تُرى لماذا انكرت اسرة منديل اصولها اليهودية ؟

09:56 PM November, 16 2016

سودانيز اون لاين
يحي قباني-فى الدنيا العجيبة
مكتبتى
رابط مختصر

Quote: بسم الله الرحمن الرحيم بيان من آل منديل قال الله تعالى: ﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ﴾ في الآونه الاخيره تداولت مواقع التواصل الإجتماعي خبر مفاده أن السيد رونالد بريبوس ذو الأصول السودانيه، والذي عُين رئيس موظفي البيت الأبيض، من آل منديل .. وقد قال الكاذب الفاسق صاحب المقال أنه بعد التقصي والتحقق تبين أن والدته هي رولا بنت أخت السيده عزيزة منديل، أطال الله عمرها، وحقيقة لاندري ما هو الداعي لهذا الكذب والتضليل؟ وماذا يقصد صاحب المقال الكاذب الفاسق؟ فالسيده عزيزه منديل لديها أخت واحدة وهي السيده خديجه رحمها الله وغفر لها، وليس لها علاقه نهائياً بالسيد رونالد بريبوس من قريب أو بعيد .. فأسرة السيدة عزيزة من أصول تركية، وهذا الشخص المشار إليه، وبحسب كاتب المقال الكاذب الفاسق، هو من أصول إغريقيه، ويؤكد إسمه أنه صاحب ديانة غير إسلامية، ونحن آل منديل آسرة مسلمة، أباً عن جد، والحمدلله، وخاصة السيدة الوقورة الورعة المتدينة عزيزة منديل. فأسرة منديل من أعرق الأسر المهاجرة للسودان و لها السبق في نشر العلم والمعرفه في داخل وخارج السودان .. خدم أبناؤها في الجيش السوداني، وشغلوا الكثير من الوظائف الحكومية الرفيعة التي خدموا فيها سودان العزة والتمازج والحضارة .. ولهم السبق في إنشاء أول مطبعة في السودان وجدهم كان رفيق الإمام المهدي ومترجمه الأول وسطر التاريخ لهم إجازات وإنجازات وإختراعات علمية رفعت إسم السودان عالياً في المحافل الدولية وأفادت البشرية والحمد والشكر لله إن تلفيق الكلام وتزوير المعلومات جريمه يحاسب عليها القانون الذي قد يطال كل من أسهم في نشر وتداول معلومات خاطئة أو ساعد في نشرها ..وعليه ترجو أسرة منديل عدم إدارج إسمها في أي خبر أو ذكر أي سيرة تخصها دون الرجوع لأحد عمداء الأسرة ونحن يشرفنا أن نكون جزء من تاريخ هذا الوطن وسيرته الطيبة ونسيجه المتفرد .. وعليه نحذر كل مدراء قروبات الواتساب ومواقع التواصل الإجتماعي من التورط في هذا الخوض الكاذب ونسأل الله أن يهديكم وإيانا الصراط المستقيم ونسأله الرحمة والمغفرة. آسرة منديل ١٥ نوڤمبر ٢٠١٦

ان تنكر الاسرة صلتها براينس بريباس فهذا امر طبيعي ...

و لكن ان تنكر اصلها المنحدر من اسرة يهودية لهو امر عجيب !!!

هل تعتبره عيباً ؟

و هل الالتصاق بأصل اغريقي اكرم من الأصل اليهودي؟

تزاملنا مع اسرة منديل لسنين طويلة و نعرفهم حق المعرفة ... و هم اسرة في غاية الاحترام ...

فعلى الصعيد الشخصي ... اعرفهم منذ العام 1970 حيث درس معي سامي حسين منديل في الخرطوم شرق الأولية ...

و من وقتها نعلم ان اصلهم يهودي ... و كان ذلك شيئا عاديا ... و كانت اسر كثيرة سودانية تنحدر من اصل يهودي

على سبيل المثال عائلة شاؤول الياهو ... و الذي يعمل ابنهم المهندس روني شاؤول في مجموعة دال ... وهو الرجل الثاني في الشركة بعد أسامة داؤود ...

و هناك عائلة بنيامين و عائلة بسيوني و غيرهم و هم اسر سودانية ... منهم من اسلم و منهم من بقي على دينه ...

