Post: #1 Title: ابو قطاطي...كان واحدا من اجمل السودانيين. Author: سيف النصر محي الدين Date: 04-22-2016, 01:23 AM
00:23 AM April, 22 2016 سودانيز اون لاين سيف النصر محي الدين- مكتبتى رابط مختصراذكر اني كنت قد كتبت مرة هنا في المنبر العام أن اغنية خليل اسماعيل الاماني العذبةهي اغنية مختلفة في مضامينها عن معظم الاغنيات السودانية فهي اغنية تحتفي بغد افضلو فيها تفاؤل يبدو غريبا عن النفسية السودانية التي تميل شعوريا للتشاؤم او على الأقلعدم وضع اي آمال ذات قيمة في المستقبل القادم.انظر لمحمد علي ابو قطاطي حين يقول:بُكرة يا قلبي الحنين تلقي السعادةتبقي هاني وإبتساماتك مُعادةوالسرور يملأ حياتي ويبقي زادهاوعيني تَشبَع نوم بعد ما طال سهاداوأنسى غُلبيوالرياحين تملأ دربيانه السهل الممتنع الذي لا يقدر عليه الا من امتلأت روحه بجمال نادر لا يتوفر في كثيرمن البشر و توقد عقله بذكاء فطري يمكنه من تحويل كلمات عادية جدا إلى عاصفة من الجمال.
Post: #2 Title: Re: كان واحدا من اجمل السودانيين. Author: سيف النصر محي الدين Date: 04-22-2016, 01:33 AM Parent: #1
ابو قطاطي و وردي، يا الله. هذا ثنائي صنع فرحا و شجنا و عشقا في نفوس السودانيين بغير حدود. انظر معي هذا الكلام: شن بتقولو في الفرح المعذب سيدو في الريد المضيع زولو شن بتقولو
شن بتقولو في السال دمعو يبكي قديلو في الشايل هموم الناس همو العندو غالبو يشيلو في الما راضي بالحرمان ولا راضي الحنان يمشيلو شن بتقولو . محمد علي ابو قطاطي و وردي و المرسال و سوات العاصفة و الناس القيافة يذكر أن بعض المتنطعين الذين يعيشون بغير جمال في نفوسهم التي يملأها الزيف و التصنع كانوا قد عابوا على وردي تعامله مع ابو قطاطي و قد كادوا أن يحرمونا من كل هذا الابداع لو لم يكن وردي ايضا شاعرا يثمن الكلام النضر الجميل ايما تثمين. اذكر تجربة شخصية مع وردي حينما كان في القاهرة و اوصلنا له قصيدة هتافية كتبها احدهم و طلب أن يغنيها وردي. قرأ وردي القصيدة مرة واحدة و قال انها لا تغنى. و بعدها بقليل لحن و غنى الناس القيافة بكلماتها البسيطة الآخاذة.
