الزراعة الطائرة

04:24 PM July, 20 2016

سودانيز اون لاين
حاتم إبراهيم-
مكتبتى
رابط مختصر

عودة لموضوع قديم.

سلام باشمهندس حاتم ..
نحنا بنتناقش هناك عن هبوط الأمريكان في القمر من عدمو إنت زعلت جيت فتحت البوست ده والسبب واضح جداً ، شخصنة للأمور وتصفية حسابات وعداوات كما في بوستك المعروف (تكاتيك) ..
على العموم أنا ما عندي مانع أناقشك بهدوء أو حتى بعنف في حاجاتنا الشخصية دي لكن عندي شرطين ..
أولاً تورينا شخصيتك الحقيقية ، شخصياً عندي ظنون بإنك متخفي ورا حاتم إبراهيم وإذا أنا مخطئ أرجو تصحيحي ، وإنت يا حاتم -أو أياً كان إسمك- عندك سوابق قبل سودانيز أونلاين لمن كنت شغال بي (علي ماهر) أيام طيب الذكر موقعك الحذفتو بي الهيستوري بتاعو ..
أيضاً في دكتور في الفيسبوك إنت غالطتو في الدكتوارة بتاعتو وإتهمتو بإنو كذاب ، الراجل ببساطة قال ليك أنا مستعد أنشر رسالتي في سودانيز أونلاين مقابل إنك تكشف عن شخصيتك الحقيقية .. صعبة دي ؟؟
الحاجة التانية لو عايز تناقش في الروبوتات والدرونز يلزمك في الأول تورينا إنجازاتك في المجال ده ، إنجاز واحد لا أكثر ..
تعال جيب لينا روبوت محمول في طائرة بدون طيار زي حقنا ده إن شاء الله روبوت يعوس كسرة بنقبلوا منك
غير كده أنا ما عندي ليك حاجة في البوست (الشخصي) ده ..

Quote: الفي الصورة ده ذراع آلي لي روبوت Robotic Arm جبناهو قبل 3 سنوات لعرض اخذ عينات من حقول النفط وارسالها الى المعامل (فكرة أولية) ولو لاحظت في الفيديو الكلام ما كان عن الزراعة نهائياً بل عن النفط +++ الفي الصورة دي يا حاتم نموذج لذراع آلي وذكرت بالحرف ممكن ترجع لمداخلتي للتأكد : (فكرة أولية) ، بالتأكيد ما هو روبوتك آرم بينفذ بيهو مهام

لا أبداً، نحن عايزين الفيديو بتاع الكجامة يا محمد، الفيديو الأول

المقتبس أعلاه يخص المهندس محمد مختار. الدقيقة (1:30) وما بعدها في الفيديو أعلاه، زعم المهندس أنها تخص (ذراع آلي) لروبوت كان قد اشتراه قبل تلاتة سنوات. بالتحقق السريع عدنا وسألناه أن يؤكد المعلومة فأكدها في الاقتباس الثاني بالتحري من المعلومة وضح أنها حامل كاميرا، نسميه في أدبيات البوست (كجامة). ______ إعادة الموضوع هنا لغرض إثراء البوست بمناقشة النقاط التالية: 1- معرفة جدوى نقل (العينات) باستخدام الدرون لغرض جلب العينات من حقول النفط 2- تحليل تصميم الدرون مع (الكجامة) واعطائه حقه ومستحقه 3- توضيح الفرق في المصطلحات بين (decoy, model, prototype) ______ أظن نبدأ بعد دا، فأنا كنت رحيم جداً معك السنة الفائتة.

غرضي من البوست دا

أنا هنا عشان أوضح ليك معاني (الغش، الخداع، الوهم، النجر، الخرمجة ، الفبركة والحشو). ما حنتكلم عن (الحموضة) هنا. ________ اعتبرني مدعي عام ودافع عن فكرتك.

- موضوع الروبوت ده محسوم في الفيديو وأمام كل الناس هنالك روبوت محمول على طائرة بدون طيار ويعمل على أكمل وجه ، أي حاجة أنجازناها اتعملت هنا في السودان في ظروف صعبة جداً ومعاكسات من الحكومة ودون تلقي اي دعم من اي جهة وبمجهود ذاتي ، يبقا انت في أوروبا مفترض يكون عندك حاجات زي حقتنا دي من زمان وأحسن منها ولا كيف ؟؟ ، أنا هنا ما جايي أناقشك إلا إذا أثبت إنك على الأقل زول في مستوانا وبتقدر تعمل زي حاجاتنا دي ، تعال جيب لينا روبوت محمول في طائرة بدون طيار زي حقنا الشغال ده وخلي الروبوت ده ينفذ أي حاجة إن شاء الله يحمر (هوتدوغ) عشان ما أضيع زمني معا زول كضاب وبتاع تنظير ساي وما عندو إنجازات على أرض الواقع ، زمني مهم يا ياشمهندس أنا ما فاضي لي زول عاطل.
- تعال ورينا إنت منو ، لو إنت لابس طرحة كان عذرتك لكن إنت مصنف Male يبقا ما عندك عذر تكشف عن شخصيتك المريضة دي.
بالمناسبة إنت إعتنقت الإلحاد عشان اللجوء ولا عشان سبب تاني ؟؟ .. خليك واضح وورينا

Quote: نحنا بنتناقش هناك عن هبوط الأمريكان في القمر من عدمو إنت زعلت جيت فتحت البوست ده والسبب واضح جداً ، شخصنة للأمور وتصفية حسابات وعداوات كما في بوستك المعروف (تكاتيك) ..

ولسة النقاش شغال، ومافي مشكلة، هناك راجيك وهنا قاعد ليك، ما تتحجج أنا ما زعلان

كمان لو بقينا في اتهامات الشخصنة فأنت برتبة (فريق) فيها ولا كيف؟ ولو عايز تضع شروط عشان نقاش علمي حقيقي فأنا غير موافق، وأنا بعرفك يعني؟ على أي أساس تصف شخص لا تعرفه بأنو (دجال ومفبرك وموهوم وغشاش ومخادع) وبعد دا كلو تجي تتباكى وتقول "شخصنة"؟ الحقائق باقية وما حتختلف في التلاتة بوستات، شتيمتك وانفعالك غير مبرر ولا يؤهلك لوضع الشروط في منتدى عام. ______ طالما أديتني مهلة أمشي أوفي بوعدك، شلنا الوشوش الخضراء واتحمل بعد دا الكلام الجد.