هناك أيضا كتابين عن الاسر اليهودية في السودان ...

احدهما كتاب سولومون مالكا ( اليهود في السودان ) و قد قام بحصر الاسر اليهودية في السودان و أشار الى اسرة منديل ...

و التي قال ان اسمها في الأصل Mendel و اسلم جدهم و حول الاسم الى منديل ... ( الكتاب بحوزتي و أيضا فيلم وثائقي ) ...

هناك كتاب آخر كتبه الأستاذ صلاح محمد أحمد عن الجالية اليهودية في السودان وقد ذكر فيه نفس ما جاء في كتاب سولومون مالكا ...

يبقى السؤال ....

لماذا قررت اسرة منديل في بيانها أعلاه انكار اصلها اليهودي و الذي لا أرى فيه أي عيب ...

و لماذا التشديد على انهم اسرة مسلمة و هو الشئ الذي لم ينكره احد عليهم ...

و ما المقصود ب ( خاصة السيدة الوقورة الورعة المتدينة ) ... هل هي اكثر ايمانا و تدينا من بقية الأسرة ؟

Quote: ونحن آل منديل آسرة مسلمة، أباً عن جد، والحمدلله، وخاصة السيدة الوقورة الورعة المتدينة عزيزة منديل.

عائلة منديل عائلة محترمة جدا ... لا ادري لماذا انكرت الأصل اليهودي ؟

و ما هو العيب في ذلك ...

بالعكس ... في نظري انه من اللباقة ان لا تنكر الأسر بأصولها أيا كانت .. عربية .. يهودية زنجية ... أيا كان الأصل ...

و لها الحق بالتفاخر بسودانيتها و بديانتها ان رأت ذلك ...

التحية لأسرة منديل و للجدة عزيزة منديل ...

النفي وحده كان كافيا
تحياتي يحى

صديقى يحى
نفس ملاحظتى عندما قرآت البيان وقد تشككت فى نسب مستشار ترمب لال منديل من الوهله الاولى.
سكنت اسرتى لامى معهم فى حى الجامعه فى ستينات القرن المنصرم وكان دِ طه حسين منديل دفعتى فى الخرطوم شرق الاوليه , واخته د. سميره منديل زميله لخالاتى .
كذلك لنا معرفه برجل الاعمال سيف منديل بحكم نشاطه التجارى فى سوق العمارات 41 القريب من منزلنا فى شارع 35.
اصول كثير من السودانيين الذين ساهموا فى بناء السودان الحديث ترجع لمصر, بلاد الشام, المغرب, تركيا, موريتانيا, نيجيريا, واصول يهوديه فى الغالب سفارديه وبعض الاسر مثل ال منديل من اصول اشكنازيه.
مع ودى

هل صحيح ان جدهم منديل "أجبر" على دخول الاسلام في فترة المهدية؟

سلام احمد ...

الله اعلم ... حسب رواية سلمون مالكا البعض اسلم للتعايش مع الناس و البعض اسلم مكرها و بعضهم اسلم دون اكراه ...

النتيجة ان الاسرة جميعها مسلمة ...

Quote: صديقى يحى نفس ملاحظتى عندما قرآت البيان وقد تشككت فى نسب مستشار ترمب لال منديل من الوهله الاولى. سكنت اسرتى لامى معهم فى حى الجامعه فى ستينات القرن المنصرم وكان دِ طه حسين منديل دفعتى فى الخرطوم شرق الاوليه , واخته د. سميره منديل زميله لخالاتى . كذلك لنا معرفه برجل الاعمال سيف منديل بحكم نشاطه التجارى فى سوق العمارات 41 القريب من منزلنا فى شارع 35. اصول كثير من السودانيين الذين ساهموا فى بناء السودان الحديث ترجع لمصر, بلاد الشام, المغرب, تركيا, موريتانيا, نيجيريا, واصول يهوديه فى الغالب سفارديه وبعض الاسر مثل ال منديل من اصول اشكنازيه. مع ودى

أبو نورا يا صديقي ...

لا ادري من منهم صاغ ذلك الرد ...

الإصرار الشديد على انهم اسرة مسلمة لم افهم معناه ...

لم يتهمهم احد في ديانتهم ...

