Post: #2 Title: Re: الدولار دا وقعت فيهو عين سودة ... Author: محمد المسلمي Date: 04-18-2016, 09:09 AM Parent: #1
المجاهد ودالباوقة سلام وحمدلله علي السلامة
الحاصل شنو ادينا النجيضة
Post: #4 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:11 AM Parent: #2
Quote: المجاهد ودالباوقة سلام وحمدلله علي السلامة
الحاصل شنو ادينا النجيضة
شيخي المسلمي
الدولار اليومين ديل شايفو جايب ليهو زيادة
وشكرا
Post: #3 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:09 AM Parent: #1
بالله يا شباب دايرين نقاش اقتصادي موضوعي
لكل نعيد الجنيه السوداني لسيرته الاولى
وشكرا
Post: #7 Title: Re: الدولار دا وقعت فيهو عين سودة ... Author: زهير عثمان حمد Date: 04-18-2016, 09:13 AM Parent: #3
ياسيرتها الاولي ٍأسمعونا مرة (الدهب اللي بيتهرب من السودان غطو بيهو العملة بدل النهب وأنهيار الاقتصاد والبلد تروح )
Post: #24 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:51 AM Parent: #7
Quote: ياسيرتها الاولي ٍأسمعونا مرة (الدهب اللي بيتهرب من السودان غطو بيهو العملة بدل النهب وأنهيار الاقتصاد والبلد تروح )
شكرا اخونا زهير
العوج راي والعديل راي
Post: #5 Title: Re: الدولار دا وقعت فيهو عين سودة ... Author: ادريس خليفة علم الهدي Date: 04-18-2016, 09:11 AM Parent: #1
بل هي نتاج سياسات اقتصادية فاشلة ..
ودالباوقة .. اختشي
Post: #6 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:12 AM Parent: #5
ادريس
طيب دعونا نساهم جميعا في الاسباب
والعلاج
وشكرا
Post: #8 Title: Re: الدولار دا وقعت فيهو عين سودة ... Author: Mahamed Eltaze Date: 04-18-2016, 09:13 AM Parent: #1
السلام عليكم صديقي ودالباوقة كيفنك تمام بالمناسبة لحدي امبارح وصل الدولار 14 وكم درداقة وبي مناسبة الدولار ووصولو لي 14 دي انت مش سيدك الرئيس - أو واحد من ناسو - قال لولا ثورة الإنقاذ كان وصل الدولار لي 20 جنيه هنا سؤال بسيط هو قصدو 20 جنيه دي بالجديد وله بالقديم وله خيارات اخري اها بالمناسبة نديك شمارات بايته قديمه يعني المأذوزن - قصدي الرئيس - الجمعه الفاتت ماصلي في مجمع النور قال ماشي يفتح ليهو جامع في وين كدا ماعارف 4 طوابق وحاجه فاهمه دحين سؤالي ليك حيخلي العقودات في جامع النور وخصوصا انو الجامع في الخرطوم قريب لي القيادة وكده اها معلومة بي طرف كدا قالو عشان يعوض عقد ليهو عقدين واحد يوم الجمعه بالليل و التاني في صباح السبت و القول علي عهدت الراوي زي ما انت عارف يا أخوي لمن اجي السفارة ما معانه شلاليت
Post: #9 Title: Re: الدولار دا وقعت فيهو عين سودة ... Author: عبدالكريم الامين احمد Date: 04-18-2016, 09:15 AM Parent: #8
Post: #10 Title: Re: الدولار دا وقعت فيهو عين سودة ... Author: عبدالكريم الامين احمد Date: 04-18-2016, 09:19 AM Parent: #9
الكلام اعلي منقول
Post: #11 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:21 AM Parent: #9
الاخوة الاعزاء
دعونا ندلف الى المعالجات
ولا داعي للتسويف
Post: #12 Title: Re: الدولار دا وقعت فيهو عين سودة ... Author: ismeil abbas Date: 04-18-2016, 09:22 AM Parent: #8
ودالباوقة السلام عليكم...
قبل النقاش الجاد حول إقتصاد السودان لازم تكون معنا فى أرضية مشتركة للحوار..ان هناك فساد ....وسوء إدارة وبشر....
وأعتذر للذين خسروا بسببك فى تمويهك لهم بأن الجنية سيكون قوياً....
العين وقعت فى الجنيه وفى الوطن بأكمله.....اللهم أصلح حال البلاد.والعباد
Post: #13 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:27 AM Parent: #12
ادلفوا للمعالجات
بالذات اهل الاقتصاد
ايدكم معانا بالله شوية .....
Post: #14 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:29 AM Parent: #13
يا لطيف الطف بعبادك
Post: #16 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:32 AM Parent: #14
في ( مصر ) قالو برضو مرتفع شديد
اللهم اللطف يا لطيف
Post: #15 Title: Re: الدولار دا وقعت فيهو عين سودة ... Author: الهادي ابوبكر Date: 04-18-2016, 09:31 AM Parent: #13
لو قلت الروب ،، ممكن نفكر في الموضوع.
