عم عبد الرحمن ينتظر الفرج يا أهل الخير

11:48 PM October, 14 2016

سودانيز اون لاين
لطفى العمده- ksa
مكتبتى
رابط مختصر

العم عبدالرحمن ..
قصة من القصص الحزينة .. قصة عايشناها قبل سنة بتفاصيل مريرة .. خلال توزيع وجبه للمجموعة بمستشفى وجدنا العم عثمان والعم عبدالرحمن خارج العنابر .. مرضى وما عندهم قروش وبالتالي مافي ليهم علاج .. طوالي المجموعة اتكفلت بعلاجهم واول خطوة وفرنا ليهم جلاليب جديدة لانه حالهم يغني عن سؤالهم .. ووفرنا ليهم اغطية و اخدنا مرتبه طبية للعم عبدالرحمن لانه وضعه كان بستلزم كدا .. وبقت في متابعة يومية ليهم .. في يوم اتصلت الممرضة بواحدة من اخواتنا المتابعين بالمستشفى وبلغتها بوفاة العم عثمان (ربنا يتغمده بواسع رحمته) .. وبقينا متابعين مع العم عبدالرحمن .. الوضعوه قرايبه واختفوا .. وبقت في مساعي من المجموعة لتحويله لدار المسنين بعد انتهاء العلاج .. طبعا العلاج كان بسيط ومشكلته ضربه في الرجل .. لكن ما اتوفقنا في اننا نرتب ليه في دار المسنين بسبب التعقيدات الكتيرة .. العم عبدالرحمن بعد العلاج خرجوه وبقينا ما عارفين ليه طريق لينا اكتر من سنة ..
بالصدفة في مره صادفوه اشخاص من الاعضاء شمال الجامع الكبير في بحري بشحد (يا الله) ..
بقينا لما نجي بعندو بنحاول نجيب ليهو الشي العاوزو ( لانه زي ماسبق وزكرنا عنده مشكله في رجلو مابقدر يتحرك )
العم عبدالرحمن ما فقد ذاكرته .. ولا فقد بشاشته .. ولا فقد ثقافته ..
العم عبدالرحمن فاقد المآوى .. وفقد بصره ..
بالله عليكم ..
اي زول بمر بالمنطقة الشمال الجامع الكبير بحري بس يصلو في مكانه .. بكون يا فاتح يده عشان زول يتصدق عليه .. يا مادي قروش عشان زول يجيب ليه حاجة ياكلها او يشربها .. اكسب فيه اجر ..
نحن في المجموعة ان شاء الله بنعمل ليه فحوصات وكل الربنا بقدرنا عليه .. وان شاء الله ربنا يوفقنا المرة دي ونقدر ندخله دار المسنين ..
للدعم :
0901200660 زين
0112743955 سوداني..

العم عبد الرحمن وقصته التى يتبناها شباب مجموعه من أجل بسمه التى تنشط فى مجال العمل الخيرى التطوعى تحتاج الى وقفه عاجلة من الخيرين فالرجل ضعيف مسن فقد بصره وانتهى به المطاف متسولا قوت يومه امام المساجد

انشاء الله سأقوم بتبنى النشر لمثل هذه الحالات محاولا لتكوين مكاتب فى المهجر تحت مظله مجموعه من اجل بسمه دعما لهكذا اعمال