و نكران الأصل لا ادري أي سبب لذلك ؟

و الزيادة في مسألة متدين و ورع ... اغرب ما يكون ... فهم ليسوا سلالة مشايخ ...

هل هو خوف زائد نسبة لوجودهم في السودان ؟

حقيقة في غاية الاستغراب ...

انا او منحدر من اسرة من الهند او من السند لا انكرها ... فذلك لا يعني انهم ليسو سودانيين ...

و لا يعني انهم ليسوا مسلمين لانهم من اصل يهودي ؟

تزاملنا أيضا مع أبناء شاه و أبناء ميرزا ... لم ينكر احد اصله ... و يفتخر بسودانيته ...

اعود مرة اخرى والعود احمد ياقبانى

Quote: " تزاملنا أيضا مع أبناء شاه و أبناء ميرزا ... لم ينكر احد اصله ... و يفتخر بسودانيته ..."

وكيف لى ان انسى هذه الاسر و اضيف معهم اسرة بتيل من الاسر السودانيه من اصل هندى واسر الحضارمة ايضا العريقه, باعبود, باوراث, باخريبة, وغيرها

زاملناهم, صادقناهم, بل وصاهرنا بعضهم فى سودان التنوع, والتعدد

مع ودى وتقديرى

Quote: النفي وحده كان كافيا تحياتي يحى ‰

كان النفي وحده اجمل يا فرح ...

ما في داعي للخوض في الأصل و الدين و التدين ...

سلام يحيى،
عندي احساس انو البوست دا غير موفق
قد يكون الانكار له علاقة بأمن الأسرة الاجتماعي
لماذ لا تترك شهادتك على العصر لوقت آخر؟

Quote: سلام يحيى، عندي احساس انو البوست دا غير موفق قد يكون الانكار له علاقة بأمن الأسرة الاجتماعي لماذ لا تترك شهادتك على العصر لوقت آخر؟

إحساس جميل و الله يا بكري ...

بس ما اعتقد اني كشفت سر و لا اكتشفت الذرة ...

أي زول من الخرطوم و ام درمان عارف القصة دي ...

مدني ما كان عندكم فيها اسر يهودية ؟ ...

ما تكون حساس يا بكور ...

سلامات يا هندسة
قد يكون صاحب البيان من الأجيال الجديدة التي نشأت على انها مسلمة ولا تدري عن أصولها شيئ باعتباره تاريخ قديم وربما بم يحكي لهم احد عنه
لكن المشكلة الأكبر في رأيي هي في صاحب الفبركة الرئيسة التي عمّت الوسائط وربما الصحف ايضا وشغلت الناس عن نسبة والدة الأمريكي لعزيزة منديل ثم الإغراق غي التفاصيل عن كونها ظبية المسالمة المعنية و التي كتب فيها الشعراء و تغنوا بها
هذه التفاصيل زالفبركة قد تكون سببت حرجا و ازعاج ادى للغة الحادة في البيان و ربما التأكيد على مسألة الورع اللفتت نظرك .

الناس وصلت مراحل مبالغ فيها في الفبركة وفي نشرها و ترويجها يا يحي, تخيل اليومين الفاتن في مواضيع التسجيلات و بتاع ظهرت خطابات من الهلال لعدد من الأندية بل شطب احد اللعبين مزورة بمهارة واتقان وعلى ورق النادي وتوقيع الأمين العام
غايتو السودانيين اساؤوا استخدام الفوتوشوب لدرجة ما معقولة أبدا

Quote: و ما المقصود ب ( خاصة السيدة الوقورة الورعة المتدينة ) ... هل هي اكثر ايمانا و تدينا من بقية الأسرة ؟

أكيد المقصود ما كدا، بل رداً على أنها المقصودة بغزال
المسالمة، وما قد يقترن بأذهان الغوغاء جراء ذلك!

غايتو انا لوكنت من اصل يهودي وعايش في السودان - ما بحب ابدا انو زول يعرف اني من اصل يهودي!