Post: #17 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:35 AM Parent: #15
Quote: لو قلت الروب ،، ممكن نفكر في الموضوع.
الروب يا كبير
وشكرا
Post: #19 Title: Re: الدولار دا وقعت فيهو عين سودة ... Author: عبدالكريم الامين احمد Date: 04-18-2016, 09:38 AM Parent: #15
اها بقيت علي النجدة النجدة امال ووين هيييع وكع ونجضت وهكذا خرابيط
Post: #20 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:43 AM Parent: #19
Quote: اها بقيت علي النجدة النجدة امال ووين هيييع وكع ونجضت وهكذا خرابيط
يا سعادة المستشار الموضوع ليس شخصي
موضوع عام واقتصاد دولة وجميعنا ابنائه
وما يضره يضرنا جميعا
وشكرا
Post: #26 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:53 AM Parent: #12
Quote: اللهم أصلح حال البلاد.والعباد
اللهم امين اخي اسماعيل عباس
دعواتك بس
Post: #18 Title: Re: الدولار دا وقعت فيهو عين سودة ... Author: Mahamed Eltaze Date: 04-18-2016, 09:35 AM Parent: #1
السلام عليكم ود الباوقة وضيوفه الكرام
Quote: ان هناك فساد ....وسوء إدارة وبشر....
انت اخ اسماعيل نسيت واحدة لي ديل هي الفساد السياسي ودالباوقة الحل في الموضوع دا كلو مابرضيك و الله جد التغمة القاعدة في الحكم دي بقي ماعندها اي حلول سياسية أو إقتصادية أو حتي فكرية الحرب واستنزافها لي ماتبقي من مواردك المتهالكة أو المعدومة لي كل الأطراف الحل يمكن يكون في سياسة اقتصادية جديه وخارج إيطار الصندوق لخلق موارد جادة في فرق يادو الباوقة من اني امتلك معلومة ومن اني استخدم معلومة ومن اني اخلي المعلومة تفيدني في اسلوب حياتي الحل يستحيل يكون في حكومة الإنقاذ براها وفي يد سيدك الرئيس عشان كدا يادو الباوقة اسمح لي لمن اجي السفارة ماتشلت ساكت
Post: #21 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:45 AM Parent: #18
Quote: لمن اجي السفارة ماتشلت ساكت
يا جماعة الزويل دا اتلحني تتليحة كعبة خلاص
هل لديك رؤية اقتصادية واضحة لاستعادة الجنيه السوداني لسيرته الاولى
ام انك مفنجط فقط لاغير
وشكرا
Post: #22 Title: Re: الدولار دا وقعت فيهو عين سودة ... Author: أحمد الشايقي Date: 04-18-2016, 09:46 AM Parent: #18
الاخ الكريم عمر
أتداخل معك .. هذه المرة .. ناصحاً ومخلصاً
مشكلة التوازن المالي في بلادنا يمكن أن يحلها محاسب حديث التخرج والحقيقة هي أن الايرادات تعجز عن الوفاء بالمصروفات
نأتي للمصروفات :
أول مشاكلها هي الحرب الدائرة باستمرار وما تستهلكه من موارد بصورة يومية بالاضافة للتنمية المعطلة في مناطق المواجهات (الحل سياسي بينما تقول الحكومة سنويا أنها ستحسم الامور عسكرياً)
الهياكل المترهلة من ولايات ومحليات وحكوماتها (الحل هو اعادة الهيكلة والاستغناء عن 60% من هذه الهياكل في الولايات والمحليات لأنها زائدة على حاجة البلاد وتمثل مصروفات اعاشة لسياسيي الحزب الحاكم (الحل قرار شجاع بتسريح الولاة والمعتمدين والعودة لعدد محدود من الولايات والمحليات)
ثم الحرية والديمقراطية وسيادة حكم القانون ..... هذا ان اردتم النصيحـة
أحمد الشايقي
Post: #23 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 09:49 AM Parent: #22
Quote: الاخ الكريم عمر
أتداخل معك .. هذه المرة .. ناصحاً ومخلصاً
مشكلة التوازن المالي في بلادنا يمكن أن يحلها محاسب حديث التخرج والحقيقة هي أن الايرادات تعجز عن الوفاء بالمصروفات
نأتي للمصروفات :
أول مشاكلها هي الحرب الدائرة باستمرار وما تستهلكه من موارد بصورة يومية بالاضافة للتنمية المعطلة في مناطق المواجهات (الحل سياسي بينما تقول الحكومة سنويا أنها ستحسم الامور عسكرياً)
الهياكل المترهلة من ولايات ومحليات وحكوماتها (الحل هو اعادة الهيكلة والاستغناء عن 60% من هذه الهياكل في الولايات والمحليات لأنها زائدة على حاجة البلاد وتمثل مصروفات اعاشة لسياسيي الحزب الحاكم (الحل قرار شجاع بتسريح الولاة والمعتمدين والعودة لعدد محدود من الولايات والمحليات)
