شباب لا يعرفون الخوف .. !!!!

شباب لا يعرفون الخوف .. !!!!


03-27-2016, 09:55 PM


  » http://sudaneseonline.com/cgi-bin/sdb/2bb.cgi?seq=msg&board=490&msg=1459112122&rn=0


Post: #1
Title: شباب لا يعرفون الخوف .. !!!!
Author: Munir
Date: 03-27-2016, 09:55 PM

08:55 PM March, 27 2016

سودانيز اون لاين
Munir-a222
مكتبتى
رابط مختصر

ترولـتونقا فى النرويج دى رهيبة ..

الشباب يأتون إليها من بقاع العالم ليقيفوا فوق هذه الإرتفاعات الشاهقة فى الفيوردات التى تكاد تتفنقل فوق عنقريبك وأنت تشاهد تلك الحواف الصخرية التى هى أعلى من السحاب .. وأشهرها لسان الترول هذا ..


Post: #2
Title: Re: شباب لا يعرفون الخوف .. !!!!
Author: Munir
Date: 03-27-2016, 10:00 PM
Parent: #1

Kjerag Hike and Kjeragbolten, Norway in HD


Post: #3
Title: Re: شباب لا يعرفون الخوف .. !!!!
Author: Munir
Date: 03-27-2016, 10:07 PM
Parent: #2

شباب لا يعرفون الخوف ..
الشاب والشابة ديل قلبهم قوى بصورة عجيبة ..
توجد مناظر بديعة .. ولغة سويدية يفهموها ناس سيف اليزل..


Post: #4
Title: Re: شباب لا يعرفون الخوف .. !!!!
Author: Munir
Date: 03-27-2016, 10:20 PM
Parent: #3

Deadliest Hike in the World: Mount Huashan, China


Post: #5
Title: Re: شباب لا يعرفون الخوف .. !!!!
Author: Munir
Date: 03-27-2016, 10:27 PM
Parent: #4

Climbing China's Incredible Cliffs


Post: #6
Title: Re: شباب لا يعرفون الخوف .. !!!!
Author: Munir
Date: 03-27-2016, 10:30 PM
Parent: #5

El Camino del Rey - World's Most Dangerous Hike


Post: #7
Title: Re: شباب لا يعرفون الخوف .. !!!!
Author: Munir
Date: 03-27-2016, 10:37 PM
Parent: #6

RAW FOOTAGE!!! Teahupoo 2013 HD!

دى كبرنا ليها الفيديو شوية ..


Post: #8
Title: Re: شباب لا يعرفون الخوف .. !!!!
Author: هاشم احمد ادم
Date: 03-28-2016, 06:32 AM
Parent: #7

سلام منير
الجماعة عندهم تأمين على الحياة ......
هههههههع

Post: #9
Title: Re: شباب لا يعرفون الخوف .. !!!!
Author: الحاج حمد الحاج
Date: 03-28-2016, 07:41 AM
Parent: #8

اتذكرت تعليق ليك يا منير أيام الأولمبياد تقريبا قلت فيهو( ما معناهو): نحن الافارقة دائما نفوز بالجري و الماراثون و الحاجا الثابتة في واطة الله دي لكن الألعاب الفيها مغامرات دائما الفوز لدول أوروبية أو غيرها..بالفعل الواحد يستغرب في هؤلاء الشباب ( الذين لا يعرفون الخوف).
بوست يجمع بين مناظر جميلة و مغامرات فظيعة.

Post: #11
Title: Re: شباب لا يعرفون الخوف .. !!!!
Author: Munir
Date: 03-28-2016, 11:05 AM
Parent: #9

سلامات يا الحاج .. الأفارقة بس لازمين الجابرة دى .. هههه

فى العموم روح المجازفة شبه معدومة ..
العجب كمان السودانيين .. شوف زولنا بتاع سباق الجرى فى الأولمبياد قبل كم سنة داك .. قال ليك مع طلقة البداية زولنا إتشنقل وقع .. مترين ما جراهم ـــ أو كما قيل ـــ هههه ..

