمن محمود Date: 12-19-2016, 09:10 AM Parent: #26
Post: #28 Title: Re: عصيان يوم (19) من خلال مشاهداتي Author: Abdalla Hussein Date: 12-19-2016, 09:13 AM Parent: #27
شعبا يسوق ولا يساق القومة ليك ياوطنى
Post: #29 Title: Re: عصيان يوم (19) من خلال مشاهداتي Author: عباس الدسيس Date: 12-19-2016, 09:27 AM Parent: #28
حسب متابعتي للمسلمي فهو رجل صادق لا يجامل في مداخلاته بالبورد
Post: #48 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 10:13 AM Parent: #29
الاستاذ عباس الدسيس سلام وشاكر الشهادة منك والثقة ربنا يوفقنا ان نكون كما ذكرت
Post: #59 Title: Re: عصيان يوم (19) من خلال مشاهداتي Author: doma Date: 12-19-2016, 11:03 AM Parent: #29
شاكرين يا ود المسلمي . هذه الحكومه عدوه نفسها لانها ضايقت المساكين الفقراء في لقمه العيش
Post: #45 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:48 AM Parent: #28
عبدالله حسن سلام
Post: #44 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:48 AM Parent: #27
ايمن محمود مشكور للمساهمة
Post: #43 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 09:47 AM Parent: #26
عثمان حبابك أبشر. تأتي نكتب ألزمن
---- اغلب العربات في الشارع حكومة 🏃🏃
Post: #47 Title: Re: عصيان يوم (19) من خلال مشاهداتي Author: ادم شحوتاي Date: 12-19-2016, 10:01 AM Parent: #43
الأخ/ محمد المسلمي نتابع معاك
Post: #49 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 10:13 AM Parent: #47
العمدة آدم شحوتاي سلام وشاكر مرورك
Post: #46 Title: Re: عصيان يوم (19) من خلال مشاهداتي Author: الزبير بشير Date: 12-19-2016, 09:56 AM Parent: #1
حسب متابعتي للمسلمي فهو رجل صادق لا يجامل في مداخلاته بالبورد ------------------------------------------------------------------------ ثقتنا فيك هي مفتاح الاطمئنان علي ما تورده من معلومات نقرأ لك و كلنا ثقه في صدقك ،،،،،،،،، رغم ظلام الوهابيه
سلام ود شيخي الكباشي خصيم السم
الزبير الختمي
Post: #50 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 10:14 AM Parent: #46
الزبير الختمي سلام ولعلك والاسرة بخير
Post: #52 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 10:19 AM Parent: #50
قابلت الان بعض الاخوان قادمون من ام درمان شارع الوادي الي السجانة وصلوا حسب كلامهم في زمن قياسي وان الشارع من ام درمان وعبر الكبري الي الخرطوم وحتي السجانة مافي اي زحمة وسألتهم الحاصل شنو في البلد قالوا البلد فيها عصيان سألتهم اها ناجح ذكروا لي اي ناجح والنَّاس في الشارع مافي
------ الساعة الان 12:30 ظهرا ياعثمان كيف 😂😂😂😂
Post: #51 Title: Re: عصيان يوم (19) من خلال مشاهداتي Author: زهير عثمان حمد Date: 12-19-2016, 10:15 AM Parent: #46
تحياتي أخي الكريم ولكل الاهل كذلك
Post: #53 Title: Re: عصيان يوم (19) من خلال مشاهداتي Author: محمد البشرى الخضر Date: 12-19-2016, 10:20 AM Parent: #51
مشكور ود المسلمي يديك العافية
Post: #128 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 09:21 AM Parent: #53
الاخ مخمدالبشري ابوحتوت تسلم من كل. شر ويحفظك ربي
Post: #54 Title: Re: عصيان يوم (19) من خلال مشاهداتي Author: محمد البشرى الخضر Date: 12-19-2016, 10:20 AM Parent: #51
مشكور ود المسلمي يديك العافية
Post: #55 Title: Re: عصيان يوم (19) من خلال مشاهداتي Author: الهادي الشغيل Date: 12-19-2016, 10:34 AM Parent: #54
المسلمي : اتصالاتنا ببعض الأحباب في الخرطوم بيقولوا أن الحياة طبيعية وليس هناك تغيير
صراحة احترنا ..
Post: #64 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 11:35 AM Parent: #55
الهادي الشغيل المكاتب شغالة السوق فاتح
لكن الشوارع مافيها زحمة وأخوك قاعد في البلد دي شوارع كل يوم انا فيها الاعتصام نجاحه يفوق اكثر من 50/ وده حقيقة وواقع
Post: #62 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 11:33 AM Parent: #54
ودالبشري ياصاحب لعلك طيب
Post: #61 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 11:32 AM Parent: #51
زهير ياصديقي لعلك طيب
Post: #57 Title: Re: عصيان يوم (19) من خلال مشاهداتي Author: محمد إبراهيم علي Date: 12-19-2016, 10:51 AM Parent: #46
المسلمي يا طابور ههههههه
Post: #58 Title: Re: عصيان يوم (19) من خلال مشاهداتي Author: Omer Abdalla Omer Date: 12-19-2016, 11:01 AM Parent: #46
ود المسلمي حبابك و سلام عليك و على ابواتك.. صدق المسنجر ما يصدق معي و لكن هذا عنواني البريدي يمكنك ارسال رسالة بريدية و ارسل لك تلفوني: mailto:[email protected]@bellsouth.net والله مشتاقين و ربنا يجمعنا قريبا جدا بعد زوال هذا الكابوس
Post: #56 Title: Re: عصيان يوم (19) من خلال مشاهداتي Author: الطيب عثمان يوسف Date: 12-19-2016, 10:37 AM Parent: #1
*** الان الساعة 12 ظ طلعت انا من المعمورة بي شارع الستين حتى شارع النيل ومن هناك حتى القصر و الجمهورية أثر الاعتصام واضح جدا في قلة الناس في الشارع وعدم وجود اي ازداحم مروري في كل المناطق الذكرتها .. المحلات التجارية في شارع الجمهورية الشغالة أقل من 30% تقريبا . يوجد ازدحام كالايام العادية في منطقة جامعة الرباط ومستشفى الشرطة عملت من كثير من الاصدقاء الذين اتصلت بهم بان المؤسسات الحكومية اصدرت قرارت صارمة منذ الامس وحذرت موظفيها من مغبة الاعتصام عدد من مدراء المدارس بمختلف مستوياتها وجه الطلاب بضرورة الحضور وعدد آخر نصح الطلاب بالتزام البيوت لحين انجلاء الامر وزارة التربية هددت اصحاب ومدراء المدارس بالذات الخاصة باغلاق المدارس المشاركة في الاعتصام واتخاذ اجراءات في مواجهتهم اقلها عدم تجديد مزاولة النشاط العام القادم .
