Post: #1
Title: تنكر للبيع
Author: عثمان عووضة
Date: 08-03-2016, 02:14 PM
Parent: #0
02:14 PM August, 03 2016 سودانيز اون لاين
عثمان عووضة-السودان
مكتبتى
رابط مختصر
متسوبيشي امريكي. الحمولة. ٣٢٠٠ جالون
مصمم لنقل. جاز...بنزين...مياه. شرب
موجر الان ب. ٣٢. مليون. في. الشهر(يوجدعقد ايجار)السعر. ٤٥٠ مليون
مع سايق امين ومجرب او بدون سايق
٠٩٠٨٥٠٣٦٢٢
ملحوظة:
ملحوظة. تانية:
وفوق للبيعة توجد طرمبة جاز احتياطية سعرها في
السوق. ٢١ مليون بس عايزة. عمرة. بحوالي ٤ او
٥ مليون
السايق ليس للبيع😈😈
|
Post: #2
Title: Re: تنكر للبيع
Author: محمد البشرى الخضر
Date: 08-03-2016, 02:40 PM
Parent: #1
خسارة يا عمّك
كنا عايزين نشتري سايق !!
ما مشكلة خيرها في غيرها :)
|
Post: #3
Title: Re: تنكر للبيع
Author: جلالدونا
Date: 08-03-2016, 02:58 PM
Parent: #2
ابوحسين تشارك
انا السواق و انتا التنكر
و النص بالنص
_____
اسمع التنكر ده فيهو اسبير و عفريتة
و علب رقع و منفلة ؟
|
Post: #6
Title: Re: تنكر للبيع
Author: عثمان عووضة
Date: 08-03-2016, 03:14 PM
Parent: #3
جلالدونا والله انا محتار دخلوك
امريكا دي كيف
ياخي ابو حسين دا لو ماخفت. ينفس
علي البيعة. كنت. عرضتو هو ذاتو😉
ابو حسين بتاع فنيلتك😈😈
|
Post: #4
Title: Re: تنكر للبيع
Author: معاوية الزبير
Date: 08-03-2016, 02:58 PM
Parent: #2
عناوينك بقت خاتف معنيين
قبيل قريت ليك (الكيك) قلت ح تدينا مقادير الخلطة وبتاع
هسي (تنكر للبيع) افتكرتك بتبيع اقنعة
خليك واضح يا حبيب، نحن ناس عناوين ساااكت
نقرا العنوان ونقوم نلخ الناس
|
Post: #7
Title: Re: تنكر للبيع
Author: عثمان عووضة
Date: 08-03-2016, 03:20 PM
Parent: #4
ود. الزبير. انت لسه ما خليت الهباب
دا😞
انا. لو. عارف. مخك. بيمشي. الحتات. ديك
كان. عملت. حسابي
تعال. كمان. قول. لي. الديك لونو. شنو
وعلاقتو. شنو لي ديك المسلمية😉
|
Post: #5
Title: Re: تنكر للبيع
Author: عثمان عووضة
Date: 08-03-2016, 03:09 PM
Parent: #1
ابو حتحوت مزنوقين ياخ
لكين والله دي فاتت علي
نعرض كل واحد براهو
بس ما يجوا يشبكونا ياجلابة يا اولاد
الفعلتك والتركتك ويا بتاعين مثلث منو كدا ما عارف😉
|
Post: #8
Title: Re: تنكر للبيع
Author: عمر التاج
Date: 08-03-2016, 06:43 PM
Parent: #5
كان التنكر بدخل32 مليون في الشهر المقعدك في الغربة شنو يا عثمان يا اخوي
وكمان داير تبيعوا .. في زول ببيع رزقه؟ يا اخ يفترض تفكر تجيب أخوه وامه وابوه.
والله تنكرك ده أحسن استثمار في السودان ..
يفترض نبيع نحن الدافقين مليارين في عمارة وما جايبة اكتر من تسعة مليون في الشهر.
|
Post: #9
Title: Re: تنكر للبيع
Author: عثمان عووضة
Date: 08-03-2016, 07:02 PM
Parent: #8
يا هذا قلنا ليكم مية مرات طلقنا
الغربة قبل ٥ سنوات
والله يا عمر عقد الايحار موجود. ولو
عايز تتاكد برسل ليك صورة منو
|
Post: #10
Title: Re: تنكر للبيع
Author: محمد حيدر المشرف
Date: 08-03-2016, 07:55 PM
Parent: #1
لحدي ما دخلت البوست كنت اسبح اعجابا بالعنوان المدهش ..
تخيلت قصة عن فتاة جامعية تحكي معاناتها في التجمل .. لا تكذب وانما تتجمل ,, تتنكر .. وترغب في طرح تنكرها بمزاد عام في تناص رائع مع رائعة احسان عبدالقدوس (انا لا اكذب ولكني أتجمل)
..
غايتو احرجتني جنس احراج مع ابوحسين !!!
|
Post: #11
Title: Re: تنكر للبيع
Author: عثمان عووضة
Date: 08-03-2016, 08:31 PM
Parent: #10
يا دكتور انتو الليلة الوقع فيكم شنو
كلكم مزودين الجرعة😋😋
والله ركوب الفيل الكتير دا
كان ما لحقكم ابرهة الحبشي😈😈
|
Post: #12
Title: Re: تنكر للبيع
Author: ABUHUSSEIN
Date: 08-03-2016, 09:03 PM
Parent: #11
Quote:
Jalal Mustafa Mokhtar
الرجاء التواصل على واتساب 0097455518069
أعجبني · رد · 5 ساعة
Facebook Comments Plugin |
عايز تبيع ليك بيعة قدر دي(ماشاء الله) و تقول لي مرسل ليك كرتونة منقا ....؟؟؟؟؟
قوم لف طلعت بخيل خلاص ...
ياخ قول لي لوري و ل بوكس كرتونة يا بخيل ......
بعدين تعال دا منبر عام لنشر التقافة و العلوم و تبادل الأفكار و نقاش مشاكل السودان المستعصية دي ....
إنت عايز تبيع ليك تانكر ...؟؟؟
بالله بكره تعال جاري معاك سخل و قول عايز تبيعوا ...
أهو نوعيتك دي هي السبب في تدمير السودان ...
