لم انتبه لهذا العمل الا اليوم ... و هو عمره قد فاق العامين او اكثر ...
لم انتبه الا حينما كتب العزيز الدكتور زيدان بشير في صفحات مكتبة الأغنية السودانية اليوم ما يلي :
" الأخوة الأعزاء سلام عليكم ورحمة الله وبركاته لا اعرف من اين ابتدئ الكتابة , فقط دعوني أقول ان هنالك اشخاص لم تلتقيهم من قبل علي ارض الواقع وذلك لظروف البعد المكاني والزماني أحيانا" واحيانا" اخري لرحيلهم بهدوء عن دنيانا الفانية, لكن مجرد ان تدلف الي عوالمهم الرحيبة يراودك الشعور بانك تعرفهم من سنين طويله وانهم مطبوعين في الوجدان وغير ذلك من معاني الدهشه اللا متناهيه ان صح التعبير. بينما اقلب صفحات الانترنت بحثا" عن بعض المواد للشاعر الراحل عمر الطيب الدوش وجدت هذا العمل البديع وعندما تتبعته وبحثت وراءه وجدت المبدع احمد محمد عثمان ساطور قد كتب الاتي: (( سبب هذا العمل الموسيقي لحب المرحوم لهذه الاغنية وكان دايما كلامه معاي إنو بشوف عبقرية وردي في الاغنية دي ، وفي ليلة من الليالي تذكرت المرحوم وطوالي بديت اشتغل في الاغنية دي وكانت كمرثية وتبادل حوار مع شخص عزيز فقدته كما فقده كل الزملاء الفنانين وبالذات المجموعة التي صاحبت الفنان وردي في رحلة عدن المشهورة والتي كلفتنا سنتين خارج السودان ، والزملاء الذين زاملوا عصفور في معهد الموسيقى والدراما أمثال الفنان الموصلي والفنان ازهري عبد القادر والمرحوم اميقو ومدثر بابكر والفنان شاكر عبد الرحيم والفنانة هادية طلسم وكمال ميرغني ، والمرحوم علي ميرغني والفنان عبد الهادي ومن قسم الدراما لا يحصى ولا يعد ، والعدد يطول. وجل الطلبة بالمعهد ، عبد العزيز كان الفاكهة ، بظهوره في الساحة كان يقلب البؤس فرحا )).
هكذا تكون المناجاة وهكذا يكون الوفاء والتقدير من المبدعين للمبدعين حتي وان رحلوا.. الف شكر وعافيه للرائع ساطور والرحمة والمغفرة للراحل عبدالعزيز عصفور والدوش و وردي وكل مبدعي بلادي الملهمين "
رجاء .. ثم مناجاة للأستاذ احمد ساطور للتعليق على هذا الجمال ...
Post: #2 Title: Re: احمد ساطور ينادي عبد العزيز عصفور ... يا تر� Author: يحي قباني Date: 11-24-2016, 03:23 AM Parent: #1
قد يكون هذا العمل قد مر على المنبر من قبل ...
و لكن الجمال صالح لكل زمان و لكل مكان ...
فانا و من المؤكد غيري لم يسمعه ...
و نستأذنكم يا من سمعتموه ... ان نستمتع معكم ... و ننتظر حضور الموسيقار الجميل ساطور ...
Post: #3 Title: Re: احمد ساطور ينادي عبد العزيز عصفور ... يا تر� Author: MOHAMMED ELSHEIKH Date: 11-24-2016, 05:05 AM Parent: #2
وانا معك يا قباني في انتظار الرجل الجميل ساطور
تحياتي لكما
يا دفعة يا مبدعة
Post: #4 Title: Re: احمد ساطور ينادي عبد العزيز عصفور ... يا تر� Author: Elmosley Date: 11-24-2016, 09:21 AM Parent: #1
شكرا حبيبنا يحي عصفور كان رمانة الميزان للراحل وردي عصفور نذر حياته كلها للموسيقى وترك مهنة الهندسة وتفرغ لمبدعنا الراحل وردي حتى في امتحان تخرجه عزف يا جميلة ومستحيلة لهما الرحمة والمغفرة اما حبيبنا احمد عثمان ساطور الشهير بترهاقا فهو صاحب انامل ذهبية ولو كنت مليونيرا لفرغته ليحضن الاكورديون وجنبته عذاب الطبشرة لك وله الود الكبير
Post: #5 Title: Re: احمد ساطور ينادي عبد العزيز عصفور ... يا تر� Author: MOHAMMED ELSHEIKH Date: 11-25-2016, 12:59 PM Parent: #4
١٩٧٧م في مسرح بنات ثانوية عطبرة ومنافسات الدورة المدرسية كان يقود فرقتنا من الدامر عازف الكمان والمخرج التلفزيوني يحي الهجا وكان محسوبكم يحاول تعلم الاكورديون وحبيبنا ساطور يقود عطبرة الثانوية الماخمج وعند مسابقة العزف المنفرد احضرت امام ه كل الالات الموسيقية التى نعرفها ولانعرفها ليختار منها اللجان الاله التى تعجبهم ! وكان الاكورديون الذي فعل به الرجل في ذلك العمر المبكر مايشاء ! وقد تلقيت منه درسا سريعا في الكواليس بعد ان اشاد ببداياتي وتطلعاتى. التحية لهذا الهرم النوبي ولتوأمه عبد اللطيف عبد الغني والهجا وكل مبدعى تلك الفترة الجميلة من ابناء مديرية النيل .
