Quote: If you take blood thinners, you might need to stop taking them for several days before your cortisone shot to reduce your bleeding or bruising risk. Some dietary supplements also have a blood-thinning effect. Ask your doctor what medications and supplements you should avoid before your cortisone shot.
الخرابة ديل من هبيشي في النت. غايتو حبوب السيولة ديل كل يوم ببلعن نظام الوآحد جلكن ؤ كدا. أها كيف الشورة يا الدكاترة...
Quote: ابر وحبوب الكرتزون . الله يشافي جميع الناس اللي تضطر انها تاخذ كرتزون مثل ابر او حبوب (البخاخ والكريمات ما تزيد الوزن). . معلوم ان الكرتزون يزيد الوزن عن طريق تغييرات فسيولوجية وكيميائية في جسم الانسان. ذكرت ثلاث نصائح مهمة لتجنب زيادة الوزن وقت علاج الكرتزون. . #النصيحة_الاولى على اللي ياخذ كرتزون ان ينتبه جيدا على وزنه ويتبع النصائح العامة مثل زيادة الرياضة وتناول اغذية صحية وقليلة السعرات. . #النصيحة_الثانية حافظو على رياضات المقاومة (مثل رفع الاثقال) وقت الكرتزون علشان تحافظون على عضلاتكم من الضمور. الكرتزون من خصائصة ان يكسر العضلات للاسف. رفع الاثقال يمنع هذا التكسير. . #النصيحة_الثالة كثرو من الوجبات العالية بالبروتين مثل اللحم والدجاج والسمك والبيض. . الف سلامة عليكم . #صحة #تغذية #كرتزون #سمنة #زيادة_وزن
الجنا دا من يومي ما دُرتو، سواها لي كلها لحوم ؤ جداد ؤ رفع حديد التقول انا مصارع. من يومو القال بتسمن كجنتو. يا الدكاترة، الزول دا كلآمو صُح ؟...
Post: #9 Title: Re: cortisone injection أسألوا أهل الذَكر ... Author: عثمان عووضة Date: 09-27-2016, 02:21 PM Parent: #8
معاوية سلام انا عنقالي ساكت لكين المثل. بيقول اسأل مجرب وما تسأل طبيب. زمان في السبعينات وكت كنت في الامارات كانت عندي حساسية بعطس زي تزعة. وتزعين عطسة في الدقيقة مشيت لي دكتور سوداني في دبي عيادته في. الطابق الرابع بالله كان بيديني حقنة وانا نازل في الاسانسير قبل اوصل الواطة نخريني يتفتحوا والعطيس يروح لمدة. شهر اها شكرت. الدكتور دا لي واحد برضو دكتور قريبنا بعد اخد ضحكة طويلة وتلاتة سفات صاعوط قال لي سجم امك اختاهو دي حقن كورتيزون و وراني لستة. من اضرار. الكوتيزون تشمل ولكن لا تقتصر* على هشاشة العظام وضرب. الكليتين المهم فهمت منو انو القشريزون دا last resort يعني ما تلجأ ليهو الا الشديد القوي ملحوظة١ : الكلام دا. كان في السبعينات وما عارف الطب والصيدلة وصلوا وين هسي،،،دا عشان ما يجي واحد يديني بي تال الحديدة ملحوظة ٢ : الجملة بتاعة تشمل ..،،،الخ دي لي سنين ما لقيت طريقة استخدمها...الله يريحك دنيا وآخرة ياخي
وأوعة بالك كمان بنعم الصوت الرجالى يخليهو سوبرانو عالى وبدى الهرمونات (عكسة) ناعم إنى ما دكتور
آخر العلاج الكى يا معاوية والكى هو الكورتيشت...
Post: #11 Title: Re: cortisone injection أسألوا أهل الذَكر ... Author: محمد على طه الملك Date: 09-27-2016, 03:38 PM Parent: #10
بالله شوفو خيانة الناس دي .. يا جماعة انا لو واحد بالتلفون قال لي عندي نزلة بتجيني نزلة .. قمت مشيت للدكتور قال لي كل سنة تجي تاخد حقنة .. مشيت السنة اللولي ؤ تاني أبيت .. أها أوعى تكون حقنتو ديك ياها القشريزون اللت ود عووضة ؟ هسه بستعمل بخاخات الأنف وقت الشدة .. كمان قولو دي فيها حاجة؟
يا ود المدير هل تسمعني .. أخير نرجع لزبالتنا ديك.
