شجار مع مجموعة من المصريين عديمي الضمائر

08:48 AM February, 23 2016

سودانيز اون لاين
خالد المبارك-
مكتبتى
رابط مختصر

لم يمر على هذه الحادثة وقت طويل و التي كانت في اطهر بقعة في الارض و اثناء عودتي من نواحي المدينة التي تطل على البحر مررت بصديدلية بغرض شراء جهاز للسمع
دلفت الى الصيدلية بعد ان امرت السائق بالتوقف جانبا فتفاجأت بحوالي خمسة الى سبعة من المصريين يجلسون بكل اريحية و يتحدثون فيما بينهم ، هممت بالمغادرة للوهلة الاولى فورا
الا انني تمالكت نفسي سيما و بالسيارة شيخ لا اريد ان اتعبه معي في البحث عما اريد .

فطلبت من البائع ان يطلعني على نوع المنتج الذي لديه و كم يكلف فرد بأنه ليس لديه غير نوع واحد ثمنه 300 ريال ، فقلت له هل من الممكن تفحصه ؟ فناولني اياه ثم اخذه مني و وضعه على طاولة المكتب
اعطيته مبلغ خمسمائة ريال على امل ان يرد لي الباقي و هو مائتي ريال و هذا ما فعله بينما كان يتحدث الى احد المحليين ابناء المنطقة ، الا انه لم يناولني الجهاز
و بعد ان انهى عمله مع المشتري الاخر رجع و جلس على الكرسي فقلت له يا اخينا لم تناولني الجهاز و قد اعطيتك ثمنه
كيف لم اعطيك الجهاز ؟ رد متسائلا بغضب ، فأعدت له الكلام و قلت له انا لم استلم الجهاز لقد اعدته ثانيه الى الداخل ، فقل : لا ده انا ناولتك الجهاز يا حبيبي روح شوف فين رميتو
فرد احد الجالسين معه قائلا : ازاي ما اداكش ليه ده انا شايفك بعيني دخلتو جوه جيبك ، يا ابني انت مبتخافش ربنا و رد آخر انت زول مش كويس و صاح آخر احنا كلنا شهود
ثم انهم ارادوا اخراجي من المحل عنوة او ان يتصلوا بالشرطة
كل هذا يحدث و انا لم يحن موعد ردي بعد و الذهول يتملكني من هذا التعامل الغريب

الرجاء عدم الانفعال ويمكن للصيدلي جرد الصيدلية للتاكم من العدد المباع ززالموضوع ليس موضوع مصريين ولا سودانيين هؤلاء الصيادلة المصريين موجودون في اغلب صيدليات السعودية وانا شخصيا اراي انهم متعاونيين ويستطعيون العمل تحت الضغط الشديد ...يوجد رقم في الصيدلية للاتصال في حال عدم رضاك عن الخدمة تعامل بهدء مع الموقف ..

خالد المبارك أنا بعيد وقفاي أعوج كان ما كدي كان جيت وفزعت معاك
أها إنت سويت شنو
يازول هوي دي حقارة وما تخلي حقك كان بالقانون وكان بي ضراعك

أنتو بتدفعوا قبل ما تستلموا البضاعة؟؟

الصيدلية مافيها كاميرة مراقبة ،

،،،،،







عزالدين عباس الفحل
ابوظبي

محمد ابراهيم

Quote: الرجاء عدم الانفعال ويمكن للصيدلي جرد الصيدلية للتاكم من العدد المباع ززالموضوع ليس موضوع مصريين ولا سودانيين هؤلاء الصيادلة المصريين موجودون في اغلب صيدليات السعودية وانا شخصيا اراي انهم متعاونيين ويستطعيون العمل تحت الضغط الشديد ...يوجد رقم في الصيدلية للاتصال في حال عدم رضاك عن الخدمة تعامل بهدء مع الموقف ..

