للقنيص الخيل خفّ راسِن نحن ما بنخاف من مِراسِن المكارِم غرقنا ساسِن و المجاهل مين غيرنا ساسٍن وان عطشنا نمز مٌر و آسن و ان عشقنا بنعشق محاسن في المحاسن كفى يومنا راح ...
من درر مكتبة الأغنية السودانية .. التحية للصديق العزيز بابكر
الأغنية مهداة لبكري أبو بكر و الذي قام بحذف بوست الاستيكة !!
Post: #2 Title: Re: في الضواحي .. مصطفى سيد أحمد .. تسجيل عجيب .. Author: أيمن نواى على Date: 02-14-2016, 11:34 PM Parent: #1
قبانى الغنية دى لها رواد كثر.....نفس اللحن مع كلمات اخرى....هذه الغنية تورية لاغنية اخرى....البرد بتاع كندا بيجيب حاجات غريبة.
Post: #3 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-14-2016, 11:45 PM Parent: #2
Quote: قبانى الغنية دى لها رواد كثر.....نفس اللحن مع كلمات اخرى....هذه الغنية تورية لاغنية اخرى....البرد بتاع كندا بيجيب حاجات غريبة.
سلامات ايمن ...
يومين من البرد العجيب ... امس ناقص 26 و مع الهوا ناقص 39 و اليوم ناقص 22 و مع الهوا ناقص 35
ربك يستر بس ... ____________________________________________ فعلاً الغنية عندها مجاراة و معارضة في أغنيات عديدة ...
في الضواحي هي الأصل ... للخليل و غناها سرور ثم تنازل منها لإبراهيم عبد الجليل
تلتها من محاسن حسنه المحاسن لعبيد عبد الرحمن .. ( معارضة )
و بعدها شوف محاسن حسن الطبيعة للعبادي ( مجاراة )
ثم جاء عتيق بفي الضواحي وطرف القضارف ( مجاراة )
ثم العشوق في التغزل بين المسارح ( اتفاق مع المجاراة و المعارضة )
Post: #4 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-14-2016, 11:50 PM Parent: #3
شوف يا أيمن مكاواة و معارضة عمك عبيد للخليل الكان بصف في جمال الغزلان :
مالي والغــزلان فى تــِلالن
ايه ينيل قنـاص غير عَـلالن
كيف أطيــق وأتحمل ملالن
بعشق الغانيات فى ظلالن
بعشق التايهات فى دلالن
بعشق الهــيباتن جــلالن
Post: #6 Title: Re: في الضواحي .. مصطفى سيد أحمد .. تسجيل عجيب .. Author: Basamat Alsheikh Date: 02-15-2016, 00:08 AM Parent: #4
معقولة ناقص ٣٥ ...وعايشين كيف ... اليوم عندنا في نيويورك ناقص ٢ والعمدة اصدرةنداء لسكان نيويورك ما يطلعوا من البيوت عشان في dangerous cold ..يعني اذا البرودة وصلت ناقص ٣٥ حيعلن حالة الطوارئ في المدينة.. ..وبعد سمعنا في الضواحي وطرف المدائن..البرد راح....اغنية في غاية الجمال.. ودمت بالف خير وصحة وعافية...وبي سيف اند دونت قو اوتسايد be safe and do not go outside in this dangerous cold انتو ما عندكم عمدة بيشفق عليكم ويناشدكم بان تبقوا داخل المنازل ويقفل المدارس ويعطل الاشغال....زي عمدة نيويورك الاشتراكي..
Post: #8 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-15-2016, 00:22 AM Parent: #6
لو رجينا الجو لا حنتشتغل لا وليداتنا حيقروا ...
انتو سنة ناعمة يا بتنا ...