ثم الحرية والديمقراطية وسيادة حكم القانون ..... هذا ان اردتم النصيحـة
شكرا اخي المستشار احمد الشايقي على الطرح العقلاني والمخلص
بارك الله فيك
Post: #25 Title: Re: الدولار دا وقعت فيهو عين سودة ... Author: muntasir Date: 04-18-2016, 09:53 AM Parent: #22
العين السوداء عارفها زي جوع بطنك الغتست حجر اليابان الحل زي البرلمان بخروه ( من التبخير بمبخر به بخور )
Post: #27 Title: Re: الدولار دا وقعت فيهو عين سودة ... Author: نادر النور آدم Date: 04-18-2016, 09:55 AM Parent: #22
Quote: دعونا ندلف الى المعالجات
ادلفو يا اخواننا دلفة رجل واحد
Post: #28 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 10:07 AM Parent: #27
ارتفاع غير مبرر اطلاقا
Post: #29 Title: Re: الدولار دا وقعت فيهو عين سودة ... Author: Mahamed Eltaze Date: 04-18-2016, 10:07 AM Parent: #1
السلام عليكم ود الباوقة تحيه ليك ماشين كويس قربنا انك تقول لي لمن تجي السفارة بشلتك يحكي ان في زمن اغبر و المقوله علي عهدت الراوي - انا الراوي - جاني واحد في البيت وخبط الباب ورزع وعرف نفسو منو كدا ما عارف تابع لي مشروع تنمية الشباب ورصه طويلة كدا تابع لي رئاسة الجمهورية دخلتو البيت وقعد داير ليهو رقشه يستوردوها ليهو من الصين عشان يعمله لي مشاريع تنمية الشباب واخوك لقي فرصة بخلها والف لا لا قولته لي اها الخريج الجبته ليهو رقشة من الصين دا حيفيد ليك الناتج القومي بي شنو هنا الوليد و المعاهو فتح خشمو قال لي مامهم المهم عندي انو يشتغل في الرقشة دي ويسدد لي قروشها وقاموا قالو لي احنا زمنا جا ماشين وبنرجع ليك عشان نكمل كلامك الشيق دا وحاتك لي اسي لاجوني تاني ولاشوفتهم في الحلم حتي ود الباوقة انت السودان دا دولة بتروليه زراعيه صناعيه رعويه هو اقتصادو دا موردو الأساسي منو شنو؟!!!! انديك حكوه تاني برضو في الزمن الغابر الماضي و المقوله علي حكوة الراوي - اللهو انا - زمان في سنة 2014 جيت وكانت روسيا وقفت استيراد الخضار من اروبا والعالم دا كلو شغال شغل جد جيت وفرحان لبسته بنطولني وقميصي وشكيت ليك والريحه ماتديك الدرب ومشيت لي سيادته المبجل - دا من غير ذكر اسامي و الله ما سيدك - المهم مشيت وشايل ملفي انو معاي فكرة حقو الحكومة تساعدني في تطبيقها انو نشيل لينا 20 مهندس زراعي ومعاهم كم دكتور زراعي ونطلع نزرع في الحته الغرب دنقلا هناك دييييك شوفتها في الخلا وانو السوق الروسي فاتح وكاشف شدييييد وماعندهم مشكله يقبلو اي فرصة ودي سوق كان دخل السودان كراع تاني يمرقها المرق الفكي من الترب وانو نعمل تصنيع زراعي في دنقلا وله محل مايدونا الأرض وسعادتو طبعا قعدني وشربني القهوه و الشاي و الخ وقال لي اسي من دربي دا انا بضرب لي الملحق التجاري في سفارتنا في روسيا اها عشان يشوف الترتيبات وكان الروس ممكن يساعدو في المشروع واخوك وقف وسلم علي سعادتو وقربته اشيل معاهو صوره سلفي لي الفيس وكدا واحتك ياود الباوقة لي اسي سعادتو مالاقيتو تاني مره مسافر ومره في اجتماع ومره عندو بكي ومره وفي النهايه البت السكرتيره حنت علي قالت لي الاخو عليك الله كان ماعندك شغله ماتتلحني الراجل دا قال اكان جيت تاني ماتدخل ليهو قول اتنين و اللسته طويييله طوييييله مليان حكاوي وبنحكيها عرفته لي التغمة السياسية مابتنفع ياد الباوقة عمرك كان بعته وله جبته عشان يزرعو ليك ماعملته حل الحل انك تعرف داير تعمل شنو ومواردك شنو وتستغلها كيف زماااان قولنا ليهم يا جماعه قروش البترول دي 5 سنوات و الجنوب فايت دحين يا اخونا شوفو ليكم تنمية زراعية وله رعويه وله صناعيه قالو لينا انتو مابتفهمو الحبه ماعندكم شايلن ليكم رويسات فاااااضيه ولافنبها ساكت دحين ياخوي الحل التغمة السياسية دي تنحل وتجي تغمه جديده وعليك الله لمن اجي السفارة ماتشلت ساكت و السلام
