Post: #1
Title: اول حب في حياتي
Author: عباس الدسيس
Date: 05-19-2016, 11:27 AM
11:27 AM May, 19 2016 سودانيز اون لاين
عباس الدسيس-Saudia
مكتبتى
رابط مختصر
في سنين بداية النضوج الانسان يود ان يجد نفسه من خلال المغامرات ان كانت عاطفيه أو شقاوه يعرف دائما في اي حي ان هنالك مربي اجيال تلقي بدرس في الابتدائية 12 سنة وقت كانت الابتدائي ستة فصول
كان مربينا يدرس معنا بالصف الخامس يكبرنا بعدة سنين وهو في طور النضوج لم نكن معجبين به بل تستهوانا تصرفاته
كانت له مغامرات عاطفيه بعد المدرسه مع احدي البنات تنتظره في ناصية احد البيوت يذهب معها قريبا من منزلها وهي ايضا قريبه من سنه تدرس بالصف السادس
اتذكر دائما كلمات الوالده لها الرحمة والمغفرة عن البنات البدرسن في الابتدائيه وكبار السن فهي تقول (( اجي يا بنات امي البنات ديل اهلن بقرو فيهن لي شنو كبار الواحده شطورا ماليات حلوقا احسن اعرسوهن)) .
حبيبت مربي الاجيال كانت من نوعية الشطورا ماليه حلقها
كانت بتجيني غيره من حركات الحب بينهم حاولت اتقرب منو اكثر عسي ولعل احفظ حركاتو واعرف اسرار الحب منو عشان القي لي واحده احبها عشان العبد لله اكون مميز عندو حبيبه .
اول تكتيك لشكل التميز كانت عندي شنطة دموريه زي ما الناس كلها شايله شنط دموريه بي لسان لقفلها وتتدرع في الكتف بسير مصنوع من الدموريه طويل
عشان اكون مختلف عن الجميع حاولت ادخل تحسينات علي الشنطه مشيت لي صديق خالي شغال في صباغة وطباعة الملايات ورسم اشكال بعد الصباغه اديتو الشنطه
الراجل تعاملو مع النسوان الالوان العندو كلها حريميه فيها الوردي والبنفسج كنا زمان ما عندنا اهتمامات او تمييز في الالوان بين الحريمي والرجالي
((تذكرت عندما طلب مني ابني شراء شنطة اسبونش للمدرسه اخترته له واحده متينه فيها جزء بسيط بمبي زعل مني وبادرني بجمله يا بابا انت مابتشوف ولا ما بتعرف دي حقت بنات))
بعد لونت الشنطه والرسومات كدا بقيت جاهز للحب .
وانا طالع من المدرسه صادف خروج بنات الابتدائي اتقدل مزهوا بشنطة الدموريه المنقوش جانبها فعلا كان شكلها غريب وخاصة الرسومات افريقيه
احنا ماشين في الشارع بت عجبتها الشنطه سألتني من وين اشتريتها ....
الله كرعي بردن واضني وقفن وضهري اتملي عرق فتحت خشمي وقعدته اعاين ليها معقوله تتكلم معاي بت ......
صديقنا مربي الاجيال قال لي (( الشرك قبض يا فرده)) قعد ازن لي في راسي لما صدقته ...
انا قلته خلاس دي زولتي المعلومة الغايبه عني البت معروفه بخفتها تتكلم مع اي زول في الشارع والحاجة التانية ما جميله ممكن تقول دون الوسط ياهو القسمو لي الله بس نعمل شنو الله اراد لينا ...
طيب الخطوه الثانيه شنو الراجل طبعا خبره وبشتغل في الاجازه عندو قروش قال لي تديها فتيل ريحه هديه .
قفلت علي كده رحته البيت العصر مشيت افتش في الكوش جمب الدكاكين عشان القي فتيل ريحه فاضي
لفيت الدباغه كلها اخيرا وجدت فتيل صغير بتاع ريحة بنت السودان غسلتو شلته الورقه البره جبته لي ورقه رسمته فيها قلب وسهم لصقتها في الفتيل
كان عندنا في البيت كلونيا ثلاثة خمسات بتاعت حلاقة دقن مليت منها الفتيل ومشيت المدرسه منتشي لدرجة كان عندنا الصباح جمعيه ادبيه اقترحته للناس اغني
وجدته معارضه لصوتي الما مقبول غنائيا مع اصراري وعباطي وشعوري الداخلي المليان حب للبت حلفت لازم اغني وافقو ادوني فرصة الغناء تغنيت بي اغنية الكاشف .... انا ما بقطف زهورك بعاين...