الإنجاز (الهندسي) العظيم للباشمهندس حاتم القاعد في أوروبا .. برنامج (الهوتدوغ)

Quote: - موضوع الروبوت ده محسوم في الفيديو وأمام كل الناس هنالك روبوت محمول على طائرة بدون طيار ويعمل على أكمل وجه

بس الفيديو ما بيظهر كدا

فإذا كانت وظيفته (جلب العينات من الحقل) فهل تقصد إنو حامل الكاميرا قام بالعملية على أكمل وجه؟ أشك في ذلك، والكلام هين لكن الإثبات (النظري حتى) صعب. ______ إذن ما "محسوم"، في البداية أشرح لينا كيف حولت حامل الكاميرا لذراع آلية؟

Quote: ليس عندي مشروع مشابه ولم أر طائرة درون في حياتي حقيقة

على أي أساس فتحت البوست ده وانت إنجازاتك (صفر) كبير في هذا المجال ؟؟
بالفعل يا حاتم قلة الشغلة بتعلم المشاط ، أنصحك تكسب زمنك ده وتحاول تنجز حاجة لأنو البتسوي فيهو ده غير ما يحط من قدرك ما بعمل ليك شئ ..
ثم شايف موضوع إنك عاطل ده حرقك شديد .. ما تزعل ياخي إنت براك قلت أنا (فاضي) .. والعطلة دي ممكن تكون بي سبب (عطلة) سنوية من العمل ، أهو أنا هنا بكوس ليك العذر، أنا للأسف ما موظف وشغال السنة كلها في شركتي الخاصة فاشنو ما يحرقك الموضوع ده شديد ..
كراهيتك للإسلام وللرسول الكريم محمد صلى الله عليه وسلم ماليه البورد وما تفتكر إنو الموضوع ده حا يمش ساي ، أي شئ بي وقتو

Quote: على أي أساس فتحت البوست ده وانت إنجازاتك (صفر) كبير في هذا المجال ؟؟ +++ ثم شايف موضوع إنك عاطل ده حرقك شديد

على أساس إنو الفكرة والعرض والتنفيذ غلط

فإذا من البداية بيتم إظهار حامل كاميرا والتأكيد على أنه (ذراع روبوت) فمن واجبي أوضح للناس إنو دي (فبركة) باسم الابتكار ودا (غش) باسم الهندسة وإنو دي (خرمجة) باسم العلم ودا (دجل) باسم التكنلوجيا. ما عندي أي اسهامات في المجال دا لا يعني بالضرورة أنني لا أفهم في مباديء الهندسة أو لا أعرف الفرق بين الروبوت وحامل الكاميرا الخاص بالهواة. تدخلي ببساطة مش (للمشاط) لكن لأنك عرضت الفكرة في المنتدى العام دا صرحت بأنك حتنفذ الفكرة على نحو قومي في ثلاث مناطق على ما أذكر وعلى حساب الخزينة العامة. يعني مطلوب مني أدفع ليك عشان تنفذ (الوهم) دا، ودا ما حيحصل لحد ما تثبت إنو (feasible). أو على الأقل (واقعي). +++ أبداً، بس مستغرب على أي أساس بتحكم على شخص بأنو عاطل، عجز عن المواجهة؟ ______ أشرح لينا هندسياً كيف حولت حامل الكاميرا لذراع روبوت؟

Quote: صرحت بأنك حتنفذ الفكرة على نحو قومي في ثلاث مناطق على ما أذكر وعلى حساب الخزينة العامة. يعني مطلوب مني أدفع ليك عشان تنفذ (الوهم) دا، ودا ما حيحصل لحد ما تثبت إنو (feasible). أو على الأقل (واقعي).

يا دجال متين أنا قلت إني حأنفذ المشروع ده على حساب الخزينة العامة؟ لو ما جبت إقتباس ما حأخليك أبداً
ثم إنو الخزينة العامة دي ماسكنها الكيزان والناس الوهم المنتفعين الزيك كده .. بالرجوع لموضوع بوست النظافة إنت ما أنكرت إنك منتفع من الكيزان وربما يكون ده سبب لتخفيك وعدم إظهار شخصيتك الحقيقية ..
ثم إنو إنت أجبن من إنو تدفع لي مشروع عام انت ما مستفيد منو بصورة مباشرة وأنا أكرم من إنو أشيل قروش من زول مستجد نعمة ولئيم زيك ..
مشاريعنا دي عملناها بي مجهودنا الخاص بنشتغل حلال وبنقتطع من قوت أولادنا ولا زلنا صابرين ، مشروع الزراعة بالطائرات بدون طيار مشروع خيري وكذلك مشروع الخارطة الإشعاعية وفي المشروعين لم نتلقى أي دعم من أشخاص ولا جهات حكومية ، عدا منظمة Safecast ترسل لنا حساسات الإشعاع وبعض القطع الإلكترونية من اليابان.

Quote: للتطوع في هذا المشروع : أرجو إرسال بريد الكتروني يحتوي على السيرة الذاتية لمن يرغب في التطوع والقطاع الذي يود التطوع فيه وتحديد عدد الساعات التي يمكن للمتطوع أن يقدمها للمشروع .. يمكن التطوع في قطاعات تجميع الأجهزة ، البرمجة Arduino, Python, PHP, MySQL, Java ، الرصد الإشعاعي (يتطلب من المتطوع السفر لمنطقة محددة) ، البحوث والتطوير : (نعمل حالياً على تطوير محطات ثابتة للرصد الإشعاعي لكل مدينة وكذلك جهاز قادر على تكوين الخرائط الإشعاعية آلياً عبر الإنترنت). يرجى مراسلتي على البريد الإلكتروني التالي : info(@)radiationmap.org ملحوظة : يرجى إزالة الأقواس ( ) من البريد الإلكتروني بخصوص المساهمات المادية : نحن في مركز أبحاث Massive Dynamics لا نقبل أي مساهمات مادية .. من أراد المساهمة يمكنه شراء القطع الإلكترونية وإرسالها الينا وهي موجودة على الروابط التالية medcom.com/product/bgeigie-nano-geiger-counter-kit/ amazon.com/IMI-bGeigie-Nano-Geiger-Kit/dp/B00IT6OUG2

ده إقتباس من بوست (مشروع الخارطة الإشعاعية للسودان) أنا ذكرت فيهو بالنص : بخصوص المساهمات المادية : نحن في مركز أبحاث Massive Dynamics لا نقبل أي مساهمات مادية ..

