Post: #1
Title: حقيقة لا تملقا
Author: جلالدونا
Date: 05-17-2016, 09:18 AM
09:18 AM May, 17 2016 سودانيز اون لاين
جلالدونا-
مكتبتى
رابط مختصر كتّاب فى هذا المنبر
لا يحق لى و لا ينبغى ان اخاطبهم بحق الزمالة
بل هم اساتذة لى ولى الشرف ان اتتلمذّو اتعلمّ من منهلهم الذى لا ينضب
|
Post: #2
Title: Re: حقيقة لا تملقا
Author: جلالدونا
Date: 05-17-2016, 09:23 AM
Parent: #1
يمتلكون رصانة الكلمة و حصافتها
حكمتها و عنفوانها
و جرأتهم فى التناول و وضع الحلول
و قدرتهم الفائقة فى احترام الرأى المخالف
و كياستهم فى تفنيده بلا شطط فى قول
او جنوح الى تسفيه
|
Post: #3
Title: Re: حقيقة لا تملقا
Author: جلالدونا
Date: 05-17-2016, 09:24 AM
Parent: #2
استاذى دكتور عزّان
|
Post: #4
Title: Re: حقيقة لا تملقا
Author: جلالدونا
Date: 05-17-2016, 09:25 AM
Parent: #3
استاذى ود قاسم
|
Post: #5
Title: Re: حقيقة لا تملقا
Author: جلالدونا
Date: 05-17-2016, 09:26 AM
Parent: #4
استاذى كمال عباس
|
Post: #6
Title: Re: حقيقة لا تملقا
Author: جلالدونا
Date: 05-17-2016, 09:27 AM
Parent: #5
استاذى هشام عباس
|
Post: #7
Title: Re: حقيقة لا تملقا
Author: جلالدونا
Date: 05-17-2016, 09:28 AM
Parent: #6
استاذى ثروت سوار الدهب
|
Post: #8
Title: Re: حقيقة لا تملقا
Author: جلالدونا
Date: 05-17-2016, 09:29 AM
Parent: #7
استاذى محمد جيدر المشرف
|
Post: #9
Title: Re: حقيقة لا تملقا
Author: جلالدونا
Date: 05-17-2016, 09:31 AM
Parent: #8
استاذى عثمان عووضة
|
Post: #10
Title: Re: حقيقة لا تملقا
Author: جلالدونا
Date: 05-17-2016, 09:34 AM
Parent: #9
استاذاتى الاميرات الثلاثة
اميرة
بسمات
و امتثال
و شغل الترجمة فى الابداع العالمى
|
Post: #11
Title: Re: حقيقة لا تملقا
Author: جلالدونا
Date: 05-17-2016, 09:35 AM
Parent: #10
استاذى عبد الحفيظ ابو سن
|
Post: #12
Title: Re: حقيقة لا تملقا
Author: محمد البشرى الخضر
Date: 05-17-2016, 09:37 AM
Parent: #10
استاذ(ي) بالياء أم نقطتين الله يهديك
بعدين ثروت قاسم دا قريت ليه حوار وين عشان تنطبق عليه الحتة دي: Quote: قدرتهم الفائقة فى احترام الرأى المخالف
و كياستهم فى تفنيده بلا شطط فى قول
او جنوح الى تسفيه |
|
Post: #13
Title: Re: حقيقة لا تملقا
Author: جلالدونا
Date: 05-17-2016, 09:52 AM
Parent: #12
Quote:
استاذ(ي) بالياء أم نقطتين الله يهديك
بعدين ثروت قاسم دا قريت ليه حوار وين عشان تنطبق عليه الحتة دي: |
تصدق و تآمن بالله يا ود البشرى ,, بكتب من كيبورد ما فيهو حرف عربى
عشان الحتة دى حقّو تعذرنى فى حتة الاخطاء الاملائية دى
اما بالنسبة لى ثروت قاسم فقد تمّ تعديل الاسم الى ثروت سوار الدهب
و له العتبى حتى يرضى
و تانى تضّدق و تآمن بالله
استاذى محمد البشري الخضر
|
Post: #14
Title: Re: حقيقة لا تملقا
Author: جلالدونا
Date: 05-17-2016, 09:54 AM
Parent: #13
ابا جهينة
استاذى جلال داءود
|
Post: #15
Title: Re: حقيقة لا تملقا
Author: جلالدونا
Date: 05-17-2016, 10:33 AM
Parent: #14
استاذى السودانى العجوز
ارنست
رسول المحبة و التاسمح و ينبوع المحّنة الفيّاض
|
Post: #16
Title: Re: حقيقة لا تملقا
Author: معاوية المدير
Date: 05-17-2016, 10:43 AM
Parent: #15
أُستاذى ود البشرى .
الشوق حاصل والله ...
|
Post: #17
Title: Re: حقيقة لا تملقا
Author: جلالدونا
Date: 05-17-2016, 11:15 AM
Parent: #16
Quote: : يا ود البشرى
أُستاذى ود البشرى .الشوق حاصل والله ... |
يا ود المدير
مداراة صاحب البوست على بوستيهو حسنة
ما شايفو مقبقب قبانى كيف .. كدى امشى اتبنو و جس اللِوز
تصّدق و تآمن
سحبناك من لستة الافذاذ عشان شوقك الحاصل ده
رغم انّك .. و كلمة منّك .. بى حرف ال ؤ
تنتح ازاهير الضهارى
|
Post: #18
Title: Re: حقيقة لا تملقا
Author: عبدالحفيظ ابوسن
Date: 05-17-2016, 11:25 AM
Parent: #17
مع انك ركبتني في عرببة الغرملة ولحقتني السوق برضو تشكر
وما قولك الا محبة فقط يا صاحب
|
Post: #19
Title: Re: حقيقة لا تملقا
Author: ابو جهينة
Date: 05-17-2016, 12:36 PM
Parent: #18
أخي جلالدونا
***
كتّاب فى هذا المنبر
لا يحق لى و لا ينبغى ان اخاطبهم بحق الزمالة
بل هم اساتذة لى ولى الشرف ان اتتلمذّو اتعلمّ من منهلهم الذى لا ينضب
***
بل هي زمالة موغِلة في معناها الحقيقي : لأنها زمالة نبعتْ من المندلق من فوهات الفكر وأعماق الوجدان ، وهي في إعتقادي زمالة لا تقل أبدا من الزمالة التي تأني عبر التواجد في مكان واحد.
لك مني التحية والتقدير
|
Post: #20
Title: Re: حقيقة لا تملقا
Author: محمد البشرى الخضر
Date: 05-17-2016, 09:06 PM
Parent: #19
بالأكتر يا ود المدير
يا جلّي اسوّي شنو لكن, خلاّص رجّعوا لينا جادات أو بالعدم ابوحسين يفكّوكم مني 
|
Post: #21
Title: Re: حقيقة لا تملقا
Author: Sudany Agouz
Date: 05-17-2016, 09:28 PM
Parent: #20
الإبن الحبيب ..
والإستاذ الجليل جلال ..
شكراً جزيلاً لكلماتكم الرقيقة والتى لا أستحقها ..
Quote:
استاذى السودانى العجوز
ارنست
رسول المحبة و التاسمح و ينبوع المحّنة الفيّاض |
أنتم الذين تستحقون الثناء والشكر لشعوركم النبيل ..
وإناؤكم ينضح بما فيه .. وهكذا أنكم تنضحون بما فيكم من خير وخيرات .. يا أخى ..
مرة أخرى .. الشكر لكم ..