شوف الفيديو بتاع ركوب الأمواج ده .. ديل الواحد لمن يقول ليك ماشى vacation معناها ماشى vacation جد جد .. يقطع تذاكره لآخر الدنيا وشايل معاهو كل احتياجاته ومعداته ويطلق للمجازفات العنان ..
يعجبنى منظر الشباب منبطحين فوق البوردات بتاعتهم وسطح المحيط شايلهم فوق وضهر الموجة زى ضهر الحوت العملاق ، وهم مطفحين .. ثم يجوا طايرين جوة إنطواء الموجة والموجة مغطياهم وساكَّاهم .. فى الآخر تلاحظ الموجة تجيب طرفها وتخش ليهم جوّة لتبتلعهم .. لكين الشفوت بيطلعوا منها زى الشعرة من العجين .. ههه

Post: #10
Title: Re: شباب لا يعرفون الخوف .. !!!!
Author: Munir
Date: 03-28-2016, 10:34 AM
Parent: #8

Quote: الجماعة عندهم تأمين على الحياة ......
هههههههع
هاشم يا احمد ادم ..
سيب الحجج .. أمشى جازف لينا فوق موجة محيط زى الصناديد ديل ..

Post: #12
Title: Re: شباب لا يعرفون الخوف .. !!!!
Author: Munir
Date: 03-28-2016, 11:10 AM
Parent: #10


My BASE clips from first jump course and heliboogie 2012 @ Kjerag, Norway


Post: #13
Title: Re: شباب لا يعرفون الخوف .. !!!!
Author: Munir
Date: 03-28-2016, 11:29 AM
Parent: #12

SENSE OF FLYING

شوف عباس بن فرناس ده ..


Post: #14
Title: Re: شباب لا يعرفون الخوف .. !!!!
Author: Munir
Date: 03-28-2016, 11:51 AM
Parent: #13

هلا هلا أولاد سعود ..


Post: #15
Title: Re: شباب لا يعرفون الخوف .. !!!!
Author: Munir
Date: 03-28-2016, 01:57 PM
Parent: #14

People are Awesome - Best of the Best (Kavinsky and Matrix's songs)


Post: #16
Title: Re: شباب لا يعرفون الخوف .. !!!!
Author: Munir
Date: 03-28-2016, 06:45 PM
Parent: #15

Quote: Abdo Dabanga · Interpreter and Translator في Noricom Nord
اعيش في هذا البلد منذ سبعة سنين ... طبيعة خلابة بمعني الكلمة
الأخ Abdo Dabanga ·ـــ فيسبوك ـــ شكراً للمتابعة والتعليق .. إن شاء الله عملت شوية مجازفات :)

Post: #17
Title: Re: شباب لا يعرفون الخوف .. !!!!
Author: Munir
Date: 03-28-2016, 10:06 PM
Parent: #16

Cliff Jumping in Vermont 110 feet


Post: #18
Title: Re: شباب لا يعرفون الخوف .. !!!!
Author: Munir
Date: 03-28-2016, 10:49 PM
Parent: #17

فى الأخبار شهر سبتمبر الماضى أن طالبة استرالية جاءت لجامعة برقن للدراسة وذهبت مع رفاقها لترولتونقا .. وكانت واقفة فى الصف للتقدم لحافة الصخرة لإلتقاط صورة تاريخية لها على الحافة .. وحين جاء دورها تقدمت قريب من الحافة فانزلقت ووقعت من الصخرة وماتت ـــ رحمها الله ـــ ــ الصورة أدناه ــ
يلاحظ أن هذ اللسان الصخرى على إرتفاع ٧٠٠ متر أصبح مؤخراً مشهور جداً وبدأ يأتيه السواح من جميع أنحاء العالم .. ونلاحظ أن الحافة بدون سياج وبدون تحذيرات من المخاطرة .. كل زوول على مسئوليته .. شئ خطير .. الناس الذين يخافون من المناطق المرتفعة يجب أن لا يعتبوا بهناك .. لأنو ممكن بطنه تقلب يقوم يجرى على الحافة وهو يكون قاصد يجرى بعيد .. يحيرونى القاعدين يصلوا لغاية طرف اللسان وكمان يدلدلوا رجلينهم ..
زمان أنا لمن كانت تلاقينى صور العفاريت المدلدلين رجلينهم ديل كنت قايلها فوتوشوب ..



