عثمان عووضة

عثمان عووضة


02-22-2016, 06:17 AM


  » http://sudaneseonline.com/cgi-bin/sdb/2bb.cgi?seq=msg&board=490&msg=1456118227&rn=0


Post: #1
Title: عثمان عووضة
Author: معاوية الزبير
Date: 02-22-2016, 06:17 AM

05:17 AM February, 22 2016

سودانيز اون لاين
معاوية الزبير-الدوحة
مكتبتى
رابط مختصر

العبارة الرشيقة
الفكاهة
الحكمة في القول
التواضع

ايه دا يا عم عثمان !!

(عم دي لأنو من كتاباتو وصورتو يشبه أعمامي لمّا كنت في عمر صورتي الـ في البروفايل)

لك المحبة والتقدير يا... عم

Post: #2
Title: Re: عثمان عووضة
Author: muntasir
Date: 02-22-2016, 06:25 AM
Parent: #1

يا أخ معاوية مع انو خوتك ممكن تتدخل النار من شدة ما متواضع بتونس مع ابوحسين قوم لف ونسة الند للند

Post: #3
Title: Re: عثمان عووضة
Author: muntasir
Date: 02-22-2016, 06:27 AM
Parent: #2

جلي قصة خوة النار دي من اللفحي انا قايلك معاوية المدير

Post: #4
Title: Re: عثمان عووضة
Author: عبدالحفيظ ابوسن
Date: 02-22-2016, 06:28 AM
Parent: #1

سائلين عنك ويوماتي رحيل
لموانئ المدن النفطية
كيف حال يا خال
كيف حال ياعم
بتمسي بيوتنا الكاكية
حمدلا بالسلامة
وعملا بحديث الرسول (ص) اذا احبك اخيه فليخبره
والله اني لأحبك

Post: #5
Title: Re: عثمان عووضة
Author: معاوية الزبير
Date: 02-22-2016, 06:49 AM
Parent: #4

وأنا أحب عثمان لله في الله يا اب سن كما أحبك
أما منتصر أب سطراًَ واحد دا فأنساهو (كم هو حبيب يشهد الله، والمستنير)
Quote: جلي قصة خوة النار دي،، من اللفحي انا قايلك معاوية المدير
انت قايلني يا منتصر بعيد من النار
إنها أقرب إليّ من حبل الوريد
حبل الوريد دا قريب من شنو عشان يوصفوا بيهو القُرب؟!

Post: #6
Title: Re: عثمان عووضة
Author: ABUHUSSEIN
Date: 02-22-2016, 07:13 AM
Parent: #5

بتفق معاك في أب سطراً واحد زول ثقيل و دمو تقيل .....

و بختلف معاك في الفاتح ليه بوست دا ....


سلام ود الزبير

Post: #7
Title: Re: عثمان عووضة
Author: يحي قباني
Date: 02-22-2016, 07:21 AM
Parent: #5

اجمل ناس تحت سقف بوست واحد

نرد قبال ما يجو ناس فلان و علان ...

فتحت البوست عشان اشوف الحاصل

اول اعلان على شمالك single Muslim women

عملت ما شايف

جيت محل الرد لقيت دي حاجة راقدة كده و قال ليك date Arab women

نسيت ليك حنان عمك عثمان عووضة

انت بكري بجيب الإعلانات دي من وين ؟

ندعوا انها كلها تكون في ميزان حسناتو

Post: #8
Title: Re: عثمان عووضة
Author: معاوية الزبير
Date: 02-22-2016, 07:26 AM
Parent: #7

أب سطراً واحد دا يا عادل من أظرف الناس في المنبر، بس انت ما فاهمو
اديهو فرصة في حسن النية

الفاتح ليهو بوست دا حبيبك من زمان، زمن الزمن الجميل يا جبان، ما تضلل البرالمه

Post: #9
Title: Re: عثمان عووضة
Author: أبوبكر عباس
Date: 02-22-2016, 07:32 AM
Parent: #8

يا معاوية، يا أخي، أدونا امارة عن عثمان عووضة دا
كنت ماشي أشوفو في قوقل، لكن قلت سمح الكلام في خشم أصحابو

Post: #10
Title: Re: عثمان عووضة
Author: معاوية الزبير
Date: 02-22-2016, 07:38 AM
Parent: #9

