Post: #1 Title: محمود الكضاب تغيرت لبشة الكضاب Author: عمر الفاروق عبد الله الشيخ Date: 08-20-2016, 07:12 AM
07:12 AM August, 20 2016 سودانيز اون لاين عمر الفاروق عبد الله الشيخ- مكتبتى رابط مختصروكالاتجدد الرئيس السوداني عمر البشير، التأكيد على نيته عدم الترشح مجددا في الانتخابات المقررة عام 2020، مشيراً أنه سيبتعد حينها عن عالم السياسة. وفي مقابلة مع وسائل إعلام مصرية، اليوم الجمعة، قال البشير "لست ديكتاتورا، وغير راغب فى السلطة، ولن أترشح لفترة رئاسية أخرى، مدتي ستنتهي عام 2020، ولن أجدد بالدستور ولن يتغير الدستور". وأضاف البشير "لقد أمضيت أكثر من عشرين عاما، وهذه أكثر من كافية في ظروف السودان، والناس تريد دماء جديدة ودفعة جديدة، كي تواصل السير والبناء والإعمار والتنمية". وتابع أنه في العام 2020 "سأترك مقر الرئاسة وأبتعد عن عالم السياسة".
Post: #2 Title: Re: محمود الكضاب تغيرت لبشة الكضاب Author: عمر الفاروق عبد الله الشيخ Date: 08-20-2016, 07:27 AM Parent: #1
محمود بتاع كتاب المطالعة كان أشهر بتاع جاكات بحسب رواية الكتاب ، لكين لمن تحصص الشغلة وتعمل Test SWOT أو تحليل شخصية ودي قالو عليها تحليل رباعي وهي للفائدة العامة إختصار لعبارة (Strengths Weaknesses Opportunities Threats أها بتلقاهو زول بتاع fun ومقالب بس حظه السئ إنه جاء في الزمن الغلط فالناس في تلك الأيام ما كانت بتعرف لا كاميرا خفية لا Pranks لا طوشه ولوشه ، الزول كان داير يضحك ويضحك يعني مشروع كوميديان مبدع أها راح فريسة سائغة للنمر ولم تشفع له أهدافه أو حسن النية في البقاء أو ان يغيثه أحد ، بعدين بيني وبينكم ومع إحترامي لي سكان حلة ناس محمود معقول يمقلبوكم مرة ومرتين وتلاته هو شنو أصلو النمر دا ساكن في حلتكم براكم ، ولا إنتو من النوع البليدغ من الجحر مرات عديدة ، المهم راح محمود وبقت ذكراه غير محمودة على مر الأجيال. أها نجي لي محمود أبو شرطه أو ضمه لا فرق ، قلت لي قال ما حا يترشح so what قال شاعر حلمنتيش: كان جدعوني فوق الكوشه وكان جاتني طمه ودوشه إنتي بريه. مؤكد لاعلاقة لبيت الشعر الحلمنتشي المذكور بالموضوع لكين نظام تركب مكنة فيات في لاندكروزر ، أو حتى يحسبني الآخر من الصفوة أو الطبقة المستنيرة بالشويتين ديل. على كل حال شخصية صاحبنا غريبه حد التعجب ، وبعدين حتى فنان إفريقيا الراحل وردي ، قال كبرتي وليك تسعطاشر سنة ولم يقل عشرين أو أكثر يعني المفروض يكون وصل الحيطة من ناحية من الجمبه التانيه كان إترشح وفاز أو إتعادل شنو يعني ماهو ما زي ما قال ود البنا ياتو السمح ومنو السمح ووين السمح كلك سمح لون الدهب لون القمح إيه الدهب إيه القمح. بس لمن نتقدم شويه في الأغنية بتلقي التالي: إنت الجواب الما وصل. ولغاية ما يصل الجواب أردد على لسان المبدع الصادق إلياس ، من طرف الحبيب جات أغرب رسايل ، أها لغاية ما لحبيب يساعي لي iPhone 6 نمسكل ليهو فيهو خلينا نردد قال ناسينو قايل. ونختم بكلمات أولاد حاد الماحي بسم الله يا قدير يا عالي يا كبير يا جابر الكسير دبرنا يا بصير بي أحسن التدبير من فضلك الكثير جود يا كريم بي الخير أنصرنا يا نصير ويسر لنا العسير ثنيت الأمير
---- حاشية: الأمير فريق بحراوي عريق في كرة القدم السودانية بالرغم من أنه يهوى ويصعد بإستمرار في الدرجات في دوري العاصمة والمعني بين والله أعلم
Post: #4 Title: Re: محمود الكضاب تغيرت لبشة الكضاب Author: Mohamed Adam Date: 08-21-2016, 04:29 PM Parent: #3
Quote: وتابع أنه في العام 2020 "سأترك مقر الرئاسة وأبتعد عن عالم السياسة".
