التمرجي طه بطرفكم يا ناس امريكا..شوفوا شغلكم...

التمرجي طه بطرفكم يا ناس امريكا..شوفوا شغلكم...


14-12-2016, 06:20 PM


  » http://sudaneseonline.com/cgi-bin/sdb/2bb.cgi?seq=msg&board=490&msg=1481739651&rn=0


Post: #1
Title: التمرجي طه بطرفكم يا ناس امريكا..شوفوا شغلكم...
Author: علي دفع الله
Date: 14-12-2016, 06:20 PM

06:20 PM December, 14 2016

سودانيز اون لاين
علي دفع الله-سنار
مكتبتى
رابط مختصر

عدوك سهروا ولا منامو...
اخلعوه السمسار ...
وروه حاجة..متجدع في امريكا وهو بيده مفاتيح اللعب كلها من فساد وتوزير وصفقات مشبوهة ..
يلا يا صناديد حاصروه ..

١٩_ديسمبر موعدنا#

Post: #2
Title: Re: التمرجي طه بطرفكم يا ناس امريكا..شوفوا شغل
Author: حيدر حسن ميرغني
Date: 14-12-2016, 06:44 PM
Parent: #1

الزول ده نجيض
عاوز يلحس راس ترمب ويشاركو في بزنس :))
-
إزيك يامعتصم

Post: #3
Title: Re: التمرجي طه بطرفكم يا ناس امريكا..شوفوا شغل
Author: عبدالعزيز الفاضلابى
Date: 14-12-2016, 08:58 PM
Parent: #2

التمرجى ده منو؟

Post: #4
Title: Re: التمرجي طه بطرفكم يا ناس امريكا..شوفوا شغل
Author: الصادق اسماعيل
Date: 14-12-2016, 11:36 PM
Parent: #3

التمرجي اعتقد أنها الممرض باللغة التركية
المقصود هنا هو مدير مكتب البشير الفريق طه

وربما جاء العنوان كاحتقار وتصغير لكون أن الممرض أو التمرجي
ليس مؤهلاً ليكون مدير مكتب الرئيس. وهي لازمة للثقافة
العربية كما أوضحها محمد عابد الجابر في احتقار الأعمال اليدوية
حيث هي أعمال الموالي والعبيد والعرب عملها هو الحكم وشئ}ونه

فالمقياس هو التحصيل الأكاديمي، رغم أن الكثير من الدراسات
أثبتت أن الشهادة الأكاديمية لا تؤهلك لتسنم منصب سياسي أو إداري وحدها.

يمكن للمرض أو خريج ابتدائي أو شخص لم يدرس بطريقة نظامية
أن يتسنم أي منصب سياسي وينجح فيه بعد تلقي التدريب المناسب
ولا يشترط نوع المهنة أو مستوى التعليم لتسنم أي منصب في أمريكا مثلاً.


وعلى العموم الكلام جاب الكلام وآسفين على حرف البوست


البوست يريد أن يلقى الضوء على زيارة مدير مكتب البشير
المُتهَم بالضلوع في جرائم فساد، وربما وردت كلمة تمرجي
للسخرية او الاستهزاء كنتيجة لتأثرنا بالثقافة العربية

Post: #5
Title: Re: التمرجي طه بطرفكم يا ناس امريكا..شوفوا شغل
Author: علي دفع الله
Date: 15-12-2016, 03:52 AM
Parent: #2

حيدر حسن يا صديق ازيك .
لحسو وكومشناتو يعملوا مع الخلجان هنا لع لع والف لع زي ما قال عاريس ...
انا عاصي ما معتصم ههههه

Post: #6
Title: Re: التمرجي طه بطرفكم يا ناس امريكا..شوفوا شغل
Author: علي دفع الله
Date: 15-12-2016, 03:56 AM
Parent: #5

الفاضلابي ازيك
اظن الصادق تنظير جاوبك على سؤالك ..

