في الموسيقى قراءة تحليلية للنص من خلال الموسيقى أغنية رسالة الى أمي لهاشم صديق بقلم: هيثم أحمد الهادي ü مدخل: تتكون الأغنية من مقدمة موسيقية وكوبليهين يفصل بينهما اللحن الأساسي للأغنية وهو نفس لحن المقدمة الموسيقية فهي تخاطب الجميع وتحمل رسالة واضحة ومفهومة مفادها احترام الأم والعمل على إسعادها لكسب رضاها وعفوها الغالي وتذكر بأن الجنة تحت أقدام الأمهات. التعريف بالأغنية: رسالة الى أمي الأشعار: هاشم صديق اللحن: يوسف الموصلي الأداء: يوسف الموصلي المقدمة الموسيقية: أولاً: اللحن التمهيدي: ü عكس لنا صورة لشجرة متوسطة الحجم، عريضة الأوراق رامية بظلالها علي جبل وحيد ومتوسط الحجم حيث بدأت تتساقط قطرات مياه من تلك الشجرة وعلي منطقة محددة في سفح الجبل، ثم تبدو ملامح لحديقة بها طائر وحيد يجيد مراقبة البيئة من حوله كما أنه يجيد التنقل بين الأغصان برشاقة وهو أقل حجماً من الحمامه يكسوه اللون الرمادي المائل للسواد. أدرك هذا الطائر بأن تساقط قطرات المياه سيكون له دور في انفجار نبع من تحت الجبل فأصدر صوتاً لاعلام البيئة من حوله بذلك. ازداد تساقط قطرات المياه من أعلى الشجرة وازدادت تبعاً لذلك استجابة الطائر فأصدر صوتاً آخر ليؤكد تفهمه للأمر جيداً. ü بدأت المياه في باطن الأرض «تحت الجبل» بالتجمع والصعود لأعلى. فاستجابت الحديقة هذه المرة بأصوات مجموعة كبيرة من الطيور صغيرة الحجم والتي تمنت رؤية النبع قبل أن يدركها الغروب، استمرت قطرات المياه تتساقط على فترات متباعدة والكل ظل في انتظار ظهور النبع «الشجرة، الجبل، الحديقة بطيورها المختلفة» وتواصل تصاعد المياه لأعلى حتى أصبحت أقرب لسطح الأرض وأكدت بأنها في وضع الاستعداد للإندفاع والجريان. ü سكتة موسيقية عكست معنى الشوق والإنتظار أعقبها إنفجار حقيقي للنبع مشكلاً جدولاً ضيق المجرى في اتجاه الحديقة جعل الطيور صغيرة الحجم أكثر سعادة من غيرها وكأن لسان حالها يقول إنها وجدت مكاناً للشرب والمرح والاستحمام مما يجعل لحظة المقيل في الحديقة أكثر جمالاً، يلي ذلك صفاء المياه المتدافعة أي تساقط الطين والكدر لقاع الجدول. ü ثم تبدو ملامح لبحر خلف الجبل أشار الى أن النبع سيتواصل وأنه هو المصدر الحقيقي لهذا النبع. ü أصدر الجبل صوتاً ليعلم البحر بما حدث فصفق البحر وظهر بشكله الحقيقي فتلاطمت أمواجه وتصاعدت لأعلى حتى أصدرت الأحياء بداخله صوتاً متصاعداً التقى في الفضاء «أعلى الجبل» مع صوت الطيور المتصاعد في لحظة غروب الشمس وهي اللحظة التي مثلت نهاية التمهيد للحن الأساسي لينطلق منها اللحن الأساسي للأغنية. ü ثانياً: اللحن الأساسي للأغنية:- يمثل مرحلة النماء اللحني وعكس لنا حالة شخص تملكه احساس فراق أمه المؤلم وهو خارج أرض الوطن وازدادت أشواقه لرؤيتها وبدأ يفكر في إيجاد وسيلة تواصل يفرغ من خلالها مشاعره ويخفف أشواقه، حيث اهتدى