Post: #3 Title: Re: كان واحدا من اجمل السودانيين. Author: سيف النصر محي الدين Date: 04-22-2016, 01:40 AM Parent: #2
اذكر أن محمد عبد الله الريح كان قد كتب يسخر من ابوقطاطي بسبب قصيدة كتبها عن كوريا الشمالية و عن كيم ايل سونغ. و اذكر ايضا أن في ذلك الوقت كان هناك سودانيون كثر مفتونون بكيم ايل سونغ و بتجربة كوريا الشمالية فالعالم حينها لم يكن كعالم اليوم. و في طني أن ابا قطاطي لم يكن منافقا او متملقا في الأساس و لا استبعد أن ما كتبه قد كتبه تعبيرا عن احساس صادق. و القصيدة تلك يتجلى فيها ذكاء ابو قطاطي و موهبته الفذة. وجدت على الانترنت هذا المقطع رغم أني اذكر أن القصيدة التي سخر منها دكتور الريح كان فيها : كيم ايل سونغ نحبه او شئ من هذا القبيل:
نهر النيل يناجي نهر ديدونغ كان ويعرف أن ضوء الشمس يسطع فوق بان مونغوم وترى شيكان يقص حديث بونق هاري وبت أوسان و أم درمان تعانق طيف مانيونغ دايا بالأحضان ومارنجان تغني لحن ساروون و بورتسودان تصافح أرض شوسا سري
Post: #4 Title: Re: كان واحدا من اجمل السودانيين. Author: سيف النصر محي الدين Date: 04-22-2016, 01:51 AM Parent: #3
انت يا قلبي المتيم كنت خالي كنت نايم و ما رايت سهد الليالي كنت قايل كل شي في الدنيا حالي كما يقول الخواجات wake up buddy :)
Post: #5 Title: Re: كان واحدا من اجمل السودانيين. Author: اسامة الامام Date: 04-22-2016, 02:18 AM Parent: #4
فعلا يا دكتور سيف كان من اجمل الناس وليس السودانيين فحسب
له الرحمة والمغفرة والجنات العليا وصبر آله وذويه ومحبيه ذلك الجموعي القح الذي تلاقح طربا ومغني مع الرائع القادم من اقصي الشمال وردي ليكونا معا عصير السعادة خلاصة المغني الجميل واكسير الطرب الأصيل
رحمهما الله رحمة واسعة ورحم كل مبدعي بلادي
Post: #6 Title: Re: كان واحدا من اجمل السودانيين. Author: سيف النصر محي الدين Date: 04-22-2016, 04:05 AM Parent: #5
شكرا يا دكتور اسامة و فعلا هو كما قلت. من الاغاني الجميلة اغنية زكي عبد الكريم اسأل نفسك. هي ايضا تنتمي لطائفة السهل الممتنع و الذي يبدو أنه عندما يلحن لابد للحنه أن يأتي على نفس الدرجة من الجمال: راجع نفسك ما تكون جاير وخلى حياتنا تعود لهناها ماتحطم بى ايدك نفسى والامال القلبى بناهــــا مهما قسيت انا برضى بحبك وساعة عطفك بستناها ومهما يزيد المى وحرمانى برضى سعادتك بتمناها
Post: #7 Title: Re: كان واحدا من اجمل السودانيين. Author: اسامة الامام Date: 04-22-2016, 04:36 AM Parent: #6
بسحروك
في بنات الجيل بشوف حسنك فريد
فيك قوام زى الغصن وكتين يميل
والجمال الفاتن الفات الحدود
وربنا يغطيك من عين الحسود
والله خايف في مشيتك يسحروك
بسحروك يا السمحة لو شافو الخدود
ولا شافو الأعين المكحولة سود
خوفى بس يالسمحة ما تصيبك عيون
بسحروك في البسمة لو شافوا السنون
والسمار الباقى ليك يا حلوة لون
والدلال والروقة والنغم الحنون
يا شبيهة الحور بخاف ما يسحروك
العجيب كل الحسان منك تغير
شافن الجسم اللطيف زى الحرير
والغزال حاسدك عشان فيك الضمير
والهلال من نور جبينك يستعير
بسحروك يالسمحة شان ما بشبهوك
Post: #8 Title: Re: كان واحدا من اجمل السودانيين. Author: سيف النصر محي الدين Date: 04-22-2016, 04:48 AM Parent: #7
بالله يا اسامة شوف الخيال ده: صعيب وصفك لأنك هالة كلك ضي. فيزيا عديل. هذا الكلام لا يقوله الا شاعر: بنيت في الموج قصور آمال ومديت للرهاب إيدي وشديت سرجي فوق الريح
Post: #9 Title: Re: كان واحدا من اجمل السودانيين. Author: Ahmed Yassin Date: 04-22-2016, 04:51 AM Parent: #7
سيف النصر وشركاه قبل ميعادنا بى ساعتين فنان الفنانين ..صاحب النكتة الحاضرة والدواخل الصافية مثل افراد اسرته العريقة والمشهورين بالطيبة والحنية ودودين الى حد بعيد الصوت (التينور) المتفرد يصنف كاحمل صوت سوداني في معهد الموسيقى كان هناك سلم موسيقي يعرف بـ (سلم خليل)
Post: #10 Title: Re: كان واحدا من اجمل السودانيين. Author: عباس محمود Date: 04-22-2016, 05:56 AM Parent: #9
السلام عليك د.سيف
رحم الله الشاعر الجميل محمد علي أبو قطاطي وتقبله قبولا حسنا.
