الطيب رحمه قريمان .. عضو وفد المنافي للحوار الوطني

01:22 PM December, 14 2016

سودانيز اون لاين
عباس الدسيس-Saudia
مكتبتى
رابط مختصر

يا زول انت اعمي ومسكو عكاز
كرهتا الناس بالاستيكه
يا حليلك يا قريمان كرت واتحرق

ما تخرب على الراجل يا عباس
في توزيعة جديدة جاية يمكن يقطع ويجر جور كمان

الزول دا بنوم متين عندي مداخله واقفه لي في طرف الكي بورد
الزول بالاستيكو زي الكان لاعب في الفريق اساسي وقوم المدرب اختو كنبه
عمك قريمان شغال مع الناس قبيض قبور اعمت وبره الشبكه
طيب الجابرك شنو علي الكتابة
والحارقة شنو من العصيان
انت تميت مبررات مشيتك للحوار عشان تجي تشعلق في العصيان
والله ما فضل غير التسجيلات بتاعت الواتس زي عمتك
احسن ليك التسجيلات ما دام ما عايز مفاهمة تكتب براك

يا عباس انه رخيس بالسين لديه مقالة في مدح إحد الإنقاذيين لا اذكر أي الكافين كبر ام كاشا سئيلك الله حكامة بي دلزاتها ما تسوي زيو

معقولة في ناس تقدر تغير جلدها بالطريقة دي

يا ربي دا عملو ليهو شنو ؟؟؟

معقولة يتهم الشعب كلو بالحماقة؟؟

دا مقابل شنو؟؟

والله في زمن الانقاذ دا الحيرة كتلتنا عدييل كدا

Quote: العصيان .. و ما ادراك ما العيصان .. المضروب موعده فى التاسع عشرة من هذا الشهر ديسمبر 2016 فى السودان .. انما هو حماقة ..

بالله الحماقة وين في العصيان و ل الحوار
اها تاني ولائم مافي
وقاعة الصداقة كان عايز تجيها اقطع تذاكر من جيبك
غايتو لقيت ايام تشرب في الببسي وترقص التوستي ايامك يا قناة الشروق

Quote: ما تخرب على الراجل يا عباس في توزيعة جديدة جاية يمكن يقطع ويجر جور كمان

ابو الدر يا صديق سلام
والله تاني اشمها قدحه
ما شايفو مجقلب كيف
غايتو البدلتين الاشتراهن للحوار وقناة الشروق والله تاني الا اعرس بيهم

Quote: يا عباس انه رخيس بالسين لديه مقالة في مدح إحد الإنقاذيين لا اذكر أي الكافين كبر ام كاشا سئيلك الله حكامة بي دلزاتها ما تسوي زيو

منتصر سلام
ياخ لا خلي كاشا لاكبر لاشلوت بقي شغال شكارتها دلاكتها
مشكلتو جاء في الزمن الضائع
اخر حاجة فضلت بوفيه السفارة وشالو ود الباوقه

Quote: آلا يستجير المرء بالنار من الرمضاء .. و لا يلجأ المرء الى السباحة فى البحر الغريق حينما يغرق فى شبر موية .. و لا يصوم الست من شوال .. من كان يفطر نهار رمضان .. بعذر كان افطاره او بدون عذر .. و من يفعل ذلك فانه احمق .. و أما الحماقة فهى .. قِلَّة العَقْلِ وَالشَّطَطِ فِي التَّفْكِيرِ ..

هنا لبس مكنة الشيخ الشعراوي
والله تاني لو بقيت حاج نور وركبت ليك عربية تحوم بيها شارع النيل بالليل اتحرقت اتحرقت

Quote: هَبنـَّـقة رجلٌ عـُرفَ بالحمق والغفلة، وقد ضُربَ به المثلُ فيهما .. واسمه يزيد بن ثروان من بني قيس بن ثعلبة وبلغَ من حمقه أنه كان يعلق في عنقه قلادةً من عظام وودع وخزف .. فلما سئل عن سرها قال: أخشى أن أضيعَ من نفسي .. ففعلت ذلك؛ لأعرفها و أعثر عليها إن ضاعت ! وذاتَ ليلة حوَّلت أمُّه قلادته إلى عنق أخيه .. فلما أصبح ورآها قال : أخي .. أنتَ أنا .. فمن أنا ؟!