قوم لف إنت و سواق التانكر ...
|
Post: #13
Title: Re: تنكر للبيع
Author: محمد البشرى الخضر
Date: 08-03-2016, 09:48 PM
Parent: #12
يا عمّك أنا في حاجة محيّراني من قبيل في التفاصيل الكتبتها
أولا متشوبيشي امريكي مقصود بيها شنو؟ مجمع أو مصتع في امريكا يعني؟
بعدين قصة مصمم لنقل الجاز أو البنزين أو مياه الشرب دي ما فهمتها لأن لكل تصميم مواصفات مختلفة من ناحية اشتراطات السلامة في الجاز و البنزين و اشتراطات المواد المستعملة في حالة مياه الشرب
و المواصفات الهنا ما بتزبط هناك - ولاّ دا السودان يا قريبك مشّي حالك وكدا :)
|
Post: #14
Title: Re: تنكر للبيع
Author: ABUHUSSEIN
Date: 08-03-2016, 09:53 PM
Parent: #13
| Quote: غايتو احرجتني جنس احراج مع ابوحسين !!! |
و أحرجني أنا زاتي مع نفسي ....
|
Post: #15
Title: Re: تنكر للبيع
Author: Ahmed Yassin
Date: 08-03-2016, 11:52 PM
Parent: #14
الـ (32) مليون هينة
بس تنكرك دا موديل كم؟
وحالتوا الفسيلوجية والنفسية كيف ؟
|
Post: #16
Title: Re: تنكر للبيع
Author: muntasir
Date: 08-04-2016, 00:52 AM
Parent: #15
ان شاء الله يجيك هناي في الخاص ويقايضك كما طلعك بانبوبة غاز وشوية شاف وطلح وغنماية ورطلين زغنبوت
|
Post: #20
Title: Re: تنكر للبيع
Author: عثمان عووضة
Date: 08-04-2016, 02:25 AM
Parent: #16
يا منتصر حلاة دقدق. انا البوديني ليهو
في الخاص شنو من غير محرم
بعدين. انت قايل. الزغنبوت هين
ياخي. الجرام بقی بالشی الفلاني وبالذات
لو كان الزغنبوت بتاع شرق النيل
|
Post: #19
Title: Re: تنكر للبيع
Author: عثمان عووضة
Date: 08-04-2016, 02:16 AM
Parent: #15
هينة كيف يا احمد ياسين يعني؟
اما اذا سالت عن حالتو النفسية والفسيولوجية
فهو بخير والله وبسلم عليك😁
|
Post: #18
Title: Re: تنكر للبيع
Author: عثمان عووضة
Date: 08-04-2016, 02:11 AM
Parent: #13
امنت بالله يا ابو حتحوت
والله اسئلتك دي اكبر مستنير ما يقدر
يجاوبك عليها
انت اخر مرة جيت السودان متين؟
انا خايف الوهم داك يسالني من مواصفات
السخل وهل هو بنت لبون ولا بنت قضيم😉
|
Post: #17
Title: 😋 Re: تنكر للبيع
Author: عثمان عووضة
Date: 08-04-2016, 02:01 AM
Parent: #12
يا ابو حسين السخل لسة بيرضع
ما بقی للبيع 😋
عندنا. شوال قمح وقيراطين ويكة بينفعوا
معاك؟
|
Post: #21
Title: Re: 😋 Re: تنكر للبيع
Author: munswor almophtah
Date: 08-04-2016, 04:22 AM
Parent: #17
سلام يا عووضه حسب الايجار ٣٢ بجيب قيمته فى سنه لكن سعر نعلاتو
كم وصيانته فى الشهر بكم وفيه كم كلم وحالته العامه وبحتاج لشنو
وعمره الإفتراضى كم؟
|
Post: #22
Title: Re: 😋 Re: تنكر للبيع
Author: عثمان عووضة
Date: 08-04-2016, 04:45 AM
Parent: #21
اهلا. منصور
انا. ما عارف انت. طرحت. الاسئلة دي
عندك رغبة تشتري ولا للعلم
علی. کل. حال. التنکر. بي حالة ممتازة وهسي. سافر
لتوصيل. شحتة جاز للخناق اقصی شمال السودان
توقف العمل. مع. الشرکة. الموجرة موقتا لظروف. الخريف
(الشغل في القضارف)
في. حالة. تشغيله. بي. نفسك. مباشرة. (دون ايجار لطرف. تاني)
الدخل. بيننفض طبعا. الی. النصف. تقریبا. مع. میزة اطالة
العمر الافتراضي
حاليا. لا يحتاج. لاي شيء غير. تملا التنك جاز وعلی رزقک
في مصفاة الجيلي
تاكيدا. للحالة. العامة. قامت. الشركة. الموجرة. بفحصه. بواسطة
تلاتة مهندسين. قبل. توقيع. العقد
شكرا
|
Post: #23
Title: Re: تنكر للبيع
Author: عاطف عمر
Date: 08-04-2016, 05:10 AM
Parent: #1
واجتمع الصابئة في حضرة كبيرهم الذي أوردهم إلى ( الحتات ) الباعوها والحتات التي إيجارها 32 مليون بتاع
ثم
يا عيني ما قلت
من الريدة تبت
شنو الوداك تاني
وجابك لى تشكي
أغنية واتذكرتها
ما تشبكوني ياباني وامبريالي واحسان عبدالقدوس وخاتف اللونين
|
Post: #24
Title: Re: تنكر للبيع
Author: عثمان عووضة
Date: 08-04-2016, 05:22 AM
Parent: #23
يا باشمهندس ياخي حرام عليك
من. ديك. وعيك؟
والله بقيت زي بياعين المخدرات
يدوك كم جرعة مجانا في البداية لحدي
ما تتورط وتبقی مدمن بعد داک عینک
ما. تشوف الا النور😉
اظهر یاخ
|
Post: #25
Title: Re: تنكر للبيع
Author: MOHAMMED ELSHEIKH
Date: 08-04-2016, 05:28 AM
Parent: #23
اللون اللون
يعني لو بقى ازرق نطيروا وين ؟
الا يشتروا ناس ابوحتوت بالتعاون مع الكارديك
|
Post: #26
Title: Re: تنكر للبيع
Author: عثمان عووضة
Date: 08-04-2016, 05:39 AM
Parent: #25
علیک الله. یا ود. الشیخ دا سوال دامالک عایز تبقی لي بليد زي ابو حسين وجلالدوناطبعا. اللون احمر بی اصفر. كمان ورا. مرسومات فيهواربع نجمات. کبار وتحتن نجمتین. سغااااار😉ياخي ناس. الأبيض ديل رسامين. جنس. رسملمن. يحيروا. الزول😉
.........،،،،
ملحوظة:
التعديل لإضافة كلمة بليد😁
|
Post: #27
Title: Re: تنكر للبيع
Author: عوض جاه الرسول
Date: 08-04-2016, 05:42 AM
Parent: #25
عثمان عووضة أخوي سلام واحترام
ود البشرى ريحني بي سؤالو ده
| Quote: قصة مصمم لنقل الجاز أو البنزين أو مياه الشرب دي ما فهمتها لأن لكل تصميم مواصفات مختلفة |
لكن شايفك جليتو
|
Post: #28
Title: Re: تنكر للبيع
