Post: #1
Title: وزارة الخارجية، تنقلات داخلية وناطق رسمي جديد وأعادة سفير أمضي 12سنة في نيويورك
Author: زهير عثمان حمد
Date: 07-12-2016, 07:45 PM
07:45 PM July, 12 2016 سودانيز اون لاين
زهير عثمان حمد-السودان الخرطوم
مكتبتى
رابط مختصر
أجرت وزارة الخارجية، تنقلات داخلية، قضت باستيعاب السفراء الذين انتهت فترات عملهم في الخارج في إدارات عامة بالوزارة، وتعيين نواب مديرين ومديري مكاتب، كما تمت تسمية السفير قريب الله خضر ناطقاً باسم الوزارة ومديراً لإدارة الإعلام خلفاً للسفير علي الصادق الذي تم ابتعاثه سفيراً للسودان لدى لبنان.
وقضت التنقلات التي أصدرها وكيل الخارجية، السفير عبد الغني النعيم أمس الأول بتعيين عبد الله وادي مديراً لإدارة الاتحاد الأفريقي
والسفير ياسر خضر مديراً للموارد البشرية والمالية
والسفير محمود حسن الأمين للعلاقات الثنائية
والسفير صديق عبد العزيز للتعاون الدولي
والسفير خالد الترس للحدود والأجانب
والسفير د. ياسر محمد علي للتدريب
والسفير منصور بولاد للبيئة
والسفير عثمان الفكي للتوثيق
والسفير محمد سعيد سليمان للسلام والشؤون الإنسانية
والسفير عوض حسين للعقارات
والسفير خالد موسى نائباً لإدارة الشؤون الأوربية
والسفير حسن حامد نائباً لإدارة السلام والشؤون الإنسانية بعد أكثر من 12 عاما أمضاها في بعثة السودان بنيويورك معقول 12 سنة مرة واحدة يا خارجية الهناء !!!#
|
Post: #2
Title: Re: وزارة الخارجية، تنقلات داخلية وناطق رسمي
Author: Basamat Alsheikh
Date: 07-13-2016, 01:00 AM
Parent: #1
عزيزي الفاضل زهير
اميرة بت السيد قرات تعليقك وقالت ليك ان بعثات الوفود
في الامم المتحدة في نيويورك بتختلف من السفارات في
الدول الاخرى..لان بعثات الدول في الامم المتحدة بتتعامل
مع قضايا ساخنة وقضايا تمس الامن في العالم وتمس امن
الدول...وان هناك دبلوماسيين بيمسكوا قضية واحدة لاكثر
من عشرة سنوات..عشان هو بيكون فاهم القضية كويس وبيترافع
عنها باقتدار..وهي ما عارفة ان الحالة دي بتنطبق على السفير
الذي قضى ١٢ سنة في نيويورك ام لا...ولكن يبدو كذلك..وبتقول
ليك ان دبلوماسي في دولة اسيوية فيها مشاكل قضى
١٧ سنة في الامم المتحدة قبل نقله الى بلده...
..بس ما تسال وتقول بت السيد ما تجي براها تشرح..
لا ما حتجي.....
وكل سنة وانت طيب
|
Post: #3
Title: Re: وزارة الخارجية، تنقلات داخلية وناطق رسمي
Author: wadalzain
Date: 07-13-2016, 01:05 PM
Parent: #2
تحياتى
Quote: والسفير ياسر خضر مديراً للموارد البشرية والمالية
|
الذى كان بالدوحة قطر ... اذن انتقل مترقيا مديرا للموارد البشرية والمالية
اذا كان اداؤه في الموارد البشرية والمالية سيكون مثل اداؤه الذى تم في إدارة الجالية السودانية هناك .. فسوف يتنظر الدبلوماسيون والاداريون غير الموالين ( اذا بقى فيها غير موالين ) صيف وظيفى حار وجاف ... ما زالت الجالية السودانية بالدوحة تعانى من متلازمة الفترة الماضية التي خلفها الدبلوماسي السابق
|
Post: #4
Title: Re: وزارة الخارجية، تنقلات داخلية وناطق رسمي
Author: امجد الجميعابى
Date: 07-13-2016, 05:50 PM
Parent: #3
Quote: ..بس ما تسال وتقول بت السيد ما تجي براها تشرح..
لا ما حتجي..... |
ابو الزهراء يا حبيب
كلام بسمات دي اكان داير رأي ما تاخدوا
عشان الاسبوع الجاي اميرة السيد ممكن تقول انا ما قلت
(شمشرة مني ليس الا)
|
Post: #5
Title: Re: وزارة الخارجية، تنقلات داخلية وناطق رسمي
Author: Basamat Alsheikh
Date: 07-13-2016, 06:04 PM
Parent: #4
يا امجد..شمشرتك طلعت اوت سايد...
لاني ما بعرف اي حاجة عن الامم المتحدة..ولكن بت السيد
هي الخبيرة لانها شغالة جوه المنظمة....واطمئن هي ما حتنكر
لانها ما حتقدر تاني تجيكم عشان تكتب...وهي اتلومت فينا
لوم اليابا فضيل...وناس اتلوموا فيها لوم اليابا فضيل..وكان
داير تعرف اليابا فضيل اسال عبد العزيز الفاضلابي او اسال
خالد ود المنسي
وكل سنة وانت طيب
|
Post: #6
Title: Re: وزارة الخارجية، تنقلات داخلية وناطق رسمي
Author: زهير عثمان حمد
Date: 07-14-2016, 08:07 PM
Parent: #5
الاخوة والاخوات الاماجد
تحياتي
طبعا راي الاستاذة أميرة ممكن يكون جائز لو كانت الخارجية تدار بمنهج علمي ولكن كما ترون تخبط رهيب
وليس موضع نقل ما أري نحن في موضع سرد الوقائع ولكن هذا الموظف تحدديا تكلم عنه زملاءه تظلما للوزير
الحالي والسابق كظاهرة غريبة في الدبلوماسية السودانية
ويمكنها سؤال الذين يعملون في الخارجية أذا رات أن ما أقول ليس الحقيقة
لها ولك بت الشيخ كل المودة والاجلال وخليك من أمجد ما تخدي بكلامو
تحياتي العزيز أمجد
ولكم جميعا خالص الود
B]
|
Post: #7
Title: Re: وزارة الخارجية، تنقلات داخلية وناطق رسمي
Author: MOHAMMED ELSHEIKH
Date: 07-14-2016, 08:13 PM
Parent: #6
بت الشيخ اليابا فضيل قريب اليابا ٦سرور من الام؟
|
|