الرب يبارك حياتكم ..
أخوكم وعمكم العجوز ..
ارنست
+++
|
Post: #22
Title: Re: حقيقة لا تملقا
Author: عادل الباهي عبدالرازق
Date: 05-17-2016, 09:42 PM
Parent: #21
يا جالدونا
وكت دخلت ود البشري ماتدخلني
الحسادة العليك شنو 
كلمة استاذ انت ما بتكلفك شيء وانا بتريحني
يا ود البشري انا بمزح سااي ما تجي تقبقبني سااي ههههههه
|
Post: #24
Title: Re: حقيقة لا تملقا
Author: محمد البشرى الخضر
Date: 05-17-2016, 10:01 PM
Parent: #22
قول يا ود الباهي عايز اقبقبك, بي وين بس وكيف وانت من أول أمس تأبط شرا البقول ليك سلام ساي لو ما ادان عنصرية الجماعة ديك أوّل بترشه :)
بعدبن النحدّسك استذة جلالدونا دي من محلّها دا ما قايمة شبر, قال استاذي ثروت همت قال
كان ناقص يجيب سارة عيسى ورودا مردا :)
|
Post: #23
Title: Re: حقيقة لا تملقا
Author: صديق مهدى على
Date: 05-17-2016, 09:58 PM
Parent: #21
|
Post: #25
Title: Re: حقيقة لا تملقا
Author: جلالدونا
Date: 05-18-2016, 03:54 AM
Parent: #23
Quote: مع انك ركبتني في عرببة الغرملة ولحقتني السوق برضو تشكر
وما قولك الا محبة فقط يا صاحب |
كيف الكلام ده يا ود ابسن! عربية الفرملة دى اهم حاجة فى القطر
ختى أسأل ود المدير
و التحية و الاجلال عبرك للقامة مولانا الملك
|
Post: #26
Title: Re: حقيقة لا تملقا
Author: جلالدونا
Date: 05-18-2016, 04:50 AM
Parent: #25
حيّاك الله ابوجهينة
| Quote: لأنها زمالة نبعتْ من المندلق من فوهات الفكر وأعماق الوجدان |
تصّدق فى بوستات كده لمّا اقراها بحس بى انو انا ما بعرف اى حاجة فى الدنيا دى
و اقرب مثال ليك
استاذنا مصطفى مدثر و شانو فى شوق الدرويش
المشرف , الملك ,عيدروس, كبر محمد سيداحمد , معاوية الزبير
و المستنير .و امنة مختار و حاتم الهوارى و عثمان الامام
شغل نضيف و حاجة كده تخلع و احتاج اقراها مرّتين تلاتة كان تقع لىّ
بالمناسبة استاذنا ابوبكر عباس عندو جرأة عميقة فى النقد مع بساطة فى الطرح
|
Post: #27
Title: Re: حقيقة لا تملقا
Author: عبدالحفيظ ابوسن
Date: 05-18-2016, 06:35 AM
Parent: #26
تعرف يا جلال
والله لا ار نفسي كما تراني
انا اعالج الكتابة معالجة . ولست بتلك القامات السوامق
ف شنو .. بتلخبت كون ان كتابتي هذه تستلفت الانتباه
بكون محرج
ياخ
عربية الفرملة دي القبضو فيها ود المدير وهو داير يملح التذكرجي !!
|
Post: #28
Title: Re: حقيقة لا تملقا
Author: د.محمد حسن
Date: 05-18-2016, 06:40 AM
Parent: #27
Quote:
يمتلكون رصانة الكلمة و حصافتها
حكمتها و عنفوانها
و جرأتهم فى التناول و وضع الحلول
و قدرتهم الفائقة فى احترام الرأى المخالف
و كياستهم فى تفنيده بلا شطط فى قول
او جنوح الى تسفيه |
ونحن مرقنا بي قد القفة
يا كافي البلا
لا شعر شفع لينا ولا نثر
محتاجين اعادة صياغة
صاحب البوست سلام مداعبة صباحية لا عليك بها
:)
|
Post: #29
Title: Re: حقيقة لا تملقا
Author: مني عمسيب
Date: 05-18-2016, 06:48 AM
Parent: #28
سلام للجميع ,,,,,,| Quote: وكت دخلت ود البشري ماتدخلني |
هههههههههههههههههههههههههههههههههههههههههههههههههههههههههههههههه
والله يقدر لما يدخل ود البشري الا اقبقب انا جلالدونا .
|
Post: #30
Title: Re: حقيقة لا تملقا
Author: محمد البشرى الخضر
Date: 05-18-2016, 06:50 AM
Parent: #29
سمح صلّحي البشر(ي) مادام بقت توقيع :)
|
Post: #31
Title: Re: حقيقة لا تملقا
Author: مني عمسيب
Date: 05-18-2016, 06:53 AM
Parent: #30
ود البشري .. صباح الفل ..
| Quote: سمح صلّحي البشر(ي) مادام بقت توقيع :) |
لا بقيناها تهديد ههههههههههههههههههههههه .
راجع المداخلة ..
|
Post: #32
Title: Re: حقيقة لا تملقا
Author: عبدالحفيظ ابوسن
Date: 05-18-2016, 06:55 AM
Parent: #30
ههههه عليك بالطلاق انتو ألذ ناس
غايتو انا الالف المقصورة والياء المعرجة واللينة والهاء نهاية الكلام والتاء المربوطة بتاكل معاي جمبة عديل
الكتابة من الموبايل متعبة
غايتو فوت لي ساي يا ود البشرى
|
Post: #33
Title: Re: حقيقة لا تملقا
Author: جلالدونا
Date: 05-18-2016, 07:06 AM
Parent: #32
يا الف مرحب بالاستاذ عاطف
| Quote: شكراً جزيلاً لكلماتكم الرقيقة والتى لا أستحقها .. |
يا ريت لو كلماتنا تطول مقامكم الطيّب
يكفى ان تزدان تعمة التسامح بكريم التواضع فزادتكم رفعة و سموّا
طيّب الله ايامك و بارك حياتك و متعّك بالصحة و العافية
|
Post: #34
Title: Re: حقيقة لا تملقا
Author: جلالدونا
Date: 05-18-2016, 07:13 AM
Parent: #33
Quote: الإبن الحبيب ..
والإستاذ الجليل جلال .. |
| Quote: بعدبن النحدّسك استذة جلالدونا دي من محلّها دا ما قايمة شبر, |
ابو حتحوت او ايّاً كان اسمه
قوم لف
كلنا ابوحسين و كلنا ما الادارة و برضو كلّنا ما بكري
بعد الشهادات العليا دى يحلّكم شقّاق العناقريب
|
Post: #35
Title: Re: حقيقة لا تملقا
Author: محمد البشرى الخضر
Date: 05-18-2016, 07:15 AM
Parent: #33
ههه يا ود ابسن لا عليك, بس القصة انو انا اعتدت اقرا و أنطق في نفس الوقت و بتقيد بالحروف المكتوبة زي ما هي, فا البحصل انو حاجات زي (فى) و (ذي) و (أغول غولى هزا) بتضرسني بالحيل :)
دكتور محمد الحسن اصبر الدور لسة ما جا, جلّي يا دوب ذكر اقل من ثلاثين عضو من جملة العشرة آلاف عضو الماش يأستذ فيهم
بالمناسبة في حد قرأ مداخلة صديق مهدي قبل يلحسها :)
|
Post: #38
Title: Re: حقيقة لا تملقا
Author: د.محمد حسن
Date: 05-18-2016, 07:23 AM
Parent: #35
يا ود البشرى عشان ناس اغول غولي هزا
واستقفر الله
نحن في مدرسة الركابية الابتدائية اتجلدنا جلد غرائب الابل وكتبونا كتاب المطالعة تلاتة مرات عشان نحسن الخطونشكر لهم كثيرا ما بذلوه من جهد لتعليمنا
اما بالنسبة للدور
ما بجيني اطمئن:)
|
Post: #36
Title: Re: حقيقة لا تملقا
Author: Hassan Makkawi
Date: 05-18-2016, 07:15 AM
Parent: #32
| Quote: سمح صلّحي البشر(ي) مادام بقت توقيع :) |
نسأل السلطان جلال الدين من فضلة
أن يخلع على عمسيب بلقب الأستاذية
أو بالميت كدة أن ينظرها مع أهل الجرايات والجوامك.....
