سقوط النظرية التفاحية لصاحبها محمد العريفي.

05:04 AM July, 16 2016

سودانيز اون لاين
سيف النصر محي الدين-
مكتبتى
رابط مختصر

Falsifiability مصطلح يعبر عن أن اي نظرية او فرضية تحمل في داخلها احتمالية نفيها او بيان خطأها.
مثلا اذا قلت أن "كل" السودانيين كرماء يتعين على من يعارض نظريتك أن يثبت أن سودانيا واحد فقط
بخيل ليبطلها و يثبت انها خطأ.
محمد العريفي قال انه لو قرأ القرءان على غير المتحدثين بالعربية ثم قرأ لهم نصا آخر بالعربية
سيتستطيعون تمييز القرءان من غيره.
هنا الرجل يشرح النظرية:

و هنا سقطت النظرية في الاختبار:

الهدف ليس هو السخرية لا سمح الله
بل الهدف هو كشف التفكير الساذج ذو النزعة الطفولية الذي يذهب بشعوبنا نحو الهاوية.

بالعكس تماماً يا المستهزئ ..
الشاب واضح عليهو جداً انه مزروع في الندوة ويبدو عليهو انه يهودي مُلحد من إصول إيرانيـة ذو نزعة شيــوعية ..
دا غيــر النهج الليبرالي الواضح في طريقة تفكيرو ورفضو..!


فالنظرية ثابتة في مجراها وقد خاب من دساها ..



ــــــــــ..
كان ما خايف اخل بعهد البراءة ووز الموالاة كان قلت ليك كل سنة وانت طيب :)

سيف النصر محي الدين





سلام دكتور سيف ،
حياك الله وبياك ،

رأيك شنو في التأثير النفسي للقرآن أو السايكولوجية ،،
Psychological
و يطيب لي أولاً الترحيب ،
بصديقي العزيز ،
HAIDER ALZAIN
كل سنة و إنت طيب يا حيدر ،
و إنت طيب كمان يا د . سيف ،
أشواقي ،
،،،،،،،

Quote: Falsifiability مصطلح يعبر عن أن اي نظرية او فرضية تحمل في داخلها احتمالية نفيها او بيان خطأها. مثلا اذا قلت أن "كل" السودانيين كرماء يتعين على من يعارض نظريتك أن يثبت أن سودانيا واحد فقط بخيل ليبطلها و يثبت انها خطأ. محمد العريفي قال انه لو قرأ القرءان على غير المتحدثين بالعربية ثم قرأ لهم نصا آخر بالعربية سيتستطيعون تمييز القرءان من غيره. 07-16-2016, 05:04 AM سيف النصر محي الدين ،،،،،،،

عزالدين عباس الفحل
ابوظبي

وانت طيب حبيبنا الفحل التحايا الحارةهسع كنت بسأل منك ود المدير :) :)

Quote: Psychological

لحدي ما يجيك دكتور سيف بالنجيضة العلمية ..
لكن انا وبحكم عدم الاختصاص فبقول ليك المسألة دي بتعتمد على شيطان المتلقي وقرينو والسيطرة عليو..
لانو اساساً وعلميا ودينياالباسيكوجيك دا ليهو علاقة بمس الشياطين والجن والقران ثبت علاجو لحالات كتيرة..
فان كان الكافر قرينو برضو كافر فبيرفض الاعتراف بالقران ودا واضح في قصة اخونا اليهودي الصفوي الفوق داك
وللمزيد في بوست لشيخ جدادات عن القصة دي اسمو البقرة والقرين ..


..تحياتي

Quote: الشاب واضح عليهو جداً انه مزروع في الندوة ويبدو عليهو انه يهودي مُلحد من إصول إيرانيـة ذو نزعة شيــوعية ..

