الفورة الليلة ملايين

10:32 AM December, 09 2016

سودانيز اون لاين
mohamed karib-
مكتبتى
رابط مختصر

الفورة الليلة ملايين
تسعتنا طويلة
في العشرة الاولي
و حا نجرك خمسين
و العشرة التانية
معاها اتنين
يا معرّج بشعبك
ما بحلِّك مننا جوكر
لو ندخل في كوبر
يا اعرج لاحظ ورقك
لو حافظ تاريخنا
كنت عرفت بإنو:
الجيل الصاعد
كان لا بد من إنو:
اشوتك بايظ
و هذا و بي كل بساطة لانو..
ديل اولاد الهتفوا زمان
و قال محجوبم ليهم إنو :
اكتوبر دانيمتنا
و مارس حارس
ماسك كتف ابريل
ديل فارس ليل كل من فيهن وفيهم
ديل الصدر السما ما بكفيهم
ديل اولاد و بنات الوعد الواعد
ديلا رفاق الشهداء و ديل الجيل المارد
ديل احفاد الشرف الباذخ
ديلا دوابي الكر
دخري الحوبة ...
وديلا شباب النيل