Post: #1
Title: يحيى العوض...وفيهو العوض
Author: عثمان عووضة
Date: 09-30-2016, 08:42 AM
07:42 AM September, 30 2016 سودانيز اون لاين
عثمان عووضة- السودان
مكتبتى
رابط مختصرصديقنا المرحوم الذي رحل مؤخرا احمد حسن محمد صالح كان يناديه ب( يحيوف) وانا كنت اناديه ب( الصوفي) نسيب اسرة تميم الكريمة والرجل الموسوعة يحيى العوض.. كنز متحرك يحمل بين كتفيه راسا مليئا بالحكمة والمعرفة وتاريخ الكثيرين من الرجال الذين ساهموا في نهضة السودان وايضا الذين ساهموا في تعطيل عجلة نمو وتقدم الوطن اقرأوا له ما كتب عن مصطفي امين. (راجل سونا) كتابة سلسة من رجل موسوعة .....يحيوف الصوفي: ياخي. كب لينا الكلام السمح دا في ورق واطبعوا نحنا ناس جاهزة بس ...حييت يا يحيى اينما كنت
|
Post: #2
Title: Re: يحيى العوض...منه العوض
Author: حمد عبد الغفار عمر
Date: 09-30-2016, 09:08 AM
Parent: #1
تحية كبيرة للأستاذ يحيى العوض
صاحب السرد الممتع والمعلومات الدقيقة
وليك يا عثمانوف
|
Post: #3
Title: Re: يحيى العوض...منه العوض
Author: عثمان عووضة
Date: 09-30-2016, 09:58 AM
Parent: #2
يحيى العوض انسان رقيق ومؤدب وفاهم
يحيى قباني برضو😉😉
تحياتي
|
Post: #4
Title: Re: يحيى العوض...منه العوض
Author: محمد على طه الملك
Date: 09-30-2016, 12:13 PM
Parent: #3
متعكما الله بالصحة وأفادنا بتجربتكما الصحفية ومعارفكما ..
إلا أنت بتين بتفتح لينا سندوق زخايرك إشي في السودان إشي في الخليج إشي في المغرب ..
ديل العرفتهن بس وما خفي أعظم..
أوع تقولي المفتاح ؤ مش عارف أيه ؟ فلس الطبلة .
|
Post: #5
Title: Re: يحيى العوض...منه العوض
Author: عثمان عووضة
Date: 09-30-2016, 12:49 PM
Parent: #4
ونسيت مانيلا وبانكوك واديس
يامولانا مالك داير تجيب لينا الهوا ياخ😉😉
نحنا ناس عنقالة ساكت بندودر بس انتو شتتوا العيش
ياخي مسؤول من الخير ... وين استاذ علي عبد الوهاب
|
Post: #6
Title: Re: يحيى العوض...منه العوض
Author: محمد على طه الملك
Date: 09-30-2016, 01:17 PM
Parent: #5
أخونا الحبيب علي عبد الوهاب آمل أن يتجاوز آلام الفقد المبرحة بوفاة الأخ حرسم طيب الله مرقده ويعود لينا ..
في السودان شرق النيل وفي بلاد بره ؟
على طوووول مشرق ؟
الحكاية دي أكيد فيها سر ..
ود المدير مضروب في الانكل ؤ دايخ بى الله ؤ يامين وصل البيت..
ناس جلالدونا أو أيا كان اسمه القالو بنحب ونسة العجاير ما بكلمم يلا قول .
|
Post: #7
Title: Re: يحيى العوض...منه العوض
Author: عثمان عووضة
Date: 09-30-2016, 02:44 PM
Parent: #6
اقول شنو يا زول انت بي صحك
عايز تقوم علينا (الدحايش) مالك😉😉
ياخي. لو في طريقة لي تلفونه ينوبك ثواب
ربنا يصبره ويشمل حرسم. برحمته التي وسعت
كل شيئ
|
Post: #8
Title: Re: يحيى العوض...منه العوض
Author: د.عبد المطلب صديق
Date: 09-30-2016, 03:01 PM
Parent: #7
وضعت يدي على قلبي عندما قرات .... يحى العوض منه العوض ... وخشيت ان يكون احدهم قد تنطع على شيخ الصحفيين ومؤسس اجمل الصحف المستقلة في السودان وصاحب مبادرة تاسيس اول وكالة انباء سودانية في تاريخ السودان ، وله مؤلفات تجمع بين الرصانة وجمال اللغة وقوة التعبير .... وهو منصة لاطلاق الحكم والرؤى الثاقبة .... اسفي على جيل من الصحفيين السودانيين لا علم لهم بما فعله الاوائل في تاريخ الصحافة السودانية من الق واشراق ومشاركات خارجية ...
