اهم مخرجات الحوار الوطني ...

06:37 PM October, 09 2016

سودانيز اون لاين
علي دفع الله-سنار
مكتبتى
رابط مختصر

اهم مخرجات الحوار الوطني :
*اعفاء نادي المريخ من مواجهة اهلي شندي والهلال👌🏽
😂😂😂😂😂

برضو احسن من تكون الحفلة البدعي ليها معبوبات الغرقت
في ود راجلها ود الباوقة ههههههههههههههههههههه .


سلام يا فردة وليك الشوق ...

يا ود دفع الله مخرجات الشي الوطني حيخلوها في السهلة كدي
ما يردموا فوقها التراب و للا يشوفو ليها حفرة بعيدة بدل ما تقعد
تأذي الناس.

كنت في الخرطوم يوم الخميس الفات وكان عندي شغلة في البنك الفرنسي السوداني جمب ابو جنزير شمال سينما كلوزيوم طيب الله ثراها ..المهم الحتة دي بتجمعوا فيها عمال النظافة والمشرفين وبوزعوا العمال ...اها قام المشرف لما العمال كلهم وخطب فيهم خطبة عصماء ساعتها انا كنت بشرب في قهوة منتظر البنك يفتح ..صاحبنا المشرف كان ذو صوت جهور وبداء مرة يحفز ومرة يهدد وقال نحن مقبلين على الاحتفال يوم عشرة في الشهر دا بخواتيم الحوار الوطني ولازما الخرطوم تكون نضيفة ودي توجيهات الوالي شخصيا وخصوصا شارع النيل وجمب قاعة الصداقة ..اي تاخير او خستكة حا اتخذ اجراء صارم ..
العمال شكلهم هارشين من المشرف دا وبرضو ما مافهمين الحوار الوطني دا شنو وعلى ما اعتقد مفتكرنو المؤتمر الوطني ..اها المشرف نادى لي واحد اصغر منو جاه جاري وقال ليه نعم يا السعادة ..المشرف الكبير قال ليه وزع الاكياس وخليك حريص ما تجيب لينا هواء..
نواصل

Quote: *اعفاء نادي المريخ من مواجهة اهلي شندي والهلال

يا خي حرام عليك نسيت الاعلام المستوردة من الصين

يا ابو علوة دى تخريجة امنية
الناس ديل ما عايزين اى نوع من انواع التجمهر
يقوم كدى المريخ يغلب الهلال و جماهير الهلال الما بتعرف تتحاور
تعمل احتجاجات و تجوط ليهم الشغلة
الناس ديل قاعدين على الهبشة
و اى كركبة بعتبروها عليهم
ف شنو
مشّى ليهم التخريجة دى

تحياتي الزملاء الحلوين
منى بت نفيسة
سيف النصر محي
الفاتح علي
جلالدونا
-----؛---
جاتني حالة كدة زي الزول العندو حساسية بقيت اتحكحك لمن قربت لي واحد من العمال وبديت اسال فيه طبعا العامل شكلو كدة راسو كابس وعاوز يشيل الاكياس ويتخارج المهم بعد الحاحي عليه قال لي انت داير شنو ..قلت ليه بدوكم اوفر تايم بمناسبة الحوار الوطني رد علي هم قالو بدونا بس كل مرة بقولو كدة بس بياكلوها الجماعة ديل واشار بسبابته حتى رايت عفرت ابطيه...
بعدها جاتو قرفة كدة قال لي اتفكفك مننا يا معلم خلينا نشوف رزقنا ..سالتو سرعة كدة بتتوقع شنو من الحوار الوطني رد بضحكة طوييييلة وشتت...
-------------
عن اي حوار وعن اي وطني ....
الحوار الوطني اخو المؤتمر الوطني ....
انا حزين على الرافعين الطموح بمخرجاتو ...الله يستر عليكم ما تزكمكم المخرجات بريحتها وتصابوا بالكوليرا الحايمة دي..
اللهم احفظ ابلة تراجي من مخلفات ومخرجات الحوار الوطني ...امييييين ...

Quote: سالتو سرعة كدة بتتوقع شنو من الحوار الوطني رد بضحكة طوييييلة وشتت...

هههههههههههههههههه

والله ابلغ إجابة يا ود دفع الله

فشر البلية ما يضحك

قالوا قريمان مشى عشان يحضر استفراغات الحوار

ؤ بالمرة يستلم الاتعاب باقيلك المحاورة دي ساهلة

اكيد محتاجة لي طاقة ولياقة

وللا شنو

غالينا هيثم مودتي
قريمان رايح ليه الدرب في الموية يلولو في خشمو عامل فيها الود ملان وطنية ههههههه
---
زي ما ذكر الحبيب الامين بشاري في بوستو انو نافع قال ليهم احة ههههه
حوار مين وبطيخ مين ....