امشي يا مستنير فتش عن بنتو تيسير عووضة في الفيسبوك
تلقى صورتو الكسرت صاحباتا
قصرتا معاك؟

Post: #12
Title: Re: عثمان عووضة
Author: جلالدونا
Date: 02-22-2016, 07:42 AM
Parent: #10

يا سلام يا ود الزبير يااخ
ما فلت الا الحق
ود عووضة
انسان مدهش و رايع و لا شك فى ذلك
_______
و زى ما قال ليك ود اب سن بنحبك يا زول

Post: #11
Title: Re: عثمان عووضة
Author: يحي قباني
Date: 02-22-2016, 07:41 AM
Parent: #9

أنا بديك فكرة يا مستنير

عثمان عووضة رجل لطيف جداً و الرأس ملانة

لكن عنده بتو قطيمة و سغيلة اسمها تيسير او أيا كان اسمها

كان وقعت معاها الا تلم عفشك و تمش

عمك عثمان زاتو بتفق معاي في هذا الكلام

Post: #13
Title: Re: عثمان عووضة
Author: حمد عبد الغفار عمر
Date: 02-22-2016, 07:53 AM
Parent: #9

سلام ود الزبير

وتحية لعووضة

عثمان دا بذكرني لاعب الأرجنتين أرديليس في كاس العالم 1978

السهل الممتنع

الغريبة من زمان في المنبر ما سمعنا بيهو إلا قريب دا

Post: #14
Title: Re: عثمان عووضة
Author: معاوية الزبير
Date: 02-22-2016, 08:00 AM
Parent: #13

أنا يا حمد بذكرني رومينيغه، ما عارف ليه!

Post: #15
Title: Re: عثمان عووضة
Author: ABUHUSSEIN
Date: 02-22-2016, 08:02 AM
Parent: #13

يعني يا ود الزبير نحن نهدم و إنت تبني ......

Post: #16
Title: Re: عثمان عووضة
Author: عبدالحفيظ ابوسن
Date: 02-22-2016, 08:19 AM
Parent: #15

عذرا عثمان عووضة
ف انت من الذين تستلفت الانتباه والنظر
ومن الذين مع غيرك تأسسون إلي لغة خطاب وحوار منضبطة ورصينة وعالية

Post: #17
Title: Re: عثمان عووضة
Author: معاوية الزبير
Date: 02-22-2016, 08:27 AM
Parent: #16

بتهدم في منو يا ابو حسين
عووضة ولَ منتصر ؟ قر قر قر
تهدم ما تقدس، على قول الطاهر إبراهيم؟

Post: #18
Title: Re: عثمان عووضة
Author: Salah Zubeir
Date: 02-22-2016, 08:41 AM
Parent: #16

Quote: ومن الذين مع غيرك تأسسون إلي لغة خطاب وحوار منضبطة ورصينة وعالية


أبوسن ,,,,,

قالو ليك عثمان عووضة صاحب أبوحسين ,,,,,,, إنت كدا بتقول كلام ما كويس في حق الناس دي ,,,,,

أبوحسين ,,,, عثمان عووضة ,,,,لغة خطاب ,,,, حوار ,,,, منضبط , رصين , عالية ,,,,,,,, ياخي أمشي شوف الوشوش و التمباك و القعونج البي هناك ,,,,

أبوسن ,,, كنت علي وشك أن تشتمهم

أكتب كتاب المنبر ,,, ود الزبير ,,, كيفنك

المحتفي به ,,, عثمان عووضة ,,, كيفنك و كيف حال القمح ,,, ما وقفتو منو الموية ,,,,

الضيوف ,, سلام

Post: #19
Title: Re: عثمان عووضة
Author: عبدالحفيظ ابوسن
Date: 02-22-2016, 09:06 AM
Parent: #18

والله يا صلاح حكمت وفقا لتداخله معي
اما تلك البوستات فلا ادخلها ابدا

Post: #20
Title: Re: عثمان عووضة
Author: Salah Zubeir
Date: 02-22-2016, 09:52 AM
Parent: #19

أبوسن ,,,,, تاكل باردة ما تضوق حارة إنشاء الله قول آميين

ياخي واللهي حكمك في محلو بس خلينا نعوج البتاع ,,,,, معقولة كلنا نقعد نشكرو عشان نكوجو ,,,,
أها مداخلتي ديك عشان تكون في عين العدو ,,,,,,