Author: عثمان عووضة
Date: 08-04-2016, 05:57 AM
Parent: #27
يا عوض يا ود امي ماجليتو
زي ماقلت ليك التنكر موجر لشركة وقالوا
عايزين ينقلوا بيهو موية وعايزين نركب ليهو
رشاش من ورا
انا كان. مفروض اكتب محروقات وموية. بدون
كلمة (شرب)
غلطت. سامحني انا يتيم ياخ😉😉
ابو حتحوت ما رديت عليهو عشان عارف عكلتو
مجرم حرب دا ياخ.....زولي وبعرفو كويس😈😈
|
Post: #29
Title: Re: تنكر للبيع
Author: عاطف عمر
Date: 08-04-2016, 06:09 AM
Parent: #1
Quote: والله بقيت زي بياعين المخدرات
يدوك كم جرعة مجانا في البداية لحدي
ما تتورط وتبقی مدمن بعد داک عینک
ما. تشوف الا النور😉
اظهر یاخ |
عم ( خ ) رجل من أثرى أثرياء رفاعة في حقبة السبعينات
دكاكين وعقارات
حسه التجاري أورثه أن ( يجاري ) كل طبقات المجتمع فهم في نظره ( زبائن ) متوقعين
هذه المجاراة قد أغرت شلة عرفت بامتهان ( القمار )
رأوا فيه فرصة لا تعوض ودجاجة يأكون من بيضها ذهباً
أحكموا خناقهم حوله ليعلموه ( بوكرهم ) و ( حريقهم )
تعمدوا إغراقه في عالمهم
( إنخرتوا ) له في اليوم الأول
و ( إنخرتوا ) له في اليوم الثاني
عاقدين العزم على تعويض ( خسائرهم ) في اليوم الثالث و معها ( دكانين تلاتة ، بيتين تلاتة ) مما يملك
جهزوا حالهم
لم يأت
ذهبوا إليه متفقدين
كان يتوقع حضورهم
فوجدوه جالساً على ( مصلاية )
ولما وصلوه زاد في معيار ( الهمهمة )
إنتظروه حتى فرغ
أجابهم وهى يطوي مصلايته واقفاً
" والله يا أخوان الهداية دي قريبة خلاص ، الله هداني من الميسر بتاعكم الكنت ح أغرق فيهو "
جن جنونهم
وقهقه عم ( خ ) ملئ شدقيه
|
Post: #30
Title: Re: تنكر للبيع
Author: عثمان عووضة
Date: 08-04-2016, 06:45 AM
Parent: #29
حلوة يا هندسة
لكين جماعتك ديل داقسين ساكت
كان يقولوا ليهو يا عم (خ) انت لو
تبت انحنا ما تبنا😂😂
|
Post: #31
Title: Re: تنكر للبيع
Author: محمد البشرى الخضر
Date: 08-04-2016, 06:53 AM
Parent: #29
ههههه
والله وما طالبني حليفة يا عمّك من الصباح كنت عايز اكتبها لكن قلت مافي داع
في النهاية غلبني, جين الغلاط و المحاققة غلب خلّي بالك
و كتبتها وانا أقدّم رجلا و أؤخر أخرى, وعدّلتها - تقرا خفّفتها - زي خرتمية مرّة قبل الإرسال
|
Post: #32
Title: Re: تنكر للبيع
Author: عوض جاه الرسول
Date: 08-04-2016, 07:32 AM
Parent: #31
هههههههههههههههههه
يازول كان كدي خلاس
زاتنا الرشاشات مابندورم
| Quote: سامحني انا يتيم ياخ |
وأنا يتيم وبربي في تيمان .
مودتي ياحبيب...
|
Post: #33
Title: Re: تنكر للبيع
Author: عوض جاه الرسول
Date: 08-04-2016, 07:39 AM
Parent: #32
| Quote: لتوصيل. شحتة جاز للخناق اقصی شمال السودان |
تعرف الجابني انو تنكرك ده بيوصل لناس الخناق مدينتنا الحبيبة ومرتع صبانا
وداخلاني حليفة أصاقر بوستيكـ ده لامن القى ليك شراي (بتشديد الراء)
|
Post: #35
Title: Re: تنكر للبيع
Author: عثمان عووضة
Date: 08-04-2016, 08:20 AM
Parent: #32
يا عوض رشاش. ومن ورا كمان
شفت المحنة النحنا فوكا دي😉
|
Post: #34
Title: Re: تنكر للبيع
Author: عثمان عووضة
Date: 08-04-2016, 08:02 AM
Parent: #31
ابو. حتحوت تخفف شنو حرام عليك ياخي 😈
يمين الله لو ما اتفشينا في بعض المغسة تشقنا
كرررررر
كدا زعلتني (عن چد) والله----شفت الجيم المعطشة دي
قاعدة. كيف...حلاتها. حناكيش وكدا بس الواحد فينا اتواضع
وبارا هناي الفقر داك
تاني ما نخليني ازعل منك ياخ سمح؟
...
ما ماشي الابيض. قريب😉😂
|
Post: #36
Title: Re: تنكر للبيع
Author: Hassan Makkawi
Date: 08-04-2016, 11:47 AM
Parent: #34
ما يفوتكم يا شباب تنكر عووضة....
|
Post: #37
Title: Re: تنكر للبيع
Author: Hassan Makkawi
Date: 08-04-2016, 11:49 AM
Parent: #36
|
Post: #38
Title: Re: تنكر للبيع
Author: عباس الدسيس
Date: 08-04-2016, 12:55 PM
Parent: #37
حبيبنا Hassan Makkawi سلام وصاحب البوست
ياخ خربت للزول البيعه لو دا من زمن الالتا والسودان القديم
معقوله متسوبيشي امريكي امشي من القضارف للجيلي
ولله في خلقه شئون
|
Post: #40
Title: Re: تنكر للبيع
Author: عثمان عووضة
Date: 08-04-2016, 01:19 PM
Parent: #38
عباس یاخي شنو ياخ
انت معانا ولا مع الخيانة😈😈
|
Post: #39
Title: Re: تنكر للبيع
Author: عثمان عووضة
Date: 08-04-2016, 01:16 PM
Parent: #37
تشكر. يا حسن مكاوي يا حبيب
بس اوعی تکون خاتي عينك علی الکومیشن😂
|
Post: #41
Title: Re: تنكر للبيع
Author: عباس الدسيس
Date: 08-04-2016, 01:28 PM
Parent: #39
Quote: عباس یاخي شنو ياخ
انت معانا ولا مع الخيانة😈😈 |
معاك يا ديجانقو بس عايزين ندعم حسن مكاوي في الكوميشن
|
Post: #42
Title: Re: تنكر للبيع
Author: Hassan Makkawi
Date: 08-04-2016, 01:38 PM
Parent: #41
الأحباب عووضة ودسيس
انا بس قصدى المابشترى ال يتفرج...
|
Post: #43
Title: Re: تنكر للبيع
Author: عبدالعظيم مكى
Date: 08-04-2016, 01:42 PM
Parent: #41
التناكر في وضعها العادي بتصفي 250 جنيه في اليوم وبمعدل تشغيل 24 يوم في الشهر بتصفي 6 مليون.
اما اجار 32 مليون في الشهر دي حاجة خاصة ومتعلقة بعلاقات لا يمكن للجميع الحصول عليها.