*** لدي مجموعة صور ما قادر انزلها لضعف خدمة الانترنت تضمنت عدد كبير من المحلات بشارع الجمهورية واخرى تعكس مستوى حركة والناس و السيارات في شارع القصر و النيل و الجمهورية وامام جامعة الرباط . *** لا وجود لمظهر عربات الشرطة منتشرة بصورة غير عادية وإن كنت على يقين بأن هناك العديد من الجهات الامنية بتكون منتشرة بالزي المدني .
....................سلام وتحايا وبعد اذنك يا المسلمي...........
Post: #60 Title: Re: عصيان يوم (19) من خلال مشاهداتي Author: محمد على طه الملك Date: 12-19-2016, 11:06 AM Parent: #56
Post: #67 Title: Re: عصيان يوم (19) من خلال مشاهداتي Author: الوليد محمد Date: 12-19-2016, 11:40 AM Parent: #60
والله ما عارفين نصدق منو و نكذب منو لكن النجيضة انا ما بصدق الكيزان ومشاهدات المسلمي الفوق دي ما اقنعتني ما عارف ليه
Post: #99 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:23 AM Parent: #67
الوليد محمد سلام نقلت لك الحقيقة مجردة تقبل ترفض شان يخصك
Post: #68 Title: Re: عصيان يوم (19) من خلال مشاهداتي Author: بدرالدين بابكر مصطفى Date: 12-19-2016, 11:41 AM Parent: #60
تحياتي المسلمي وضيوفه والتحايا الزاكيات للشعب العظيم .. دا كان يحصل من زمان .. أسلوب راقي ومحترم لا يوسخ إيديك ولا يغلت عليك حتى لو فشل فهو تمرين جيد للشعب عشان يتهيأ للحظة المناسبة
Post: #100 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:25 AM Parent: #68
بدرالدين بابكر مصطفي شاكر مرورك الاعتصام حسب مارايت كان واضح وصريح من خلال مشاهداتي وانا في نفس المواقع قبل يوم الاعتصام
Post: #69 Title: Re: عصيان يوم (19) من خلال مشاهداتي Author: doma Date: 12-19-2016, 11:42 AM Parent: #60
شكرا للاحباب الذين نقلوا الخبر بحياد تام. ونعم صدر تحذيرللناس بعدم الغياب وما يترتب عليه وهذا ما جعل الكثيرين يمتثلون للذهاب للعمل خوفا من المترتبات الماديه عليهم كا صحاب المدارس الخاصه
Post: #101 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:26 AM Parent: #69
ماما دوما سلام ولعلك والأولاد طيبين لن ننقل لكم الا ماراينا بعيننا الواقع والحقيقة
Post: #138 Title: Re: عصيان يوم (19) من خلال مشاهداتي Author: doma Date: 12-21-2016, 00:36 AM Parent: #101
شكرا يا ابني العزيز الناس لا يريدون غير الحقيقه التي اصبحت متعيه في هذا الزمان الخرب لمن يقلها.
Post: #70 Title: Re: عصيان يوم (19) من خلال مشاهداتي Author: ودقاسم Date: 12-19-2016, 11:46 AM Parent: #60
أحيي الأخ محمد المسلمي تحية صدق على مهنيته العالية .. ومنذ الأمس وأنا أراقب هذا البوست .. وقد قلت أن محمد لا يستطيع أن يرضي ود الباوقة ووائل وجماعتهم وقد اعتادوا تبادل صفة المجاهد مع مسلمي ، لكنهم لم يجودوا بها عليه اليوم ... ويرضي في نفس الوقت أهل المعارضة ولكثرتهم أذكر محمد الملك والدسيس من الذين تداخلوا هنا ، لذا فهو لن يجافي الحقيقة .. المشكلة أن المسلمي كان يعده بعض الناس عدوا ، وبعضهم يعده مقربا .. ويعضهم يتهمه بالعمالة .. ولكن كل هذه المجموعات تقف ضد المسلمي إذا لم يصادف قوله هواها فاليوم المسلمي مقرب من أهل العصيان ، وعدو لل ( المجاهدين ) .. والغريب أن الزبير الختمي أيضا يهلل لمحمد المسلمي لأنه تحدث عن نجاح العصيان ، بالرغم من أن جماعة السيد يعادون العصيان وقد تحدث ممثلهم أحمد علي ابةبكر في احتفال البرلمان ، وأشاد بالرئيس حتى كاد يقول لنا اتركوه يحكمكم باقي عمركم وتناسوا حتى الحوار .. وللفائدة فإن هذا الوضع عام في هذا المنبر ، يعادونك لأتفه الأسباب ويحبونك لأتفهها أيضا .. وهكذا نحن ، إما عداء محكم أو موالاة محكمة .. لا أعلم كيف تمددت فينا فكرة الزواج الكاثوليكي .. بالمناسبة أنا في الخرطوم لكني لم أخرج من منزلي لآتيكم بنبأ ..
