نكات الحوار اكثر من المخرجات توجد نكات

07:20 PM October, 11 2016 سودانيز اون لاين
محمد الامين محمد-sudan
مكتبتى
رابط مختصررجل "اخرس" قال لرجل "أصم".. أن رجلا "اعمى" قد شاهد رجلا "مشلولا" ..يركض خلف رجل "مقطوع اليدين"..ليمنعه من شد شعر رجل "اصلع". ملخص الحوار الوطني

.طائرة صغيرة تابعة للأمم المتحدة كانت تقوم بدراسات المناخ والإحتباس الحراري وتُقل مجموعة من العلماء .. سقطت في غابات الأمازون .. نجا ثلاثة فقط وهم سوداني وأمريكي وروسي .. وقعوا في قبض قبيلة متوحشة من البدائيين .. فقالوا لهم نحن نقتل الغرباء قرباناً لإلهنا .. ولكن وليّ العهد كان شاب مستنير يحب إستعراض ثقافته فدخل معهم في تحدي وقال: كل واحد يسألني سؤال عن شيء يخص بلده، فإذا أنا جاوبت يقتل صاحب السؤآل وإذا أنا فشلت في الإجابة فيذهب حر طليق.

١- بدأ الأمريكي وسال ولي العهد: "ما هو البند الاول في الدستور الأمريكي؟" فلم يتردد وليَ العهد فأجآب: "البند الاول يضمن حرية العقيدة والتعبير .........إلخ."
فعُلٓق الأمريكي فوق المحرقة.

٢- تقدم الروسي وسأل: "من هو كارل ماركس، وماذا تعرف عن مولده ونشأته وأفكاره؟" .. فدخل ولد العهد لقصره وغاب ل ٤ ساعات وعاد وأسمع الناس كل الإجابة الصحيحة.
فعُلّق الروسي فوق المحرقة.

٣- فجاء دور السوداني فسأل ولي العهد: "ما هي مخرجات الحوار الوطني السوداني؟" .. ذُهل ولي العهد وجمع حكماء القبيلة ودخل بهم لقصرة في إجتماعات قرابة يوم كامل .. ثم خرج والخيبة ترتسم على وجهه وقال: "أنت يا السوداني حر طليق" ومن إعجابه به طلب من والده زعيم القبيلة أن يتزوج السوداني شقيقته فوافق الزعيم وفرحت به كل القبيلة وغنت ورقصت طيلة إسبوعين.

وبعد شهر العسل ذهب ولي العهد لزيارة أخته وزوجها السوداني في قصرهم المطل على نهر الأمازون فوجد العريس السوداني متكئ على أريكة في الشاطئ يدخن الشيشة الأمازونية المحلية السندسية المخملية ومحاط بالخدم والحشم وعروسته الأميرة تضع فوق جمراتها المكعبات المصنوعة من أجمل وأثمن أنواع التبغ ورحيق الأزهار الملوكية .. فأخذ ولي العهد نفسين من الشيشية وسأل العريس السوداني الذي هزمه بسؤآله : "طيب يا عزيزي زوج اختي ماهي مخرجات الحوار الوطني السوداني؟" فأجاب صاحبنا السوداني وقال له:

"شِن عرفني"

فضحك ولي العهد ضحكة عميقة ولبع العريس في ظهره لبعة حنينة وقال له: "تتجازا وتتاذا ااا ابوي " فدقت المزيكا وراح جميع الحضور في طرب لذيذ.