تحياتي
|
Post: #44
Title: Re: تنكر للبيع
Author: عثمان عووضة
Date: 08-04-2016, 03:00 PM
Parent: #43
استاذ عبد العظيم مكيان شاء الله طيب ورايق
خليني اجيك بي واحدة واحدةتصدق وتامن ٢٥٠ في اليوم دي بصفوهابتاعين كاروهات الحمير. بدون مواخذةطيب...انا عندي التنكر المعروض للبيع دا مشی الخناق امبارح وهسي راجع الخرطوم ومشوارو دا مليونين بعد خصم المصروفات وممکن اديك تلفون السواق اسالو لكي يطمئن قلبک
عندي تنكر كبير حمولة ١٠ الاف جالون هسي في ابو ضلوع ماشي ارقو وبيصفي تلاتة مليون في مشوارو وطبعا. فارقالمسافة والحمولة هي البتحدد. عايد السفرية
تزفون. السواق برضو موجود في الحفظ. والصون...انت عارف يا عبد. العظيم انو المنفستو بتاع نيالا ٦٢ مليون ولو خصمت نص المبلغ دا. مصاريف يبقی صافي المشوار ٣٠مليون
منفستو بليلة ٢٧ مليون اخصم منها ١٢ مصاريف
كلامك عن. ايجار الشهر صحيح ١٠٠٪ وكمان سكن السواقواكلو علی الشرکة الموجرة
مع تحياتي واحترامي ليك
|
Post: #45
Title: Re: تنكر للبيع
Author: عبدالعظيم مكى
Date: 08-05-2016, 06:10 AM
Parent: #44
تحياتي
انا تحدثت عن الوضع العادي وبعد خصم كل المنصرفات.
انا ما عارف الكارو ال بصفي 250 جنيه في اليوم لكن متأكد ان عائد الحافلة القريس 150 جنيه ولو طلعنا 50 جنيه استهلاك يكون عائدها 100 جنيه. بالنسبة لعائدات مشاوير غرب السودان كبير جدا لكن ما بتضمن ترجع ليك تاني.
|
Post: #46
Title: Re: تنكر للبيع
Author: عبدالعظيم مكى
Date: 08-05-2016, 06:20 AM
Parent: #45
عندنا مجموعة من العربات ما بتصفي قرش واحد وهي واقفة في البيت بدون شغل. لو شغلانها اياهو عائدها الضعيف دا. قايتو يا تكون مؤتمر وطني يا عندك زول مؤتمر وطني يشغل ليك عرباتك بأسعار عالية.
|
Post: #47
Title: Re: تنكر للبيع
Author: عثمان عووضة
Date: 08-05-2016, 07:38 AM
Parent: #46
عبد العظيم صباح الخير
يا عبد العظيم ياولدي انا بتكلم
عن التناكر فقط لا غير لانو عندي خبرة
فيهم لا اكتر ولا اقل
وعرضت عليك انو اديك تلفونات السواقين
عشان تتاكد انو عمك ما كضاب وكل كتبتو
هنا دا انا مسؤول منو تماما
وعشان. تتاكد. اكتر. لو انت. قاعد. في الخرطوم
نتفق. نتلاقی في. اي محل يعجبك واثبت ليك
كلامي دا كلو علی الطبیعة ولو ما لقيتو
صحيح ١٠٠٪ تعال افتح بوست وقول للناس
الزول. دا. نصاب وكضاب ما يغشيكم
زي ما قلت ليك. انا خبرتي. في التناكر
يعني عرباتك الواقفة دي. كلها ما بقدر
افتي فيها لا بالحق لا بالباطل
لو. عندك تنكر. انا. مستعد اشغلو ليك
وبالدخل الذكرتو انا هنا وما عايز منك
لا قرش لا تعريفة
يا عبد العظيم في سماسرة شحن مستعدين
يشحنوا ليك مية تنكر طالما بتديهم حقهم
يعني الحكاية. مسالة. سوق ودي الحتة. الوحيدة
الما. دايرة موتمر وطني
....
عبد. العظيم. يا ولدي قالوا الما بيعرفك بيجهلك
اسال مني. الناس البيعرفوني. وفيهم. عدد كبير
كانوا. معاي في. الجامعة بيوروك. انا موتمر وطني
ولا لا
ياخي. انا لو مؤتمر وطني. حايم. في. الاسافير
عشان. ابيع. لي. تنكر
بعدين. داير. اقول ليك. حاجة:
انا. عايز ابيع. التنكر مش لاني. ما. قادر
اشغلو. او دخله. ٦ مليون. زي ما قلت. انت
لكن لظرف معين وهسي. لو حليت. لي
المشكلة. علي. الطلاق. بي مليار. ما. ابيعو
الله. يحفظك. ياخي
|
Post: #48
Title: Re: تنكر للبيع
Author: جلالدونا
Date: 08-05-2016, 07:50 AM
Parent: #47
أوّوّدنجى
نويت اشترى بس كمان التنكر الجاب صورتو النقنتوود حسنتوود
ازرق و ابيض و كمان فيهو رشاشة
اقترح ود الباوقة و لو جاك فى الخاص
احتمال يحتاجو للمزرعة و بالعدم بوفيه السفارة ينقل بيهو فول
|
Post: #51
Title: Re: تنكر للبيع
Author: عثمان عووضة
Date: 08-05-2016, 08:04 AM
Parent: #48
اوووو نقنتود صاحبي
وين انت ياخ وحاة كتاب الدين
مشتاغون
الجابك شنو الليلة
ما قالوا العبيد بيربطوهم يوم الجمعة😂😂
|
Post: #49
Title: Re: تنكر للبيع
Author: muntasir
Date: 08-05-2016, 07:54 AM
Parent: #47
تَنكُر ولا ما تَنكُر تجيب صورة تَنكر أصلاً عرفنا الرشاش ورا كان عندو دقن تنكرك كوز
|
Post: #50
Title: Re: تنكر للبيع
Author: عبدالعظيم مكى
Date: 08-05-2016, 08:04 AM
Parent: #49
الاخ عثمان تحياتي
يا اخي حملت كلامي اكتر مما يحتمل وانا لست من الناس من يتهم الاخريت بالكذب. البلد دي ما فيها اي منطق ممكن تأجر التانكر حقك ب 32 مليون في الشهر ولا يجد اخر من يأجره بست مليون.
لك العتبى حتى ترضى.
|
Post: #53
Title: Re: تنكر للبيع
Author: عثمان عووضة
Date: 08-05-2016, 08:22 AM
Parent: #50
يا. عبد العظيم. الله يديك الفي مرادك
ياخي ولا يهمك. مافي عوجة طب بس انا جيت اديك معلومات صحيحة عن الحاجة البعرفها لا اكتر ولا اقل
لكين والله حكاية الحافلات. والغريسات دي عودي. فيها زي. عود جلالدونا المطرطش دا😉انا اعتذر. اذا شعرت بحدة في كلامي وتاكد انو ما كان. قصدي بس نصيحتي ليك. عرباتكم دي حولوها. لي تناكر. وعرضي ما. زال قائماً انو حيشتغلو. زي
الترتيب
ولو بتقدروا تعملوا. تلاتة تناكر. حمولة ٣٢٠٠ و ٧٠٠٠ و. ١٠٠٠٠ يكون تمام. التمام
......
