Post: #1
Title: طلوع دين.......
Author: Mutaz Hussien
Date: 11-16-2016, 02:44 PM
01:44 PM November, 16 2016 سودانيز اون لاين
Mutaz Hussien-ام در
مكتبتى
رابط مختصر 
طلوع الشيء اي ظهوره وخروجه
ما عارف عنوان البوست دا من نحن صغار مرتبط بي شيء سلبي
او كمان البعض يعتبره نوع من السبة ، يعني الواحد لمن يعصروه شديد او زي ما بقولوا يجيبوا الزيت ويتصبب عرقاً من الذل والمعاناة
ليه الناس تفسره اساءة؟ في اللحظة دي الإيمانيات وجميع معاني الصبر الدينية بتظهر فعشان كده يقول ليك فولان ....... ـنوا.
اي بتفسير آخر قد ظهر الدين الذي بداخله للعلن من معاني صبر وتحمل سامية ، شفت سامية دي كيف؟
لكن هنالك اختلال لأنه يجب ان يتبادل الطلوع يعني البيطلع منك مفروض يطلع منهم ولا ما كده؟ يعني نوع من الظلم ان يظهر التدين العميق والصبر الذي
يكاد يناطح صبر أيوب يظهر على خلجات المواطن المسكين ولا يظهر على بتاع الحضاري ولا ما كده؟
ما استغربه انه نادر ما تجد شخص يذكر دخول الدين ، يعني يقول ليك فولان دا خلوا دينه، ليه التركيز على الطلوع بس!
غايته استغفر الله من البلد دي..................
|
Post: #2
Title: Re: طلوع دين.......
Author: Mutaz Hussien
Date: 11-16-2016, 02:45 PM
Parent: #1
أيي ملحق شنو تقترحوا لي الكان بعملوه كفار قريش في بلال الحبشي رضي الله عنه وهو يقول أحد أحد......
|
Post: #3
Title: Re: طلوع دين.......
Author: ناصر حسين محمد
Date: 11-16-2016, 02:50 PM
Parent: #2
يامعتز يا أخوي
صدقت رغم ضخامة العبارة
الحاصل في السودان ده طلوع دين ونص وخمسة
|
Post: #4
Title: Re: طلوع دين.......
Author: Mutaz Hussien
Date: 11-16-2016, 02:56 PM
Parent: #3
معروف البنك الدولي تابع لي منو ولي عائلة منو الأغنى في العالم ، طيب مافي قرض عشان يدو السودان
البخليهم يحاكوا المصريين ويعملوا زيهم وهم عاملين لينا فيها فاتوا الصحابة بي الإيمان وبطبقوا الشريعة
اختصر اللفة لمن تطبق تعليمات ناس بعبدوا ابليس او قول الدجال اها هل بتكون مسلم من الأساس؟
|
|