Kristi Kafcaloudis, 24, slipped from the popular mountain tourist sport Trolltunga in Norway, as she attempted to join her two friends after standing on the ledge
Read more: http://www.dailymail.co.uk/news/article-3227171/Guide-says-matter-time-died-Norway-tourist-rock-Melbourne-student-24-fell-trying-walk-past-t...s.html#ixzz44Ek5i4uo
Follow us: @MailOnline on Twitter | DailyMail on Facebook

Post: #19
Title: Re: شباب لا يعرفون الخوف .. !!!!
Author: Munir
Date: 03-28-2016, 11:14 PM
Parent: #18

الـcliff diving ده عندنا بيعملوهو جنود المظلات بالقفز من كبرى شمبات .. قفز إجبارى طبعاً، لكين الشباب ديل هواة ساى .. شجاعة منقطعة النظير ..

Post: #20
Title: Re: شباب لا يعرفون الخوف .. !!!!
Author: Munir
Date: 03-28-2016, 11:25 PM
Parent: #19

كمان أصحاب العقالات ديل لمن يقوموا لجنهم كعبين شديد ..

رفع المستحيل فاك الكفرات كامل على الطبيعه


Post: #21
Title: Re: شباب لا يعرفون الخوف .. !!!!
Author: Munir
Date: 03-29-2016, 08:47 PM
Parent: #20

Hiking Half Dome, Yosemite National Park, USA in 4K (Ultra HD)


Post: #22
Title: Re: شباب لا يعرفون الخوف .. !!!!
Author: Maawya Hussein
Date: 03-31-2016, 01:58 PM
Parent: #21


شوف الجن دا يا منير .. شغل حجبات :)


Post: #23
Title: Re: شباب لا يعرفون الخوف .. !!!!
Author: Munir
Date: 04-01-2016, 06:27 PM
Parent: #22

أهلين معاوية .. عالم بطَّالة(:مجيدو:) ..

أحبس أنفاسك وعاين الفيديو ده ..


Post: #24
Title: Re: شباب لا يعرفون الخوف .. !!!!
Author: Munir
Date: 04-01-2016, 07:13 PM
Parent: #23

فيديو كامل الراجل نزل بالبرشوت ..


Post: #25
Title: Re: شباب لا يعرفون الخوف .. !!!!
Author: Munir
Date: 04-01-2016, 09:01 PM
Parent: #24

Quote: Abdo Dabanga · Interpreter and Translator في Noricom Nord
هلا منير .. مشيت 3 رحل ل (Preikstolen بالانجليزي (Public rock ومرة واحدة ل سKjerag
تعال جرب يا منير ناسكم بجو من هناك عشان يستمتعو بالطبيعة دي .. smile رمز تعبيري
أعجبني · رد · 30 مارس، 2016 12:46 ص


يا عبدو إنت الظاهر عليك قلبك قوى :).. بس بالله حذار تمشى جنب الحافة وتتهور زى الجماعة ديل .. خليك فى السليم ..
أنا ما مشيت الفيوردات دى لكين وصلت لغاية نارفك فى أقصى الشمال ..

Post: #26
Title: Re: شباب لا يعرفون الخوف .. !!!!
Author: Hani Arabi Mohamed
Date: 04-01-2016, 11:10 PM
Parent: #1

جمال الطبيعة في الفيديوهات لا يكاد يصدق !

هل من لديه كل هذا الجمال ... يغامر ويقامر !

Post: #27
Title: Re: شباب لا يعرفون الخوف .. !!!!
Author: Munir
Date: 04-02-2016, 05:42 AM
Parent: #26

مرحباً هانئ .. فعلاً طبيعة بديعة ..