الى كتابة رسالة لأمّه وجمع حوله أدوات الرسالة «القلم ومجموعة أوراق» ولكنه لم يتمكن من بدء الكتابة بسهولة حيث امسك بالقلم ونقر به على رأسه عدة مرات ثم على الطاولة التي يجلس عليها، أي أنه دخل عوالم الحيرة لتسيطر هذه الرسالة. هذا الإحساس سيطر علي هاشم صديق وهو ينحت أفكاره لإخراج هذه المقاطع الرائعة والذي تفهمه الموصلي جيداً وعكسه لنا في المقدمة الموسيقية التي وصلت مرحلة الركوز اللحني في لحظة بدء كتابة الرسالة لينطلق منها الموصلي مردداً مطلع الأغنية «اكتب ليك رسالة طويلة يا أمي». الكوبليه الأول: أكتب ليك رسالة طويلة يا أمي أكتب ليك رسالة طويلة بي دمي أقالدك فيها يا أمي وأضمك ساعة في حضني يا أمي.. أكتب ليك رسالة يا أمي طويلة تعبر عن مدى شوقي إليك وآلامي لفراقك ولأنك أغلى شيء في حياتي جعلت من دمي حبراً سطرت به حروف تلك الرسالة وفي مخيلتي كافة اللحظات التي عشتها بجانبك منذ طفولتي وحتى لحظة فراقنا والتي لم تبخلي علي فيها بالرعاية والعطف والحنان، لذا اخترت الكلمات المعبرة عن تلك اللحظات والتي استغرقت مني ساعة زمنية قضيتها في نحت أفكاري وإفراغ مشاعري حتى شعرت بأني أقالدك وأنت بين أحضاني يا أمي العزيزة. يلي ذلك اللحن الأساسي للأغنية. الكوبليه الثاني: وحاتك لا بخت عنوان وما بكتب اسم إنسان وما برمي الجواب في بريد وما بديه لي زولاً كمان في الإىد كفاية أقيف وأنقش في جناح الريح كلامي الدايرو يوصل ليك يخلي الريح تترتر في المسافة عروس تحيل كل الصحاري بروش مضفرة بين سعف بلدي مرسلة ليك يا أمي.. هنا تمرد الشاعر على الوسائل المعروفة لإرسال الرسالة وجعلها رسالة خالية من العنوان ولا تحمل إسم إنسان ولم يكتف بذلك بل أنكر إرسالها عبر البريد أو حتى عن طريق أبناء الوطن العائدين لنقلها من الإيد الى الإيد. إذن ما الحيلة؟ وما هو السبيل هنا لنقل الرسالة؟. اقترح الشاعر وسيلة جديدة لنقل مثل هذه الرسائل العظيمة حيث اكتفى بالوقوف أمام الريح بصلابة وعزيمة وإصرار لنقش محتويات الرسالة على جناحها حتى أحست الريح بالشوق والحنين الذي يحمله مطلع الرسالة، مما جعلها تختار مدارات السير الوسيطة بدلاً عن مدارات السير الجارفة والمخيفة التي اشتهرت بها الريح فبدت لنا كأنها عروس في ليلة زفافها وفي قمة سعادتها تناست لحظات الظنون الحزينة قبل ظهور فارس الأحلام وبدء مراسم الزواج لتترتر في المسافة الفاصلة بيني وبينك يا أمي، لذا لم تواجهها أية صعوبة لإحالة الصحاري كافة في طريقها الى بروش مختلفة الأشكال والأحجام والألوان مستخدمة أجود مادة لصناعة البروش ألا وهي السعف الذي نبت في بلادي وشرب من نيلها وأمطارها، عاكسة لنا صورة لطفل قذف لعبته المفضلة «الترتار» أمامه وبدأ يتابعها ويدفعها بيديه حتى لا تسقط على الأرض في لوحة طفولية رائعة يسودها المرح والسرور. وكل هذه البروش مرسلة ليك يا أمي. مع