لا اعتقد ان يكون لأصولك اليهودية في السودان اي خطر عليك
بل ان كنت ما زلت يهوديا لا خطر عليك
عاشت العديد من الأسر اليهودية في السودان وظلت على يهوديتها ولم تتعرض لأي نوع من الأذى سواء من السلطة او من المجتمع
ولا يوجد ذكر لحادثة واحدة على حسب علمي لأي اعتداء لفظي او معنوي او مادي على أي أسرة يهودية او من أصول يهودية في السودان
اذا كانت هناك حوادث مثل ذلك ممكن تعريفنا بها
والفلاشا "اليهود العديييل" حتى تاريخ ترحيلهم لاسرائيل في عهد نميري كانوا يتمتعون بكامل حقوقهم
بل حتى ترحيلهم يعتبر حفظا لحقوقهم بما انه تم على رغبتهم ورغبة اسرائيل رغم اعتراض المجتمع المحلي والدولي حينها نظرا لحساسية الموقف من اسرائيل في ذلك العصر

يا كنيسة الرب ألفي القلب في القلب

سلام يا يحيى

نقطة حسين ملاسي وجيهة.
بعدين في ظل الهوس الديني الحايم في السودان بالتأكيد لا يسعد أحد بنشر معلومة أن أصوله يهودية، حتى لو أسلموا بعد ذلك وأصبحت أسماءهم أسماء مسلمين. من هنا يأتي التأكيد على أن دينهم هو الإسلام.

لم أستطع أن أتبين الكلام في الموضع 3:45
Following repeated
ما الذي حدث لمقابر اليهود في الخرطوم مما يحكيه الرجل في الفيديو ؟؟

ياسر

" غايتو انا لوكنت من اصل يهودي وعايش في السودان - ما بحب ابدا انو زول يعرف اني من اصل يهودي! "

سلام يا يحى، انا جيت البوست اقول كلام ايمن دا زاتو. يا زول السودان الحالي تعيش فيهو على انك من اصول يهودية كيف؟
ممكن اي واحد من المجانيين ديل يجاهد فيك. اذا ما جاهدوا فيك عديل لن تعدم المضايقات المختلفة.

تحياتي قباني
وضيوفه
يا قباني لي الليلة في اسر بترفض المصاهرة عشان القبيلة
يهود دي بتعزلهم عديل
في كتاب
اليهود في السودان
ل الاستاذ
مكي ابوقرجة
ومكي من كوستي

يا جماعة انتو بتتكلموا كأنوا احنا ما بنعرف السودان
مش لحد قريب كان معظم الجنوبيين المسيحيين عايشين في السودان بكامل حريتهم وبكامل كنائسهم الجديدة والقديمة وتم الغاء قانون عبود القديم وتم انشاء العديد من الكنائس لصالح المسيحيين
هل حصل في يوم من الأيام الاعتداء على اي مسيحي من اجل مسيحيته او الاعتداء على كنيسة
هل تم الاعتداء على اي أسرة يهودية او من أصول يهودية
ممكن ذكر اي مثال ؟

Quote: ممكن اي واحد من المجانيين ديل يجاهد فيك. اذا ما جاهدوا فيك عديل لن تعدم المضايقات المختلفة.

القصة دي حصلت أيام الجهاد في أفغانستان ... كل شعوب العالم المسلم تم تعبأتها ضد الاتحاد السوفيتي ...

فذات يوم كان في مظاهرة يقودها الكيزان وطافوا جميع أنحاء الجامعة وطلعوا من النشاط ودخلوا بالمين روود

لمن جوا جنب كلية الآداب ... كلهم نطوا جوه شعبة اللغة الروسية ... إلا مسكوهم من الأبواب والشبابيك والسلالم ..

فيا بكري ... كله جائز


.

Quote: غايتو انا لوكنت من اصل يهودي وعايش في السودان - ما بحب ابدا انو زول يعرف اني من اصل يهودي!