Post: #102 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:27 AM Parent: #70
Post: #71 Title: Re: عصيان يوم (19) من خلال مشاهداتي Author: عمر التاج Date: 12-19-2016, 11:48 AM Parent: #60
المسلمي سلامات شغلك نضيف وموضوعي وكده حا تطلع من اللستة
.. بس كبرتها شوية
Post: #103 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:29 AM Parent: #71
الاستاذ عمر التاج سلام غايتوا لو ناس الاعتصام يحسبوا صاح حسب مارايت عليهم تجهيز ثم ماذا بعد ذلك
------- غايتوا شوف العين الزحمة في العربات والنَّاس مقارنة بالطبيعي الاعتصام ناجح ناجح
Post: #63 Title: Re: عصيان يوم (19) من خلال مشاهداتي Author: ياسر منصور عثمان Date: 12-19-2016, 11:33 AM Parent: #1
سلام شيخنا ود المسلمي
احترنا وحار دليلنا بعض الثقات قالوا الحركة عادية وبعضهم الآخر قال ما عادية
يمكن الوضع مختلف من منطقة لاخرى
مع ودي
Post: #65 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 11:38 AM Parent: #63
جنابو الطيب عثمان سلام لعلك طيب البوست حقك نزل اي شي هنا
---- والله ليك وحشة بركة الظهرت
Post: #104 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:30 AM Parent: #63
الاستاذ ياسر عثمان منصور سلام انا تحدثت عن الشارع العام وزحمة السيارات والنَّاس المتواجدة يوميا في نفس المكان . أمس كأنوا شبه مختفيين وكانهم في اجازة عيد عديل
Post: #66 Title: Re: عصيان يوم (19) من خلال مشاهداتي Author: محمد فاروق عبدالله Date: 12-19-2016, 11:38 AM Parent: #1
شكرا جزيلا أستاذنا المسلمي على تنويرنا
Post: #72 Title: Re: عصيان يوم (19) من خلال مشاهداتي Author: خالد العبيد Date: 12-19-2016, 12:09 PM Parent: #66
المشكلة أن المسلمي كان يعده بعض الناس عدوا ، وبعضهم يعده مقربا .. ويعضهم يتهمه بالعمالة .. ---------------------------- سلام صديقي ودقاسم وانا كنت منهم .. بكل اسف ولكن قلبي كان يحدثني انه ليس كذلك التقيته قبل سنوات في منزله العامر ووجدت نعم الرجل . انسان خلوق ومهذب واكرمني ايما كرم ووجدت نفسي في منزلي وبين اهلي ولا زلت اذكر تفاصيل منزله العامر بدقة وابناء اسرته الذين تحلقوا حولي في وجبة الغداء وحين دخلت هذا البوست كنت على يقين بانه سيكون صادقا في كل كلمة يقولها ..
Post: #105 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:32 AM Parent: #72
الحبيب خالد العبيد يعلم الله انت ابن السودان البار مهموم بقضايا المواطن السوداني وتتمني له السمح لو كان كل السودانين مثلك لكان السودان غير سعدت جدا جدا بمعرفتك ورؤيتك كن كما تحب ياطيب
Post: #73 Title: Re: عصيان يوم (19) من خلال مشاهداتي Author: MOHAMMED ELSHEIKH Date: 12-19-2016, 12:11 PM Parent: #66
اظن المسلمي واقف في النص بين المعارضة والحكومة. ناس الحكومة يشوفوهو مع المعارضة وناس المعارضة مع الحكومة . والا ما كدى؟
Post: #74 Title: Re: عصيان يوم (19) من خلال مشاهداتي Author: معتصم سليمان كاشف Date: 12-19-2016, 12:20 PM Parent: #73
شكرا للصحفي المسلمى... وعدت ونفذت وعدك واصل ونحن نتابع... بس فى احداث تانى جاية فى الطريق ..برضو خليك قريب تحياتى
Post: #107 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:35 AM Parent: #74
الاستاذ معتصم سليمان كاشف شاكر مرورك وثقتك
Post: #75 Title: Re: عصيان يوم (19) من خلال مشاهداتي Author: ادم شحوتاي Date: 12-19-2016, 12:31 PM Parent: #73
الأخ محمد المسلمي تعامل مع هذا البوست بالمهنية ليس الا .
Post: #76 Title: Re: عصيان يوم (19) من خلال مشاهداتي Author: عباس الدسيس Date: 12-19-2016, 02:17 PM Parent: #75
Quote: ود الباوقة ووائل وجماعتهم وقد اعتادوا تبادل صفة المجاهد مع مسلمي ، لكنهم لم يجودوا بها عليه اليوم ... ويرضي في نفس الوقت أهل المعارضة ولكثرتهم أذكر محمد الملك والدسيس .
