Post: #1
Title: بروفايلاتكم يا صحاب .. 19 ديسمبر (توجد صورة)
Author: محمد حيدر المشرف
Date: 12-08-2016, 06:58 AM
05:58 AM December, 08 2016 سودانيز اون لاين
محمد حيدر المشرف-دولة قطر
مكتبتى
رابط مختصرو
جدتها عند د. أمبدة
ولقد جاءت بها للمنبر أختنا العزيزة منى عمسيب قبل ذلك ..
ما احوجنا جميعا لاي فعل يوحدنا ولقد توحدنا ولكن .. شكل الوحدة مطلوب لذاته 
|
Post: #2
Title: Re: بروفايلاتكم يا صحاب .. 19 ديسمبر (توجد صورة)
Author: مني عمسيب
Date: 12-08-2016, 07:05 AM
Parent: #1
صباح النصر يا دكتور ,,
وجدتها عند د. أمبدة
سبقناه بايام شعارية ضوئية بهذا الشعار
اقولها لاغاضبة فقط لنا حقوق المشاركة
كما لكم ولكي لايكون الحراك فقط للكلوس .
الكنداكة بت نفيسة .
|
Post: #3
Title: Re: بروفايلاتكم يا صحاب .. 19 ديسمبر (توجد صورة)
Author: محمد حيدر المشرف
Date: 12-08-2016, 07:26 AM
Parent: #1
تم تصحيح المعلومة يا منى عمسيب
مودتي التي تعلمين ..
|
Post: #4
Title: Re: بروفايلاتكم يا صحاب .. 19 ديسمبر (توجد صورة)
Author: مني عمسيب
Date: 12-08-2016, 07:34 AM
Parent: #3
ود المشرف سلام .
تم تصحيح المعلومة يا منى عمسيب
يا مشرف انا ما دايراك تصححها ولا دا هدفي
طيلة ما الهدف واحد انا ذاتي جبتها من الفيسبوك
يعني السبقوني كتاااااار فمعذرة هذا ما القصد ولكن
القصد عدم التخصص في الحراك نحن برضو معاكم
في خندق واحد وبتمني تزور صفحة الفيسبوك حقتنا
انا ونجلاء سيد احمد تشوف التغطية العاملنها , هذا
ليست بطولة مننا هذا شرف لنا لخدمة وطننا الحبيب .
وشوشة :
تعال هنا عملت معاك كم مداخلة في بوستاتك يا حقااااار ؟
يعني شعار امبدا تشوف شعاري ما تشوف ؟ هههههههههه
لو سمحت اعمل لي قبول في الفيس تعال شوف روعة الشباب
والحماس المقطوع النظير .
ولك الشكر ودعواتك للعصيان .
شوف الروعة دي من تصميم ولدي وصديقي هشام . شوف شبابنا مبدع كيف ؟
|
Post: #5
Title: Re: بروفايلاتكم يا صحاب .. 19 ديسمبر (توجد صورة)
Author: محمد حيدر المشرف
Date: 12-08-2016, 08:47 PM
Parent: #1
يا منى ..
في هذه الايام ..
هذه الايام ياخ ..
هذه الايام الطيبة, الحلوة, المعبقة بأجواء وطنية لم نخسها منذ ومان بعيد ..
في هذه الايام, كلنا شركاء الند بالند ..
وكمان انتن فايتين الخلوق بي ركعة بنات المدارس بحري .. وأم كبس براها ركعة .. وفي البدء كانت التاية ثم كانت صفية .. ثم شهيدات سبتمبر العظيم .. ثم مبادرة لا لقهر النساء .. ثم .... والقائمة تطول.
ابداااااع يا منى ..
لفتت انتباهي هذه المشاركة الواسعة من قبيلة الفنانين .. هنا اغنية للموصلي .. وتلك قصيدة لهاشم صديق .. وهناك مقال لفضيلي جماع .. وبينهما لوحات اجمل منها ما خلق الانسان .. عماد عبدالله من اعرفه بالاسم .. وهناك من لا اعرفه ولكنهم وجميعا تنادوا من اجل هذا الوطن العظيم, الجميل, السمح !!
|
Post: #6
Title: Re: بروفايلاتكم يا صحاب .. 19 ديسمبر (توجد صورة)
Author: احمد حمودى
Date: 12-08-2016, 08:49 PM
Parent: #5
موقف حصل معي و انا شاهد عليه، قبيل في محكمة الخرطوم المدنية القاضي رفع الجلسة ليوم ١٩ بطلب من محامي الطرف الثاني .
قام رد محامي الطرف الاول و قال للقاضي: يوم ١٩ ما بنجي عندنا عصيان مدني. القاضي استغرب و قال ليه: ده كلام شنو؟ مع العلم ان المحامي
نفسه كان قاضي و بدرجة اعلى من القاضي الحالي. المهم القاضي ما كان عنده خيار الا يرفع الجلسه ليوم ٢١ و تحت اصرار المحامي على ان يكتب في محضر الجلسة
أن سبب التأجيل هو العصيان المدني يوم ١٩ ديسمبر. والله الكلام ده قدام عيني.
