Post: #1
Title: أين انت يا ابو سن ؟؟؟؟
Author: Haytham Ghaly
Date: 10-27-2016, 05:39 AM
04:39 AM October, 27 2016 سودانيز اون لاين
Haytham Ghaly-
مكتبتى
رابط مختصر
ملاحظ غيابك عن البورد هذه الأيام أيها الزميل النبيل
افتقدنا مداخلاتك التي تنضح بكل معاني وسماحة الخصال السودانية الجميلة
فأين انت يا صاحب
جعل الله أسباب الغياب خيراً
|
Post: #2
Title: Re: أين انت يا ابو سن ؟؟؟؟
Author: يحي قباني
Date: 10-27-2016, 05:53 AM
Parent: #1
تسلم يا هيثم على السؤال ...
ان شاء الله المانع يكون خير و يعود الحبيب حفيظ ...
|
Post: #3
Title: Re: أين انت يا ابو سن ؟؟؟؟
Author: معاوية المدير
Date: 10-27-2016, 06:23 AM
Parent: #2
تشكر يا غالي يا ود الغالي.
عبد الحفيض ما زولاً ساهل...
|
Post: #4
Title: Re: أين انت يا ابو سن ؟؟؟؟
Author: فتح العليم محمد أبوالقاسم
Date: 10-27-2016, 07:28 AM
Parent: #1
فوق
فعلاً أين أنت يا ابوسن .
رد الله قلمك الى المنبر .
نفتقدك يارجل .
|
Post: #5
Title: Re: أين انت يا ابو سن ؟؟؟؟
Author: Haytham Ghaly
Date: 10-27-2016, 11:01 AM
Parent: #4
الأصدقاء : يحي ، معاوية وفتح العليم
لاحظت منذ بضع أيام غياب اخونا عبدالحفيظ عن المنبر
كما اني افتقدت بوستاته ومشاركاته الجميلة التي تشبهه تماماً
نسأل الله ان يكون المانع خير
تشكراتي على المرور
|
Post: #6
Title: Re: أين انت يا ابو سن ؟؟؟؟
Author: جمال ود القوز
Date: 10-27-2016, 11:06 AM
Parent: #5
عساه طيب وبخير ..
شكرا يا غالي .....
|
Post: #7
Title: Re: أين انت يا ابو سن ؟؟؟؟
Author: د.محمد بابكر
Date: 10-27-2016, 12:46 PM
Parent: #6
طمنا عليك يا حفيظ
ان شاء عافيه
و كتر خير صاحب البوست على هذه البادرة الطبيه ..
|
Post: #8
Title: Re: أين انت يا ابو سن ؟؟؟؟
Author: اسامه العريفي
Date: 10-27-2016, 01:31 PM
Parent: #7
نسال الله له ان يكون في اتم الصحة والعافية
في انتظارك شيخ عبدالحفيظ
|
Post: #9
Title: Re: أين انت يا ابو سن ؟؟؟؟
Author: اميرة السيد
Date: 10-27-2016, 06:02 PM
Parent: #8
شكرا على السؤال عن ود أبو سن، ود كوستي البار..
ولا شك ان هناك شئ منعه من الظهور في منبرنا الإسفيري
وحرمنا من كلماته التي دائما تشع نورا وبهاءاً..
.. ونرجو ان يعود سريعا ويحكي لينا عن هذه الظروف التي أدت إلى إختفائه..