هسي. كدا كويس؟
خليتنا. نفك جزء من اسرار المهنة مجانا😉😉😉
|
Post: #52
Title: Re: تنكر للبيع
Author: عثمان عووضة
Date: 08-05-2016, 08:11 AM
Parent: #49
منتصر ياخي والله العظيم
انا ما نكرت
مية. مرات قلنا ليكم خلوا القراية
بالاضنين يا هؤلاء😉😉
هسي اقوم. ارشكم😈😈😈
|
Post: #54
Title: Re: تنكر للبيع
Author: Salah Zubeir
Date: 08-05-2016, 08:52 AM
Parent: #52
Quote: عبد. العظيم. يا ولدي قالوا الما بيعرفك بيجهلك
اسال مني. الناس البيعرفوني. وفيهم. عدد كبير
كانوا. معاي في. الجامعة بيوروك. انا موتمر وطني
ولا لا
ياخي. انا لو مؤتمر وطني. حايم. في. الاسافير
عشان. ابيع. لي. تنكر |
أخوي عثمان ,,, سلام
1 :- يا خوي كلامك دا كلام غواسات مؤتمر وطني ساكت.
2 :- ناسك البعرفوك مثلا" أبوحسين معروف ومعترف إنو كوز أما ود البشري أسأل جادات.
3 :- بعدين حوامت الأسافير للبيع والشرا أهندا ود الباوقة أكان شاف البوست دا أكان جاك
وقال ليك تعال لي في الخاص.
فياخي معروف إنو لا المكان ولا الزمان بيسمح تعترف إنك كوز.
,,,,, وكما قال :- تحياتي وإحترامي
|
Post: #55
Title: Re: تنكر للبيع
Author: عثمان عووضة
Date: 08-05-2016, 09:13 AM
Parent: #54
يمين. الله يا. عبد العظيم اتدقينا
بالسيخ واتسجنا واتعذبنا بي سبب
الكيزان وما زلنا. نتعذب.
ابو حسين دا اصلو. ماتجيب لي سيرتو
ود البشری ماشي. كويس وبعد يرجع من الأبيض
بيكون وصل...دي ما محتاجة تسأل جادات
في. واحد كدا مضيق ليهو خلقو ليهو سنين
ساكيهو. من بوست لي. بوست اسالو منو😉😉
اما. لو سالت. عن. ود الباوقة مرقوني. منو كرعيني الطوال
ديل
|
Post: #56
Title: Re: تنكر للبيع
Author: Salah Zubeir
Date: 08-05-2016, 09:17 AM
Parent: #55
| Quote: يمين. الله يا. عبد العظيم |
شنو يا مرسي ,,,, عبدالعظيم دا منو ,,,,,
|
Post: #61
Title: Re: تنكر للبيع
Author: عثمان عووضة
Date: 08-05-2016, 07:19 PM
Parent: #56
ود الزبير يا منقة صلحتهاااااا
صلحتها ما تشيل حسي ياخ
ياخي لكين عبد العظيم عطشني ياخ 😈😈
ياخي قبيل جيت من صلاة الجمعة قلت
اخد لي قيلولة سغيرة
اسغر من حقت ود الباوقة بي شوية
بالله ماختيت راسي كويس اكان يجيني
ليك في المنام
اها يا عبدو خير؟
قال لي. ياخ الإمام جا راجع تاني وقال تعيدوا الصلاة
ليه يا عبدو اخوي؟
قال الإمام اتذكر انو صلی بیکم بدون وضو😢😢
علیک النبي دي حالة دي؟
|
Post: #57
Title: Re: تنكر للبيع
Author: ABUHUSSEIN
Date: 08-05-2016, 09:20 AM
Parent: #54
Quote: ياخي. انا لو مؤتمر وطني. حايم. في. الاسافير
عشان. ابيع. لي. تنكر |
عايز تنكر إنك ديك إلكتروني ....؟؟؟؟؟
دي أخطر المهمات الإستخباراتية .....
قوم لف إنت قايل التخفي بتاعكم دا ما بكتشفوه الناس....
إنت قبل فترة ما فتحت بوست قلت عايز تبقى مؤتمر وطني ....؟؟؟؟؟
قال تانكر قال .....
|
Post: #58
Title: Re: تنكر للبيع
Author: عثمان عووضة
Date: 08-05-2016, 09:33 AM
Parent: #57
اخ ابو حسين السلام عليكم وررحمة من
الله اخي الكريم وجمعة مباركة
مع تحياتي واحترامي 😉
|
Post: #59
Title: Re: تنكر للبيع
Author: جلالدونا
Date: 08-05-2016, 06:21 PM
Parent: #58
اوّوّدنجى
سيبك من الناس الفوق ديل
ديل فراجّة ساكت ما ناس شروة
يا زول اشتريناهو بس تجاوب لينا على السؤال ده عشان البيعة تتم
الحتة الوحيدة البطلع منه الزول و ما بقفل الباب وراهو
دى شنو ؟
|
Post: #60
Title: Re: تنكر للبيع
Author: عبدالحفيظ ابوسن
Date: 08-05-2016, 06:34 PM
ههههههههه
ياخوي بيعتك نفست
عدوها ليك قرقرة بس
خشيت في كلمة قالها الدسيس
ألتا
ياخ الزول دة قديم خلاس من زمن الالتا
|
Post: #63
Title: Re: تنكر للبيع
Author: عثمان عووضة
Date: 08-05-2016, 07:36 PM
Parent: #60
نسوي شنو. عاد. يا ود اب سن
خوة اخر الزمن بقت كدي
هسي واحد فيهم ماقال لي تعال لي
في الخاص عشان نعرف مشكتك شنو
الخلتك تعرض التنكر يمكن نحلها ليك😈😈
|
Post: #62
Title: Re: تنكر للبيع
Author: عثمان عووضة
Date: 08-05-2016, 07:29 PM
جلالدونا زمان في الأولية المدرس
سالنا البنی الکعبة منو
معانا واحد عندو خالو شغال بنا
اها. صاحبنا رفع ايدو
اها. يا عبد. الفتاح. قوم جاوب
قال. ليهو يمكن بناها خالي عبد. الفضيل😉
...
هسي. يا ربي الشي دا. يكون البناهو. عبد الفضيل
|
Post: #64
Title: Re: تنكر للبيع
Author: عاطف عمر
Date: 08-05-2016, 08:27 PM
Parent: #1
يعني التنكر طلع لا معروف متيسوبيشي لا أمريكاني
وعمك عووضة طلع مؤتمر وطني أو ديك الكتروني
وأصحاب عمك عووضة طلعوا مافيهم فايدة كدا ينادوا بيها زولهم في الخاص
والرهط الموانساتية لا بيشتروا لا بيدوا مشتري جادي فرصة عشان يقول يفتح الله
والحال هكذا
الله يعدلها عليك يا البروف أمين محل ما تقبل
|
Post: #65
Title: Re: تنكر للبيع
Author: muntasir
Date: 08-05-2016, 08:35 PM
Parent: #64
ملك التانكرات أرسطو أوناسيس لسة تنكر ما باع
|
Post: #66
Title: Re: تنكر للبيع
Author: عثمان عووضة
Date: 08-05-2016, 08:45 PM
Parent: #64
عاطف يا حبيب غايتو اكلنا تبن
الجماعة طلعوا ما عندهم. سالفة بي
روبية😈
نمشي ننوم بي مغستنا احسن يا. ود امي😏😏
|
Post: #67
Title: Re: تنكر للبيع
Author: ايمن الصادق
Date: 08-07-2016, 07:13 AM
Parent: #66
سلامات جميعآ . .