دا كلو واضح من محياهو مثلاً؟

دكتور سيف إزيك ياخي. ____ صحي بقيت فيلسوف متقرضم؟

اووو اس عطبرة و كنور ظهروا ..كل عام و انتم بخير يا حيدر رغم انف الولاء و البراء
و بعد

Quote: الشاب واضح عليهو جداً انه مزروع في الندوة ويبدو عليهو انه يهودي مُلحد من إصول إيرانيـة ذو نزعة شيــوعية .. دا غيــر النهج الليبرالي الواضح في طريقة تفكيرو ورفضو..!

نجضتو نجاض لكن الشاب ده :)

Quote: رأيك شنو في التأثير النفسي للقرآن أو السايكولوجية ،، Psychological

سلام يا اخ عز الدين و كل عام و انتم بخير
نعم للقرءان تأثير نفسي على سامعه و لكن في ظني هذا التأثير يقتصر على المؤمنين به فقط.

سلامات يا حاتم يا حبيبنا و كفانا الله و اياكم شر القرضمة
حكاية القرضمة دي لازمتني اثناء المرحلة المتوسطة في الكلاكلة القطعية لاني كنت البس
نظارة ذهبية اللون رغم اني كنت مجبرا لا بطلا فانا لم اصب نفسي بقصر النظر :)
لكن بعد داك و بعد تغيير لون النضارة ما في زول اخد عني انطباع زي ده الا مؤخرا!

سيف النصر محي الدين





سلام د . سيف ،
يسعد صباحك بالخير ،
تأثير القرآن الكريم علي الكافر و المؤمن ،
علي السواء ،
ألم تري كيف أسلم سيدنا عمر بن الخطاب رضي الله عنه ،
حينما قرأ الصحيفة و كان مكتوب عليها ،
آيات من سورة طه ،
{ طه (1) مَا أَنزَلْنَا عَلَيْكَ الْقُرْآنَ لِتَشْقَى (2)إِلَّا تَذْكِرَةً لِّمَن يَخْشَى (3)
تَنزِيلًا مِّمَّنْ خَلَقَ الْأَرْضَ وَالسَّمَاوَاتِ الْعُلَى (4)
الرَّحْمَنُ عَلَى الْعَرْشِ اسْتَوَى (5)
لَهُ مَا فِي السَّمَاوَاتِ وَمَا فِي الْأَرْضِ وَمَا بَيْنَهُمَا وَمَا تَحْتَ الثَّرَى (6)}

فأهتز عمر ،
و قال ما هذا بكلام بشر ،
ثم قال أشهد أن لا إله إلا الله و أن محمداً رسول الله ،
فدخل الإسلام بآيات من القرآن الكريم ،
والسؤال :-
أليس هذا تأثير سايكولوجي للقران الكريم ؟
في شرح النفوس للدخول للإسلام ،
و قال بن الخطاب ،
دلونى على محمد ,
،،،،،،،

Quote: نعم للقرءان تأثير نفسي على سامعه و لكن في ظني هذا التأثير يقتصر على المؤمنين به فقط. سيف النصر محي الدين ،،،،،،،

عزالدين عباس الفحل
ابوظبي

Quote: تأثير القرآن الكريم علي الكافر و المؤمن ، علي السواء ، ألم تري كيف أسلم سيدنا عمر بن الخطاب رضي الله عنه ، حينما قرأ الصحيفة +++ أليس هذا تأثير سايكولوجي للقران الكريم ؟

والله!

طيب هو قرأ الصحيفة كيف انت عايزو ما يتأثر؟ بعدين ما بالضرورة (قرآن) الخطابات الغرامية والخطب العصماء والشعر الحماسي الأنت قاعد تجيبو هنا دي كلها ليها تأثير سايكلوجي يا الفحل. ما هي اللغة ذاتا في عضما وسيلة توصيل سايكلوجي يا أبونا ____ النظرية التفاحية بتفترض زول ما بيعرف عربي يا أبوظبي .