انا وفد المنافي
خلاس يا عبدالله الطيب بالله امسكنا بلفاء قناة الشروق تاني سنة
يا عمك ياخ انت راسك ضرب وفاكيها في روحك

Quote: وكان لهبنقة فلسفة خاصة في رعي الإبل .. فقد كان يصطحب الإبل السمينة إلى المراعي الخصبة ..

ضقت العضة هناك جاري لي للسمينة
انت فلسفتك شنو ؟؟؟؟؟

Quote: معقولة في ناس تقدر تغير جلدها بالطريقة دي يا ربي دا عملو ليهو شنو ؟؟؟ معقولة يتهم الشعب كلو بالحماقة؟؟ دا مقابل شنو؟؟ والله في زمن الانقاذ دا الحيرة كتلتنا عدييل كدا

هيثم سلام
المفترع دا انا عايز اتقلب فيهو
امشي موازي لي بتاعو داك
الزول دا اتضح عندو حماقة ابو الدقيق تلب في حوار الوثبه وغتس
الزمن دا في زول ممكن تشتريهو بقزازة ببسي وزول بلقاء في قناة
كما قال الدرديري كان فاكر نفس بجور جوكرين وقع ليهو الدو

Quote: ومن حماقته أن قوما من بني طفاوةَ .. وبني راسب اختصموا في رجل .. !! كلٌ منهما يدَّعي أنه منهم.. فاحتكما إلى هبنقة فقال: حـُـكـْمـُـهُ أن يـُـلقـَـى في الماء .. فإن طفا فهومن بني طفاوة وإن رسب فهو من بني راسب.

فقال قريمان ان الحكومة سقطت سجمي والرماد كال خشمي
وجيمع الناس يا اخ العرب في دولة الكيزان يختصمون ويجتمعون ويتالفون ويقدمون خطط خمسية وعشريه
ويتحاورون ويتشاكلون ويبقون وزراء في الحكومة أ إن دخلت أنا عليهم كجيتهم وجلبت لهم العصيان
ما هكذا تورد الابل

ههههههه غياظ مش .....

عمنا بكري ابو بكر رضي الله عنه اليومين ديل اي زول بطلب منو طلب بوافق عليه ... ما تقوم يا دسيس ترزعو لينا بي بوست يوقف الاستيكة دي عشان المتحول قريمان دا والضفدع فرانكلي يشوفوا شعاع ...

قلت البدلتين إلا يعرس بيهم هههههههههه
إلا سوال
هو اشتراهن
ولا تبع البيعة

قال الطيب رحمة قريمان

Quote: اين الموضوعية و اين العقل و اين العلمية فى التناول

ياخ عليك الله ما تقوم شتت وشوف ليك مخرجات
انونسك يا قريمة:
سمعت بقصة الخيمة
ناس كسلا غير الحبش والارتريين قال ليهم بشبش حا افتتح ليكم خيمة البيع المخفض
اها قامو قجو ليهم خيمة طولها نص كيلو وملوها لي عينها مواد تموينية
جاء عمك بشة فطع الشريط وافتتحها
قال ليهم يلا الخيمة بتفتح بعد الخطاب الناس تتوجه لبشة
المساكين مشو الخطاب لما بشة خلص خطاب الواتساب رجعو لقو الخيمة مافي
تصدق زي قارون
قالو مسطول قالو ليهو الخيمة مشت وين قال ليهم ((فَخَسَفْنَا بِهِ وَبِدَارِهِ الْأَرْضَ))
فيا الاخو موضوعية شنو وعلمية شنو بالله ارجع كان تلقي خيمة الحوار قاعده تاني خليك مع الزمن

Quote: ههههههه غياظ مش ..... عمنا بكري ابو بكر رضي الله عنه اليومين ديل اي زول بطلب منو طلب بوافق عليه ... ما تقوم يا دسيس ترزعو لينا بي بوست يوقف الاستيكة دي عشان المتحول قريمان دا والضفدع فرانكلي يشوفوا شعاع ...