بوست تحفه والله ، طولت ما ضحكت بقوه زي كدا.
بالتوفيق .
|
Post: #68
Title: Re: تنكر للبيع
Author: عثمان عووضة
Date: 08-07-2016, 07:22 AM
Parent: #67
ان شاء الله دايما ضاحك يا ايمن ياخي
اها خلينا في النجيضة
داير التنكر ولا زي اصحابي الما
منهم فايدة ديل😈😈
|
Post: #69
Title: Re: تنكر للبيع
Author: ايمن الصادق
Date: 08-07-2016, 12:08 PM
Parent: #68
Quote:
ان شاء الله دايما ضاحك يا ايمن ياخي
اها خلينا في النجيضة
داير التنكر ولا زي اصحابي الما
منهم فايدة ديل😈😈 |
كتر خير يا ( عم عثمان ) ... وكرم منك إذا سمحت لي لما بين القوسين ^_^ .
ياخ إن شاء الله بيعة ساهله ، ومحبوبه ليك .
وتشرفت ببوستيك ، ومداخلاتو ( الغير دي هههههه )
وداير أهمس ليك .
يكون جميل لو فتحت بوست جديد أعلنت فيهو بيع التانكر وتزيد ( يوجد وكيل ) .
وكت ما لقينا شغل ، خلينا نشتغل وكيل تانكر ، برضو أظرف من وكيل فرن ههههه مع الإحترام لكل الشغلانات والمهن .
وباين عليها شغله كويسه ، لاحضور وداوم لا غيرو ولا ( الحِفير ووضع المتاريس ) القاعد يحصل في الخدمه المدنيه دا .
كل الخير لكم .
وممتن .
|
Post: #70
Title: Re: تنكر للبيع
Author: حمد عبد الغفار عمر
Date: 08-07-2016, 06:48 PM
Parent: #69
ياخ لو عايز تطلع من السودان انا برسل ليك فيزا وجيب معاك التانكر
حيتباع في ميناء جدة قبل ما يمرق سيبك من دولتنا التي لا يظلم عند وزير عدلها أحد دي
|
Post: #71
Title: Re: تنكر للبيع
Author: السر عبدالله
Date: 08-08-2016, 09:30 PM
Parent: #70
الاستاذ عثمان عووضة
اها يا عثمان جيتك زول جادي وعاوز يشتري..لانه بصراحة الثمن الانت عارضه للتانكر ثمن جيد جدا
لاني ٍ سألت السعر هنا في نيويورك وفي محل التانكرات المستعملة ووجدت الأسعار خيالية .. واذا انت صحي
عاوز 450 مليون جنيه سوداني.. عاوزين تفاصيل.. عن الموديل وتوفر الاسبيرات في السودان...
ولقيت الاسعار هنا في نيويورك : تانكر البنزين موديل 2008 ثمنه 150 ألف دولار.. لكن بحالة ممتازة جدا
وموديل 1987 ثمنه 60 ألف دولار.. والوديل الأقدم 18 ألف دولار \زز ولكن في نفس الوقت وجدت موديل 2012م سعره 30 ألف دولار واظن
السعر يتوقف على الصناعة اذا يابانية او امريكية او المانية ...وكدي اقلب الدولارات دي جنيهات سودانية وشوف الاسعار دي بالسوداني كم؟؟
وطبعا ده غير ثمن الشحنه للسودان عن طريق السعودية لان الشحنات مباشرة للسودان ممنوعة..( وبعدين فرق لينا بين السعر الجديد ولا القديم..
واظنك بقولك 450 مليون جنيه قاصد بالقديم يعني 450 ألف جنيه ....ولا قاصد 450 مليار جنيه..
.. وبالناسبة انا كنت صحفي في وكالة سونا للأنباء من شهر مايو 1978م إلى شهر ديسمبر 1978م...وشردت من السودان عام 1990م .. وياها من ديك
وعييك...
|
Post: #72
Title: Re: تنكر للبيع
Author: السر عبدالله
Date: 08-09-2016, 03:19 PM
Parent: #71
في انتظار التفاصيل يا عثمان
عشان عندنا النية للاستقرار في السودان نهائيا ..
وكدي كمان ورينا تجربتك بعد عودتك من الغربة واستقرارك
في السودان.. ورد لينا بنعم او لا.. نجي ولا ما نجي؟؟؟
|
Post: #73
Title: Re: تنكر للبيع
Author: عثمان عووضة
Date: 08-09-2016, 08:43 PM
Parent: #72
حبيبي السر
معليش تأخرت عليك بسبب الحادث
الذي تعرضت له
بدون الخوض في التفاصيل:
-لا انصحك باحضار العربة. من امريكا
والافضل تشتريهو. من هنا
-لا تجعل تجربة اي زول قاعدة لقرارك
بالعودة والاستقرار. في السودان
-انا مستعد. اساعدك بكل ما املك
بس. الكلام. الكتير هنا. ما بينفع اذا
عندك. نية. الحضور. للسودان. قريب
اهلا. بيك وتلفوني. موجود. واذا عندك. زول
عايز. توكلو اهلا بيهو.
سنة. تمانية وسبعين. انا طلعت من سونا و
هاجرت وبما. انك زميل. مهنة. يبقی. عندي ليك
معزة خاصة
لو. ضزبت. لي تلفون. يكون. احسن
تحياتي
|
Post: #74
Title: Re: تنكر للبيع
Author: عثمان عووضة
Date: 08-10-2016, 06:25 AM
Parent: #73
يا. السر لقيتك. من ناس كوستي كمان
ود اب سن راجل. حبوب ومحاور جيد
اذا. بتعرفو ممكن تنسق. معاهو يديك
معلومات كويسة. حاكم انو هو زول سوق
ولو. لقينا فرقة. نودي. ليهو. العربية وهو ياعد في
بكانو ولو عندو. جية للخرطوم خير وبركة
|
Post: #75
Title: Re: تنكر للبيع
Author: عزالدين عباس الفحل
Date: 08-10-2016, 08:53 AM
Parent: #74
عثمان عووضة
سلام أخوي عووضة ،
أها سيارة الـ Prado
وديتها الكراج للسمكرة ،
غايتو عين أصابتك ،
،،،،،،،
عزالدين عباس الفحل
ابوظبي
|
Post: #76
Title: Re: تنكر للبيع
Author: عثمان عووضة
Date: 08-10-2016, 09:34 AM
Parent: #75
عز الدين اختشي😉
انت. ما. قالوا. مرسل. لي واحدة.
من. الامارات. نسيت مالك
|
Post: #77
Title: Re: تنكر للبيع
Author: Hassan Makkawi
Date: 08-10-2016, 10:17 AM
Parent: #76
Quote: نت. ما. قالوا. مرسل. لي واحدة.
من. الامارات. نسيت مالك |
حمدنا الله على سلامتك يا عووضة ياخ
البتاع دة سعرو فقرى جداً اصلو ما بنزل
جديد او مستعمل.....
غايتو سمكر وكان نقصت قطع غيار قول عووك...
|
Post: #78
Title: Re: تنكر للبيع
Author: عثمان عووضة
Date: 08-10-2016, 11:06 AM
Parent: #77
حسن مكاوي ياحبيب
والله يا ابو علي ما بتقصر
الله يحفظك من. كل بلاء
.....