Post: #7
Title: Re: التمرجي طه بطرفكم يا ناس امريكا..شوفوا شغل
Author: علي دفع الله
Date: 15-12-2016, 04:18 AM
Parent: #6

الصادق اسماعيل بطل تنظير وكلام التنميط..
شنو العرب قالت وسيبويه قال واحتقار المهن و اللغة الناعمة دي ..
وتمرجي الانا قاصدا ايوة فيها تحقير لزول كل مؤهلو في الدنيا دي الدهنسة والنسنسة وكسير التلج واظن قريت لبعض الكتاب عن السيرة الذاتية لهذا الطه الوصلو لي اعلى رتبة ما بصل ليها الممرض العادي حتى ولو قلب هوبة ولا وظيفة سيادية لو بقى سوبر مان ..
فما تجي تصرف لينا نضمي مافي محلو لو سياسة تمكين ووضع الشخص الما مناسب في مكانو ما كان زي طه التمرجي دا صانع قرار الوطن ..
اخيرا حتة العرب كانت تحتقر والكلام المجوبك دا بقولها ليك انا كلام العرب وثقافة العرب وماضي العرب دا مافي يوم واحد وقفت فيه او اعتقدت بيه لافي الحاضر ولا المستقبل لانو ما عندهم حاجة بتتدهشني..
اتمنى انك تكون فهمت المغزي من البوست يا الصادق ..

Post: #8
Title: Re: التمرجي طه بطرفكم يا ناس امريكا..شوفوا شغل
Author: د. بشار صقر
Date: 15-12-2016, 06:41 AM
Parent: #7

(التمرجي اعتقد أنها الممرض باللغة التركية المقصود هنا هو مدير مكتب البشير الفريق طه وربما جاء العنوان
كاحتقار وتصغير لكون أن الممرض أو التمرجي ليس مؤهلاً ليكون مدير مكتب الرئيس. وهي لازمة للثقافة العربية
كما أوضحها محمد عابد الجابر في احتقار الأعمال اليدوية حيث هي أعمال الموالي والعبيد والعرب عملها هو الحكم
وشئ}ونه فالمقياس هو التحصيل الأكاديمي، رغم أن الكثير من الدراسات أثبتت أن الشهادة الأكاديمية لا تؤهلك لتسنم
منصب سياسي أو إداري وحدها. يمكن للمرض أو خريج ابتدائي أو شخص لم يدرس بطريقة نظامية أن يتسنم أي
منصب سياسي وينجح فيه بعد تلقي التدريب المناسب ولا يشترط نوع المهنة أو مستوى التعليم لتسنم أي منصب
في أمريكا مثلاً. وعلى العموم الكلام جاب الكلام وآسفين على حرف البوست البوست يريد أن يلقى الضوء على زيارة
مدير مكتب البشير المُتهَم بالضلوع في جرائم فساد، وربما وردت كلمة تمرجي للسخرية او الاستهزاء كنتيجة لتأثرنا بالثقافة العربية)



صاحب البوست فتح بوستا يشير الى زيارة واحد من اساطين الفساد في حكومة الفساد الى امريكا.
لا شك ان اي معارض حقيقي للنظام يقرأ الموضوع في سياقه
ويفهم في اتجاهه الصحيح؟
لمصلحة من اذن جرجرة موضوع النقاش الى مسارات اخرى؟لمصلحة من ممارسة خطاب التشويش و التشتيت و التخزيل
في هذا الوقت الهام من عمر المواطن السوداني في وطن يتدحرج نحو القاع!
ايهما اهم للمعارض السوداني الشريف
ايصال رسائل الرفض الى اساطين الفساد عبر اي منبر او مطاردة من يحاولون ارسال
الرسائل و معاكسة رسائلهم و تشتيت مواضيعهم و تضييع جهودهم؟
خطاب التشتيت و استراتيجيات التشويش و معاكسة الخطاب المعارض
من مواقع معاردة المعارضة من اهم سمات خطاب الجداد الالكتروني و السبب بسيط
هو ان الجداد الالكتروني مكلفة للقيام بمهمة دفاعية مستحيلة و بالتالي تبث الاكاذيب وتمارس التشويش