من صفحة ود الناظر هبانى
|
Post: #7
Title: Re: بروفايلاتكم يا صحاب .. 19 ديسمبر (توجد صورة)
Author: محمد حيدر المشرف
Date: 12-08-2016, 09:00 PM
Parent: #1
يا حمودي..
العصيان على كل لسان ..
والرعب دخل العضم الانقاذي الامني ..
هم مرعوبون لدرجة بعيدة جدا ..
جميعهم مرعوبون ..
عصابة الاسر السودانية الحاكمة .. مرعوبة لدرجة بعيدة ..
هذا أمر لا تجدي معه كلاب حراستهم ..
لا المرتزق حميدي .. لا مرتزقة جهاز الامن
يا لعبقرية الشعب السوداني !!
هي ثورة نضيفة جدا ..
وستنتهي نضيفة..
|
Post: #8
Title: Re: بروفايلاتكم يا صحاب .. 19 ديسمبر (توجد صورة)
Author: جلالدونا
Date: 12-08-2016, 09:06 PM
Parent: #7
done
|
Post: #9
Title: Re: بروفايلاتكم يا صحاب .. 19 ديسمبر (توجد صورة)
Author: Hamid Elsawi
Date: 12-08-2016, 09:09 PM
Parent: #7
شكرا المشرف
اصواتهم مرتجفة
فعلا شعب عظيم
و التحية للشباب من الجنسين
التحية لام كبس التي اطلقت
زغرودة الفرح من عربة الاعتقال
و قادت الرسن
|
Post: #10
Title: Re: بروفايلاتكم يا صحاب .. 19 ديسمبر (توجد صورة)
Author: سيف اليزل سعد عمر
Date: 12-08-2016, 09:34 PM
Parent: #9
الناس ديل جاتهم نفسيات عديل كده من الضغط الحاصل ده
بسبب إعلان العصيان المدنى يوم 19 ديسمبر. وحاليا مارين
بمرحلة كتلوك ولا جوك جوك...
فعلي الشعب السودانى وشبابه خلاق ومبدع...
|
Post: #11
Title: Re: بروفايلاتكم يا صحاب .. 19 ديسمبر (توجد صورة)
Author: عبدالعزيز الفاضلابى
Date: 12-08-2016, 11:36 PM
Parent: #10
سلام يا ودالمشرف
شهادة لاهل عطبرة ,, وهذه مناسبتها حيث البوست يتحدث عن التضامن.
ايام نميرى ارتفعت الاسعار ومن ضمنها اسعار اللحوم.
قررت عطبرة مقاطعة شراء اللحمة ,, والتزمت المدينة وضواحيها بالقرار
ودخل حيز التنفيذ ,, واثناء سريان القرار فى عطبرة سافر احد اقاربى
ونزل عندنا فى الثورة ح السابعة ,, عندما احضرنا الغداء رفض الاكل لأن فيه لحم ,,
وقال : الاضراب عن اللحمة فى عطبرة مازال سارى وانا ما حا آكل لحمة الا اذا سمعت انهم فكوا الاضراب.
|
Post: #12
Title: Re: بروفايلاتكم يا صحاب .. 19 ديسمبر (توجد صورة)
Author: محمد حيدر المشرف
Date: 12-08-2016, 11:44 PM
Parent: #1
اها يا بكري ابوبكر ..
والله نا فاضل ليك الا الصلعة ..
كيفك وكيف كيفك يا جلالدونا يا صاحبي ..
كيفك وهذا البهاء الوطني العميق ..
شايفك شغال بي اسم الحساب (حمد مين كدا تقريبا) .. ...
انت ما سمعت بالقول المنبري المأقور لصاحبه صاحبنا د, مصطفى
التجاهل
التجاهل
التجاهل
بيني وبينك انا اتداخلت تحت تحت في بوست كوزة دكتوره كده او ما دكتورة ..
لكنها وفي النهاية بشر وليست مجرد حساب
|
Post: #13
Title: Re: بروفايلاتكم يا صحاب .. 19 ديسمبر (توجد صورة)
Author: مني عمسيب
Date: 12-09-2016, 08:01 AM
Parent: #12
صباح النصر .
|
Post: #14
Title: Re: بروفايلاتكم يا صحاب .. 19 ديسمبر (توجد صورة)
Author: ombadda
Date: 12-09-2016, 08:05 AM
Parent: #12
شكرا د. المشرف لتلك اللفتة وألا هي توحيد صور البروفايلات
كل شيء يوحدنا يجعلنا أكثر قوة
الهدف هو الانقضاض واسقاط تلك العصابة
واقول لأختنا العزيزة منى عمسيب
من الطبيعي أن نختلف في اشياء كثيرة ولكن ما يوحدنا الان هدف واحد
فلنعمل على تحقيقه فلقد جاءت الفرصة التي طالما انتظرناها لأكثر من ربع قرن
لقد هرمنا في انتظار هذا اليوم
|
Post: #15
Title: Re: بروفايلاتكم يا صحاب .. 19 ديسمبر (توجد صورة)
Author: مني عمسيب
Date: 12-09-2016, 08:13 AM
Parent: #14
مشكور اخي الاعز امبدا .. وصباح النصر .