كتب الشاعر ابوقطاطي قصيدة في مدح المك ود ناصر مك الجموعية
لحنها محمد وردي ...استمعت لها اكثر من مرة بصوته ولكن لم اجد لها تسجيل علي موقع اليوتيوب
التسجيل المتاح لنفس الأغنية علي اليوتيوب بصوت الفنان الجيلي الشيخ !!!
يقول مطلع الأغنية :-
كاسر النمور اب عاج اب نفايل
يابحر المسور يا قبلة المحتاج
رباي اليتامي الحاشا مو فوجاج
التلب اللزوم قمر العشا الوجاج
Post: #11 Title: Re: كان واحدا من اجمل السودانيين. Author: اسامة الامام Date: 04-22-2016, 06:19 AM Parent: #9
Quote:
سوات العاصفة بي ساق الشتيل الني وفعل السيل وقت يتحدر يكسح ما يفضل شي دا كان حبك وقت حسيتو شفت الدنيا دارت بي
وقت شفتك .. شعرت الرعشة من صوف راسي لي كرعي ومن الساعة ديك ياالسمحة ولع فيني جمر الغي كتمت الريدة ما شافوها ناس الحي وقلت الجنة عاد ان شاء الله ما يقسن دروبها علي
ونجم الليل منو العداهو غيري وزاد حسابو شوي وسافر بي خيالو هناك صنقر فوق سحاب الري بنيت في الموج قصور آمال ومديت للرهاب إيدي وشديت سرجي فوق الريح عشان ألقاك بدور أطوي المسافات طي
صعيب وصفك لأنك هالة كلك ضي وفوقك هيبة واجمل قامة واسمح زي جمالك في البنات معدوم شبيهك ما كحل عيني أقدلي .. وسكتي الخشامة وانزلي في العوازل كي
عارف يا سيف لما يصل حتة ....نجم الليل منو العداهو غيري وزاد حسابو شوي
رغم المبالغة والمحال....تجدني احس بدفء مشاعره وصدقها ذلك المسرج للريح المصنقر بخياله فوق سحاب الري ياااااااا الله...
تخيل كل هذا الابداع والالق اوحت به فاتنة صبية..فتحت له الباب وولت هاربة
له الرحمة والمغفرة ذلك المبدع الانيق الكلمات
Post: #12 Title: Re: كان واحدا من اجمل السودانيين. Author: Emad Ahmed Date: 04-22-2016, 11:43 AM Parent: #7
اغنية بسحروك ..
كتبها الشاعر محمد علي ابو قطاطي وهو سائرا بقدميه في طريقه من الاذاعة السودانية الى
محطة الوسطى بام درمان وفي طريقه صادف خروج طالبات احدى مدارس الثانوي العالي للبنات
ولفتت انتباهه احداهن وبدا في نظم تلك القصيدة فيها ..