ملاحظة أن الموصلي اختتم الأغنية بجملة إىقاعية لحنية بعد عبارة «في حضني» قبض بعدها يده اليمنى وانتظر قليلاً حتى رسمت له الفرقة الموسيقية مسار الطريق الذي بسط فيه يده ملوحاً للسامعين بأن كل ما تم ذكره لك يا أمي في ختام رائع تخللته أصوات الطيور صغيرة الحجم المشار اليها في المقدمة الموسيقية ------------------------------------ استاذي اليك هذا الموضوع عن الاغنية الجميلة المعبرة من جريدة الراي العام الصادرة بتاريخ 23/7/2004 واتمني ان تنزل الينا الاغنية وتعطينا رايك في التحليل ------------------- ده بوست من احد الاعضاء القدامي 2002 والبوست 2004 http://sudaneseonline.com/board/18/msg/%D9%82%D8%B1%D8%A7%D8%A1%D8%A9-%D8%AA%D8%AD%D9%84%D9%8A%D9%84%D9%8A%D8%A9-%D9%84%D9%84%D9%86%D8%B5-%D...%82--1134455174.html
Post: #2 Title: Re: عباس الدسيس تعال نتحاور براحة في رسالة ال Author: Elmosley Date: 09-23-2016, 00:26 AM Parent: #1
Quote: احمد عمر سلام انت عايز تهبل بالاغنيه و ل صاحبها ياخ دي زي نشيد حنان بلوبلو بتاع جنة الاطفال ((امي يا احلي نشيد) صاحبا ذاتو زايغ نها ما بجيب سيرتها
ده كلامك اول حاجة نصححك دي ما حنان بلو بولو أمى يا أجمل كلمة بقولها يا أحلى نشيد يا نغمة جميلة .. كلمات بابا فزاري( عبد الله محمد الفزاري) غناء حنان الصغيرة
----------------------------------------------- السؤال شنو عيب اغنية حنان الصغيرة دي وما هو مأخذك الشعري واللحني في رسالة الى أمي؟؟؟ لو مزاج بنخليك لان حب الناس مذاهب ولو بي فهم يلا فهمنا تحياتي
Post: #3 Title: Re: عباس الدسيس تعال نتحاور براحة في رسالة ال Author: محمد فضل الله المكى Date: 09-25-2016, 06:21 PM Parent: #2
. أستاذنا الموصلي لك التحية والتقدير أخ عزيز عليك وعليْ ..كلفني بإلحاح أن أوصل سلامه لك ( يحيى بشرى ) أتمنى أن لا أكون قد حرفت البوست عن هدفه .... اعتذاراتي
Post: #4 Title: Re: عباس الدسيس تعال نتحاور براحة في رسالة ال Author: عباس الدسيس Date: 09-26-2016, 07:25 AM Parent: #3
السؤال شنو عيب اغنية حنان الصغيرة دي وما هو مأخذك الشعري واللحني في رسالة الى أمي؟؟؟ لو مزاج بنخليك لان حب الناس مذاهب ولو بي فهم يلا فهمنا تحياتي ................................................................................. حبيبنا موصلي سلام ... ياخ انت زول لذيذ ما اكون زعلت حسب تقييمك السابق احنا ناس عنقاله تعاملنا مع الفن سمعي وليست حكاية مزاج انت فنان ودارس موسيقي كويس ما قلنا لا كمان ما إلزام علينا نقول ليك غناك سمح اقول ليك عثمان مصطفي غير الزكريات عندو حاجة أهو دارس موسيقي زيك بس يختلف عنك عارف عندو فرماله في كل لقاء تلفزيوين بشوتا لينا ويقوم امشي السودان ظهرت فيهو ظواهر كثيره بتتكسب من الفن مثلا عندك فرفور انا ما