ملهم كردفان عاش من شافك يا زول يا رائع وسؤالنا عنك حق لك علينا فأنت رقم يصعب تجاوزه في مسيرة هذا المنبر أمنية أن تزول كافة أسباب الغياب فمساحاتك هنا لا تزال فارغة تنتظر الق الحضور والتحية عبرك لكل من مر من هنا
Post: #19 Title: Re: ملهم كردفان Author: فتح العليم محمد أبوالقاسم Date: 11-16-2016, 09:05 AM Parent: #18
ملهم كردفان رجل صادق في كتاباته نفتقده معك يافرح وفي غاية الفرحة أن اثمر هذا البوست وعودته . من الاقلام الجميلة هنا ملهم كردفان ونتابع جميع كتاباته . مع احترامي وتقديري
وبعد اذنك يا فرح..نضيف حاجة عشان خاطر ملهم و استاذنا الفاتح ميرغني (طبعا ناس سوداينز اصلا ما انتبهوا لحكاية الإسم الأول: الفاتح ميرغني ، والفاتح / ملهم كردفان..شفت عمك امبيكي ده عميق ككيف يا فرح..!!؟؟؟) هذا الحنين خاص بالفاتح ميرغني ، والفاتح التاني (ملهم كردفان)..
الليجند محفوظ عليش..!! اصلا تلاتة اصوات بتشبه صوت وردي: استاذنا عبد الرحمن عبد الله (ود بارا) ، وعظيم العظماء (صديق احمد) ومحفوظ عليش.. والله صحي..!! طبعا مدينة الأبيض (منها استاذنا الفاتح ميرغني ، طبعا الفاتح هذا زمان كان زول جيتار ، والفاتح حسن ، المعروف في جخانين المنبر باسم ملهم كردفان..!!)..جابت محفوظ عليش وجابت تلاتة انفار افضل من اشتغل اغاني مصطفى سيد احمد(واحد عسكري اسمو عبود ، وهو اقرب صوت سوداني لصوت مصطفى سيد احمد ، وعاطف ابو جبيهة ، وعمر خليل ، طبعا الأتنين الأوائل اختفوا ، لكن الأخير ، عمر خليل ، واصل وعندو تسجيلات لأعمال مصطفى سيد احمد ، لكن ما بتدي حريف يا فرح ابوروضة..!!)
كتب ابراهيم عبد الحليم: ملهم اخى الذى لم التقيه بعد
تحيات ابو روضة
ياخي انسان امسودان مرات فيهو حاجات بيعرفها براهو..!! ويانس سودانيز اونلاين.. هنا ابراهيم عبد الحليم..
عارف يا فرح ، اخر صوتين في امسودان ، قاعد اضع ليهم اعتبار:هما صوت انصاف فتحي البيشكل لي امتداد طبيعي للغاية لصوت امبلينا السنوسي.. وصوت ابراهيم عبد الحليم ، القدامكم ده ، وهو امتداد طبيعي لصوت ابوعركي البخيت.. ولو مكضبني يا احمد ياسين ، اهو الفيديو بتاع ابراهيم ، غمض عيونك واسمع ، و ما تخرج به قول لينا..!!
Quote: هذا الحنين خاص بالفاتح ميرغني ، والفاتح التاني (ملهم كردفان)..
عزيزنا كبر مشكور كتير على الإهداء الجزل ونوستالجي. غايتو يا حبيب لمن يكون مزاجك رايق ومصفي، بتحير الالباب عدييل!! محفوظ عليش زول مبدع حد التسونامي، ظهر في زمن جميل ومدينة أجمل.. وكان ظهورو هو وعمر بانقا متزامنا تقريبا. وفعلا عليش كان أجمل من تغنى لوردي، وعمر بانقا برضو كان أجمل صوت تغني لعركي. كنت عاوز انزل ليك أغنية بخاف بصوته الرخيم، لكن كدي سوي صبر شوية بي:
كبر ملاحظة مهمة ... تعني انو اضانك نضيفة وصوت ابراهيم عبد الحليم ، القدامكم ده ، وهو امتداد طبيعي لصوت ابوعركي البخيت.. ولو مكضبني يا احمد ياسين
أذن الآذان وحنصليك يا صبح الخلاص حاضر نشوف منو الكاتل منو المكتول منو المسح حذاء كاتلنا يوم كتلنا كان مخبول ابوعركي صوتو فريد وطريقة اداء صعبة جدا ... وليهو نهج خاص ورؤية ابداعية خاصة و بنلقى اختياره للقصائد من يحي فضل الله او فضل الله محمد او هاشم صديق و سعدالدين ابراهيم ومن زوجته عفاف الصادق فيها تفرد في المعاني الشعرية واللوحة الجمالية في البناء والابداع انا ما قابلني واحد قلد ابوعركي دا نهائيا واصلا ما بتقلد فعلا ابراهيم فعلا صوتو قوي وهو عارف امكانياته في الاغنية دي بالذات صوتو وضحت فيهو جوانب جمالية
حبيبنا الاستاذ ملهم كردفان ليك مني الف سلام والفي تحية تسباك مع النسام بي روح سحية ,, وما تطول الغيبة لسه العشم فيكم والناس في وادي بعيد ومكان يواديكم ..
صديقي العزيز فرح وكل الوجهاء الاصدقاء ل سنه وانتو والوطن كما تريدوكان الحياء يمنعني من رفع هذا البوست والناس تحشد الجهود للعصيان المدني ومازلت لكن ثقوا ان وجودي بينكم يضعني في قلب الوطن راجع ليكم والكتابه من الموبايل اعوذ بالله منهااااا
