Post: #2 Title: Re: هاشم صديق .. النهاية Author: جلالدونا Date: 07-12-2016, 08:21 AM Parent: #1
اللهم ارحم استاذنا الخالد سيد خليفة و احسن اليه فقد نقلنا من ثقافة اللحن الى الى اللحن الثقافى و ساق فى معيته الاداء الثقافى المتمثل فى معايشة وجدانية لا بملكها الا هو رضى الله عنه و ارضاه و معاها بى لغوتنا الكسرة الساقتنا بعيد ديك و عاملة مشاكل بى غادى
Quote: Tarig Mokhtar Abd Algalil · Khartoum, Sudan مع كل الإحترام لأستاذنا هاشم صديق الشاعر الأديب ...لكن قيامه بالتنازل عن كلمات أغنية المصير للمغنية الشابة مكارم بشير بسبب أدائها الجميل للأغنية (على حسب زعمه) وطلبه من أسرة الفنان الراحل سيد خليفة التنازل كذلك عن لحن الأغنية لنفس السبب ... فيه تمهيد ليسلك الكثير من الشعراء والملحنين نفس الطريق ... لنفاجأ بعد حين بالكثير من الأغنيات قد تحولت لعدد من الفنانين والفنانات الشباب لنفس السبب أو لأسباب أخرى ...وإذا عدنا لأداء مكارم للأغنية ومناقشتة علمياً نجد أن ادائها به الكثير من العيوب خاصة في النوتات العالية والتي لم تستطع إخراجها بالصورة السليمة ... وفي كثير من الاحايين حاولت تقليد اداء الراحل سيد خليفة من غير جدوى... عموماً لا أعتقد أن أداء أي فنان ناشيْ لأغاني كبار الفنانين بصورة جميلة سبباً كافياً لان يمتلك الفنان الناشيْ هذه الأغنية وإلا لكانت معظم الأغاني قد تحولت للراحل محمود عبد العزيز أو عمار السنوسي أو عصام محمد نور ... هذامع كامل الحُزن على قتل أغنية (أضحكي) للفنان القامة أبو عركي البخيت ------------------- أغنية المصير في البوست الخاص بي في صفحتي بالفيس بوك مقصود بها أغنية النهاية نفسها والأغنية إشتهرت بكم إسم
تحياتي يا جلال و عيد مبارك عندي رأي متخلف في مسألة الغنا السوداني فبما أننا نجحنا (سابقا) في إبداع أفضل الغناء على المستوى العربي (ما عارف على المستوى الأفريقي كيف) فلا أرى ضرورة لغناء جديد فليردد المغنون الناشئون الأغاني العظيمة من زمن الحقيبة حتى مطلع التسعينيات بشرط إجادتها بل والإبداع فيها أستند في هذا الرأي على ملاحظة بسيطة وهي أنني خلال العشرين سنة الماضية لم تلفت نظري أغنية جديدة ولم يرسخ في ذهني كوبليها واحدا ولا حتة لحن تخلف.. تقول شنو؟ هذا مع الاحترام لكل الطاقم الفني في الفترة المشار إليها بالمناسبة، الرأي نفسه ينطبق إلى درجة كبيرة على الكورة والسياسة و.. عيييك ------------ تحاياك وصلت إلى أسرة شهاب حتى قبل أن أقرأ بوست التهاني الليِلك (والذي لم أعثر عليه للرد في وقته ومكانه)
Post: #7 Title: Re: هاشم صديق .. النهاية Author: محمد قسم الله محمد Date: 07-12-2016, 05:14 PM Parent: #6
هاشم صديق ليس استثناءً.. لقد تدهور كما تدهور كل شئ في هذا السودان المكلوم بأبنائه..
Quote: هاشم صديق ليس استثناءً.. لقد تدهور كما تدهور كل شئ في هذا السودان المكلوم بأبنائه..
اخونا محمد ...
يا ريت تشرح لينا كيف هاشم صديق ليس استثناء و كيف اتدهور كما تدهور كل شيء في هذا السودان المكلوم بأبنائه ؟ ___________________________________________________________________________ سلامات جلّي ...
Post: #9 Title: Re: هاشم صديق .. النهاية Author: محمد قسم الله محمد Date: 07-12-2016, 06:25 PM Parent: #8
للتكرار
Post: #10 Title: Re: هاشم صديق .. النهاية Author: محمد قسم الله محمد Date: 07-12-2016, 06:27 PM Parent: #8
Quote: يا ريت تشرح لينا كيف هاشم صديق ليس استثناء و كيف اتدهور كما تدهور كل شيء في هذا السودان المكلوم بأبنائه ؟
يعني البقولو عليهو موسى كلو يلقوهو فرعون.. والشرح الكثير يُفسد المعنى..