اول امس كانت -26 و مع ال wind chill factor كانت ناقص 39
Post: #5 Title: Re: في الضواحي .. مصطفى سيد أحمد .. تسجيل عجيب .. Author: أيمن نواى على Date: 02-15-2016, 00:04 AM Parent: #3
شكرا يا قبانى للمعلومات . اتذكر صاحبنا عوض على الملقب بى ود الحاجة.....من اولاد الصحافة.....عازف الايقاع للفنان مصطفى سيد احمد.....كانت بروفات مصطفى سيد احمد تتم فى بيت ود الحاجة......اخر مرة اقابلو فيها وصانى .......انهم نسو شرائط تسجيلات لمصطفى سيد احمد فى حافلة ......وطلب منى البحث عنه واستلام الشرائط لانه مسافر السعودية....على ما اعتقد كانت اخر حفلة لمصطفى سيد احمد.....الحافلة مكتوب عليها رؤى......لم اجد صاحب الحافلة......ياترى هل وجد عوض على الشرائط....ام احتفظ بها سائق الحافلة لا ادرى.
Post: #7 Title: Re: في الضواحي .. مصطفى سيد أحمد .. تسجيل عجيب .. Author: أيمن نواى على Date: 02-15-2016, 00:19 AM Parent: #5
مبدعين ناس امدرمان يا قبانى. وين بت المسالمة الجميلة. الغنو ليها لى فى المسالمة غزال.
Post: #9 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-15-2016, 05:47 AM Parent: #7
Quote: مبدعين ناس امدرمان يا قبانى.وين بت المسالمة الجميلة.الغنو ليها لى فى المسالمة غزال.
شفت كيف أولاد ام در يا ايمن ...لكن البقنع المستــديك ... منو ؟
Post: #10 Title: Re: في الضواحي .. مصطفى سيد أحمد .. تسجيل عجيب .. Author: Gaafar Ismail Date: 02-15-2016, 07:05 AM Parent: #9
الحبيب يحي قباني مليون نور عليك وشكر عميق على إهدائنا هذا الطرب الجميل
تحياتي ووافر احترامي
Post: #11 Title: Re: في الضواحي .. مصطفى سيد أحمد .. تسجيل عجيب .. Author: علي عبدالوهاب عثمان Date: 02-15-2016, 07:23 AM Parent: #10
Quote: تلتها من محاسن حسنه المحاسن لعبيد عبد الرحمن .. ( معارضة )
و بعدها شوف محاسن حسن الطبيعة للعبادي ( مجاراة )
ثم جاء عتيق بفي الضواحي وطرف القضارف ( مجاراة )
ثم العشوق في التغزل بين المسارح ( اتفاق مع المجاراة و المعارضة )
حبيبنا الاستاذ قباني شكراً على هذه المعلومة .. هؤلاء كانوا على درجة عالية من الموهبة والابداع .. ننتظر بوستاتك عن أمدرمان لأن فيها اثراء .. مودتي ..
Post: #22 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-15-2016, 09:29 PM Parent: #11
Quote: حبيبنا الاستاذ قباني شكراً على هذه المعلومة .. هؤلاء كانوا على درجة عالية من الموهبة والابداع .. ننتظر بوستاتك عن أمدرمان لأن فيها اثراء .. مودتي ..
استاذنا الزول السمح علي عبد الوهاب ...
كنت أقول لأصحابي زمان اني اتمنيت أكون مولود سنة 1904...
الحق على ناس ود الرضي و العبادي و ازامل ناس عمر البنا و ابوصلاح و عبد الرحمن الريح ...
و اموت معاهم وكت ما ماتوا ... بدل اعيش و اشوف الحاصل ده ...
ياخ الله يقدرنا على الكتابة ... روقة البال ما في ...
Post: #12 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-15-2016, 12:28 PM Parent: #10
Quote: الحبيب يحي قباني مليون نور عليك وشكر عميق على إهدائنا هذا الطرب الجميل
تحياتي ووافر احترامي
تسلم يا جعفر يا أمير ...
طرب مالوش حل على قولة احمد فؤاد نجم ...
مشتاقين يا رجل ... :)
Post: #13 Title: Re: في الضواحي .. مصطفى سيد أحمد .. تسجيل عجيب .. Author: أيمن نواى على Date: 02-15-2016, 12:35 PM Parent: #12
فى انتظارك قبانى فى الضواحى وطرف المدائن يلا نشرب شاى الصباح.
