Post: #1
Title: أولاد الهامش
Author: أبوبكر عباس
Date: 09-28-2016, 01:56 AM
01:56 AM September, 28 2016 سودانيز اون لاين
أبوبكر عباس-الإمارات
مكتبتى
رابط مختصر
حكاية كرد فعل على سلبطة محمد سليمان لينا في وجود الإنقاذ
المكان: داخلية أربعات - البركس
الزمان: يناير 1984
إتنين من الكيزان سناير آداب، واحد من الجديد الثورة اسمو الحاج، والتاني من جبل أم علي ولاية نهر النيل الحالية اسمو بابكر.
بعد صلوا المغرب وضربوا الباسطة والحليب من السفرة الجديدة؛ ولوا وجوههم شطر داخلية أربعات لتجنيد البرالمة.
الغرفة 13 ساكننها برالمة من مدني
الغرفة 14 برالمة من أم كدادة وما حولها
|
Post: #2
Title: صوفيا لورين
Author: أبوبكر عباس
Date: 09-28-2016, 02:45 AM
Parent: #1
ابكر جرا الحاج من قميصو ومنعو يدخل الغرفة ١٤قال ليهو تلطاشر يا حاج،
الحاج: ديل من مدني!
ما رد عليهو ودخلوا وسلموا علي البرالمة في ١٣
لقوهم بلبسوا، البناطلين جيب البندقية بالكسر والقمصان الهزازة والجزم اللامعة
قالوا للبرالمة: ممكن عشرة دقائق؟
رد عصام وهو ببمسح في البريل كريم: الليلة لاحقين صوفيا لورين في جسر الكسندرا في البي إن، ومعانا جكس منتظرنا
تعالوا لينا بكرة يا حبيب أكّال الزبيب
|
Post: #3
Title: Re: صوفيا لورين
Author: أبوبكر عباس
Date: 09-28-2016, 05:20 AM
Parent: #2
لقوا صفاء، نجلاء، ناهد ومعاهم صاحبتم من الرياض اسمها روعة في استقبال السينما.
صفاء مسرحة آفرو، نجلاء ضنب حصان، ناهد مشاط ابسكسك بالالوان وروعة كاوية شعرها.
قال الراوي:
أحيّ أنا بموت في الشعر المكوي ومسدول ساكت!
سلموا عليهن سلام الحناكيش داك بتاع هزيز اليدين وتشديد كلمة إزييييّك؟
اتكبكبوا كبكبة شديدة في روعة وزادوا جرعات الظرافة
عصام أثناء التعريف قال ليها متظارفاً:
عارفنك روعة، اسمك منو؟
|
Post: #4
Title: Re: صوفيا لورين
Author: Haytham Ghaly
Date: 09-28-2016, 06:06 AM
Parent: #3
| Quote: سلموا عليهن سلام الحناكيش داك بتاع هزيز اليدين وتشديد كلمة إزييييّك؟ |
ومعاها تكية الراس ناحية الكتف الشمال وابتسامة عرييييييييضة
غايتو لقيتك بتاع ملاحظات دقيقة جداً
|
Post: #5
Title: Re: صوفيا لورين
Author: عبدالحفيظ ابوسن
Date: 09-28-2016, 06:19 AM
Parent: #4
،
|
Post: #6
Title: Re: صوفيا لورين
Author: علي دفع الله
Date: 09-28-2016, 06:43 AM
Parent: #5
عنوان بوستك (اولاد الهامش )ذكرني جزء من قصيدة لي عاطف خيري بتقول (اولاد الشارع فهرس لكل المدن التهرس جوفك بالاسمنت)..
-----
يلا واصل...
|
Post: #7
Title: Re: أولاد الهامش
Author: Frankly
Date: 09-28-2016, 07:09 AM
Parent: #1
| Quote: حكاية كرد فعل على سلبطة محمد سليمان لينا في وجود الإنقاذ |
دا أول مكسب لمحمد سليمان خلاك تقر بمصطلحاته وتلبس الطاقية وتظن في نفسك أنك لست من أولاد الهامش
بعدين محمد سليمان ما بيناقشوه بحكاوي ونكت
ركز في كلماته التي ينتقيها جيداً عشان ما تقع في الفخ
كدي اسألوا في الأول ياتوا هامش؟
عشان تفرز عيشتك
|
Post: #8
Title: Re: أولاد الهامش
Author: اسماعيل عبد الله محمد
Date: 09-30-2016, 06:52 AM
Parent: #7
.
|
Post: #9
Title: Re: أولاد الهامش
Author: حيدر حسن ميرغني
Date: 09-30-2016, 07:16 AM
Parent: #8
يامستنير .. تعال كب النجيضة ياخ
لأنه ده من نوع الكلام البنعاني من تبعاته 27 سنة
-
في مساعي لتكوين لجنة حوار لحراسة البوست ومساعدتو في الإنطلاق
لو ماجيت ياكا كوز كوز وإن اشتعل راسك شيبا من شدة (الإصطنارة) 
|
Post: #10
Title: Re: أولاد الهامش
Author: أبوبكر عباس
Date: 09-30-2016, 08:29 AM
Parent: #9
بابكر قصة انو الحناكيش ديل سفهوهو؛ زعلتو زعل شديد.