والله يديك الصحة والعافية
|
Post: #10
Title: Re: أين انت يا ابو سن ؟؟؟؟
Author: عبدالحفيظ ابوسن
Date: 10-27-2016, 06:08 PM
Parent: #8
اوووووو
حبايبنا
كامل الاعتذار للغياب الذي اتي عفوا او قصدا لست ادري
توفي عمي شقيق ابوي الاكبر
ثم توفي نسيبي
ثم مرضت بالملاريا
ثم آلام البطن
ثم قررت فجأة ترك الصعوط بعد صحبة كم وتلاتين عام
ساي كدة قررت اخليهو كتتويج لتصاعد الاحداث
ثم احسست بالخواء
بالعبث
انعدام الشغف
والامتلاء بالقرف من هذه السلطة التافهة سلوكا وتصريحا
صعود نجم ترامب
انتو القيامة دى دايرة تقوم ولا شنو
|
Post: #11
Title: Re: أين انت يا ابو سن ؟؟؟؟
Author: عمر عثمان
Date: 10-27-2016, 06:20 PM
Parent: #10
تسعه أسباب للغياب
كافيه جدا ومقنعه جدا
بس سبب ترامب ابدا
ما مقنع يا حبيبنا ابوسن
خليك معانا فقلمك
بدينا نحنا البره السودان
العيشه والمعايشه
اليوميه لترمومتر الواقع
السوداني المتقلب بين
البؤس وجور الحكام
وظلموني الحبايب
وقالو ليا أنسى
|
Post: #17
Title: Re: أين انت يا ابو سن ؟؟؟؟
Author: Haytham Ghaly
Date: 10-27-2016, 06:32 PM
Parent: #11
الف سلامة ليك يا حفيظ وبركة بالشوفة
لكن الصعوط دا مخليهو لي شنو
والله لا تخليهو ولا شي
الشي الحاصل في الدنيا دا يستحق يسفولو اي شي زاتو
بس ترا ما بنقدر نقول شي
|
Post: #12
Title: Re: أين انت يا ابو سن ؟؟؟؟
Author: علي دفع الله
Date: 10-27-2016, 06:24 PM
Parent: #10
حفيظ يا زول يا سمح .... شفت البوست الصباح وكنت قريب ليكم نواحي جبل دود بس اندرشت في الخلا ومصاقرة حت السمسم ...قلت اتصل عليك والله لقيت الرقم ضاع نسبة لتغيير الموبايل ..قلت لمن ارجع المساء اجدع ليك رسالة بالفيس فجعتن لقيتك متوهط في البوست ..فرحت لعودتك حزنت على فقدانك عمينك .ما داير اردفهم بفقدك التالت الصعوط ..بالجد البقدر اتفكفك من التمباك زول صلب انا عملت اكتر من محاولة ورجعت اليه خيبانا اسفا ...
تحياتي ورسل لي رقم الموبايل عالفيس او شرو هنا
تحياتي ليك ولجميع الفقادين لسماحتك وعذب حروفك ولحبينا الغالي هيثم ..
|
Post: #13
Title: Re: أين انت يا ابو سن ؟؟؟؟
Author: احمد حمودى
Date: 10-27-2016, 06:27 PM
Parent: #8
التحية لحفيظ واتمنى ان يكون بخير وعافية
|
Post: #14
Title: Re: أين انت يا ابو سن ؟؟؟؟
Author: احمد حمودى
Date: 10-27-2016, 06:27 PM
Parent: #8
التحية لحفيظ واتمنى ان يكون بخير وعافية
|
Post: #15
Title: Re: أين انت يا ابو سن ؟؟؟؟
Author: احمد حمودى
Date: 10-27-2016, 06:27 PM
Parent: #8
التحية لحفيظ واتمنى ان يكون بخير وعافية
|
Post: #16
Title: Re: أين انت يا ابو سن ؟؟؟؟
Author: احمد حمودى
Date: 10-27-2016, 06:29 PM
Parent: #8
التحية لحفيظ واتمنى ان يكون بخير وعافية
|
Post: #18
Title: Re: أين انت يا ابو سن ؟؟؟؟
Author: عبدالحفيظ ابوسن
Date: 10-28-2016, 06:52 AM
Parent: #16
كتر خيركم كلكم والله
الدنيا ملخبته لخبته شديدة .