ود قاسم سلام يا حبيبنا اهلنا الصوفيه اجبروك بالاحترام بغض النظر عن موقف المسلمي من العصيان المسلمي رجل محتترم وكفاية شهادة خالد عبيد لو قلبته البورد دا من اولو لي اخرو ما بتلقي لي مداخله شينه او مخاشنه مع المسلمي المسلمي راجل عينو ملانه ما بشبه الكيزان الارزقيه الهنا ووجهة نظرو بقولها لو ضد المعارضة او معها بصدق والحكومة بتجري بوراء اولاد الكباشي وجميع الصوفية للكسب السياسي لاحظ لنهايات حكومة البشير التاريخ يعيد نفسو ايام نميري الاخيرة فقد الدعم من الشعب اتلصق في الصوفيه وعمل درويش برضو ما بحل البشير تحياتي وتقديري
Post: #77 Title: Re: عصيان يوم (19) من خلال مشاهداتي Author: درديري كباشي Date: 12-19-2016, 02:29 PM Parent: #76
مشكور يا مسلمي على التنوير ونهنيك على الثقة التي اكتسبتها
دائما كما يقال
اتبع الحق يتبعك أهله
Post: #110 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:37 AM Parent: #77
الاستاذ درديري كباشي تسلم ياحبيب وكتر خيرك علي الثقة
Post: #78 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 02:34 PM Parent: #76
سلام يا اخوان مرة اخري الان الساعة 30:4المكان شارع الحرية الكبري الطائر الجديد في الأيام السابقة يكون من أوله حتي كبري شارع الحرية القديم ولو بإسعاف ماتقدر تطلع الان الاتجاه نحو وسط الخرطوم يكون أمامك عشرة سيارات وقطعت المسافة كلها داخل شارع الحرية مع الزحمة حقت المواطن برجوله كان اليوم جمعة
---- انا اكتب الذي أراه بعيني وانا من معتادي هذا الطريق
Post: #79 Title: Re: عصيان يوم (19) من خلال مشاهداتي Author: محمد المسلمي Date: 12-19-2016, 02:40 PM Parent: #78
الان شارع القصر مع الجمهورية فيه عربات زحمة لكنها ليست كالايام السابقة وأكثر من الاعتصام السابق بشوية وللعلم المفروض الزحمة والوقت كل الناس انتهاء الدوام ----- انقل من واقع وشوارع ارتادها يوميا
Post: #80 Title: Re: عصيان يوم (19) من خلال مشاهداتي Author: muntasir Date: 12-19-2016, 02:40 PM Parent: #78
يا مسلمي ياخ ما تاخد لينا معاك الأرشيدوق ده سحبة في الكباري دي ياخ الليلة فات عبادي في كمية البوستات
Post: #82 Title: Re: عصيان يوم (19) من خلال مشاهداتي Author: Haytham Ghaly Date: 12-19-2016, 03:10 PM Parent: #80
يا مسلمي ياخ ما تاخد لينا معاك الأرشيدوق ده سحبة في الكباري دي ياخ الليلة فات عبادي في كمية البوستات ---------------- ههههههههههههه والله يا منتصر الليلة الأرشيدوق قلب الهوبة عدييييل
---------------
تحياتي يا مسلمي وشكراً على النقل بمهنية عالية وصادقة وشكراً لجنابو برضو ما قصر نقل ما رآه بصدق دون مواربة
تحياتي للجميع
Post: #111 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:38 AM Parent: #82
الدكتور هيثم غالي شاكر مرورك ياحبيب
Post: #81 Title: Re: عصيان يوم (19) من خلال مشاهداتي Author: elhilayla Date: 12-19-2016, 02:58 PM Parent: #78
شكراً المسلمي أثق ثقة عمياء في شخصك وأرجو أن تواصل المشوار مشكور مرة أخري على الجهد المضنى _ الحليلة
Post: #83 Title: Re: عصيان يوم (19) من خلال مشاهداتي Author: فيصل محمد خليل Date: 12-19-2016, 04:01 PM Parent: #81
شوف يا ود المسلمي لو ما قلت كلام كويس و في صالح العصيان بنرجع بتّنا
.......... مسكاجرو
Post: #85 Title: Re: عصيان يوم (19) من خلال مشاهداتي Author: Hussein Mussa Date: 12-19-2016, 04:30 PM Parent: #83
محمد كلامك دا مهم جدا غازي العتباني وحسن مكي اولاد حلتي ابروف بنعرف بعض جيدا...بالمناسبة عمك محمد مزوجك رابعةعمتي الله يرحمها..
Post: #86 Title: Re: عصيان يوم (19) من خلال مشاهداتي Author: ودقاسم Date: 12-19-2016, 04:58 PM Parent: #85
حسن مكي من ابروف ؟؟؟؟
Post: #114 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:41 AM Parent: #85
Post: #113 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:40 AM Parent: #83
فيصل محمد خليل ياحبيبنا مسكاجروا ننقل لكم الحق وأبشرك من رويتي الاعتصام ناجح ناجح
Post: #84 Title: Re: عصيان يوم (19) من خلال مشاهداتي Author: Nasr Date: 12-19-2016, 04:23 PM Parent: #81
لك من الشكر أجزله وفي ميزان حسانتك إن شاء الله
المجد لشباب الإعتصام المجد لشعب السودان معلم الشعوب
Post: #87 Title: Re: عصيان يوم (19) من خلال مشاهداتي Author: Munir Date: 12-19-2016, 05:18 PM Parent: #84
بالله دى حالة دى ؟... يعنى ياجماعة منتظرين مسلمى أو ملاسى أو جادات يجيبوا أخبار الشوارع ؟؟؟ أها فى الآخربعدما أخونا المسلمى لقط اللايكات قال النتييجة ٥٠/٥٠ يعنى فيفتى فيفتى يعنى درون .. ياجماعة تلفون أوتلفونين لأهلك أو أصحابك يدوك النجيضة مباشرة ــ وهم أقرب الذين تثق فيهم بحق ــ .. الجلدنة لزومها شنو ؟؟ !!!..