Post: #14 Title: Re: cortisone injection أسألوا أهل الذَكر ... Author: عثمان عووضة Date: 09-27-2016, 04:14 PM Parent: #11
يا مولانا الملك على حد علمي ياها القشريزون البخاخات دي لازمن تساعدها بي شوية منجسات مثلا يعني العطور النفاذة انا ما جبت سيرة الدخان والدلكة وزي ما قال عمك الشيخ محمد. حسن يا وليداتي ما تقولوني حاجة انا ما قلتها 😉 😉 😉 البوست دا داير ود اب سن وجلالدونا وحمد وتاني معاهن. تلاتة كدي بجيب اسمهم عند الضرورة القصوى والسلام عليكم ورحمة الله وبركاته
Post: #13 Title: Re: cortisone injection أسألوا أهل الذَكر ... Author: عثمان الأمام Date: 09-27-2016, 04:02 PM Parent: #10
ألف سلامة ود المدير وإن شاء الله ما تشوف شر
إذا كنت تقصد حقن الكورتيزون داخل المفصل (intra-articular injection) أطمئن فليس لها أعراض جانبية ملحوظة خصوصا" انها موضعية وبتاخدها لفترات متباعدة تقريبا" 3-4 مرات في السنة إذا استدعى الأمر وليست كعلاجات الكورتيزون الاخرى ذات الاعراض الجانبية الكثيرة. وحتى تأثيرها على السكر ضعيف جدا" عدا حالات السكري الغير منتظم . استعمالها في حالات يكون لعلاج المرض وغالبا بتكون مرة او اتنين وفي حالات اخرى زى التهاب المفاصل ( osteoarthritis) تستخدم كمسكن للألم فقط ويمكن الآلام ترجع بعد اسابيع لي عدة شهور وفي الحالة دي بتحتاج للحقنة كل 3 اة 4 شهور غالبا"
أخد حقنتك ساى وما تتجرس وتفضحنا مع الدكتورة :)
Post: #12 Title: Re: cortisone injection أسألوا أهل الذَكر ... Author: محمد حيدر المشرف Date: 09-27-2016, 03:39 PM Parent: #1
ما بتجيك عوجه آ زول طالما الدكتور حريف.. الفكرة انو لو الابرة الاولى دي نجحت في حلحلة الكريعات .. امكن تواصل اكتر في الابر .. اها لمن يحصل الكلام ده ابدأ فكر في الوزن والسكري الخ ..
سلامتك يا صديق ...
Post: #15 Title: Re: cortisone injection أسألوا أهل الذَكر ... Author: محمد على طه الملك Date: 09-27-2016, 04:51 PM Parent: #12
Quote: انا ما جبت سيرة الدخان والدلكة
ههههه ما تقول الحيكومة جمرة مبخرا وااااقدة صبح ؤ مسا ..إلا قايلني بقدر أقول بغم.
Post: #16 Title: Re: cortisone injection أسألوا أهل الذَكر ... Author: سيف النصر محي الدين Date: 09-27-2016, 04:58 PM Parent: #15
القول ما قاله عثمان الامام. الحقنة في المفصل تعتبر علاج موضعي بدون اي اثار عامة تذكر. كفارة يا ود المدير.
Post: #17 Title: Re: cortisone injection أسألوا أهل الذَكر ... Author: محمد البشرى الخضر Date: 09-27-2016, 05:03 PM Parent: #16
يا الدكاترة يا الستة :) شنو وقعتوا في الزول تطمين عايزين نجرّسوا شوية خاصتن كمان مع قصة الصوت الماش ينعم دا
Post: #18 Title: Re: cortisone injection أسألوا أهل الذَكر ... Author: Salah Habib Date: 09-27-2016, 05:24 PM Parent: #17
الحمد لله طمنتونا يا دكترة انا اخدتهم كم مرة فى مفصل الكتف بس بصراحة نفعونى لأنه الالم كان شديد التحية لسيد البوست ولكم جميعا
غايتو الدكاترة طمنوني، إن شاء الله يتباركوا، لكن ترسة الحقنة بتكلّب شعرة جِلدي، أها دي ما عندكم ليها دبارة ؟. البارح اكانت عندي مقابلة مع دكتور اللسنان، أها مشيت ؤ جسمي من صلعتي لي عِن كرعيني تِحِت ملآن قشعريرة. أها، الدكتور قدُر ما يجيب الكِلآبة علي خشمي شعره جِلدي تكلِّب، مع إنو ما كانت في كِلآبة، لكن الإرتعاشة دي بتجيني من شنو ؟!، ماني عارف !. لكن وحات الله وكِت إنتهى وداني المُنضرة قال لي، أها هاك شوف سنونك حسيت بنفسي احد ممثلي هوليوود من شِدة ما جلآهِن ؤ خلآهِن يلمعن. قتلو، يايابا إنت إن شاء الله تتبارك والصينيين لحدهم يتباركوا عِلآ امرقولنا من بلدنا...