واصل يا قبانى الدرر
Post: #14 Title: Re: في الضواحي .. مصطفى سيد أحمد .. تسجيل عجيب .. Author: محمد أبوالعزائم أبوالريش Date: 02-15-2016, 12:45 PM Parent: #10
Quote: تسجيل عجيب
يا قبة دي آخر حفلة لمصطفى سيد أحمد وكانت في الدوحة (أخوك كان حضور)
و
ده دلال أييييييه ده دلال معجّن محن اللمات (الأمات)
Post: #15 Title: Re: في الضواحي .. مصطفى سيد أحمد .. تسجيل عجيب .. Author: ANWAR SAYED IBRAHIM Date: 02-15-2016, 12:59 PM Parent: #14
المحترم قبانى
تعظيم سلام .....
تحياتى الطيبات ...........
Post: #16 Title: Re: في الضواحي .. مصطفى سيد أحمد .. تسجيل عجيب .. Author: أيمن نواى على Date: 02-15-2016, 01:48 PM Parent: #15
الغنية دى بالذات....كاسرة فينا ضلعه فى الذكريات.....شلة الركن الحزين....دندنة اغنيات الحقيبة بالعود.....الركن الحزين عبارة عن قروبات......قروب المشوكشين والخطابات الغرامية والنصائح.....وقروب الكورة هلال مريخ......وقروب السياسة....وقروب جدل العلمانية والدين.......ومجموعة الفن والطرب والحفلات فى الحلة....وكل يحدث على دندنة العود.....لكن عندما تاتى اغنية فى الضواحى وطرف المدائن يتسسلل الافراد من القروبات للانضمام للكورال ...الاغنية الجماعية....وبعدها العشاء بوش كارب....وينفض السمر الى حين اللقاء فى امسية اليوم القادم.
Post: #17 Title: Re: في الضواحي .. مصطفى سيد أحمد .. تسجيل عجيب .. Author: Mohamed Yassin Khalifa Date: 02-15-2016, 05:06 PM Parent: #16
العزيز القباني يا فنان... ونعم الرد البليغ لبكري!
وبالجد تبقى نونية الخليل إليازة للحب الضاحي وواحي.. حب الفطرة والجمال التصويري... هي ملحمة للفشخرة والفراسة والفروسية... هي غزل للحياة والطبيعة وإبداع في وصف المحبوب!
تغنو بها كثر بدءً من إبراهيم عبدالجليل وسجلتها فضيل الله، إلى أن أبدع في غنائها الشفيع. وأحببتها عند الخالدي وتميزت بها نانسي والفارس الفرجوني... وغناها لنا المصطفي أبو السيد!
الكل قدمها بطريقته... والكل نجح في تطويع كلماتها وإيصالها للسامع عبر القلب والوجدان!
هي محتاجة منا لشرح مفرداتها السودانية البحتة... كما وهي محتاجة لشرح أسباب نظمها وعوامل خلودها!
وياريت نلقى الزمن لده كلو،،،،
هي بلا شك أجمل الأغاني السودانية!
Post: #18 Title: Re: في الضواحي .. مصطفى سيد أحمد .. تسجيل عجيب .. Author: Yasir Elsharif Date: 02-15-2016, 06:33 PM Parent: #17
فتح الله عليك يا يحيى والسلام والرحمة يغشن مصطفى
Post: #19 Title: Re: في الضواحي .. مصطفى سيد أحمد .. تسجيل عجيب .. Author: rani Date: 02-15-2016, 07:08 PM Parent: #18
يا سلام..
Post: #20 Title: Re: في الضواحي .. مصطفى سيد أحمد .. تسجيل عجيب .. Author: مني عمسيب Date: 02-15-2016, 07:24 PM Parent: #19
ايوووووووي يووووووي يوووووووووي ..
ابشروا يا شباب ..
والشبال للجميع ..
سلام يا الاصلي .. وجابني الشبال ليك .
Post: #21 Title: Re: في الضواحي .. مصطفى سيد أحمد .. تسجيل عجيب .. Author: معاوية الزبير Date: 02-15-2016, 07:48 PM Parent: #20
سلام يا يحيى بوست يحتاج لكتابة كتيره منها الاقتباس التحت دا لأني ما متابع اليومين دي
Quote: الأغنية مهداة لبكري أبو بكر و الذي قام بحذف بوست الاستيكة !!
