Post: #1
Title: المراقب العام للاخوان المسلمين بالسودان يقاطع الجلسة الختامية لمؤتمر الحوار الوطني
Author: زهير عثمان حمد
Date: 10-10-2016, 05:35 PM
04:35 PM October, 10 2016 سودانيز اون لاين
زهير عثمان حمد-السودان الخرطوم
مكتبتى
رابط مختصر
المراقب العام للاخوان المسلمين بالسودان يقاطع الجلسة الختامية لمؤتمر الحوار الوطني* احتجاحا علي حضور المشير السيسي: اتخذ المراقب العام للاخوان المسلمين بالسودان البروفسور الحبر يوسف قرارا بمقاطعة الجلسة الختامية لمؤتمر الحوار الوطني بقاعة الصداقة احتجاجا علي حضور المشير السيسي وكلف البروفسر الحبر الامين السياسي للاخوان المسلمين المهندس الصادق ابو شورة ونائب الامين السياسي المهندس امية يوسف بحضور الجلسة وتأتي مقاطعة المراقب العام وتخفيض التمثيل بالجلسة تعبيرا عن رفض الاخوان بالسودان للنظام الانقلابي بقيادة المشير السيسي في مصر وكان البروفسور الحبر قد شارك في جلسة الجمعية العمومية للحوار الوطني في اغسطس الماضي وساهم الاخوان المسلمون بفعالية في لجان الحوار الوطني منذ بدايته
|
Post: #2
Title: Re: المراقب العام للاخوان المسلمين بالسودان �
Author: مني عمسيب
Date: 10-10-2016, 05:40 PM
Parent: #1
زوزو سلام يا صديق ..
يعني زعلان عشان السيسي دمر ليهم القلاع
الاخوانية بي اخوانها في مصر ههههههههههه .
ان شاء الله صراعات دائمة وما يمرقوا منها
المجرمين المفسدين . اللهم ينتقم منهم .
|
Post: #3
Title: Re: المراقب العام للاخوان المسلمين بالسودان �
Author: عمار قسم الله
Date: 10-11-2016, 09:04 AM
Parent: #2
أخ زهير تحية ... علي مجهوداتك الجبارة
ما قرأت أو سمعت أو رأيت (( أخطر من الاٍنسان علي الاٍنسان - أو الاٍسلام )) من تنظيم الاٍخوان - (حرام ألصق بهم كلمة اٍسلام )
هؤلاء (الشرذمة ) يضعون أنفسهم ((أوصياء علي الاٍسلام)) - والناس -- يحللون لأنفسهم الحرام - ويحرمون علينا الحلال ...!!!
** وأعتقد أن التقارب السوداني المصري - وقبله السوداني السعودي (( سيجعل نظام الاٍنقاذ يتبرأ منهم - جهرا وعلانية ))
|
Post: #4
Title: Re: المراقب العام للاخوان المسلمين بالسودان �
Author: مني عمسيب
Date: 10-11-2016, 10:24 AM
Parent: #3
ما قرأت أو سمعت أو رأيت (( أخطر من الاٍنسان علي الاٍنسان - أو الاٍسلام )) من تنظيم الاٍخوان - (حرام ألصق بهم كلمة اٍسلام )
اقرأ كلامك اصدقك اشوف فعائلك استعجب !
|
Post: #5
Title: Re: المراقب العام للاخوان المسلمين بالسودان �
Author: نادر
Date: 10-11-2016, 10:45 AM
Parent: #4
اقتباس : وتأتي مقاطعة المراقب العام وتخفيض التمثيل بالجلسة تعبيرا عن رفض الاخوان بالسودان للنظام الانقلابي بقيادة المشير السيسي في مصر
----------------------------------------------
حلاة البشير الجاي بي ديمقراطية
بجاحة غريبة والله
|
Post: #6
Title: Re: المراقب العام للاخوان المسلمين بالسودان �
Author: عمار قسم الله
Date: 10-11-2016, 02:49 PM
Parent: #4
يابت عمسيب .... سلام
انت لسه شاكة في اني كوز ..... والله -- والله -- والله أنا ماكوز - ولا أسرتي فيها كوز واحد (( اٍلا كوز الموية))...
لكني مسلم - أدافع عن عقيدتي .. بس انتي ماتخلطي بين ((الكيزان والاسلام )) دا شرف - ماحقوا تديهم ليهو ....
(( انت علمانية - مالبضرورة ملحدة )) - (( أنا مسلم - مالبضرورة كوز )) -
take it easy
|
Post: #7
Title: Re: المراقب العام للاخوان المسلمين بالسودان �
Author: مني عمسيب
Date: 10-12-2016, 10:25 AM
Parent: #6
صبا الخير للجميع ..
يا عمار ... معقولة بس ؟
بس انتي ماتخلطي بين ((الكيزان والاسلام )) دا شرف - ماحقوا تديهم ليهو ....
عندك دليل لكلامك دا ؟ وممكن تجيبو لي ؟
انت بتدافع بتتعامل مع الاخرين معاملة ( انا وابن عمي علي الغريب )
دي سياستك الملاحظة ! بمعني اي انسان ينتقد دولة اسلامية او شخوص
اسلامين مفسدين انت بتجي وبتدافع ! والدليل عندك رأي سلبي جدآ تجاه
الديمقراطية ! انت ما كوز لكن بيني وبيك الكيزان عدو باين ومن المستحسن .
ولك الشكر ,,,
|
Post: #8
Title: Re: المراقب العام للاخوان المسلمين بالسودان �
Author: Farida Mahgoub
Date: 10-12-2016, 10:37 AM
Parent: #1
المراقب العام للاخوان المسلمين بالسودان يقاطع الجلسة الختامية لمؤتمر الحوار الوطني* احتجاحا علي حضور المشير السيسي:
اتخذ المراقب العام للاخوان المسلمين بالسودان البروفسور الحبر يوسف قرارا بمقاطعة الجلسة الختامية لمؤتمر الحوار الوطني بقاعة
الصداقة احتجاجا علي حضور المشير السيسي وكلف البروفسر الحبر الامين السياسي للاخوان المسلمين المهندس الصادق ابو شورة ونائب الامين السياسي المهندس
امية يوسف بحضور الجلسة وتأتي مقاطعة المراقب العام وتخفيض التمثيل بالجلسة تعبيرا عن رفض الاخوان بالسودان
للنظام الانقلابي بقيادة المشير السيسي في مصر وكان البروفسور الحبر قد شارك في جلسة الجمعية العمومية للحوار
الوطني في اغسطس الماضي وساهم الاخوان المسلمون بفعالية في لجان الحوار الوطني منذ بدايته
تحياتي الاخ زهير وضيوفه
قول ل ديل كمان اتلهو.......
كفاية الورطة الورطوها لينا في السودان....
|
|