بعرف ليهو غير جلابية بيضاء مكويه القال سمعها من حبوبتو وممكن تكون قريبه من رسالة لامي الفرق بينك وبينو هو ما كنكش فيها واشتغل بعد كدا نسخ لصق لاغاني الغير وحالو ماشي بس لو في واحد قال ليهو انت ما فنان بياكلا في حنانو واسكت زي حكاية طردوهو من الصف الاول في المسجد طوالي رجع الاخير هنا بنسميها القناعه وترضي بما يقسمو الله ليك ما عايز اخش في توزيع اعمال منو وغيرو نخلينا في رسالة. رغم انو رسالة لي امي ممكن تعتبرا مدحه أو كلام بمس الوجدان عشان ما تزعل نرفع من شأنها شويه ونخطيها بلو بلو او حنان الصغيره الاثنين واحد راجعت في اليوتيوب لقيت بتاعتك مرفوعه من عام 2009 عدد المشاهدات 19 الف بمعني سنويا بشوفوها 2715 شخص اما مدحة اولاد حاج الماحي يا رحمن بجودك البطار بس ولا توزيع ولا غيرو مرفوعه عام 2012 عدد المشاهدات 55الف بمعني سنويا 13750 مشاهده .......... تحليل عنقالي. طيب نجي لمشاهدات رسالة لي امي السنوية 2715 السنة فيها 365 يوم لو قلنا انت بتفتحها في اليوم مرتين 730 مرة الباقي 1985 ياخ الشعب السوداني دا 70% منو امهاتم ميتات ليهم حنيه للام عجيبه معقولة في السنة 1985 مشاهده غير عيد الام المفروض تكثر فيهو المشاهدات و ل الشعب السوداني كلو اولاد مايقوما وما عندهم علاقة مع الام حكاية المقارنة بالشعب السوداني مع الاعتذار انت ما وصلت العالمية نشوف رسالة لامي محليا. لو فضيت برجع ليك تاني..............
Post: #5 Title: Re: عباس الدسيس تعال نتحاور براحة في رسالة ال Author: عباس الدسيس Date: 09-26-2016, 07:54 AM Parent: #4
موصلي يا حبيبنا في زول اتصل علي قال لي الموصلي عايز ازوغ من لؤي عشان كدا فتح البوست دا احنا ملحوقين وانا قاعد عليك الله الحق لؤي بهناك ما تكون عامل ليهو كادوك في جوالو اتكسر تاني من المراجع حقتي العلامة حاتم لسؤ الحظ غير موجود ممكن استعين بصديق ((كودي))
Post: #6 Title: Re: عباس الدسيس تعال نتحاور براحة في رسالة ال Author: نادر النور آدم Date: 09-26-2016, 08:11 AM Parent: #5
استاذنا المبدع الكبير الموصلي..
بقيت من شكلة لي شكلة
وشكراً..
Post: #7 Title: Re: عباس الدسيس تعال نتحاور براحة في رسالة ال Author: زهير حيدر صديق Date: 09-26-2016, 08:55 AM Parent: #6
حبينا الموصلي والله إني أحبك في الله .. يديك العافية دنيا وآخرة ..
Post: #11 Title: Re: عباس الدسيس تعال نتحاور براحة في رسالة ال Author: Elmosley Date: 09-26-2016, 11:11 AM Parent: #7
Quote: حبينا الموصلي والله إني أحبك في الله .. يديك العافية دنيا وآخرة ..
تسلم عزيزي زهير وانا ايضا ابادلكم حبا بحب
Post: #10 Title: Re: عباس الدسيس تعال نتحاور براحة في رسالة ال Author: Elmosley Date: 09-26-2016, 11:09 AM Parent: #6
Quote: استاذنا المبدع الكبير الموصلي..
بقيت من شكلة لي شكلة
وشكراً..