Post: #28
Title: Re: شباب لا يعرفون الخوف .. !!!!
Author: Munir
Date: 04-02-2016, 07:55 PM
Parent: #27

Half Dome Cables - Yosemite National Park - Ascending - June 3, 2013


Post: #29
Title: Re: شباب لا يعرفون الخوف .. !!!!
Author: Munir
Date: 04-02-2016, 07:59 PM
Parent: #28

النزول أصعب ..
HALF DOME - climbing down cables w/gopro


Post: #30
Title: Re: شباب لا يعرفون الخوف .. !!!!
Author: Munir
Date: 04-02-2016, 08:09 PM
Parent: #29

فى الفيديوهين الأخيرين الناس دى تقول راكبة ضهر فيل عملاق .. أقل زحلقة والهاوية ..

Post: #31
Title: Re: شباب لا يعرفون الخوف .. !!!!
Author: Munir
Date: 04-02-2016, 11:18 PM
Parent: #30

الصعود والنزول فى هذه الـhalf dome خطير جداً لأن المسافة حوالى ١٣ كيلومتر فوق هذه القبة الصخرية الملساء ، حيث زاوية هذا الدرب الصخر الجرنيتى الزحلاق تقارب الـ٤٥ درجة .. وتزداد الخطورة فى الأجواء السيئة من مطر وضباب فيبتل الصخر ويصبح شديد الزحلاق .. كما أن الـhikers يتعرضون للصواعق فى الأجواء العاصفة .. الوسيلة الوحيدة لمساعدة الـ hikers هى تلك الكوابل الفولاذية .. خارج هذا الممر الظاهر مزدحم فى الفيديوهات أعلاه من السهولة الإنزلاق لأسفل الوادى على عمق حوالى ٨٠٠ متر .. حولاا .. السطح زى ضهر حوت عملاق لو إنزلقت فوقه خلاس that is it ..

Post: #32
Title: Re: شباب لا يعرفون الخوف .. !!!!
Author: Munir
Date: 04-03-2016, 06:17 PM
Parent: #31

هذا الرابط يحتوى معلومات قيِّمة عن هذه الـ half dome ..

timberlinetrails.net/YosemiteHalfDome.html


Post: #33
Title: Re: شباب لا يعرفون الخوف .. !!!!
Author: Munir
Date: 04-03-2016, 09:28 PM
Parent: #32

أعتقد المغامرة فوق الــhalf dome دى أخطر من trolltunga .. المنظر للأسفل من trolltunga فقط هاوية حيث الشعور بعمق الهاوية يقود لوقعة واحدة من السما وتنتهى .. لكين فى الــhalf dome فكأنك حتكون متدحرج دحريجة طويــــلة من السماء إلى أعماق وادى الموت المظلم ..

Post: #34
Title: Re: شباب لا يعرفون الخوف .. !!!!
Author: Munir
Date: 04-04-2016, 09:00 PM
Parent: #33

Lynn Hill On The Nose



The Nose
El Capitan
The Nose is one of the original technical climbing routes up El Capitan. Once considered impossible to climb, El Capitan is now the standard for big-wall climbing. Wikipedia
Number of pitches: 31

Post: #35
Title: Re: شباب لا يعرفون الخوف .. !!!!
Author: Munir
Date: 04-04-2016, 09:18 PM
Parent: #34

These Climbers Are Terrified and You'll Be Terrified for Them | HARDXS from Slackjaw Film, Ep. 14


Post: #36
Title: Re: شباب لا يعرفون الخوف .. !!!!
Author: Munir
Date: 04-06-2016, 09:16 PM
Parent: #35

Devil's Pool Victoria Falls

جن رسمى ..


Post: #37
Title: Re: شباب لا يعرفون الخوف .. !!!!
Author: Munir
Date: 04-06-2016, 11:05 PM
Parent: #36

شلالات فكتوريا .... زامبيا ـــ زيمبابوى
Victoria falls
Waterfall Livingstone, Africa
Victoria Falls is one of the most spectacular water falls of the world.
They are located on the Zambezi River, which forms here the border between Zambia, near the town of Livingstone, and Zimbabwe.
Address : Kazungula, Zambia
Chutes : 1
Altitude : 885 m
Height : 108 m


Post: #38
Title: Re: شباب لا يعرفون الخوف .. !!!!
Author: Munir
Date: 08-03-2016, 03:21 PM
Parent: #37

شباب يقفزون فى نهر القاش وهو هائج ..