Post: #11 Title: Re: هاشم صديق .. النهاية Author: محمد قسم الله محمد Date: 07-12-2016, 06:27 PM Parent: #8
Quote: يا ريت تشرح لينا كيف هاشم صديق ليس استثناء و كيف اتدهور كما تدهور كل شيء في هذا السودان المكلوم بأبنائه ؟
يعني البقولو عليهو موسى كلو يلقوهو فرعون.. والشرح الكثير يُفسد المعنى..
Post: #12 Title: Re: هاشم صديق .. النهاية Author: محمد حيدر المشرف Date: 07-12-2016, 06:33 PM Parent: #1
أداء خرافي ولا اريد أن أتحفظ .. أداء خرافي بمعنى الكلمة لمكارم بشير .. أعادتني لسنوات الافتتان بهذه الأغنية (بالنسبة لي على الاقل) اوائل التسعينيات .. من خشم سيدها .. وكلما هممنا بدخول حفلة كانت تستقبلنا النهاية (عمار السنوسي ومحمد فرح وآخرون في البال الجميل) ..
أداء خرافي ولفته بارعة من هاشم صديق .. ما قيمة الاغنيات العظيمة لو لم تترقرق في أصوات المغنين العظماء .. يموت المغني وتبقى الأغنية .. يموت الشعراء وتبقى القصيدة ..
Post: #13 Title: Re: هاشم صديق .. النهاية Author: عمر أبوعاقلة Date: 07-12-2016, 06:39 PM Parent: #1
يا هندسة .. مداخلة قسم الله دي تقرأ مقرونة مع ما كتبه معاوية المدير وخلاصة القول أصبحنا نعيش على ما حفره الوجدان والحس لدينا
تصدق وتأكيداً لكلام ود الزبير معاوية قدّس الله سرّه لم تحرك فيني أي قصيدة مغناة أو لحن أو أداء منذ مدة طويلة وعلى ذلك قس: الكورة الشعر الدراما الرامج التلفزيونية الذوق العام وحتى الاقتصاد والسياسة أصبحنا بلد تعيش على الاجترار (شعوب مجترّة) يا كافي البلا
على هامش البوست: شوف القصائد الأخيرة اللي كتبها الحلنقي وأهداها لجمال فرفور ومين كدا ما عارف وقارنها برحلة عصافير الخريف كمثال
Quote: يعني البقولو عليهو موسى كلو يلقوهو فرعون.. والشرح الكثير يُفسد المعنى..
يا قسم الله ياخي خليك اكثر وضوحا ...
يعني شنو هاشم صديق طلع فرعون !
اشرح ورينا الغلط شنو بالضبط و الجريمة شنو الخلت هاشم يتحول من موسى لي فرعون !!؟
Post: #15 Title: Re: هاشم صديق .. النهاية Author: محمد قسم الله محمد Date: 07-12-2016, 07:14 PM Parent: #14
يا قباني باللاي ما تعمل فيها المحقق كونان.. أشرح ليك شنو ياخ وانت سيد العارفين .. مااااا قلنا البلد كووووولها ماشه حركة ورا.. وهاشم صديق ده من كوكب المريخ؟؟!!!!!
Quote: يا قباني باللاي ما تعمل فيها المحقق كونان.. أشرح ليك شنو ياخ وانت سيد العارفين .. مااااا قلنا البلد كووووولها ماشه حركة ورا.. وهاشم صديق ده من كوكب المريخ؟؟!!!!!
يا قسم الله ...
هاشم صديق من ركايز البلد ... الناس تركز عليهم عشان البلد ما تمش لي ورا ...
فكدي خليك من هاشم ده ... ورينا انت البلد رجعت لي ورا كيف ...
معليش يا قسم سحبت المداخلة عشان فتلت البوست و اعيدها ليك هنا
Quote: عمنا قباني.. كونو هاشم صديق من ركايز البلد ف ده زاااااااتو الجنن عبدالقادر.. لأنّ الركايز ما بتتزحزح وما بتنفزر.. وعشم الناس في الركايز كبير.. أما حكاية أوريك البلد ماشه ورا كيف ف أسأل العنبه الراميه فوق بيتكم.. وهاشم صديق في نهاية الأمر من هذه البقعة التي اسمها السودان يتأثر بمعطياته كونه من بني البشر أما تنصيبك له ملائكياً لا يأتيه الباطل من يمينه ولا من شماله فهو رأيك الذي لن تستطيع فرضه على الآخرين حتف أنوفهم.. ومع ذلك ياخ عرفناهو صاحبك فماا تشغلا لينا أكتر من اللازم.. .................................................................................................... مواقف للبيع وثوابت في دلالة الحياة.