حبيبنا نادر ابدا والله البوست ده ما فيهو شكل انما هو محاولة دادة للحوار حول رسالة الى أمي القال انو المشاهدين ليها في اليوتيوب الفين وكم في السنة وهو ما عارف انو بي احكامو دي حكم على فيديوهات عثمان حسين والكاشف ووردي بالفشل لانو ندى القالعة جمهور الفيديوهات بتاعتها اكبر عجبي علما بان رسالة الى امي لها عشرين فيديو بعشرين فنان يعني الناس مشتتة تحياتي
Post: #9 Title: Re: عباس الدسيس تعال نتحاور براحة في رسالة ال Author: Elmosley Date: 09-26-2016, 10:59 AM Parent: #5
حبيبنا الدسيس صدق انا بحترمك جدا لانك بتتكلم معاي بوضوح وبدون لف ودوران مازي بعض الدراويش البلفو ويدوروا دايرين يقولو كلام وما قادرين في البوست داك بعدين البوست ده انت لمن زغت من البوست دا انا مارجعت ليهو بل ارسلته للمكتبة مرتين ما عارف ليه قاعد لي هسع وانا ارسلته بناء على طلب زول رفيع برساله منه قال فيها
Quote: اخي الأستاذ يوسف الموصلي،مررت ببوست أخير لك في هذا الموقع عن اغنية رسالة إلى امي وهي من أعذب وأرق ماسمعت من أغان اعدها في مصفوفة الخوالد. ليس تزلفا اقول هذا ولاطمعا في نيل رضاك فانا في غنى عن كل هذا ولست ممن يتودد لأحد كائنا من كان لكنها النصيحة وللذمة أخرجها قبل ان يكبس علي ملك الموت الذي لا احد يدري متى يزور. . فهذه الأغنية قد ساهمت في تشكيل وجداني ووجدان خيرة اصحابي ممن أثق في ذائقتهم . هل تريد نصيحتي؟: لاتناقش وانشغل بإنتاج الجديد فهو اجدى وانفع منهجا.مع خالص تحياتي،
سمعت نصيحته ولكن الاجراء حاولته مرتين ولم انجح اما لؤي صاحبك فمزنوق زنقة شديدة الا الله يمرقو منها بس والله هو زول جميل "زعلان ساكت"
Post: #8 Title: Re: عباس الدسيس تعال نتحاور براحة في رسالة ال Author: Elmosley Date: 09-26-2016, 10:52 AM Parent: #3
حبيبنا محمد فضل الله بلغ ابن حينا الاعب الفذ يحى بشرى محبتي ولك الود
Post: #12 Title: Re: عباس الدسيس تعال نتحاور براحة في رسالة ال Author: عبد الباقي الجيلي Date: 09-26-2016, 11:26 AM Parent: #8
أخي عباس الدسيس
كنت سأقبل رأيك هذا في أي أغنية أخرى غير رسالة إلى أمي
صحيح أن الأذواق تختلف وتتفاوت ....
ورغم إنو نحن كلنا عنقالة زيك في الموسيقى ...
لكن توزيع رسالة إلى أمي ده وبشهادة موسيقيين مختصين توزيع أقل ما يقال عنه أنه عبقري ...
أستاذ موصلي ...
أرى أنك قد استهلكت الكثير من الوقت في مثل هذه المشادات والمشاحنات ....
هناك أعمال موسيقية كثيرة في بلادي تحتاج لنفض وإعادة توزيع ...
وهذه دعوة مني لاستثمار وقتك الثمين في عمل مجدٍ
مع كامل تقديري وودي لكما ....
أخي عباس وأستاذ موصلي ....
Post: #15 Title: Re: عباس الدسيس تعال نتحاور براحة في رسالة ال Author: Elmosley Date: 09-26-2016, 12:39 PM Parent: #12
Quote: أخي عباس الدسيسكنت سأقبل رأيك هذا في أي أغنية أخرى غير رسالة إلى أميصحيح أن الأذواق تختلف وتتفاوت ....ورغم إنو نحن كلنا عنقالة زيك في الموسيقى ...لكن توزيع رسالة إلى أمي ده وبشهادة موسيقيين مختصين توزيع أقل ما يقال عنه أنه عبقري ...أستاذ موصلي ...أرى أنك قد استهلكت الكثير من الوقت في مثل هذه المشادات والمشاحنات ....هناك أعمال موسيقية كثيرة في بلادي تحتاج لنفض وإعادة توزيع ...وهذه دعوة مني لاستثمار وقتك الثمين في عمل مجدٍمع كامل تقديري وودي لكما ....أخي عباس وأستاذ موصلي ....