سيرفر بكري بقي شغال بالفحم ولا الحكاية ايه ,,,,,

لا عليك يا رجل

Post: #21
Title: Re: عثمان عووضة
Author: جلالدونا
Date: 02-22-2016, 10:46 AM
Parent: #20

Quote: اما تلك البوستات فلا ادخلها ابدا [/QUOTE
هو بوست و فاتحو محسوبك العبد الفقير لله
حقيقة من دواعى الاعزاز تواجد المحتفى به فى ذلك البوست
ذو التمباك و القعونج ...
شكرا صلاح الزبير
شكرا ود اب سن
شكرا ود الزبير
و فتناكم بى عافية

Post: #23
Title: Re: عثمان عووضة
Author: أبوبكر عباس
Date: 02-22-2016, 11:02 AM
Parent: #20

ما لقيت أي حاجة غير صورة لواحدة متأمركة ومتصورة قدام البيت الأبيض.

لكن لقيت عندها مكتبة خطيرة هنا، يا أخي، والله، دي فاتتني، لقيتها ليك مندرعة في كل الناس
يا حليلي الما حضرتا زمنها، كنت إتونست معاها بمزاج
يا أخي، أنا من زمان بحب البنات الشريرات
معقول هو كان بكتب مع بتو الشريرة دي هنا
الزول دا فعلا مختلف ولبرالي وصبور

سعيدين والله يا أستاذ عووضة بهذه المعرفة، وسعيدين أكتر بمعرفة بنتنا تيسير

منتظرين نشوف الصورة الكسرت ناس دينا خالد

Post: #22
Title: Re: عثمان عووضة
Author: عاطف عمر
Date: 02-22-2016, 10:47 AM
Parent: #1

في الدفعة التي خلفنا في الجامعة تم قبول طالبة ... يالطيف ترمي في الشوك ...
قصرت بها درجاتها ولم تلتحق بكلية الهندسة رغبتها الأولى و تم قبولها في كلية العلوم رياضيات ....
تعرفنا على بعض بواسطة صديقات مشتركات
الطالبة كانت مجتهدة جداً وشاطرة جداً
حنينها لكلية الهندسة كان واضحاً
تقابلنا كثيراً في المكتبة المين
تصاحبنا جداً جداً وسط حسد وحقد وغتاتة من أصحابي الشرامة جداً جداً
يكونوا مخاصمني في الداخلية ، بس يلقوني قاعد معاها في الجامعة ينسوا الخصام ويقعدوا إتونسوا معانا زى الماكان حاصل حاجة

ظهرت نتيجتها
وكانت ناجحة بتقدير عال
جئتها حاملاً لها بشرى عظيمة
مفاجأة عمرها
تم إفتتاح قسم للهندسة الكيميائية في كلية الهندسة
أولوية القبول في القسم لطلاب وطالبات كلية العلوم الناجحين في إمتحانات السنة الأولى
قدمت
تم قبولها
وعندما دخلت سوح الهندسة وبجمالها وشخصيتها الجميلة الأخاذة ( تكسر ) فيها ( قنادف ) الهندسة
من سينير لى فاينل لى معيد

إحترمنا أنفسنا وانسحبنا
شعراً ما عندنا ليهو رقبة

واشماتة أصحابي الشرامة
شمتوا شماتة الدنيا والعالمين
لكنهم احترموا ذوقي


أبو حسين
دعنا نتخارج
ونترك أبو تايسا لود الزبير وصحبه
قنادف البورد

عثمان عووضة كما صديقتي العزيزة
أصبح شعراً ما عندنا ليهو رقبة





_________

برضو احترموا ذوقنا
نحن والله عزالين

Post: #24
Title: Re: عثمان عووضة
Author: عاطف عمر
Date: 02-22-2016, 11:58 AM
Parent: #1

sudansudansudansudansudansudansudansudansudansudansudansudansudansudansudansudansudansudan6.jpg Hosting at Sudaneseonline.com



هنا سدرة منتهانا

Post: #25
Title: Re: عثمان عووضة
Author: محمد البشرى الخضر
Date: 02-22-2016, 12:58 PM
Parent: #24