لكن السودانيين اهل ود وكرم ... فقد حفظوا للرجل حقه حيث اعيد نشر صحيفته الرائجة النهار من جديد بعد ان اضيف الى اسمها ... اول النهار .... وصدرت باسم مالك جديد بموافقة مجلس الصحافة والمطبوعات.... ودون علم او موافقه المالك الاصيل وصاحب الاسم يحى العوض.
|
Post: #10
Title: Re: يحيى العوض...منه العوض
Author: ملهم كردفان
Date: 09-30-2016, 03:39 PM
Parent: #9
متابعه وتحيه تليق بكم جميعا ياساده
عثمان عووضه
يحي العوض
حمد عبد الغفار
الملك
د.عبد المطلب صديق
الباشمهندس
وافر تقديرى واحترامي
|
Post: #13
Title: Re: يحيى العوض...منه العوض
Author: عثمان عووضة
Date: 09-30-2016, 04:00 PM
Parent: #10
ملهم ياخي انا زعلان منك
مع اني متأكد انك مشغول بعمل خير
لاحد ابناء او بنات الوطن
ياخي. نفتقدك كثيرا تعال مرة مرة يا جميل
|
Post: #12
Title: Re: يحيى العوض...منه العوض
Author: عثمان عووضة
Date: 09-30-2016, 03:54 PM
Parent: #9
شكرا بكري
صدقني يحيوف كنز متحرك
اتوسل اليه ان يتحف المنبر والمكتبة السودانية
بدرره التي اكاد احفظها عن ظهر قلب
|
Post: #11
Title: Re: يحيى العوض...منه العوض
Author: عثمان عووضة
Date: 09-30-2016, 03:49 PM
Parent: #8
استاذنا د. عبد المطلب
عندما اقرأ اسمك فقط مجرد الاسم اتحسر على
هذا الوطن واتذكر بيت الشعر الذي ينضح حكمة:
المال عند بخيله..... والسيف عند جبانه
فقد. اصبح الفكر عند ثقيله والرأي عند هبيله.
نتحسر لان ثروة فكرية وبشرية يحملها رواد امثالك وامثال
شيخنا يحيى العوض توزعت. بين المنافي ليقود الوطن
فكريا الجهلاء والمنافقين وماسحي الجوخ
لكن. العزاء انكم اخترتم هذا الطريق لتحافظوا على
نظافة اقلامكم والسنتكم ليظل الوطن بشرفائه يفخر بكم
ودمت عزيزا شريفا عزيزي د. عبد المطلب
|
Post: #14
Title: Re: يحيى العوض...منه العوض
Author: د.عبد المطلب صديق
Date: 09-30-2016, 04:07 PM
Parent: #11
اخي الاستاذ الفاضل عووضة أين انا من الهرم الشامخ يحى العوض... يستشيره رؤساء وزعماء وقادة ورجال اعمال .. ولا ياخذ منهم ذهبا ولا انواطا ... وينكره اهله وبني جلدته حتى ان بعضهم لا يدري من هو ...أشكرك على هذا الرابط الذي يمثل بعضا من نقاء واخاء ووفاء.