في بنات الجيل بشوف حسنك فريد فيك قوام زى الغصن وكتين يميل والجمال الفاتن الفات الحدود وربنا يغطيك من عين الحسود والله خايف في مشيتك يسحروك
وعند وصوله للمحطة الوسطى بام درمان كانت اكتملت القصيدة
وقام الفنان خليل إسماعيل بتلحين القصيدة وتغنى بها
الرحمة والمغفرة لشاعرنا محمد علي ابو قطاطي
وانت ذاتك يادكتور سيف النصر محي الدين من الجميلين الموجودين هنا
تقديري
Post: #14 Title: Re: كان واحدا من اجمل السودانيين. Author: عمر دهب Date: 04-22-2016, 12:43 PM Parent: #12
اكيد يا د سيف يكفيه انه ساهم بكلماته فى صياغة وجداننا لو كتب فقط الامانى العذبه كانت كافيه يتحكر جوانا ياريت يكون ذهب الى رحمة ربه وهو راضى ومرتاح مامغبون ولا مظلوم ولو من شعبه
Post: #13 Title: Re: كان واحدا من اجمل السودانيين. Author: أحمد عزالدين Date: 04-22-2016, 12:36 PM Parent: #1
التحية والتقدير لصاحب البوست وضيوفه الاماجد ونسأل الله العلي الكريم الرحمة الواسعة والمغفرة وحسن المنقلب وجنة عرضها السموات والأرض لصاحب الكلمة االسهلة الجميلة عمنا محمد علي أبوقطاطي الذي عرفته عن قرب حيث كان يعمل بالأدارة العامة للكهرباء زميلاً لوالدنا اطال الله في عمره وعرف بالبساطة في حياته والبشاشة في تعامله مع جميع الناس مما اكسبه حب الناس وتعلقهم به وكان صاحب نكتة حاضرة وانيقاً في لبسه ولا تراه إلا باللبس السوداني الكامل العمة والجلابية والشال ألا رحم الله شاعرنا أبوقطاطي بقدر ما ادخل السعادة في نفوس السودانيين واسكنه فسيح جناته..
Post: #15 Title: Re: كان واحدا من اجمل السودانيين. Author: سيف النصر محي الدين Date: 04-22-2016, 01:28 PM Parent: #13
الاعزاء احمد ياسين عباس محمود عماد احمد احمد عزالدين مشكورين على المرور و المشاركة يا شباب و يا عماد يا ريت لو نشوف ليك بوست توثيقي عن الراحل فهو يستحق.
Post: #16 Title: Re: كان واحدا من اجمل السودانيين. Author: abubakr salih Date: 04-22-2016, 01:34 PM Parent: #15
الله يرحم ابو قطاطي يا سيف، صادق التعازي للشعب السوداني فى هذا الفقد الكبير. و صحي كلامك ابو قطاطي مبدع لا يشق له غبار.
Post: #17 Title: Re: كان واحدا من اجمل السودانيين. Author: يحي قباني Date: 04-22-2016, 02:05 PM Parent: #16
قال يا سيف :
خِطاباتي البوديها تقول لا بتمشي لا حاجة
وديت ليهُ زول مُرسال, والمُرسال مشى و ما جا
بقيت أنا و النجوم بالليل سوا نساهِر و نتناجى
و الناس اللّي كانوا سبب رموني و صِبحوا فرّاجة... __________________________________ شكراً على هذا البوست و هذه الاحتفالية بشاعر فخم ...
أمثال أبو قطاطي لا نبكي عليهم بل نبكي على انفسنا من بعده ...
Post: #18 Title: Re: كان واحدا من اجمل السودانيين. Author: يحي قباني Date: 04-22-2016, 02:16 PM Parent: #17
و قال تاني يا سيف :
في الناس القيافة حبينا اللّطافة في دُرُوب المَحبَّة, فُتنا بعيد مسافة... شُفنا خُدود نديَّة جذَّابة و هنيَّة شآقتنا إبتسامة و طلعة ملائكيّة الوجنات بتشبه أزهار موسميَّة و الخِصر المُضمَّر و القامة الطريَّة... شُفنا عُيون كحيلة فتّانة و جميلة تعبانين وراها و نجري سنين طويلة لا خلّينا ريدة .. و لا بقّينا حيلة نطمع في لقاها و غالبانا الوسيلة... نَظَراتها كاتلانا و برموشها آسرانا حبيناها نحنا و دُرنا الموت برانا كُم نِحنا الحبايب مُنتظرين حُنانها الأرواح تشابي و تتلهّف عشانها...