الحاج قال ليهو: نشوف أولاد أم كدادة ديل
بابكر: نشوف ليهم شنو؟ ح يمشوا وين يعني؟
ما شايف ركبم التحت العراريق مسحوكا كيف؟
كملوا علينا لقيمات شاي الصباح البعد الصبح
شفت ليك واحد منهم غاب من صلاة الصبح؟
خميس ساي ما بمرقوا
ركز معاي يا حاج، أولاد مدني بالنسبة لي تحدي، أنسانا من عيال دارفور ديل
ما عندهم مكان غيرنا
شوفهم بكرة بكونوا فرحانين بندوة أمين بناني كيف
---
يا أخوانا، نقطة سمعة دي، نقطة كشف ولّ شخيط؟
|
Post: #11
Title: Re: أولاد الهامش
Author: أبوبكر عباس
Date: 09-30-2016, 08:47 AM
Parent: #10
تاني يوم كان صابح جمعة
اصلو اولاد مدني خميس بسافروا فوقو، وخميس بعدوهو سينما وداخلية يوم الجمعة.
بعد صلاة الجمعة والغدا، جاءهم بابكر بالغرفة
المشى فيهم صلاة الجمعة واحد بس
مسمنو مولانا
بابكر جاءهم وقال:
كيف يا شباب؟
الفلم طلع كيف؟
قالوا ليهو : الفلم حزين، لكن قبلة صوفي في نهاية الفلم كانت خطيرة
عصام قال: صوفي دي بخشمها الكبير دا ممكن تاكلك عديل
مولانا من السرير الفوق قال:
وهي بتقبل فيك ممكن تسمع ايكو البوسة جوة ردهات خشمها
قالوا ليهو: تستحق يا مولانا لقب: صدى القبلات
|
Post: #12
Title: Re: أولاد الهامش
Author: حيدر حسن ميرغني
Date: 09-30-2016, 09:49 AM
Parent: #11
تسمع ايكو البوسة جوة ردهات خشمها
عجيب يامان
أكيد كنت بتسمع لميريديث دامبروسيو - Echo of A Kiss
-
صوفي كانت بتكوضم .. مابتبوس
|
Post: #13
Title: Re: أولاد الهامش
Author: أبوبكر عباس
Date: 09-30-2016, 12:57 PM
Parent: #12
للقراء غير السودانيين:
الخشم عند السودانيين هو الفم وليس الأنف!
موش علي كيفنا؟
يعني لمان أقول صوفي خشمها كبير
أقصد فمها كبير وجميل زي جوليا روبرتس
|
Post: #14
Title: Re: أولاد الهامش
Author: أبوبكر عباس
Date: 09-30-2016, 01:14 PM
Parent: #13
بالكر قال للبرالمة محاولا تغيير مجرى الحديث:
بكرة عندنا بالدار احتفال استقبال جايبين فيهو أمين بناني نيو
قالوا ليهو: بغني حقيبة ولّ للكاشف؟
قبل يرد واحد نزل من السرير شغل ليهو شريط لصديق سرحان
وقال:
شوف العلم دا،
قلت لي بناني منو؟
|
Post: #15
Title: Re: أولاد الهامش
Author: أبوبكر عباس
Date: 09-30-2016, 09:05 PM
Parent: #14
بابكر لمان شاف تفاعل الأولاد ديل وبهجتم بمندلين صديق سرحان؛ داهمنوا احساسان عجيبان:
- الأولاد ديل جميلين ومستمتعين بالحياة ولا تلمس تكلف في نقاشم.
- التاني، حسّا بفرق ثقافي كبير في طريقة تناولم للحياة مع طريقتو؟!
تمتم في سرو:
الحسادة لي شنو اتلتلم بصلاة الصبح في السقط دا
|
Post: #16
Title: Re: أولاد الهامش
Author: حيدر حسن ميرغني
Date: 09-30-2016, 09:34 PM
Parent: #15
الخشم عند السودانيين هو الفم
عشان ناس ود المدير وبتاعين الضهاري .. لازم ترجمة على الشريط يامان
-
الخشم عند غيرنا هو الانف (النخرة)
|
Post: #17
Title: Re: أولاد الهامش
Author: عمر التاج
Date: 09-30-2016, 09:48 PM
Parent: #15
تحياتي يا شيخ ..
اسمح لخيالنا أن يكمل من واقع الغرفتين ...
(قام ترك تاركي الصلاة وقبل على أهل الخلاوي،
جندهم جت جمع تهميش ، وتاني ماقامت لهم قايمة،
والتانين بعد رقيصهم داك قابلوهم في اللفة،
واستلموا دولة الرسالة على الجاهز
التانين حردوها ومشوا بلد الرقيص الجد جد.
وجه ضاحك من الحيرة
..
..
غايتو كان ما انتهت كده حانقول (ك،يك)
آن لود سليمان أن يمد أرجله في البوست.
|
|