|
Post: #15
Title: Re: يحيى العوض...منه العوض
Author: عماد الشبلي
Date: 09-30-2016, 04:33 PM
Parent: #14
تحية لشيخنا
يحي العوض
|
Post: #16
Title: Re: يحيى العوض...منه العوض
Author: عثمان عووضة
Date: 09-30-2016, 04:41 PM
Parent: #15
والتحية لك انت ايضا يا شبلي
|
Post: #17
Title: Re: يحيى العوض...منه العوض
Author: عثمان عووضة
Date: 09-30-2016, 05:03 PM
Parent: #2
حمد الفنان
انت برضو مختفي
زمان واحدة صاحبتي قالت لي اللحمة
البتعزلها من وسط. اللحم بتخنك
بقيتوا مفترين خلاس
|
Post: #18
Title: Re: يحيى العوض...منه العوض
Author: حمد عبد الغفار عمر
Date: 09-30-2016, 05:14 PM
Parent: #17
أنا آخر زول يفتري في الدنيا أم قدود دي
بس أنا بعد يوم 25 بتجيني قرفة ما قبل الراتب
|
Post: #19
Title: Re: يحيى العوض...منه العوض
Author: عثمان عووضة
Date: 09-30-2016, 06:06 PM
Parent: #18
نحمد الله نحنا راتب ذاتو ما عندنا
عشان كدا لا قرفة يبل الراتب لا بعد. الراتب
|
Post: #20
Title: Re: يحيى العوض...منه العوض
Author: د.عبد المطلب صديق
Date: 09-30-2016, 07:17 PM
Parent: #19
كان متوظف ياك عثمان
وكان متوقف ياك عثمان
|
Post: #22
Title: Re: يحيى العوض...منه العوض
Author: عثمان عووضة
Date: 09-30-2016, 07:29 PM
Parent: #20
ربي يجبر بخاطرك يا دكتور واحد صاحبنا قبل شهرين كدا قال. لي لازم تجي تكتب معانا في الجريدة وبي عائد مغر قلت ليهو والله مع جماعتك ديل يا تطبل يا تنطبل ونحنا ما عندنا منطقة وسطى ولا من المطبلاتية اهو في الاخر كترنا العراريق والسراويل و دفنا الهم بالزراعة
|
Post: #21
Title: Re: يحيى العوض...منه العوض
Author: جلالدونا
Date: 09-30-2016, 07:29 PM
Parent: #19
استاذى عثمان عووضة
التحية لك و لضيوفك الاكارم
و التحية و التقدير لأستاذ الاجيال يحيى العوض متّعه الل بالصحّة و العافية
و نتمناك تواصل فى القاء الضوء على مواقف الرجل خاضّة شكلك عارف كتير
____
مولانا الملك .. ونسة العجايز ايّاً كان موضوعها فهى موضع اهتمامى
|
Post: #23
Title: Re: يحيى العوض...منه العوض
Author: عثمان عووضة
Date: 09-30-2016, 07:57 PM
Parent: #21
جلالدونا كيفك يا حبيب
والله يحيوف. دا يا تستمع. ليهو يا تقرأ ليهو
وهو عضو في المنبر وما اظن يبخل علينا بي
ابداعاته
.....
بعدين شكلك الليلة ما عاجبني.
اوعى يكون غسلت العدة 😉😉
|
Post: #24
Title: Re: يحيى العوض...منه العوض
Author: د.عبد المطلب صديق
Date: 09-30-2016, 09:34 PM
Parent: #23
والله يا عثمان ... تعليقك افضل توصيف لما يجري ... ودونك مقال ضياء الدين بلال الاخير ....
معظم الكتاب الصحفيين اليوم اجراء في معارك تصفية الحسابات .... وما يحدث معركة مفسدين ضد مفسدين ... والغرض ليس محاربة الفساد كقيمة ، ومعاركهم ليست ضد الفساد ... ولكن للحصول على مزايا من المفسدين ... وهذا ما يفسر كثرة ما ينشر عن الفساد ومع ذلك الظاهرة متنامية...
والكتاب الماجورين اساءوا الى الصحفيين الشرفاء ... خاصة المحررين الصغار الذين لا علاقة لهم بهذه الفوضى الضاربة سوى استغلالهم من قبل اصحاب المال من الناشرين اصحاب الاهداف الخاصة.
خليك على زراعتك حتى لا تصبح ضمن الكوكبة التي قال عنها دينج الور : الصحفيين زي الموبايل قدر قروشك تملا بيهو رصيد بيكلم ليك.