Quote: كونو هاشم صديق من ركايز البلد ف ده زاااااااتو الجنن عبدالقادر.. لأنّ الركايز ما بتتزحزح وما بتنفزر.. وعشم الناس في الركايز كبير.. أما حكاية أوريك البلد ماشه ورا كيف ف أسأل العنبه الراميه فوق بيتكم.. وهاشم صديق في نهاية الأمر من هذه البقعة التي اسمها السودان يتأثر بمعطياته كونه من بني البشر أما تنصيبك له ملائكياً لا يأتيه الباطل من يمينه ولا من شماله فهو رأيك الذي لن تستطيع فرضه على الآخرين حتف أنوفهم.. ومع ذلك ياخ عرفناهو صاحبك فماا تشغلا لينا أكتر من اللازم..
يا شيخ قسم ...
كلامك عام و كلام عوام ... وانت كاتب وصحفي و لا ما كده ؟
فحقو الكلام يكون مؤسس ... سيبك من هاشم صاحبي و الكلام الما بجيب تمنو ده ... و سيبك من الجنن عبد القادر ...
وريني هاشم رجّع البلد لي ورا كيف ...
و لسة منتظرك توريني منو أبناء السودان و المعاهم هاشم المكلوم بيهم البلد حسب مقولتك دي :
" لقد تدهور كما تدهور كل شئ في هذا السودان المكلوم بأبنائه... "
ما ترد بكلام ساكت ... جيب رد مؤسس عشان كل الناس تعرف بالضبط الودا البلد لي ورا منو و عملو شنو لامن خلوهو مكلوم ؟
سلام جلال والحضور اسمك حا يكون كده بالنسبة لى ما بعرف اقول اسمك الكتبتوا هنا دا يحي هاشم مبدع مبدع يا الله عليه شوف تفاعلوا مع الاغنية وشوف احساسوا ياخى ربنا يخلي لينا ويطول فى عمرو هاشم الانسان المليان بهموم البلد وشايل حزن الدنيا في عيونو يا الله ياخى
Quote: أداء خرافي ولا اريد أن أتحفظ .. أداء خرافي بمعنى الكلمة لمكارم بشير .. أعادتني لسنوات الافتتان بهذه الأغنية (بالنسبة لي على الاقل) اوائل التسعينيات .. من خشم سيدها .. وكلما هممنا بدخول حفلة كانت تستقبلنا النهاية (عمار السنوسي ومحمد فرح وآخرون في البال الجميل) ..
أداء خرافي ولفته بارعة من هاشم صديق .. ما قيمة الاغنيات العظيمة لو لم تترقرق في أصوات المغنين العظماء .. يموت المغني وتبقى الأغنية .. يموت الشعراء وتبقى القصيدة ..
حقيقة يا انور الاداء اكتر من عادى ______ كلامك صاح يا مختار و مشاركة منتصر المشروخة فى الغناء داءت سلبا على الاداء و التجربة _____ بالعكس يا مختار فهاشم صديق مقتدر و بارع فى مجاله لكن اعتقد انها نهاية الفكرة التى حاولوا تجميلها فى هذا اللقاء فقبروها بأنفسهم
و انتا طيّب العزيز ود الزبير و شكرا لى خدماتك الجليلة و ربنا يعجلّل بى عودة الغايب اتفق معك تماما فيما اوردته و خلو الساحة من اى عمل مسئول يحمل نكهته الخاصّة به و متعوب فيهو ان كان و لابد من الترديد فليتم على اسس جديدة تحفظ فى المقام الاول حق هذا الشعب فى مبدعيه حتى لا يتم العبث بارثه الفنى لا اقول فكرة الاستاذ هاشم خاطئة و لكن تحتاج الى بعض اضافات لو كان الجيلى الشيخ مواصلا للغناء لوهبة احباب وردى حق اداء كل اغنياته اختيار المردد لابد ان تحكمه ضوابط
Post: #23 Title: Re: هاشم صديق .. النهاية Author: Ahmed Yassin Date: 07-13-2016, 04:51 PM Parent: #21
جلالدونا وشركاه دي شنو مشاركة منتصر الشترة دي؟ هو اصلا رايح وسرحان طبيعي واصلا المقطع بسيط (شفت الفرح ...... بس الفرح) وخرج عن الزمن والموضوع والاوركسترا والايقاع والترومبيت وكلو ولاحظ في الدقيقة (9) في (بس الفرح) عايز يقلد حركات ابوهو في خركات وشو يعني يغمض نص غمضة ويشد الجلد تحت عيونو شوية ويلوي الخشم طالما الموضوع تنازل رسمي كان على الاقل يخلو منتصر دا يتمازل عن الغنا دا نهائي احرجنا ياخ .... الله برحم ابوهو بكون اتململ من عمايل ولده
Quote: هاشم صديق ليس استثناءً.. لقد تدهور كما تدهور كل شئ في هذا السودان المكلوم بأبنائه..