يا بكري التكفيريين والارهابيين السودانيين يستهدفون المسلمين فقط ولا يستهدفون غيرهم وصدقني ما يهم اصلهم طالما هم اليوم مواطنين سودانييين وكمان مسلمين .
اليوم يعيش بيننا الجنوبيون والجاليات الهندية وغيرهم ولا احد يعترضهم .
ممكن صحي قصة عدم المصاهرة دي تكون موجودة لكن واحد يعتدي عليك عشان اصولك يهودية دا كلام متستحيل وزيما قال اخونا ود الشيخ السودانيين اكثر ناس تسامحا في هذا الباب .
تحياتي

ياخ السودان كلو يقول ليك بدور القلعة قالوها في حبوبته يجو الناس تنكر لي في المسالمة غزال أو ظبية المسالمة الناس ديل خافوا من إتنين يا ناس اللوتري ينجضوهم بانتوا أهل بريبوس بتاع ترمب
ولا خافوا ناس الحكومة الحرامية ديل يطلعوا ليهم متأخرات جزيه قبل المهدية
ياخ كان في رجل ظريف جداً عنده وكالة سفر جنب أتني طلب مني مساعده في تجديد جوازه إسمه جورج إلياهو بن اليسار شاؤول حياه الله أينما كان

Quote: تحياتي قباني وضيوفه يا قباني لي الليلة في اسر بترفض المصاهرة عشان القبيلة يهود دي بتعزلهم عديل في كتاب اليهود في السودان ل الاستاذ مكي ابوقرجة ومكي من كوستي

جزء من العنصرية يا حفيظ يعني ؟

Quote: يا زول السودان الحالي تعيش فيهو على انك من اصول يهودية كيف؟ ممكن اي واحد من المجانيين ديل يجاهد فيك. اذا ما جاهدوا فيك عديل لن تعدم المضايقات المختلفة.

ما ظنيت يا أبو بكر ... لكن بقيت ما استغرب أي شي ممكن يحصل مع الناس ديل ...

Quote: لم أستطع أن أتبين الكلام في الموضع 3:45 Following repeated ما الذي حدث لمقابر اليهود في الخرطوم مما يحكيه الرجل في الفيديو ؟؟

سلام ياسر ...

حسب الفلم التوثيقي The Jews in the Sudan - The Longest Kiss in History

فقد تم ترحيل رفاة المدفونين في مقابر اليهود بالاتفاق مع جعفر نميري ..

تم نبش القبور و اخذ الرفاة و دفنها بمقابر في إسرائيل ... اكراما لموتاهم ...

من الأفلام المهمة و كنت قد كتبت عنه هنا منذ سنوات ...

لو صح ليك يا ياسر الحصول عليه فهو من الأفلام التوثيقية المهمة ...

يمكن شراؤه من على النت فقط ...

Quote: لا اعتقد ان يكون لأصولك اليهودية في السودان اي خطر عليك بل ان كنت ما زلت يهوديا لا خطر عليك عاشت العديد من الأسر اليهودية في السودان وظلت على يهوديتها ولم تتعرض لأي نوع من الأذى سواء من السلطة او من المجتمع ولا يوجد ذكر لحادثة واحدة على حسب علمي لأي اعتداء لفظي او معنوي او مادي على أي أسرة يهودية او من أصول يهودية في السودان اذا كانت هناك حوادث مثل ذلك ممكن تعريفنا بها والفلاشا "اليهود العديييل" حتى تاريخ ترحيلهم لاسرائيل في عهد نميري كانوا يتمتعون بكامل حقوقهم بل حتى ترحيلهم يعتبر حفظا لحقوقهم بما انه تم على رغبتهم ورغبة اسرائيل رغم اعتراض المجتمع المحلي والدولي حينها نظرا لحساسية الموقف من اسرائيل في ذلك العصر

فعلا يا احمد ...

وهل تجهّل الناس في السودان لدرجة عدم معرفة ان اسرة فلان من اصل كذا و كذا ؟

انا بعيد من السودان لفترة تفوق عهد الإنقاذ البغيض ...

و اعلم ان نفسيات ناس كتيرة تغيرت ... و لكن لا اذكر يوما واحدا سمعت ان فلان لان اصله يهودي او هندي فهو منبوذ او متخوف على حياته ...

اكبر مثال هو روني شاؤول العقل المفكر لشركة دال ... تزامل مع أسامة داؤود منذ الصغر و هو رجل عبقري ...

و اخوته فريدي و روبي اعتقد ...

اذا كان الوضع كذلك ... و أسامة داؤود رجل ذكي ... لماذا اختار شخص اسم عائلته ( شاؤوول )

عموما ... هم اختاروا لهجة البيان و تفاصيله وهم احرار ...

و لكن التاريخ محفوظ و اكرر انه لا يوجد ما يعيبهم في اظهار اصولهم ...