ومنها تانيا ما جاء في ردك على العزيز أيمن نواي
Quote: الغنية دى لها رواد كثر.....نفس اللحن مع كلمات اخرى....هذه الغنية تورية لاغنية اخرى
زايداً حكاية نواي العجيبة عن ضياع الشرايط في حافلة (دا بوست براهو) والتحية لبقية المتداخلين من الشباب والشابات
لكن مداخلتي هي: من أين أتى هذا الشاعر النوبي بهذه الكلمات - الألفاظ الموغلة في عامية الوسط؟ خاصة ويقال إنه قد تعلم اللغة العربية كبيراً! ---------- قُبّال يومين كنت قاعد مع جماعه أصحابي، شبكتهم ليك بي أغنية (يا الغرامك لي جسمي ناحل) قلت ليهم دي أحسن غنيه سودانية بعد (في الضواحي) ووعدتهم أكتب بوست لي ود قباني يفتينا في تاريخ الأغنية دي (يال غرامااك) عمك عوض الجاك أبدع فيها، لكن نحن جيل خوجلي عثمان
شكرا ياخ، ولك ما زغردت به بت (عمثيب)
Post: #35 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-17-2016, 02:36 PM Parent: #19
Quote: يا سلام..
تسلم يا راني ...
Post: #27 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-16-2016, 01:40 PM Parent: #18
Quote: فتح الله عليك يا يحيى والسلام والرحمة يغشن مصطفى
سلام ياسر ...
و سلام على مصطفى الباقي و لن يموت ...
Post: #26 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-16-2016, 05:52 AM Parent: #17
Quote: العزيز القباني يا فنان... ونعم الرد البليغ لبكري!
محمد يس يا صديقي ...
لا ادري هل فقد البوصلة اخينا بكري ام ماذا ... ام ازعجته ( تلفونات ) الاخوان ...
ولا اعلم حتى تاريخه لماذا تم حذفه ... و لم يصلني منه او من غيره توضيح ...
فكرت في مراسلته و لكن فضلت ( الطناش ) خاصة و انا قد كتبت في نفس البوست ان ( يلحقو اخوانو ) بعد ما افهم كمية المسح و الكشح الحدثت كان سببها شنو ...
Quote: وبالجد تبقى نونية الخليل إليازة للحب الضاحي وواحي.. حب الفطرة والجمال التصويري... هي ملحمة للفشخرة والفراسة والفروسية... هي غزل للحياة والطبيعة وإبداع في وصف المحبوب!
تغنو بها كثر بدءً من إبراهيم عبدالجليل وسجلتها فضيل الله، إلى أن أبدع في غنائها الشفيع. وأحببتها عند الخالدي وتميزت بها نانسي والفارس الفرجوني... وغناها لنا المصطفي أبو السيد!
الكل قدمها بطريقته... والكل نجح في تطويع كلماتها وإيصالها للسامع عبر القلب والوجدان!
هي محتاجة منا لشرح مفرداتها السودانية البحتة... كما وهي محتاجة لشرح أسباب نظمها وعوامل خلودها!
وياريت نلقى الزمن لده كلو،،،،
هي بلا شك أجمل الأغاني السودانية!
اما الضواحي و الخليل ...
فسأعود حتماً بمشيئة الله خاصة و ان مداخلة الحبيب معاوية الزبير استفزتني و هيجت في داخلي محفزات الكتابة ...
Post: #25 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-16-2016, 05:43 AM Parent: #15
Quote: المحترم قبانى
تعظيم سلام .....
تحياتى الطيبات
احترامي يا جميل ...
Post: #23 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-15-2016, 09:53 PM Parent: #14
Quote: يا قبة دي آخر حفلة لمصطفى سيد أحمد وكانت في الدوحة (أخوك كان حضور)
و
ده دلال أييييييه ده دلال معجّن محن اللمات (الأمات)
سلام يا صاحب ...