حبيبنا عبد الباقي معك حق والله انا كترتو ومسختو مفروض اغير مشاركاتي في سودانيس اونلاين واخليها اجتماعية افراح واتراح لان جلوسي الكثير امام الكومبيوتر للتناظر وغيره اذى "نظري" وصحتي واهم من ذلك عطل انتاجي وكثير من مشاريعي الفنية سافكر مليا واوعدك خيرا تسلم ونصيحتك غالية
Post: #13 Title: Re: عباس الدسيس تعال نتحاور براحة في رسالة ال Author: محمد أبوالعزائم أبوالريش Date: 09-26-2016, 11:26 AM Parent: #8
العزيز عباس الدسيس، زي ما قال ليك الموصلي، إذا كانت المسألة مزاج، ما عندنا كلام. غير كده .... يا ريت ما نبخس الناس أشيائها.
التحية ليك وللأستاذ موصلي،
Post: #14 Title: Re: عباس الدسيس تعال نتحاور براحة في رسالة ال Author: عباس الدسيس Date: 09-26-2016, 12:16 PM Parent: #13
وللذمة أخرجها قبل ان يكبس علي ملك الموت الذي لا احد يدري متى يزور ......................................................................................................... حبيبنا موصلي والله صاحبك دل لذيذ رسالة لأمي و ل الرسالة المحمديه جاب فيها كبسان ملك موت وذمم
Post: #16 Title: Re: عباس الدسيس تعال نتحاور براحة في رسالة ال Author: Elmosley Date: 09-26-2016, 12:44 PM Parent: #13
Quote: العزيز عباس الدسيس،زي ما قال ليك الموصلي، إذا كانت المسألة مزاج، ما عندنا كلام.غير كده .... يا ريت ما نبخس الناس أشيائها.التحية ليك وللأستاذ موصلي،
الزميل الجميل محمد ابو العزائمصدقني البعمل فيهو حبيبنا الدسيس ده ريدة ساكت ومحبة ومكاواه نهديه اغنيتي الكلام القالو عنك نزلت رمضان القريب ده وعدد المشاهدين ٢١٦ الف و ٦٨٨ اها شن قولو
Post: #17 Title: Re: عباس الدسيس تعال نتحاور براحة في رسالة ال Author: عباس الدسيس Date: 09-26-2016, 02:16 PM Parent: #16
اها شن قولو ................................... يا سلااااااام يا حبيبنا الموصلي البت حيلونه ودمها خفيف ورقاصة البت دي لو عزفو ليها شليل وينو ختفو الدودو تطلع منها روعه
Post: #18 Title: Re: عباس الدسيس تعال نتحاور براحة في رسالة ال Author: Elmosley Date: 09-26-2016, 02:30 PM Parent: #17
Quote: اها شن قولو ................................... يا سلااااااام يا حبيبنا الموصلي البت حيلونه ودمها خفيف ورقاصة البت دي لو عزفو ليها شليل وينو ختفو الدودو تطلع منها روعه
هههههههههههه والله انت الذ زول الغريبة انا كنت قايل روحي كاواي لكن انت طلعت اكثر احترافية مني "مبروك" بس قبل شوية كنت بتتكلم بالارقام وبتحكم بيها يعني في فيديوهات لكبيرنا الذي علمنا سحر الموسيقى وردي ما فاتت الفين يعني هل ده بيقلل من قيمة الامبراطور؟؟؟؟ فشر طبعا لا والبت دي نزلت ليها اغنيات وفيديوهات كتيرة لفنانين عظام قبل الفيديو ده زما جابت الرقم ده ياربي تكون احلوت هسع مع الفيديو ده عباس بالله حضر عزومتك الفخيمة لزيارتي وبطل مكاواة تحياتي
Post: #19 Title: Re: عباس الدسيس تعال نتحاور براحة في رسالة ال Author: عباس الدسيس Date: 09-26-2016, 02:43 PM Parent: #18
عباس بالله حضر عزومتك الفخيمة لزيارتي وبطل مكاواة ................................................................................. مليون مراحب يا حبيبنا اصلنا وسوف تجدنا اكثر مما تتوقع تحياتي وتقديري