Post: #39
Title: Re: شباب لا يعرفون الخوف .. !!!!
Author: علي عبدالوهاب عثمان
Date: 08-03-2016, 04:05 PM
Parent: #38

حبيبنا منير مودتي ..
ديل ناس خطيرين جداً .. بمجرد مشاهدتي للصور شعرت بألم في الركبة ..
دليل على الخوف يمكن ..
رغم أننا في ضواحي الدنيا هناك في دنقلا .. كنا نصعد للنخيل حتى الاعالي ..
نعوم في النيل من الضفة الى الاخرى .. ونعدي المراكب مع هبوب أمشير القوية والأمواج العالية ..
زميلي في المكتب قال لي إنت عندك ( خوف الأماكن المرتفعة ) .. عشان الصورة الأولى ..
شكراً للبوست حبيبنا منير عرفنا حاجة ( ههه )
الكبر حصل ..

مودتي حبيبنا منير ..

Post: #40
Title: Re: شباب لا يعرفون الخوف .. !!!!
Author: محمد على طه الملك
Date: 08-03-2016, 04:39 PM
Parent: #39

حمد الله على السلامة يامنير ..
عارفك لو وقفت فوق طربيزة إلا يمدو ليك الليد هههه ..
ياخي نحن شجاعتنا ما تربية ذاتية زي ديل ..
شجاعتنا شجاعة فزعات بس .

Post: #42
Title: Re: شباب لا يعرفون الخوف .. !!!!
Author: Munir
Date: 08-03-2016, 07:37 PM
Parent: #40

العزيز ودالملك محمدعلى طه، الله يسلّمك ياخ ..
قلت لى بخاف من التربيزة ؟ هههه ..
لو التربيزة رجلها مقصِّرة حتخليك تتراقص زى الجلى ..
شجاعتنا مرتبطة بالعدو ــ مابنخاف من عدو ــ ..
لكين الطبيعة رهيبة ، خاصة لمن تكون فيها هاوية تؤدى للمجهول ..

Post: #41
Title: Re: شباب لا يعرفون الخوف .. !!!!
Author: Munir
Date: 08-03-2016, 05:08 PM
Parent: #39

أستاذنا الحبوب علي عبدالوهاب عثمان ..
شكراً للحضور الزاهى .. دائماً تتحفنا بصورة طبيعية مليئة بعبق الأماكن وفلاش من الماضى الجميل ..

الأماكن المرتفعة فعلاً تعمل رجفة فى الركب ههه .. الغريبة ونحن صغار ما كنا بنخاف .. الواحد يطلع فوق راس البيت ويمشى فوق الحيط عادى .. لكين مع تراكم السنين القلب بيخِف .. :)

Post: #43
Title: Re: شباب لا يعرفون الخوف .. !!!!
Author: Ahmed Alim
Date: 08-04-2016, 08:37 AM
Parent: #41

ولدنا بتاع شلالات فكتوريا دا يباري الخواجيات
ديل بجيبوا أجلو .. أن بقن بنات حور ما بنزل
معاهن هههههههه

بوست سيفن استارز
تشكر يا منير

Post: #44
Title: Re: شباب لا يعرفون الخوف .. !!!!
Author: Salah Habib
Date: 08-04-2016, 10:15 AM
Parent: #43

تحياتى يامنير
بصراحة مغامرات رهيبة

انا كان شفت المناظر دى حتى لو فى الافلام كرعينى يبردن
اسه فيديوهاتك دى كلها غلبنى اكملها

اعلى حاجة طلعتها راس المزيرة وراس البيت عشان نطلع الرقيطا وبس


Post: #45
Title: Re: شباب لا يعرفون الخوف .. !!!!
Author: مني عمسيب
Date: 08-04-2016, 11:40 AM
Parent: #44


المنير .. صباح الفل ..

يا المنير الخواجات بالرغم من حبهم للحياة
بتلقي المغامرات جزء من حياتهم الممتعة .
يعني عايشين ( الحياة وضدها ) في آن واحد !