القيم الانسانية الموجبة بقت مضحكة
المجال فاتح للدجالين والفاسدين والمنافقين يتبوأون اعلي المراتب في كلو . امسك السلطات وامسك الغناء والاعلام ما تلقي الا ارازل الناس السهمهم عالي
|
Post: #19
Title: Re: أين انت يا ابو سن ؟؟؟؟
Author: أحمد محمد عمر
Date: 10-28-2016, 07:01 AM
Parent: #18
هاك مني خبرة مجرب ترك الصعود 73 مرة 
أيام انسحاب النيكوتين من الدم والراس دي بتكون انت فيها خطر قابل للاشتعال .. والمدام لو عاشت الأيام دي قبل كدة بتلقاها ماشة جمب حيط الأوضة أبعد ما يكون عنك لأنها دايماً بتكون الحيطة القصيرة البنفرغ فيها زهجنا
لو ولدك غلط كلم ليه أمه ما تتصرف معاهو انت لأنه تصرفك حيكون عنيف شديد وبتندم عليه لاحقاً
غايتو أي احتكاك بالمجتمع الخارجي ما حبابو .. بس تمسك عليك خشمك تتصنع ليك ابتسامة حلوة كدة تكون رد على أي حاجة دايرة كلام
________
لي سنة كاملة ما سفيت ولا عندي نية ارجع ليه .. لكن لو سألتني هل خليت الصعوط ؟ بقول ليك والله ما عارف
نفسي أقول أيوة واتحدث عن بطولتي وكدة لكن الأيام علمتني إنه الرجوع للصعوط ساهل كما شراب الموية
|
Post: #20
Title: Re: أين انت يا ابو سن ؟؟؟؟
Author: سيف اليزل سعد عمر
Date: 10-28-2016, 04:21 PM
Parent: #19
Quote: لدنيا ملخبته لخبته شديدة .
القيم الانسانية الموجبة بقت مضحكة
المجال فاتح للدجالين والفاسدين والمنافقين يتبوأون اعلي المراتب في كلو . امسك السلطات وامسك الغناء والاعلام ما تلقي الا ارازل الناس السهمهم عالي |
تفرج إن شاء الله يا أبوسن...
بس نشد الحيل ونواصل...
ابقي اظهر المنبر فاقدك يا حبيب....
|
Post: #21
Title: Re: أين انت يا ابو سن ؟؟؟؟
Author: د.محمد بابكر
Date: 10-28-2016, 04:22 PM
Parent: #19
ان شاء البركة فيكم .. وحمدلله على السلامة و يا سيدى ما علينا الا نبذل جهودنا هنا و هناك حتى لا يستعصى شىء على التغيير مستقبلا وحتى لا تلعننا الأجيال القادمة وتحياتى..
|
Post: #22
Title: Re: أين انت يا ابو سن ؟؟؟؟
Author: عبدالحفيظ ابوسن
Date: 10-29-2016, 06:04 AM
Parent: #21
اوووو معلم
تعرف يا احمد بديت ككل التنباكة بي كورة الشُراب .. اوووب سوري اقصد بالسجاير
كنت بدخن .. بديت كيف والله ما عارف . المهم لقيت نفسي بدخن
وجاني نميري وناس الترابي في اول سنوات تعلمهم الانقاذ ! دخلو السجاير التموين !! البيت ياخد سبعة وقيات سكر وسجارتين برنجي وواحدة بحاري في الصرفة حقت التموين
شفت ناس الانقاذ ديل والبسو فيها من زمان .
اها السجاير سعرو زاد وبدخل السجن . واضمن مكان تشتري منو السجاير بيوت الدعارة وبالليل كمان .. نلقا الواحد هناك لا تعرفو داير يغير زيت ولا بدخن ؟؟!
لذا ونسبة للاشكال دة قلبنا صعوط حسب نصيحة الاخوان . مش الاخوان ديل لكن الاخوان البقولو عليهم اخو اخوان
قلبنا صعوط
ومن ديك وعييييك
|
Post: #23
Title: Re: أين انت يا ابو سن ؟؟؟؟
Author: عبدالله ود البوش
Date: 10-29-2016, 07:00 AM
Parent: #22
اولا بالتبادي نسأل الله الرحمة والمغفرة لامواتكم ولك خالص العزاء
ثانيا بالتبادي بركة البقيت شديد
ثالثا بالتبادي ما تنقطع يا حبيب
رابعا بالتبادي لسع طالبك ضربتين وواتسبة وتلاتة عفصات
التحية والاشواق مرفق طيها
|
|