|
Post: #25
Title: Re: يحيى العوض...منه العوض
Author: محمد أحمد الريح
Date: 10-01-2016, 02:16 AM
Parent: #24
|
Post: #26
Title: Re: يحيى العوض...منه العوض
Author: محمد أحمد الريح
Date: 10-01-2016, 02:17 AM
Parent: #24
التحية و التقدير لأستاذ الاجيال يحيى العوض متّعه الله بالصحّة و العافية التحية والتقدير لك يا أستاذ عثمان
|
Post: #27
Title: Re: يحيى العوض...منه العوض
Author: عثمان عووضة
Date: 10-01-2016, 03:11 AM
Parent: #26
هذه ورطة ادخلتني فيها يا جنابو
المعلم صانع ملحمة البطولة والصمود
لا اجد الكلمات التي تليق بمقامك اخي المناضل
الحق ود الريح
لك التحية وجزيل الشكر
|
Post: #28
Title: Re: يحيى العوض...منه العوض
Author: عثمان عووضة
Date: 10-01-2016, 05:49 AM
Parent: #27
بعدین یا سعادة العميد ياخ انا ومعي كثر سوف نظل نفخر بشجاعتك ونقدر تضحيتك من اجل شعبك ووطنك سنظل اوفياء لك ولوقفتك الصلبة امام جلاديك ودرس العفة والتسامح الذي قدمته وانت مرفوع الرأس تأكد اننا سنظل نحني هاماتنا امام شموخك اخي ود الريح ودمت عفيفا طيبا عزيز النفس
|
Post: #29
Title: Re: يحيى العوض...منه العوض
Author: عزالدين عباس الفحل
Date: 10-01-2016, 05:59 AM
Parent: #28
عثمان عووضة
سلام أخوي عووضة ،
عملت لي شنو في معجم الكوايتة ؟
،،،،،،،
عزالدين عباس الفحل
ابوظبي
|
Post: #30
Title: Re: يحيى العوض...منه العوض
Author: عبدالحفيظ ابوسن
Date: 10-01-2016, 06:44 AM
Parent: #29
صلح لغتك يا عثمان ياخ
خليك سوداني
منو العوض بتعني خيبة الامل فيهو مش التحسر عليهو
تعرف كان معاي معاوية الزبير
وحكي لي عنك كتير وعن ونسنكم وانك من الرعيل الاول في سونا لاحظ الرعيل الاول دى قالها هو
المهم
ضهرك كيف ( وش خبيث )
|
Post: #31
Title: Re: يحيى العوض...منه العوض
Author: عثمان عووضة
Date: 10-01-2016, 06:56 AM
Parent: #30
لغتي خلها ...عملت لي شنو في الموضوع 😜 😜 😜 ؟
....،
طيب ...خلينا في المهم.. كلامك صحيح وبيقولوا منو العوض.
وعليهو العوض ... يعني ما منو رجا .. انا. استعملت الكلمة هنا.
بمعنى التعويض...تعويضنا بدرره عن الغثاء الذي يقابلنا صباح
مساء والكذب والنفاق والنفخ الاعلامي. واخد بال حضرتك
....
اما اذا دار محور سؤالكم عن ضهري فليس المسؤول. باعلم من السائل
(وش اخبث من القوستو انت)
|
Post: #32
Title: Re: يحيى العوض...منه العوض
Author: عبدالحفيظ ابوسن
Date: 10-01-2016, 07:13 AM
Parent: #31
موضوعك ياتو
بتاع حلات لقلق ولا واحدن تاني
ياخوي انا يتيم ومرتيواحدة
|
Post: #33
Title: Re: يحيى العوض...منه العوض
Author: ملهم كردفان
Date: 10-01-2016, 07:26 PM
Parent: #32
عثمان عووضه
اطيب التحايا ليك ياحبيبنا ياخى والله مابيناتنا زعل تب
وياخى حسيت بوجودى لمن اتوجهت فى الطريق المطيب ده وربنا يعيني عليهو
واخليهو يكبر ويبقى للكل ..بحاول اكون قريب منكم
وان شاء الله ماتفقد حبيب ياصديقى الفخيم والراقى والمحترم
وافر حبى لشخصكم الكريم
....