Post: #6 Title: Re: احمد ساطور ينادي عبد العزيز عصفور ... يا تر� Author: Ahmed Yassin Date: 11-25-2016, 03:04 PM Parent: #5
الله يا يحي هنا تتجلى حقيقة ان الفنان احمد ساطور هو مستودع الانسانية والجمال والوفاء هذه المناداة والمناجاة وهذا العمل الجميل بكل ما حمل واعتمل من تجليات وشفافية الدوش (يناديها) لنا نحن لنرتاح من العذاب .. في عينيها وضحكتها وردي (يناديها) بعد الجيتار وتلك الجملة اللحنية ويعرف وردي كيف ينادي ويلح في النداء احمد ساطور (بنادي) عصفور بكل ذلك الشجن المقيم (عصافير نبتت جنحات وطارت للغيوم بيها) وامتلا الحزن فينا وصار (وبحزن لى سفن جايات وما بتلقى البلاقيها) شخصيا ما عارف ليه المقطع دا بذكرني احمد ساطور كنت من قبلك بشيل الليل دموع و اطويهو هم .. انا كنت بخشى علي الامانى الحلوة يفنيها العدم
Post: #7 Title: Re: احمد ساطور ينادي عبد العزيز عصفور ... يا تر� Author: ترهاقا Date: 11-27-2016, 06:02 AM Parent: #6
باشمهندس قباني والدفعة محمد الشيخ ، واستاذي يوسف الموصلي، والأستاذ أحمد ياسين سعدت كثيرا وانتو بتنفضوا الغبار عن هذا اللحن اللي أخد شنة ورنة في الزمن الجميل، أما المرحوم عصفور فقد كان دائما فاكهة المجموعة ، خصوصا في رحلة فنية تعدت السنتين تقريبا ، يعني طلعنا من السودان سنة 83 (طلعنا كيف دي ، دي قصة دايرة صفحة تانية) ورجعنا بعد الانتفاضة 85 في الجولة الطويلة دي زرنا اليمن وكتير من دول الخليج ، ومن ننزل أي مطار ، عبد العزيز كان بيكون عنده شلة جاهزة منتظرنه وياخدوهو من المطار، علاقاته الاجتماعية كانت مهولة وفي الخرطوم اقدر أقول ليكم في الوكت داك كان تقريبا بيعرف نص الخرطوم وعلاقاته مع ناس في منتهى الرقي. المرحوم دخلني في عالم كبير وإتعلمت منهم كتير ، في لحظات كتيرة كنت بحس إنو عارف أنا عايز أقول شنو وما يدور بخلدي. إلى جانب العزف ، كان عنده فن إلقاء النكتة ، يعني آخر نكته كنت بتسمعها منو، وأول ما يجي داخل بيت أو محل عام ، الجماعة يشبكوهو ليك يلا يا عصفور آخر نكتة. الموضوع طويل ومشروع كتاب التحية لكم جميعا ، وبالله يا قباني تحياتي لكل الأصدقاء في كندا خاصة للصديق العزيز حمد إسماعيل عازف البيز جيتار المعروف حمد ، ده تحفة ولو قربت منو ما بتقدر تبعد منو . ده كمان في رحلة لليبيا كان فاكهة المجموعة كلها ، بما فيهم مش بس الفرقة الموسيقية السودانية بس، بل الجزائريين على التونسيين على الليبين نفسهم . خليهو يحكي ليك المواقف الطريفة واللذيذة جدا اللي مرينا بيها في ليبيا القذافي واللجان الشعبية ، والتحية أيضا للأستاذ عازف البيز المعروف الأستاذ الفاتح ياسين رفيق الدرب في الرحلة الطويلة والاخوة عمر منصور ( شقيق العزيز تمبس) وعمر فتح الله . , وتحية مدبلة للعزيز الجميل الدكتور : زيدان بشير
وكما نقول بالنوبية مخلوطة العربية : أأأأفيلقو
Post: #8 Title: Re: احمد ساطور ينادي عبد العزيز عصفور ... يا تر� Author: يحي قباني Date: 12-01-2016, 05:06 AM Parent: #7