نعومة الصوت هينة يا ملك كعبة الشطور يا مدير الحقنة في العضل؟
Post: #24 Title: Re: cortisone injection أسألوا أهل الذَكر ... Author: محمد على طه الملك Date: 09-27-2016, 10:02 PM Parent: #22
يا ود أخوي لا يهمك إن شاء الله بالشفا .. بعد كلام الدكاترة ؤ تبين الكتف الشفتو من دكتورك دا إنطمنت .. بس احتياطيا أنت أدفس راسك الغليدة دي لا تحت ما تلخبت عليهو البكان.
Quote: معاوية سلام انا عنقالي ساكت لكين المثل. بيقول اسأل مجرب وما تسأل طبيب. زمان في السبعينات وكت كنت في الامارات كانت عندي حساسية بعطس زي تزعة. وتزعين عطسة في الدقيقة مشيت لي دكتور سوداني في دبي عيادته في. الطابق الرابع بالله كان بيديني حقنة وانا نازل في الاسانسير قبل اوصل الواطة نخريني يتفتحوا والعطيس يروح لمدة. شهر اها شكرت. الدكتور دا لي واحد برضو دكتور قريبنا بعد اخد ضحكة طويلة وتلاتة سفات صاعوط قال لي سجم امك اختاهو دي حقن كورتيزون و وراني لستة. من اضرار. الكوتيزون تشمل ولكن لا تقتصر* على هشاشة العظام وضرب. الكليتين المهم فهمت منو انو القشريزون دا last resort يعني ما تلجأ ليهو الا الشديد القوي ملحوظة١ : الكلام دا. كان في السبعينات وما عارف الطب والصيدلة وصلوا وين هسي،،،دا عشان ما يجي واحد يديني بي تال الحديدة ملحوظة ٢ : الجملة بتاعة تشمل ..،،،الخ دي لي سنين ما لقيت طريقة استخدمها...الله يريحك دنيا وآخرة ياخي
سلآم عووضة. يا ربي في السبعينات دي انا كنت وين ؟، بكون كنت ديناصور سغيروني. يا خوي دكتورك البيسف الصاعوط دا ادني آخرو، والبركة في جُملتك العملتلآ تست دي، ثم وارجى الحديدة. باقيلك يا عووضة الليلة امشي الشُغُل ؟...
Post: #26 Title: Re: cortisone injection أسألوا أهل الذَكر ... Author: محمد على طه الملك Date: 09-27-2016, 10:14 PM Parent: #25
Quote: الحقنة في العضل؟
يا منتضر كان قريب للزول دا أتختف رجلك معا باكر .. إلا ما تنسى تشيلك معاك طاقية عند اللزوم ؤ بالعدم كيس نايلون اسود.
Post: #27 Title: Re: cortisone injection أسألوا أهل الذَكر ... Author: عثمان عووضة Date: 09-28-2016, 03:47 AM Parent: #25
أيي .... بالحيل أمشي الشغل بس أعمل حسابك من أهل ( الذکر) الکتبتهم بفتح ال(ذ) فی العنوان دیل😂😌😉
Post: #28 Title: Re: cortisone injection أسألوا أهل الذَكر ... Author: اسامه العريفي Date: 09-28-2016, 05:18 AM Parent: #27
لأبس لي في السفنجة نازل وطالع خم جاتك في صحتك
نسأل الله لك عاجل الشفاء
يا حليلك ابو حسين
Post: #29 Title: Re: cortisone injection أسألوا أهل الذَكر ... Author: Haytham Ghaly Date: 09-28-2016, 06:18 AM Parent: #28
Quote: الحقنة في العضل؟
انت قاصد اليد ..؟ وللا الجعبة؟
غايتو أخير ياخدا في الجعيبات ان وجدت
اللف سلامة يا معاوية
Post: #30 Title: Re: cortisone injection أسألوا أهل الذَكر ... Author: عثمان عووضة Date: 09-28-2016, 07:01 AM Parent: #29
بالله عليك. يا هيثم دا حالته انت القلنا مقددها تسال سؤال تعسفي زي دا العضل ماني خابرو لكين انا خايف يدوها ليهو في رويسو المدوقس دا😄😄 ما یفرزوا الصلعة من البتاعة القلتها ديك تبقى عليه حكاية المرة المسطولة وترضع في ولدها لمن قالت لي راجلها سجمي عاين ولدك دا شلاليفو بقن كبار كيف😂😂
Post: #31 Title: Re: cortisone injection أسألوا أهل الذَكر ... Author: Haytham Ghaly Date: 09-28-2016, 07:19 AM Parent: #30
Quote: تبقى عليه حكاية المرة المسطولة وترضع في ولدها لمن قالت لي راجلها سجمي عاين ولدك دا شلاليفو بقن كبار كيف😂😂
ههههههههههههههههههههههههههههههه
السؤال التعسفي ما مني انا
دا كلو من منتصر
جنو أسئلة صعبة زي دي
بالجنبة كدا
شلاليف الولد بقن كبار مالن؟؟؟؟
اوع يكون بالمقلوب
Post: #32 Title: Re: cortisone injection أسألوا أهل الذَكر ... Author: عبدالحفيظ ابوسن Date: 09-28-2016, 07:24 AM Parent: #31
