ههه..

04:19 PM September, 03 2016

سودانيز اون لاين
محمد المرتضى حامد-
مكتبتى
رابط مختصر

يا ترى ما الذي قاله لمستمعيه؟

شي يحير فعلا يا مولانا

في فرق تقني كبير جدا بين التدريب والتعليم أو التثقيف ..

وحتى لغويا

تأهل المقبلين على الزواج وليس تأهيل !

عملو مسابقة وطلعوا الناجحين ؟

مولانا الجميل
اليومين ديل معاي امين اخوي
وحكيت ليه قصتنا لما سألنا الكحلاوي عن سر الوحوحه في الغنا
وضحكنا
من إجابته
المهم بعدها سالت نفسي قلت ياربي الشاه ده مختفي وين
دخلت لقيتك عايز تدرب تأهيليا
احذر التعدد

..
مولانا .. الكلام دة ما ليكم ..
... وبس .. الجلاكين يمتنعون ....

ههههههههه


يا ربي الدورة دي بكون فيها practical training

تحياتي مرتضي
وضيوفه
حكي لي صحبي حضر دكتوراة في ماليزيا
انو بدوهم كورس حول الزواج وامتحان بعدو . حتي يدوك ورقة نجاح وممكن تعرس
سألتو قال لي
بدرسوهم حقوق الزوج والزوجة من ناحية اسلامية
وكيفية تعامل الزوج والزوجة والعلاقة الحميمة
ناسنا ديل ختفوها ساي ومشطوها بي قملها شان طالعين نازلين من ماليزيا

Quote: يا ربي الدورة دي بكون فيها practical training

Quote: نماذج من الدورات التدريبية للمقبلين علي الزواج :- ...... 14.أصول المعاشرة الزوجية.

zawajsd.org/index.php/contact-us/6-mawada

سلام عزيزنا درديري،
أنت تحلم بعوالم متخصصة حتى في تعريف المصطلح..
يا سيدي نحن ما زلنا نندهش لدى (الباب)..
يا ودكباشي يقتلني الفضول لأعرف مضمون ما قيل..
مودتي.

يا أحمد سلام،
سؤالك دا تقريري أم استنكاري؟
لكن في ظني أن الزيجة الأولى لها (منهج) يخالف الثانية
أما ( ثلاث ورباع) فهي لاتحتاج وهكذا..

لكن بيني وبينك ألا تشي نظرات (الفراوده) بالكثير المثير؟
ههه

(احذر التعدد)





يا دكتور ، التعدد له رجاله..

لكن برضو دايرك توريني المحاضر دا قال شنو؟

انا بوريك قال شنو يا مولانا ...

قيل في الأثر ...

أوصى الوالد ابنه في ليلة زواجه ...

يا بُني ... انت اليوم على موعد مع الارتباط بأغرب كائن خلقه المولى عز و جل ...

اوصيك بشيئين ...

الوصية الأولى ....

اسمع منها كل ما ارادت قوله و قل نعم ... سمعاً و طاعه ...

ثم افعل ما تراه انت صحيحاً و مناسباً ...

اما الوصية الثانية:

ضع كل القرارات الكبيرة في يدك ... الهجرة ... العمل ...

و اترك لها كل القرارات الصغيرة ... فما يضيرك ان كانت الطاولة مستديره ام مربعة ...

او لون الحائط ابيض ام ازرق !!!
_________________________________________________
وصية تصلح رسالة دكتوراه ...

(يا ربي الدورة دي بكون فيها practical training )

لا شك يا هيثم وإلا ستكون المسألة نظريه فقط ، يعني لازم يدربوا
الزوج على المراسيل وجيب والصبر وعذاب الهدهد والقوائم التي تقاس بالمتر
أما بالنسبة للنساء فيجب عليهن التدرب على حِلل الكمونيه النوويه
ونظافة أم فتفت المشِعه والعوازيم المفاجئة ومعها تربيزة كوتشينه..

تحسبو لِعِب؟

غاب وجاب
حباب المستشار
وزي ما ذكر الشباب .. التدريب مرتبط بالبراكتكال (No Way)
بس السؤال البكون مشرف على العملي دا منو

بالله يا يا ود المرتضى لو سخى الزمن يوماً ورونا الكحلاوي قال شنو بخصوص الاسمو ايه دا

مودة فايتة الحد

،، ههه،، حقيقة نظرات ( الفراودة ) فيها كلام !!!
بالنسبة لسؤالك - يختَلِف المُحتوي،، حسب ( جِنس) المُستَهدفّ .المُتدرب /المُتدرَبة ،،،
أعتقد بأن ( المُدَرِبّ) بشرح في أيهما أكثر إيلاماً:- الهجرُ في المَضاجِعّ ؟ أم الضربُ غير المُبَرِحّ؟؟
لا أعتقد أنه بِشرَح في مقولة برنادشو:- (تقلق المرأة علي مُستقبلها حتي تٓجِدّ زوجاً،، ولا يقلق الرجُلّ علي مُستٓقبله،،، إلا بعد أن يجِدّ زوجة !! )،، ،،
تحياتي ،،

