Post: #2 Title: Re: ♥ أول مرّة فى التاريخ ♥ Author: جلالدونا Date: 10-17-2016, 09:15 AM Parent: #1
نادت ومنادى قلبى صاح واتبكموا الناس الفصاح المجنون نصح وجنّوا النصاح والشافعة ما شافعة نٌصاح ** أول مرة أشوف لى قمر من لحم ودم وأول مرة أنا بسمع صوت يسكر لما يترنم وأول مرة أنا فى التاريخ أشوف لى حمامة تتكلم قالت لى ساكن وين غلبنى اجيبها واتبلم تقول لابعرف اتكلم ولا تقول عمرى كله نضم حليلينا لا ساكن ولا فى سكنة بتعشم ** برضو تقولى ساكن وين برضو تقولى ساكن وين مصرة السمحة شان تفهم أوريها أنا واكتر واقول ليها وازيل الهم اقول ليها وين ساكن ولى مين قلبى بتقسم ساكن فى سواد عينيك وفى الجسم البألم الم ساكن فى خدود نايرات يشعن ضوهن يلخم ساكن فى سبيب شعرك ومعاه اتفرا واتلملم عرفتى يا السحمة انا ساكن وين وكيف على جسمك اتقسم ** أول مرة اشوف لى قمر من لحم ودم وأول مرة ان بسمع صوت يسكر لما يترنم وأول مرة فى التاريخ أشوف لى حمامة تتكلم
Post: #3 Title: Re: ♥ أول مرّة فى التاريخ ♥ Author: جلالدونا Date: 10-17-2016, 09:29 AM Parent: #2
Post: #4 Title: Re: ♥ أول مرّة فى التاريخ ♥ Author: علي عبدالوهاب عثمان Date: 10-17-2016, 10:11 AM Parent: #3
الحبيب جلالدونا .. مودتي .. الفنان صوتو جميل .. وقد أجتهدت كثيراً ولكني لم أعرفه .. شغل رائع ..
مودتي
Post: #5 Title: Re: ♥ أول مرّة فى التاريخ ♥ Author: جلالدونا Date: 10-18-2016, 04:00 PM
الزول السمح على ود عبدالوهاب كيفك يا راقى الفنان هو مصطفى مضوّى الداير اقولو شنو كلمات الاغنية دى سمعتها من سيدا من زمن قديم خلاس قبل التلحين و كنت معجب جدّا بى قولو .... ساكن فى سبيب شعرك ومعاه اتفرا واتلملم ... خطر فى بالى البيت ده يوم فتح البوست و قلتا اقوقلا كان القاها قوقل ما قصّر جابا لى اغنية كمان اها اتمليت متعة جد و قلت امتّع معاى غيرى شاكر للمرور
Post: #6 Title: Re: ♥ أول مرّة فى التاريخ ♥ Author: Aamer Hussin Date: 10-18-2016, 04:20 PM Parent: #5
[كلمات رائعة اخاذة تريح النفس وتاخذ الالباب
عامر
Post: #7 Title: Re: ♥ أول مرّة فى التاريخ ♥ Author: عبدالعزيز الفاضلابى Date: 10-18-2016, 10:13 PM Parent: #6
طيب انت وكت ناس اتبرا ديل بترتاح لى غناهن مالك مَتَاقِبُن؟ عنده اغنية اسمها الوليد الضيف ,, جميلة
Post: #8 Title: Re: ♥ أول مرّة فى التاريخ ♥ Author: Khalid Saeed Date: 10-19-2016, 09:23 AM Parent: #7
ساكن فى سواد عينيك وفى الرمش البألم الم
ياسسسسلام عليك ياحبيبنا جلالدونا
اليوم اتيتنا بما لاقبل لنا به حمامة تتكلم ومصطفى مضوي ذاك الساكن في وجداننا مضوي لنا معه عشق خاص وذكريات محفورة في الخاطر كل اغنية منه نرى فيها وجوه نحبها وتحبنا ، منهم من غادرنا دون خاطرنا الى رب كريم مغفور له بإذن الله. ومنهم من غادرناه دون خاطرنا الى غربة اكرم من وطن ضاق بنا وكبرت زنزانته ياصديقي . قالت لي ساكن وين .. غلبني اجيبا اتبكم كلنا ذاك الذي أتبكم ، ذاك الذي يبحث عن سكنى لروحه ويتعشم . لك تحياتي ،
Post: #9 Title: Re: ♥ أول مرّة فى التاريخ ♥ Author: جلالدونا Date: 10-19-2016, 11:29 PM Parent: #8
Quote: كلمات رائعة اخاذة تريح النفس وتاخذ الالباب
اهلا بالعزيز عامر و شاكر للمرور
Post: #10 Title: Re: ♥ أول مرّة فى التاريخ ♥ Author: جلالدونا Date: 10-19-2016, 11:47 PM Parent: #9
يا الف مرحب بى شيخ العرب وووين يااااخ انقطعت مننا بى غادى دي ما كانت اجازة عيد دى
Quote: ساكن فى سواد عينيك وفى الرمش البألم الم
ياسسسسلام عليك ياحبيبنا جلالدونا