في الفسحه مربي الاجيال سألني بعدين جاهز قلته ليهو ايوه بس اديك الفتيل تدي ليها انتا.....
زعل حمر عيونو نهرني انتو وقت ما بتقدرو علي الحب بتشبكو مالكم شوف لازم تشيل مع الفتيل زهور تديها ليها أو تاني ما توريني وشك دا وتعمل لي فيها عايز تحب خليك في الدافوري واشتراك الكفر ...
خفته الاستراتيجيه بتاعتي تنضرب دفعته قروش اشتراك الكفر في تيم الحي ممكن مربي الاجيال اطلع قرار ما العبوني معاهم ...
انا طالع من المدرسه قطعته زهور صباح الخير كان برضو في شجر اسمو العوير بطلع زهرة بنفسجيه في سور المدرسة شلت زهوري مشيت قابلتها مع مربي الاجيال رميت ليها فتيل الريحه وزهور صباح الخير والعوير تحت كرعيها وقمته جاري.
بعد لفيت اللفه الخبر جاني شالت الفتيل والزهور ما كان عندي الشجاعه اتلفت عشان اشوفا انتظرته تاني يوم بفارق الصبر عشان تنتهي الحصص وامشي اقنص ليها مع مربي الاجيال في الزاوية
جينا الطابور الناظر صديق الوالد اول حاجه طلعوني بره في نص الطابور بعد التفتيش للاضافرين واللباسات والاجراءات الاخري
بعد دا جاء موضوع الطابور كنت انا موضوع الطابور تحدث الناظر بصوت عالي ....
(( ود الشريف امس بغني انا ما بقطف زهورك بعاين نهاية اليوم الدراسي لقيتو بكبر فيها كبر قطع صباح الخير والعوير بتاع السور دي جريمه لوحدها
الجريمه الكبري استاذ فلان شافو مشي جدع لي بت تحت كرعيها الورود ومعاها حاجة تانية الود عامل فيها روميو...
شدوني بتاعين سادس عشرة جلدات لي حسي اتحك منها .....
الطامه الكبري واحد صديقنا حاقد علي كلم لي اخوها كان بدرس معانا خلي المدرسه مشي المنطقه الصناعيه شغال صب مكنيكي الشكله دورت
المصيبه اخوها دا بشاكلك انت تكون واقف اديك بنيه ولا شلوت ويقوم جاري الف بي المربع الثاني تكون انت نسيت الشكله وواقف طاااااااااخ اجي اضربك واقوم جاري شكلتو بتستمر اكثر من كم شهر بعد القي ليهوا زول تاني اشبك معاهو ....
مشكلتي بقت ما فضيحة الناظر ولا دقت الطابور البفكني من اخوها شنو !!
|
Post: #2
Title: Re: اول حب في حياتي
Author: حيدر حسن ميرغني
Date: 05-19-2016, 11:30 AM
Parent: #1
ده الإندياح المنتظرنو يا فردة
اندياح ليهو شطور 
|
Post: #3
Title: Re: اول حب في حياتي
Author: نادر النور آدم
Date: 05-19-2016, 11:41 AM
Parent: #2
| Quote: شدوني بتاعين سادس عشرة جلدات |
اسمهم ناس سنة ساتة يا زول ما تزور التاريخ
|
Post: #4
Title: Re: اول حب في حياتي
Author: عباس الدسيس
Date: 05-19-2016, 11:53 AM
Parent: #2
Quote: ده الإندياح المنتظرنو يا فردة
اندياح ليهو شطور |
حيدر سلام
بمناسبة كلمة اندياح اول مرة امشي مدينة المناقل تبع الخدمة المدنية عشان ناسس فرع للبنك اها قلته استكشف المدينة
بعد حوامه في سوق المناقل قلته اشرب لي كباية شاي لقيت لي ست شاي مطرفه جقه كبيرة قلتا اختا البنات الصغار الكبار بجودو شغلهم قعدته في البنبر
عملت لي الشاي بشرب في الشاي وسارح بعد شويه لاحظته الزوله قاعده قعده ما طبيعيه العفش برا اخت لي نظره وعملت نايم .