قال سيف النصر :


Quote: نعم للقرءان تأثير نفسي على سامعه و لكن في ظني هذا التأثير يقتصر على المؤمنين به فقط


فرد عليه عز الدين الفحل بالرد الآتي :


Quote: تأثير القرآن الكريم علي الكافر و المؤمن ،
علي السواء ،
ألم تري كيف أسلم سيدنا عمر بن الخطاب رضي الله عنه ،
حينما قرأ الصحيفة و كان مكتوب عليها ،
آيات من سورة طه ،
{ طه (1) مَا أَنزَلْنَا عَلَيْكَ الْقُرْآنَ لِتَشْقَى (2)إِلَّا تَذْكِرَةً لِّمَن يَخْشَى (3)
تَنزِيلًا مِّمَّنْ خَلَقَ الْأَرْضَ وَالسَّمَاوَاتِ الْعُلَى (4)
الرَّحْمَنُ عَلَى الْعَرْشِ اسْتَوَى (5)
لَهُ مَا فِي السَّمَاوَاتِ وَمَا فِي الْأَرْضِ وَمَا بَيْنَهُمَا وَمَا تَحْتَ الثَّرَى (6)}

فأهتز عمر ،
و قال ما هذا بكلام بشر ،
ثم قال أشهد أن لا إله إلا الله و أن محمداً رسول الله ،
فدخل الإسلام بآيات من القرآن الكريم ،


دي ضربة سببت لسيف النصر رباط صليبي ..
أها تبريرك شنو ؟
منتظرين ردك أن القرآن له تأثير على المؤمنين فقط .
غايتو

--------------------
القرآن هدى من الضلال وتبيان من العمى واستقالة من العثرة ونور من الظلمة وضياء من الأحداث وعصمة من الهلكة ورشد من الغواية وبيان من الفتن وبلاغ من الدنيا إلى الآخرة وفيه كمال دينكم .
الكلام المشار اليه أعلاه ده بعجبك ولا ما بيعجبك عن القرآن .
يعني لايك ولا عندك كلام تاني

Quote: النظرية التفاحية بتفترض زول ما بيعرف عربي يا أبوظبي .

عليكم الله دا رد زول بخرّب البوستات .. اتّقوا الله يا رفاق !!

التحية لك دكتور سيف .. ولضيوفكم الاكارم ..

ود الفحل سلام يغشاك ..

Quote: تأثير القرآن الكريم علي الكافر و المؤمن ، علي السواء ،

وماهي ترجمتك لنظرية التفاحة في الجزء التاني الجزء
الاول مع الالمانية برضو ما بصدقو لاني ما شفت المرأة
الاتحدت عنها العريفي وتعابير وشها احتمال خجولة ومعظم
الخواجيات خجولات جدآ بذات لما يتحدثن مع اجانب وبالمايك؟
يعني لو احمر وشها ما معناتو من القران . ولو ترجم ليهو واحد
من جماعتو اكيد بكون كذب عليهو عشان يخبر بخاطرو موش
انت عارفنا نحن المسلمين معظمنا دجالين وبنجامل بعض ؟

ولك الاشواق ..

Quote: منتظرين ردك أن القرآن له تأثير على المؤمنين فقط . +++ الكلام المشار اليه أعلاه ده بعجبك ولا ما بيعجبك عن القرآن .

الشغيل

إذا (الكلام) عجب زول فدا إما لأنو مدرك للغة الكلام أو عاجبو اللحن بتاعو فقط مافي احتمال تاني اللهم إلا تأثير جانبي لا علاقة له بالكلام أو النص، سميها (side channel). يعني من الطبيعي إذا كنت أنا بعرف عربي يؤثر فيني النص العربي إذا كان (أغنية، خطبة، شتيمة، معلومة جديدة) دا معروف وما بيحتاج لنظرية تفاح. التأثير الجانبي دا زي لما تكون بتحب شخص وبناء عليه تحسب كل كلامه حلو غض النظر عن معناه، وتتألم لألمه وتغضب لغضبه، يعني لو قالوا عليهو إرهابي مثلاً تقوم انت هنا ترتعد فرائصك. +++ إذا كان هناك تأثير للقرآن على سامعيه من غير المتحدثين بالعربية أو السامعين بها فهو للحن الكلام فقط لا غير.