Post: #117 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:43 AM Parent: #87
دكتور منير سلام ولعلك طيب يعلم الله نقلت لكم الحقيقة لاينكرها الا صاحب غرض
Post: #126 Title: Re: عصيان يوم (19) من خلال مشاهداتي Author: عبدالقادر علي عبدالرحيم Date: 12-20-2016, 09:09 AM Parent: #117
الاستاذ /المسلمي
صباحك خير
هل ممكن تعطينا تقرير صغير عن الاعتصام في مدن الاقاليم من خلال اية اتصالات اجريتعا مع معارف او اصدقاء
مع شكري
Post: #129 Title: Re: عصيان يوم (19) من خلال مشاهداتي Author: محمد الزبير محمود Date: 12-20-2016, 09:34 AM Parent: #87
Quote: ثقتنا فيك هي مفتاح الاطمئنان علي ما تورده من معلومات نقرأ لك و كلنا ثقه في صدقك ،،،،،،،،، رغم ظلام الوهابيه
الزبير أبوي الختمي لك التحية يا أخي مش قلتو عندكم اولياء بيتصرفوا في الكون ؟؟ يا أخي بالله كلمهم يخسفوا بالكيزان والوهابية ويريحونا من الاعتصام والانقلابات والاضراب !!! أها شيخ جعفر كيف ، سلامي الكتير ليهو ؟؟ تحياتي
Post: #135 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 12:58 PM Parent: #129
شيخنا محمد الزبير محمود السلام عليكم ورحمة الله لعلك والاسرة بخير
---- الزبير الختمي ناسه بقوا كيزان عديل 😂😂😂😂
Post: #115 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:42 AM Parent: #84
ناصر شاكر مرورك وثقتك الغالية
Post: #112 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:39 AM Parent: #81
الاخ زين العابدين الحليلة تسلم يااخوي علي الثقة التي توجتني بها
Post: #109 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:37 AM Parent: #76
الاستاذ الغالي عباس الدسيس تسلم يارائع ياطيب وربنا يوفقنا علي هذه الثقة التي منحتوني إياها
Post: #108 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:36 AM Parent: #75
العمدة آدم شحوتاي سلام يازعيم ولعلك طيب ننقل لكم ماشهدنا عليه والشاهد مؤتمن كماورد في الأثر
Post: #106 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:34 AM Parent: #73
المهندس محمد الشيخ سلام انا نقلت الحاصل لو الحكومة تسمع كلامي عليها اعادة النظر في كيفية الحكم ولو المعارضة تسمع كلامي العصيان ناجح وعليهم الاستعداد لنري منهم ثم ماذا بعد ذلك
Post: #88 Title: Re: عصيان يوم (19) من خلال مشاهداتي Author: عبدالله محمد أحمد Date: 12-19-2016, 05:23 PM Parent: #66
الاخ المسلمي السلام عليكم و رحمة الله. و انا في العقد السابع من عمري علمتني تجربتي السياسية ان احترم المبدأ الذي يحمله اي انسان طالما كان هذا الانسان صادقا مع نفسه و غير غريب عنها. لك كل الحق ان تختار الوجهة التي تريدها ما دام ان لك قناعة بانك تنشد الخير للناس و لا شئ غيره. باختصار لك تحياتي و لك كل الود و التقدير على المجهود الذي بذلته و كلنا امل ان تكون عيننا التي نرى بها اهلنا على حقيقتهم و نحن في بلاد طيرها عجمي.
Post: #89 Title: Re: عصيان يوم (19) من خلال مشاهداتي Author: جلالدونا Date: 12-19-2016, 05:36 PM Parent: #88
شكرا يا مسلمّى و اهنيك على مهنيتك ___ شيخ منير بصراحة انتا اليومين ديل ماك ياكا
Post: #90 Title: Re: عصيان يوم (19) من خلال مشاهداتي Author: عبدالكريم أحمد الامين Date: 12-19-2016, 06:05 PM Parent: #89
*ود المسلمي..محمد* *التحيه والتجله وأنت تنقل وقائع ماشاهدته وتنكره بعض الجهات الحكوميه* *مساء الأحد وعند الساعه الواحده صباحاً ظلت عربات نواب المجلس اللاوطنى تتوافد على المجلس وذلك لإنعقاد إجتماع طارئ* *صباح اليوم الإثنين ظلت شوارع بحرى التى تزدحم بالقادمين من أمدرمان بكبرى الحلفايا والمك نمر شبه خاليه,, شارع المعونه يمكنك أن تنام فيه* *مفوضية الشباب والرياضه بجوار استاد التحرير من الصباح ساوند سيستم ومشغلين قيقم الى العاشره صباحاً مما جعل أهل الحى يستغرشون * ## لزم الشعب الفضل مُلهم الشعوب لكيفية إدارة الثورات والإنتفاضات وسُبل تغيير الفاسدين والديكتاتوريه فى مسعاه ## ** العصيان الغرض منه كسر حــاجــز الخوووف من حكومة الفساد والإفساد ,, فالشكر أجزله للشباب الذين قادوا هذا العمل الراقى وشكراً لك ود المسلمي** @الوقائع أعلاه أنقلها كشاهد عيان من أرض الحدث@ (اللهم أنقذنا مِمن أتوا لإنقاذنا) (ودام الود بيننا فى وطن خالى من الفساد والإفساد والمُتاجرين بالدين)
Post: #118 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:45 AM Parent: #90
الاستاذ عبدالكريم احمد الامين سلام وحمدلله علي السلامة ونقلك لهذا الواقع يحزن الآخرين الذين يريدون ان يغطوا الشمس من الشروق
Post: #91 Title: Re: عصيان يوم (19) من خلال مشاهداتي Author: Munir Date: 12-19-2016, 06:06 PM Parent: #89
جلالدونا .. أنا حالى فى حاله .. بس مستغرب .. مسلمى ده مش الزمن كله شابكنه إستحى وإختشى وبيوت أشباح وصلاح قوش وووو؟؟ عشان قال العصيان ناجح الرأى إنقلب ١٨٠ درجة؟ أهو ملاسى بهناك برضو جاب رأى مغاير .. إشمعنى سمع كلام فارغ؟ .. فى هوس حاصل ليس إلاّ والناس تميل لتصديق ماتشتهى .. عشان كده قلت ليكم أى واحد تهمه الأخبار ممن يثق فيهم يتصل طوالى بالتلفون لأقرب الناس ليهو ويسأله .. دى هسه حتاجة شحتفة وحراق روح وصراع مع الناس ؟؟؟ .. أنا قرأت فى إحدى الصفحات أن أنصار العصيان بيصوروا العربات جنب إشارة المرور قبلما الإشارة تفتح ويصوروا الشارع فاضى وينشروه بإعتبار العصيان ناجح ..والذين ضد العصيان يصوروا بعدما الإشارة تفتح ويصووروا تدافع العربات وينشروه بإعتبار العصيان فاشل ..