Post: #19 Title: Re: كان واحدا من اجمل السودانيين. Author: محمد أبوالعزائم أبوالريش Date: 04-22-2016, 02:32 PM Parent: #18
عزيزي سيف ابو قطاطي أحد دهاقنة النص الشعري الغنائي سيفتقده الفن كثيرا ولكن ابداعاته ستذكرنا دوما بقدراته المميز وسدانيته الاصيلة رحمه الله رحمة واسعة تشرفت بأن لي عملين معه نار هواي
حبايبنا
اول أغنية يستخدم فيها الراب في التسعينات شريطي "حبايبنا"
Post: #22 Title: Re: ابو قطاطي...كان واحدا من اجمل السودانيين. Author: سيف النصر محي الدين Date: 04-22-2016, 03:57 PM Parent: #21
يا سلام عليك استاذنا الكبير الموصلي. (السنين المرت من حياتي سراع ضقت فيها الوحشة.) لعل هذا البيت يعبر بشكل او باخر عن احساس الراحل في اواخر ايامه. هل يا استاذ القصيدة تؤثر في طريقة تلحينها؟ في حبايبنا لاحظت أن الكلمات نفسها ذات ايقاع راقص.
Post: #23 Title: Re: ابو قطاطي...كان واحدا من اجمل السودانيين. Author: Emad Ahmed Date: 04-22-2016, 04:31 PM Parent: #22
Post: #25 Title: Re: ابو قطاطي...كان واحدا من اجمل السودانيين. Author: Emad Ahmed Date: 04-22-2016, 04:51 PM Parent: #23
العزيز د سيف نعم للقصيدة ومعانيها ما خفي منها وما ظهر فيها دور كبير في نوعية ولونية اللحن
ففي حباينا الدعابة والمكاواة
لو طرحنا سؤال أو شكينا الحال بي صفا نية نلقى ريدنا الطال في ثواني قلال قصة منسية لوطلبنا وصال قلتو لا لا محال ترفضو الجيه شبعونا دلال دمعنا السيال في الخدود كية
لك الود وحسن العزاء
Post: #28 Title: Re: ابو قطاطي...كان واحدا من اجمل السودانيين. Author: حمد إبراهيم محمد Date: 04-22-2016, 11:10 PM Parent: #27
صورة له بين محبيه في مستشف السلاح الطبي بامدرمان ...
Post: #29 Title: Re: ابو قطاطي...كان واحدا من اجمل السودانيين. Author: اسامة الامام Date: 04-23-2016, 06:04 AM Parent: #28
الأخ حمد لك ولضيوف البوست الكرام التحايا والتجلة وللدكتور سيف مثلهما وللقامة الشامخة المبدع ابوقطاطي الف رحمة ونور ولجميع مبدعي بلادي التحية والإجلال
الصورة التي أوردتها. لا يمكن ان تكون بالسلاح الطبي واضح انها في بيت،، او نحوه ،،،انظر لخلفية الصورة،،الحائط. والعشر
Post: #30 Title: Re: ابو قطاطي...كان واحدا من اجمل السودانيين. Author: حمد إبراهيم محمد Date: 04-23-2016, 10:12 AM Parent: #29
Quote:
الأخ حمد لك ولضيوف البوست الكرام التحايا والتجلة وللدكتور سيف مثلهما وللقامة الشامخة المبدع ابوقطاطي الف رحمة ونور ولجميع مبدعي بلادي التحية والإجلال
الصورة التي أوردتها. لا يمكن ان تكون بالسلاح الطبي واضح انها في بيت،، او نحوه ،،،انظر لخلفية الصورة،،الحائط. والعشر
صاحب البوست و الاخ اسامة والمتداخلين ، صحيح ان الصورة وردت مع خبر الوفاة
بمستشفى السلاح الطبي ...
(الخبر) توفى صباح الخميس بمستشفى السلاح الطبي بالعاصمة السودانية الخرطوم الشاعر السوداني المتفرد الأستاذ / محمد علي أبوقطاطي
بعد صراع مع المرض وسيوارى جثمانه الثرى قرب مسكنه بضاحية كرري ( العجيجة ) شرقي سلاح المدرعات امدرمان .
بحسب محرر ( موقع سوداناس الاخباري ) .