علي دفع الله سلام يا حبيبنا
انت الزول دا ما ضوقك يدو كما قال بشة
كره الناس الاستيكه واليوم العرفو فيهو قلم الرصاص

سلامات الدسيس


غايتو من محاسن مؤتمر الحوار ده إنو حلتنا من الوهم ديل
باقي شوية جماعة هنا وهناك لو عملوا مؤتمر تاني واخدوهم يكونوا عملوا فينا خير

سلامات ياعبس
لازم يكتب ويدافع عن ناسه الجدد, الكيزان. القصه ... قصة مصالح فنادق مجانيه , ونثريات سفر, وربما تعينات وزاريه, انشاء الله مدير اراضى الجبلين.
مع ودى وتقديرى

وفد المناف (ع)

ما شفت لي زول فارس او حمقان زي الزول ده.
لما السفينة ماشة تغرق الناس الجواها بتلبو. اها زولكم ده نط جواها.

التحية لكم ايها الكلوس ..


موش كدا يا محجوب ؟
ما شفت لي زول فارس او حمقان زي الزول ده. لما
السفينة ماشة تغرق الناس الجواها بتلبو. اها زولكم ده نط جواها.
تخيل قريمان وسوء خاتمة النضال !!!!!!!!

اخونا عباس لك تحياتي امثال هؤلاء نحمد الله انهم في ضفة القتلة فهم طبعا وسلوكا وانتهازية منهم انا سعيد بذهاب امثالهم الي مكانهم الطبيعي

اخونا عباس لك تحياتي امثال هؤلاء نحمد الله انهم في ضفة القتلة فهم طبعا وسلوكا وانتهازية منهم انا سعيد بذهاب امثالهم الي مكانهم الطبيعي

Quote: كيف يكون طعم صبيحة يوم 19 ديسمبر2019 .... يوم العصيان المدنى ... !!

الكبكبة بدأت
عنوان البوست بتاع قريمان زول المنافي
قال حمقاء عشان قلنا ليك ابو الدقيق مشيت شكلتها وجيت
ياخ انت انتهيت نهاية بطل هندي
لو افترضنا العصيان قام و ل ما قام انت خلاس بقيت كرت محروق

Quote: ما شفت لي زول فارس او حمقان زي الزول ده. لما السفينة ماشة تغرق الناس الجواها بتلبو. اها زولكم ده نط جواها.

دا كلام حبيبنا محجوب مشي فتح بيها بوست
زمان كنت بتجيب الهام الكتابة من الكيزان القتلة والمجرميين كما سميتهم
حسي جرابك فضي كملتو كلو في الحوار الفتحت بيهو بوستات وشردة منها
احنا ما عندنا ليك مخزون اجرام وصورعشان تمشي تفتح بيهو بوستات

قلنا النعامة حمقاء .. لانها تحضن بيض غيرها
--------------------------

اليومين ديل قالو ظهر مخدر جديد في غرب كندا اسمو (كار فانتينول) و قالو انو اقوي من الفينتينول التلقيدي بحوالي 30 مرة و هو ذات المخدر الذي يستخدم لتخدير الافيال

المهم ركوب الفيل ليس كدفن النعامة رأسها في الرمال
=======================

اها يا عباس المداخلة دي امانة عندك بجاي لو استكوها بهناك

الزول من العنوان فط ثلاثة سنين و تقول لي ما راكب فيل