Post: #92 Title: Re: عصيان يوم (19) من خلال مشاهداتي Author: د.محمد حسن Date: 12-19-2016, 07:32 PM Parent: #91
الاخ الكريم محمد المسلمي
بغض النظر على اي ضفة من النهر تقف ولكني احترمك
Post: #93 Title: Re: عصيان يوم (19) من خلال مشاهداتي Author: محمد على طه الملك Date: 12-19-2016, 10:21 PM Parent: #92
قد يكون العصيان بمقياس الاعلام النظري أقل نجاحا مما سبقه .. ولكنه من حيث غايته فهو ناجح 100% .. واستند في تقديري لا إلي حركة الشوارع كما افترض النظام وهلل سدنته .. بل على عدد جموع الذين تعاملوا مع مكاتب الدولة ودعموا إيراداتها اليومية .. من الواضح أن مكاتب الدولة في هذا اليوم ظلت تهش الذباب . قرأت تعليقات ظريفة على أحداث اليوم منها ..
Quote: منعو التصوير في الشوارع .. باعوا لافتتات للحافلات .. هكروا الحسابات .. رسايل تهديديه للموظفين .. فتاوي تحريم و خطب بالجوامع .. لستة حضور و غياب .. اعلانات باحتفالات و مهرجانات .. اعلانات في الجرايد و التلفزيون بانو يوم 19 دوام رسمي.. صادروا جرايد .. قفلو محطة تلفزيون .. استنفار عام من اجهزة الامن ..
ويجي واحد ظريف يقول ليك العصيان ما مؤثر .. بعد دا الا يعلنوا الحرب العالمية
وعلق آخر
Quote: والله الايام دى شوية الكيزان الفى البلد فتروا حايمين بيهم زى استارتر اللمبة يفكوهم من استاد ويركبوهم فى استاد.. غايتو السواهو العصيان فى الناس دى ليوم الدين تانى ما يمرق.. #العصيان_المدني_السوداني_19ديسمبر
Post: #94 Title: Re: عصيان يوم (19) من خلال مشاهداتي Author: Munir Date: 12-20-2016, 00:37 AM Parent: #93
العزيز محمدعلى طه الملك آسف لو نناقضت إسستنتاجك بهذه الطرفة.. زمان نميرى كان ابتكر يوم عمل سماهو يوم الإنتاج .. وهو أن العاملين بالدولة فى يوم الإنتاج يواصلوا الشغل لغاية الساعة ٥ مساء لأجل زيادة الإنتاج ... فعندى صاحبى ساخر جداً فضحك من ذلك وقال والله ناس النقل النهرى والنقل الميكانيكى ديل حقو يوم الإنتاج يفكوهم بيوت من الساعة ١٠ صباحاً عشان الإنتاج يزيد .. هههه .. فياعزيزى بالنسبة للخدمة المدنية فإنها أصبحت مترهلة ومؤسسات إعااشة فقط للعاملين ... يعنى الناس تمشى المكاتب وتضرب كندشة الحكومة و تقضى اليوم ونسة وشاى وآخر الشهر تقبض الماهية .. تجى تغضى غرض يقولوا ليك تعال بكرة .. فعمال زى ديل لو أضربوا يوفروا للحكومة بسبب الإستقطاعات والرفد .. الحكومة فقط بتتضايق من الصيت السياسى للعصيان وتداوله فى الميديا العالمية .. وباالنسبة ليها العصيان أفضل من المظاهرات لأنه يوفر الجهود الأمنية والتكلفة الأخلاقية التى ينتجها العنف ... المهم مفروض العصيان يكون أداة تضامن توحد الشعب وتجعله يحس بأنه كتلة واحدة فى مواجهة السلطة .. فهل تحقق هذا الهدف؟؟؟ .. ذلك سؤال يجبب عليه العصيان الجااى ..
Post: #95 Title: Re: عصيان يوم (19) من خلال مشاهداتي Author: محمد على طه الملك Date: 12-20-2016, 05:07 AM Parent: #94
Quote: المهم مفروض العصيان يكون أداة تضامن توحد الشعب وتجعله يحس بأنه كتلة واحدة فى مواجهة السلطة .. فهل تحقق هذا الهدف؟؟؟
سلامات يا منير .. أظنك تتفق معي أن العصيان الهدف منه استهداف الحكومة كمؤسسات واضعاف مواردها .. أما حكاية العصيان يكون وسيلة لضمان توحد الشعب في كتلة واحدة فهذا أمر إن لم يكن مستبعد فهو غير دقيق .. لأن نظام الحكم نظام شمولي يستند إلى قاعدة من الجماهير الموالية له .. إذن في كل الأحوال لن يوحد العصيان الشعب ولكن قد يستقطب الأغلبية التي تفقد النظام شرعيته وهو المراد . هذا من ناحية نظرية أما من حيث الواقع فالنظام فاقد لاغلبيته الشعبية منذ ميلاده ويوازنها بالقوة العسكرية وقهر السلطة .. لذا أبدع هؤلاء الشباب عندما تخيروا العصيان بحسبانه السلاح الوحيد الذي يبطل لغة الرصاص ويخذل قبضة السجان .. ليجد الحكام أنفسهم في مواجهة حركة أبطلت فعالية السلاح الذي يعتمدون عليه .. فلم يجدوا بين أيديهم غير هؤلاء الذين شحنوهم في الشاحنات وداروا بهم كأهل السيرة من شارع لاستاد كما صور صاحب الطرفة.