Quote: كانوا يقومون بإدخال البيانات بشكلها الطبيعي (native) أي بذات الطريقة التي تخزن بها في ذاكرة الكمبيوتر أي بالنظام الست عشري (hexadecimal)

هههههههه قلت لي الذاكرة بتخزن بالـhexadecimal ؟؟؟
تعال ورينا ده إسمو شنو غير دجل وشعوذة ونجر أخدر ساي ..
بالله إنت مهندس ؟!!

Quote: ولذلك كان الاهتمام على الإنجليزية فقط فتم تخصيص بايت واحد لكل حرف من حروف اللغة فكان بذلك الحروف والعلامات الممكن ترميزها (128) فقط،

يا راااااااااااجل

Quote: عندما كانت الذاكرات المباشرة (Dynamic RAM)

قلت لي cultural load ترجمتها (التحميل الثقافي) ؟!
ما تفهمني غلط أنا قصدي في البوست حقي ده -عفواً بوستك ده- أساهم معاك بالتعريف بمواهبك المتعددة وإبداعاتك المتميزة كيف لا وأنت تضاهي اللمبي في نظرية (الدفاع بالنظر) بنظريتك الفذة (التحليل بالنظر) ..
الله ما يحرمنا من إبداعاتك أيها العالم الجهبذ ..

والله يا حاتم إنت راجل ما ساهل ، وتأكيداً على كلامي ده قلت أجيب ليك مداخلة أخونا قسم الفضيل وبالفعل قلت يمكن الامريكان مستهدفنك لأنك فضحت ناسا والـMIT .. غايتو ده مبرر جيد لإخفاء نفسك وأنا من هذا المنطلق بعتذر لأني مفترض أفهم انك مختفي بسبب إستهداف الأمريكان ليك في شخصك ..

Quote: الاخوان منير وحاتم وجميع ضيوف البوست ... كيف حالكم ... بالنسبة لمراقبة البوست واحتمالية استهداف الاخ حاتم من جهة ما ... خطرت ببالي نفس الفكرة خصوصا اذا ما تم ربطها باختفاء بروف علم النفس (عمر هارون) ... فنحن في العالم الثالث قاعدين نستهين بمقدراتنا الذهنية وعندنا عقدة الخواجة ... فالاحتراس واجب ... يا ليت الاخ حاتم يحتفظ بجميع بياناته بخصوص ابولو في مكان امين وبعيدا عن الانترنت (هاردسك خارجي مثلا) ... ويا ريت يا اخوانا تثيروا موضوع اختفاء البروف عمر هارون طالما جاءت مناسبته ... الذي نسأل الله أن يجمعه بأهله وأن يسلّم الاخ حاتم من كل شر ... ودمتم ...

Quote: الفي الصورة ده ذراع آلي لي روبوت Robotic Arm جبناهو قبل 3 سنوات لعرض اخذ عينات من حقول النفط وارسالها الى المعامل (فكرة أولية) ولو لاحظت في الفيديو الكلام ما كان عن الزراعة نهائياً بل عن النفط +++ بخصوص طائرتنا فده حسد منك ساي نحنا نفذنا شغل في هجليج (تصوير جوي) حتى قبل ما تكون في حاجة اسمها مسابقة.

بسيطة

حقول النفط وهجليج دي في دولة خارج السودان؟ انت فعلاً نفدت شغل تصوير على حساب الخزينة العامة ودا أمر طبيعي بيحصل مرة أو مرتين في العام. إذن أنا فعلاً دفعت بشكل أو بآخر، فلما أحول قروش لأسرتي عشان يتصرفوا منها الدولة بتاخد حاجة اسمها (ضريبة) يا محمد مختار جزء منها بيصرف على المشاريع العامة. لكن أن تحاول تقنع الجهات المسؤولة بتطبيق يومي أو اسبوعي مستمر (جلب العينات، فحص الأنابيب) بهذه الكيفية فهو ما لن يحدث على حسابنا. عملتها حلال ما بيعني حتستثمرها حلال، كلامك دا بيذكرني ناس مشاريع العيش، بيعملوا المريسة ولمن يقولوا ليهم المريسة حرام بيتحججوا بأنهم خمروها من عيش زرعوهوا حلال وحشوهوا حلال ودقوهوا حلال، بضراعهم. ______ جبت ليك اقتباس، إذن أنا ما دجال زي ما بتتمنى مش؟

Quote: ويقتبسو مننا حقائق بعد نترجمها

طيب يا جماعة .. حاتم في بوست سابق قال إنو كان بيترجم (حقائق) والناس بيجوا يقتبسوا ترجمتو وينشروها في المنتديات ..
أولاً حاتم سماها (حقائق) .. طيب خلونا نشوف (الحقائق) دي عشان الناس تعرف هل أنا غلطت على حاتم لمن قلت إنو زول بتاع فبركة وكذب ودجل وخزعبلات ..

Quote: حقيقة: يبعد القمر بمقدار 400،000 كيلومتر عن الأرض ومع ذلك فإن أشعة الشمس المنعكسة من سطحه تضيء ظلمة كوكب الأرض، فأي شخص يطوف حول القمر سيصاب بالعمى من شدة الضوء القوي المنعكس

هههههه قلت لي الزول لو دار حول القمر ساي بيصاب (بالعمى) !! ماذا نسمي هذا غير إنو دجل وكذب وإستهبال .. أين المصادر العلمية لهذا الكلام الفارغ ؟؟

Quote: حقيقة: الحجر الذي تدعي وكالة ناسا أنه من القمر هو في الأصل صخرة بازلتية تم تحميصها في فرن مشع لإكسابها خاصة الإشعاع

ماذا تسمي هذا يا باشمهندس؟؟ هل هذه (حقائق) علمية .. لماذا قمت بترجمة هذا الكلام الفارغ ونشره على أوسع نطاق ولماذا قمت بحذفه لاحقاً ؟؟ لماذا لا تعتذر عن رفد المنتديات بهذه الخزعبلات ؟!