يا عاطف يا هندسة قصتك دي حسب الجارغون البوردي فيها عنصرية من أمها
يعني البت إلاّ تجي هندسة حتة يعرفوا قيمتها, يعني العلوم تعتبر من الأقاليم المهمشة و الأقل نموا و المن حقّها تعمل (حركات) ههههههه

انتو البوست عن عمّك عثمان ولاّ عن أبو التا ؟

Post: #26
Title: Re: عثمان عووضة
Author: ABUHUSSEIN
Date: 02-22-2016, 03:34 PM
Parent: #25

نمشي وين يا عاطف .... ؟؟؟؟
ود الزبير صاحب البوست اخونا و حبيبنا ...
المحتفى به برضو اخونا و حبيبنا ....
يعني الاتنين ما عندهم مشكلة ....
الضيوف ما تشتغل بيهم .... 😂😂😂😂😂

بعدين الصورة دي شكلها بتاعة العرس ....
يعني غصبا عنو يكون وجيه ....
دا اذا ما مأجر البدلة و الكرفته .... 😂😂😂😂😂
بعدين الهيبيز و التفف دي موضة الخمسينيات من القرن الماضي ....
الزول دا ديناصور ...

Post: #27
Title: Re: عثمان عووضة
Author: أحمد الشايقي
Date: 02-22-2016, 03:42 PM
Parent: #26




..... عــم عثمان .... ياخ

Post: #28
Title: Re: عثمان عووضة
Author: يحي قباني
Date: 02-22-2016, 04:21 PM
Parent: #27

يا عاطف

المنبر ده كله عارفك خريج ٨٥ يا حبة

في داعي تقول البنية وراك بي سنة واحده؟

عالم بطالة على قولة مجيدو

بمناسبة الهندسة الكيمائية

زكي ابو الزيق اخباره شنو؟

عمر احمد مختار بنتكلم مرة مرة

زمن ...

Post: #30
Title: Re: عثمان عووضة
Author: عاطف عمر
Date: 02-22-2016, 05:33 PM
Parent: #28

Quote: يا عاطف
المنبر ده كله عارفك خريج ٨٥ يا حبة
في داعي تقول البنية وراك بي سنة واحده؟
عالم بطالة على قولة مجيدو
بمناسبة الهندسة الكيمائية
زكي ابو الزيق اخباره شنو؟
عمر احمد مختار بنتكلم مرة مرة
زمن ...

يا قبة يا حبة
نحنا بقينا ( أرباب معاشات )
خريج ( 84 ) لو سمحت
ما تضيع علينا سنة من الخدمة المعاشية

ثم

تلك الدفعة كنا نسميها ( كلية المعلمات )
معظمها بنات
وكلهن قد أتين من كلية العلوم
نوم قفى

والشئ بالشئ يذكر

هل تذكر قصة ذلك ( المعيد ) في قسم الهندسة الكيميائية الذي كان مكسراً في إحدى الطالبات ؟؟
طالعين نازلين مع بعض
قبل سفره لبعثة تحضير الماجستير والدكتوراة الذي كان موافقاً لنهاية العام الدراسي قال يصارحها ويضع النقط فوق الحروف
صارحها
إعتذرت له بلطف
وأخبرته أنها ( مرتبطة ) بآخر في حياتها
تظاهر بالروح الرياضية وتمنى لها السعادة
رأى أو ( توهم ) رؤية الشماتة في أعين صديقاتها وشلتها
قبل إمتحان مادته بيومين أسر لها بأن يدعوها وصديقاتها ليشرح لهن المادة
ويحل لهن عشرة مسائل لن يخرج الإمتحان منهن
ويعتبرن ذلك بمثابة وداع بينهم
وقد كان

أخلص في شرح المسائل العشر
شدد عليهم ألا يفتحن بعد ذلك كتاب
فالإمتحان هو من ضمن هذه المسائل العشر

في الأمسية السابقة للإمتحان والطلاب يستعدون قراءة للامتحان كانت الشلة تحتفل بوداع المعيد الذي سهل لهم الإمتحان بحصره في المسائل العشر
من تلك الحفلة غادر صاحبنا لمنزله أخذ شنطته وإلى المطار

وفعلاً كان أحلى وداع

في اليوم التالي كان الإمتحان
أحلى الإمتحان
جاء الإمتحان من وادي وتلك المسائل العشر من وادي آخر