انت عارف يا ابو علي انا
بحبك لي سنين عشان صورة
البروفايل حقتك دي
انا. مرضان بي. صيد. السمك
مرض. عديل
في. ابو. ظبي كان عندي طراد
بمشي. بيهو لغاية بندر عباس
والصيد. من وزن ٣٥ كيلو للسمكة
الواحدة وانت طالع
|
Post: #79
Title: Re: تنكر للبيع
Author: عزالدين عباس الفحل
Date: 08-10-2016, 11:39 AM
Parent: #78
عثمان عووضة
سلام أخوي عووضة ،
طراد عديل كدي في أبوظبي ؟
و Prado في الخرطوم ،
الراحات ،
،،،،،،،
عزالدين عباس الفحل
ابوظبي
|
Post: #80
Title: Re: تنكر للبيع
Author: عثمان عووضة
Date: 08-10-2016, 12:25 PM
Parent: #79
قول ما شاء الله
تلاتة وتلاتين سنة الرطوبة نشفت
ريقنا اكان ما مرقنا منها بي فايدة
يبقی رماد خشمنا
|
Post: #81
Title: Re: تنكر للبيع
Author: عزالدين عباس الفحل
Date: 08-10-2016, 12:37 PM
Parent: #80
عثمان عووضة
سلام أخوي عووضة ،
ربنا يديك الصحة و العافية ،
وراحة البااااااال ،
إنتو الرعيل الأول في الأمارات ،
جيل من ذهب ،
قلت لي بتعرف المهندس عبدالله الكثيري ،
صااااااااااح ،
،،،،،،،
عزالدين عباس الفحل
ابوظبي
|
Post: #82
Title: Re: تنكر للبيع
Author: معاوية الزبير
Date: 08-10-2016, 12:37 PM
Parent: #80
| Quote: سنة. تمانية وسبعين. انا طلعت من سونا |
حمدا لله على السلامة.قلت لي "رأيت الله"! عايزنها للمستنير لكن بدون حادث أو أذية.
ياخي معانا في الدوحة أربعة من الأصدقاء الكانوا في سونا في مطلع السبعينيات
بتعرفهم؟ 
|
Post: #83
Title: Re: تنكر للبيع
Author: جلالدونا
Date: 08-10-2016, 02:29 PM
Parent: #82
منّها نرفع البوست
و منّها نساعد فى البيعة
و برضو اثبات حقّى فى السمسرة
معاى ود عمى
Jalal Mustafa Mokhtar
حاضر و قروشو جاهزة و ده تلفونو و واتسابو
| Quote: الرجاء التواصل على واتساب 0097455518069 |
|
Post: #84
Title: Re: تنكر للبيع
Author: السر عبدالله
Date: 08-10-2016, 02:41 PM
Parent: #82
عثمان اخوي كيفك وكيفك مع السيول والأمطار .. وبعدين ما تتذمروا من الامطار الغزيرة ..دي علامات الخير والبركة واظن زي ما بيقول حبيبنا ود الباوقة خلاص انبهلت .. والخير سيعم السودان.. حاتصل بيك تلفون .. وانا الآن خارج نيويورك .. عشان نعرف التفاصيل .. واذا جينا الخرطوم قريب نتلاقا ان شاء الله. اما بالنسبة لصاحب القلم الذهبي عبد الحفيظ ابو سن فهو بالنسبة لجيلنا طفل يحبو واظنه يكون مولود بعد ما اتخرجنا من القوز الثانوية او قول بعد ما اتخرجنا من الجامعة.. لكن يبدو ان اخوهو الأكبر احمد كان في دفعتنا في المدرسة الوسطى..واتمنى ان اقابله عندما ازور كوستي في القريب العاجل..وانا فعلا مولود في كوستي في حي السكة حديد .. منزل رقم 214 . وطبعا بيوت السكة حديد كانت مرقمة ومخططة زي بيوت الخواجات في الريف الانجليزي لان مدراء السكة حديد في ذلك الوقت كانوا من المشهودين لهم باكفاءة والمقدرة والبراعة وحسن الادارة ومنهم المهندس المعروف الجمري ابو نورة ومصطفى نوري.. ووالدي المرحوم كان يعمل في النقل النهري... وعشت حياتي كلها في كوستي وكرمة البلد وما شفت الخرطوم الا لمن دخلنا الجامعة....ويا حليل لمن كنا في شباب الانصار.. وطبعا كنا تبع السيد الصادق المهدي.. ونجري برجلينا من ربك حتى كوستي لمن يجينا زائر لكوستي.... اها شن قولك اذا قلت ليك لهسه نحن بنعتبره رئيس الوزراء الشرعي للسودان... واذا حصل اي انقلاب تاني لازم نعود للمربع الأول ونبدأ من محل ما وقفنا ويرجع هو رئيس وزراء ويعود الحال كما كان ليلة 30 يونيو 1989م وبعد داك نشوف الحاصل شنو .. ويقرر الشعب اذا ممكن ننظم انتخابات جديدة من عدمه.. ..
ياخي طلعنا من الموضوع وخشينا في السياسة التي تفرق ولا تجمع.... وان شاء الله نجتمع دائما في ساعة الخير ونتلاقى لمن نجيكم في الاجازة في الخرطوم...وبتصل بيك تلفون..