Quote: حقيقة: للعربة القمرية إطارات يمكن ملئها بالهواء وهذا يعني أنها ستنفجر في الفضاء إذا تم نفخها سلفاً

يا زول إنت قايلها أتوز ولا فيستو؟ إستحي على وشك والله أنا أخير لي أنتحر من أترجم وأنشر كلام فارغ زي ده .. الصورة أدناه للـMoon Rover ، الكذب حبلو قصير ..


ده نموذج (بسيط) للخطرفات والخزعبلات الإنت كنت عامل ليها (موقع الكتروني) كامل يا باشمهندس يا كبير وحذفتو بعد الزنقة بتاعة الجمعية الفلكية السورية ..
ده نموذج فقط يا (علي ماهر) .. فاهمني كويس إنت
دي إسهاماتك البتسميها إنت (حقائق) لأ وبدون خجلة جايي تكلمنا عنها هنا في سودانيز أونلاين ..
أخجل ياخي .. فضحتنا

Quote: لكن أن تحاول تقنع الجهات المسؤولة بتطبيق يومي أو اسبوعي مستمر (جلب العينات، فحص الأنابيب) بهذه الكيفية فهو ما لن يحدث على حسابنا.

أبداً ما حصل الكلام ده والتصوير الجوي ده كان جزء من تنفيذ مشروع تجاري (الكلام ده اتقال في الفيديو) وليس لمركز الأبحاث ، جلب العينات وفحص الأنابيب دي حاجات خاصة بمركز الأبحاث لاحظ فريق العمل في الشركة أهميتها أثناء تنفيذ المشروع ولم يحدث فعلياً أن تم التنسيق مع جهة حكومية لتنفيذ أي جزء خاص بالبحوث والتطوير.
شغلنا بتاع التصوير الجوي ده خدمة بنقدمها في الشركة وعشان تفهم والكلام يكون واضح بالنسبة ليك لو نحنا أنجزنا أي حاجة في مركز الأبحاث وأصبحنا بنقدم بيهو خدمة في السوق يبقا ده تعبنا ومجهودنا ..
يعني لو هسي في شركتنا قلنا عندنا روبوت محمول على طائرة بدون طيار (لجمع العينات) إيجار الساعة بتاعتو بالمبلغ الفلاني يبقى ده من حقنا وحلال ، لا إنت ولا غيرك ساهم فيهو وده نتاج مجهودنا الخاص ..
مشروع الزراعة بالطائرات بدون طيار المخصص لإعادة تأهيل الغابات ومكافحة التصحر في المناطق الممطرة سيظل على الدوام مشروع خيري كما هو الحال في مشروع الخارطة الإشعاعية للسودان ..

Quote: أبداً ما حصل الكلام ده والتصوير الجوي ده كان جزء من تنفيذ مشروع تجاري (الكلام ده اتقال في الفيديو) وليس لمركز الأبحاث ، جلب العينات وفحص الأنابيب دي حاجات خاصة بمركز الأبحاث لاحظ فريق العمل في الشركة أهميتها أثناء تنفيذ المشروع ولم يحدث فعلياً أن تم التنسيق مع جهة حكومية لتنفيذ أي جزء خاص بالبحوث والتطوير. +++ الفي الصورة ده ذراع آلي لي روبوت Robotic Arm جبناهو قبل 3 سنوات لعرض اخذ عينات من حقول النفط وارسالها الى المعامل (فكرة أولية) ولو لاحظت في الفيديو الكلام ما كان عن الزراعة نهائياً بل عن النفط

خطوط الأنابيب والطاقة تبع الدولة وليست لشركة تجارية

الشركات الأجنبية بتعرف كيف تنجز أعمالها ومافي شيء يجبرها على استخدام تقنيات متوفرة للعب عند الأطفال في الدول الجات منها، دا إذا كلامكك عن الصين وماليزيا والهند وكندا، خاصة إذا شافوا الفيديو أعلاه. إذن عميلك المستهدف هو الحكومة وليس غيرها، كونوا لم يحدث اتفاق فغالباً بتأثير البوست السابق الكشفنا فيهو ال (Fakery) أو عدم اقتناعهم بضرورة التطبيق. +++ طيب: في الفيديو أعلاه في مداخلتي، ظهرت صورة لهيكل في شكل الحرف (T) وفي مقدمته شيء انت سميته (ذراع آلية) ومعروضة من الدقيقة 1:40 لغاية الدقيقة 1:53 وصورة تانية في الدقيقة 3:47 واضحة ومعاها تعليق (كما زودت هذه الطائرة بذراع آلي) والصورة المقصودة مرفقة أدناه: وبناء على تعليقك المقتبس أعلاه، هل لك أن تشرح لنا كيف يمكن أن تجمع هذه الذراع العينات؟ ______ هنا أنا بتكلم عن (الفبركة) و(الغش) تحديداً، الدجل غالباً حيكون في تفاصيل ردك على السؤال دا.

Quote: كانوا يقومون بإدخال البيانات بشكلها الطبيعي (native) أي بذات الطريقة التي تخزن بها في ذاكرة الكمبيوتر أي بالنظام الست عشري (hexadecimal)

يا دجال تعال ورينا كيف الذاكرة بتخزن hexadecimal ؟؟
ولا الغلط من الموقع العلفت منو ؟؟
تعال ورينا يا باشمهندس يا كبير وما تزوغ .. انا وراك وراك

Quote: ما عندي أي اسهامات في المجال دا لا يعني بالضرورة أنني لا أفهم في مباديء الهندسة

ما عندك إسهامات في المجال ده إنتهينا منها .. النتيجة صفر كبير
نجي للجزء التاني من الإقتباس .. تعال ورينا وفق فهمك لمبادئ الهندسة كيف الذاكرة بتخزن hexadecimal
منتظرين إجابتك يا باشمهندس يا كبير ..

Quote: نجي للجزء التاني من الإقتباس .. تعال ورينا وفق فهمك لمبادئ الهندسة كيف الذاكرة بتخزن hexadecimal منتظرين إجابتك يا باشمهندس يا كبير ..