ومافي شئ بخاف منو غير التهلكة المتعمدة .

ولك الشكر يا منيرنا .



Post: #50
Title: Re: شباب لا يعرفون الخوف .. !!!!
Author: Munir
Date: 08-05-2016, 01:23 AM
Parent: #45

منى عمسيب صديقتى اللدودة الودودة .. صباح الورد ..
عايشين حياتهم لحدودها القصوى .. غايتو أنا فى الآخر لقيت الفيديو بتاع نهر القاش ده ، قلت كدى نقدم مساهمة مع الرجال ..
معانا مهندس خريج fresh جات سيرة المناطق الخطرة دى ، فلقيته زارها كلها.. حتى بتاعة النرويج ــ ترولتونقا ــ قال زارها ودلدل رجلينه من تلك الحافة الظاهرة فى أول مداخلة .. وكلما لقى إجازة ويك إند طويلة يقوم يسافر سويسرا للتزلج على الجليد ..
الإجازات عندهم ليست للإسترخاء والركلسة والكشتينة .. لو تلاحظى العالمين ديل مع كل إجازة صيف تلقى المطارات والقطارات مليانة شباب شايلين شنطاتهم فؤق ضهرهم وكاسحين للمغامرات ..

Post: #48
Title: Re: شباب لا يعرفون الخوف .. !!!!
Author: Munir
Date: 08-04-2016, 04:14 PM
Parent: #44

سلامات Salah Habib ..
بالذات صخرة الترول تونقا بتاعة النرويج دى.. !! .. تكون واقف ساى تجيك لفحة هبوب تدفرك على الهاوية وما يفضل قدامك إلاّ السقوط وتتوكل ..
البنت الأسترالية المسكينة الفوق دى بس حاولت تتخطى الصف القدامها و مع ضيق المكان فقدت توازنها ووقعت من فوق وماتت فى سبيل الـ سيلفى ..

مأساة .. الله يرحمها ..

Post: #47
Title: Re: شباب لا يعرفون الخوف .. !!!!
Author: Munir
Date: 08-04-2016, 04:01 PM
Parent: #43

سلامات Ahmed Alim .. شكراً لمرورك ..
بتاع شلالات فكتوريا ده شغلتهم ياها دى .. السنة كلها البنات يجو مجازفين فوقهم.. وذلك طبعاً ثمن الشجاعة .. :)..

لكين ماياكلونا حنك ساى، فهناك حافة مرتفعة عند طرف الشلال تحجز الزوول من الهاوية ..

Post: #46
Title: Re: شباب لا يعرفون الخوف .. !!!!
Author: محمد الحسن حمدنالله
Date: 08-04-2016, 01:04 PM
Parent: #1

العزيز Munir التحية والإحترام الحقيقة أن الخواجات جميعاً شيب وشباب نساء ورجال كبار وصغار لا يعرفون الخوف ويحبون المغامرات منذ الصغر ولا يمنع الآباء الأطفال من الأنشطة التي نعتبرها خطرة ونمنع أطفالنا منها أذكر في الثمانينيّات في نيالا تعطّلت اللمبة الحمراء في أعلا أريال محطة الإرسال التلفزيوني الموضوعة لتنبية الطائرات ليلاً إلي موقع الأريال ظلّلت هذه اللمبة معطّلة شهوراً مع وجود الإسبير وذلك لعدم وجود من يصعد بالسلم الموجود في الأريال لتبديلها إلي أن حضر خواجة من الخرطوم تابع لشركة المايكرويف وقتها ليقوم بالمهمة ويعود إلي الخرطوم في نفس اليوم!