اليك ما نقله صديقي بابكر الصادق عن منعم الفكي : ____________________ نشر وكتب منعم الفكي
الضواحي
مرة أخرى إليكم أصدقائي إلحاقاً .. أكرر ما قلته سابقاً والآن أغنية في الضواحي أداء الفنان الإنسان الراحل المقيم مصطفى سيد أحمد .. لقد تم تسجيل حفل الدوحة 1995 على أشرطة كاسيت ماستر وتم توزيعها في الحفل الأخير على الجهور عند بوابة صالة الحفل .. وانتشرت هذه الأشرطة في ذلك الوقت وهنالك من يحتفظ بها حتى الأن ومنهم من ضيعها .. ولكن للأسف الشديد قامت شركة للإنتاج الفني فبما بعد بإعادة تسجيل هذه الشرائط على شرائط جديدة ماستر بإسمها ولكن إضافوا على الشريط الأصلي للحفل صوت أورغ إضافي خارجي في الإستديو مما غير شكل الحفل الرئيسي وأصبح صوت الأورغ طاغي على صوت موسيقى الحفل الرئيسي .. وفي اعتقادي أن ذلك لم يكن من الأمانة في شئ .. حيث كان من الواجب أن يوزع هذا الشريط كما هو بإعتباره تسجيل حفل وليس أستوديو .. وللأمانة كما ذكرت في كتابي عن مصطفى أن هذا التسجيل للحفل كان مصطفى في آخر أيامه قبل وفاته بأقل من أسبوع يتفاوض مع الأخ حيدر فورسكو صاحب محلات فورسكوفون للإنتاج الفني لإنتاجه وتوزيعه كما هو .. وأذكر جيدا حين قال لحيدر ( الشريط ده لما ينزل السوق حا إكون فيهو حصة بتاعت إيقاعات ) ولكن بعد هذا الكلام بيومين أو ثلاثة رحل عن دنيانا الفانية مصطفانا ولم يجد الأخ حيدر فورسكو من يتفاوض معه لإكمال الإتفاق .. تلك هي مشيئة الله .. وأنا الآن أنزل لكم أغنية في الضواحي كما إشتغلناها في الحفل بالتسجيل الرسمي بدون إي إضافات أو رتوش ولكم أن تلاحظوا الفرق بين شريط شركة الإنتاج وهذا التسجيل .. حتى يتم هذا التوثيق بصورته السليمة .. ولي عودة في الباقي .. أرجو أن تنال القبول والإستحسان ..
Post: #24 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-16-2016, 05:26 AM Parent: #23
Quote: بدر الدين الأمير · GM في Oxynet
قبانى لك التحية وللحبان المروا من هنا تصويب للصديق ابو الريش دى مش الحفل الاخيرة دى القبل الاخير عيدالااضحى 1995م شيراتون الدوحة الاخير كانت في 195/12/31م بفندق الواحة وكان قد بداها بعازة وختمها ايضا بعازة
تحياتي اخ بدرالدين ... كما اسلفت في الرد السابق ... اعتقد كلامك متسق تماما مع ما كتبه عبد المنعم الفكي ...
Post: #28 Title: Re: في الضواحي .. مصطفى سيد أحمد .. تسجيل عجيب .. Author: محمد أبوالعزائم أبوالريش Date: 02-16-2016, 01:52 PM Parent: #24
Quote: تصويب للصديق ابو الريش دى مش الحفل الاخيرة دى القبل الاخير عيدالااضحى 1995م شيراتون الدوحة الاخير كانت في 195/12/31م بفندق الواحة وكان قد بداها بعازة وختمها ايضا بعازة
صحيح 100% .. وكمان كلام الأخ عبدالمنعم .... بعد الحفل وإحنا خارجين، كانت منتظرانا نسخ حفل عيد الأضحى.