_____________
ود البشرى (اداك كربون ) خفيف فكيت ليهو اللقب...
|
Post: #37
Title: Re: حقيقة لا تملقا
Author: مني عمسيب
Date: 05-18-2016, 07:22 AM
Parent: #36
ود مكاوي .. صباح الورد ..
Quote: نسأل السلطان جلال الدين من فضلة
أن يخلع على عمسيب بلقب الأستاذية |
يا ود مكاوي احيييييييييييييييي عليك سيب المبأرة
هههههههههههههههههه . اصبحنا واصبحت الغلطات
والترصد الشعبي .
اعذروني يا ناس وحنو علي خخخخخخخخ .
********************
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ ...
|
Post: #39
Title: Re: حقيقة لا تملقا
Author: جلالدونا
Date: 05-18-2016, 07:37 AM
Parent: #37
عادل الباهي عبدالرازق
لحكمة يعلمها الله لن ننعم عليك بالاستاذية
كلّو عرفناهو كمان عايز يتهمونى بالعنصرية
كمان ناس فلان و علّان ديلاك حالفين يلّمو فيك يتكوك و يضبحوك
شن قدّرنا على جنس ده
كده العشرة الف بتاعت ود البشرى نقصت تلاتة
عادل و فلان و علّان
الباقى تسعة الف و تسعمائة و سبعة و تسعون فقط لا غير
|
Post: #40
Title: Re: حقيقة لا تملقا
Author: محمد البشرى الخضر
Date: 05-18-2016, 08:15 AM
Parent: #39
| Quote: الباقى تسعة الف و تسعمائة و سبعة و تسعون فقط لا غير |
وماشين في السكة نمد
ياخي طلّع ابو حسين برضك و طلحة تنظير
كدا يكون باقي ليك 9,995 أستاذ :)
|
Post: #41
Title: Re: حقيقة لا تملقا
Author: جلالدونا
Date: 05-18-2016, 08:44 AM
Parent: #40
الدكتور محمد حسن
Quote: ونحن مرقنا بي قد القفة
يا كافي البلا
لا شعر شفع لينا ولا نثر
محتاجين اعادة صياغة
صاحب البوست سلام مداعبة صباحية لا عليك بها |
تحياتى ليك و انت تشرّفنى بالتواصل
و الاساتذة السابق اسما حرف الدال هم اصحاب مقام محفوظ
تقرا و ماسك خشمك عليك
اديك مثال
د/ محمد بابكر كتب عن كلمات تجرى على لساننا تخلو فى اقل توصيف لها عن اللياقة
فكرة كانت غايبة عنى تماما اضاءها الدكتور
حبيت اشارك و كتبت من ضمن ما يجرى على لساننا
لمّا يلاقيك صاحب بعد زمن طويل
سبحان الله يحيى العظام و هى رميم
لكن حسيت بى انو اصلا الدكتور وصّل فكرتو .. يبقى المداخلة دى لا تحمل اضافة انما حشو لا داعى له
فاحجمت عنها
اها مع قاماتكم الرفيعة دى تقرا و بس
|
Post: #42
Title: Re: حقيقة لا تملقا
Author: معاوية المدير
Date: 05-18-2016, 08:59 AM
Parent: #40
| Quote: والله يقدر لما يدخل ود البشري الا اقبقب انا جلالدونا . |
ههههههههههههههههههههههههه،
والله جهزّت الإقتباس دا قبل أصل نهاية البوست، قلت عشان ما أنسى .
كنت عايز اقولك، ود الباهي ؤ بت عمسيب ديل بالحتة الفيها الضبة
واوّعك ترفع عشان عارف تأثير الحاجة دي عليك قدُر شنو !
|
Post: #43
Title: Re: حقيقة لا تملقا
Author: جلالدونا
Date: 05-18-2016, 09:03 AM
Parent: #42
تعرف يا ود البشرى احسن حاجة نسوق البوست من تحت
و نطلّع الناس الما استاذين
اها بعد ابوحسين و تنظير
ممكن تضيف
اخونا مكاوى المستكاوى
و بت عمسيب
واكيد ابوروضة
و بالمرّة ود الباوقة
يبقى الباقى 9.991
|
Post: #44
Title: Re: حقيقة لا تملقا
Author: جلالدونا
Date: 05-18-2016, 09:05 AM
Parent: #43
و اكراما للعزيز دينق
9.990
|
Post: #45
Title: Re: حقيقة لا تملقا
Author: معاوية المدير
Date: 05-18-2016, 09:16 AM
Parent: #44
Quote:
و اكراما للعزيز دينق
|
دا تملُّق عدييييل كدا .
غايتو انا زول وآضح برمي الكلآم رُب، بدون غِتغيّت ...
|
Post: #46
Title: Re: حقيقة لا تملقا
Author: جلالدونا
Date: 05-18-2016, 09:31 AM
Parent: #45
Quote: دا تملُّق عدييييل كدا .
ههههها
ات ما كلموك
بعد مونساتى بقيت مصبغناتى ثم بقدرة قادر مطاعناتى
ده كللللللو ما كفّاك تقوم تجينى بى متملقاتى
____
9.989
|
Post: #47
Title: Re: حقيقة لا تملقا
Author: معاوية المدير
Date: 05-18-2016, 09:35 AM
Parent: #46
Quote: ههههها
ات ما كلموك
بعد مونساتى بقيت مصبغناتى ثم بقدرة قادر مطاعناتى
ده كللللللو ما كفّاك تقوم تجينى بى متملقاتى |
والله بس فضلك تبقى داعشي،
شوفلنا البعدو عليك الله ما تضيع الزمن ...