Post: #20 Title: Re: عباس الدسيس تعال نتحاور براحة في رسالة ال Author: Elmosley Date: 09-26-2016, 03:19 PM Parent: #19
Quote: مليون مراحب يا حبيبنا اصلنا وسوف تجدنا اكثر مما تتوقع تحياتي وتقديري
سيكون لي عظيم الشرف وتبلغ عظيم تقديري لمن خالفتهم وخالفونني كمقدمة لزيارتي وربنا يسهلها ونلتقي جميعا
Post: #21 Title: Re: عباس الدسيس تعال نتحاور براحة في رسالة ال Author: محمد فضل الله المكى Date: 09-26-2016, 04:25 PM Parent: #20
. يعني يا استاذ لو ما كشكشك الدسيس ما كان نزلت لينا التحفة دي آمنة حيدر ... البت دي وصَّلت الأغنية بطريقة أكثر من رائعة وأنا كواحد من حزب العنقالة أقول ما أي واحد أو واحدة بتستطيع توصيل شغل الموصلي بحسب ما هو عايزو لكن أمونه دي رايعه بجد . شكراً يا عِبس عنقالي
Post: #23 Title: Re: عباس الدسيس تعال نتحاور براحة في رسالة ال Author: Elmosley Date: 09-26-2016, 05:27 PM Parent: #21
Quote: يعني يا استاذ لو ما كشكشك الدسيس ما كان نزلت لينا التحفة دي آمنة حيدر ... البت دي وصَّلت الأغنية بطريقة أكثر من رائعة وأنا كواحد من حزب العنقالة أقول ما أي واحد أو واحدة بتستطيع توصيل شغل الموصلي بحسب ما هو عايزو لكن أمونه دي رايعه بجد . شكراً يا عِبس عنقالي
والله يا محمد عباس ده شديد ولضيد والبت ممتازة لكن هسع حسب معلوماتي تركت السودان وهاجرت الهند للدراسة تحياتي
Post: #22 Title: Re: عباس الدسيس تعال نتحاور براحة في رسالة ال Author: محمد حيدر المشرف Date: 09-26-2016, 04:44 PM Parent: #1
هذه واحدة من أجمل الاغاني السودانية في اعتقادي .. لا اتحدث والله اصالة عن نفسي وكده ولكن .. عن مجموع كبير من الشباب والشابات الذين واللائي تشاركنا معهم الدراسة وشيء من المزاج في القاهرة اول التسعينات .. كان الزمان لسع رضي .. وكانت هذه الاغنية رائجة جدا اوساطنا .. نعم لم يكن هناك يوتيوب لقياس الرأى والمزاج ولكن ولذلك كان القياس الحقيقي شرايط الكاسيت وترديد الاغنية في المتديات المختلفة وحفلات الاستقبال والتخريج والرحلات .. كان الزمان لسع رضي بالفعل.
تحياتي للاعزاء الفنان الموصلي واستاذنا عباس الدسيس.
Post: #24 Title: Re: عباس الدسيس تعال نتحاور براحة في رسالة ال Author: ombadda Date: 09-26-2016, 06:29 PM Parent: #22
ابداع رسالة الى امي
فتح الله عليك استاذ الموصلي
Post: #27 Title: Re: عباس الدسيس تعال نتحاور براحة في رسالة ال Author: Elmosley Date: 09-26-2016, 08:06 PM Parent: #22
Quote: تحياتي للاعزاء الفنان الموصلي واستاذنا عباس الدسيس.
حبيبنا د محمد حيدر المشرف يعلم الله انت من الشخصيات التي تمنيت الإلتقاء بها كن بخير دوما
Post: #25 Title: Re: عباس الدسيس تعال نتحاور براحة في رسالة ال Author: ناذر محمد الخليفة Date: 09-26-2016, 07:59 PM Parent: #1
|!!!!!!
Quote: بقلم: هيثم أحمد الهادي
الزول دا مجنون يا موصلي ؟؟
ما طبيعي !!!
غريب !!
دا ما مننا ولا من طينتنا القدر يعمل لينا تحليل زي دا لي موسيقى الغنية الخرافية دي ؟؟!!!
دا منو ؟ من وين ؟! هو شنو ؟!
Post: #26 Title: Re: عباس الدسيس تعال نتحاور براحة في رسالة ال Author: ناذر محمد الخليفة Date: 09-26-2016, 08:01 PM Parent: #1