كيف تقول ليس موضوع مصريين و لا سودانيين و تدافع عن هؤلاء اللصوص ؟
انا ما بعرفك قبل كده يا محمد ابراهيم و الله

لكن اجزم بأنك رطاني من الشمال لانو ماف زول بيدافع عن هؤلاء الا ما ذكرت

بالله رد لي لو انا غلطان

الملا عمر

اسم على مسمى كع

انا اخوك يالملا
كيف اخلي حقي ؟؟

Quote: الصيدلية مافيها كاميرة مراقبة ،

المصريين ديل حقارين شديد ما كملت لينا الحصل شنو لكن ما تسيب حققك حتى لو دعت الضرورة تجيب الشرطة

Quote: لكن اجزم بأنك رطاني من الشمال لانو ماف زول بيدافع عن هؤلاء الا ما ذكرت

حسع دا كلام دا بالله
طوالى قمت اخدت الشماليين الرطانة كوتة واحدة كدا ورميتهم بالكلام
يا اخى ان كان رطانى ولة سنغالى هو كلامه صحيح لايمكن رمى ووصف شعب كامل بانهم عديمى الضمير
صراحة لما شفت العنوان اعتقدت ان جملة (عديمى الضمائر ) تعود ل (مجموعة ) وهذا مقبول لكن من خلال ردك الاخير واضح ان عديمى الضمائر تشمل المصريين وليس المجموعة

الشيء الذي يجعل الشخص ينفعل و يشتعل هو انهم كانوا يدافعون عن بعضهم البعض دون تريث ، سته او سبعه رجال و فيهم من يطلق لحاه الى صدره ليس فيهم رجل رشيد ، اما كان لهم ان يراجعوا
انفسهم و لو للحظة و يسألوها اين اخفى هذا الشخص الجهاز و هو يقف امام اعيننا ؟ كيف يكون الجهاز معه و هو قد بحث في جيوبه امام اعننا و لم يجده ؟ الا انهم لم يفعلوا هذا ، بل لم يعطوا انفسهم
فرصة ، فطالما ان احد اطراف المشكلة سوداني فلاا بد ان يكون هو المخطئ !
في هذه الاثناء و بينما انا فكر فيما يحدث حانت مني التفاته صغيرة ناحية طاولة المكتب الداخلية لأرى الجهاز موضوع عليها ، فقلت له هلا تفحصت تلك الطاوله رجاءا ؟
و حينما استدار تاحية الطاولة لم تخطئ عيناه الصندوق الصغير الذي يحوي بداخله الجهاز ، ذات الجاز الذي ارانيه ثم اعاده .
و كأن القوم اصبح على رؤةسهم الطير ، لم يستطع احد منهم ان ينبس ببنت شفه او يحرك ساكنا من هول الصدمة ،و كأن الزمن توقف عندهم للحظة ثم بعد برهة
خطا خطوات للوراء و التقط الجهاز و استدار ناحيتي دو ان ينظر الى عيني و اعطاني اياه على امل ان اغادر في هدوء و كأن شيئا لم يكن

هشام عباس

Quote: حسع دا كلام دا بالله طوالى قمت اخدت الشماليين الرطانة كوتة واحدة كدا ورميتهم بالكلام

شئت ام ابيت
لا يوجد في السودان من يدافع عن المصريين الا فئة معلومة و هذه الحقيقة لا ينتطح فيها عنزان

انا لم اقل له كل الرطانة في الشمال و لكن يفهم من كلامي انه طالما انك تدافع عن هؤلاء اذا فأنت من تلك الفئة
شفت كلامي كيف ؟

والله يعلم انني لا علاقة لي بذلك الشخص و لا اعرفه و لكن فليك صادقا و يأتي و يقول من اين هو
حدسي دائما لا يخطئ ، انا سوداني و بعرف السودانيين
و الا فان هذه ستكون سابقة و ما سبقو عليها احد