)ناسنا ديل ختفوها ساي ومشطوها بي قملها شان طالعين نازلين من ماليزيا (
أبوسن ، أضحك الله سنك ..
حبوباتنا وجدودنا وأبهاتنا وأماتنا زمان مافي زول دربهم وعاشوا حيوات زوجيه سعيده النقه فيها بالكاد
تصل ل 3 درجات بمقياس ريختر وكانوا بيعشقوا بعضهم جد. في ظني أن رخاء العيش - على بساطته - كان
سببا في استدامة الود والسكن والرحمه ، مشاكلم كانت بسيطه بالريده بتحل.. هسه الجماعه ديل مفروض
يدربوا المقبلين على الزواج على سبل كسب العيش الشريف عشان يعالجوا 70% من أسباب الفشل المرتقب..
لكن لا أظن أن (المدربين ) عرضوا لأهم أسباب الإستمرار والإستدامه،
ول كيف يا عبدالحفيظ..
طبعا التنظير ساهل عند الجماعه ديل..
الآن الرغيف عامل أساس للإستمرار والحؤول دون الطفشان..

قلت لي كوالا لامبور..

قباني عزيزنا صاحب الحلول الهندسية المجيده وتركيب أبواب الخروج من الأزقة والمآزق .
عبدالرحمن الأبنودي في إحدى قصائده ،
قال الرجال نوعين رجال هاديه ورجال حاميه ،
في ظني أن الرجال الهاديه هي المسؤولة عن القرارات الكبيرة اللي قلت عليها..
والرجال الحاميه برضو ..

-

قلت لي لو رضين عنك فأقصى ما يفعلنه يرمن ليك طعميه؟

ياخ دي مبالغه..

Quote: قلت لي لو رضين عنك فأقصى ما يفعلنه يرمن ليك طعميه؟ ياخ دي مبالغه..

ما قادر تنساها يا مولانا ...

لكن بيني وبينك ألا تشي نظرات (الفراوده) بالكثير المثير؟
ههه

ــــــــــــــــــــــــــــــــ

يكون قال ليهم : بالله المرا دي زول .......تشيل ماهيتك وتقسم معاك السرير !!

)بالله يا يا ود المرتضى لو سخى الزمن يوماً ورونا الكحلاوي قال شنو بخصوص الاسمو ايه دا(
يا عمر، د. محمد حسن مرات لامن يكتب في المنبر بينسى أو يتناسى أن هناك غيرنا تحت اللمبه،
صديق الكحلاوي ، عليه الرحمة، كنا من المواظبين على حضور حفلاته أيام الجامعه بت اللزينا زي ما بقول العمده الله لا عادو،
عندو تعليقات أثناء الغناء من عيار (البابور) و (أنا بالنيني) يتبعها بتمتمات وهمهمات لا يتبينها إلا من يجاور ال stage زي زيدان واحد،
الكحلاوي أول مغني راب بجلابيه انصاريه شمال خط الإستواء..
كان عندما يستبد به الطرب وسط الحسان يقول كلاما مما أشار إليه محمد حسن يحسبه العامة خروجا عن النص ونراه شفافيه وصدقية عيار 22،

ود أبو عاقله إنت ما صايم اليومين دي؟

ههه،، حقيقة نظرات ( الفراودة ) فيها كلام

الذي يجلس على يمين الصورة كأنه يردد في سره ( لم نتفق على هذا) وبعبارة أخرى ( طمبجتها)..
أما الذي يجلس على يسار الصورة فقد اتخذ وضعية الهروب ..
الله يستر..

(تقلق المرأة علي مُستقبلها حتي تٓجِدّ زوجاً،، ولا يقلق الرجُلّ علي مُستٓقبله،،، إلا بعد أن يجِدّ زوجة !! )
،، ،، المرأة لاتقلق يا عزيزي بلال..
الرجال فقط كتب عليهم أن يقلقوا ، بل منهم من نال لقب (قلق) عديل كدا .

(يكون قال ليهم : بالله المرا دي زول .......تشيل ماهيتك وتقسم معاك السرير !! )

يا لطيف،
قدر ما حاولت أنزِّل وجه ضاحك أبت كلو كلو . تقنيات بكري خذلتني..
ياخ بكري أبوبكر دا ضيَّق علينا حرية التعبير ويبدو أن ذلك مرجعه إلى تردده الكثير على البلد.
زمان نشيل في الملفات الصوتيه وننزل والصور ما ليها حد ما ليها قيد ، هسه ..
غايتو. .
يا سيدي ، طالما ارتضيت أن يشاركك زول في حاجاتك العزيزه ( المال والسرير) كتر البتابت عيب..
المسأله بكج واحده لاتتجزأ..
بالله لو بتقدر نزل لي وجه ضاحك كي نتشاركه..

قلت لي الماهيه كلللها؟

هههه

مولانا محمد المرتضي ، كدي خارج النص وبوستك الكله كتاحة دا حاولت ارسل ليك رسالة داخلية لسبب ما ابت تمشي!!، بفتش لي تسجيل أغنية (يا نسيم الليل )، رمية وأداء عاصم البنّا لو جبتها لينا هنا(رغم البوست المفخخ دا) او في المسنجر أكون شاكر وممتن أشد ما يكون الامتنان.