او اخذ صورة فوتوشوبية للهلال مع كاس الابطال


احوالك يا علي .....وين المخرجات دي كان جاية من الصين وشايلا ابوالقدح كان وصلت

يا شباب فهمتوا شئ في نقاط المخرجات
ومتين التنفيذ ؟

الصديق الجميل لطيف الشهير بي حسن المخرجات وصلت وحا احكيها ليك
الصديقة الجميلة منى عمسيب الغير وطنية كما وصفك طبال سيدو ود الباوقة وفي المقابل ابلة طراجي وندى القلعة شخصيات قومية ..محن ولا ما محن .
----------------------------
بخصوص المخرجات طبعا قالوا المؤتمرين انو السودان يسع الجميع وسوف تنبثق لجنة تكون مهمتها مراجعة عمل جميع اللجان.وما استشكل عليهم تنبثق ليه لجنة عشان تدرس المخرجات ..وتبدا مرحلة تخريج المخرجات ..تتكون لجنة من هيئة علماء السودان ويبدوا الرقية الشرعية عشان يخرجوا المخرجات ..وتبدا اللجنة
وما انزل على الملكين هاروت وماروط اخررررررج
وما كفر سليمان اخررررررج
ان الله سيبطله اخررررررج
قل اعوذ برب الفلق اخرررررج
والمخرجات تقول خرجت بالاصبع الصغير ...ويهللوا القوم ويكبروا ويحمدلو وبحوقلو ...
ويغني المفني ويرقص كبيرهم الذي علمهم السح
ويتم توزير بعضهم وتسشير (يبقوهم مستشارين )
وتوتا توتا خلصة الحدوتة ...

https://www.0zz0.com

الاخ علي وضيوفه الكرام مسرحيه هزليه ممله وسخيفه لاطالة عمر هذذا النظام الحقير
لاحل الا بالتورة العارمه التي تطيح بهؤلاء القتله الي صناديق القمامه

ابو الريش يا صديقي مخرجات الاطفال ديل ازكاء واطيب من مخرجات الحمار الوطني ...
الاخ محمد عبد الجليل فعلا مسرحية تافهة على مسرح النتانة والكضب ..

Quote: رجل "اخرس" قال لرجل "أصم".. أن رجلا "اعمى" قد شاهد رجلا "مشلولا" ..يركض خلف رجل "مقطوع اليدين"..ليمنعه من شد شعر رجل "اصلع". ملخص الحوار الوطني

برضو من محن الواتساب:

Quote: Dawelbait Bilaila: مخرجات الحوار الوطني: ﻛﺄﻧﻨﺎ ﻭﺍﻟﻤﺎﺀ ﻣﻦ ﺣﻮﻟﻨﺎ ،، ﻗﻮﻡٌ ﺟﻠﻮﺱٌ ﺣﻮﻟﻬﻢ ﻣﺎﺀ ﻭﺍﻷﺭﺽ أﺭﺽٌ ﻭﺍﻟﺴﻤﺎﺀُ ﺳﻤﺎﺀ ،، ﻭﺍﻟﻤﺎﺀ ﻣﺎﺀ ﻭﺍﻟﻬﻮﺍﺀ ﻫﻮﺍﺀ ﻭﺍﻟﺒﺤﺮ ﺑﺤﺮٌ ﻭﺍﻟﺠﺒﺎﻝ ﺭﻭﺍﺳﺦ ،، ﻭﺍﻟﻨﻮﺭ ﻧﻮﺭ ﻭﺍﻟﻈﻼﻡ ﻋﻤﺎﺀ ﻭﺍﻟﺤﺮ ﺿﺪ ﺍﻟﺒﺮﺩ ﻗﻮﻝ ﺻﺎﺩﻕ ،، ﻭﺟﻤﻴﻊ ﺃﺷﻴﺎﺀ ﺍﻟﻮﺭﻯ ﺃﺷﻴﺎﺀ ﻭﻳﻘﺎﻝ ﺃﻥ ﺍﻟﻨﺎﺱ ﺗﻨﻄﻖ ﻣﺜﻠﻨـﺎ ،، ﺃﻣﺎ ﺍﻟﺨﺮﺍﻑ ﻓﻘﻮﻟﻬﺎ ﻣﺄﻣﺎﺀ ﻭﺍﻟﻤﺮ ﻣﺮُ ُ ﻭﺍﻟﺤﻼﻭﺓ ﺣﻠﻮﺓ ُ ُ ،، ﻭﺍﻟﻨﺎﺭ ﻗﻴﻞ ﺑﺄﻧﻬﺎ ﺣﻤﺮﺍﺀ ُ ﻭﺍﻟﻤﺸﻲ صعبٌ ُُﻭﺍﻟﺮﻛﻮﺏ ﻧﺰﺍﻫﺔ ُ، ﻭﺍﻟﻨﻮﻡ ﻓﻴﻪ ﺭﺍﺣﺔ ُ ُ ﻭﻫﻨﺎﺀ ﻛﻞ ﺍﻟﺮﺟﺎﻝ ﻋﻠﻰ ﺍﻟﻌﻤﻮﻡ ﻣﺬﻛﺮ ،، ﺃﻣﺎ ﺍﻟﻨﺴﺎﺀ ﻓﻜﻠﻬﻦ ﻧﺴــﺎﺀ 😂😂😂😂😂😂😂😂😂😂😂

بعد ما الجماعة ضربوا الطيبات في القاعة قال ليك حمامات القاعة ضاقت بال" مخرجات"

يا صحابي يا قلوبآ مفعمات بالصفاء .. لكم التحية ,,


كل يوم بتصلني خرطمية نكتة عن الحوار لكن حقيقة
ما عندي اخلاق للكتابة هههههههه . الوصلت ليهو الحوار
بقي فقط في شكل نكات ! يعني تحولت النقاط الي نكات
ونحمد الله الذي لايحمد عن مكروه سواه .

ود الشيخ ههههههه المخرجات رقدت هبطرش
بت عمسيب اجدعينا بي نكتة هههه

Quote: بعد ما الجماعة ضربوا الطيبات في القاعة قال ليك حمامات القاعة ضاقت بال" مخرجات"

يعنى طفحت
يشوفو الوفد المصرى .. بكون فيهو سبّاك