|
Post: #34
Title: Re: يحيى العوض...منه العوض
Author: عاطف عمر
Date: 10-01-2016, 08:26 PM
Parent: #1
تحياتي وسلامات حبيبنا عثمان عووضة
هذا البوست يصنف عندي من بوستات ( الشديد القوي ) التي تجعلني ( أحك رأسي ) لأتذكر ( الباسورد السودانيزأونلايني ) إيذاناً بالكتابة
وما ذاك إلا لأن المحتفى به هو ( شيخنا ) و ( شيخ الصحفيين ) أستاذنا يحى العوض
ودون أن أتجاوز مقامي وعطفاً على مداخلات الأحباب د. عبدالمطلب وود أب سن وردك عليهما ، فلكم وددت لو كان عنوان البوست يقول
" يحيى العوض .... فيه العوض "
وذلك ( كيتاً ) على الحروف الجر التي قيل لنا أنها ( تنوب عن بعضها البعض )
تلك القاعدة التي تسببت في طردي من المدرسة الثانوية وطلب أستاذ اللغة العربية ألا أحضر للمدرسة مرة أخرى إلا برفقة ولى أمري
وذلك بعد أن إعترضت على القاعدة مبرراً زعمي بالقول أن جملة ( أنا ذاهب إلى البيت ) تعني عكس الجملة ( أنا ذاهب من البيت ) فكيف تكون الإنابة بين ( إلى ومن ) إذاً ؟؟
شيخنا الأستاذ يحيى العوض رجل تتقاصر عن وصفه كلماتي
فكلامي عنه مجروح مجروح
يكفيه فخراً أنه من أبناء ( الشريف محمد الأمين الخاتم ) وأنه من أبناء ( الشيخ البشير محمد نور ) رضى الله عنهم وأرضاهم
يكفي شيخنا يحيى إصداره لجريدة ( القوم ) فقد كانت حدثاً علميا رفيع المستوى لظاهرة التصوف التي هي حدث ديني رفيع القيم
ومع ذلك
فجمعكم الكريم أعلم مني بأن الرجل مسلح بكل معارف العصر ، يصوغ أفكاره بلغة السهل الممتنع العصي على التكرار والتقليد ،
سمح مؤدب سماحة وأدب شيوخه الكمل الأفذاذ
أقرأ مقالاته ، بوستاته ولا يفوتني منها حرف
ولا أجد في نفسي التأهيل الكافي للتداخل فيها
فألزم ( سدرة منتهاى )
فذاك ( شعر ما عندنا ليهو رقبة )
ثم
التحيات والمحبة والإحترام
|
Post: #35
Title: Re: يحيى العوض...منه العوض
Author: محمد أحمد الريح
Date: 10-02-2016, 00:52 AM
Parent: #34
الأخ عثمان
لك جزيل شكرى وتقديرى على كلماتك الطيبات.
|
Post: #36
Title: Re: يحيى العوض...منه العوض
Author: عثمان عووضة
Date: 10-02-2016, 05:53 AM
Parent: #34
يا باشمهندس ليك وحشة
والتحية لكلماتك النيرة في حق شيخنا
بعدين انتو ناس رفاعة اهل الادب والمعرفة والعلم
ومنكم. نتعلم
العنوان حنغيرو ... تاني بتقولوا شنوا
تتعلموا شنو كدا ما عارف في بوستات.
الدناقلة😉😉😉
.....
نحنا ناس اعاجم و مؤلفة قلوبهم 😜 😉 😉 😜
|
Post: #37
Title: Re: يحيى العوض...منه العوض
Author: جلالدونا
Date: 10-02-2016, 06:13 AM
Parent: #36
ود عووضة
لولا االمقام مقام استاذ جليل و شيخ وقور, كان اديناك
من صنف الكرور حتى تستغيث
بعدين غسيل العدة هين
الصعب يوسخوها بى شنو ؟ لا لحم لا جكن لا سمك
حتى قلية البصلة و ابن عمّها العدس بقو فى تلتلة و مجابدة
شكرا لى موية الفول و موية الجبنة و موية الزيت
|
Post: #38
Title: Re: يحيى العوض...منه العوض
Author: يحيى العوض
Date: 10-02-2016, 02:39 PM
Parent: #37
يحيى العوض...وفيهو العوض...
أكرمنى زملاء وأبناء أعزاء (بكلمات ليست كالكلمات ) على منصة (سودانيزاونلاين ) ،أكبر وأهم موقع سوداني للتواصل الاجتماعى والسياسي، بقيادة المهندس بكري ابوبكر ، وبمبادرة كريمة من الاستاذ عثمان عووضة ، ولا أملك قدرة ولا فصاحة للتعبير عن وقع هذه البادرة على نفسي ومازلت على قبد الحياة ..واتمنى أن تشمل رموزا ،احق مني ، أهملناها فى زوايا النسيان والجحود ..تحية اجلال وعرفان لابنائى واصدقائى : الأساتذة الكرام: عثمان عووضة ، حمد عبد الغفار عمر ، الدكتور عبد المطلب صديق ، المهندس بكري ابوبكر ، الفاتح احمد حسن ،عماد الشبلي ،المهندس جلال الدين عيسى عثمان ، العميد م محمد احمد الريح والابن عاطف عمر..
