Post: #1
Title: هجرة عصافير الخريف
Author: الصادق عز الدين
Date: 08-10-2016, 07:35 AM
07:35 AM August, 10 2016 سودانيز اون لاين
الصادق عز الدين-دبي
مكتبتى
رابط مختصر قيل أنه في فصل من فصول معهد الموسيقى والمسرح قام الطالب عمر الطيب الدوش بكتابة السؤال التالي على السبورة :
ليه يا عصافير الخريف ؟
فقام الطالب اسحق الحلنقي بالرد عليه على السبورة :
خضرة مشاعري أشيلا صيف . .
وأبعدها كمل الحلنقي القصيدة . . وكانت واحدة من أجمل روائع المطرب الأستاذ محمد وردي
هذه رواية نسبت للطالب صلاح الدين الفاضل وتحتاج لتأكيد
هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف
تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن
|
Post: #2
Title: Re: هجرة عصافير الخريف
Author: الصادق عز الدين
Date: 08-10-2016, 07:40 AM
Parent: #1
بتصريح مباشر من الراحل محمد وردي ولصحبة عازفيه وذلك في حياته . . إختار أن تغني شذى عبدالله أغانيه . .
لنستمع
https://www.youtube.com/watch؟v=iiUKGZcxoNoandauthuser=0https://www.youtube.com/watch؟v=iiUKGZcxoNoandauthuser=0
|
Post: #3
Title: Re: هجرة عصافير الخريف
Author: الصادق عز الدين
Date: 08-10-2016, 09:35 AM
Parent: #2
وردي من أجمل الأصوات الغنائية
|
|