Post: #1
Title: وين ال 360 ألف دولار يا سودانير حقت سابينا؟
Author: سيف اليزل سعد عمر
Date: 08-04-2016, 02:53 PM
02:53 PM August, 04 2016 سودانيز اون لاين
سيف اليزل سعد عمر-
مكتبتى
رابط مختصر القروش رجعت حساب شركة سودانير في أبوظبي وما معروف حصل ليها شنو..ده نخليهو لناس سودانير.
لكن الكبسيبة قايمة بين البلجيك والألمان والامريكان....
نتابع القضية.....
|
Post: #2
Title: Re: وين ال 360 ألف دولار يا سودانير حقت سابينا؟
Author: سيف اليزل سعد عمر
Date: 08-04-2016, 03:15 PM
Parent: #1
في أغسطس 1997 وقعت وحدة الصيانة في الخطوط البلجيكية (سابينا) عقدا مع سودانير لإجراء أعمال صيانة شاملة (لطائرتين) إيرباص A310-200 وA300-600. كانت قيمة العقد 12 مليون دولار لصيانة شاملة. وحسب العقد سيتم إرسال مهندسين بلجيك للقيام بأعمال الصيانة في الخرطوم علي أن تتم إدارة العقد وشراء قطع الغيار من العاصمة البلجكية. كما يحتوي العقد علي تدريب وتأهيل قطاع الصيانة لسودانير..
يظهر إنه البلجيك عملوا العليهم وجاء وقت الدفع...
قيمة الفاتورة كانت حوالي 360000 دولار.
|
Post: #3
Title: Re: وين ال 360 ألف دولار يا سودانير حقت سابينا؟
Author: سيف اليزل سعد عمر
Date: 08-04-2016, 03:30 PM
Parent: #2
حررت سودانير شيكا إلكترونيا من حسابها في بنك أبوظبي الوطنى بقيمة 360 ألف دولار كانت وجهته حساب سابينا
في بلجيكا. ونسبة لعدم وجود مشترك بين بنك أبوظبي الوطنى
وحساب سابينا تم تحويل المبلغ لبنك وسيط وهو بانكر ترصت
في نيويورك...
القروش وصلت نيويورك....
|
Post: #4
Title: Re: وين ال 360 ألف دولار يا سودانير حقت سابينا؟
Author: الفاتح ميرغني
Date: 08-04-2016, 03:31 PM
Parent: #2
حبيبنا الحكاي ابو السيوف.
تصدق انا قريتا" سبنا" الممثلة الهندية 
وقلت يا ربي الناس ديل ليه البت دي ما ادوها قروشها؟
طبعا بنسمع إنو السودان زمان كان يحتضن أكبر جالية هندية بعد جنوب افريقيا.
يا حليل زمان وسنين زمان!
متابعين.
محبتي
|
Post: #5
Title: Re: وين ال 360 ألف دولار يا سودانير حقت سابينا؟
Author: سيف اليزل سعد عمر
Date: 08-04-2016, 04:35 PM
Parent: #4
| Quote: تصدق انا قريتا" سبنا" الممثلة الهندية |
أنا زاتي كل ما أقرها بذكر سبنا...
ومرات بتذكر الأغنية الإثيوبية البتقول:
"سابينا سابو وي أنى"
تحياتى أيها الصحفي الجميل....
|
Post: #6
Title: Re: وين ال 360 ألف دولار يا سودانير حقت سابينا؟
Author: سيف اليزل سعد عمر
Date: 08-04-2016, 04:52 PM
Parent: #5
قبل يوم من تحويل الشيك من حساب بانكر ترصت في نيويورك الي حساب سابينا في بروكسل وبالظبط في يوم 3 نوفمبر 1997 اصدر الرئيس الأمريكي كلينتون قرارا بحجز وتجميد أرصدة وأموال حكومة السودان من بينها قروش ناس سودانير.
يعنى في يوم 4 نوفمبر 1997 حجز بانكر ترصت قروش سودانير وحولها لحساب مجمد وقعدت في الحساب ده لأكثر من عشرة سنوات.
يوم 28 اغسطس 2008 سابينا لحقت ام طه وأعلنت إفلاسها
|
Post: #7
Title: Re: وين ال 360 ألف دولار يا سودانير حقت سابينا؟
Author: سيف اليزل سعد عمر
Date: 08-04-2016, 06:09 PM
Parent: #6
في 2009 طالبت لجنة تصفية سابينا بعد الإفلاس من السلطات الأمريكية بفك الحظر عن المبلغ المحجوز. وبالفعل واقف الأمريكان بفك الحظر عن المبلغ لدي بانكر ترصت والذي تغيير إسمه الي البنك الألمانى.
طارت لجنة التصفية فرحا بصدور الخبر لكن فرحتها لم تكتمل باستلام المبلغ....
|
Post: #8
Title: Re: وين ال 360 ألف دولار يا سودانير حقت سابينا؟
Author: سيف اليزل سعد عمر
Date: 08-05-2016, 06:23 AM
Parent: #7
إستنادا علي قرار الأمريكان بفك الحظر عن مبلغ ال 360 ألف دولار
بعد الطلب التى تقدمت له سابينا، قام البنك الألمانى بإطلاق سراح المبلغ المحجوز. لكن بدلا من ارسال المبلغ لحساب لجنة تصفية سابينا، قوموا إنتو يا ناس البنك الألمانى رسلوا القروش راجعة لحساب سودانير في بنك أبوظبي الوطنى....
القروش رجعت لسودانير..
|
Post: #9
Title: Re: وين ال 360 ألف دولار يا سودانير حقت سابينا؟
Author: aosman
Date: 08-06-2016, 06:26 AM
Parent: #1
Quote: القروش رجعت لسودانير..
القروش رجعت حساب شركة سودانير في أبوظبي وما معروف حصل ليها شنو..ده نخليهو لناس سودانير
|
طيب مشكلة سودانير شننو؟ والخطأ خطأ منو؟ وبعدين مش الأمريكان عاملين حظر على سودانير ومجمدين أموالهم؟ طيب كده خت نفسك محل سودانير وفي الظرف ده لو حولوا ليك مبلغ بالغلط حترجعهم ليهم؟ وهم أصلا مجمدين ملايين من الدولارات....
|
Post: #10
Title: Re: وين ال 360 ألف دولار يا سودانير حقت سابينا؟
Author: سيف اليزل سعد عمر
Date: 08-06-2016, 09:32 AM
Parent: #9
Quote: طيب مشكلة سودانير شننو؟ والخطأ خطأ منو؟ وبعدين مش الأمريكان عاملين حظر على سودانير ومجمدين أموالهم؟ طيب كده خت نفسك محل سودانير وفي الظرف ده لو حولوا ليك مبلغ بالغلط حترجعهم ليهم؟ وهم أصلا مجمدين ملايين من الدولارات....
|
أنا اساسا ما غلطها سودانيير. بس داير ألفت نظر الناس للقضية من اولها إلي آخرها. القضية دي حاليا محل اهتمام كثير من المتابعين للشأن السودانى والقانوني علي وجه الخصوص. خاصة بعد أن رفعت سابينا دعوي قضائية ضد البنك الألمانى في نيويورك.
السؤال البهمنى وما قادر ألقي إجابة عليه هو كيف تعاملت سودانير مع المبلغ الذي تم ارجاعه لحسابها في بنك أبوظبي الوطنى؟؟
|
|