ثم تقوم بتحميل الخطاب المعارض اكاذيبهم........الموضوع الاساسي (جوهر المسألة) ليس موضوع
الخطاب المعارض ................بل الحكومة و جرائم
و فساد الحكومة .............. الدولة ملك للجميع و موضوع نقد الفساد و مجابهة مفسديه يخص الجميع و اي تعلق
بظلال المعارضة على حساب فيل الحكومة الفاسدة الباينة بينونة كبرى محاولة بائسة في هذا الزمان البائس لخدمة اجندة بائسة .
اسوأ انواع الخطاب هو خطاب معاردي المعارضة ......الفصيل الباطني للجداد الالكتروني
....... خطاب منافق خطاب مدسوس خطاب تخزيلي
خطاب ذو هدف يحقق للنظام ما لا يستطع تحقيقه. لذلك على قوى المعارضة النظر
الى هذا الخطاب نظرة نقدية بديلا عن النظرة المجاملة لهذا الخطاب البائس المفضوح.

Post: #9
Title: Re: التمرجي طه بطرفكم يا ناس امريكا..شوفوا شغل
Author: Othman Al-Hasan Babikir
Date: 15-12-2016, 06:59 AM
Parent: #1



صاحب البوست فتح بوستا يشير الى زيارة واحد من اساطين الفساد في حكومة الفساد الى امريكا.
لا شك ان اي معارض حقيقي للنظام يقرأ الموضوع في سياقه
ويفهم في اتجاهه الصحيح؟
لمصلحة من اذن جرجرة موضوع النقاش الى مسارات اخرى؟لمصلحة من ممارسة خطاب التشويش و التشتيت و التخزيل
في هذا الوقت الهام من عمر المواطن السوداني في وطن يتدحرج نحو القاع!
ايهما اهم للمعارض السوداني الشريف
ايصال رسائل الرفض الى اساطين الفساد عبر اي منبر او مطاردة من يحاولون ارسال
الرسائل و معاكسة رسائلهم و تشتيت مواضيعهم و تضييع جهودهم؟
خطاب التشتيت و استراتيجيات التشويش و معاكسة الخطاب المعارض
من مواقع معاردة المعارضة من اهم سمات خطاب الجداد الالكتروني و السبب بسيط
هو ان الجداد الالكتروني مكلفة للقيام بمهمة دفاعية مستحيلة و بالتالي تبث الاكاذيب وتمارس التشويش

ثم تقوم بتحميل الخطاب المعارض اكاذيبهم........الموضوع الاساسي (جوهر المسألة) ليس موضوع
الخطاب المعارض ................بل الحكومة و جرائم
و فساد الحكومة .............. الدولة ملك للجميع و موضوع نقد الفساد و مجابهة مفسديه يخص الجميع و اي تعلق
بظلال المعارضة على حساب فيل الحكومة الفاسدة الباينة بينونة كبرى محاولة بائسة في هذا الزمان البائس لخدمة اجندة بائسة .
اسوأ انواع الخطاب هو خطاب معاردي المعارضة ......الفصيل الباطني للجداد الالكتروني
....... خطاب منافق خطاب مدسوس خطاب تخزيلي
خطاب ذو هدف يحقق للنظام ما لا يستطع تحقيقه. لذلك على قوى المعارضة النظر
الى هذا الخطاب نظرة نقدية بديلا عن النظرة المجاملة لهذا الخطاب البائس المفضوح.



سلمت يداك يا دكتور

Post: #10
Title: Re: التمرجي طه بطرفكم يا ناس امريكا..شوفوا شغل
Author: علي دفع الله
Date: 15-12-2016, 01:53 PM
Parent: #9

تحياتي الاصدقاء دكتور بشار و عثمان الحسن
الصادق اسماعيل عاوز يقول كلام نرجسي ساي احتقار المهن وام فتفت ..اي كلام والسلام ..وهو عارف القصة شنو عن التمرجي..