نعم فالظروف المحيطة بشعرائنا مع الاحباطات التى لا اول لها و لا اخر لا تساعد على الابداع و رغم ذلك للرجل مساهماته الكبيرة فى الشعر الغير مغنّى و ة زال يواصل مسيرته بقوة و ثبات يحسد عليه
يا مرحب قبّانى وا اظن يخفى عليك ان الكلمة احد اضلاع الاغنية الثلاث فعلا مستوى الشعر الغنائى تدهور الى قاع سحيق و حالة الحلنقى تعتبر مثال حى لذلك و هاشم قد يكون واصل رحلة الابداع الشعرى لكن بعيدا من انتاج الشعر الغنائى
كل البنات أمونة كلمات هاشم صديق الحان وغناء أبوعركى البخيت
كل البنات أمونه ياخرتوم مَعَاي ساعة أفتح الدكان معاي ساعة الدرس بالليل معاي في البص علي أمدرمان من الكوبري الكبير في الليل أعاين في البحر مهموم ألاقي وجيها شاقّي النيل وفي ساعة التعب والخوف تشيل خطواتي وأمشي عديل
دحين خاتي؟! أكان يا يُمه صبحت نفسي ساعْة الكتمه من ضِيق الزمن والناس وصبحت راحتي لامن ألقي دمي يفور تمد إيدينها تمسح في العصب والراس أمانه كلاما كان رفرف وكت ساعة الدرس يابوي يطير قلمي ويزغرد سِنـّو في الكراس
Post: #28 Title: Re: هاشم صديق .. النهاية Author: جلالدونا Date: 07-14-2016, 01:28 AM Parent: #27
يا مرحب ابوعاقلة انه انهيار عظيم يا صاحب و قاصمة الظهر الانهيار الاخلاقى حتى صار من يتحدث عن الشرف و الامانة دقّة قديمة و عادى جدا الما بعرف اى حاجة بقى هو كل حاجة اسأل الله السلامة لنا و لكم و للشعب الطيّب المغلوب على امره
Post: #29 Title: Re: هاشم صديق .. النهاية Author: محمد مجيدو Date: 07-14-2016, 09:56 AM Parent: #1
جلجل .. وضيوفك الكرام .. كل عام وانتم بخير ,,
اعتقد من اجمل الحلقات التي بثت في عيد الفطر المبارك برنامج نسرين النمر في سهرة حكايات للوطن والتي استضافت الشاعر العملاق هاشم صديق .. وكرمله .. وتم التنازل القانوني للاغنية النهاية بعد موافقة ورثة الفنان سيد خليفه وعنه ابنه منتصر .. وانا ما شايف اي مشكلة في هذا الموضوع ... وكرملة تستاهل ان يقف معها قامة مثل هاشم صديق .. وكفى .. كما صرح هاشم صديق ايضا بانه يعد مفاجاة باهداء احدى قصائده للشاب مهاب والذي ظهر ايضا في برنامج اغاني واغاني بصورة جميله واداء مميز ... ولننتظر هذه المفاجاة ... تحياتي ,,
حاجَه فيك تقطع نفس خيل القصَايد وتشده أجراس المعَابد تعّبتنى وجنّنت حرف الكلام وبرضو أدتنى السلام
حاجه فيك صبحت جواز سَفر المسَافه و استراحَه حاجه فى شُرف المداين وفى غرف كل السفاين وجوّة فى عمق المناجِم والعيون حاجه زى ماتكون محلـّق فى العواصِف وفجأه تهبط فى السكون حاجه زى نقر الأصابع لمـّا ترتاح للموسيقى حاجه زى أخبار تناغِم من جريدة حاجه زى وتر الموانى لمـّا يصدح لى سفينة
حاجه فيك لا بتنتَّهى ..لا بْتبتَدى خلتنى أرجع لى القلم وأتحدى بى الحرف الألم وأضحك مع الزمن العريض وأنسف متاريس الطريق وأعرف متين أبقى المطر وأفهم متين أصبح حريق
Post: #31 Title: Re: هاشم صديق .. النهاية Author: محمد أبوالعزائم أبوالريش Date: 07-14-2016, 01:43 PM Parent: #30
ما عارف، هل هو أثر الدهشة الأولى أم أثر مشاركة منتصر سيد خليفة ... أم أن الأداء فعلاً كان أقل من حلقة أغاني واغاني.
من ناحية الحقوق ..... الأغنية مش فيها أطراف تانية غير هاشم صديق وورثة سيد خليفة؟
Quote: أداء خرافي ولا اريد أن أتحفظ .. أداء خرافي بمعنى الكلمة لمكارم بشير .. أعادتني لسنوات الافتتان بهذه الأغنية (بالنسبة لي على الاقل) اوائل التسعينيات .. من خشم سيدها .. وكلما هممنا بدخول حفلة كانت تستقبلنا النهاية (عمار السنوسي ومحمد فرح وآخرون في البال الجميل) ..
أداء خرافي ولفته بارعة من هاشم صديق .. ما قيمة الاغنيات العظيمة لو لم تترقرق في أصوات المغنين العظماء .. يموت المغني وتبقى الأغنية .. يموت الشعراء وتبقى القصيدة ..