|
Post: #48
Title: Re: حقيقة لا تملقا
Author: محمد البشرى الخضر
Date: 05-18-2016, 09:41 AM
Parent: #46
Quote: لكن حسيت بى انو اصلا الدكتور وصّل فكرتو .. يبقى المداخلة دى لا تحمل اضافة انما حشو لا داعى له
فاحجمت عنها |
طيب بجدية كدا
تعرف يا قريبك الحاجة دي بتحصل دايما, ما عندك شي تضيفه أو سبقك عليه احدهم لكن برضو في حاجو مهمة, هنا طبيعة الكتابة تفاعلية و كاتب البوست بعد ان طرح فكرته يحب بالتاكيد يعرف الفيد باك سواء سلبي أو ايجابي
فا الرد و التداخل مع صاحب البوست - حتى لو في اختلاف مع الفكرة - فيه نوع من التقدير للمجهود المبذول
لكن تبقى مشكلة انو ما في شي حقيقي يضاف و مجرد السلام و المطايبة لا معنى له دون التطرق لموضوع البوست
الفيس بووك حل المشكلة دي بايقونتي لايك  و ديس لايك 
طبعا هن موجودات كصور لذا نطالب بادراجهن كايقونات الفيس يكفي الضغط عليها
نضيف المطالبة اعلاه لمطالبات زيادة كوتة جادات ومضاعفة عقوبة ابوحسين و مكتبة لود المشرف , قيقراوي و اخير دكتور محمد حسن :)
|
Post: #49
Title: Re: حقيقة لا تملقا
Author: عبدالحفيظ ابوسن
Date: 05-18-2016, 09:46 AM
Parent: #48
وانا يا ود البشرى
دمث الاخلاق .. مهذب .. ويقدس الحياة الزوجية
ارفقا لي مع الطلب
مالك فارزني
|
Post: #50
Title: Re: حقيقة لا تملقا
Author: محمد البشرى الخضر
Date: 05-18-2016, 10:06 AM
Parent: #49
حاضرين يا ود ابسن
مع انه ما ح يشتغل بينا اللهم إلاّ في مسالة مضاعفة عقوبة ابوحسين :)
|
Post: #51
Title: Re: حقيقة لا تملقا
Author: محمد حيدر المشرف
Date: 05-18-2016, 10:53 AM
Parent: #1
لا حولاااا
ولا حولااااا هذه من آثار عماد عبدالله في هذا المكان ..
اها شفت يا جلالودنا .. من الله خلقني في هذا الاسفير ما شفت لي زول كتاب زي عماد عبدالله الا دكين .. و دكين هذا كارثة كتابية شديدة الجمال .. طبعا ديل براهم و محسن خالد براهو .. رد الله غربته وهو القائل الوعي نبيلٌ وقويمٌ بأصله قبل طَبْعِ الواعين ..
الوعي نبيلٌ وقويمٌ بأصله قبل طَبْعِ الواعين .. يا لها من عبارة !!!
الكتابة والناس الكتًابه ...
يا حليلنا معاهم يا جلالدونا ياخ .. بعدت الشقة يا صديق ولكن وعموما مجاملتك لي مقبولة وجاتني في جرح الايام دي .. صاحبكالمستنير استخف بي كما لم يحدث من قبل يا جلالدونا .. تصور قال انو كلامي حول مراعاة اللياقة العامة عند الاشارة للشعوب الاخرى ما ينفع الا للكتابة على الركشات .. أو شيء من هذا القبيل .. عليك الله شفت ليك قدرهذا القدر من الاستخفاف اللذيذ ..
هذا المكان عامر بكائناته المدهشة يا عزيزي .. ممكن جدا يصادفك طارق جبريل في زقاق من زقاقاتو الاليفة ديك .. حبيب نورة قاعد يتاوق مره مره .. ومولانا محمد المرتضى حامد ما زال قابضا على زناد الارسال و قيد الحياة الإسفيرية... وهناك الغائبون .. "مستفز جدا غيابهم وامتدادهم في الصهيل" .. في هذا المكان كانت تكتب توما يا عزيزي .. تذكرت رائعة صلاح بن البادية يا مي, وأين مي ؟!! هل يمكن أن أختم هذه المداخلة دون الاشارة للملوك ولاد العم !!
|
Post: #52
Title: Re: حقيقة لا تملقا
Author: محمد حيدر المشرف
Date: 05-18-2016, 02:03 PM
Parent: #1
غايتو زول حقار جنس حقارة !!
| Quote: نضيف المطالبة اعلاه لمطالبات زيادة كوتة جادات ومضاعفة عقوبة ابوحسين و مكتبة لود المشرف , قيقراوي و اخير دكتور محمد حسن :) |
ان شاء الله يزيدو ليك كوتة جادات من جملة أمنياتك الاسفيرية هذه .. عشان يأدبك أدب المدائح .. اصلو مافي زول بعرف ليك غيرو ..
|
Post: #53
Title: Re: حقيقة لا تملقا
Author: محمد البشرى الخضر
Date: 05-18-2016, 02:15 PM
Parent: #52
إن شا الله ...
أقلاّها يرفع لينا مستوى التحدي بدل كتابة الركشات دي :)
|
Post: #54
Title: Re: حقيقة لا تملقا
Author: محمد حيدر المشرف
Date: 05-18-2016, 03:04 PM
Parent: #1
ههههههههههههههه
|
Post: #55
Title: Re: حقيقة لا تملقا
Author: جلالدونا
Date: 05-18-2016, 05:28 PM
Parent: #54
| Quote: بالمناسبة في حد قرأ مداخلة صديق مهدي قبل يلحسها :) |
ماقريتا و القرها يلحقنا بيها .. لكن اجتهاط منّى ساكت بكون هبش ود الباهى
عليه العدّاد وصل 9988
بعد ود المدير طوّالى
|
Post: #56
Title: Re: حقيقة لا تملقا
Author: جلالدونا
Date: 05-18-2016, 05:43 PM
Parent: #55
Quote: ههههههههههههههههههههههههه،
والله جهزّت الإقتباس دا قبل أصل نهاية البوست، قلت عشان ما أنسى .
كنت عايز اقولك، ود الباهي ؤ بت عمسيب ديل بالحتة الفيها الضبة |
ها زول ها قبقبتنى زمان و اول فرقة لقيتا فكّيت كرعىّ للريح و هاك يا فليل
امّا المدعو ود الباهى فأمره متروك لى صاجبى صدّيق مهدى
|
Post: #57
Title: Re: حقيقة لا تملقا
Author: جلالدونا
Date: 05-18-2016, 06:29 PM
Parent: #56
يا الف الف مرحب بالمشرّف
و شكرا على دعمك فكرة البوست بهذه القمم الراقية
لها التجلّة و التقدير
و اهديك و اهدى القراء هذه الخاطرة و التى لو افترضت
فرضا انها خطرت على بالى لما وجدت طريقة لكتابتها عبر كلمات تليق بها
Quote: و أختار الـ (آخرين)
بسحنات وقلوب ملونة
تقلبها السخانة في منتصف السوق العربي
وأتجول بينهم بإلفة قد تفرقها صرخة داوية تنذر بحرب وشيكة في اي لحظة
وأقلب بصري و أمده تارة بين الشوارع
وهي تنثر غبارها علينا وترشه رشاً
ونحن نمشيها كل يوم
علي مهل
ولا همانا شئ
وأقدل في عرض هذا الوطن
ملئ بالجراح
وهو لا يدري من أين ياتيه الوجع
أو من ينثر الملح و يطاء الجرح كل صباح
كل صباح ...
