Post: #1
Title: الكلام ليكم يا المنططين عينيكم
Author: د احمد حمدان
Date: 12-07-2016, 03:20 PM
02:20 PM December, 07 2016 سودانيز اون لاين
د احمد حمدان-Sudan
مكتبتى
رابط مختصر بسم الله الرحمن الرحيم
عندي اخبار ما سارة كلو كلو
نمرة واحد
البرلمان : سارة تاج السر
توقع وزير المالية بدر الدين محمود، ان يقفز عجز موازنة العام المالي الجديد والتي ستودع منضدة البرلمان منتصف ديسمبر الجاري، الى 19.5 مليار جنيه، مقابل 13.3 مليار نسبة عجز موازنة 2016م،
...........
كلام شغل ضميري وماسر بالي .. او نحن لا نبالي .. اذن فابشر بطول معاناة يا مواطن
اها نجي لنمرة اتنين
البرلمان : سارة تاج السر
طالبت وزارة الموارد المائية والكهرباء بالإستمرار في زيادة تعرفة استهلاك الكهرباء لتتوافق مع التكلفة، بينما توقعت عجزاً محتملاً في الإمداد خلال العام المقبل لم تكشف عن حجمه.
.....
يا النبي نوح وقاري اللوح ... الناس ديل كلموكم من هسي عشان تبطلو كلام كتير وتجهزو فوانيسكم
نجي لنمرة تلاتة
البرلمان: سارة تاج السر
اعلنت وزارة النفط والغاز عن سياسات جديدة تهدف لخروج المؤسسة السودانية للنفط من الاستيراد وتركه للقطاع الخاص، وكشفت في الوقت ذاته عن تحصيل ضرائب على السلع والخدمات بلغت 13.1مليار جنيه،
........
يعني الموضوع بينكم وبين التجار عشان من هسه تكونو عارفين تجيبو جازكم لفوانيسكم من وين وما تقعدو منططين عينيكم زي القعونجة في الماسورة
اها بقى نمرة اربعة
الخرطوم: تقوى موسى
أقر بنك السودان المركزي بصعوبات تواجه كل البنوك العاملة بالسودان في تقديم منتجات تلبي احتياجات الجمهور والاسواق،
.....
مافي زول يحوم ليهو على بنك كلوكلو وتعفوهم خاصة بنك المزارع الفي بطنو مافي مزارع
اها نجي للخامس
البرلمان : سارة تاج السر
اعلنت وزارة الصناعة ان إنتاج الدقيق في البلاد سيتراجع خلال العام المقبل بنسبة 15%، بينما كشفت عن عزمها تحرير ما اسمته بـ (دقيق الاستخدمات الأخرى) وايقاف استيراده نهائياً في العام 2017م.
......
يا النبي لوط
يعني ح تكون في زيادة اسعار رغيف ومصائب زي دي
......
اخيرا يا الله تقدرنا على العام 2017
فماذا انتم فاعلون ؟
|
Post: #2
Title: Re: الكلام ليكم يا المنططين عينيكم
Author: علي دفع الله
Date: 12-07-2016, 03:33 PM
Parent: #1
2017 دي يا دكتور بنكون كشحنا هؤلاء الاوغاد الى غير رجعة ...
وحات النبي البلد دي لو اديرت بي نزاهة حا تصدق نبوؤة سيدنا حميد عليه السلام
قطنك كاسيك ومدفيك
مويتك تسقيك وتحميك
قمحك معشيك ومغديك
طينايتك وحجرك ببنيك
او كما قال ...
(المقطع اعلاه اظن وبعد الظن تعوير لكلمات القديس حميد الابيات فيها خطاء فعذرا)
|
Post: #3
Title: Re: الكلام ليكم يا المنططين عينيكم
Author: د احمد حمدان
Date: 12-07-2016, 10:12 PM
Parent: #2
علي دفع الله البلد دي مبتلاه بان يقودها اسوأ اهلها ولصوصها
حقا وطن عملاق يقوده اقزام
|
|