وقت جبت التِيراب انطعن ساي غايتو هنا البنات شغالات طعين ساي قالوا بتنفع
Post: #33 Title: Re: cortisone injection أسألوا أهل الذَكر ... Author: عزالدين عباس الفحل Date: 09-28-2016, 07:35 AM Parent: #32
معاوية المدير
سلام أخوي ود المدير ، إنت راجل صلاي ، ما قاعد تفوت صلاة الصبح في جماعة ، أها الجرسة شنو ؟ إت ماك جعلي ، فضحتنا ياخي ، كلم بكري خليهو يسحب البوست دا ،
،،،،،،،
عزالدين عباس الفحل ابوظبي
Post: #34 Title: Re: cortisone injection أسألوا أهل الذَكر ... Author: معاوية المدير Date: 09-28-2016, 07:41 AM Parent: #32
Quote: وأوعة بالك كمان بنعم الصوت الرجالى يخليهو سوبرانو عالى وبدى الهرمونات (عكسة) ناعم إنى ما دكتور
آخر العلاج الكى يا معاوية والكى هو الكورتيشت...
ناخد شت، نعمل شنو يا دكتور مكاوي ؟. ياخي انا من يوم الجنا ابزمبارة زنق الموصلي في الأصوات وانا بِدرّب علي الصوت الجبلي بالليل والصحراوي بالنهار لحدي ما اصبحت بين الصحيرة والجبل، ؤ ما داير مجهودي دا يروح شمار في مرقة دحين شوف لي زملاك الدكتارة ديل يلحقوني بحبة واللآ سفوفة...
Post: #36 Title: Re: cortisone injection أسألوا أهل الذَكر ... Author: معاوية المدير Date: 09-28-2016, 08:17 AM Parent: #34
Quote: بالله شوفو خيانة الناس دي .. يا جماعة انا لو واحد بالتلفون قال لي عندي نزلة بتجيني نزلة .. قمت مشيت للدكتور قال لي كل سنة تجي تاخد حقنة .. مشيت السنة اللولي ؤ تاني أبيت .. أها أوعى تكون حقنتو ديك ياها القشريزون اللت ود عووضة ؟ هسه بستعمل بخاخات الأنف وقت الشدة .. كمان قولو دي فيها حاجة؟
يا ود المدير هل تسمعني .. أخير نرجع لزبالتنا ديك.
يا ملك بعد كلآم الدكاترة هنا ترجع لقشريونك بمزاج، كان إتعودت علي الشِفيّط مِنّو العوض ؤ عليهو العوض. عاد اكان قنالك ما فيها حاجة خُوتنا بتبقى خوّة مرآسة ساكت.
يا حليل كِرِكنا والمنجسات والروايح النفاذة ياخ، بالكتيّر ملآريا ؤ يردموك راجمات والصباح تقوم علي كِركك. هسّع إنت كان بتتكرّف في الزبالة ليومنا دا حرّم الحساسيّة دي بجنبك ما تهوّب. عارف، مرّة في إجازة المدارس انا ؤ عوض حسن صاحبي كنا شغالين مع عمنا كمال الهادي طُلب، أها بنينالنا اوّضة وقفناها ؤ عرشناها، وكِت بقت علي الزبالة عمك كمال قالنا، تاخدوها مقطوعية والوكِت اكان وكِت فطور ؤ هو ؤ معاهو اللوسطى التاني ماشين يفطروا. أها قالنا امشاكُن افطروا معانا. انا قُتلو لا، نحن بننتهي من زبيّل العرش ؤ فد خترة نمشي نفطر عند اهلنا. عمّك اصرّ إصرار شديد جداً لآزم نمشي نفطر، وانا اصريت وإتعكلت اكتر مِنّو إنّو نحن اصلوا ما نمشي نفطر، أها عاين لي زيييين ؤ قال لي، انا راس اللوضة دا بجي اكُبلي فوقوا صفيحة موية وكان نقط فد نقطة ما بديك قروش. قتلو، سمح. بعد فاتو خفست فوق راس اللوضة ؤ قلت للعوض، يا زول هوي رقِق الزبالة دي ؤ سوها لي في الصفيحة خلني اللدلقا فوق راس اللوضة دي واكاوِرا عشان نمشي اهلنا بسرآع. اها العوض بقى يرقق الكِرِك وانا انشِل وادلق واكاوِر، والوآطة حر، العوض كل مرّة يعلق لي جك موية في الشنكل وانا اشيّل واكتح. إنتهينا سريع، سريع، ؤ مرقنا قبل الجماعة يجو، اها وحاتك ماشين علي البيت ؤ قدامنا مبنى مطاحن الغلآل الوكِت دآك اكان اكبر مبنى في اتبرا الساعة اللنا طرشت ؤ عِويناتي كبتن !، بقيت لا شايف العوض لآني شايف المطاحن. يااااا الله بعد مسافة ؤ بعد ما طرشت لي صفيحة موية حتي عويناتي بِقن يشوفن وإدرجّت لآمن وصلت البيت. وحاتك رقدت رقدة عدوّك، وِكت الوآطة مغربت قمت مشيت لدكتور اسمو مصطفى الكُرُفتي الوكِت دآك في اتبرا، اها قال لي عندك مُصرآن كتب لي حبوب إشتريتِن من اجزخانة عباس. أها الحِبيبات + رسوم المقابلة + بعد مرقت من الدكتور اكلت لي فول ؤ باسطة ؤ شربت لي جوافة، وحات خوّتك مرقت مطالب...