الاستاذ خالد المبارك سلام
اها باقي ال500ريال وين

Quote: الاستاذ خالد المبارك سلام اها باقي ال500ريال وين

الاخ المسلمي
تحياتي

كدي خليك من الباقي

ليه في المنبر ده كلمة ريال بالتحديد بتجي اصغر من الباقين ؟؟؟

خلقة و ما بتشبه اخواتها من الكلمات يكون السبب شنو يا ربي


_______________________

زمااان في اول الكلام اداني الباقي
و الا لكان مرق عليهو بالساحق خخخخخخ

المهم ياخالد المبارك تاني ابقي نجيض وماتدفع قبل الأستلام والتجربة 😜😜😜

Quote: لكن اجزم بأنك رطاني من الشمال لانو ماف زول بيدافع عن هؤلاء الا ما ذكرت

والله أنك حقير وتافه بمعنى الكلمة اذا كان هذا هو رأيك فى النوبيين ،، ولا أزيد

Quote: لكن اجزم بأنك رطاني من الشمال لانو ماف زول بيدافع عن هؤلاء الا ما ذكرت

بالغت لكن!!

Quote: لكن اجزم بأنك رطاني من الشمال لانو ماف زول بيدافع عن هؤلاء الا ما ذكرت

Quote: شئت ام ابيت لا يوجد في السودان من يدافع عن المصريين الا فئة معلومة و هذه الحقيقة لا ينتطح فيها عنزان انا لم اقل له كل الرطانة في الشمال و لكن يفهم من كلامي انه طالما انك تدافع عن هؤلاء اذا فأنت من تلك الفئة شفت كلامي كيف ؟

كيف يعني ما قلت كل الرطانة فى الشمال!!!.. وللا بتعرف رطاني من
الشمال معرفة شخصية وعندك خلفية عنه إنه بيدافع عنهم!!!.
فتحت بوست (لظلم) وقع عليك من (بعض) المصريين .. خطوتين
وظلمت كل أبناء الشمال!!!.. وكمان تجزم!!!.
أبناء الشمال (ربما) يكونوا أكثر كرهاً للمصرين.. ودي حقيقة لو فتشت
ليها بـ تلقاها.
شئت أم أبيت كلامك قبيح وقبيح جداً.

حاااضر يا ود المسلمي تاني توبه






_____________________________________


الابليس دينق


طبعا بتعرف الوقت المناسب عشان تجي توسوس فيهو

------------

Quote: الابليس دينق طبعا بتعرف الوقت المناسب عشان تجي توسوس فيهو

أنا برضو أبليس يا كوز يا لعين!

المصريين قلعوا حقك رجالة وحمرة عين، تقوم تجي تقل أدبك وتتعنصر على بني جلدتك؟؟

عالم جبانة بشكل!

حلايب سودانية ...






... المهم ...

Quote: شئت ام ابيت لا يوجد في السودان من يدافع عن المصريين الا فئة معلومة و هذه الحقيقة لا ينتطح فيها عنزان انا لم اقل له كل الرطانة في الشمال و لكن يفهم من كلامي انه طالما انك تدافع عن هؤلاء اذا فأنت من تلك الفئة شفت كلامي كيف ؟

كلام عنصرى قبيح .. ولا ننتظر من امثالك يا كوز الا مثل هذا الاستفراغ .

غايتو يا خالد المبارك حكايتك حكاية..كتبت قصتك بطريقة جيدة و لغة صادقة
و استحوذت على انتباه القراء لكن كل ده ما كفاية..لازم ترمي ليك قنبلة تصرف
الناس عن موضوع البوست و تدخله في متاهات و تزعل منك الاف الناس.هههههه
اولا في فئة تانية بتحب المصريين: هي الطلاب الدرسوا في مصر..ليس جميعهم و لكن اغلبهم.
ثانيا: انا رطاني و اعلم تماما أن في اهلي من يحب مصر و المصريين و لكن اغلبيتهم يرددون
الكلام المنتشر في السودان عن كراهية المصريين كأنه واجب وطني او سمة للشخصية السودانية
دون تدبر و دون اعتبار لما يجره التعميم من خطأ و يوقعه التنميط من ظلم على الناس.
ثالثا: انا درست في مصر و عشت فيها اكثر من ستة سنوات و لو حكيت لك عن مواقف شهامة
و امانة و تجرد و تواضع لمصريين كثر قابلتهم و تعاملت معهم لاحتجت لكتاب.