من الطبيعي أن نختلف في اشياء كثيرة ولكن ما يوحدنا الان هدف واحد
وهذا الذي سعيت له عندما احضرت الشعار
هنا حاولت الفت نظر الناس لتوحيد البروفائل
ولكن ليست اجبارآ . وتوقعت اضعف الايمان
اجد الكتير من البروفايلات متنوعة الفكرة ..
ولم اجدها الا عند القليل ! واتيت بآخر ولفت
النظر عليه بانه شعار جميل ومتفرد في بوست
من بوستات المشرف . وكذلك لم اجد من اهتم
به . وهذا لا يهم بقدر ما يهمنا وحدتنا وتضامن
في هذه اللحظات المفصلية . التي تؤكد باننا
( نكون او لانكون) .
ولكم جميعآ الشكر والتقدير .. ولكم السلام
وللوطن والشعب النصر واصدق الامنيات .
|
Post: #16
Title: Re: بروفايلاتكم يا صحاب .. 19 ديسمبر (توجد صورة)
Author: مني عمسيب
Date: 12-09-2016, 09:36 AM
Parent: #15
نسيت اقول ليكم .
كل يوم بجي لابسة شعار عصياني
لزوم قشرة العصيان .ههههههههه
بعدين الضهر بلبس دا .
غايتو شعارات انيقة اناقة لما تحيرك تختار شنو ولاشنو !
عمومآ حسمت الامر وقلت كل فترة اغير بي واحد لزوم الاناقة
والعمق الشعاري وسلمت الأيادي الصانعة .
|
Post: #17
Title: Re: بروفايلاتكم يا صحاب .. 19 ديسمبر (توجد صورة)
Author: أحمد الشايقي
Date: 12-09-2016, 09:39 AM
Parent: #16
19 ديسمبر العصيان المدني (المجيــد)
ساعدونا بتثبيت مصطلـح ..... (المجيــد) ......
|
Post: #18
Title: Re: بروفايلاتكم يا صحاب .. 19 ديسمبر (توجد صورة)
Author: امجد الجميعابى
Date: 12-09-2016, 02:20 PM
Parent: #17
سلام يا ود المشرف
ألحظ في هذه الايام اختفاء ابواق نظام الخرطوم من المنبر
باوقة و وائل كجبار و من لف لفهم لكن حكمة الله حمد الحرامي
قاعد
|
Post: #19
Title: Re: بروفايلاتكم يا صحاب .. 19 ديسمبر (توجد صورة)
Author: اميرة السيد
Date: 12-09-2016, 03:25 PM
Parent: #18
وبتمني تزور صفحة الفيسبوك حقتناانا ونجلاء سيد احمد تشوف التغطية العاملنها ,.........
.<<><<<<<<<>>><><<><
الكنداكة بت عمسيب
تحياتنا النواضر..
معلوماتنا التكنلوجية قليلة واحتمال معدومة... اتخيلي لهسع ما بعرف ادخل الفيس بوك ورينا كيفن نزور صفحتكم
.. وعنوانكم شنو... والخطوات النعملها شنو عشان نفتح صفحتكم في الفيس بوك..
وتأكدي يا بت عمسيب مجهوداتكم الاعلامية دي ما بتروح ساكت لأن التواصل الاجتماعي والترويج للنهوض
بهمة الشعب ضد الدكتاتوريات اسقط نظم دكتاتورية وفاشية أعتى من هذا النظام،
والمثال الواضح قدامكم مصر...وليبيا وتونس...
والتحية لصاحب البوست ، محمد حيدر، ففكرته ممتازة للترويج ليوم 19 ديسمبر..يوم الاثنين..
والله يديكم الصحة والعافية
|
Post: #20
Title: Re: بروفايلاتكم يا صحاب .. 19 ديسمبر (توجد صورة)
Author: فرح الطاهر ابو روضة
Date: 12-09-2016, 03:40 PM
Parent: #19
|
Post: #21
Title: Re: بروفايلاتكم يا صحاب .. 19 ديسمبر (توجد صورة)
Author: جلالدونا
Date: 12-09-2016, 03:41 PM
Parent: #1
تعرف يا مشرف
لو بكرى ما اتخذ الموقف المشّرِف ده
كنا ح نعمل ليهو عصيان منبرى و نوريهو الصِلع الجد جد
مع احترامى لى دعوة التجاهل و اقصائهم الا ان اخوك يرى العكس
يجب تواجدهم و الرد على اكاذيبهم و تضليلهم حتى يكتشف الكل اباطيلهم
و وهن حججهم و ضعف موقفهم
هسى عليك الله شوف موقف القلتا عليها دكتورة دى و الخدمة الجليلة العماتا فى توصيل فكرة العصيان و الترويج ليهو
مش كان اخير ليها تمسك خشما عليها بدل البهدلة الوقعت فيها دى
___
الوطن ينادينا
فى حضرنا و بوادينا
اليوم يومى
و العرس عرسى
فلنلّبى النداء
و منتصرين
منتصرين بإذن الله
|
|