Post: #35 Title: Re: cortisone injection أسألوا أهل الذَكر ... Author: عثمان عووضة Date: 09-28-2016, 08:04 AM Parent: #31
بس يا هيثم انت جبت الحكاية من اخرها بس ما تكلم زول الكلام دا سر ...وبالذات منتصر دا خشمو خفيف والاربعة وتلاتين. ساعة راكب الفيل
Post: #37 Title: Re: cortisone injection أسألوا أهل الذَكر ... Author: بلال زكريا Date: 09-28-2016, 10:06 AM Parent: #35
عاجل الشفاء - أجر وعافية، الكُورتزون - يسمونه ال(Magic drug) ، لتأثيره السحري في تخفيف الوجع - وإكتشافة كان صيحة،، لا تقل عن البنسلين- ،،الذي مَهدّ للمُضادات الحيوية، له إستخدامات عديدة ،، لذا كثفت شركات الأدوية من أبحاثها لاستخدامه في العديد من الحالات ، وكسائر الأدوية له آثار جانبيه - لكن نفعه غالباً أكثر من أضراره ،، لقد أجبرتني أحوال وظروف خاصة في أوائل الثمانينات علي البحث في هذا الكُورتزون - ،، و لم تكن وقتها المعلومات الطبية مِتاحة كما الان ،، لم يُعرف النت ولا قوقل ولا خلافه، كان والدي رحمه الله مُصاب بداءٍ نادر، مكانه البلاد الباردة- ،، ولم تكن أيضاً وسائل التشخيص مِتاحة كما الان ،،لم تظهر السيتي إسكان،، او الموجات الصوتيه، ولا الرنين المغناطيسي ولا -المناظير،، أو تقنيات التفتيت الخ ،، تشخيص الحالة كان بسبب قدرة فاىقة للفحص الإكلينيكي للعلامة - الدكتور عبدالرحمن موسي ، وكان ان الوالد مُصاب بما يُعّرف ،، ب( أديسون ديسيس)،، وهو نقص في إفراز هرمون( الأدرينالين ) من غُدة الكظرية - لا سباب غير معروفة - ،، وحسب البروتوكول المِعتمد،، يعوض المريض عن الهرمون بتعاطي( الكُورتزون عالي الكثافة) وهو بمفعولٍ سحري ،،لكنه له آثار ضارة علي المعدة -وتسبب للوالد( رحمه الله) في قِرحةٍ بالمعدة،، أدت ألي إستئصال جُزٍ كبيرٍ منها ،، وهذا قاد ألي مواجهة بين د. عبد الرحمن موسي والنطاس البارع د. زاكي الدين ( رحمه الله)- والذي كان مِدركاً أن سبب التهاب المعدة الحاد كان تعاطي هذا الدواء السحري بكميات كبيرة - لكن حسب،، د. عبد الرحمن موسي لا حلّ غير ذلك ،، وإلا سنفقد حياة المريض،، هو الجدل الأزلي بين( الجراحة) و( الباطنية)،، وكُلٌ يري أن الآخر سبب تعاسة المرضي،، عموماً توفي الوالد بعد ( ١٠) سنوات من إكتشاف المرض في العام ( ١٩٨٤)، له الرحمة والمغفرة ،، وذلك أثناء إضراب الأطباء المشهور - وكان أخي دكتور منصور بلال استشاري علم وظائف الأعضاء،، ( له الرحمة والمغفرة) ينام معي بالمستشفي،، ( ساوث بلوك ) - ولم أعرف سبب ذلك ألا بعد الوفاة حيث ذكر ليّ أن من مِِضاعفات الاستخدام ،، المِفرطّ ل ( الكُورتزون ) ،،،هو أن يظهر علي المريض،، ما يُعرفّ بال ( Moon face) ،، وهي مرحلة يتحول فيها وجه المريض لشكل دائري يشبه وجه القمر كاملاً،، وكان د. منصور،، يخشي أن يحدث ذلك دون أن تكون لي معرفة - وأُصاب بالكدرّ والإنزعاج - ،، ولم يحدثُ ذلك للطُفٍ من المِوليّ الكريم، الكُورتزون - عقار سحري،، له مدلول محقق في تخفيف الوجع،، وله عدة استخدامات في العديد من مجالات التطبيب - وله كسائر الدواء آثار سالبة - وبقدرٍ يِحدِدّ الطبيب ما ينفع المريض، كامل الصحة لك ،،ولمرضانا،، والرحمة لأمواتنا ،