Quote: و فيهم من يطلق لحاه الى صدره ليس فيهم رجل رشيد

م إنتو طالقين لحاكم و مسودين جباهكم ... و ما خليتو جريمة ما إرتكبتوها ...

في النهاية ... المصريين القلت عنهم عديمي الضمير ... رجّعوا ليك جهازك

إنتو متين ترجعوا البلاد لأصحايا ؟
يا عديمي الضمير.

تحية طيبة

الحبيب خالد المبارك وضيوفه الاكارم

طبتم وطابت ايامكم


بالنسبة للحق

طالما انك شايف حقك قدامك والشغلة استهبال تركبوا عكاز سجن سجن غرامة غرامة
اها بعد ما رجع ليك الجهاز وبعد الخجلة الدخل فيها اديتوا الفيها النصيب ولا مشيت ساي
لو مشيت ساي تستاهل انو يحاول يستهبل عليك (وش باسم)


....................

اتجنيت على اهلنا الفي الشمال وياريت تعتذر اعتذارين

الاول عشان اتهامهم بالموالاة لمصر حتى وان كنت تقصد بعضهم


الثاني

وده الجابني صراحة
ماف حاجة اسمها رطانة في لغة سوا كانت مكتوبة او منطوقة فقط

سقوط شنيع

Quote: شئت ام ابيت لا يوجد في السودان من يدافع عن المصريين الا فئة معلومة و هذه الحقيقة لا ينتطح فيها عنزان

أول حاجة يا كوز لمن تقع لك في حفرة زي دي، لازم تفكر في المخارجة كيف وليس في أنك تقعد تحفر في الحفرة.

الناس بتنصح فيك وبتقول لك بطل عنصرية، ولكنك لسه مواصل في عنصريتك البغيضة!

سلامات ياود المبارك

سردك حلو وجميل

واعتذارك وااااجب لاهلنا النوبيين جميعا والكف عن التعميم فى اطلاق الاحكام

مع الود

Quote: شئت ام ابيت لا يوجد في السودان من يدافع عن المصريين الا فئة معلومة و هذه الحقيقة لا ينتطح فيها عنزان انا لم اقل له كل الرطانة في الشمال و لكن يفهم من كلامي انه طالما انك تدافع عن هؤلاء اذا فأنت من تلك الفئة شفت كلامي كيف ؟

كنت اعتقد بعد ان اوضحنا لك خطأك انك ستعتذر او على الاقل تستدرك وتعالج الخطأ لكن واضح ان المشكلة عندك ما مجرد خطا انما مرض مستشرى فى عقلك
انت تحتاج لعلاج وهذه نصيحة وليس سب

المشلكه انك مصر على الخطا
والفضيله انك تعتذر
انت ماكاره المصريين براهم
عنصريتك عينه

يا خي عملت لينا إحباط هرولنا للدفاع عن حقك ولكنك صدمتنا بنطاح الشاة القرناء ، حينما أسئت لأهلي النوبيين وزدت الطينة بلة حينما حددت فئة معلومة وكثير من أمثالك يسوقون حديث أن أهلي الحلفاويين يحبون المصريين

وجاهل من ينسي جرحنا التاريخي حينما غرقت مديتنا وهجرنا بسبب مصر وظل كثير من آباءكم وأجدادكم مكتوفي الأيدي دون الدفاع عن أغلى قطعة أرض في الوطن في ذلك الوقت ، اللغة النوبية خط بها أولى الحضارات الإنسانية .