أييييه .. زمن
له الرحمة
Post: #29 Title: Re: في الضواحي .. مصطفى سيد أحمد .. تسجيل عجيب .. Author: علي عبدالوهاب عثمان Date: 02-16-2016, 02:11 PM Parent: #24
حبيبنا قباني .. في هذه الاغنية خليل تصرف كأنه جزء من تلك الطبيعة أو كأنه ضاق ذرعاً من زحمة المدينة وضجيجها فأراد أن يخرج إلى فضاء لا يحده البصر .. ولأن خليل من بيئة الجزر ( جزيرة صاي ) بالاضافة على أنه عشق الصحراء وليالها .. لأن والده كان صاحب تجارة فكانت رحلاته من سكوت وحلفا إلى دنقلا تتم بالقوافل عبر الصحراء حيث أهلنا ( القراريش والكبابيش ) كانوا هم قادة القوافل عبر الصحراء غرب النيل بمحاذاة ( درب الاربعين ) حيث الملاحة في النيل كانت غير متاحة بين حلفا ودنقلا نظراً لوجود شلال كجبار في ذلك الزمان وقبل ان يدمره المصريين .. فحب الفضاء والصحراء والليل والنجوم في أعماق الخليل .. وما إجادته للعربية إلا معاشرة هؤلاء القوم في رحلاتهم بالقوافل وتعمق في حدائهم (الدوبيت) .. لذا تجد خليل يذوب شوقاً إلى الطبيعة وعندما مرض وسافر إلى القاهرة قال ضمن قصيدته تلك : ( عيني ما تشوق إلا شوق شاهق ) . ومن شدة عشقه للطبيعة تجده دائما ما يقحم في شعره ( تور قرنه ما كن ) و في قصيدة أخرى ( تحته الدابي كور ) ولكن الصورة الرائعة والتي تدل على أن خليل كان يتعامل مع الطبيعة كأنه ذرة منها أو حجر وشجر .. حواره مع كلبه ( جمجوم ) : كلبي يا جمجوم أصله خاين شوف كيف يبرى الملاين فالمودة بينه وبين هذا الحيوان وصل إلى درجة الرفيق أو المحب الذي تمازحه وتطلق عليه ( صفات ذم بغرض للمدح ) وكأن مفردات المدح قد نضبت .. فمن منا لم ينادي على زميله أو إبنه ( تعال هنا يا مجرم .. ) كنوع من المداعبة والمزح .. فهذا المزح لا يتبادله الانسان إلا مع عزيز يأمن جانبه ويحبه .. فربما هذا الكلب في أزقة الخرطوم أو أمدرمان لا يكون له تلك المكانة التي تبوأها لدى خليل في ( الضواحي ) .. ففي الطبيعة يرتقى الانسان ويسمو ..
قباني الحبيب آسف للاطالة .. ولك التحية ..
Post: #31 Title: Re: في الضواحي .. مصطفى سيد أحمد .. تسجيل عجيب .. Author: أحمد الشايقي Date: 02-16-2016, 02:23 PM Parent: #29
Quote: لا غشـن لا شافن مساكن
في الخزام والشيخ والبرام
شكرا أخ يحي
دائما تأتي بالكنوز
شوف الكلام دا كيف .. وزي دا يتلقي وين
تحياتي
أحمد الشايقي
Post: #37 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-20-2016, 01:32 AM Parent: #31
Quote: شكرا أخ يحي
دائما تأتي بالكنوز
شوف الكلام دا كيف .. وزي دا يتلقي وين
تحياتي
أحمد الشايقي
احمد يا صديقي ... مشتاقين كتير ...
كلام عجيب و أداء اعجب من مصطفى ...
Post: #34 Title: Re: في الضواحي .. مصطفى سيد أحمد .. تسجيل عجيب .. Author: يحي قباني Date: 02-16-2016, 07:22 PM Parent: #29
Quote: لأن والده كان صاحب تجارة فكانت رحلاته من سكوت وحلفا إلى دنقلا تتم بالقوافل عبر الصحراء حيث أهلنا ( القراريش والكبابيش ) كانوا هم قادة القوافل عبر الصحراء غرب النيل بمحاذاة ( درب الاربعين ) حيث الملاحة في النيل كانت غير متاحة بين حلفا ودنقلا نظراً لوجود شلال كجبار في ذلك الزمان وقبل ان يدمره المصريين .. فحب الفضاء والصحراء والليل والنجوم في أعماق الخليل
حبيبنا و استاذنا علي ...أولا الاطالة في الجمال تزيده جمالاً ... فكتب ما شئت يا جميل ..المحنة تكمن في كون الخليل لما كان يصاحب والده في رحلات التجارة كان صغيرا جداً في السن ...و لابد انها حالة نباهة نادرة التي ركزت كل ما صوره وهو طفل ... ثم اخرجها شعراً حينما شب و يفع ...خليل فرح قال :يا صايد الأنام المولى عاطيناطبيعة غنية في بواطيناما أخصب جزايرنا و شواطيناو خيرات الجزيرة الدافقة من طيناو هي حسب ما كتبه البروف على المك ... في رواية المرحوم الطريفي الزبير باشا لفرح خليل فرح ان الخليل كتبها حين ازمع البرنس اوف ويلز زيارة السودان في رحلة صيد. و لعل فيها بعض ترحيب يسير ( سافر يا أمير و انزل أراضينا )و لكنه لا يخاف الأمير و لا يمهله فيهنأ بهذا الترحيب فقال :ما تهمك مدارسنا و نواديناأهلك اهملوا تأسيسه عامديناساد الجهل و سادت بُه عواديناو عم الفقر مدايّنا و بوادينا___________________نواصل مع حكيك الجميل استاذنا علي ...