طيب نواصل هنا

المواضيع الجانبية ممكن تفتح ليها بوست منفصل وزي ما أوضحت ليك حأجي أرد عليها كلها في ساعة واحدة. هنا نحن عايزين نطمئن على سلامة الفكرة الهندسية ونأمن على المال العام ما يطلع في مشاريع طفولية غير منطقية. +++ دلوقتي نناقش: "جدوى نقل (العينات) باستخدام الدرون لغرض جلب العينات من حقول النفط" حقول النفط والغاز بيئة عمل غير مصنفة بأنها خطرة أو حساسة، فلما تقترح على جهة رسمية مهمة (جلب عينات) فانت بتتكلم عن: 1- عينات تربة 2- عينات نفط أو غاز طبيعي 3- عينات ماء سطحي 4- عينات ماء جوفي 5- عينات حية (نباتات وحيوانات) في منطقة الحقل كل العينات دي في الواقع لا تحسب بالغرام بل هي عينات بأوزان من فئة الكيلو فما فوق زيادة على ذلك لا توجد (خطورة) من الدخول لموقعها وجلبها بالطرق التقليدية وشحنها في سيارة للمعمل. ______ فعلي أي أساس هندسي أو علمي تقترح استخدام الدرون؟

---

Post: #25 Title: Re: الزراعة الطائرة Author: محمد عبدالله مختار Date: 07-24-2016, 07:26 PM Parent: #24 Quote: المواضيع الجانبية ممكن تفتح ليها بوست منفصل وزي ما أوضحت ليك حأجي أرد عليها كلها في ساعة واحدة. يا زول بطل إستهبال وتعال ورينا ياتو ذاكرة دي البتخزن هيكساديسيمال .. انت زايغ من السؤال ده ليه ؟؟

---

Post: #26 Title: Re: الزراعة الطائرة Author: سعد الشبلي Date: 07-24-2016, 07:35 PM Parent: #25 Quote: يا زول بطل إستهبال وتعال ورينا ياتو ذاكرة دي البتخزن هيكساديسيمال .. انت زايغ من السؤال ده ليه ؟؟ صدقني يا محمد مختار حاتم إبراهيم مخرب البوستات حيرد علي سؤالك دا بزوقان ولف ودوران