Post: #96 Title: Re: عصيان يوم (19) من خلال مشاهداتي Author: الشفيع وراق عبد الرحمن Date: 12-20-2016, 05:30 AM Parent: #95
الف مبروك شيخنا المسلمي
Post: #97 Title: Re: عصيان يوم (19) من خلال مشاهداتي Author: محمد على طه الملك Date: 12-20-2016, 06:00 AM Parent: #96
ههههه سلامات يا وراق .. مالك عليهو حاسد ولّ بغران ؟ انت ذاتك لو قربت أو التزمت الحياد الايجابي برحبو بيك .. شفت السودانيين ديل رائعيين كيف.
Post: #98 Title: Re: عصيان يوم (19) من خلال مشاهداتي Author: حسن محمد عمر Date: 12-20-2016, 06:49 AM Parent: #97
خونا / محمد المسلمى أولاً لك الشكر نورتنا وعن نجاح العصيان أوفشله لا يمكن أن نقيسه بحركة المواطنين كثرتهم أوقلتهم فى الشارع لسبب بسيط أن المواطن ربما فضل البقاء فى بيته وترقب الوضع حتى آخر النهار مضحياً بيوم عمل خشية مالايحمد عقباه والباب البجيب الريح السؤال ياأستاذ هل هناك شىء غير طبيعى بمعنى المحلات مفتوحة وبتقدم خدماتها عادى المطاعم الدكاكين المدارس ستات الشاى أكشك الجرايد لوفى جرايد زاتوو ستات الكسرة والفول المدمس الباعة المتجولين طلمبات البنزين كل الحتات دى لو فاتحة وتعمل بشكل طبيعى يبقى العصيان والعكاكيز فى رؤوسنا بس ننتظر يوم 19/ديسمبر 2017م القادم . ومشكور على الجولة أهو على الأقل لقيت شوارع خفيفة الحركة وأستمتعت بالخروج والعودة المجانية من غير ضغط على الأعصاب ومتاعب الطريق وتسلم بالمناسبة يااحوانا وين أخونا الأستاذ / صلاح جادات ياريت يدينا إفادة عن العصيان
Post: #121 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:50 AM Parent: #98
الاستاذ حسن محمد عمر سلام لم يكن هنالك اعتصام بصورتك أعلاه ولو وصل الي هذه المرحلة لأعلن البشير تخليه عن السلطة او قال الان فهمتكم 😂😂
----- ماحدث اعتصام نفذه البعض وتركه البعض يعتبر نجاح المعارضة وعلي الدولة اعادة النظر في قرارتها وماتعمل رايحة
Post: #120 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:47 AM Parent: #96
المهندس الشفيع وراق سلام كلم الجماعة مايعملوا رايحين من الاعتصام ده 😂😂😂
Post: #119 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:46 AM Parent: #92
دكتور محمد حسن سلام مشكور يادكتور واحترامك لنا هو طيب اصلك وعلمك الوافر الذي ينفع الناس
Post: #122 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:53 AM Parent: #89
الاخ الاستاذ جلالدونا سلام حياك الله ياطيب
Post: #116 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 07:42 AM Parent: #88
عمنا عبدالله محمداحمد مرورك هنا وشهادتك شرف لنا اعتز بها
Post: #123 Title: Re: عصيان يوم (19) من خلال مشاهداتي Author: Kostawi Date: 12-20-2016, 08:51 AM Parent: #116
أحترم الشفافية شكرا
Post: #124 Title: Re: عصيان يوم (19) من خلال مشاهداتي Author: MOHAMMED ELSHEIKH Date: 12-20-2016, 09:01 AM Parent: #123
بس ناس المنبر باطيافة المختلفة حمولك مسئولية كبيرة اتمنى ان يوفقك الله في أدائها
تحياتي
Post: #125 Title: Re: عصيان يوم (19) من خلال مشاهداتي Author: Kostawi Date: 12-20-2016, 09:04 AM Parent: #124
Post: #127 Title: Re: عصيان يوم (19) من خلال مشاهداتي Author: محمد المسلمي Date: 12-20-2016, 09:19 AM Parent: #1
الاخ المهندس محمد ابراهيم علي سلام
---- نيران صديقة 😂😂😂😂
Post: #130 Title: Re: عصيان يوم (19) من خلال مشاهداتي Author: عثمان حسن عثمان Date: 12-20-2016, 09:38 AM Parent: #127
أخي محمد المسلمي أشيد بمهنيتك و بصدقك. و طالما أنت نسيبنا أقول لك مسكاكقنا.
Post: #131 Title: Re: عصيان يوم (19) من خلال مشاهداتي Author: عثمان حسن عثمان Date: 12-20-2016, 09:38 AM Parent: #127
أخي محمد المسلمي أشيد بمهنيتك و بصدقك. و طالما أنت نسيبنا أقول لك مسكاكقنا.