Quote: Quote: و ما المقصود ب ( خاصة السيدة الوقورة الورعة المتدينة ) ... هل هي اكثر ايمانا و تدينا من بقية الأسرة ؟ أكيد المقصود ما كدا، بل رداً على أنها المقصودة بغزال المسالمة، وما قد يقترن بأذهان الغوغاء جراء ذلك! ‰

يجوز ... و لكن هل وصلت نسبة الغوغاء الى درجة التخوف من التعايش بينهم ؟

لا ادري ... فالسودان الذي بدواخلي ارفع من ذلك التخوف بكثير ...

Quote: سلامات يا هندسة قد يكون صاحب البيان من الأجيال الجديدة التي نشأت على انها مسلمة ولا تدري عن أصولها شيئ باعتباره تاريخ قديم وربما بم يحكي لهم احد عنه لكن المشكلة الأكبر في رأيي هي في صاحب الفبركة الرئيسة التي عمّت الوسائط وربما الصحف ايضا وشغلت الناس عن نسبة والدة الأمريكي لعزيزة منديل ثم الإغراق غي التفاصيل عن كونها ظبية المسالمة المعنية و التي كتب فيها الشعراء و تغنوا بها هذه التفاصيل زالفبركة قد تكون سببت حرجا و ازعاج ادى للغة الحادة في البيان و ربما التأكيد على مسألة الورع اللفتت نظرك . الناس وصلت مراحل مبالغ فيها في الفبركة وفي نشرها و ترويجها يا يحي, تخيل اليومين الفاتن في مواضيع التسجيلات و بتاع ظهرت خطابات من الهلال لعدد من الأندية بل شطب احد اللعبين مزورة بمهارة واتقان وعلى ورق النادي وتوقيع الأمين العام غايتو السودانيين اساؤوا استخدام الفوتوشوب لدرجة ما معقولة أبدا

ود البشرى يا حبيب ...

حقيقة مسائل الفبركة زادت عن حدها تماماً ... و انا معاك انو ليهم كل الحق في نفي الاتهام بانه الرجل قريبهم ...

لكن ما كان بيكفي بيان من سطرين انو الرجل ليس له أي علاقة من قريب او بعيد ...

وان من حاول فبركة الكلام هو مخطئ في حق الاسرة ...؟

اما مسألة ظبية المسالمة فهي جزء من تراث لن تمحيه أي بيانات صارخة ... و ليس فيه ما يعيب ...

هكذا كان السودان قبل ان يغير النميري وجهته بالنهج الإسلامي ( لماذا و كيف و متى )

ثم جاء الكيزان و شوهوا باقي المعالم ...

اخ كان في رجل ظريف جداً عنده وكالة سفر جنب أتني طلب مني مساعده في تجديد جوازه إسمه جورج إلياهو بن اليسار شاؤول حياه الله أينما كان)) QUOTE)>>>>>>>>><<>>>>>>>>><>>>>>>>>>>>>
يا منتصر هل تعرف ان الياهو بن اليسار ،والد جورج كان سفير اسرائيل في القاهرة وبعد ذلك كان سفير اسرائيل في باريس( فرنسا)
ومات بسكتة قلبية في باريس. ..
وطبعا انت عارف ان رئيس الوزراء الاسرائيلي ذات نفسه اصوله سودانية
بل وان الاشاعات بتقول انه سوداني ميه في الميه لانه مولود في السودان واسمه الحقيقي عطا الله عبد الرحمن.
. اذا كان الأمريكان والكنديين بيمنحو الجنسية بتاعتهم لأي مولود يولد داخل طائرة امريكية او كندية او سفينة امريكية او كندية ،
أو ان شاء الله داخل سفارتهم في اي دولة في العالم، باعتبار ان هذه الاماكن اراضي امريكية او كندية فكيف الزول المولود
داخل الاراضي السودانية ما يكون سوداني ميه الميه.....
. وطبعا نتيناهو في الايام الأخيرة حن لمسقط رأسه وبدأ في اجرءات لتوطيد العلاقات مع السودان بل بقى يحنس الإدارة الأمريكية
برفع العقوبات الاقتصادية عن السودان.. .. وعشان كده برضه عائلة منديل في السودان مفروض ما يتحسسوا من حكاية ان اصلهم
يهود لانهم مولودين في السودان وهم سودانيين ميه في الميه ولا شك...
والله يديكم الصحة والعافية