بالعكس يا حبيب .. الاداء متكلّف و فيهو خرمجة كتيرة من منتصر و بعدين الاغنية دى لو غنيتا ليك انا الصوتى اجش و زمنى فارق مغ طروقيتى المعاها شتورية برضو حتصفّق و تستمتع و تقول لى هايل يا جلّى لانو الاغنية سبحان الله خلقت لتكون ممتعة تخت اى طرف و اى مكان
Post: #33 Title: Re: هاشم صديق .. النهاية Author: جلالدونا Date: 07-15-2016, 00:05 AM Parent: #32
مرحب بحسناء الزمان
Quote: اولا ما تتغاظوا من منتصر لانو بالتأكيد احسن من أداؤه تأنيا هاشم صديق قال ان الاغنية كانت بتبث فى الإذاعة فى الفترة الميتة زمن الراجل فى الشغل والمرا فى التكل وده اعتراف ضمن انو اغنيتو اكتر من عادية وأقول ليكم كلام لو كان محمد الامين او وردى سألوها منو ما أداها سيد خليفة مع احترامى وإعجاب الشديد بسيد خليفة ثالثا نسرين النمر رغم الوجاهة لكن ضعيفة التقديم والفكر وممكن نقول مدعية
الاغنية ما عادية يا حسناء و اللحن جاء من رحم الكلمات و الاداء رسم لوحة الحزن العميق اغنية مكتملة من جميع النواحى نسرين النمر هيأت مخرجا لهاشم ليدافع عن موقفه و يقينى انه لم ينجح فى ذلك ان ام يزده تعقيدا
العوافى خيتى الوضاحة و يا هو اسمى قوليهو زى ما انتى عايزة
<<<هاشم مبدع مبدع يا الله عليه شوف تفاعلوا مع الاغنية وشوف احساسوا ياخى ربنا يخلي لينا ويطول فى عمرو هاشم الانسان المليان بهموم البلد وشايل حزن الدنيا في عيونو يا الله ياخى >>>>>
مافى شك انو هاشم مبدع يشار اليه بالبنان و لا زال يمارس مسيرته الابداعية فى زمن نضب فيه الابداع و تقزّم من كانوا كبارا
طال ما اتفقت معاهو فى الحتّة دى ده بأكّد انو المشرف احساسو مجوبق و غلت فى غلت و على قول اخونا كبر .. انتو محتاجين واحد احساس مضبوط عشان تنضبط ذائقتكم الغنائية
Post: #36 Title: Re: هاشم صديق .. النهاية Author: محمد حيدر المشرف Date: 07-16-2016, 06:08 AM Parent: #1
Quote: رضو حتصفّق و تستمتع و تقول لى هايل يا جلّى
ولا هايل ولا يحزنون .. يكفيني اتفاق الخال مرهف الحس والفنان بالفطرة ابوحسين ...
Post: #37 Title: Re: هاشم صديق .. النهاية Author: جلالدونا Date: 07-16-2016, 07:18 AM Parent: #36
يا الف مرحب اخونا احمد بس اتفق معاك فى كل ملاحظاتك و السبب اصلو المحور الدار فيه الحديث عن اغنية النهاية تحس بيهو مصنوع و المنتصر شارك فى الغناء من باب انا راضى شن نخس القاضى لكن هو غناى خاصة لمّا يغنى بى مزاج و هو الاولى بترديد اغانى الراحل والده فهو احسن من يجيد اداءها هاك الفيرشن ده على قول المدعو كبر و سف و قارن
Post: #38 Title: Re: هاشم صديق .. النهاية Author: جلالدونا Date: 07-16-2016, 07:54 AM Parent: #37
ؤوووو حبيبنا مجيدو المحّن سيدو ياخى بالغتا جنس بوليغ غايتو سكلك كده كنت ما لا بس النضّارة و بالتالى السمع ذاتو بقى طشاش
Quote: Quote: اعتقد من اجمل الحلقات التي بثت في عيد الفطر المبارك برنامج نسرين النمر في سهرة حكايات للوطن والتي استضافت الشاعر العملاق هاشم صديق .. وكرمله .. وتم التنازل القانوني للاغنية النهاية بعد موافقة ورثة الفنان سيد خليفه وعنه ابنه منتصر .. وانا ما شايف اي مشكلة في هذا الموضوع ... وكرملة تستاهل ان يقف معها قامة مثل هاشم صديق .. وكفى .. كما صرح هاشم صديق ايضا بانه يعد مفاجاة باهداء احدى قصائده للشاب مهاب والذي ظهر ايضا في برنامج اغاني واغاني بصورة جميله واداء مميز ... ولننتظر هذه المفاجاة ... تحياتي ,,