الونسة العامة
عن المعيشة التي أصبحت شبه مستحيلة
أما الحياة نفسها
فهذا حديث آخر
والحرب
خبر عابر في منتصف الونسة
وهو ترف لا نمارسه كثيراً
مشغولون نحن باخبار الرغيف
الكهرباء
المياه
والأمنيات
ويا ريت
يا ريت .. |
|
Post: #58
Title: Re: حقيقة لا تملقا
Author: صديق مهدى على
Date: 05-18-2016, 06:33 PM
Parent: #54
جنس منجهة ههههههههها
البشوفك يقول القبة تحتا فكى
|
Post: #59
Title: Re: حقيقة لا تملقا
Author: عادل الباهي عبدالرازق
Date: 05-18-2016, 06:54 PM
Parent: #58
Quote:
ماقريتا و القرها يلحقنا بيها .. لكن اجتهاط منّى ساكت بكون هبش ود الباهى
|
ياجلالدونا
صديق مهدي ماهبشني أنا لكن هاك كلامو الحذفو بالحرف
قال ليك هسع دا موضوع يفتحو ليهو بوست
وأتبعها كل الناس القلتهم ديل صفر علي الشمال عندي
واتبعها بي هاهاها
وبعد شوية خاف من الرش دخل حذف كلامو وإتخارج
أي خدمات جاهزين
|
Post: #60
Title: Re: حقيقة لا تملقا
Author: محمد البشرى الخضر
Date: 05-18-2016, 07:06 PM
Parent: #59
علي اليمين بتبالغ يا ود الباهي
تشاكل في البورد وتشاكل في الفيس و تكبشر المداخلات الملحوسة في نفس الوقت :)
ماشاء الله , عشان ما تقول سحرناك كمان
يا جلّي اوعى هرجلتنا دي تكون حرفت عليك البوست, أدينا خاترك اليومين ديل مافي موضوع وكدا
|
Post: #61
Title: Re: حقيقة لا تملقا
Author: عادل الباهي عبدالرازق
Date: 05-18-2016, 07:14 PM
Parent: #60
Quote:
علي اليمين بتبالغ يا ود الباهي
تشاكل في البورد وتشاكل في الفيس و تكبشر المداخلات الملحوسة في نفس الوقت :)
ماشاء الله , عشان ما تقول سحرناك كمان |
ياود البشرى
الزمن بقا كعب بقينا ننوم وعيونا مفتحة
|
Post: #62
Title: Re: حقيقة لا تملقا
Author: جلالدونا
Date: 05-18-2016, 07:20 PM
Parent: #60
و الحاجة التانية يا ود المشّرف
وضح تماما انى خالى الوفاض من حاجة اسمها تكنيك كتابة البوستات
و النبيطة بتاعتى سنون صامولتا محلوجة
بكل بساطة دا ود البشرى قلب جلود البوست بالعشرة الف بتاعتو دى
و سوّقنى البوست من تحت
جيت انتا و بى ضربة لازب اعدت البوست لى وضعو الطبيعى دون الاشارة لى هرجلة ود البشرى
اهو ده شغل الاساتذة الكبار ..
شايفو .. اتحسّس و جانا بى دى
| Quote: يا جلّي اوعى هرجلتنا دي تكون حرفت عليك البوست, أدينا خاترك اليومين ديل مافي موضوع وكدا |
|
Post: #63
Title: Re: حقيقة لا تملقا
Author: جلالدونا
Date: 05-18-2016, 07:29 PM
Parent: #62
اما بالنسبة للمكتبة و عشان برضو ما يسرح بيكم بيها
عندى ليك اقتراح مكتبة تايوانى طبق الاصل
تفتح بوست بى عنوان ... مكتبة محمد حيدر المشّرف
و تجيب روابط بوستاتك كلها تنزّلا كل رابط فى مداخلة
تبقى عندك مشكلتين فى الحل ده
بكرى يطبل البوست و الاسوأ من الطبل يوديهو الخور
اما الارشفة هينة
_______
المستنير ظاهرة كتابيىة نادرة الحدوث .. فتمسّك بها الى ان يجعل الله لك مخرجا
|
Post: #64
Title: Re: حقيقة لا تملقا
Author: محمد حيدر المشرف
Date: 05-18-2016, 08:04 PM
Parent: #63
| Quote: المستنير ظاهرة كتابيىة نادرة الحدوث .. فتمسّك بها الى ان يجعل الله لك مخرجا |
ههههههههه ..
سيروق هذا الوصف صديقنا المستنير كثيرا .. تلك أقرب نقطة اسفيرية ممكنة نحو حسن موسى .. .. وما كان يحلم بها ولو هضربات !!
|
Post: #65
Title: Re: حقيقة لا تملقا
Author: معاوية المدير
Date: 05-18-2016, 08:15 PM
Parent: #64
Quote: علي اليمين بتبالغ يا ود الباهي
تشاكل في البورد وتشاكل في الفيس و تكبشر المداخلات الملحوسة في نفس الوقت :)
ماشاء الله , عشان ما تقول سحرناك كمان |
ود الباهي حزنان ؤ وآعي،
يا قول أهلنا .
زمان الشافع يكون زعلآن داير يطرشق بالبكا، يدوهو قطعة حلآوة يقعد
يلوّغد فيها ؤ يتنخج، أها يقولو، الشافع دا حزنان ؤ وآعي .
بس ياها البِقت علي ود الباهي .
والله صحي ...
|
Post: #66
Title: Re: حقيقة لا تملقا
Author: صديق مهدى على
Date: 05-18-2016, 08:44 PM
Parent: #64
مفارقات
|
Post: #67
Title: Re: حقيقة لا تملقا
Author: صديق مهدى على
Date: 05-18-2016, 09:18 PM
Parent: #66
المثل بقول الفايق بهمز امو ههههها
|
Post: #68
Title: Re: حقيقة لا تملقا
Author: محمد على طه الملك
Date: 05-18-2016, 10:42 PM
Parent: #67
بالغت يا جلالدونا عمر ساكت ما تشوف تختني مع ود البشرى ..
كان قت ود المدير كان فوتها .
|
Post: #69
Title: Re: حقيقة لا تملقا
Author: محمد البشرى الخضر
Date: 05-18-2016, 11:28 PM
Parent: #68
يا مولانا ود المدير شن طعمه مكتبة ما عنده
أبرك لك انا :)
|
Post: #70
Title: Re: حقيقة لا تملقا
Author: جلالدونا
Date: 05-19-2016, 04:31 PM
Parent: #69
ما قصرتّا يا ود الباهى
و ينظر فى منحك الاستاذية بعد شتة شهور من تاريخو و ساعتو
|
Post: #71
Title: Re: حقيقة لا تملقا
Author: جلالدونا
Date: 05-19-2016, 04:39 PM
Parent: #70
الصديق ود مهدى ود على
اعوذ بالله من همزات الشياطين يااخ
تصّدق الفياقة جابا لينا الكمبيوتر ده و ود عمو النت
امبارح فى ساعة واحدة و جوّة بيتى رخصّت العربية و عملتليها الانشوراس
و غشيت نس الويت اند ميجر اون لاين عشان الكوميرشال
المصيبة بعد ده الحوامة اون لاين بقت تقوّم النفس و تبعث للفياقة
|
Post: #72
Title: Re: حقيقة لا تملقا
Author: جلالدونا
Date: 05-19-2016, 04:43 PM
Parent: #71
| Quote: يا جلّي اوعى هرجلتنا دي تكون حرفت عليك البوست, أدينا خاترك اليومين ديل مافي موضوع وكدا |
هرجلتك هينة .. الكلام هرجلة صديق دى
غايتو كان ما صاحبى و جارى كان بقيت صاحب ود الباهى
|
Post: #73
Title: Re: حقيقة لا تملقا
Author: جلالدونا
Date: 05-19-2016, 04:48 PM
Parent: #72
Quote: بالغت يا جلالدونا عمر ساكت ما تشوف تختني مع ود البشرى ..
كان قت ود المدير كان فوتها . |
هى لاكين يا مولانا ود المدير ده زول عنقالى زى حالى ده , اختّك معاهو كيف
ليك مطلق الحق انك تتغاضى الطرف عن ود البشرى و ممكن تتجاوز ود المشّرف كمان .. قليلا او كثيرا ..