قمت اديتها القروش وقلت ليها اديني الباقي
عاينت لي باستخفاف واشرت لي تحت قالت لي تعاين ((منداح ومنشرح)) من قبيل هنا انت قايل دا تلفزيون السودان يلا شتت بلي باقي معاك.
|
Post: #5
Title: Re: اول حب في حياتي
Author: ادريس خليفة علم الهدي
Date: 05-19-2016, 12:22 PM
Parent: #4
ركس يا حبيب ...
منتظرين الاقامة تطلع .. تقوم تجيب لينا حب ..
اريتك بي قطر مجيدو ...
|
Post: #6
Title: Re: اول حب في حياتي
Author: محمد مجيدو
Date: 05-19-2016, 12:52 PM
Parent: #1
| Quote: عملت لي الشاي بشرب في الشاي وسارح بعد شويه لاحظته الزوله قاعده قعده ما طبيعيه العفش برا اخت لي نظره وعملت نايم . |
ريكس ...
لو بنظرة .. حتى عابره .. قول احبك ...
العفش خارج القعدة على مسئولية السواق ....
عالم بطاااله ,,,,,,,
|
Post: #7
Title: Re: اول حب في حياتي
Author: ابو جهينة
Date: 05-19-2016, 01:05 PM
Parent: #6
تحياتي عباس
***
الله كرعي بردن واضني وقفن وضهري اتملي عرق فتحت خشمي وقعدته اعاين ليها معقوله تتكلم معاي بت ......
صديقنا مربي الاجيال قال لي (( الشرك قبض يا فرده)) قعد ازن لي في راسي لما صدقته ...
***
بالله شوف زمان الشرك بيقبض بياتو تكتيك ، مقارنة بمختلف أنواع الشرك في وقتنا الحاضر ....
***
أضحك الله سنك يا حيدر
واصل يا عباس
|
Post: #8
Title: Re: اول حب في حياتي
Author: الهادي الشغيل
Date: 05-19-2016, 01:47 PM
Parent: #7
هههههههههههههههههده بوست تحفة وجميل ...الغريبة إنه ركس من الابتدائي ( يعني طفل) وجاري وراء الحب والبنات وبتقدم ليهن عطور وزهور ..
انت يازول دخلت المدرسة عمرك كم ؟ وعدت كم مرة ؟...
الطفل المراهق هههههههههه
كسرة :
يا زول نحن ما عرفن الحاجات دي الا لمن وصلنا أولى ثانوي ...
عالم بطالة زي ما بيقول مجيدو وبتبلغ وهي صغيرونه
|
Post: #9
Title: Re: اول حب في حياتي
Author: عباس الدسيس
Date: 05-19-2016, 02:00 PM
Parent: #8
| Quote: اسمهم ناس سنة ساتة يا زول ما تزور التاريخ |
حبيبنا نادر اخبارك
حكاية التاريخ خلاس اتزورت واطمست مدرسة القسم الثالث اولاد سموها ابوذر الغفار والبنات سموها فطمة الزهراء والامور اشقلبت كلها
تحياتي وتقديري
|
Post: #10
Title: Re: اول حب في حياتي
Author: عباس الدسيس
Date: 05-19-2016, 02:03 PM
Parent: #8
Quote: ركس يا حبيب ...
منتظرين الاقامة تطلع .. تقوم تجيب لينا حب ..
اريتك بي قطر مجيدو ... |
ود علم الهدي يا صديق اخبارك
حظك الليلة الخميس
قلنا ننوع كلو يوم ام فتفت نخليها يوم كبدة ابل
|
Post: #11
Title: Re: اول حب في حياتي
Author: الهادي الشغيل
Date: 05-19-2016, 02:05 PM
Parent: #8
أيام مراهقتنا ونحن في الثانوي مشينا أنا وصاحبي مع حبيباتنا كازينو البلدية بعطبرة وكانت جلسة رومانسية حالمة تبادلنا فيها طعم الحب مع الجكس وأنا كنت بشتغل في الاجازات في الدكان مع أبوي رحمه الله وكان جيبي عمران وصاحبي ده ماشي ملح أنا البصرف .. المهم شربنا بارد وتعشينا مشاوي في كازينو البلدية واقترحت عليهم أن نذهب لللاستديو لنأخذ صورة تذكارية .. في البداية الجكس خاف وبعد أن أصريت عليهن ذهبنا لاستديو النصر والذي يجاو كازينو البلدية وأخذنا صورة رهيبة ...