---

Post: #27 Title: Re: الزراعة الطائرة Author: حاتم إبراهيم Date: 07-24-2016, 07:39 PM Parent: #1 Quote: يا زول بطل إستهبال وتعال ورينا ياتو ذاكرة دي البتخزن هيكساديسيمال .. انت زايغ من السؤال ده ليه ؟؟ انت بقيت تتصرف زي الأطفال أنا ما زايغ من السؤال، بل بتحداك تفتح بوست وتضع السؤال دا وغيره بطريقة منظمة (تناسب مدعي هندسة) بدل ما تحاول تغير موضوع البوست دا. اعتقد مافي واحد حيقرأ البوست دا حيوافقك على "رؤيتك" دي. ______ شكلك بقى شين شديد، نأسف. Post: #28 Title: Re: الزراعة الطائرة Author: محمد عبدالله مختار Date: 07-24-2016, 07:46 PM Parent: #27 Quote: صدقني يا محمد مختار حاتم إبراهيم مخرب البوستات حيرد علي سؤالك دا بزوقان ولف ودوران متخصص لف ودوران وأحقد منو في البورد ده كلو مافي .. فاتح بوستين بنفس الموضوع وما عايز يجاوب على سؤال صغيروني .. جاوب ياخي وبطل لولوة لأنو البتسوي فيهو ده كلو ما بيحلك .. بعدين إنت قلت البوست ده عن (الهندسة) .. طيب ياخي موضوع الذاكرة ده عن البتيخ ؟؟ Post: #29 Title: Re: الزراعة الطائرة Author: محمد عبدالله مختار Date: 07-24-2016, 07:48 PM Parent: #28 Quote: شكلك بقى شين شديد، نأسف. أنا من زمان أغبش وشين ، جاوب على السؤال يا مهندس يا أوروبي انت .. Post: #30 Title: Re: الزراعة الطائرة Author: محمد عبدالله مختار Date: 07-24-2016, 07:51 PM Parent: #29 إنجازاتك صفر كبير إتجاوزنا عنها أصلاً أنا مسبقاً عارف إنجازاتك زيرو والسبب إنك مضيع حياتك كلها في الغلاط والنقة الكتيرة .. قصة إنك تكشف عن شخصيتك الحقيقية دي ما ممكن نفوتها ليك .. بعد كلامك الفارغ والإسائات دي كلها أنا مستعد أناقشك وأجاوبك على أسئلتك دي تعال ورينا بياناتك بالكامل وصورتك غير كده أنا ما مستعد أضيع زمني مع زول بيتخفى بدون سبب مقنع إنت خايف من شنو يا باشمهندس يا كبير ؟؟ أوعى تقول لي خايف من السي آي أيه والموساد يجي يخطفوك ولا إنت عامل عملة لا سمح الله ولابد ؟! ولا خايف الناس تتعرف على شخصيتك الحقيقية وإرتباطها بالإلحاد ؟؟ ثم تعال ورينا إنت الحدت كده ساي ولا عشان تطلب اللجوء ولا الحنك شنو ؟؟ Post: #31 Title: Re: الزراعة الطائرة Author: محمد عبدالله مختار Date: 07-25-2016, 11:54 AM Parent: #30 بعد أن جبن صاحب البوست الكشف عن شخصيته الحقيقية على الرغم من أنه لا يلبس (طرحة) .. وبعد أن فرّ الباشمهندس الألماني من الإجابة على سؤال (بسيط) في (مبادي) الهندسة .. وبعد أن ثبت بالدليل القاطع (الإعتراف سيد الأدلة) أن إنجازاته في هذا المجال (صفر) كبير .. وبعد أن أثبتنا أن الباشمهندس بتاع أوروبا بيفتح بوستات لتعليم الناس أشياء لم يراها بعينه (الطائرات بدون طيار) .. نكتفي بهذا القدر وهذه آخر مداخلة لي في هذا البوست وسأعود بإذن الله الى بوست القمر حيث الزنقة التي إضطرت الباشمهندس الكبير للهروب وتشتيت الكورة بفتح بوستين لموضوع واحد .. سنواصل هناك محاربة الدجل والكذب والفبركة والخطرفات وغيرها من أساليب الباشمهندس الأوروبي .. نختتم هذا البوست بالعبارة الحكيمة التي قالها المحترم ود قاسم في وصف حالة الهيجان التي يعاني منها حاتم إبراهيم أو (علي ماهر) أو أياً كان اسمه .. *** إنها حالة البرميل الفارغ *** Post: #32 Title: Re: الزراعة الطائرة Author: أيمن محمود Date: 07-25-2016, 12:08 PM Parent: #31 حاتم انت في البوست ده مزنوق شديد اكتر من زنقه محمد مختار رغم انو البوست موضوعو مختلف محمد مختار ما تفك الكربون حتى لو عضاك لانو تاني ما بتقدر تكربنو بسهولة متابعين Post: #33 Title: Re: الزراعة الطائرة Author: الهادي الشغيل Date: 07-25-2016, 04:20 PM Parent: #32 زرة كلب في طاحونة تاني تجي المولد شلاقتك دي يا حاتم شوبيرمان بتقودك لكده هاك التكاتيك دي تكاتيك دي جمع تكتوك ولا شنو أركب التوكتوك وغادر وإلا جاوب .. شكلك بقى دشن واتعصرت لحدي ما بقيت تحدث أصوات هههههههههه كسرة : إنتو حاتم مرة عامل فيها مترجم ومرة مهندس ... أظنه بتاع كله.. والله ما عندو ما عند جدتي خاوي على عروشه Post: #34 Title: Re: الزراعة الطائرة Author: Mirghani Taitawi Date: 07-25-2016, 04:46 PM Parent: #33 Quote: والله ما عندو ما عند جدتي خاوي على عروشه ما تحلف ساكت!!!. بوست مفيد جداً من الطرفين.. (حتى) لو ما عنده حاجة قدر يطلع من الأخ/ محمد مختار الكتير فى مجال تخصصه. التحية ليهم وليك معاهم. غايتو!!!. Post: #35 Title: Re: الزراعة الطائرة Author: حاتم إبراهيم Date: 07-25-2016, 08:03 PM Parent: #1 Quote: حاتم انت في البوست ده مزنوق شديد اكتر من زنقه محمد مختار رغم انو البوست موضوعو مختلف محمد مختار ما تفك الكربون حتى لو عضاك لانو تاني ما بتقدر تكربنو بسهولة هههه، كيف حالك يا أيمن الموضوع هنا مختلف، لكن أخونا محمد مختار بيفضل إثارة الغبار لعله ينجز المستحيل أو يتمكن من الفرار، لذلك ترى أسلوبي مختلف تماماً. الموضوع هنا عن طائرة درون لجلب العينات بالكجامة التحت دي والمفترض أنها (ذراع روبوت آلية) والعنوان للأسف خطأ ومفروض يكون (الذراع الطائرة) أما البوست التاني فعن ثلاثة أشياء مختلفة: قاصفة شتول وروبوت مفترض يزرع (ولو راس بصل) وجهاز تاني معلق من درون مفترض يرشق البذور كلها مجرد تلفيق وأوهام، عشان كدة بنشوف أسئلة غريبة وشتيمة ودخاخين. بخصوص إثارة الغبار، أنا حريص أي أسئلة عن الرسول أو الإلحاد أو الطبيخ أو أوروبا تمشي بوست مختلف. http://sudaneseonline.com/board/490/msg/1469471935.html ___ وبعد داك حيتعرف المزنوق منو، لكن التلفيق والشتيمة ظهرت. Post: #36 Title: Re: الزراعة الطائرة Author: حاتم إبراهيم Date: 07-27-2016, 04:20 PM Parent: #1 Quote: الفي الصورة ده ذراع آلي لي روبوت Robotic Arm جبناهو قبل 3 سنوات لعرض اخذ عينات من حقول النفط وارسالها الى المعامل (فكرة أولية) ولو لاحظت في الفيديو الكلام ما كان عن الزراعة نهائياً بل عن النفط ولو ركزت في الفيديو ما كنت حتحتاج تطرح سؤال زي ده . Quote: أنا هنا ما جايي أناقشك إلا إذا أثبت إنك على الأقل زول في مستوانا وبتقدر تعمل زي حاجاتنا دي كلامك عن الصورة دي يا باشمهندس عبد الله مختار؟ هسع الشكل الذي يشبه مفتاح الجمجم أو الكجامة دا ما غريب علي، دا ما ياهو أظنه حاجة ماليها علاقة بالروبوتات، بل مجرد شماعة أو مشبك لتثبيت متعلقات الكاميرا، أو حتى الموبايلات في فترينات العرض ودي مكوناته ودا ياهو "الروبوط" بتاعك أبو كجامة الظاهر في الفيديو فوق انت بكل جرأة قلت ( الفي الصورة ده ذراع آلي لي روبوت Robotic Arm جبناهو قبل 3 سنوات)، فهل عندك أي تعليق هنا؟ آي نحن مافي مستواكم لكن يعني احترمونا شوية، نحن برضك عندنا كاميرات وبنعرف نصور واستعملنا الهتش دا (gadget) كتير. هل قصدتو توهموا الناس بأنو دي ذراع الروبوت البتزرع البذور وتأخذ العينات من الحقل يا باشمهندس عبد الله مختار؟ أخوي عبد الله مختار! على أي شيء كنتم تراهنون عندما عرضتم هذه الصور على شعب واعي متحضر مثل الإمارتيين ومعظمهم تلقى تعليمه في أوروبا وأمريكا حيث مثل هذه الأشياء توجد في البقالات؟ Please, if you must do it, do it right. If you cannot make it, don't fake it. انت قاعد تكذب ليه يا باشمهندس؟ _______ الصور عثرت عليها باستخدام غوغول، قاهر الدجاجيل. Post: #37 Title: Re: الزراعة الطائرة Author: محمد عبدالله مختار Date: 07-27-2016, 04:40 PM Parent: #36 أنا ما عارف إنت هايج كده ليه ؟؟ ده الفيديو قدامك .. ده جهاز الزراعة اللآلية مركب في الدرون .. ودي الدرون بتقلع بالجهاز زاتو الكذبت وقلت وزنو ما محسوب والدرون ما بتقدر تقلع بيهو .. 00:43 من زمن الفديو وده الروبوت محمول على درون وبيتم الإقلاع والهبوط بيهو وشغال قدامك 01:44 من زمن الفيديو حاول وإنت في (أوروبا) تنجز حاجة زي دي عشان على الأقل تثبت إنك ما مجرد (حاج نظرية) بعدين صدقني هرجلة الشفع دي أبدا ما ممكن تصنع ليك إنجازات Post: #38 Title: Re: الزراعة الطائرة Author: محمد عبدالله مختار Date: 07-27-2016, 04:50 PM Parent: #37 Quote: لكن أولاً، هل طارت أي من الطائرات التي اشتريتوها مع أي من النماذج أعلاه؟ ده (أغبى) سؤال شفتو منذ أن أنشأ بكري سودانيز أونلاين .. زول يجيبو ليهو (فيديو) وبعد ده ما يقدر يعرف إذا كانت الطائرات حقتنا طارت مع الأجهزة الذكرناها دي أم لا .. Post: #39 Title: Re: الزراعة الطائرة Author: محمد عبدالله مختار Date: 07-27-2016, 05:06 PM Parent: #38 Quote: عرفنا إنو الدرون ما طارت واضطريت تشعلقها بالسيلوتيب، ودي بالتأكيد دقسة وفي غيرها كتير الباشمهندس الكذاب بيقول وفقاً للإقتباس أعلاه إنو الدرون ما طارت واضطرينا نشعلقها بالسولوتيب .. أي زول شاهد الفيديو بيعرف إنو الكلام ده (كذب) و (إفك) و (حقد) لا تحكمه أدنى أخلاقيات الخلاف .. هذه وصمة عار كبيرة في جبين مدعي العلم والمعرفة حاتم إبراهيم .. Post: #40 Title: Re: الزراعة الطائرة Author: محمد عبدالله مختار Date: 07-27-2016, 05:18 PM Parent: #39 Quote: فما حدث لا يختلف عن حيلة الشجرة أو (Tree test) كما سميته أنت، فقد قمت بتشليع الجهاز من أي مكون ثقيل وأبقيت على الحد الأدنى الذي يمكن الطائرة من التحليق، يعني لم تبقى سوى أوعية بلاستيكية فارغة وشوية بذور، والدليل أن (جهاز رشق البذور) يحلق الآن بدون كهرباء موصولة فهي منزوعة وتظهر متدلية في نفس صورك التي تريد بها إثبات العكس. ياخي إنت زول كذاااااااااب .. أنا (أتحداك) وقدام أعضاء سودانيز أونلاين تجينا في مقرنا وتشوف الجهاز بعينك (بكامل مكوناته) ونركب ليك الجهاز في الدرون وتقلع الدرون قدام عينك .. وقدامك أيضاً نشغل ليك الجهاز ويطلق البذور بدون مصدر كهرباء خارجي سوى البطارية المدمجة في الجهاز .. شرطي إنو فيديو التجربتين ديل يترفع (هنا) في سودانيز أونلاين ولو أنا كضاب بفتح بوست و بعتذر ولو إنت كضاب تجي تفتح بوست هنا تعتذر قدام الناس .. يا جماعة الزول ده قصرنا معاهو تاني ؟؟ Post: #41 Title: Re: الزراعة الطائرة Author: سعد الشبلي Date: 07-27-2016, 06:03 PM Parent: #40 يا هندسه محمد مختار متابعين والي الامام Post: #42 Title: Re: الزراعة الطائرة Author: محمد عبدالله مختار Date: 07-27-2016, 06:20 PM Parent: #40 Quote: لا ابداً، بل محقق يستخدم غوغول بكفاءة عالية، أظن واضحة المشكلة في التزويد بالكهرباء يا باشمهندس عيب تقعد تتزاوغ كده وأنا جبت ليك عرض سخي .. مش قلت إنو في مشكلة في التزويد بالكهرباء ؟؟ جداً أنا التزمت ليك اشغل ليك الجهاز بدون الدرون وتشيلو في يدك بدون أي توصيل ويشتغل بالبطارية ويطلق البذور تاني في شنو ؟؟ وعشان ما تتحجج بإنك قاعد في أوروبا وما ممكن تجينا في بلدنا الكلها عجاجة دي أنا بقبل إنو ترسل زول يمثلك يا حبذا الزول بتاع الفيس بوك ده القال خجل لينا عشان يطلع مننا وهو داخل في ضفورو .. أو أي زول من ناس المنبر تختارو إنت ويكون متطوع للموضوع ده .. شروطي كالآتي في حال إطلاق الجهاز للبذور بالبطارية المدمجة وفي في حال إقلاع الدرون بالجهاز كاملاً : - تفتح بوست في سودانيز أونلاين تعتذر فيهو بوضوح عن هرجلة الشفع دي .. - تعترف بإنك جاهل تماماً في المجال ده ، إعترافك بإنو إنجازاتك صفر ما محتاجين ليهو لأنو موجود .. - تقر بإنك زول بتنظر ساي وتعترف بإنو قصة التحليل بالنظر دي نظرية فاشلة زي نظرية صاحبك بتاع (الدفاع بالنظر) .. يا جماعة الخير الزول ده تاني نسوي ليهو شنو أكتر من كده ؟؟ Quote: المطلوب زراعة مساحة بحجم مشروع الجزيرة كما تقترح، وبهذه الطريقة والله زول كضاب زيك في حياتي ما لاقاني .. متين نحنا قلنا عايزين نزرع مشروع الجزيرة ؟؟ ومتين أصلاً مشروعنا ده موجه للزراعة المروية والتقليدية .. مكافحة التصحر هو الهدف الرئيسي المعلن وزراعة بذور أشجار بمسافات متباعدة هو الهدف ومافي عيش ولا فول بيخلو المسافة ما بين البذرة والبذرة عشرة أمتار .. يا كافي البلا لا زرعت لا بتفهم في الزراعة ؟! الجزء الذكرنا فيهو مشروع الجزيرة هو إستشعار زراعي عن بعد عن طريق NDVI للزراعة الدقيقة .. الزراعة الدقيقة ده مصطلح في الأصل متعلق برفع الإنتاجية الزراعية بتحليل صور الغطاء النباتي عن طريق الأقمار الصناعية والآن الدرونز. Quote: أو زراعة الصحراء وأظنها أكبر من مشروع الجزيرة. ياخي دي بلادة فايتة الحد .. مكافحة التصحر ما بتكون بعد ما التصحر يحصل فعلياً .. مقترحنا كما قدمناه لإعادة تأهيل الغابات في جنوب كردفان (كمثال) وتحديداً في المناطق التي تواجه حالياً زحف الكثبان الرملية .. يعني منطقة فيها أمطار كويسة وفيها أراضي مهددة بالتصحر. أفهم يا بشر عزبتنا بي طربقتك دي. Post: #43 Title: Re: الزراعة الطائرة Author: محمد عبدالله مختار Date: 07-27-2016, 06:44 PM Parent: #42 Quote: دلوقتي اشتريت طائرة (quadcopter) من السوق وركبت عليها الذراع ده كلام بتاع زول بينظر ساي ..أمشي إنت السوق واشتري طائرة كوادكوبتر وركب في مقدمتها روبوت زي الموضوح في الصورة دي وخليها تطير .. تعال أثبت للناس البتحاول تغش فيهم ديل إنو القصة دي ساهلة زي شراب الموية .. ما أسهل التنظير ياخي Post: #44 Title: Re: الزراعة الطائرة Author: محمد عبدالله مختار Date: 07-27-2016, 06:45 PM Parent: #43 Quote: نسيت أقول حاجة مهمةكلمة (تسطير) في العنوان هي المصدر من الاسم "أساطير" يا باشمهندس ما تضيع لي زمني أنا ما فاضي لي هرجلة الشفع دي .. عندك واحد من إتنين ، يا تجينا إنت يا تختار زول يمثلك ونصور الفيديوهات ونرفعها هنا وبيناتنا الشروط المذكورة ..عشان الناس تعرف منو فينا بتاع الأساطير .. Post: #45 Title: Re: الزراعة الطائرة Author: محمد عبدالله مختار Date: 07-27-2016, 06:53 PM Parent: #44 Quote: حاتم انت في البوست ده مزنوق شديد اكتر من زنقه محمد مختار رغم انو البوست موضوعو مختلف محمد مختار ما تفك الكربون حتى لو عضاك لانو تاني ما بتقدر تكربنو بسهولة باشمهندس أيمن محمود ، حياك الله حاتم مستحيل يعترف بإنو مزنوق والليلة جبنا ليهو عرض سخي عشان ننتهي من الموضوع ده بعد ما سكتنا ليهو كتير القصة (بيان بالعمل) .. يا يجينا يا يرسل زول ، أعتقد ده ممكن يحسم النقاش ده تماماً تحياتي Post: #46 Title: Re: الزراعة الطائرة Author: محمد عبدالله مختار Date: 07-27-2016, 06:56 PM Parent: #45 Quote: أركب التوكتوك وغادر وإلا جاوب .. شكلك بقى دشن واتعصرت لحدي ما بقيت تحدث أصوات هههههههههه الهادي يا حبوب .. يركب التكتوك ويغادر وين؟؟ يا دوب الزول ده أنا قبلت عليهو وعايز أحسم الفوضى دي (نهائياً) وبيان بالعمل .. تحياتي Post: #47 Title: Re: الزراعة الطائرة Author: محمد عبدالله مختار Date: 07-27-2016, 06:58 PM Parent: #46 Quote: يا هندسه محمد مختار متابعين والي الامام حياك الله يا سعد .. وخليك قريب .. تقبل تحياتي Post: #48 Title: Re: الزراعة الطائرة Author: حاتم إبراهيم Date: 07-28-2016, 05:40 AM Parent: #1 Quote: أحسن من الكجامة بكتير هل دا التصميم المحسن لجلب العينات من الحقل. _______ ولا لسة مصر على استخدام حامل الكاميرا؟ Post: #49 Title: Re: الزراعة الطائرة Author: محمد عبدالله مختار Date: 07-28-2016, 08:20 AM Parent: #48 يا حاتم الهندسة دي (بيان بالعمل ولا كيف)؟؟ أنا قدمت ليك عرض جميل واظنو فرصة كويسة ليك تثبت إني زول كضاب ساي .. تعال يا ولدنا بي نفسك (ونكرمك والله ونشيلك في راسنا) بي عمايلك الشينة البتعمل فيها دي لكن بعد ما ترجع البورد بنديك بالحتة الفيها الحديدة .. تعال بي نفسك وشوف هل الجهاز ممكن يشتغل بالبطارية فقط ولا بالكهرباء العامة زي ما بتقول إنت .. وإنت برضو قلت الجهاز تقيل ووزنو ما محسوب والدرون ما بتقدر تقلع بيهو عشان كده نحنا فرغناهو من محتويات أساسية وخلينا الخراطيش والكبابي جدا يا مان تعال لينا ونوريك الجهاز بي كل مكوناتو بعد ما تقول اوكي نركبو ليك في الدرون ونطيرها ليك .. الغلاط تاني لزومو شنو ؟؟ بعدين أنا عفيتك وأديتك عرض مريح جداً .. ما عندك طريقة تجي رسل لينا زول (يمثلك) بس تعال أدينا موافقة مبدئية بالتحدي ده وأنا والله بكون أسعد زول بالموضوع ده لأنو حا يحسم النقة الكتيرة بتاعة البوست ده ثم إنو والله البطاريات دي أديك ليها عن بكرة أبيها وأمها زاتو تقرأ مواصفاتها بي راحتك إنت أو من ينوب عنك .. وأديك الأوتوبايلوت والإمبدد سيستم تشوفهم بي عينك وأخليك تطلع على كل التفاصيل وبالمناسبة ما حصل ورينا زول قبل كده التفاصيل الدقيقة دي .. شرطي واضح .. الحاجة دي تتوثق وتترفع هنا في سودانيز أونلاين والزول الكضاب فينا يفتح بوست ويعتذر عن الإساءة المتعمدة ويعترف بي جهلو وتاني ما يكرر الحاجة دي .. عليك الله رد لي سريع لأنو زمني ضيق وأنا على سفر .. أنا في إنتظارك يا باشمهندس عشان نكسب زمنا وما نقعد نتغالط كده .. الناس دي زهجت من الموضوع ده

---