Post: #1
Title: رئيسنا المحبوب البشير: كما عهدناك لا تحتاج لمناشدة للاهتمام بمواطنيك... لكني...؟
Author: حمد إبراهيم محمد
Date: 12-17-2016, 02:19 PM
01:19 PM December, 17 2016 سودانيز اون لاين
حمد إبراهيم محمد-جدة- المملكة العربية السعودية
مكتبتى
رابط مختصر
وعبر موقع (سودانيز أونلاين) أكرر وأعيد أننا خبرناك لا تحتاج لمن يطلب منك فيض عنايتك للوطن والمواطن بلا وهن أو إتكاء على مسئوليات الآخرين،
وفوق كثرة مسئولياتكم وسهركم على أمن الوطن وحدبكم على تيسير الحياة لمواطني سودان العزة والكرامة، أبث لمقامكم الكريم ما يؤرقني وكثيرون غيري
بشأن حالة الطفل المريض الطيب محمد الشيخ، الذي يعاني منذ ثلاث سنوات من قصور في التنفس، ويتابع في العناية المكثفة طوارئ وأصابات السلاح الطبي،
ونشرت حالته في الصحف السودانية المقرؤة ووسائل التواصل الاجتماعي. أنا لا أعلم عن وضعه الكثير إلا ما تناقلته وسائل التواصل الإجتماعي،
ونعلم أن هناك حالات غيره كثيرة تتطلب مد يد العون والمساعدة، لكن هذا الطفل تأخرت حالته وتملكه فقدان الأمل، ونوبة إغماء.
رئيسنا المشير البشير، ثقة في الله سبحانه، ثم عظيم إهتمامكم بالوطن والمواطن، مؤملا أن تنظروا في كيفية إعادة البسمة لهذا الطفل البرئ وأسرته الحزينة.
وفقكم الله لخير البلاد والعباد.
مواطنكم/
(حمد إبراهيم محمد دفع الله)
بريد الكتروني: [email protected]
أو الأخ دفع الله كنون – مؤسسة معارج الخيرية - الخرطوم.
(كمونية)
******
|
Post: #2
Title: Re: رئيسنا المحبوب البشير: كما عهدناك لا تحتا�
Author: حمد إبراهيم محمد
Date: 12-17-2016, 02:38 PM
Parent: #1
وأنقل لمقامكم بعض ما تناقلته وسائل التواصل الإجتماعي: حكاية الطفل السوداني الطيب محمد الشيخ.. قصة حقيقية اقرب للخيال...
أنا "نفيسة" سستر شغالة في العناية المكثفة طوارئ وإصابات السلاح الطبي بالسودان، مزعلاني حالة غريبة لي ولد صغير عمرو ١٤سنة اسمو الطيب محمد الشيخ
عندو فشل في التنفس ما بقدر ينوم الا اذا اتوصل في جهاز التنفس يعني معتمد عليهو في الليل بس، اما باقي الأوقات بيكون عادي حايم زيو زينا في العناية،
والمستشفي كلها بتعرفو وزول محبوب شديد.
الطيب ده تخيلو راقد في العنايه كم من الزمن ؟ ليهو اكتر من تلاتة سنين.
مرات بيكون عادي ومرات كتيرة بيزهج شديد لدرجة بيشيل حاجاتو كلها في كيس ويقول انا خلاص ماشي بيتنا كفاية،
ومرات مسكين بيقول انا ليه قاعد ده كلو الناس بيجو بعدي في العناية ويطلعوا انا ليه ما اطلع متين حتطلعوني، ونحنا اتعودنا شديد.
كم مرة نزلوه في الجريدة ومرة يقولو مسفرنو ألمانيا يتعالج هناك مع علم الجهات الكبيرة ولكن من غير أي جدوي!!
حيعيش كدة لغاية متين ونهايتو حتكون شنو الله اعلم ؟!!
الحاجة المحزنة قبل أسبوع تعب شديد وبقي ما واعي وقبل يومين قلبو وقف تلاته دقايق والحمد لله رجع طوالي واسي حالتو صعبة لكن ماشي في تحسن.
يا ريت كل من يشوف البوست ده يدعي ليهو وربنا يرفعو بقدرتو في أسرع وقت .. واي زول قادر يقدم حاجة يجي يشوف الحالة بي نفسو ويتواصل مع أسرته مباشرة .
(قصة الصبي الطيب محمد الشيخ متداول على الفيسبوك)
******
|
Post: #3
Title: Re: رئيسنا المحبوب البشير: كما عهدناك لا تحتا�
Author: حمد إبراهيم محمد
Date: 12-17-2016, 02:45 PM
Parent: #2
|
Post: #4
Title: Re: رئيسنا المحبوب البشير: كما عهدناك لا تحتا�
Author: حمد إبراهيم محمد
Date: 12-17-2016, 02:46 PM
Parent: #3
|
Post: #5
Title: Re: رئيسنا المحبوب البشير: كما عهدناك لا تحتا�
Author: حمد إبراهيم محمد
Date: 12-17-2016, 02:49 PM
Parent: #4
الصور:
نقلا عن موقع "النيلين "
|
|