Post: #38 Title: Re: cortisone injection أسألوا أهل الذَكر ... Author: محمد على طه الملك Date: 09-28-2016, 09:45 PM Parent: #37
أححححححححححححح، أختهِن، حقنتين ورا بعض. كنت خايف ظاقي المِلحة، والدكتورة اكان بقت من بنات اللصفر اكُنت فرجت خلق الله، عِلآ بقت نيجيرية، أها قلت، يا ود المدير قدآم بت اهلك دي الجِرسة ما بتبقى، دحين اخير تنستر.
دوختني الحقنة، برتاح شوية واجي أحكي ليكم. إن شاء الله. بالنسبة للناس الملاوزين، ما يخافوا...
Post: #40 Title: Re: cortisone injection أسألوا أهل الذَكر ... Author: حمد عبد الغفار عمر Date: 09-29-2016, 06:17 AM Parent: #39
هلا بيكم يا كورتيزونات
كعنقالي : أنا بعتبر نجاح ونتائج إي علاج بتعتمد على مناعة الجسم ونشاط الأعضاء
أنا ممتن جدا للكورتيزون دا هل تصدق يا ود المدير أنا شعر رأسي دا خلال أسبوع عدم الشعرة كنت في الدمازين جيت أمدرمان أول دكتور مشيت ليهو كان زين العابدين دكتور جلدية عيادتو في الموردة كتب لي مرهم كورتيزون استخدمتو 15 يوم بس شعري قام زي ما هو وللحساسية دي شبعنا كورتيزون الأعراض البتقولو فيها دي ما مرت علي الله أعلم ممكن تكون في ما جايبين ليها خبر
Post: #41 Title: Re: cortisone injection أسألوا أهل الذَكر ... Author: معاوية المدير Date: 09-29-2016, 07:47 AM Parent: #40
Quote: ألف سلامة ود المدير وإن شاء الله ما تشوف شر إذا كنت تقصد حقن الكورتيزون داخل المفصل (intra-articular injection) أطمئن فليس لها أعراض جانبية ملحوظة خصوصا" انها موضعية وبتاخدها لفترات متباعدة تقريبا" 3-4 مرات في السنة إذا استدعى الأمر وليست كعلاجات الكورتيزون الاخرى ذات الاعراض الجانبية الكثيرة. وحتى تأثيرها على السكر ضعيف جدا" عدا حالات السكري الغير منتظم . استعمالها في حالات يكون لعلاج المرض وغالبا بتكون مرة او اتنين وفي حالات اخرى زى التهاب المفاصل ( osteoarthritis) تستخدم كمسكن للألم فقط ويمكن الآلام ترجع بعد اسابيع لي عدة شهور وفي الحالة دي بتحتاج للحقنة كل 3 اة 4 شهور غالبا"
أخد حقنتك ساى وما تتجرس وتفضحنا مع الدكتورة :)
تسلم أخي عثمان الأمام، ولك مني الشكر اجزله. حسب كلآم الدكتورة قالت، إحتمال الألم يزول بصورة نهائية وأظنها قد إعتمدت علي اشياء خلآف الحقنة، مثلاً نتيجة الأمواج الصوتية، لكن الحقنة في حد زاتها مفعولها مفعول سحري وكان في اللحظة. الدكتورة عملت لي مواعيد بعد شهر للمراجعة، ووضعت إحتمال رجوع الألم تاني في خلآل 3 لـ4 شهور حسب ما ذكرت انت. غايتو كان للجرسة زيّن إتجرستَ عِلآ الفضيحة ما وقعت.
كتّر خيّرك كتير...