Post: #30 Title: Re: الدولار دا وقعت فيهو عين سودة ... Author: ود الباوقة Date: 04-18-2016, 10:21 AM Parent: #29
دقائق وسادخل الى قيلولتي الراتبة
ارجو شاكرا الجدية في وضع الحلول
وشكرا
Post: #31 Title: Re: الدولار دا وقعت فيهو عين سودة ... Author: درديري كباشي Date: 04-18-2016, 10:30 AM Parent: #30
الرئيس البرازيلي السابق من 2002 الى 2010
سألوه كيف أستطاع أن ينقذ الاقتصاد البرازيلي من القاع ليصبح العاشر على مستوى العالم
قال ببساطة حاربت الفساد والفقر
شعب جائع لا ينتج شيئا
وحكومة فاسدة ستضيع الانتاج القليل
معادلة بسيطة وسهلة
Post: #32 Title: Re: الدولار دا وقعت فيهو عين سودة ... Author: MOHAMMED ELSHEIKH Date: 04-18-2016, 10:33 AM Parent: #30
Post: #34 Title: Re: الدولار دا وقعت فيهو عين سودة ... Author: أبوبكر عباس Date: 04-18-2016, 10:41 AM Parent: #32
الحل تكامل إقتصادي سياسي مع أثيوبيا للإستفادة من السد العظيم
Post: #33 Title: Re: الدولار دا وقعت فيهو عين سودة ... Author: talha alsayed Date: 04-18-2016, 10:39 AM Parent: #30
باوقه ياحبيب
الدولار لم تقع فيه عين سوداء
بل هو الذى وقع فى ايدى الراسماليه الطفوليه المتاسلمه
فاحالته لسلعه تباع وتشترى لبلوغ الثراء
لبحث مشكلة الدولار علينا جميعآ - بما فينا انت - الاعتراف بقشل السياسات الاقتصاديه وكل ما يؤثر ف الاقتصاد كالحروب والفساد .... الخ للنظام الحاكم
والذى انت من المدافعين عنه
Post: #35 Title: Re: الدولار دا وقعت فيهو عين سودة ... Author: احمد الشيخ Date: 04-18-2016, 10:50 AM Parent: #33
تقول عين سودا وداير حلول موضوعية؟ كلموا شيخ اللمين في هولندا ينزل اسم العين السودا هي الحسابات السرية في ماليزيا العارفها زي جوع بطنك ههههه
Post: #36 Title: Re: الدولار دا وقعت فيهو عين سودة ... Author: محمد عبد الله الامين Date: 04-18-2016, 10:53 AM Parent: #33
Quote: ارتفاع غير مبرر اطلاقا
طالما لا يوجد انتاج وصادر فالارتفاع سوف يكون مستمر عداء بعض المعالجات والمهدئات المؤقتة من قروض ومساعدات الخارجية ....السودان اصبح دوله مستهلكة وليس لها موارد اين الزراعة والصناعه والثروة الحيوانية وغيرها من الموارد الممكن تجيب عملة صعبة وتوقف الاتقتصاد الوطني من جديد .... للاسف كلها غير مفعلة بسبب سياسات الانقاذ الفاشلة والرعناء
وصل ال15 يا باوقة وله لسى ؟
Post: #37 Title: Re: الدولار دا وقعت فيهو عين سودة ... Author: محمد أبوالعزائم أبوالريش Date: 04-18-2016, 11:08 AM Parent: #36
Post: #38 Title: Re: الدولار دا وقعت فيهو عين سودة ... Author: Shaker Hamid Date: 04-18-2016, 12:08 PM Parent: #37
ود الباوقة سلامات ... انت زول طيب مشكلتك بتسمع كلام ناس ما طيبين وفتحت بوست النداء الاخير ياريت بعد ده تتعظ وتصدق انو فى ناس بملوك كلام وانت بتكتب وبضيع معاك ناس مساكين
Post: #39 Title: Re: الدولار دا وقعت فيهو عين سودة ... Author: محمد الامين محمد Date: 04-18-2016, 01:04 PM Parent: #38
يا الناس البتكتبو باسم ود الباوقة مييييية مرة قلنا ليكم احترموا جهلكم شوية ونسقوا مع بعضكم شوية مامكن واحد يفتح بوست النداء الاخير ويجي واحد اكثر جهلا يفتح البوست دة
Post: #40 Title: Re: الدولار دا وقعت فيهو عين سودة ... Author: حامد بدري Date: 04-18-2016, 01:10 PM Parent: #39
مسا الخير باوقييشن القصة ميزان اداءات وتجارة خارجية يعني اتا قاعد تستورد حتى الجلابية على الله من الهند والصين ودايرو مايقع المهم فرفر سمح وحقو تخت كلام عمنا سماعين التحت ده حلق في عضنينك
Quote: وأعتذر للذين خسروا بسببك فى تمويهك لهم بأن الجنية سيكون قوياً....