بس كمان ما تصل الاستنارة .. اليومين ديل الركشات كتيرة
|
Post: #74
Title: Re: حقيقة لا تملقا
Author: جلالدونا
Date: 05-19-2016, 04:56 PM
Parent: #73
| Quote: وما كان يحلم بها ولو هضربات |
يا مشرف ليس فى الامر هضربات
انما حقيقة علمية مثبتة
عموما مجرد اقترابو من البوينت الاسفيرية دى
يحسب له لا عليه .. او كما قال
|
Post: #75
Title: Re: حقيقة لا تملقا
Author: عادل الباهي عبدالرازق
Date: 05-19-2016, 04:57 PM
Parent: #72
يا جلالدونا اقراء ليك الرقية الشرعية في البوست عشان صديق مهدي يتخارج تدفع كم
اصلا الزول دا مباري ود البشرى هههههههه
يا ود المدير انا لو ماحزنان وواعي اخوان ترينا زانقني
وانا مركز مع حضن ترينا ؟؟ في ميتة قلب أكثر من كدة ؟
|
Post: #76
Title: Re: حقيقة لا تملقا
Author: درديري كباشي
Date: 05-19-2016, 06:01 PM
Parent: #75
سلام يا جلال رفدا للبوست المريح
في إعتقادي الشخصي
أن الشخص الذي يكتب لنفسه (لأجلها) ويقرأ للآخرين يمتع القراء أكثر وبمدارك أوسع وتحس بالصدق والبراعة في حروفه أكثر من الشخص الذي يكتب للآخرين ويقرأ لنفسه ..
حتى في كرة القدم تنطبق هذه الملاحظات يعني زمان من أمثال طاهر حسيب لاعب بورتسودان الشهير وفايز نصر الدين بتاع الهلال ومنصور تنقا .. وفي زمنا الحالي نيمار بتاع برشلونة ..تحس أن هؤلاء هدفهم الأول الأستمتاع .. الذي يولد ابداع يمتع الآخرين .
ونماذج في هذا المنبر ( هو لازال رأي شخصي ) الملك وكبر والمشرف ومصطفى مدثر وأبو جهينة ..و هؤلاء الذين نحن نعايشهم حاليا ..وهكذا يجب أن تكون كتابة الرأي تعكس داخلك دون مجاملة أو محاباة لأحد .. حتى لو كانت تمس توجهك ..
سأعود المكتب قفل
|
Post: #77
Title: Re: حقيقة لا تملقا
Author: صديق مهدى على
Date: 05-19-2016, 07:12 PM
Parent: #76
سلام يا عادل الباهى
الراجل الباهى
اصلا ما بتكون ساهى
حتى لو كنت لأى
ربنا يكفيك يكفيك
شراب الشيشة وقواعد الملاهي
اها رايك شنو بلادى
منى شاعرا صاحى
تحياتى
|
Post: #78
Title: Re: حقيقة لا تملقا
Author: عادل الباهي عبدالرازق
Date: 05-19-2016, 07:36 PM
Parent: #77
Quote:
سلام يا عادل الباهى
الراجل الباهى
اصلا ما بتكون ساهى
حتى لو كنت لأى
ربنا يكفيك يكفيك
شراب الشيشة وقواعد الملاهي
اها رايك شنو بلادى
منى شاعرا صاحى
تحياتى |
هييييع ابشر بالخير ياصديق مهدي
ولا ابو القاسم الشابي زاتو
|
Post: #79
Title: Re: حقيقة لا تملقا
Author: صديق مهدى على
Date: 05-19-2016, 08:03 PM
Parent: #78
هع
انا غطاس
تمام الجلد
والراس
كان ما الشيب
فى الراس
ونجيهة الناس
كنت رحلت
من فنكس
ورحلت تكساس
وجاورت ود خالى
ود النحاس
اها شن رأيك
يا ود الباهى
انا مش للبوستات
عواس
اها شن قولك
فى سمح الناس
|
Post: #80
Title: Re: حقيقة لا تملقا
Author: حمد عبد الغفار عمر
Date: 05-19-2016, 08:50 PM
Parent: #79
أنا غايتو اكتشفت زول بخوف عادل الباهي ما قادر يفتح خشمو
يقول ليهو يمين يلف يمين شمال شمال
عبد الغني كرم الله ما تنساه يا جلادونا
|
Post: #81
Title: Re: حقيقة لا تملقا
Author: د.محمد بابكر
Date: 05-19-2016, 11:44 PM
Parent: #80
Quote: اديك مثال
د/ محمد بابكر كتب عن كلمات تجرى على لساننا تخلو فى اقل توصيف لها عن اللياقة
فكرة كانت غايبة عنى تماما اضاءها الدكتور
حبيت اشارك و كتبت من ضمن ما يجرى على لساننا
لمّا يلاقيك صاحب بعد زمن طويل
سبحان الله يحيى العظام و هى رميم
لكن حسيت بى انو اصلا الدكتور وصّل فكرتو .. يبقى المداخلة دى لا تحمل اضافة انما حشو لا داعى له
فاحجمت عنها |
هذا من حسن ظنك دكتور جلال وما نبذله فى هذا المنبر هو جهد المُقِل..مشاركة الزملاء هى بلا شك اثراء للنقاش وآمل أن نتعود على الحوار كفكره وأن نتحمل بعضنا البعض وأن ننأى بسخائم نفوسنا عن هذا المنبر..وحبابك يا حبوب مشاركتك حتماً كانت ستمثل اضافة حقيقيه فانت من الأقلام المحترمة فى منبرنا هذا وكذا من اشرت لهم فلك ولهم وافر التقدير والإجلال والاحترام.
|
Post: #82
Title: Re: حقيقة لا تملقا
Author: جلالدونا
Date: 05-20-2016, 01:33 AM
Parent: #81
Quote: طيب بجدية كدا
تعرف يا قريبك الحاجة دي بتحصل دايما, ما عندك شي تضيفه أو سبقك عليه احدهم لكن برضو في حاجو مهمة,
هنا طبيعة الكتابة تفاعلية و كاتب البوست بعد ان طرح فكرته يحب بالتاكيد يعرف الفيد باك سواء سلبي أو ايجابي
فا الرد و التداخل مع صاحب البوست - حتى لو في اختلاف مع الفكرة - فيه نوع من التقدير للمجهود المبذول
لكن تبقى مشكلة انو ما في شي حقيقي يضاف و مجرد السلام و المطايبة لا معنى له دون التطرق لموضوع البوست
الفيس بووك حل المشكلة دي بايقونتي لايك و ديس لايك |
أى نعم يا ود البشرى .. طبيعة المنبر و روحه التفاعلية .. بس كمان عشان تكون فاعلة لابد للمشاركة ان تكون ذات مضمون
داعم للفكرة بابراز الخفى منها او ناقد لها معددا سلبياتها .. امّا المشاركة لمجرد التواجد فى البوست من باب المجاملة ما اظن تخدم صاحب البوست فى شئ
ولو ادّاها احد الزملاء حقّو تسقط عن الاخرين
بوست تايتنك للاميرات دخلتو اكتر من عشرين مرّة و بى لهفة شديدة و كان عامر بالمداخلات و لكن مرات كتيرة بدخل بلقى المداخلات الجديدة فيهو
من عينة ابداع .. وشغل جميل ... و فعلا انشغلن الاميرات بالردود و طال زمن متابعتنا للبوست
و من نفس البوست لو تلاحظ اخونا اسامة الامام شارك بفعالية خدمت خط البوست بعكس مداخلات الاشادة التى احتشد بها
اوافقك فى ايقونة اللايك لكن الدسلايك محتاجة لى توضيح
_____
بعد ما انعم على استاذى السودانى العجوز بلقب الاستاذ الجليل ثم اكرمنى د/ محمد بابكر بلقب الدكتور تانى كان انتا كان ود المدير و كل من لفّلكم
لا اقبل ان تخاطبنى بى أقل من سيد و الّا فالاستيكة محمداكم
ود المدير قوم جيب شاى
|
Post: #83
Title: Re: حقيقة لا تملقا
Author: Sudany Agouz
Date: 05-20-2016, 04:48 AM
Parent: #82
الأخ الحبيب والأستاذ الجليل جلال ..