Quote: باشمهندس قباني والدفعة محمد الشيخ ، واستاذي يوسف الموصلي، والأستاذ أحمد ياسين سعدت كثيرا وانتو بتنفضوا الغبار عن هذا اللحن اللي أخد شنة ورنة في الزمن الجميل، أما المرحوم عصفور فقد كان دائما فاكهة المجموعة ، خصوصا في رحلة فنية تعدت السنتين تقريبا ، يعني طلعنا من السودان سنة 83 (طلعنا كيف دي ، دي قصة دايرة صفحة تانية) ورجعنا بعد الانتفاضة 85 في الجولة الطويلة دي زرنا اليمن وكتير من دول الخليج ، ومن ننزل أي مطار ، عبد العزيز كان بيكون عنده شلة جاهزة منتظرنه وياخدوهو من المطار، علاقاته الاجتماعية كانت مهولة وفي الخرطوم اقدر أقول ليكم في الوكت داك كان تقريبا بيعرف نص الخرطوم وعلاقاته مع ناس في منتهى الرقي. المرحوم دخلني في عالم كبير وإتعلمت منهم كتير ، في لحظات كتيرة كنت بحس إنو عارف أنا عايز أقول شنو وما يدور بخلدي. إلى جانب العزف ، كان عنده فن إلقاء النكتة ، يعني آخر نكته كنت بتسمعها منو، وأول ما يجي داخل بيت أو محل عام ، الجماعة يشبكوهو ليك يلا يا عصفور آخر نكتة. الموضوع طويل ومشروع كتاب التحية لكم جميعا ، وبالله يا قباني تحياتي لكل الأصدقاء في كندا خاصة للصديق العزيز حمد إسماعيل عازف البيز جيتار المعروف حمد ، ده تحفة ولو قربت منو ما بتقدر تبعد منو . ده كمان في رحلة لليبيا كان فاكهة المجموعة كلها ، بما فيهم مش بس الفرقة الموسيقية السودانية بس، بل الجزائريين على التونسيين على الليبين نفسهم . خليهو يحكي ليك المواقف الطريفة واللذيذة جدا اللي مرينا بيها في ليبيا القذافي واللجان الشعبية ، والتحية أيضا للأستاذ عازف البيز المعروف الأستاذ الفاتح ياسين رفيق الدرب في الرحلة الطويلة والاخوة عمر منصور ( شقيق العزيز تمبس) وعمر فتح الله . , وتحية مدبلة للعزيز الجميل الدكتور : زيدان بشير
وكما نقول بالنوبية مخلوطة العربية : أأأأفيلقو
جيدا جيت يا فنان ...
ارجع ليك بي مزاج ان شاء الله ...
بس نشوف حال البلد ...
Post: #9 Title: Re: احمد ساطور ينادي عبد العزيز عصفور ... يا تر� Author: حيدر حسن ميرغني Date: 12-01-2016, 06:29 AM Parent: #8
من الطرف الجميلة التي كانت تحكى عن الراحل عصفور انه لما سألوه " ليه ما تزوجت " ... قال نسيت هكذا قراتها ذات مرة في معرض رثاء أحد أصدقائه له في صحيفة الخرطوم ابان صدورها من القاهرة .. اذكر آنذاك ان الراحل جون قرنق رثاه ايضا بإسم الحركة الشعبية الله يرحم عصفور بقدر ما اتحفنا بإبداعه شكرا يحي
Post: #10 Title: Re: احمد ساطور ينادي عبد العزيز عصفور ... يا تر� Author: Hamid Elsawi Date: 12-02-2016, 05:47 AM Parent: #9
شكرا يحيي علي هذه الاستراحة البديعة من اللهث وراء لقمة العيش و الاخبار
حقيقة كنت محتاج لي بوست زي ده حيث الابداع و الوفاء و الذكريات
من حسنات عهد نميري الدورة المدرسية و مهرجاتات الثقافة .... فبل المدارس تتهدم و الثقافة تترمل