رسبت كل الشلة في مادة المعيد
أكبر وأحلى ملحق لكل الشلة

ذكرى وانتقام

وفعلاً

زمن

Post: #29
Title: Re: عثمان عووضة
Author: عاطف عمر
Date: 02-22-2016, 05:07 PM
Parent: #25

Quote: يا عاطف يا هندسة قصتك دي حسب الجارغون البوردي فيها عنصرية من أمها
يعني البت إلاّ تجي هندسة حتة يعرفوا قيمتها, يعني العلوم تعتبر من الأقاليم المهمشة و الأقل نموا و المن حقّها تعمل (حركات) ههههههه

ههههههههههههههههههههههههههههههههههههههههه
عنصرية بس ؟
عنصرية وكوزنة كمان

Post: #31
Title: Re: عثمان عووضة
Author: عثمان عووضة
Date: 02-22-2016, 07:18 PM
Parent: #29

عمنا ساتي حسين الله يرحمه كان راجل لقطةسنة التساب (الفيضان) التقيل داك عنده تلاتة بقراتيازول البحر كسر وعلى العليها المطرة شغالة شغل نضيفالبحر والمطرة زروا ليك البقيرات ومعاهم عمنا ساتي حسينفي نص الزنقة دي رفع ايدينو وعاين للسما وقال بالرطانة:يالله هسي انا ادخل في #### منو؟
.
.تم التعديل بناء ً علی هرشة معتبرة من جهة نافذة رفضت الكشف
عن اسمها

Post: #32
Title: Re: عثمان عووضة
Author: ABUHUSSEIN
Date: 02-22-2016, 07:23 PM
Parent: #31


Post: #33
Title: Re: عثمان عووضة
Author: يحي قباني
Date: 02-22-2016, 07:24 PM
Parent: #32

Quote: في نص الزنقة دي رفع ايدينو وعاين للسما وقال بالرطانة:
يالله هسي انا ادخل في ط--ز منو؟

اهو جاك أبو حسين براهو ... حيكسب فينا الأجر ...

Post: #34
Title: Re: عثمان عووضة
Author: عثمان عووضة
Date: 02-22-2016, 07:37 PM
Parent: #31

معاوية الزبير
Muntasir
حفيظ ود اب سن
ابو حسين
قبة
المستنير ابو بكر
جلال ابن الحلال
حمد عبد الغفار
Salah Zubair
عاطف يا توفة
ابو حتحوت
احمد الشايقي
.
.
هسي انا ادخل وين؟
اقسم بالله العظيم
وحياة لا اله الا الله انا بحبكم
والله العظيم مع كل مداخلة في هذا البوست
كانت العبرة تسد حلقي
..
لا طاقة لي بكل هذه الحميمية
يا سندي ومتكاي وظهري
الله لا يحرمني منكم ومن محبتكم
الله لا يحرمني من محبتي لكم
.
.

Post: #35
Title: Re: عثمان عووضة
Author: ABUHUSSEIN
Date: 02-22-2016, 08:26 PM
Parent: #34

Quote: اهو جاك أبو حسين براهو ... حيكسب فينا الأجر ...

يا خال ابو حسين عارف الزول ما عليهو تكل .....😂😂😂
في اقرب ملف ممكن عادي يضيعك ....

Post: #36
Title: Re: عثمان عووضة
Author: ABUHUSSEIN
Date: 02-22-2016, 09:00 PM
Parent: #35

Quote: أب سطراً واحد دا يا عادل من أظرف الناس في المنبر، بس انت ما فاهمو
اديهو فرصة في حسن النية

الفاتح ليهو بوست دا حبيبك من زمان، زمن الزمن الجميل يا جبان، ما تضلل البرالمه

يا ود الزبير أب سطراً واحد من ثقالتو بقوا الجماعة يمسحوا ليه مداخلاتو ...
غايتو ظرافة في المنبر دا ما شايفها ليهو ....
الفاتح ليه بوست ما خذلني ...