العين وقعت فى الجنيه وفى الوطن بأكمله.....اللهم أصلح حال البلاد.والعباد
لانو ستسال منو يوم لاينفع مال ولا بنون ايو زول عمل بي شورتك وباااع ريالاتو دولاراتو يوروهاتو او حتى واطاتو وختاهن جنيهات مسؤوول منو
Post: #41 Title: Re: الدولار دا وقعت فيهو عين سودة ... Author: احمد حمودى Date: 04-18-2016, 01:46 PM Parent: #38
عاوزين الانجليز يستعمرونا تانى ما فى حل للاقتصاد يصحلح الا روجوع الانجليز ؟؟؟؟
Post: #42 Title: Re: الدولار دا وقعت فيهو عين سودة ... Author: محمد الامين محمد Date: 04-18-2016, 03:07 PM Parent: #41
Quote: المجاهد ودالباوقة سلام وحمدلله علي السلامة
الحاصل شنو ادينا النجيضة
شكارتها دلكتها
Post: #43 Title: Re: الدولار دا وقعت فيهو عين سودة ... Author: محمد على طه الملك Date: 04-18-2016, 03:14 PM Parent: #41
تكون عين بن سودا.
Post: #44 Title: Re: الدولار دا وقعت فيهو عين سودة ... Author: Mohamed Suleiman Date: 04-18-2016, 04:18 PM Parent: #43
ود الباوقة ... إنت لسّة ما شفت حاجة ... الغريق قدام
جيت تفتش هسّه للنصيحة من أجل الدولار؟
طيب
خد النصيحة دي من تاجر عملة .....
Quote:
#1446558 [تاجر عملة] 0.00/5 (0 صوت)
04-18-2016 01:48 PM قبل قليل الساعة الواحدة والنصف بتوقيت السودان إشتريت مبلغ 5000 دولار بقيمة 14 جنيه بالرغم من أن السعر السائد اليوم يتمحور حول 13 جنيه و85 قرش وأنا كتاجر عملة لا أبيع الدولار هذه الأيام بل أشترى فقط مع توقعات أن يرتفع السعر تدريجيا إلى ما بين 16 إلى 17 جنيه قبل شهر رمضان.
Post: #45 Title: Re: الدولار دا وقعت فيهو عين سودة ... Author: محمد أبوالعزائم أبوالريش Date: 04-18-2016, 08:13 PM Parent: #44
Quote: طيب دعونا نساهم جميعا في الاسباب
والعلاج
خلاص يا ود الباوقة .... خليك قدوة لينا ... حول ((كل)) مدخراتك وأودعها في بنك وطني وجيب لينا قسيمة الإيداع هنا ...... أنا أول واحد حأكون وراك.
Post: #46 Title: Re: الدولار دا وقعت فيهو عين سودة ... Author: Nasr Date: 04-18-2016, 08:56 PM Parent: #45
Quote: ادلفوا للمعالجات
بالذات اهل الاقتصاد
يعني بالواضح وفاضح سحبت كلامك الزمان ....؟؟؟؟؟ وكت درت النصيحة : أوقفوا صرف جهاز الدولة الفايت الحدود بغادي وبكتير أكثر من 5 الف دستوري بمرتبة وزير يصرفون مرتبات من الدولة وكل واحد كم عربية ببنزيها وسواقها غير الصرف علي الإحتفالات والرحلات حقيقية ووهمية وتغيير أثاثات المكتب كل كم شهر وزيارات زوجات المسؤليين لدبي للتسوق
أوقفوا الجبايات الفايتة الحدود علي المنتجين من مزارعين ورعاة ومعدنين وصيادين كل ما تزيد الجبايات كم منتج بيقنع من خيرا فيها ويا هاحر يا أتلم علي شلة الطفيليين
أوقفوا الجبايات علي المغتربين كلما ما كترت الجبايات كل من بطلوا يجو إجازات للسودان وكلكم عارفين كم يدعم المغتربين الإقتصاد السوداني
أدعموا الزراعة والمزارعين عالجوهم عشان يشتغلوا أكثر علموهم وأولادهم أدعموهم بالبحث العلمي والتسويق السليم
أدعموا الصناعات المحلية بتوفير العملة الصعبة لإستيراد قطع الغيار ومدخلات الإنتاج وبتوفير الطاقة بأسعار معقولة
أوقفوا الحروب ما في دولة في العالم بتتحمل حرب كل هذه الاعوام ولاحظ ليست حربا مع غزاة ولا مستعمرين ولا دول تانية حرب مع مواطنيها وسكان البلاد الطلقة البتنطلق يا كتلت زول يا قروش راحت في الهواء
الدبابة ما بتحرت الأرض لزراعتها الدبابة بتحرق الأرض وما عليها لو أنفقتم ربع ما تنفقون في الحرب علي هؤلاء السكان لما ثار عليكم أحد
لو عملتو بس دا بكون في إقتصاد متحرك ونامي وبالتالي بتقوي العملة المحلية
ولكن ولأنكم أكبر المستفيدين من إنهيار العملة ما حتعملوا أيا من الحاجات دث