Post: #49
Title: Re: شباب لا يعرفون الخوف .. !!!!
Author: درديري كباشي
Date: 08-04-2016, 04:57 PM
Parent: #46

Quote: يعجبنى منظر الشباب منبطحين فوق البوردات بتاعتهم وسطح المحيط شايلهم فوق وضهر الموجة زى ضهر الحوت العملاق ، وهم مطفحين .. ثم يجوا طايرين جوة إنطواء الموجة والموجة مغطياهم وساكَّاهم .. فى الآخر تلاحظ الموجة تجيب طرفها وتخش ليهم جوّة لتبتلعهم .. لكين الشفوت بيطلعوا منها زى الشعرة من العجين .. ههه


هسع أنا نحنا ما منبطحين فوق البورد بتاعنا والموج كل يوم يشيل ويودي فينا ما عجبنك .. ولا أنتو بس تحبو حاجات الكفار يا دكتور ههههههههههه

Post: #53
Title: Re: شباب لا يعرفون الخوف .. !!!!
Author: Munir
Date: 08-05-2016, 10:40 PM
Parent: #49

Quote: ولا أنتو بس تحبو حاجات الكفار
هههه .. سلامات يادرديرى .. حلوة جداً حكاية بنحب حاجات الكفار دى .. هههه ..

لكين ياخى الكفار ديل حيرونا .. أى حاجة بيجازفوها ويسبقونا ويخلونا للدهشة والهزيمة ..
بس زولنا الخليفة عبدالله التعايشى كان عايز يعمل فتوحات ويجازفهم هم ذاتهم ..

غايتو البنى آدم عنده المحن .. ☺

Post: #51
Title: Re: شباب لا يعرفون الخوف .. !!!!
Author: Munir
Date: 08-05-2016, 09:47 AM
Parent: #46

عزيزنا المحترم محمد الحسن حمدنالله .. مرحباً بالطلّة ..
أحد الأخوان قال لى ذات يوم: إنو الزوول لو ما بيؤمن بيوم آخر ولا حياة بعد الممات، وإنو ما عنده غير هذه الحياة القصيرة ، مفروض يعضى عليها بالنواجز وما يجازف حياته هدراً ويكون جبــــــــــــان ..
لكين زيما شايف، مع أولاد جون ديل الصورة مقلوبة .. !!

Post: #52
Title: Re: شباب لا يعرفون الخوف .. !!!!
Author: مني عمسيب
Date: 08-05-2016, 10:31 AM
Parent: #51


صديقي المنير .. من بلد الزهور عاطر التحايا ..

اما بعدين :
Quote: الإجازات عندهم ليست للإسترخاء والركلسة والكشتينة ..
لو تلاحظى العالمين ديل مع كل إجازة صيف تلقى المطارات والقطارات
مليانة شباب شايلين شنطاتهم فؤق ضهرهم وكاسحين للمغامرات ..

بمناسبة كلامك دا قبال كم اسبوع كنت بفكر في عدم ثقافتنا السياحية !
السودان من البلدان الفيها مناطق جديرة بالمشاهدة بالرغم من عدم مقومات
السياحة فيها لكن ما ممشكلة ممكن نصنع مقومات بنفسها هناك .
الخواجات يا المنير ما عندهم قشة مرة بمشوا المحل الجميل والقبيح للسياحة
دا في حد ذاتو نوع من الوعي السياحي لانه السياحة اكتساب ومعرفة لثقافات
وشعوب اخري .. تصدق الهولندين بحكوا لي عن حاجات في جنوب السودان
انا السودانية ما بعرفها لانهم كانوا بمشوا الجنوب وكل البلدان الافريقية ..
وبحبوها جدآ .. عمومآ لو وضع الشوم دا طار حانعمل تنسيق مع الهولندين
في مجال السياحة باذن الله .

ولك الشكر يا صديقي الودود .

Post: #54
Title: Re: شباب لا يعرفون الخوف .. !!!!
Author: Munir
Date: 08-06-2016, 00:33 AM
Parent: #52