Post: #37
Title: Re: عثمان عووضة
Author: عاطف عمر
Date: 02-23-2016, 01:00 PM
Parent: #1

يا أخوانا معاوية القندف دا ساب البوست وطفش وين ؟؟

يكون زعل عشان قلنا عليهو قندف ؟؟

المرة الوحيدة القالوها لى فركشت قصة حب


حبيبنا إسماعيل كان يتقدمني في الدراسة بسنة ...
تخرج في الجامعة وأنا في السنة النهائية ....
إرتبط عاطفياً بإحدي حسان رفاعة ....
كان حريصاً ( جداً ) على أن يعرفني أكثر بها ....
كنت أعرفها من بعد ..
وهى كذلك .....
حضرت من الخرطوم ذات خميس وجمعة لذاك اللقاء ، لكن لظروف خاصة بي لم أتمكن من لقائهم وسافرت راجعاً للخرطوم على أمل فرصة أخرى ......
وفي الخاطر " يعني ح نروح من بعض فين ؟؟ " ....
حضرت من الخرطوم بعد نحو شهر....
وأيضاً ولظرف خاص بي لم أتمكن من لقائهم .....
حبيبنا سمعة كان متفهماً للظروف .....
رجعت ....
بذات الخاطر .....
تكرر ذات السناريو في المرة الثالثة ....
جاءني سمعة الساعة الثانية عشر مساء الجمعة وهو يعرف أنني راجع الخرطوم صباح السبت .....
رأيته في حالة غضب لم أعهدها فيه أبداً ......
فاجأني .....
" فركشت علاقتي معاها...... " ......
قلت له مذعوراً
ليه إن شاء الله بسيطة،... هي الفركشة عندكم ساااهلة كدا ؟؟ .....
رد على .....
ياخ إتخيل عشان إنت وللمرة التالتة ماقدرت تجينا قالت ماعاوزة تشوفك تاني كلو .. كلو .. وأضافت أنك من زماااان قندف طغيان ومغرور .......
وبضحكة قلت له ياخ أنا حقي مسامح فيهو وهى عندها حق تفكر كدا.......
لم يدعني أكمل ورمى بقنبلته

" حق شنو وبطيخ شنو ......
أنا فركشت علاقتي بيها عشان هى ما عندها Judgement مظبوط ....
قندف و طغيان ومغرور دي بيقولوها لى زول قيافة .. زول مروق ... زول عربيتو آخر موديل ..... لمن إنت الكحيان المفلس الشين دا تقول عليك قندف طغيان ومغرور أنا أطير بيها وين ............. ؟؟



_________

أغلب الظن سمعة كان محيل ساااااى
ولقى ليهو سبب

Post: #38
Title: Re: عثمان عووضة
Author: معاوية المدير
Date: 02-23-2016, 01:10 PM
Parent: #37

Quote: جلي قصة خوة النار دي من اللفحي انا قايلك معاوية المدير


أها اللفحي هسّع قررررب يبقيك جار ابو لهب .

تخيل بوست يفتحو معاوية الزبير عن عثمان عوضة
ويكتب فيه مدآخلة منتصر .
هسّع الوآحد يكتب شنو ؟...

Post: #39
Title: Re: عثمان عووضة
Author: saidahmed shami
Date: 02-23-2016, 01:38 PM
Parent: #38

Quote: عثمان عووضة



فرحة رجوعك بس كفى



Post: #40
Title: Re: عثمان عووضة
Author: Salah Zubeir
Date: 02-23-2016, 01:51 PM
Parent: #39

Quote: وقال بالرطانة:يالله هسي انا ادخل في #### منو؟
.
.تم التعديل بناء ً علی هرشة معتبرة من جهة نافذة رفضت الكشف
عن اسمها

(عدل بواسطة عثمان عووضة


أبوحسين في طريقة تنزلينا أسد لونو أصفر مهنضب و رافع يدينو لي فوق ,,,,, ههههههه

يا عثمان , أشهد بأنك جعلي أما" عن أبو زي كدي ,,,,,,

Post: #41
Title: Re: عثمان عووضة
Author: أحمد الشايقي
Date: 02-23-2016, 02:14 PM
Parent: #40



شفت كيف

عمك عثمان كتبني آخر واحد في اللستة

تعرف قال لنفسه كدا كدي اخلص من الاشقياء ديل بعدين أتكل ليك مع الولد دا

شكله ما هين ولد مسلط

واحنا بنحبك يا عمك يا زميل


أحمد الشايقي

Post: #43
Title: Re: عثمان عووضة
Author: عثمان عووضة
Date: 02-23-2016, 04:32 PM
Parent: #41