هسى اتحداك خلى هاشم صديق يعمل تنازل بى نفس المسرحية عن اغنية حاجة فيك البرنامج شغل علاقات اكتر من حفظ حقوق و الذى منّو لتبرير و تمرير بدعة هاشم صدّيق مهاب غناى مافى شك و حضوره مميز و اداؤه بمتاز بالثبات و الحق يقال هو الاولى بالرعاية و شوفو فى الفيرشن ده
Post: #39 Title: Re: هاشم صديق .. النهاية Author: Kabar Date: 07-16-2016, 10:54 AM Parent: #37
اااااااااااااااااااااااااخ..! لاقيتك يا هاشم ، وقد لا تذكر ، ومش ضروري تتذكر ذاتو..! مغربية ، وعركي مارق من بيتك ، وهي لقية انتظرتها سنين وسنين.. كنت ، طيلة سنوات دراستي في الجامعة ، احنس صديقي دكتور عبد الباقي حامد الجزولي.. عشان نزور..جارهم في الحلة هاشم صديق ، وعبد الباقي يعتذر..بحجة انو هاشم زمنو قليل..والقليل اخير يمرق لينا بي حاجة..الى ان تهيأت لي فرصة لقياك ، عابرا ، رغم انف صاحبي عبد الباقي.. ولو داير تحسبها بالزمان العابر.. كانت مغربية .. نفس المغربية الكان ناس الحيكومة استقبلوا فيها خبر وفاة الزبير محمد صالح.. وجابوا الطيب سيخة من عدم.. عشان يلعلع في الروادي بانو كان حاضر وقعة الطيارة اياها في حوافي الناصر.. وانا كنت اعلم ، وغيري ناس كتار.. انو الطيب سيخة جابوهو من جوبا.. مسبسب ومنعم.. عشان يتكلم في الروادي.. شفت الزمن السوداني غريب ككيف يا هاشم..!! لك الحق في ان تتذكر كلمات شعرك وتهديها لمن تشاء.. ولكن هل تتذكر ان كلماتك اصبحت وجدان امة بحالها ؟ فهل استشرت الأمة يا هاشم صديق؟..هل استشرت مكي سنادة؟..وماذا يضيرك ، وانت الشاعر الحريف ان تكتب كلمات جديدة وتهديها لمن تشاء؟.. المهم..!!
يا جلال.. ياخي انتا الجابك هنا شنو..!!! عارف يا صاحب.. خاصمت حبيبتي.. ايام الدراسة في جامعة الخرتوم..كلية القانون.. أو أي كان اسمها..!! عارف ليه؟.. كانوا نفرين.. متناقضين ، بؤر التضاد حيثما كان وكيفما كان..هاشم صديق وحسن الترابي..! واظنك بتعرف كيف حروب الجكس الممتدة في ذلك الزمان العريق..! سافرت وطشيت ومرقتها في كوستي.. اي والله كوستي بتاعة ناس عبد الحفيظ اب سن و معاوية الزبير..طراهم الله بالخير.. فقامت حبيبتي اياها رسلت لي جواب من اربعة صفحات فلسكاب.. وهي بتحكي عن اكذوبة تمثال الشمع ، القام داب قدام عيونها.. وكانت تعني سيدنا حسن الترابي، ولا، أي كان اسمو..!! ولمن لاقيتها في الخرتوم (الزولة من بنات اركويت ، جيران البلابل ، الحيطة بالحيطة ..يااااااااخ)..قامت قالت لي: هاشم ، نرجسي..وخيالي.. وعايش..في عالم تاني..!! فقلت ليها: الترابي..هوادة.. نظام ممكن نتفاهم ونتفاوض ونتقايط ذاتو.. لكن هاشم صديق..حاجة تانية.. ولا نقبل فيها مقايطة.. وان شاء الله انتي وحنانك تطيروا وما تركوا..!!ا وكانت ، حبيبتي اياها ، قد ضاعت بين الكيزان والبعث العربي ، ولم تجد روحها الإ في ناس قريعتي راحت ..ناس نحنا وكده.. فصارت مثلنا تسب امسودان ونخبة امسودان.. واتعلمت حاجات كتيرة خلاص..!! حزينة حبيبتي ، اليوم ، وحزين انا يااااااااااااااااااخ..! ما غاب عن هاشم صديق ويوسف الموصلي.. انهم خلقوا وجدان الناس.. فكيف لهم يتبرعوا بوجدان الناس؟.. المهم..
هذا النص/الغنائي.. يجمع نادر خضر ومحمود عبد العزيز.. وهم يؤدون اغنية من كلمات عثمان خالد..والحان واداء عمنا وابونا صلاح الجيلي محمد ابوقرون..ونحن نتمنى ان لا يتحمق عثمان خالد أو محمد يوسف أو التجاني الحاج موسى..بان يهدوا كلماتهم واشعارهم ..التي صاغت وجداننا نحن الأمة الوهم اياها ، الى اخرين ليعيدوا انتاجها بصورة قبيحة..