Post: #42 Title: Re: cortisone injection أسألوا أهل الذَكر ... Author: معاوية المدير Date: 09-29-2016, 07:59 AM Parent: #41
Quote: ما بتجيك عوجه آ زول طالما الدكتور حريف.. الفكرة انو لو الابرة الاولى دي نجحت في حلحلة الكريعات .. امكن تواصل اكتر في الابر .. اها لمن يحصل الكلام ده ابدأ فكر في الوزن والسكري الخ ..
سلامتك يا صديق ...
ههههههههههههه، تسلم يا حبيب. الدكتورة النيجيرية شِدة ما حريفة !، صدقني حا تشوفا في كأس العالم الجاي. ياخوي بارك الله في الإبرة الأولي لو نجحت باقي العفش خليهو معطّل. لكن والله لقيتك باقي عشرة في قريبك، عفارم عليك...
Post: #43 Title: Re: cortisone injection أسألوا أهل الذَكر ... Author: معاوية المدير Date: 09-29-2016, 08:03 AM Parent: #42
Quote: القول ما قاله عثمان الامام. الحقنة في المفصل تعتبر علاج موضعي بدون اي اثار عامة تذكر. كفارة يا ود المدير.
كفّر الله سيئاتك يا السيف، ومشكور علي التأكيد. منكم نستفيد والله...
Post: #44 Title: Re: cortisone injection أسألوا أهل الذَكر ... Author: حيدر حسن ميرغني Date: 09-29-2016, 08:12 AM Parent: #43
اسد البرتا النتر ماتشوف شر المهم تبقى كويس وطيب وتدافر معانا في دبسيبة بكري دي
Post: #46 Title: Re: cortisone injection أسألوا أهل الذَكر ... Author: معاوية المدير Date: 09-29-2016, 08:44 AM Parent: #43
أها جيتكم للمقالة. اولاً بالتبادي من بي في الليل فتحت لبِت أُختي الدكتورة اضانا قُتلها وِليدآتك ديل شُوفِيلُن صِرفة ؤ باكر إنت تمشي معاي المستوصف. أها الصباح مرقنا مشينا علي الكِلِينك وانا قلبي دا مقطوع في قُفّة، خايف داير اموت. دخلونا في غرفة لقينا الدكتورة النيجيرية منتظرانا، قلت لبِت أُختي اديها فتايل الحُقن نعمني إيدي باردات زي التلج. ادتا الحُقن ؤ قالت لي، اركز يا خال، قتلها، إنت خالك دا قايلاهو خال فاطنة بتاع الكابلي، والمرا بهناك اعايلها جابتلها حاجات كتيرة خلآس ؤ تشيل من هنا ؤ تكُب هناك ؤ تاني ترجع تشيل من هناك ؤ تكُب هنا، أها تقوّلِب في حاجاتا ديل، بعد قضت قالت لي أقعد هنا، قُتلها، الشي دي حارة ؟، قالت لي، لا في اللوّل بتحس بطعنة الحقنة ؤ بعد دآك بتشعر بضغط الدواء. إتلفتَ علي بِت أُختي قُتلها، اوّل انا بلآ طعنة القصفة دي المخوفني شنو !، قالت لي، الليلة عاد يا خالي الختيتا رقدت. طبعاً انا ماني شايف شي، والدكتورة دي ساعت شعرتبا وآقفة وراي وحاتكم زي الوآقف وراي اسد، شعرت بقشعريرة معاها ما يشبه الحُمى، ؤ دقات قلبي ديل بِقن بس باجور حسن ود ابزيد، ؤ طريت داراتنا والسمحات والزغاريد والشبال البشرو، واخوان البنات، والركزة ؤ دق السوط، والقشعريرة البتسري في جسم الزول هناك ؤ هيجة الناس وكِت تفوت الحد. قلت، هلآ، هلآ يا ود المدير دا ما بيحلك نعمنها طعنة اللِبرة بتخوّف، لكن وحاتكم يا الحبان النيجيرية وكِت قالت لي الحقنة اللوّلة خِلست، إتلفت علي بِت أُختي قُتلها المرا دي بتهظر ؟، قالت لي، لا يا خال، إنت ساكت أُكُنت داير تفرّج فينا الخلق. أها، عُقُب التانية ادتني ياها بنفس الحرفنة حتي قلبي همد ؤ بلعت ريقي. بعد دآك قعدت اتفاصح، قلت للنيجيرية، والله إنت حقو يخلوك تضربي رصاص. أها، وكِت قمت علي حيلي شعرت بدوخة لكن طنشتها ؤ دا عيبنا نحن السودانيين ما بنصرّح بالحاجة في وقتها، لآمن وصلت الكاونتر عشان اسجل للمقابلة الجاية كنت ما قادر اقيف خليّت بِت أُختي واصلت ؤ قعدت في الكرسي. البنت الفي الكاونتر قالت، عادي احياناً الحاجة دي بتحصل لكن انا بخبر الدكتورة. بِت أُختي قالت لي، يمكن يكون هبوط في السكري لأنك بلعت الحبوب ؤ ما اكلت حاجة، خليني اجيبلك حاجة تاكُلآ. قتلها، لا. بعد شوية إتذكرت عندي تفاحة في العربية، جابتا لي اكلتها ؤ جابوا لي موية شِرِبت حتي عِويناتي فتّحن، ؤ قلت لي بِت أُختي بس دوري علي اقرب محل سندوتشات، مشينا اكلنا ؤ بقينا ناس بيت. تنبيه هام، بصراحة يا جماعة الحقنة مفعولها كان عجيب جداً، الدكتورة قالت، المفعول احياناً يظهر في الحال، وفعلاً في الحال انا نسيت تماماً إنو كان عندي ألم في اكتافي، يعني حاجة ما معقولة ابداً، الألم في لحظات اصبح نسياً منسيا والحمد لله ولكم مني الشكر اجزله وأسأل الله ان لا يريكم مكروه في عزيزٍ لديكم.