تحياتي
Post: #31 Title: Re: ابو قطاطي...كان واحدا من اجمل السودانيين. Author: ياسر السر Date: 04-24-2016, 09:50 AM Parent: #30
لا حولة ولا قوة الا بالله العلي العظيم ، اللهم ارحم استاذنا محمد علي ابو قطاطي واغفر له واجعل الجنة مثواه .. لا شك يا دكتور سيف ان شاعرنا ابو قطاطي من اميز شعراء بلادي ويكفيه رصيده الزاخر بالاغاني الجميلة التي شكلت وجدان عدد كبير من ابناء الشعب السوداني بكافة مستوياته وميوله وانتساباته ,, فمن منا لم يسمع بالاماني العزبة ,,و انت يا قلبي المتيم كنت خالي ،،،، و في بنات الجيل بشوف حسنك فريد ,,,, و مسكين البدا يامل واملو يقلبو تحقيقو ,,,, و اسال نفسك بينك وبينا عن اخلاصنا ,,,,,, و غيره وغيره من درر الغناء السوداني ... وسبحان الله اخي دكتور سيف كان من المأمل ان اتغنى باغنية يتيمه لهذا الشاعر الفذ ولكن لم يتم ذلك وقد حدث ذلك في نهاية التسعينات عندما كنت اجلس مع عمي المرحوم الموسيقار احمد المبارك رحمه الله في منزله في امبده بامدرمان وقد كان لديه دفتر مسجل عليه عدد من الاغنيات والقصايد الجديده وكانت من صمنها قصيده لشاعرنا ابو قاطاطي قام هو بتلحينها فقام هو باهدائي هذه القصيده وقد سالته هل شاعرها موافق على ان تمنحها لي فقال لي لقد استشرته قبل اعطيك اياها وقد وافق من اجل دعم الشباب والواعدين امثالك (وقد حاولت ان احفظها واغنيها ولكن بعد فترة استمعت اليها في الاذاعة بصوت زميل اخر فاسرت الصمت ) على الرغم من انني لم التقيه ولم اتشرف بمعرفته ولكن ما ذكره لي عمنا الاستاذ احمد المبارك عنه جعلني اتمنى ان ازوره واجلس اليه ولكن لانشغالي بعد ذلك بالسفر خارج السودان لم اتمكن من زيارته على الرغم من انني في كل اجازة انوي ان ازوره ولكن لم اتوفق في ذلك حتى اتاني خبر نعيه من الاخ الزميل ياسر تمتام فترحمنا عليه وحزنا حزن عميق على فقد هذا الرجل الانسان والشاعر الكبير ,, نسال الله ان يتقبله قبول حسن وان يلهم اسرته واهله واصدقاءه وجيرانه ومعارفه وزملاءه ومحبيه الصبر والسلوان ... انا لله وانا اليه راجعون ...
ياسر العيلفون ......
Post: #32 Title: Re: ابو قطاطي...كان واحدا من اجمل السودانيين. Author: Emad Ahmed Date: 04-24-2016, 10:00 PM Parent: #31
باب الغرام من كلمات محمد علي ابو قطاطي
Post: #33 Title: Re: ابو قطاطي...كان واحدا من اجمل السودانيين. Author: يحي قباني Date: 04-25-2016, 05:48 AM Parent: #32
Post: #34 Title: Re: ابو قطاطي...كان واحدا من اجمل السودانيين. Author: يحي قباني Date: 04-25-2016, 05:57 AM Parent: #33
سوات العاصفة يا سيف ( لو انا ما غلطان ) بعض العازفين قالوا لي وردي دي اصلو ما بتتلحن ...
Post: #35 Title: Re: ابو قطاطي...كان واحدا من اجمل السودانيين. Author: أمان سيد Date: 04-25-2016, 07:12 AM Parent: #34
رحم الله الشاعر ابو قطاطي رحمة واسعة صاحب الكلمة الانيقة البسيطة
ياما قالو نية الزول دليل أعمالو والعايز يفوز بحبيبو.. مرات ما بتتم آمالو والبتفاءل يلقى الريد.. مالو الريد بعاكس حالو ؟
Post: #36 Title: Re: ابو قطاطي...كان واحدا من اجمل السودانيين. Author: مني عمسيب Date: 04-25-2016, 11:42 AM Parent: #35
التحية لك يا دكتور .. ولحضور الطاقم الفني المبدع ..