لست ضد الشابات مكارم بشير وامنة حيدر ، ولكني ضد الإفلاس..نعم الإفلاس..!!
ما فعله هاشم صديق بخصوص اغنية (النهاية) وما فعله يوسف الموصلي بخصوص اغنية (الكلام القالوا عنك).. هو افلاس بالباب العديل.. ومصادرة لوجدان خلق كتيرة خلاص..؟..فلا هاشم صديق يعجز عن كلمة جديدة ولا الموصلي يعجز عن تلحين وتوزيع جديد..اشمعنا يعني نحن المحبين ، هي الحيطة القصيرة؟..
هذا النص الغنائي يا جلال..فيهو نادر ومحمود (طبعا لا هاشم ولا الموصلي اهدوهم اعمال ، ومش مهم)..وبيؤدوا غنية لصلاح بن البادية.. غنية وجدان يا صديقي..! نادر ومحمود.. اصلا بدأوا مشوارهم مع بعض في فرقة نادرة ومنسية.. وكان المغني الليد فيها نادر خضر..! كان معاهم..واحد اسمو محمد حسن.. وكان احرفهم جميعا..!!
المهم..
لمن كنت بغالط حبيبتي (بتاعة كلية القانون تلك)..كنت بقول ليها.. اتفرجي في فيديو لغنية حاجة فيك.. وما تشتغلي بمصطفى سيد احمد أو هاشم صديق او العازفين.. لكن عايني لي زولة لابسة توب.. وبتنقر باصابعها على وركها (ياها دي : نقر الأصابع لما ترتاح للموسيقي..)!! وذاك كان زمان مضى يا جلال..! في الفيديو الفوق ده..عاين..يا جلال ..! الجماعة (قهوا)..لو بتعرف كيف الزول يقهي ياااااااااااااااخ....!! لمن قالوا: كون من رشاقة وامسيات..!! وباقة انيقة وملونة..!
فشنو قامو ا الجماعة (قهوا)..عرفت كيف الزول بيقهي يا جلال..؟! غايتو لو تابعت بدقة ، يا جلال ، انا عارف الونسة البين نادر ومحمود..خصوصا لمن نادر كان بيتكلم وماشي على محمود..! لكن مش مهم.. المهم.. لمن نادر يقول : غار المسا..والكون صبح عشاق جمال يتأملوا.!! اها الجماعة هنا منسجمين للغاية.. وبتظهر حاجات كده اسكت ساكت خليها ، سألت عنها عمي وصاحبي المرقش الأكبر ، فقال لي يا وليد يا مشوطن دي مش يقهوا ، دي اسمها: وذو اشر شتيت النبت عذب..نقي اللون براق برود..!! اهو دي فكرة الغنا الوجدان.. فشنو الناس البتهدي ساكت دي..حقو تتذكر الوجدان ياااااخ..!
وكما قال (اصلو ، المحبين الحنان ، لا بنسوا لا بتحولوا..!!)..وده مقصود بيهو حبيبتي بتاعة القانون اياها..!! ههههههههههه.. عارف الغريبة شنو يا جلال..؟..بعد سنين..سنين..قامت سألتني سؤال غريب..وقالت لي انتا اسم جدك الرابع شنو؟.. قلت ليها معلا..؟..قالت لي: معلا ابو امخيان الراقد الغبيش؟.. ركبي ساحت ،..ركبي ساحت ياجلال.. والزولة من اركويت..! شرحوا: طلعت من اهلك المسيرية.. بلا اركويت.. بلا البلابل.. ولا شنو كده ماعارف؟ اهو امسودان كانت كده زمان يا حبيب.. تحب وتجكس.. وما تكون عارفهم من وين بالضبط ولا هم عارفين ولا دايرين يعرفوا ذات..فقط تقهي قدامهم..وتجوعر قدر ما الها يديك من قدرة..وتكون عارفهم..انو: غار المسا ، والكون صبح عشاق جمال يتأملوا.. وكل الحروف الفي الخيال ، بلهفة جادوا ما غلوا.. وقالوا الجمال يا غالي بيك ، كانت نهايتو واولو.. حتى القمر حولو النجوم ، اتلفوا فيك..اتغزلوا نحن في هواك يا غالي ..لا.. لآ بنطيق بعاد لا بنحملو اصلو ، المحبين الحنان ، لا بينسوا لا بيتحولوا..!!
خلي واحد يجي يقول اتنازلت منها قال..!!