شكراً...
Post: #45 Title: Re: cortisone injection أسألوا أهل الذِكر ... Author: نعمات عماد Date: 09-29-2016, 08:23 AM Parent: #1
سلامات ود المدير و ضيوفك الكرام
ألف لا بأس عليك و أجر و عافية ان شاء الله .
عين العدو يا خوي !
Post: #47 Title: Re: cortisone injection أسألوا أهل الذِكر ... Author: Hassan Makkawi Date: 09-29-2016, 10:01 AM Parent: #45
Quote: الجنا ابزمبارة زنق الموصلي في الأصوات
الف سلامة فقدناهو ....إستشارتو كانت مهمة بالحيل بفهم فى كل شى ما شاء الله عليهو من الكورتيزون لى فوق طبقة الأوزون
Post: #48 Title: Re: cortisone injection أسألوا أهل الذِكر ... Author: عثمان عووضة Date: 09-29-2016, 10:08 AM Parent: #47
صلحتها آ المطيميس. 😉😉😉
Post: #49 Title: Re: cortisone injection أسألوا أهل الذِكر ... Author: محمد على طه الملك Date: 09-29-2016, 06:32 PM Parent: #48
الف حمد لله إن شاء الله ما تشوف ألم بعد اليوم .. وكتين معاك بنت اللأخت كدا انطمنت على كل شيء .. عارفا فهمانه ؤ ما بتخليك تمرق بى خرجك ؤ نعيلاتك الليلات يوم داك؟
Post: #50 Title: Re: cortisone injection أسألوا أهل الذِكر ... Author: Osman Musa Date: 09-29-2016, 06:43 PM Parent: #49
سلام ياود العم كنت في البلد لو كنت عارف كنت جبت ليك معاي من البصير ود حمروي برطمانية دهن ساق الجمل مسوح . عليك أمان الله الكمدة بي الرمدة .
Post: #51 Title: Re: cortisone injection أسألوا أهل الذِكر ... Author: الصادق عبدالله الحسن Date: 09-29-2016, 08:22 PM Parent: #50
=
Quote: حسيت بنفسي احد ممثلي هوليوود
المعروف عن السكر يا حُلو أنه لا يُلازم إلا النجوم ولا يصاحب إلا العظماء، ولا يعشق إلا الوجهاء.. ونادراً ما يقترب من العوام أو يتمسح بالمهمشين والدهماء..
Quote: الحمد لله طمنتونا يا دكترة انا اخدتهم كم مرة فى مفصل الكتف بس بصراحة نفعونى لأنه الالم كان شديد التحية لسيد البوست ولكم جميعا
سلآمات الأخ صلاح حبيب، حياك الله يا رجُل. يعني يا صلاح تِطبظوا ساااكت ؤ مقطعنها في حنانكم !، أها الصوت كيف سو فآر ؟.
Post: #54 Title: Re: cortisone injection أسألوا أهل الذِكر ... Author: صلاح جادات Date: 10-10-2016, 09:09 PM Parent: #53
ربنا يتم عليك الصحة والعافية - بالنسبة لالم الكتف او غيره : - دلك قوي باي زيت متوفر وبعد الدلك مباشرة ادخل في كيس بلاستيك ( الاكياس الكبيرة اخرم قعر الكيس في النص وادخل راسك في الخرم بحيث الراس خارج الكيس وبقية الجسم داخل الكيس لمدة 3 ساعات يوميا او اكثر ) - زي وضع الشملة بتاعت الدخان - وسوف تحس بالتحسن فورا واصل حتي يختفي الالم تماما مجرب ومضمون بنسبة 100%
ا