بل أنت تستحق هذه الألقاب عن جدارة .. يا أخى جلال ..
العفو .. يا أستاذ جلال .. بل أنت أستاذى .. وأشكركم أخى على هذه التحية
التى لا أستحقها ..
| Quote: بعد ما انعم على استاذى السودانى العجوز بلقب الاستاذ الجليل ثم اكرمنى د/ محمد بابكر بلقب الدكتور |
لأن الإناء ينضح بما فيه ..
حيث وجدت فيكم البساطة يا أخى جلال ..
الرب يبارك فى حياتكم .. وفى حياة أسرتكم الغالية ..
أخوكم وعمكم العجوز ..
ارنست
+++
|
Post: #84
Title: Re: حقيقة لا تملقا
Author: جلالدونا
Date: 05-20-2016, 06:49 AM
Parent: #83
مرحباب الدرديرى ود كباشى
ياخى اتفق معاك فو كل حرف كتبتو... و زى ما قال الاسطى الكبير كبر حكمتو الخالدة
الواحد بكتب ذاتو .. او فى معناه .. وبى كده الواحد برتاح لمّا يكتب صادقا بما تحس به نفسه
لكن كمان ما تنسى انو النفس بعد مرّات امّارة بالسوء وزى ما الحكمة بتقول لا تحكم و انت غضبان
هل فى الامكان استلافها ل لا تكتب و انت غضبان .. ضيط النفس و الصبر على مكارهها و تعرجاتها
من صفات اولى العزم فى الكتابة .. و الحمد لله جل كتّاب المنبر اهل لها
|
Post: #85
Title: Re: حقيقة لا تملقا
Author: جلالدونا
Date: 05-20-2016, 07:00 AM
Parent: #84
يااااه يا حمد ياخى
الزول ده اسطى كبير فى الكتابة
غرقت فى مكتبتو لامن شرقتنى موجة روعة الكتابة
معقولة دى
دى كباية شاى دى
Quote: يغلي الشاي، يرتفع غطاء البراد، ثم ينزل، ترفعه أيدي غير مرئية، يالتعاسة حواسي،
يد الحرارة، وبلا أصابع، ترفعه ثم تغطيه، ثم ترفعه، طفل يلهو بالاشياء بلا غاية، سوى المتعة، الفن للفن، ياله من إخلاص للذة البحتة،....
بعض الماء تبخر، فر من سجن البراد الساخن، وحلق في الهواء، دوما النار تحلق بالاشياء، حتى الجامدة، تقطع الوتد الذي يشدها بالأرض،
وتتركها تحلق كما تريد، نار الكانون، كنار العشق، تركت قلب قيس وفؤاد ويوسف، تحلق فوق طيات السحاب، تشرب من الغيم، وتستحم بالسحب..
****
رائحة الشاي، جرت بلا أرجل، أو حتى أعين، وحلقت بلا جناح، ومع هذا دخلت كل الانوف، أنف خالي واخواتي، وضيوف أمي، وأنا، ثم انزلقت للحنايا، حيث ترقد الذاكرة،
وفيها وقائع مقدسة، تصحو بطبل الرائحة، في الذاكرة لا قبر للوقائع، ولكن أسرة، تنام فيها، وتصحو، وتفرض سطوتها في الحاضر..
****
تومض الكبابي..الضوء الصباحي غمر الغرفة البسيطة كلها، ولكن الكبابي ابتسمت له، ألتمعت خجلاً.. وردت له التحية بأجمل منها..
في قاع الكباية حبيبات سكر..اتخذت شكل الجبل، وحبة صغيرة منها، كانت على قمته، ومع هذا كان مزاجها رائقاً، لم تكن تحس بالغرور... مثل ملوك الارض..
.......
المعلقة تصوت داخل الكباية، لم يكن أصبعي، جفل خاطري، لهذا الفكرة السادية، الفطرية..
اختصارا....(فللحديث شجون)..
حوت الكباية الكون بين دفتيها... الماء، الماء الذي يجري كنهر، ويطير كسحاب، ويملأ الاثير كرطوبة..
***
ثم نشأت حرب ضروس..
حرب الهوية!!....
الماء يدعى (وله الحق)، بأن الشاي هو ماء...
وداخل الماء، صراع بأن الماء أهو هايدروجين، أم اوكسجين (هوية أخرى، تبحث عن حل).. ياله من تهميش.. لصراع كامن آخر..
حول هوية الماء، ذاتها..
والاكسجين، هو الكترون، بل هو ببترون، بل ألكترون، وداخلها، ايضا صراع، بين كوراك، بل هو طاقة، طاقة مجهول...
ويتناهي الصراع، في الصغر، صنو العدم.. كل شئ بمقدروه ان ينقسم إلى حزئيات، حتى حدود العدم.. التناهي في الصغر، كالتناهي في الكبر.. لا حدود لهما..
الشاي هو ماء..
لا.... بل الكترونات..
بل كوراك..
بل...
أما اوراق الشاي الجافة، فلم تدخل الصراع بعد، فصراع الهوية كامن فيها، كمون اللذة الجنسية في طفل صغير..
******
حبيبات السكر تدور، بنشوى، رغم ارتفاع حرارتها، حمى التضحية، ...
وضعت اختي المعلقة، لا تزال الحبيبات تدور، ثم اختفت خلف حجاب الذوبان بهوية أخر، أكثر رقة، وخفاء، لم يعد للسكر وجود، أأنطمست هويته، أم الملائكة لاترى، إلا بعين البصيرة...
......
كباية الشاي تؤمن بوحدة الوجود، أكثر من العقول الكبيرة، أكثر من ابن العربي، رغم ضآلتها، فهوي تأون كون بلا حصر، (حتى "على سبيل المثال)، لا تكفي..
برجها الزجاني يأوي شاي من حقول الهند، بذرته أيدي كثيرة، (فتيات وكهول ومرضى، وعشاق)، وسقته سحب جاءت من أقاصي استراليا، .. وغاصت بذروه في تربة خصبة، مليئة بالعناصر..
أما قصة وصول نبات الشاي للكباية الصغيرة، فتلك قصة، ولكم ان تتصوروا رحلة ابن بطوطة، او رحلات ماركو بولو...
وعلى سبيل "المثال"، سفينة يابانية، لوري، طائرة، رقشة، حتى وصل للمطبخ، ثم جاءت حرارة الكانون (لا داعي لتتبع تاريخ اكتشاف النار)، ناهيك عن كنهها (الفيزياء تعرف الخواص، وتجهل الكنه)،
وأيضا لا داعي لذكر (ان النار لا تحرق بعض الاجسام البشرية، وحين تنوم مغناطسيا، فالعادة تخرق، كعادة الحياة، في تكريس الغموض)..
** ***
الكباية ساكنة، رغم مخاضها العظيم، لساني لا يحس سوى بالمذاق الجميل..