.المسرح الافتراضي
الطريق مزدحم، بل مغلق والسيارات لم تتحرك لاكثر من نصف ساعة..
انتي يالتومة الليلة الحاصل شنو؟ الخرتوم مالا زحمة كدا
شن عرفني انا... علا الحركة دي مي طبيعية.. الخوف ما يكون ناس داعش عملو ليه شئ..
تتدخل شابة في الحوار
لا يا خالة الليلة يوم الحوار الوطني..
شنو يعني الحوار الوطني يابتي؟ يعني دا شئ جديد زي الرقم الوطني؟
تتدخل التومة
ها الغبيانة دي .. الرئيس قال خلاص عايز يطلع من الرياسة.. قام قال للسياسيين كلهم تعالو اقعدو نتفق عشان نسلمكم رياسة البلد دي..
اجي اجي يا التومة.. البشير شوطن وللا شنو؟ الزول دا بي صحو عايز يطلع من القصر ويخليهو للجماعة ديل..
لا لا هو قال يجو يتلمو يعملو حكومة وهورئيسها..
كل ركاب الحافلة يصمتو ويستمعون للحوار الكوميديا بين التومة وبت المنى
اها يا التومة ويعمل كدي في شان شنو؟
قال عشان البلد تعبت خلاص وعايز ينقذها
اجي اجي.. تاني !! هو دحين لمن جا أول مرة ما قال جنس الكلام دا..
بعدين يالتومة لو المتحدث غبيان حقو السامع يكون واعي
قصدك شنو يا بت المنى؟
قصدي واضح.. اسع النقول الحافلة دي اتعطلت .. اها البستحق التغيير منو؟ السواق وللا الركاب؟
دا سؤال عايز لو رد؟! طبعا نغير السواق..
وينفجر ركاب الحافلة بالضحك.. والسواق يقول للكمساري
عليّ بالطلاق ترجع للحاجات ديل حقهم

.ﻗﺮﻳﺔ ﻛﻠﻬﺎ ﺍﻏﺒﻴﺎﺀ ﻋﻨﺪﻫﻢ
ﺣﻔﺮﺓ ﻛﻞ ﻳﻮﻡ ﺑﻘﻊ ﻓﻴﻬﺎ
ﺯﻭﻝ ﺑﻤﻮﺕ ﻗﺎﻡ ﻋﻤﻠﻮ
ﺍﺟﺘﻤﺎﻉ ﻋﺸﺎﻥ ﻳﺸﻮﻓﻮ
ﺣﻞ ﻟﻲ ﻣﺸﻜﻠﺔ ﺍﻟﺤﻔﺮﺓ
ﻗﺎﻡ ﻭﺍﺣﺪ ﻗﺎﻝ ﺍﻧﺤﻨﺎ
ﺍﻟﺤﻔﺮﺓ ﺩﻱ ﻧﺠﻴﺐ ﻋﺮﺑﻴﺔ
ﺍﺳﻌﺎﻑ ﺟﻤﺒﻬﺎ ﻋﺸﺎﻥ ﻛﺎﻥ
ﻭﻗﻊ ﺯﻭﻝ ﺗﺸﻴﻠﻮ ﺍﻟﻌﺮﺑﻴﺔ
ﺗﻮﺩﻳﻬﻮ ﺍﻟﻤﺴﺘﺸﻔﻰ ﻗﺎﻡ
ﻭﺍﺣﺪ ﺗﺎﻧﻲ ﻗﺎﻝ ﻟﻴﻬﻮ
ﻋﻠﻰ ﺑﺎﻝ ﻣﺎ ﺍﻟﻌﺮﺑﻴﺔ
ﺗﻮﺩﻳﻬﻮ ﺍﻟﻤﺴﺘﺸﻔﻰ
ﺍﺣﺘﻤﺎﻝ ﻳﻤﻮﺕ ﺍﻧﺤﻨﺎ ﻧﻘﻮﻡ
ﻧﻜﺴﺮ ﺍﻟﻤﺴﺘﺸﻔﻰ
ﻭﻧﺒﻨﻴﻬﺎ ﺟﻤﺐ ﺍﻟﺤﻔﺮﺓ
ﺁﺧﺮ ﺣﺎﺟﺔ ﻗﺎﻡ ﺷﺎﻳﺐ
ﻛﺒﻴﺮ ﺷﻜﻠﻮ ﻓﺎﻫﻢ ﻛﺪﺍ ﻗﺎﻝ
ﻟﻴﻬﻢ ﻳﺎ ﺟﻤﺎﻋﺔ ﺍﻧﺘﻮ
ﺍﻏﺒﻴﺎﺀ ﺍﻧﺤﻨﺎ ﻧﻘﻮﻡ ﻧﺪﻓﻦ
ﺍﻟﺤﻔﺮﺓ ﻭ
ﻭنحفرها ﺟﻤﺐ ﺍﻟﻤﺴﺘﺸﻔﻰ
اها يا اخواننا
جنس الكلام دا حوار وطني ولا مو وطني

مخرجات الحوار الوطني يا محمد حتتعتق وتبقى افرازات الحمار البطنى...😆