لذلك نقول لشعب السودان الزول الخرب ما بصلح أسقطوا الديكتاتورية وأعوانها الفاسدين المخربين لكي ينصلح حال السودان
Post: #47 Title: Re: الدولار دا وقعت فيهو عين سودة ... Author: elsawi Date: 04-18-2016, 09:31 PM Parent: #46
Quote: يعني بالواضح وفاضح سحبت كلامك الزمان ....؟؟؟؟؟ وكت درت النصيحة : أوقفوا صرف جهاز الدولة الفايت الحدود بغادي وبكتير أكثر من 5 الف دستوري بمرتبة وزير يصرفون مرتبات من الدولة وكل واحد كم عربية ببنزيها وسواقها غير الصرف علي الإحتفالات والرحلات حقيقية ووهمية وتغيير أثاثات المكتب كل كم شهر وزيارات زوجات المسؤليين لدبي للتسوق
أوقفوا الجبايات الفايتة الحدود علي المنتجين من مزارعين ورعاة ومعدنين وصيادين كل ما تزيد الجبايات كم منتج بيقنع من خيرا فيها ويا هاحر يا أتلم علي شلة الطفيليين
أوقفوا الجبايات علي المغتربين كلما ما كترت الجبايات كل من بطلوا يجو إجازات للسودان وكلكم عارفين كم يدعم المغتربين الإقتصاد السوداني
أدعموا الزراعة والمزارعين عالجوهم عشان يشتغلوا أكثر علموهم وأولادهم أدعموهم بالبحث العلمي والتسويق السليم
أدعموا الصناعات المحلية بتوفير العملة الصعبة لإستيراد قطع الغيار ومدخلات الإنتاج وبتوفير الطاقة بأسعار معقولة
أوقفوا الحروب ما في دولة في العالم بتتحمل حرب كل هذه الاعوام ولاحظ ليست حربا مع غزاة ولا مستعمرين ولا دول تانية حرب مع مواطنيها وسكان البلاد الطلقة البتنطلق يا كتلت زول يا قروش راحت في الهواء
الدبابة ما بتحرت الأرض لزراعتها الدبابة بتحرق الأرض وما عليها لو أنفقتم ربع ما تنفقون في الحرب علي هؤلاء السكان لما ثار عليكم أحد
لو عملتو بس دا بكون في إقتصاد متحرك ونامي وبالتالي بتقوي العملة المحلية
ولكن ولأنكم أكبر المستفيدين من إنهيار العملة ما حتعملوا أيا من الحاجات دث
لذلك نقول لشعب السودان الزول الخرب ما بصلح أسقطوا الديكتاتورية وأعوانها الفاسدين المخربين لكي ينصلح حال السودان
شكراً يا نصر كفيت ووفيت قبل كل ماذكر اعلاه يجب ان نبدأ بمحاربة الفساد لأنه الفوق ده كلو لو اتعمل في وجود الفساد و المفسدين كل البجي ياهو الاحق امات طه و بما ان الفساد اصبح صفة ملازمة للإنقاذ و نظامها و اجهزتها فالأفضل البدء بتغيير النظام يعني سطرك الأخير ده يا نصر
Quote: أسقطوا الديكتاتورية وأعوانها الفاسدين المخربين لكي ينصلح حال السودان
مفروض يكون اول سطر
Post: #48 Title: Re: الدولار دا وقعت فيهو عين سودة ... Author: elsawi Date: 04-18-2016, 09:40 PM Parent: #47
من 12 الى 12000 يعني دق الدلجة الف مرة بالله يا جماعة مش مفروض ناس الحكومة ديل كل واحد فيهم ياخد ليهو الف جلدة؟
Post: #49 Title: Re: الدولار دا وقعت فيهو عين سودة ... Author: الصادق يحيى عبدالله Date: 04-18-2016, 10:06 PM Parent: #48
Quote: بالله يا شباب دايرين نقاش اقتصادي موضوعي
لكل نعيد الجنيه السوداني لسيرته الاولى
وشكرا بالله يا شباب دايرين نقاش اقتصادي موضوعي
لكل نعيد الجنيه السوداني لسيرته الاولى
وشكرا
نهنئ الاخ عمر على واقعيته!
Post: #50 Title: Re: الدولار دا وقعت فيهو عين سودة ... Author: فؤاد إبراهيم Date: 04-18-2016, 10:10 PM Parent: #48
Quote: أدعموا الزراعة والمزارعين
ذكر مسؤول ولائى أمس أن على من يرغب فى الزراعة خلق إسم عمل (سجل تجارى) أولا ثم تسديد قيمة الأرض التى سيزرعها دفعة واحدة للشركات الكبيرة (أو على أقساط للأفراد). قال أن الأراضى متوفرة وهم جاهزون للمسح والتسليم الفورى. فهمت منه ان الهدف من (إسم العمل) هو التأكد من تسديد المزارع للأقساط بصورة دورية منتظمة، وتجديده لرخصة الزراعة التى ستكون سنوية حتى لمن أكمل سداد أقساط ملكية الأرض بالكامل.