ولسع في انتظار ثوار US يعملوا ليهم حركة حركتين ..تخلع اللبلاب دا ...


١٩_ديسمبر موعدنا#

Post: #11
Title: Re: التمرجي طه بطرفكم يا ناس امريكا..شوفوا شغل
Author: Osama Mohammed
Date: 15-12-2016, 04:38 PM
Parent: #10

الكورة في ملعبكم يا ناس امريكا.
اي عمل الآن ضد رموز النظام يرفع معنويات الشباب الفي السودان.

Post: #12
Title: Re: التمرجي طه بطرفكم يا ناس امريكا..شوفوا شغل
Author: الصادق اسماعيل
Date: 15-12-2016, 05:40 PM
Parent: #11

تحياتي الاصدقاء دكتور بشار و عثمان الحسن
الصادق اسماعيل عاوز يقول كلام نرجسي ساي احتقار المهن وام فتفت ..اي كلام والسلام ..وهو عارف القصة شنو عن التمرجي..


ولسع في انتظار ثوار US يعملوا ليهم حركة حركتين ..تخلع اللبلاب دا ...


-----------------------------------------------------------------------------------------------------------------------------------

يا علي
كبفك
دي وجهة نظرك يا خي وأنا بحترمها وأنا وضحتها ليك فوق، وهي مهمة عندي
قصة احتكار العمل اليدوي.

ممكن طبعاً تأخذني الهاشمية هنا و(نرجسية) البورد، وأقول ليكم زي قصة (منان) دي
عصيان شنو الهسع بتدعموا فيه، صلاح جاكات الأمنجي وأنا وآمنة مختار كوركنا هنا عشان تدعموا
العصيان المدني بتاع لقاوة لكن البورد واصل في حاجته كانوا الناس البيعملوا في العصيان
دي ما سودانييين.

شفتا كيف؟
أقول ليك حاجة:
أنا الصادق اسماعيل دا لا شغال بزول ولا بئ ثائر ولا بي بطسخ

بقول كلامي وقت ما أحب ومكان ما أحب.

وأي وجهة نظر ضد كلامي على العين والرأس، وأقضاها إنه زول يتهمني بإني كوز
أو أمنجي، برحب باتهام زي دا طوالي

وناس لا صوت يعلو فوق صوت المعركة ديل، يا مان عارفهم كويس

والكواريك والجوطة دي شبعان منها، فقد نهضت للعمل العام
وأنا ابن عشرة أعوام. يعني نوع وجهة نظرك بتاعة رومانسي وتنظير وغيرها دي، سمعناها زمان بدري

فشنو براحة وركّز على بوستك، وأقبل اعتذاري عن (حرف البوست)، أو ريّح نفسك وأعتبرني
غواصة وأمنجي ومدفور، وي أيام زي دي يحق ليك تحذف مداخلاتي
دون أن يطعن أحد في ديمقراطيتك. أها هسع شوف جادات متأكد إني كوز وأمنجي
وأنا برضه متأكد إنه كور وأمنجي فمرتاحين في العلاقة

فمرحب بوجهة نظرك مهما كانت، وأنا حأكتب ما أشاء كيفما أشاء وقتما أشاء
وأرجو أن تتقبل ذلك وإن لم تتقبله فهذا أيضاً من حقك وسأحترم وجهة نظرك مهما كانت

Post: #13
Title: Re: التمرجي طه بطرفكم يا ناس امريكا..شوفوا شغل
Author: علي دفع الله
Date: 15-12-2016, 06:30 PM
Parent: #12