Quote: عليكم الله دا رد زول بخرّب البوستات .. اتّقوا الله يا رفاق !!

اسمها (الجير الضيق الأوضة)

دي قصة الراجل المرتو قالت ليهو نجير البيت عشان العيد قرب، قال ليها (الجير بضيق الأوض) ___ يابوي ديل ما عندهم منطق ولا فهم ذاتو .

العريفي في تنزانيا..تأثير القرآن الكريم على الاعجام







عزالدين عباس الفحل
ابوظبي

تأثير القرآن على أشهر مذيع ياباني بحضور العريفي







عزالدين عباس الفحل
ابوظبي

تأثير القران على الرجل الالماني بصوت القطامي ونشيد سبيل العالم مترجم إنشروه يامسلمين







عزالدين عباس الفحل
ابوظبي

أعوذ بالله السميع العليم من الشيطان الرجيم

بسم الله الرحمن الرحيم



(20) لَوْ أَنزَلْنَا هَٰذَا الْقُرْآنَ عَلَىٰ جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ ۚ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ (21)

***
سورة الحشر ،
،،،،،






عزالدين عباس الفحل
ابوظبي

يا صامت الحكاية دي ما دايرالا شرح......اثبت حالة لا ينطبق عليها التعميم فيصبح باطلا
ما في حاجة مخرومة غير صاحبك العريفي هههههههه

سلام يا دكتور سيف النصر

يا ريت لو وقفت عند سقوط النظرية التفاحية لصاحبها محمد العريفي.. الراجل تم تكفيره يا زول.. وممن؟؟ من الشيخ الفوزان نفسه، والكلام ليهو أكثر من ثلاث سنوات. شوف هنا:

سلام يا دكتور
تعرف عندنا مشكلة اساسية فى بلادنا الاسلامية و هى غياب تدريس الفلسفة فى مناهجنا التعليمية. نحن قوم نمتخ و نمرح فى التمتع بمنتجات و منجازات الثورة العلمية و التفكير العلمي لكن غابت عنا اسسه. عشان كده بقينا ماسكين اي حاجة من كراعها زي شغل ناس العريفي و لسه عاشين فى الاحلام. هسة قريب سوف يتخلي العالم عن استخدام الوقود الاحفوري (البترول) و ممكن فجاءة ناس العريفي ديل يرجعوا لحياة العصر الجاهلي، يسكنوا الخيام و يركبوا البعير للمواصلات.

Quote: إذا كان هناك تأثير للقرآن على سامعيه من غير المتحدثين بالعربية أو السامعين بها فهو للحن الكلام فقط لا غير

خاصة لما يصاحب اللحن صوت بكائي ....

الخطباء السياسيون يعرفون كيف يؤثرون علي السامع ديماوجيا

والشاعر يعرف كيف يجذب المستمعين بطريقة القاء شعري معينة

ـــــــــــــــــــــــــــــــــــــ

زمان كنت احب بوب مارلي دون ان افهم ولا كلمة واحفظ الاغاني بمحاكاته

فمثلا هو يقول get up stand up وانا اقول قير اب ههههههه

شفت التاثير ماعندو دين كيف ؟؟!!

Quote: العريفي في تنزانيا..تأثير القرآن الكريم على الاعجام

الأسوأ هو التغييب الاختياري للعقل

أثره مدمر، فحتى لو طافت بذهنه الحقيقة أوردها لغير مرادها. ___ هسع صاحب الاقتباس دا بيزدري في أخوانه بلفظ "الأعاجم" وفرحان.

سلام و شكرا لجميع الشباب
الهادي
منى
دكتور ياسر
بكور
صبري
عبد اللطيف

يا جماعة ما تلخبطوا لينا الكيمان ...انتو بتتكلمو عن العريفي أم القرآن؟
وهناك فرق بلا شك