"وطبعا انت عارف ان رئيس الوزراء الاسرائيلي ذات نفسه اصوله سودانية"

not true

سلام يا يحى،
حسب قراءتي، الخطاب يؤكد أن الأسرة مسلمة ولا توجد به أية إشارة تدل على التنكر للأصول اليهودية.
تحياتي لزوارك الكرام.

not true
(QUOTE)>
>><<<>>>
احمد خليل وانا متأكدة برضه not true
واذا كان اسمه في السودان نجم الدين الله جابو على وزن بنجامين نتينياهو احتمال كنا نصدق الإشاعة..
. لكن "عطا الله عبد الرحمن " ما بيستقيم..... لكن السبب شنو الاسرائيليين بتوسطو للسودان مع الأمريكان
عشان يرفعوا العقوبات عن السودان؟؟ لازمن في سر..
وكمان سمعت ان الاسرائيليين بيطلبوا من الأمريكان إلغاء قرار مجلس الامن بإحالة قضية دارفور
إلى المحكمة الجنائية الدولية وهو القرار رقم 1593 الذي اعتمده المجلس عام 2005م اي بمعنى شطب القضية المرفوعة
ضد الرئيس السوداني عمر البشيرمن المحكمة.لأن إلغاء هذا القرار معناه إلغاء التهم عن 51 شخص مطلوب القبض عليهم
ومنهم الرئيس السوداني عمر البشير..
.. والله يديك الصحة والعافية

وهذا هو نص القرار:

on 31 March 2005
The Security Council,
Taking note of the report of the International Commission of Inquiry on-
violations of international humanitarian law and human rights law in Darfur

Recalling article 16 of the Rome Statute under which no investigation or-
prosecution may be commenced or proceeded with by the International Criminal
Court for a period of 12 months after a Security Council request to that effect,
Also recalling articles 75 and 79 of the Rome Statute and encouraging States to-
contribute to the ICC Trust Fund for Victim
Taking note of the existence of agreements referred to in Article 98-2 of the-
Rome Statute,
Determining that the situation in Sudan continues to constitute a threat to-
international peace and security,
Acting under Chapter VII of the Charter of the United Nations,-
Decides to refer the situation in Darfur since 1 July 2002 to the-1
Prosecutor of the International Criminal Court;
2. Decides that the Government of Sudan and all other parties to the
conflict in Darfur, shall cooperate fully with and provide any necessary assistance to
the Court and the Prosecutor pursuant to this resolution and, while recognizing that
States not party to the Rome Statute have no obligation under the Statute, urges all
States and concerned regional and other international organizations to cooperate
fully;
3. Invites the Court and the African Union to discuss practical arrangements
that will facilitate the work of the Prosecutor and of the Court, including the
possibility of conducting proceedings in the region, which would contribute to
regional efforts in the fight against impunity;
4. Also encourages the Court, as appropriate and in accordance with the
Rome Statute, to support international cooperation with domestic efforts to promote
the rule of law, protect human rights and combat impunity in Darfur;

أتفق مع دكتور حيدر ليس هناك تنكر للاصل فهم ذكروا اصلهم التركي واليهودية دين وهم الان مسلمين.
انما نفي صلتهم بالسيدة لورا وهي اغريقية مسيحية ارثوذكسية. بيان الاسرة واضح جدا وهي اسرة سودانية محترمة وتدين كلها بالإسلام والسودان كله يعرف ان اجدادهم كانوا يهود وتحولوا للاسلام
الهودية ليست اصل ولكن دين. وهم ذكروا دينهم الحالي وذكروا ان اصلهم يعود لتركيا وليس اليونان اصل السيدة لورا.

Quote: سلام يا يحى، حسب قراءتي، الخطاب يؤكد أن الأسرة مسلمة ولا توجد به أية إشارة تدل على التنكر للأصول اليهودية. تحياتي لزوارك الكرام

تحياتي د. حيدر

قراءتي لهذه الجزئية هي السبب الأساسي في السؤال موضوع البوست:

Quote: ويؤكد إسمه أنه صاحب ديانة غير إسلامية، ونحن آل منديل آسرة مسلمة، أباً عن جد، والحمدلله، وخاصة السيدة الوقورة الورعة المتدينة عزيزة منديل.