طبعاً زي ما هو معروف أن بتاع الاستديو يقوم بتعليق بعض الصور الجميلة كـ ( Sample) في البترينة في الاستديو وقام بتعليق صورتنا الجماعية مع الجكس ... شاء الله أن يأتي عمي - رحمه الله - للأستديو وهو معروف بأنه شرس والحايل المايل ما بيعجبه لأخذ صورة فووغرافية للباسبورت لاعتزامه القدوم للحج ولسوء حظي لمح الصورة وطلب من صاحب الاستديو أن يمنحه اياها أو يستخرج له منها .. المهم خرج وهو يحمل الصورة في جيبه وأتي الى بيتنا وأجلسني والوالد والوالدة - رحمهما الله - وعرض عليهم الصورة وانهال علي ضربا مبرحاً بالبسطونة لحدي ما بقيت أنصار سنة في تلك اللحظة .
.. معليش يا عبس واصل ما نخرب عليك البوست الجميل ... بس الشيء بالشيء يذكر .
|
Post: #12
Title: Re: اول حب في حياتي
Author: عباس الدسيس
Date: 05-19-2016, 02:06 PM
Parent: #8
Quote: ريكس ...
لو بنظرة .. حتى عابره .. قول احبك ...
العفش خارج القعدة على مسئولية السواق ....
عالم بطاااله ,,,,, |
الوجيه مجيدو اخبارك
الزولة كتو بس ....
بكره الكوب مجاني... احلي من العفش داخل البص
|
Post: #13
Title: Re: اول حب في حياتي
Author: عباس الدسيس
Date: 05-19-2016, 02:15 PM
Parent: #8
Quote: بالله شوف زمان الشرك بيقبض بياتو تكتيك ، مقارنة بمختلف أنواع الشرك في وقتنا الحاضر ....
***
أضحك الله سنك يا حيدر
واصل يا عباس |
يا ريس اخبارك يا حبيبنا
الزمن الفات كان جميل..... تلقي الزمن غير ملامحنا واحنا بفينا ما احنا
تحياتي واشواقي
|
Post: #14
Title: Re: اول حب في حياتي
Author: عباس الدسيس
Date: 05-19-2016, 02:19 PM
Parent: #13
| Quote: هههههههههههههههههده بوست تحفة وجميل ...الغريبة إنه ركس من الابتدائي ( يعني طفل) وجاري وراء الحب والبنات وبتقدم ليهن عطور وزهور .. |
الشغيل يا حبيبنا سلام
الزهور والورد الشتلوها جوه قلبي احنا ناس جميلين من قمنا بنحب الحب والجمال في واحده تانية علي وزن بتاعتك التحت دي بقولا ليك
|
Post: #15
Title: Re: اول حب في حياتي
Author: ياسر السر
Date: 05-19-2016, 03:51 PM
Parent: #14
حبيبنا عبس عودا حميدا مستطاب يا حبيب ,,
غايتو حبك ده اظنو القال فيهو الشاعر اغنية الاستاذ صلاح ابن البادية ( اول حب واخر حب ومنو بقول انا اه يا رب ) ههههههههههههههه
واصل يا حبيب ونحن منتظرين نعاين ,,
تحياتي : ياسر العيلفون .......
|
Post: #16
Title: Re: اول حب في حياتي
Author: درديري كباشي
Date: 05-19-2016, 04:12 PM
Parent: #15
هههههههههههه والله يا عبس أنت حياتك كلها تحف
دائما تذكرني كتاب
مذكرات الولد الشقي بتاع محمود السعدني
غايتو عمنا الدسيس والحاجة الله يرحمها كنت منضجدم نجاض قبورة
لسع في حكاوي نحن سمعناها شفاهة ( ما عارف حتقدر تكتبها للجماعة ديل ) ولا ما بتتكتبش
بس عليك الله ما تنسى لينا حكاية بت الجزار
|
Post: #17
Title: Re: اول حب في حياتي
Author: أحمد الشايقي
Date: 05-19-2016, 04:27 PM
Parent: #16
الله يا دسيس
نستمتع معك بالدفاتر القديمــة
أحمد الشايقي
|
Post: #18
Title: Re: اول حب في حياتي
Author: Munir
Date: 05-19-2016, 04:27 PM
Parent: #16
عباس الدسيس يا رائع .. :)
شفافية مية المية ..