يبتعد ... وح يروح ويين يعني! يروح لمزرعتو! وهل ستعصمو من قوة الآلهه! والله العظيم فينا جنس ضحالا مابعدها ضحاله!! ثلاثه عقود بتحكم الناس ولم تبسط أي عدل حتي ولا بحوش ود (بانقا).. نحن بنتوقع ان القوه الخالقه لهذا الوجود ممكن تكون ساذجه نقتل في خلقها ونفسد في أرضها ثم في نهايات اعمارنا ممكن ننزوي بمزارعنا او ننزوي بركن مسجد من مساجدنا الكثيره ونغش الآلهه بشوية صلوات وإستغفارات لتغفر لنا ولتبدل سيآتنا حسنات! هذا مانتصوره ويتصوره البشير بعد إعترافو بشحمة لسانو انو قتل ناس كثر في فترة حكمو ويطلب من الله ان يغفر ليهو هذا المسلك وهو لابس نظيف ويجمل في تقسيمات وجهو وذلك امام شاشات الفضائيات وليس امام ذاتو الفيها خالقو!
للمعلوميه ياريس، هذه القوه لاتغفر لنا اي ذنب تغترفو أيدينا.. مهما يكن صغرو شنو... وهي لاتنظر لوجوهنا، ولابتنظر لقلوبنا بل هي ذاتنا الناظره! لاتحابي ولاتجامل قديس كما أنها لاتلعن ولاتطرد إبليس وإنما هي تفعل الواجب علي الصالح وعلي الطالح بغرض تطور وجودو!! هي تحاسبنا علي الغلط والصاح و بدور المليم (كما تدين تدان).. قانون معاوضه،لايجامل حدا مهما تكن مكانتو، حتي لوكان " رسول" وسداد أعمالك يبدأ من يوم إغترافها لايؤجل الأجر ، بل ستظل تدفع من اللحظه حتي تستوفي ماعليك كاملٱ غير منقوص! فاليطمئن ضحاياك ياريس، ستواصل في دفع مستحقاتهم امام الخلق يتمثل في أمراض معنويه وحسيّه وبرضو يتمثل في المحكمه الجنائيه، وكذلك أمام الخالق(هنا والآن)..النار هنا والجنّه هنا.. بلا إفلات. لا إعتقد ياريس ستجد اي ضمئنينه ولا سكينه مالم تدفع ديونك المستحقه عليك! تعتزل السياسه او لاتعتزلها فانت مطالب بدفع الثمن لا إفلات من قبضة قوانين هذا الوجود.
Post: #5 Title: Re: محمود الكضاب تغيرت لبشة الكضاب Author: عمر الفاروق عبد الله الشيخ Date: 08-21-2016, 06:53 PM Parent: #4
Quote: ابومؤيد المؤيد بالله · يعمل لدى كسلا الناس تريد دماء جديد .. دى مقصود بها شنو..... ما يكون مقصود بها دماء الشعب إلغاء الإعجاب · رد · 1 · 20 أغسطس، 2016 11:53 ص
من الفيسبوك :
صدقت والله لعلها الولوغ اكثر في دماء الغلابة من دراكيولات القرن الحادي والعشرين
Post: #7 Title: Re: محمود الكضاب تغيرت لبشة الكضاب Author: عمر الفاروق عبد الله الشيخ Date: 08-21-2016, 07:34 PM Parent: #4
Quote: ثلاثه عقود بتحكم الناس ولم تبسط أي عدل حتي ولا بحوش ود (بانقا).. نحن بنتوقع ان القوه الخالقه لهذا الوجود ممكن تكون ساذجه نقتل في خلقها ونفسد في أرضها ثم في نهايات اعمارنا ممكن ننزوي بمزارعنا او ننزوي بركن مسجد من مساجدنا الكثيره ونغش الآلهه بشوية صلوات وإستغفارات لتغفر لنا ولتبدل سيآتنا حسنات!
نعم اخي محمد آدم
القوة الخالقة لهذا الوجود تمهل ولا تهمل لقد اصبح فرعون وقله عقله اضحوكة يستغفل و ينصب عليه بقميص لاعب كرة تخيل رئيس دولة كانت بحجم قارة يبتسم فرحا بالقميص رقم 10 واهل الديار يستغيثون واغوثاه لقد جرف السيل منا ما جرف ورئيس البلاد مشغول بقميص ميسي في برنامج كاميرا خفية علي المستوي الرئاسي
لم يبقي لنا غير الدعاء اضعف الايمان
Post: #6 Title: Re: محمود الكضاب تغيرت لبشة الكضاب Author: عمر الفاروق عبد الله الشيخ Date: 08-21-2016, 07:06 PM Parent: #3
Quote: بيني وبينكم ومع إحترامي لي سكان حلة ناس محمود معقول يمقلبوكم مرة ومرتين وتلاته هو شنو أصلو النمر دا ساكن في حلتكم براكم ، ولا إنتو من النوع البليدغ من الجحر مرات عديدة ، المهم راح محمود وبقت ذكراه غير محمودة على مر الأجيال.
الملا عمر تحياتي ياخ
نحن لدغنا 27 مرة من نفس الجحر حيث لم يبقي في جسم الشعب السوداني مكانا للدغة كوز او ضربة فاسد او طعنة حرامي هذا ما جناه العسكر بنا وما جنينا علي احد بتنويم مغنطيسي نومونا كل هذه المدة متي يكون الصحيان الله اعلم