بدون رخصة سارية المفعول و ملكية للأرض ما فى زراعة ..
Post: #51 Title: Re: الدولار دا وقعت فيهو عين سودة ... Author: Anwar Ahmed Date: 04-19-2016, 06:55 AM Parent: #50
Post: #52 Title: Re: الدولار دا وقعت فيهو عين سودة ... Author: ود الباوقة Date: 04-19-2016, 08:03 AM Parent: #51
نتمنى ان يكون النقاش اكثر ايجابية وتحديدا من اهل الخبرة والدراية
في مجال الاقتصاد
بارك الله فيكم جميعا
Post: #53 Title: Re: الدولار دا وقعت فيهو عين سودة ... Author: منتصر صلاح Date: 04-19-2016, 08:53 AM Parent: #52
Quote: بالله يا جماعة مش مفروض ناس الحكومة ديل كل واحد فيهم ياخد ليهو الف جلدة؟
الكلام ليك بالمزغلل عينيك ..... يا راعي البوست
Post: #54 Title: Re: الدولار دا وقعت فيهو عين سودة ... Author: Mahamed Eltaze Date: 04-19-2016, 09:07 AM Parent: #1
السلام عليكم ود الباوقة تحيه ليك ولي ضيوفك علي قول الهدندوي انت عربي ماتعرف قولناها جمله قولتو لأ كبوها كبيناها قولتو لأ حكيناها قصص بتاعت اطفال قولتو خليكم جادين جو الأخوان شروحها ورقه وقلم ترجع تقول تاني بهديك ليك الغنيه دي ولي بنك السودان بتمني تسمعي ارجع تعال عود ليا رجع حنانك ليا
بس ماتشلتني في السفارة لمن اجيك
Post: #55 Title: Re: الدولار دا وقعت فيهو عين سودة ... Author: talha alsayed Date: 04-19-2016, 09:20 AM Parent: #54
العين السوده سمحه
كعبه العين الحمرا
الدولار يكون ذهب فى قيلولته الراتبه
تخايا باوقه
Post: #56 Title: Re: الدولار دا وقعت فيهو عين سودة ... Author: ناصر حسين محمد Date: 04-19-2016, 09:21 AM Parent: #54
Quote: الدولار دا وقعت فيهو عين سودة
ههههههههه
طيب كلم الوزير قول ليه دي ما نفسيات ده شغل داير كجور
Post: #57 Title: Re: الدولار دا وقعت فيهو عين سودة ... Author: Mohamed Mohamed Date: 04-19-2016, 09:52 AM Parent: #56
واحد يعتبر نفسه متقارب من الطبقة الحاكمة..و ينشر مواضيع عن ازدهار السودان في كل فرصة...
و بعد داك بجي يعلن استغلاله للسوق الاسود للعملة الاجنبية...و يساهم في تدمير الاقتصاد بشكل مباشر زي حبيبه قطبي المهدي؟
ود الباوقة معدل ذكائك كم؟ لان شكلك كنت راعي غنم قبل ارتباطك (و بيع وطنيتك) بالمؤتمر الوطني
Post: #58 Title: Re: الدولار دا وقعت فيهو عين سودة ... Author: Anwar Ahmed Date: 04-19-2016, 10:13 AM Parent: #56
الحل ان تتركوا السياسة .. بسبب السياسات الخاطئة الاقتصاد اصبح مكشوف لاتملكون موارد او سلع انتاجية قادرة علي جلب نقد اجنبي.
Post: #59 Title: Re: الدولار دا وقعت فيهو عين سودة ... Author: ود الباوقة Date: 04-20-2016, 06:42 AM Parent: #58
الحمد لله على ما اراد
Post: #60 Title: Re: الدولار دا وقعت فيهو عين سودة ... Author: اسامه العريفي Date: 04-20-2016, 07:04 AM Parent: #59
Quote: سارعوا الى ( فكها ) الان
اكرر الان
ماذا انت قائل الأن
Post: #61 Title: Re: الدولار دا وقعت فيهو عين سودة ... Author: ولياب Date: 04-20-2016, 12:40 PM Parent: #60
وهل تعتقد أخي ود الباوقة أنه من السهولة أن يتناقش الأعضاء هنا نقاشاً إيجابياً ويضعون الحلول
وإن كانت الحلول هي الأمثل ، هل يا ترى من يسمع لآرائهم .
Post: #62 Title: Re: الدولار دا وقعت فيهو عين سودة ... Author: عزيز Date: 04-20-2016, 01:33 PM Parent: #61
يا أخ عمر
سلام وموده
الموارد ثم الموارد لتعديل ميزان الصادر والوارد.. العملة ليست مغطاة والبلد بتطبع ورق فقط بالمليارات يومياً بدون تغطية للعملة..