|
Post: #39
Title: Re: يحيى العوض...منه العوض
Author: عثمان عووضة
Date: 10-02-2016, 05:28 PM
Parent: #38
مرحب بيك استاذنا يحيوف
وبانتظارك لانك خير من يكتب عن تلك الرموز
|
Post: #40
Title: Re: يحيى العوض...منه العوض
Author: د.عبد المطلب صديق
Date: 10-02-2016, 06:45 PM
Parent: #39
في فترة تعد من اخصب سنوات عمري في العمل الصحفي ، أكرمني الله بمرافقة الاستاذ يحى العوض، كان يومها رئيسا لمركز دراسات الشرق ، وعكف على تنظيم دورات تدريبية متعددة تفوق بها على مراكز كبرى في الخليج وهي مراكز مدعومة ماليا وبشريا ومعنويا .. ولم يكن شيخ مدعوما بشيء سوى علاقات صادقة وراسخة مع مثقفين واساتذة جامعات وصحفيين وكانت النتيجة نجاحات مهولة أدخلت الى المهنة عشرات من الشباب المحترفين المتميزين.....
شيخ يحى يرى ان كل عمل يقوم به هو اكرام من الله وهبة منه وان الانسان ما هو الا وسيلة مسخرة ليس له في ما ينجزه من شيء . وهو يرى ان الابتلاء ايضا منحة وليس مصيبة كما نتوقع بنظرنا السطحي للاشياء....
من اجمل ما كتبه عن الموت في رثاء عزيز: أن الموت يحدث دوما لغيرك .. لا يحدث لك ... لذلك تشعر بانك بمناى عنه الى ان يطرق باب دارك. ... ما اروعها من كلمات تستكشف بواطن الاشياء وتهتك ستور الغموض.
|
Post: #41
Title: Re: يحيى العوض...منه العوض
Author: الشامي الحبر عبدالوهاب
Date: 10-04-2016, 08:44 AM
Parent: #40
التحية لك أستاذ عثمان عووضة
ولضيوفك الكرام
ولضيفك في البوست الأساذ يحيي العوض
وفي الحقيقة حتى المساهمات القليلة للأستاذ يحي العوض في هذا المنبر مساهمات غنية ودسمة ومساهمات خبير وعالم
وشدني ما أشرت اليه ما كتيه عن مصطفى أمين راجل سونا .... فقد عملت مع هذا الرجل قرابة الخمس سنوات فكان رجلا إداريا إعلاميا نادرا
نهض بوكالة السودان للأنباء ومد لها فروعاً داخل السودان وخارجه ووفر لها أحدث أجهزة الإتصالات .
أعتقد أن مصطفى أمين محطة إعلامية مهمة يجب التوقف عندها كثيراً
جزيت خيرا على هذا البوست القيم
|
Post: #42
Title: Re: يحيى العوض...منه العوض
Author: عثمان عووضة
Date: 10-04-2016, 09:19 AM
Parent: #41
الشامي حبيبي...
شكرا ،،،. مصطفى امين اعلامي واداري من
طراز فريد وبالرغم من ذلك. دارت حوله اقاويل
كثيرة. سالبة وكثيرة ايجابية.
نتمنى ان ياتي. شيخ يحيى ويدينا النجيضة
تحياتي
|
Post: #43
Title: Re: يحيى العوض...منه العوض
Author: عادل ابراهيم احمد
Date: 10-04-2016, 09:30 AM
Parent: #42
حبابك استاذي عووضة وضيفك المبجل يحي العوض الذي افتقده مجتمع الدوحة وهو بعيد في بلاد الاسكندناف
يا ريت استاذنا الدكتور يحي يواصل في سلسلة القوم وذكرياته مع الشريف الخاتم ..
له ولك تحياتنا واحترامنا..
|
Post: #44
Title: Re: يحيى العوض...منه العوض
Author: MOHAMMED ELSHEIKH
Date: 10-04-2016, 10:50 AM
Parent: #43
ياسلام يا عوووضة
الليلة جبتها من بيت الكلاوي
استاذ الأجيال شخصيا معانا وكمان بيستجيب لنداءاتنا
هذه هي القامات المفترض تقود العمل الثقافي والصحفي في السودان
وعلى العموم
اهي دي الحياة
يغرق البعرف يعوم
ويريب الحاضن الكتاب
وينجح الطول السنة عداها نوم
احلى الطيور مقفولة في اقفاص حديد
والحرة طايرة بلا شروط : غربان وبوم !
|
|