ورحم الله شاعرنا المتميز ابوقطاطي واسكنه فسيح جناته ..
وفي انتظار الأخ شعلة الفن عماد احمد للمزيد من المعلومات لهذا الفقد العظيم ..
ولكم الشكر جميعآ ..
Post: #37 Title: Re: ابو قطاطي...كان واحدا من اجمل السودانيين. Author: سيف النصر محي الدين Date: 04-21-2017, 03:38 PM Parent: #36
شكرا لجميع الاخوة الذين مروا و شكرا للعزيزة منى عمسيب.
Post: #38 Title: Re: ابو قطاطي...كان واحدا من اجمل السودانيين. Author: عمار قسم الله Date: 04-22-2017, 07:38 AM Parent: #37
أخ سيف -- وضيوفك الكرام .. الشاعر أبوقطاطي - عاش حياة بسيطة -- وكنا في الصغر نزور داره العامرة في الثورة الحارة الثامنة - وله بيت آخر في حي القماير .... وبرغم قسماته التي توحي بالصرامة - اٍلا أنه كان بشوشا - وصاحب اٍبتسامة عذبة ومحب لأبناءه وضيوفه .... آخر أيامه رحل الي شمال أمدرمان (السروراب) .... له الرحمة والمغفرة .... ** ولكن --- يبقي العيب فينا ... أننا كثيرا ماننسي أو نتناسي المبدعين في حياتنا -- ونأسف عليهم بعد الفراق .... (( رحم الله شاعر المرسال )) - ولك الشكر يا سيف أن ذكّرتنا بأحد عظام المبدعين ..
Post: #39 Title: Re: ابو قطاطي...كان واحدا من اجمل السودانيين. Author: عمار قسم الله Date: 04-22-2017, 07:42 AM Parent: #38
Post: #40 Title: Re: ابو قطاطي...كان واحدا من اجمل السودانيين. Author: عمار قسم الله Date: 04-22-2017, 07:45 AM Parent: #39
Post: #41 Title: Re: ابو قطاطي...كان واحدا من اجمل السودانيين. Author: طارق عبد اللطيف نقد Date: 04-22-2017, 08:24 AM Parent: #38
سلام الزميل العزيز د/ سيف النصر محي الدين حقيقي ابو قطاطي شاعر مرهف و ذو احساس عالي و كلماته البسيطه تدخل القلب بدون استاذان لذلك كانت تعجب فنان افريقيا وردي بس ما عارف ليه يا سيف اغنية الناس القيافه ارتبطت في ذهني بانها من الاغاني الهابطه ما عارف يمكن من اللحن و الايقاع الساخب تحياتي
رحم الله المبدع أبو قطاطي زول العجيجة و جبل كرري..كان متزوجا أيضا من خالتنا الفنانة الراحلة طيبة الهاشمي صاحبة الأغنية الرائعة (بمقدوري راضية) و التي تغنت بها الفنانة فهيمة مؤخرا..و أنجب منها :ناجي أبو قطاطي -و الذي ما زال يعيش وسط أخواله في الكلاكلة. شكرا د. سيف لنقلنا لهذه الأجواء الجميلة من الطرب الرصين.
Post: #43 Title: Re: ابو قطاطي...كان واحدا من اجمل السودانيين. Author: ياسر السر Date: 04-24-2017, 08:53 AM Parent: #42
احسب ان اول امس وافق الذكرى السنوية لرحيل شاعرنا الجميل ابو قطاطي نسال الله ان يتقبله قبول حسن وان يجعل جنة مثواه .... شكراً اخي . د . سيف والرحمة والمغفرة لابو قطاطي ...
تحياتي : ياسر العيلفون .....
Post: #44 Title: Re: ابو قطاطي...كان واحدا من اجمل السودانيين. Author: Moawia Mohammed Date: 04-24-2017, 10:34 AM Parent: #43
ما تنسوا الفينا مشهودة ( عبد العزيز محمد داؤود) أكون فرحان ( زيدان إبراهيم)
