Post: #1
Title: عاجل..مطلوب عدد واحد خيمة لاسرة جنوبية نازحة
Author: عماد كرار
Date: 07-14-2016, 11:20 AM
11:20 AM July, 14 2016 سودانيز اون لاين
عماد كرار-السودان/الخرطوم
مكتبتى
رابط مختصر بسم الله الرحمن الرحيم
بالقرب من مكان عملي توجد اسرة تتكون من ام وعدد 4 اولاد احدهم رضيع
في مكان قيد الانشاء شاهدتهم اليوم لاتقيهم الا شجرة وبعض الاشياء البالية
من الامطار الشديدة وخاصة امطار امس والخريف مازال في بداياته. اصابني الحزن
والله من هذا المنظر والكل في بيوتهم امنيين مستظلين من المطر ليلاً والشمس الحارقة نهاراً
والله رايتهم ليس لهم الا مرتبة واحدة مفروشة ع الارض يتزاحمون عليها
الاولوية الان لعدد واحد خيمة تظللهم
وقد فكرت في اهل سودانيزاون لاين عامة اولا فهم اهل الحوبة كما عودونا دائما
وبورداب الخرطوم خاصة ،
المكان:امتداد الصحافة بالقرب من جهاز المغتربين
والله لايضيع اجر من احسن عملا،،،
*ملاحظة : لم اتواصل حتي الان مع اي فرد من افراد تلك الاسرة
|
Post: #2
Title: Re: عاجل..مطلوب عدد واحد خيمة لاسرة جنوبية ناز
Author: مني عمسيب
Date: 07-14-2016, 11:27 AM
Parent: #1
الحبيب عماد كرار .. لك التحية والتقدير والاحترام ..
وللاسرة الجنوبية الحبيبة كل التحايا .. وهذا يوم الوقوف معهم ..
يا عماد لو سمحت ممكن تخت لي تلفونك في الخاص ؟
|
Post: #3
Title: Re: عاجل..مطلوب عدد واحد خيمة لاسرة جنوبية ناز
Author: ombadda
Date: 07-14-2016, 11:30 AM
Parent: #1
لفتة بارعة..
ولتكن البداية والنواة لمد يد العون لاخوتنا في الجنوب بدل الشماتة فيهم.
لا للحرب
|
Post: #4
Title: Re: عاجل..مطلوب عدد واحد خيمة لاسرة جنوبية ناز
Author: مني عمسيب
Date: 07-14-2016, 11:37 AM
Parent: #3
عماد يا حبيب انا طالعة بعد شوية الشغل .
ممكن تخت لي تلفونك عشان اتصل بيك اسه ؟
امبده سلام يا كلس وقوفنا مع اخوانا الجنوبين واجب اخلاقي .
|
Post: #5
Title: Re: عاجل..مطلوب عدد واحد خيمة لاسرة جنوبية ناز
Author: عماد كرار
Date: 07-14-2016, 01:20 PM
Parent: #4
اختي استاذة مني
واخي امبدة
شاكر ليكم شديد تلكم المشاعر النبيلة بشأن موضوع الاسرة
ارسلت لك رقم التلفون في الخاص كما طلبت يامني
لكني ارجوا ايضا ان يكون احد بورداب الخرطوم المعروفين طرفاً في
الموضوع مثلاً اخي محمد المسلمي حتي يكون شاهداً وشريكاً في الاجر ان شاء الله.
لا املك تلفون الاخ محمد وحاولت الاتصال به عبر الماسنجر ولم اوفق.
|
Post: #6
Title: Re: عاجل..مطلوب عدد واحد خيمة لاسرة جنوبية ناز
Author: abubakr salih
Date: 07-14-2016, 01:27 PM
Parent: #5
سلام يا عماد عليك الله خت لينا وسيلة اتصال بيك.
او ارسله بالمسنجر حق المنبر.
مع التحيات الطيبة.
|
Post: #7
Title: Re: عاجل..مطلوب عدد واحد خيمة لاسرة جنوبية ناز
Author: وضاح عبدالرحمن جابر
Date: 07-14-2016, 02:56 PM
Parent: #6
ده كلام عظيم
يا ريت بورداب الخرطوم - البلقى فيهم زمن يتواصل مع الأخ عماد عشان الناس تتساعد في الحركه الظروف صعبه
وياريت برضو يكون النداء ده نواه - لتنظيم حمله ( توفير مأوي للنازح الجنوبي) .. داخل المدن
ويتبنوها البورداب حول العالم ... كل مجموعه بورداب في بلد معين او مدينة معينه
القصه عاوزه مجهود كبير .. وبتبقي لو الناس اقتنعت بيها
صعب كلنا نقول لى عماد ادينا تلفونك ونحاول نتواصل كلنا معاهو مباشره
|
Post: #8
Title: Re: عاجل..مطلوب عدد واحد خيمة لاسرة جنوبية ناز
Author: سيف ود الخواجة
Date: 07-14-2016, 06:20 PM
Parent: #7
التحية للاخ الكريم عماد كرار
قمة الإيجابية
دا عمل كبير والله لو اي واحد قام بمبادرة زي دي حتتحل مشاكل كتيرة
خلونا نكون زي ما بتعرفنا كل الدنيا أهل نجدة وغوث للملهوف
تسلم والاخوة الكرام
|
|