|
Post: #19
Title: Re: اول حب في حياتي
Author: خالد حاكم
Date: 05-19-2016, 06:03 PM
Parent: #18
حبيبنا وزميلنا عبس
فى الزمن العرفناك فيه ما كنت من انصار الحبوكانات واى سيرة لعرس من بت فى لحظة ونسة جميلة كان بتعمل ليك طمام هههههههههههه
واصل يا عزيزى فى حكاويك الطاعمة
|
Post: #20
Title: Re: اول حب في حياتي
Author: عباس الدسيس
Date: 05-22-2016, 08:08 AM
Parent: #19
Quote: Quote: حبيبنا عبس عودا حميدا مستطاب يا حبيب ,,
غايتو حبك ده اظنو القال فيهو الشاعر اغنية الاستاذ صلاح ابن البادية ( اول حب واخر حب ومنو بقول انا اه يا رب ) ههههههههههههههه
واصل يا حبيب ونحن منتظرين نعاين ,,
/QUOTE]
حياتي : ياسر العيلفون ..
حبيبنا وصديقنا الزول الراقي ياسر
اخبارك والاسرة الكريمة
خلينا نقول للدنيا بحالها ولكل قلبي بدقته حس
يا دنيا حبي وحبي وحبي دا العمر هوه الحب وبس
حليل زمن الحب
|
Post: #21
Title: Re: اول حب في حياتي
Author: عباس الدسيس
Date: 05-22-2016, 08:12 AM
Parent: #19
Quote: هههههههههههه والله يا عبس أنت حياتك كلها تحف
دائما تذكرني كتاب
مذكرات الولد الشقي بتاع محمود السعدني
غايتو عمنا الدسيس والحاجة الله يرحمها كنت منضجدم نجاض قبورة
لسع في حكاوي نحن سمعناها شفاهة ( ما عارف حتقدر تكتبها للجماعة ديل ) ولا ما بتتكتبش
بس عليك الله ما تنسى لينا حكاية بت الجزار |
ابو الدر يا صديق ا
خبارك والاسرة
الشفاهه لو وثقنا ليها ناس قصي برجمونا رجم
امكن كمان تجيب لبها احكام شرعية بالجلد
مشتاقين يا ابو الدر
|
Post: #22
Title: Re: اول حب في حياتي
Author: عباس الدسيس
Date: 05-22-2016, 08:22 AM
Parent: #21
Quote: الله يا دسيس
نستمتع معك بالدفاتر القديمــة
أحمد الشايقي |
ود الشايقي يا زوق اخبارك
الدفاتر الجميلة في الزمن الجميل
شاكر ومقدر للمتابعة
|
Post: #23
Title: Re: اول حب في حياتي
Author: عباس الدسيس
Date: 05-22-2016, 08:24 AM
Parent: #21
Quote: عباس الدسيس يا رائع .. :)
شفافية مية المية .. |
منير يا حبيبنا
كل الود والتقدير
وشاكر للمتابعة
والطلة البهبه
|
Post: #24
Title: Re: اول حب في حياتي
Author: عباس الدسيس
Date: 05-22-2016, 08:30 AM
Parent: #23
Quote: حبيبنا وزميلنا عبس
فى الزمن العرفناك فيه ما كنت من انصار الحبوكانات واى سيرة لعرس من بت فى لحظة ونسة جميلة كان بتعمل ليك طمام هههههههههههه
واصل يا عزيزى فى حكاويك الطاعمة |
أوووووووو ابوالزمل خالد حاكم
اخبارك وبلد الخواجات
ياسلااام يا خالد قضينا ايام جميلة كانت في البنك
يا حبيبنا تذكر انت الفترة ديك البنات كان جنهن عرس
انت عارف سيرة العرس كانت بتقوم علي القولون وبجيني صداع نصفي
وخاصة ينات البنوك الواحدة لو جبت ليها قزازة بارد تجرجرك للعرس
بتذكر كانت اجمل صحبة مع البايركس والمتزوجات
زمن يا خالد
|
|
|
|