الصادق ازيك تاني
انا لا بمسح مداخلة وضد الاستيكة دا اولا
تانيا شفت قصة دا غواصة ودا عصا نايمة وعصا قايمة ما شغال بيها ولا حا اشتغل بيها في البورد دا واي مكان اخر ..وقصتك انت وجادات ولا عاجباني ولا سارة بالي ..وجادات اختلفت معاه لمن اساء للزميلة امنة مختار والارشيف موجود ..وارجع لكل ارشيفي لو لقيتني مصطف في بوستات المناكفات دا غواصة ودا فرقاطة تعال تف لي في وشي..
وموضوع اعتصام لقاوة وقبلو اعتصام المناصير وحتى الاخير حق ناس الجريف دعمناه . يعني ما عندي خيار وفقوس في كل شكل من اشكال الوقفة ضد النظام ..
ردي ليك بالنرجسة لاني هدفي من البوست واضح وانت مسكت جزء يمكن يكون ولا خطر ببالي..
الف مرحب بيك وبي وجهة نظرك في اي بوست سنرد عليها وفق ظرفها من غير تعدي عليك ولا خزفها ...

Post: #14
Title: Re: التمرجي طه بطرفكم يا ناس امريكا..شوفوا شغل
Author: الصادق اسماعيل
Date: 15-12-2016, 06:55 PM
Parent: #13

طبعاً يا علي
الجزء الأنا مسكتو لا يمكن أن يخطر على بالك، ولذلك اعتذرت (حرف البوست).
يعني أنا كتبت ما كتبت بوعي وعارف إنه قصدك في النهاية ما قصة إنه
تمرجي أو مهندس.
أنا بوعي كامل قررت إنه أقول وجهة نظري في قصة (تمرجي)، لأنه
دي حاجة أنا شايفها أهم من باقي البوست (وجهة نظري أنا)، وكان لازم
أعتذر ليك عن حرف البوست لأنه هدفك من البوست واضح لا لبس فيه
أبداً.

Post: #15
Title: Re: التمرجي طه بطرفكم يا ناس امريكا..شوفوا شغل
Author: علي دفع الله
Date: 15-12-2016, 07:10 PM
Parent: #14

شكرا الصديق اسامة محمد لتذكيرك زملاء امريكا بفعل اللازم
مودتي

Post: #16
Title: Re: التمرجي طه بطرفكم يا ناس امريكا..شوفوا شغل
Author: كمال عباس
Date: 16-12-2016, 04:09 PM
Parent: #15

ليست إستهانة بمهنة ــ وإنما رفض لإستهانة شخص بمهنته ومؤهله بسعيه بالتشعبط والإدعاء لإمتلاك مهنة أو مؤهل لايملكه أصلا ـ عليه أن يرضي بوضعه ومهنته أو يطور نفسه للحصول علي مهنة أو درجة علمية ـ تؤهله للموقع الذي يتمني! ـ شخصيا ـ أري أن عصب العمل الهندسي ـ ولكني أري أن الأمانة العلمية تقتضي تسمية الأشياء بإسمائها لمطلوب هو الأمانة العلمية ـ وتسمية المهنة والمؤهل بإسمه ـ فني كهربائي يعني فني كهربائي! ومهندس كهربائي وهو كذلك ! ليس عدلا أن يسمي الفني ـ فني وسيط ـ عبد الرحيم محمد حسين بالمهندس عبد الرحيم محمد حسين! وليس كل من نال دورة أو كورس قصير المدي أو حتي دبلوم محدود ـ مهندس أو طبيب أو إقتصادي ! ** لا بأس من تذكير الشخص المنتحل ـ بمؤهله ومهنته التي يتعالي عليها ـ ويدعي سواها ! ........* ـ الترمجية والممرضين ـ أصحاب رسالة إنسانية ومهن شريفة ـ وقد وقفوا مع شعبهم ومهنتم ومع المرضي الذين سحقتهم الإنقاذ بسحب العلاج والرعاية الطبية ـ وما دمره " الدكتور : ـ مأمون حميدة ـ ! * نجي للمهم ـ فلنعمل علي عزل وحصار سدنة النظام ـ ديكتاتور أو دكتور طه عثمان ـ نموذجا !

Post: #17
Title: Re: التمرجي طه بطرفكم يا ناس امريكا..شوفوا شغل
Author: علي دفع الله
Date: 17-12-2016, 05:38 AM
Parent: #16

صديقي كمال عباس شكرا للكلام الواضح

١٩_ديسمبر على الابواب#