يعني انفعال ذو اشر شتيت النبت دي برضك تبع القسمة الضيزي يا هاشم صديق ولا شنو العبارة يا صديق؟
يا رااااااااااجل و بالفطرة كمان !!!!! اهو بى كده اقنعتنى تماما نقول شنو عاد من محن الزمان علينا ان يرتهف حس ابا حُسين كلامك ده جريمة فى حق الاحاسيس بااخ و تؤثم عليه
Quote: Ashgar Taiba هاشم صديق بقى مُهبب و بهبل في نفسو مؤخرا و ليس أدل من ذلك تشكيره للهندي عز الدين مؤخراً كما ورد في العيد الرابع لجريدة الهندي: هاشم صديق" يتمنى أن تستمر (المجهر) معطاءة حيا الشاعر الأستاذ "هاشم صديق" الحضور متمنياً أن تستمر (المجهر) معطاءة، وأضاف قائلاً: (السياسة جعلتنا نتردد في أعطاء الشخص حقه بالذات لو كان في الجانب الآخر)، وواصل: (أكن للأستاذ "الهندي عز الدين" كل الاحترام والتقدير، وأرى "المجهر" وقد اقتربت من أن تصبح فريقاً قومياً وهي تجمع كوكبة فريدة كان آخر المنضمين أليها الأستاذ "مصطفى أبو العزائم")
لا فى دن بالغ و خاصة الحتة التبريرية دى
Quote: (السياسة جعلتنا نتردد في أعطاء الشخص حقه بالذات لو كان في الجانب الآخر)،
يا ريت لو عندك توثيق للكلام ده تبرنا بيهو عشان ما نتحسب من المتهجمين عليه
يا قبّانى يمين الله ما عملت ليك آمي بس اخدت الموضوع فى حتة الاخذ و الرد بينك و الاخ محمد قسم و انت تقدم نماذج شعرية غنائية رفيعة المستوى للاستاذ هاشم و كنت منتظر رد منّو عشان نناقش حتة التدهور دى و اتمنى انو يعود و يواصل معانا بس بى نفس بارد شكرا للهدايا القيمة يا صاحب و لا عدمناك
Quote: اااااااااااااااااااااااااخ..! لاقيتك يا هاشم ، وقد لا تذكر ، ومش ضروري تتذكر ذاتو..! مغربية ، وعركي مارق من بيتك ، وهي لقية انتظرتها سنين وسنين.. كنت ، طيلة سنوات دراستي في الجامعة ، احنس صديقي دكتور عبد الباقي حامد الجزولي.. عشان نزور..جارهم في الحلة هاشم صديق ، وعبد الباقي يعتذر.. بحجة انو هاشم زمنو قليل..والقليل اخير يمرق لينا بي حاجة..الى ان تهيأت لي فرصة لقياك ، عابرا ، رغم انف صاحبي عبد الباقي.. ولو داير تحسبها بالزمان العابر.. كانت مغربية .. نفس المغربية الكان ناس الحيكومة استقبلوا فيها خبر وفاة الزبير محمد صالح.. وجابوا الطيب سيخة من عدم.. عشان يلعلع في الروادي بانو كان حاضر وقعة الطيارة اياها في حوافي الناصر.. وانا كنت اعلم ، وغيري ناس كتار.. انو الطيب سيخة جابوهو من جوبا.. مسبسب ومنعم.. عشان يتكلم في الروادي.. شفت الزمن السوداني غريب ككيف يا هاشم..!! لك الحق في ان تتذكر كلمات شعرك وتهديها لمن تشاء.. ولكن هل تتذكر ان كلماتك اصبحت وجدان امة بحالها ؟ فهل استشرت الأمة يا هاشم صديق؟..هل استشرت مكي سنادة؟..وماذا يضيرك ، وانت الشاعر الحريف ان تكتب كلمات جديدة وتهديها لمن تشاء؟.. المهم..!!
اااااااااخ انا ذاتى يا كبر واحد صاحبنا من الزمن الجميل داك ماسكنا ليك بى قولة حقتو براهو ... حب الجمال بيوووووجع القلب اها مشكلتو حب الجمال و لامن يشوف حاجة فيها من المواجع ما يكفى يروح سابّى دين لى نفسو بطريقة خفيضة و ممطوطة كمن يكلّم نفسو و تبكّى الحجر .. ياااااخى .... دييييييينى انا ... هو كان جنس بكا هو . هسة عليك الله دى فرقا من نقر الاصابع وين ما كانت شنو ______ متعة المتعة لامن تنداح يا كبر ياخ .... اجتهادك فى السعى لى ملاقاة القامة و اختزانك الكامل لتفاصيل تلك اللقيا تعنى ان هاشم ذات نفسو لم يعد ملك نفسو بل ملك هذا الشعب الذى وهب له المجد و كتبه فى سجل الخالدين ومعاك بنقل نفس الحروف و المشاعر للاستاذ هاشم
Quote: لك الحق في ان تتذكر كلمات شعرك وتهديها لمن تشاء.. ولكن هل تتذكر ان كلماتك اصبحت وجدان امة بحالها ؟ فهل استشرت الأمة يا هاشم صديق؟.. هل استشرت مكي سنادة؟.. وماذا يضيرك ، وانت الشاعر الحريف ان تكتب كلمات جديدة وتهديها لمن تشاء؟..