عقلي يبحث عن الهوية
خيالي يتابع رقص البخار فوق الكباية..
الانف لا تنسى رائحة الشاي، ...
المزاج رائق، لا يخوض في شئ، مكتفيا بالجهل، بالعلم، بالفطرة..
جوهر الشاي، يبحث عن هويته.
مظهر الشاي يبحث عن هويته..
الأسد، عبارة عن خراف مهضومة..
من لا يعرف من إين جاء لا يعرف إلى أين يسير..
السكر الابيض لم يعد أبيضا..
الشاي الاسود لم يعد اسودأ
والماء صار كشكل الآبري...
****
رشفت رشفة، طارت بي ، لهوية أعمق..
ما اعظم اللذة..والنشوى.. في حنايا الجسد، ,,,..
ما هوية اللذة الإنسانية..
رائحة الشاي ، من يقول إنها عمياء كحكيم المعرة، ومع هذا دخلت كل الانوف، من ، وهي تشق طريقها في عتمة الدار،
(ياظلال الأراك، أنني لا أراك)، الهوية فطرة، تسوق نفسها بنفسها، كطعم البلح والمانجو في لسان الأطفال، والكبار، والموتى....
لازال خاطري، يردد، ماهوية اللذة الإنسانية!!
|
Post: #86
Title: Re: حقيقة لا تملقا
Author: جلالدونا
Date: 05-20-2016, 03:06 PM
Parent: #85
حيّاك الله و بيّاك د/ محمد بابكر و شاكر مرورك الكريم
Quote: هذا من حسن ظنك دكتور جلال وما نبذله فى هذا المنبر هو جهد المُقِل..
مشاركة الزملاء هى بلا شك اثراء للنقاش وآمل أن نتعود على الحوار كفكره وأن نتحمل بعضنا البعض وأن ننأى بسخائم نفوسنا عن هذا المنبر..
وحبابك يا حبوب مشاركتك حتماً كانت ستمثل اضافة حقيقيه فانت من الأقلام المحترمة فى منبرنا هذا وكذا من اشرت لهم
فلك ولهم وافر التقدير والإجلال والاحترام. |
ليس فى الامر حسن ظن ,انما تقدير مستحق لجهد يستحق الوقوف عنده و التعلّم منه وارجو ان نكتسب منكم ادب الحوار و المجادلة
و شاكر كتير تقييمك الطيّب و ان كنت دونه بمراحل خاصّة صفة الدكتور التى لا املك منها حتّى حلم ان اكونها
|
Post: #87
Title: Re: حقيقة لا تملقا
Author: جلالدونا
Date: 05-20-2016, 03:19 PM
Parent: #86
آمنت بالله يا حمد
و فى غرقتى دى شرقنى البوست ده
اساتذة فطاحلة لامن علط
الكلمة العجوة معطونة فى عسل التعبير
و ان كنت اتحسّر على و استثنى صديقى منصور المفتاح من تلك الكوكبة بجنوحه الى حوار لا يسمن و لا يغنى
من جوع لسلام و أمن يحف الوطن .. بل يعمّق مأساته و يورده موارد التهلكة
يا عبدالغني كرم الله يا مجنون يا أخي !!يا عبدالغني كرم الله يا مجنون يا أخي !!
|
Post: #88
Title: Re: حقيقة لا تملقا
Author: عادل الباهي عبدالرازق
Date: 05-20-2016, 03:21 PM
Parent: #86
Quote:
أنا غايتو اكتشفت زول بخوف عادل الباهي ما قادر يفتح خشمو
يقول ليهو يمين يلف يمين شمال شمال |
والله ياحمد عبدالغفار شهادتك دي شهادة زور امام سلطانا جائر
هسع انت شائف البيكسر في التلج للتاني منو
|
Post: #89
Title: Re: حقيقة لا تملقا
Author: حمد عبد الغفار عمر
Date: 05-20-2016, 03:57 PM
Parent: #88
والله يا عادل ما عايز احكها معاك
لكن ما بين سطروك الهرشة في
|
Post: #90
Title: Re: حقيقة لا تملقا
Author: جلالدونا
Date: 05-21-2016, 09:59 PM
Parent: #89
الحبيب عاطف
بارك الله حياتك و طيّب ايامها
و يا ريت نكون دايما عند حسن الظن
|
Post: #91
Title: Re: حقيقة لا تملقا
Author: جلالدونا
Date: 05-21-2016, 10:04 PM
Parent: #90
تعرف يا حمد هم اتنين
و من حسن حظ صاحبك ده انهم الاتنين فى مدينة واحدة
نومتو فى انو حاسب فرق الزمن و بكتب فى وكت يكونو نايمين
و يعوس عواستو و يخت وشيهو الضاخك داك و يكب الزوغة
|
Post: #92
Title: Re: حقيقة لا تملقا
Author: ثروت سوار الدهب
Date: 10-14-2016, 03:46 PM
Parent: #91
شكرا الاستاذ جلادونا لإدراجي مع الاساتذة
و ارجو أن اكون مقام الظن و اياي صنوان
و عذرا لم انتبه لهذا البوست إلا الآن
تحاياي
|
Post: #93
Title: Re: حقيقة لا تملقا
Author: زهير عثمان حمد
Date: 10-14-2016, 04:56 PM
Parent: #92
أخي جلادونا
تحياتي
حضرت لتهنئة الكبار و يا زين ما اخترت والرمز أحيانا أبلغ وأكثر أيضاحا من معلوم الكلام وساقطه
لك خالص الود
|
Post: #94
Title: Re: حقيقة لا تملقا
Author: جلالدونا
Date: 10-15-2016, 05:36 AM
Parent: #93
يا سلام يا استاذنا ثروت
معقولة دى !!تشكرنى!!
ياخى انت الاحق بالشكر
سعيد جدّا ان تعلنعودتك برفع هذا البوست من سحيق اعماق هذا المنبر
متابع بى غادى و راجيك تواصل ايضاح فكرتك
التحية ليك يا قامة
و نرجو عدم الانقطاع
|
Post: #95
Title: Re: حقيقة لا تملقا
Author: عثمان عووضة
Date: 10-15-2016, 06:57 AM
Parent: #94
نقنتود والله انت كاتلك الاحترام والتهذيب ساكت
تختني مع العمالقة ديل
لكين معليش ... الحق ما عليك
الحق علي ابوك الذي ادبك فاحسن تاديبك
|
Post: #96
Title: Re: حقيقة لا تملقا
Author: جلالدونا
Date: 10-16-2016, 06:10 AM
Parent: #95
اهلا وهير
و زيارتك لينا شرف نعتدّ به
يكفيك انك افضل من يكتب حاجتو و يمشى
يا ريت اكون زيّك ياخ
|
Post: #97
Title: Re: حقيقة لا تملقا
Author: جلالدونا
Date: 10-16-2016, 06:24 AM
Parent: #95
Quote: نقنتود والله انت كاتلك الاحترام والتهذيب ساكت
تختني مع العمالقة ديل
لكين معليش ... الحق ما عليك
الحق علي ابوك الذي ادبك فاحسن تاديبك |
اسأل الله له الرحمة و المغفرة و العتق من النار
و اتمنى يكون احسن تأديبى
_________
تعرف يا عب
احساسنا البسيط ده هو القايدنا لى معرفة الناس
و ياهو ذاتو ال قال لى الزول ده كنز
الجمال فى الكلام النابع من العمق
و الحتة دى انتا سيدا
تسلم لينا يا حبيب
|
|