اليوم اتيتنا بما لاقبل لنا به حمامة تتكلم ومصطفى مضوي ذاك الساكن في وجداننا مضوي لنا معه عشق خاص وذكريات محفورة في الخاطر كل اغنية منه نرى فيها وجوه نحبها وتحبنا ، منهم من غادرنا دون خاطرنا الى رب كريم مغفور له بإذن الله. ومنهم من غادرناه دون خاطرنا الى غربة اكرم من وطن ضاق بنا وكبرت زنزانته ياصديقي . قالت لي ساكن وين .. غلبني اجيبا اتبكم كلنا ذاك الذي أتبكم ، ذاك الذي يبحث عن سكنى لروحه ويتعشم . لك تحياتي ،
ٍسعيد بى انو صحّيت ليك الماضى الجميل و عذب الذكريات و مصطفى مضوى بى جميل الاداء ساقا لى ابعاد تانية كلمات الاغنية دى شاعرا ود عمّى لزم و وراها قصّة فراق أليمةكانت نهايتا تلك الكلمات وجعكم غير و وجع الشعر غير تانى
Post: #11 Title: Re: ♥ أول مرّة فى التاريخ ♥ Author: MOHAMMED ELSHEIKH Date: 10-20-2016, 06:07 AM Parent: #10
Quote: كلمات الاغنية دى سمعتها من سيدا من زمن قديم خلاس قبل التلحين
انت زول قديم خاص ونحن شابكنك يا اخ ياخ واتاريك ياعم
ياخي دي سمعناها ونحن اطفال صغار في عطبرة والدامر بنفس لحنها دا
Post: #12 Title: Re: ♥ أول مرّة فى التاريخ ♥ Author: محمد مجيدو Date: 10-20-2016, 08:20 AM Parent: #1
ساكن فى خدود نايرات يشعن ضوهن يلخم ساكن فى سبيب شعرك ومعاه اتفرا واتلملم عرفتى يا السحمة انا ساكن وين وكيف على جسمك اتقسم ....
----------------
جلجل .... سلام .. وكل عام وانت بخير ... طولنا منكم ... كنت مسافر .. والاغنية جميلة جدا ... والكلمات اكثر جمالا .. ولو الفنان دا جاء الخرطوم اكيد حيكون احسن من ناس فرفور ومن لف لفافتهم ..
تحياتي ,,
Post: #13 Title: Re: ♥ أول مرّة فى التاريخ ♥ Author: يحي قباني Date: 10-20-2016, 02:55 PM Parent: #12
التحية ليك جلي و لكل الأحبة ...
مناحة الوليد الضيف يا فاضلابي ... مصطفى مضوى و إبراهيم محمد الحسن على الأورج ...
Post: #14 Title: Re: ♥ أول مرّة فى التاريخ ♥ Author: جلالدونا Date: 10-21-2016, 03:27 AM Parent: #13
Quote: انت زول قديم خاص ونحن شابكنك يا اخ ياخ واتاريك ياعم ياخي دي سمعناها ونحن اطفال صغار في عطبرة والدامر بنفس لحنها دا
ود الشيخ كيفك ياااخ بالعكس انا سمعت بى كلمات هذه الاغنية بعد ما قرر ابن عمى الظهور بعد فترة ظويلة من الاختفاء الاختيارى عن عيون الاهل و فعلا كان مختفى فى عطبرة قام بزيارة اسرته المقيمة الى اليوم بدويم ود حاج و هناك كتب قصيدته هذى بالمناسبة كتبا فى اختو اخر العنقود التى لم يشهد مولدها فإذا هى صبية تخر لها قلوب العاشقين
Post: #15 Title: Re: ♥ أول مرّة فى التاريخ ♥ Author: جلالدونا Date: 10-21-2016, 03:40 AM Parent: #14
اهلااااااااً مجيجو و جيدن جيت ياااخ يغلم الله مشتاقين هذا المصطفى و النور الجيلانى و ابراهيم خوجلى بكل كل قناعة تامةممكن اقول فنانين بغنّو عشان الغنا ... بيغرقو فى متاهات غناهم و هم بغنّو و غصباَ عنك تغرق بى وراهم تغرق بس .. جيت حازما ما معانا قال فرفور قال فرفور انتا ياااخ
Post: #16 Title: Re: ♥ أول مرّة فى التاريخ ♥ Author: جلالدونا Date: 10-21-2016, 03:51 AM Parent: #15
الفاضلابى كيفك ياخ معليش اخرت الرد مداخلتك عشان اربطا بالرد على اخونا قبانى تموت فى غنا الحبوبات بتذكر كل ما الاغنية دى يذيعوها فى الرادى بشوف رقريق عويناتن ود المدير عندو قصة مع الغنوة دى يا ريت يجى يحكيها ليكم ما تشوفو رجالتو البعمل فيها هنا دى يمين الله و معاها الله يسعلنى .. اليوم داك هرشتو مرة شكرا قبانى و انت تتحفنا و تحفنا بذا الابداع
Post: #17 Title: Re: ♥ أول مرّة فى التاريخ ♥ Author: أحمد محمد عمر Date: 10-21-2016, 03:59 AM Parent: #15
Quote: بالمناسبة كتبا فى اختو اخر العنقود التى لم يشهد مولدها فإذا هى صبية تخر لها قلوب العاشقين
بعد معرفة القصة أصبحت الأغنية مؤثرة لدرجة البكاء
يا ريت لو واحد يتجود علينا بي قصة أغنية مسكين أنا أو يأكد لينا الرواية السمعتها قبل زمن حول إنه الشاعر ألفها في أهله بعد مقاطعتهم زواجه من حبشية