العزيزة منى تحية عطرة ..
قلتى لى السودان فيهو مناظر؟.. وين الماء يامنى ووين الخضرة ووين الوجه الحسن ووين النظافة ووين الطراوة ووين ووين .. البلد نصها صحراء ونص السكان فى ترحال لهثاً وراء الماء والكلأ .. قصة بايظة..
ثم ثانياً السياحة بتخرب أخلاق الشعوب الفقيرة وتجعلهم متسولين .. تلاحظى أن السياحة فى الدول الغنية رايقة وكل زول فى حاله وأهل البلد قنوعين لا تفرزهم من السواح الزائرين .. لكين فى الدول الفقيرة تجدين أهل البلد يتحولون لكائنات sleazy تتلصق للسائح فى ثوبه من شدة اللزوجة والجشع فى إمتصاص جيوبه.. أقرب مثال عندك مصر التى يأتيها السائح الغربى لرؤية التاريخ فيُقابل أناس مترصدين جيبه ، وتعامل عالم ثالثى ..
كان فى فيديو حايم فى الفيسبوك فيهو خواجيات يحاولن ركوب جمل، ومجموعة من العروب يصوروا ويعلقوا ويتضاحكوا بطريقة ما حلوة .. أها زى المنظر ده أضربيهو فى مليون إذا موجة السياحة كشحت علينا ..
إذن ما عندنا شئ جذاب للعرض .. مش الأهرامات الصغار دى؟ ما عندها هيبة إهرامات الجيزة .. تقولى لى مثلاً بيوت النمل الإسمها الطابية فى أمدرمان دى ؟؟ هسه نقول للسائح دى دفاعات عسكرية؟؟ .. ليهو حق كتشنر يبيد الآلاف فـى بضع ساعات إذا كانت دى دفاعات عسكرية ☺

Post: #55
Title: Re: شباب لا يعرفون الخوف .. !!!!
Author: Munir
Date: 08-06-2016, 00:43 AM
Parent: #54

لو قلبك ماقوى لاتشاهد هذا الفيديو ..



Post: #56
Title: Re: شباب لا يعرفون الخوف .. !!!!
Author: عمر التاج
Date: 08-06-2016, 07:44 PM
Parent: #55

السلام عليك أيها الجميل المنير .. وتحية لك ولضيوفك
أعيش هذه الأيام في منطقة تعلو 2500متر عن سطح الأرض ويحيط بها من الجبال الشاهقة والمنخفضات الفجائية ما يجعل مغامرات هؤلاء الشباب برنامج عادي لخط سيري اليومي..
بداية ايامي في المنطقة أرهبتني الطرق الوعرة ،أي انحراف خاطئ تجد نفسك في الهاوية .. صديقي نظر للهاوية العميقة وقال لي مازحا ( أي واحد يقع من هنا .. نحن ها نصل بي خبره البلد قبل ما يصل هو القاع )
بحمد الله اعتدت على وعورة المكان سريعا وأصبحت لا ابالي بها بعد الآن.. أصبحت امر عادي عليها بنمرة خمسة، وإذا كثر الضباب تجدني أتوقف جانبا وأجلس على طرف المنحدرات اتناول القوة والمثلجات.
قبل أيام قدم إلينا سوداني من كندا ، فأخذته في جولة حتى اعرفه طبيعة المنطقة واحذره من وعورة العقبات ، لم المح على صديقي الجديد أي نوع من الانزعاج أو الاندهاش ونحن نمر من بين السحاب والجبال ..
وعندما عاد سمعته يقول لزوجته (شفتي راس الجبيل الكان فيهو بيتنا هناك .. هنا بقولو ليهو هاوية )

Post: #57
Title: Re: شباب لا يعرفون الخوف .. !!!!
Author: Munir
Date: 08-10-2016, 12:17 PM
Parent: #56

هههه .. الأخ الأجمل عمرالتاج .. مرحباً بالطلة ..
قلت لى الجبيل إنت معتبره هاوية، وكمان عامل فيها مقددها وتشرب فوقه الشاى والقهوة ؟ ههه ... صاحبك ورّاك إنو حوّة والدة .. خليه هو كمان يمشى فيوردات النرويج ، عشان يعرف حاجة .. .. :)


Post: #58
Title: Re: شباب لا يعرفون الخوف .. !!!!
Author: Munir
Date: 08-10-2016, 01:04 PM
Parent: #57

Quote:
خارشين . واقفين خيط
الخواجات ديل ناس دنيا
واعيين ما بعملو الحاجات دي

أخى محمدعباس ـــ فيسبوك ـــ
الزوول لو ما واعى مية فى المية ما بيقدر يتوازن بدقة فى هذه المزلقانات