و الحقيقة التي نعرفها ان جدهم آدم منديل اسلم في القرن ال 19

اذا فهم مسلمين .. و لكن ليسوا أبا عن جد ...

اضف الى ذلك التأكيد المضاف و الذي انقص من الحقيقة حينما اضافوا ( خاصة السيدة الوقورة الورعة المتدينة )

رغم انه لا يوجد أي تشكيك في اسلامهم و تقواهم ... و هو الشئ المتروك ما بين العبد و ربه ...

ارجع مرة أخرى لأمر كونها السيدة عزيزة كانت ظبية المسالمة ...

ما العيب في ذلك ... بالعكس ... كانت ملهمة ...

شعراء الحقيبة تغنوا و تغزلوا ما شاء لهم ...

الفرق ان البلد كانت بلد معتدلة و لم تتطرف كما يحدث الآن ...

تطرف على النقيضين ...

تدين و تشدد ( معظمه زائف ) .. و فجور ...

سيد عبد العزيز قال :

دنت الثريا بقت قريب بين السلوك في تاني دور
في ثانية كم سطعت بدور
واهلة كان نوعن غريب

اها ( ثريا ) دي يقال انها ثريا شاشاتي ...
الحصل شنو ؟ ما العالم اشترى من محلات شاشاتي لامن الله غفر ليهم ...
نقوم ننكرها و نقول اصلها ما سوري ...

انا شخصياً اشتريت مليون نضارة من موريس جولدنبرج ...
( نص نضاراتي كانت من هناك و النص من النضارات الأهلية ) ناس عبد المجيد ...
و اشتريت من دكان ( العيني ) في امدرمان ...
و من محلات بنيامين في الخرطوم ...
و شاغلت بنات بسيوني ... و بنات عمك علي الحانوتي ...
يهود في يهود ...

اها اقيموا علي الحد !!!

الاخ يحي
احب اذكرك بنميري ( راس الدولة ) وماذكره لمراسلة
مجلة الاسبوع العربي ، في لقاء خاص للمجلة ،
عن الراحل الشاعر صلاح احمد ابراهيم
علي سبيل التعريض ، بعد تحوله من السفارة للمعارضة

صباحكم خير

- ما هو دليل صحة البيان للأسرة ؟
- هل كاتب البيان - إن كان من الأسرة - كتبه بعد مشاورة الآخرين أو تصرف فردياً ؟
- أليس من الممكن أن فبركة الخبر ثم البيان جاءتا من مصدر واحد ؟

يحي قباني،
سلام،
هذه الاسرة تعيش في السودان الان. وعلي راس الدوله نظام اسلامي فاشي، فربما رؤوا ان لايعرضوا نفسهم الي الاضواء احترازا من نازيي الانقاذ!
...ربما!

ارجع مرة أخرى لأمر كونها السيدة عزيزة كانت ظبية المسالمة ...
ما العيب في ذلك ... بالعكس ... كانت ملهمة ...
شعراء الحقيبة تغنوا و تغزلوا ما شاء لهم ...
الفرق ان البلد كانت بلد معتدلة و لم تتطرف كما يحدث الآن ...
============================================
ولا يمكن قراءة هذا بمعزل عن الاننفتاح و روح التسامح ومواكبة البلد وشعبه للعصر في تلك الفترة –
كان في جمال وتغني بالجمال يعنى كانو يقدروا الجمال واجزم انو ده ياهو الاسلام السمح المتسامح
الجمال نعمة من الرب والتغني بالجمال هو الحديث بنعم الرب
هذا طبعا قبل ردة الاسلام السياسي الذي اطاح بكل شي جميل في هذا البلد المكنوب بقادته
ما يثير الدهشة ولاستغراب واكيد الاستكار لدى البعض ان الخرطوم كانت تختار ملكة جمالها قبل اكثر من نصف قرن
واليوم قانون النظام في ردة اكثر من كدة
في ظل هكذ ظرف يمكن ان تتفهم ما جاء على لسان هذه الاسرة