Post: #1
Title: يا عم محمد افتح انت للدكان
Author: د.محمد حسن
Date: 12-12-2016, 10:06 AM
09:06 AM December, 12 2016 سودانيز اون لاين
د.محمد حسن-
مكتبتى
رابط مختصر يا حازم امرك
اكرب زندك للعصيان
علم كل اطفال الحلة
كيف بنحبو ده السودان
وعلم ايضا
انو الدمر هذا البلد الطيب
الكيزان
ما تتخاذل وتقول باكر
في الرفدية
بدد خوفك وعيش في امان
خلاص
قد ولى زمن الخوف ورصاص العسكر
والبمبان
شعبنا واعي
يلزم دورة
وبفتح بس
في الحلة العاصية
عم محمد للدكان
عشان اطفالنا
البشربو شاي
ونجيب البوش
زمن العصيان
ولا خلاص زمن الكيزان
زمن الكوليرا
ولى خلاص زمن الضبان
ارفع راسك
قود عصيانك وما تهتم
باكر كل الشعب ال بقوم بتلم
وتبقى مسيرة
فيها نغني بكل ايقاع
دليب ووعرضة
وكمان جراري مع تمتم
وكل الشارع يصدح عالي
نحن مرقنا
ضد الناس السرقو عرقنا
وليكم يوم يا اولاد الهرمة
تلقى الشارع كلة اتلبس
صوت حميد
ومحجوبنا شريف
واقدل فيها يا القدال
شعبنا صمم
وقرر وقال
بس ده العصيان
عشان اولادنا تمشي مدارس
تلقى فصلواها تمام معروشة
وعند الباب نخت الحارس
نحن عصينا وما بنتراجع
عشان الصحة
تاج الراس للانسان
|
Post: #2
Title: Re: يا عم محمد افتح انت للدكان
Author: د.محمد حسن
Date: 12-12-2016, 11:39 AM
Parent: #1
تعليم وصحة
ونبني بلدنا
بي اناس اصحاء
وعقل سليم
في حسم سليم
تعليم وصحة
وحصة اجباري لفطور
طالب عديم
|
Post: #3
Title: Re: يا عم محمد افتح انت للدكان
Author: د.محمد حسن
Date: 12-13-2016, 07:51 AM
Parent: #2
تعليم وصحة
|
Post: #4
Title: Re: يا عم محمد افتح انت للدكان
Author: أحمد الشايقي
Date: 12-13-2016, 09:27 AM
Parent: #3
شكرا يا دكتور
تحياتي
أحمد الشايقي
|
|