كل توقعاتك السابقة لم تسندها أي شفاعة إقتصادية وكنا وكلنا ننتظر حدوث تلك المعجزة لتعافى الجنيه السوداني..
تقبل تحياتي
Post: #63 Title: Re: الدولار دا وقعت فيهو عين سودة ... Author: منتصر صلاح Date: 04-20-2016, 07:02 PM Parent: #62
Post: #68 Title: Re: الدولار دا وقعت فيهو عين سودة ... Author: جمال خضر Date: 04-22-2016, 02:03 PM Parent: #67
شوف سيدك البشير قال شنو فى 2012 وقال وضعنا الخطط والبرامج التى تجعل الدولار فى حدود ال 3 جنيهات فى 2013
من الفيديو أعلاه عايزين نعرف هل البشير كان بيتكلم ساى من أجل الإستهلاك كما عهدناه أم أن هنالك برامج وخطط تم وضعها
لكن لم تُنفذ نسبة للفساذ الذى وضع يده على تلك الأموال المرصودة فدخلت فى حسابات آل كوز السرية كالعهد بهم أم هنالك أسباب أخرى .
الغريبة أن مقدم البرنامج لم يستنطق البشير عن تلك الخطط والبرامج .
ود الباوقة سلام وتحية ومشكور على تغيير نهجك السابق الذى كان يبشر بالخير وهبوط الدولار وظهور البحيرات النفطية وغيرها ساى كده
وبدون أسانيد أو أدلة وهذا دليل عافية ولو سرت على هذا المنوال ستقفز فى القريب العاجل من سفينة آل الكوز الغارقة .
أول مشاركة لى بعد عودتى من جمهورية كوزستان .
Post: #69 Title: Re: الدولار دا وقعت فيهو عين سودة ... Author: Nasr Date: 04-22-2016, 06:06 PM Parent: #68
أحد مؤيدي الديكتاتور (ذلك الذي جاء لإنقاذ البلاد وعشان الدولار ما يحصل ال20 جنيه) جاء هنا وقال الحكاية باظت تب الدولار تجاوز حدود ال14000 جنيه وسأل النصح فيما يفعلون فلما جاوبوه بالنصائح قام كب الزوغة
تعال يا ود الباوقة وقول شنو من النصائح دي نافع وشنو ما شغال
Post: #70 Title: Re: الدولار دا وقعت فيهو عين سودة ... Author: Salah Habib Date: 04-22-2016, 08:12 PM Parent: #69
ازيك ياود الباوقة Quote: الدولار دا وقعت فيهو عين سودة
دى شلاقة ساكت من الدولار بس انت خلّو اقرع جنيهك
Post: #71 Title: Re: الدولار دا وقعت فيهو عين سودة ... Author: جمعة هري بوش Date: 04-23-2016, 03:38 AM Parent: #67
يا باوقة حالتك متاخر احسن يودوك للفكي البعالج بالجلد ولا بالكي
Post: #72 Title: Re: الدولار دا وقعت فيهو عين سودة ... Author: محمد أبوالعزائم أبوالريش Date: 04-24-2016, 08:57 AM Parent: #71
Quote: Munir Saad · محمود ابو العيون يا أبو الريش.......... الكوتشنات اللي جبتا دي كانت من بقبق نسخة رقم (1). هسع البوست دا من بقبق نسخة تانية، عشان كدا ح يجليها ويعمل غمران منها لأنو ببساطة هو ما كتبها .
كلام محمد الأمين ما تهملوا...............
نان نحن تطير عيشتنا يا منير، نرد على ياتو فيهم؟
Post: #73 Title: Re: الدولار دا وقعت فيهو عين سودة ... Author: ود الباوقة Date: 04-24-2016, 08:59 AM Parent: #72
اشهد الله كل من يتهمني بان اخرين يكتبون باسمي غير صادق
وساقاضيه يوم وقوفنا امام الله عز وجل
وشكرا
Post: #74 Title: Re: الدولار دا وقعت فيهو عين سودة ... Author: محمد أبوالعزائم أبوالريش Date: 04-24-2016, 09:07 AM Parent: #73
Quote: اشهد الله كل من يتهمني بان اخرين يكتبون باسمي غير صادق
المشكلة ياتو فيكم البيشهد الشهادة دي؟
Post: #75 Title: Re: الدولار دا وقعت فيهو عين سودة ... Author: Abdalla Abbas Date: 04-24-2016, 09:16 AM Parent: #74
امام مسجد الخرطوم الكبير قال ان ارتفاع الدولار لن يتوقف لان المعركة مع الله !!!!
Post: #76 Title: Re: الدولار دا وقعت فيهو عين سودة ... Author: ادريس خليفة علم الهدي Date: 05-02-2016, 08:31 AM Parent: #75
(*)
Post: #77 Title: Re: الدولار دا وقعت فيهو عين سودة ... Author: ادريس خليفة علم الهدي Date: 05-03-2016, 08:35 AM Parent: #76