مع مودتي
|
Post: #85
Title: Re: تنكر للبيع
Author: عثمان عووضة
Date: 08-10-2016, 04:27 PM
Parent: #82
ود الزبير صاحبي
الاربعة ديل قطع شك واحد فيهم قريبي
عبد العظيم محمد عبد الرحيم (يمني)
التلاتة الباقين منو؟
|
Post: #86
Title: Re: تنكر للبيع
Author: معاوية الزبير
Date: 08-10-2016, 04:41 PM
Parent: #85
صديق محيسي
مأمون الباقر
علي بابكر
|
Post: #87
Title: Re: تنكر للبيع
Author: عثمان عووضة
Date: 08-10-2016, 04:51 PM
Parent: #85
يا ود الزبير. يمين. الله فتحت البوست
عشان. اقول ليك صديق محيسي و مامون الباقر
لقيتك كاتبم
بس علي دا ما اتذكرتو
|
Post: #88
Title: Re: تنكر للبيع
Author: عثمان عووضة
Date: 08-10-2016, 05:26 PM
Parent: #87
يا معاوية عليك الله اديهم. تلفوني انا عيان ويتيمما بقدر اضرب ليهم😏بالله مامون الباقر لسة حي؟صديق محيسي اصلو نعير ومن عمرو اربعين يوم ولي يوم الناس هذا مااتغيربس اوعی تکلمو😁
|
Post: #89
Title: Re: تنكر للبيع
Author: معاوية الزبير
Date: 08-10-2016, 06:23 PM
Parent: #88
| Quote: بس علي دا ما اتذكرتو |
طبعا، علي ما بكون دفعتكم، شاب لسه صغير أبو 60 كدا
يا دوبك بكون عندو برينسة (عشان نرجّع البوست إلى مساره)
|
Post: #90
Title: Re: تنكر للبيع
Author: عزالدين عباس الفحل
Date: 08-11-2016, 09:06 AM
Parent: #89
عثمان عووضة
سلام أخوي عووضة ،
ما جاوبت ع السؤال ؟
،،،،،،،
عزالدين عباس الفحل
ابوظبي
|
Post: #91
Title: Re: تنكر للبيع
Author: عثمان عووضة
Date: 08-11-2016, 12:18 PM
Parent: #90
يا عز الدين انا بقصد عبدالله الكثيري
سكرتير شيخ عبد الله بن زايد وليس
المهندس
|
Post: #92
Title: Re: تنكر للبيع
Author: عزالدين عباس الفحل
Date: 08-14-2016, 05:42 AM
Parent: #91
عثمان عووضة
سلام أخوي عووضة ،
أسعد الله صباحك بالخير ،
المعذرة لا أتعاقر النت في الـ Weekend
في الـ Weekend بنمشي البحر ،
متعة السباحة في مياه الخليج العربي ،
أفتكر كنت قاصد المهندس . عبدالله الكثيري ،
رئيس قسم الهندسة ،
لكن الظاهر عليك إنك كنت شغال في الإعلام ،
أيااااااام البروف علي شمو ،
الإعلامي الفذ ،
صااااااااح ،
،،،،،،،
عزالدين عباس الفحل
ابوظبي
|
Post: #93
Title: Re: تنكر للبيع
Author: عثمان عووضة
Date: 08-14-2016, 08:37 AM
Parent: #92
صاح
|
Post: #94
Title: Re: تنكر للبيع
Author: جلالدونا
Date: 08-14-2016, 08:40 AM
Parent: #93
صاحين
|
Post: #95
Title: Re: تنكر للبيع
Author: عثمان عووضة
Date: 08-14-2016, 02:26 PM
Parent: #94
يا نقنتود كيفك
يازول ابعد مني ما يحو يلحقوني وضاحة
|
Post: #96
Title: Re: تنكر للبيع
Author: معاوية الزبير
Date: 08-14-2016, 02:45 PM
Parent: #95
أصحابك بسلموا عليك يا عووضة وحكوا عنك سيرة جميلة خلاص مواقف وطرائف لغاية ما اتمنيت اكون معاكم الزمن داك..
لذلك استغربت كيف تكون نهايتك بي صحبة دهماء زي البالي بالك
|
Post: #97
Title: Re: تنكر للبيع
Author: عثمان عووضة
Date: 08-14-2016, 03:06 PM
Parent: #96
وسوي شنو يا ود الزبير يا ود امي
اهو اخرتها نقعد مع اولاد العاهرين ديل😜
...اوعی یکون حکوا لیک حقت قزازة الشري
الفي درج المكتب وحكايتي مع جقدول
بتاع المريخ الله يرحمه 😎😎
|
Post: #98
Title: Re: تنكر للبيع
Author: معاوية الزبير
Date: 08-14-2016, 04:27 PM
Parent: #97
خلاص نفكها بعد اذنك
ما قزازة واحدة، قزازتين من كوبا كوباني
كل صباح الفرّاش يجي يلقى قزازتين في بلكونة المكتب، طبعا كلم مصطفى أمين وبرضو مافي فايدة
فجأة بعد سفرك القزايز اختفت من تلقاء نفسها ههه
لكن عجبني ردك للأستاذ مصطفى بعد رجعت في اول اجازة
قالوا قلت ليهو الوكالة بتاعت نظام نميري دي تستحق يتعاملوا معاها كدا
مناضل من زمان
هسي بقيت غواصة
دنيا
|
Post: #99
Title: Re: تنكر للبيع
Author: عثمان عووضة
Date: 08-14-2016, 08:09 PM
Parent: #98
يا ود الزبير ياخي ديك ايام عجيبة
الواحد راتبو ستين جنيه. تقلب بيها الخرطوم
فوق تحت وبعد دا تجي. اخر اشهر تلقی باقي
منها ٦٣ جنيه
.....
انت. من زمن غواصة
ياخي انا اترقيت وبقيت كرور
عشان ما باركت لي يعني😈😈
|
Post: #100
Title: Re: تنكر للبيع
Author: جلالدونا
Date: 08-14-2016, 08:29 PM
Parent: #99
لكن كروريتك عينة
فى زول بخت ليهو قزازة شرى فى درج
و مال الراس يختّو فيه شنو
krorism human
►◄
|
Post: #101
Title: Re: تنكر للبيع
Author: عثمان عووضة
Date: 08-14-2016, 08:39 PM
Parent: #100
يا نقنتود كدي خليني من الراس و
(ما تحته) 😜 انت جيت الكم؟
عارفك في العشرة الاوايل. لكين انا احسن
منك
انا جيت التالت غايتو
ابو حسين قرب يمرق من العشرة الأوائل
بس ربنا ستر
|
Post: #102
Title: Re: تنكر للبيع
Author: محمد جبره
Date: 08-15-2016, 01:15 AM
Parent: #101
| Quote: كل صباح الفرّاش يجي يلقى قزازتين في بلكونة المكتب |
نقلا عن سونا ..نقلا عن سونا ....اتاري سونا بايتة ومقيلة في بار المحبة لصاحبه الخواجة قديس !!
|
Post: #103
Title: Re: تنكر للبيع
Author: جلالدونا
Date: 08-15-2016, 01:35 AM
Parent: #102
هههههههه
| Quote: نقلا عن سونا ..نقلا عن سونا ....اتاري سونا بايتة ومقيلة في بار المحبة لصاحبه الخواجة قديس !! |
على ايام مديرا على امين يا ود جبرة كان عندهم حاجة اسما النشرة الخاصة
ودى لا بتمشى تلفزيون لا بتمشى لى رادى.. يشيلا المدير و يصابح بيها الرئيس مع منجان الصباح .و تختص بى فضائح المجتمع
زى مذيع و مذيعة تلفزيون كسلا الظهرو على الشاشة و هم يتبادلون السلام بى قداديمن
اها النشرة دى اظنّها .. و بعض الظَن إثم ...كانت من اختصاص ود عوووضة ده
اها لو ما شرشرا بى حاجة كان ح يتفقع من المغضة
|
Post: #105
Title: Re: تنكر للبيع
Author: عثمان عووضة
Date: 08-15-2016, 03:57 AM
Parent: #103
اول التبادي اسمو مصطفى ما علي أمين
تاني التبادي لاحقا...او كما قال الكرور. رقم تزعة
كرور واحد😜😜
هذا مع تحيات ابو حسين واحترامو
|
Post: #104
Title: Re: تنكر للبيع
Author: عثمان عووضة
Date: 08-15-2016, 03:53 AM
Parent: #102
يا ود جبرة بايتة بس قييل ما معانا😜
|
Post: #106
Title: Re: تنكر للبيع
Author: عزالدين عباس الفحل
Date: 08-15-2016, 05:28 AM
Parent: #104
عثمان عووضة
سلام أخوي عووضة ،
عملت شنو في أمواس ناست ؟
،،،،،،،
عزالدين عباس الفحل
ابوظبي
|
|