Post: #133 Title: Re: عصيان يوم (19) من خلال مشاهداتي Author: Munir Date: 12-20-2016, 11:13 AM Parent: #131
سلام مربع يا محمدعلى طه الملك.... موارد شنو الـ حيضعفها العصيان .؟. أول شئ دواوين الحكومة دى معظمها عالة على الخزينة .. يعنى وديعة مليارية واحدة من الخارج تتعتبر مورد أكتر من شغل سنة فى دولاب الحكومة المنفس .. وحالياً إحتمال أى قروش بتجى من برة بتمشى مرتبات وأمن .. أنا قلت العصيان يخلق حالة تضامنية بين الناس الغاضبين من السلطة بمختلف توجهاتهم .. فلو كنت تظن أن العصيان لن يحقق هذه الحالة فيبقى ما جدواه؟؟ .. تضامنية الناس هو شعورهم أنهم فى مركب واحد بحيث يصبح ذلك حشد للجماهير وبذا عندما يخرج فى إنتفاضة يكون طالع بوجدان متحد متضامن .. وأصلاً لو الإعتصام ــ أو العصيان ــ لن يتطور لإنتفاضة بعد فترة الحضانة بتاعته داخل البيوت، فلن تكون هناك جدوى منه .. الحكومة دى لن تتنحى بحردان الجماهير .. لازم دم غزير يسيل وتهتز البلاد حتين يتحرك الجيش للسيطرة على الأمر حين يزداد الموت فوق الإحتمال .. والمشوار العنيف ــ بتاع المظاهرات ــ زاتو دربه طويل .. فعندما بدأت المظاهرات العنيفة ضد نميرى وشارع المدارس ده فى الشعبية كان بمتلئ كوامر الإحتياطى المركزى والبمبان يدخل للناس فى البيوت نحن كنا فى الشعبية الإبتدائية .. عليك أمان الله الشغل ده إستمر معانا للأميرية ثم بحرى الحكوومية لغــــــاية ما فى الآخر بعد خراج روح نميرى سقط ونحن فى الجامعة !!!..
Post: #132 Title: Re: عصيان يوم (19) من خلال مشاهداتي Author: محمد مجيدو Date: 12-20-2016, 11:10 AM Parent: #1
الشيخ المسلمي .. وضيوفك .. سلام
انا لي كم يوم براقب المنبر .. وما داير اعلق على اي بوست .. بس بوستيك دا .. قطع لي اعتصامي .. وقلت اسلم عليك ... واحييك على شجاعتك وغيرتك الوطنية ... وربنا يوفقك لمافيه خير العباد والبلاد ...
تحياتي ,, عااالم بطاالـــــــــــــــــة
Post: #134 Title: Re: عصيان يوم (19) من خلال مشاهداتي Author: Munir Date: 12-20-2016, 12:50 PM Parent: #132
Quote: الزبير أبوي الختمي لك التحية يا أخي مش قلتو عندكم اولياء بيتصرفوا في الكون ؟؟ يا أخي بالله كلمهم يخسفوا بالكيزان والوهابية ويريحونا من الاعتصام والانقلابات والاضراب !!!
الأخ محمد الزبير محمود ..
مش برضو ممكن سؤالك يكون لماذا الله الكبير ذاتو ما خسف بالكيزان وإسرائيل زاتها ويريح النااس منهم؟... أو يزيل الشر كله من وجه الأرض ؟؟ ...
الجواب إنهم لا يريدون مالا يريد ....
سؤال وهابى تيبيكالأصل ... 😏
Post: #136 Title: Re: عصيان يوم (19) من خلال مشاهداتي Author: محمد على طه الملك Date: 12-20-2016, 01:26 PM Parent: #134
كيفك يا منير .. بند القروض اتقفل يا عزيزي ؤ دليلي اقتراح حمدي ليهم برهن أصول الدولة .. أيو والله الحالة وصلت بيهم يرهنو الدولة !!! أوافقك العصيان ما بسقط النظام ولكن بهيئ الأغلبية ويدفعها للمواجهة ودي لابد حاصلة ولو بعد حين.. الثورة بتكون بيضاء لما الحاكم بكون عاقل ووطني عندك عبود بن علي في تونس الخ .. لكن البشير ما هاميهو غير روحو بس .. حركة العصيان دي أكدت لي أكثر أن السودان محكوم برجل واحد أحد لا مؤتمر وطني ولاحركة اسلامية ولا يحزنون .. كلها دي تنظيمات صورية مدفوعة الأجر لخداع الرأي العام داخليا وخارجيا .. إبراهيم محمود ما نبح إلا بعد البشير نبح .. دليلي أن تعامل المسؤولين مع عصيان 27 نوفمبر كان ضعيف مش لإنهم ما كانوا عارفين بيهو .. أبدا بس لإنو البشير كان بره البلد .. لما رجع وشد عليهم بخطاباته جروا اتلملموا واستنفروا ناسهم للتقليل اعلاميا من أثر عصيان 19 ديسمبر .. قد يكونوا نجحوا إلى حد ما داخليا .. لكن حركتهم الكثيفة ومصادراتهم للصحف وخطبهم وفر أفضل إعلام للشعب السوداني خارج قطاع المتعاملين مع النت .. ضف لذلك الزخم الاعلامي العالمي الذي ناله العصيان والتساؤلات التي طرحها في أذهان المحللين دوليا حول أهدافه .. دي كلها تصب في خانة الإيجابية .. مودتي.
Post: #137 Title: Re: عصيان يوم (19) من خلال مشاهداتي Author: الزبير بشير Date: 12-20-2016, 02:18 PM Parent: #1
ود قاسم لك كامل الود و التقدير ود شيخي الكباشي من الخيول الحره و بجي مع اللفه ، بكره برفس الوهابيه رفست نعامه .
اما الكرور احمد بلال فارق السيد فراق الطريفي لي جمله و معاه الارزقي الدقير و البقيه الخايبه .
لخروجنا بره البلد في ديار بعيده ، قلنا نشوف خبر العصيان ، لا من ود الباوقه و لا من جاكات ، فالانسب ود الكباشي .
لك كامل احترامي
الزبير الختمي
Post: #139 Title: Re: عصيان يوم (19) من خلال مشاهداتي Author: جمعة هري بوش Date: 12-22-2016, 03:36 PM Parent: #137
فوق
Post: #140 Title: Re: عصيان يوم (19) من خلال مشاهداتي Author: علاء سيداحمد Date: 12-22-2016, 06:55 PM Parent: #139
الشيخ / محمد المسلمى تحياتى
شكرا لك على وطنيتك العالية وغيرتك على الوطن العزيز
Post: #141 Title: Re: عصيان يوم (19) من خلال مشاهداتي Author: doma Date: 12-23-2016, 03:22 PM Parent: #140