Quote: بفتش لي تسجيل أغنية (يا نسيم الليل )، رمية وأداء عاصم البنّا

بعد اذن مولانا ...

تقصد هوى الخلخال او روح و اعرض حالي ..عمنا ود الرضي رضي الله عنه ...

هاك ليها يا المعز مع رمية الطابق البوخة ... ان كانت هي المقصودة ...
________________________________________________

رُوحْ وَ أَعْرِضْ حَالِى لَى حَبِيبْ الرُّوحْ
جِيبلِى طِيب الحالِى يَا نَسِيم اللَّيلْ
قُولُّو نَامْ الخَالِى وَهو يَتْخَيَّلْ
رَنَّةَ الخَلْخَالِ
بَالنَّظَر أسْخَى لَى هَنِّى بَى رُؤيَاكَ
الحَيَاة المَاسْخَالِى
النَّسِيمْ هَبَّى لِى يَا حَسِينْتَ الذَّاتْ
الجَّمُرْ هَبَّى لِى
يَا حَبِيبْ رَحْمَاك لاَ تَزِيدْ بَلْبَالَى
ولاَ تَكُون شَكْوَاى مُويَة فِى غَرْبَالِى
قَالْ لِى فِيقْ يَاغَالِى إنْ تَنِلْ شَكْوَاكَ
لَىَّ لَسْتُ أبَالِى
كُلَّمَا أطْرَاكَ العَقُلْ يَابَالِى
يَاحَبِيبِى البَىْ حنَّنْ اليَابَالِى
كَمْ وكَمْ قُبَّالِى قَلْبُه مَشْغُول بَيك
وإنْتَ مَاكَ مِبَالِى
آهٍ كُلَّمَا أطْرَاكَ لاَ أعِى إقْبَالِى
صِرْتَ مِنْ البَىْ شِخْصِى كَادْ يَغْبَالِى
لاَمْنِى فِيكَ الوَالِى واللِّ مَابِسْوَى
وكُلَّ مَنْ يَأوَى لِى
لَسْتُ أعْبَأ بَى زُخْرُفْ الأقْوَالِ
بَرْضِى فِى التَّبْرِيحْ والبُكَى المِتْوَالِى
يَا عَزُولْ إجْمَالِى أهْنَأ بَى رُؤيَاكَ
خَلَّنِى وأعْمَالِى
لاَ حَياةَ لَىْ لَوْلاَ مَا الآمَالِ
خَلَّنِى وبَلْوَاىَ إنْتَ مَالَكْ ومَالِى
يَانَسِيمْ لَى وَالِى هِبْ ِمْن المَحَبُوبْ
فِى كِلاَ الأحْوَالِ
َا أنَا الرَّاجِيك وَاقِفَاً لِنَوَالِى
وقْفَة المَرْئُوسْ فِى رَجَاء الوَالِى
هَاكَ صَافِى مَقَالِى يَابَدِيع الذَّاتْ
إنْتَ نُورْ أمْقَالِى
الجَّفَا يَانُورْ العِيُونْ لَىْ قَالِى
هَذاَ لَوْ يَرْضِيكَ حَبَّذَا يَا غَالِى

صباح الخير مولانا والضيوف

من شفت البوست دا وأنا محتار وفكرة الزول دا عاجباني
المهم ياخ لما يفتحوا وظائف أنا عايز أشتغل مدرب مع الجماعة ديل
موش المدرب هو أول زول بضرب الكورة للاعبين؟

الشغل دة لو فيهو تطبيقات عملية من اجل خاطر الاستقرار الاسري مستقبلا
سجلوني
بدون ماهية
فأنا احتسب ذلك

بالضبط يا يحي كانك قريت افكاري (لقيتها بكم تسجيل لكن بدن اي شك دا أفضل اداء للأغنية دي). تسلم

(ما قادر تنساها يا مولانا )
هي بتتنسي!
يا هندسه،
ذلك التعليق كان * من الخرائد التي تستحق أن تعلق بأستار المنبر..
وزي مابقولوا لخص السالفه كلها كخير الكلام ..


* الأفضل ( أحسبه) لكن الجماعه البيرفعوا أصابعم كرهونا ليها ..

قال الرجال نوعين رجال هاديه ورجال حاميه ،
ـــــــــــــــــــــــــــــ

ناس الروقة ذاتم نوعين : ناس الروقة الرايقة وناس الروقة الهائجة !


فهل فاتت عليهم اثناء التدريب ؟!

د. معز سلام وكل سنه وانت ومن تحب بخير.
ارجو لو تتكرم وترسل رقم هاتفك في المسنجر.
والشكر موصول لعزيزي قباني..
التسجيل اعلاه خصصت له بوست سابق بعنوان هذه هي الأغنية.

د. معز سلام وكل سنه وانت ومن تحب بخير.
ارجو لو تتكرم وترسل رقم هاتفك في المسنجر.
والشكر موصول لعزيزي قباني..
التسجيل اعلاه خصصت له بوست سابق بعنوان هذه هي الأغنية.