Quote: لكن اجزم بأنك رطاني من الشمال لانو ماف زول بيدافع عن هؤلاء الا ما ذكرت............. شئت ام ابيتلا يوجد في السودان من يدافع عن المصريين الا فئة معلومة و هذه الحقيقة لا ينتطح فيها عنزان

نوبي و افتخرالرطانة ديل عندهم حضارة عمرها سبعة الف سنة وتعتبر اقدم من الفرعونية ومن الزمن داك ما بنعرف غير طعم موية النيل والارض القمنا فيها دي..واحترامنا لكل من يحترمنا بما فيهم المصريين ونحتقر كل من يترفع علينا حتى ولو كان سوداني ..... فااااااا قليل من الإحترام وأدب التخاطب لا يضير

السلام عليكم جميعاً

أنا (سوداني) أولاً وأخيراً

يا أخي خالد المبارك

حسب تجربتي أنا مقيم في الامارات لما يقارب 20 عاماً والله العظيم لم أتعرض لأي مشكلة مع مصري وزاملت الكثيرين منهم وما زال منهم من سافر لمصر يتواصل معنا هاتفياً أو عن طريق النت

بل على العكس وحسب ثقتي وتعاملي مع أهلي السودانيين وما عايز أعمم طبعاً (يشهد الله أن قلة منهم نصبوا علي عديل والله العظيم على ما أقول شهيد ولا أريد أن أزيد وكفى)

وموضوعك ده يا خالد (مش عادي) أكثر من عادي (في السودان) ممكن يحصل معاك وياخدوا قروشك وما تلم في حاجة (فيا أخوي نحن في زمن صعب) وكل جنسية فيها الصالح والطالح

وأقول ليك (الحكومات) هي سبب توتر العلاقات (ببعضهم) لكن (الشعوب - أي الشعب المغلوب على أمره) أغلبهم ما زال بخيره

وأخيراً ممكن يكون (نفس وضعك ده زاتو) تكون انت مثلا مصري وداخل صيدلية (والقاعدين كلهم سودانيين) وحصل الحصل ؟؟؟؟ نفس القاعدين ديل برضه حيفتكروا أنك فعلاً شلت الدواء و...و....

المهم (الخلاصة) وأنا واقف إما أستدعي الشرطة إذا كان هنالك إنصاف للضعيف (أو) أن يعتذر الجميع لي وأتقبل ذلك

يا أستاذ خالد إن كان آخرون يحبون مصر فأنا ليس فقط أحب مصر بل وأنا مصري شحم ولحم واعتز بذلك بنفس درجة إعتزازي بسودانيتي، ولو إنت أو أمثالك عنده عقدة نفسية تجاه مصر والمصريين فأنا بنصحك تراجع دكتور نفساني عشان يساعدك تتخارج من العقدة ديموضوعك غث كما نفسك، وواضح ترددك وعدم أمانتك في طرح الموضوع، فكيف تكتب عن حادثة وتناقش فيها الناس والطرف الاخر غير موجود ولا يستطيع أن يفند صدقك من كذبكربما تكون كاذبا ومفتريا وأتيت بتصرفات توحي بانك حرامي ونصاب

Quote: فتفاجأت بحوالي خمسة الى سبعة من المصريين يجلسون بكل اريحية و يتحدثون فيما بينهم ، هممت بالمغادرة للوهلة الاولى فورا الا انني تمالكت نفسي

انت الغايظك شنو انهم؟ ما يجلسوا باريحية ويتحدثوا فيما بينهم. اتفاجأت ولا خفت لما لقيت عددهم خمسة لسبعة ؟ ليه؟ كنت ناوي على شنو؟ وليه هميت بالمغادرة ؟ الا تكفي تصرفاتك بائع عادي أن يشك في إنك ناوي سوء؟ ناهيك عن صيدلي !! قل لنا هنا بكل شجاعة ما كانت نيتك التي أفسدها عليك وجود سبعة في الصيدلية ونباهة الصيدلي؟