احمد الشايقي بطل اللخبتة ياخي
انا اللستة نقلتها بناء ً علی ترتیب المداخلات
السبب التاني انك حلو
والحلو بيخلوه اخر حاجة
صاح ولا ما غلت؟

Post: #42
Title: Re: عثمان عووضة
Author: عثمان عووضة
Date: 02-23-2016, 04:26 PM
Parent: #39

يا ابو السيد الله يفرحك دنيا و اخرة ياخي

Post: #44
Title: Re: عثمان عووضة
Author: عثمان عووضة
Date: 02-23-2016, 06:21 PM
Parent: #37

عاطف يا عطوف
انت اتاريك كنت ملخبت الدنيا في الجامعة بعد مرقنا منها
عليك الله خلطة في الميدان الشرقي ولا كنبات شارع النيل
بتاعة الاسمنت ديك ما اخير من بيرين بترول من حقول adma op co

Post: #45
Title: Re: عثمان عووضة
Author: hassan bashir
Date: 02-23-2016, 06:35 PM
Parent: #44

الأخ والصديق والزميل عثمان عووضة.تحياتي أيضاً للأخ العزيز معاوية الزبير الذي التقيته في الشارقة عندما كان اسمه يدخل كل بيت يومياً ولم تتح لي الأيام معرفته عن قرب

Post: #46
Title: Re: عثمان عووضة
Author: ABUHUSSEIN
Date: 02-23-2016, 06:36 PM
Parent: #44

غايتو العجايز لم يلقو جوهم بطلعوا بلاوي الشباب كلها ...😂😂😂
عاطف بدون سبب يجي واقع ليك بردلب ...
يفت ليك كل شي ...
الله يستر من الجايي ... 😂😂😂😂😂
و الدنقلاوي الغتيت يدردق فيهو .....

الله يدينا خيركم ....
الحمد لله طلعنا ملايكة عديل و اطمئنينا على براءة شبابنا .....

Post: #47
Title: Re: عثمان عووضة
Author: معاوية الزبير
Date: 02-26-2016, 11:56 AM
Parent: #46

والله يا جماعة ما قصرتوا تب
قلتوا كل الداير أقولو إلا قليلا فدائما يبقى في النفس شئ من حتى
والحقيقة أنا أتابع منذ وقت طويل كتابات عثمان الشحيحة
ولما فاض بي الجمال لم تسعفني سوى شوية الكلمات الكتبتها في بداية البوست
ثم شاءت الظروف أن أبتعد عن المنبر لبضعة أيام
فأعتذر له ولكم عن الغياب عن البوست
عزائي أن سيرة عثمان جابت كتابات فارهة سأواصل قراءتها وأعود
حين ميسرة كما يقول الصديق العزيز جدا اب سن

كما لا يفوتني أن أشكر العديق عادل أبو حسين لسواقته البوست أثناء الغياب
و دي من ميزات هذا الرجل (المتابعة المستدامة للمنبر)
حتى أنني هممت بأن أسبغ عليه مقولة أخونا كبر (بيت الأشباح أبو حسين)
مع المودة للعزيز دينق

Post: #48
Title: Re: عثمان عووضة
Author: عمر دهب
Date: 02-26-2016, 12:21 PM
Parent: #47

سلام معاويه
كابى غيبه طويله
لغاية ماصباحبك ابوبكر شاف مدير اعمال غيرك
غايتو صاحبك ماعندو عشرة

Post: #49
Title: Re: عثمان عووضة
Author: عثمان عووضة
Date: 02-26-2016, 04:28 PM
Parent: #47

معاوية يا حبيب
غايتو بي بوستيك دا كسرت ضهري
يا خي والله انا ما قدر دا
دا ذوق وكرم منك
وتسلم يا امير

Post: #50
Title: Re: عثمان عووضة
Author: أحمد الشايقي
Date: 02-27-2016, 07:10 PM
Parent: #49



صاح يا عمو عثمان صاح اكيد

معقول غلت من وين يجي الغلت ؟

بس والله كلامي دا عربون صداقة وحجز مسبق لجلسة صفا

يديك العافية

Post: #51
Title: Re: عثمان عووضة
Author: ABUHUSSEIN
Date: 02-28-2016, 05:53 AM
Parent: #50

Quote: صلاح جادات · جامعة طنطا
تلميع الغواصات