Post: #30 Title: Re: في الضواحي .. مصطفى سيد أحمد .. تسجيل عجيب .. Author: جمال الباقر Date: 02-16-2016, 02:22 PM Parent: #24
شكرا قباني وانت تتحفنا بهذه الرائعة من داخل مكتبتك باليوتيوب
Post: #32 Title: Re: في الضواحي .. مصطفى سيد أحمد .. تسجيل عجيب .. Author: أيمن نواى على Date: 02-16-2016, 03:20 PM Parent: #30
يا قبانى قلبت يومنا راسا على عقب....بعد كان الواحد متبلد الاحاسيس والشعور بفعل البرد القارص....الواحد اتعود على ان يكون ترس صغير داخل الماكينة الضخمة فى بلاد العم سام......ياخى انت تجى تولع لينا الزناد فى السجادة. الشرائط الراحت فى حافلة الفنانين ديك اخر حفلة لمصطفى سيد احمد فى السودان......مفروض كانت اخر حلفة له فى فندق السودان.....حفل خيرى لكن اعتزر بى سبب الضرائب الباهظة المفروضة عليهو.....دا كان سبب خروجه من السودان.
Post: #33 Title: Re: في الضواحي .. مصطفى سيد أحمد .. تسجيل عجيب .. Author: باسط المكي Date: 02-16-2016, 03:23 PM Parent: #32
Quote: .يا قبانى قلبت يومنا راسا على عقب
الله يرحك ياااخ ودقباني عليك الله افردنا بوست لبابكر ود السافل هنااااااااا
Post: #36 Title: Re: في الضواحي .. مصطفى سيد أحمد .. تسجيل عجيب .. Author: Hamid Elsawi Date: 02-19-2016, 08:06 AM Parent: #33
تحياتي قباني و ليبقي هذا الابداع عاليا خليل هو خليلنا و جليسنا بحضورة الأبدي الذي خلدة بما كتب من أشعار و صاغ من الحان ظلت و ستظل الأجيال ترددها علي مر الدهور و فرح هو ما يبعثه في نفوسنا من نشوة التطريب خليل فرح اسم علي مسمي. الخزام و الشيح أسماء نباتات برية تطرق لها الباحث في التراث الطيب محمد الطيب في كتاب ( الانـ ـداية) و ذكر ان احد هذه النباتات له رائحة طيبة و كان كبار القوم يستخدموه لإزالة رائحة المريسـ ـه بعد المقيل حتي لا تظهر عليهم الرائحة عند عودتهم الي منازلهم. اذا وجدت وقت ممكن أقوم بتلخيص ما ورد في هذا الكتاب و كتب اخري عن هذه النباتات. دمت و ضيوفك الكرام و قراء بوستك البديع في فرح دائم
Post: #38 Title: Re: في الضواحي .. مصطفى سيد أحمد .. تسجيل عجيب .. Author: خالد علي محجوب المنسي Date: 02-21-2016, 01:06 PM Parent: #36
وفي الضواحي و يا لجمال الضواحي والقنيص ...الخيل خفَّ راسن
ودا دلال معجن ومحنالأمات يا رداح
الحبيب قباني تسلم والسلام مطبوق لشخصك
Post: #39 Title: Re: في الضواحي .. مصطفى سيد أحمد .. تسجيل عجيب .. Author: خالد علي محجوب المنسي Date: 02-21-2016, 01:17 PM Parent: #38
Post: #40 Title: Re: في الضواحي .. مصطفى سيد أحمد .. تسجيل عجيب .. Author: عمر عثمان Date: 02-21-2016, 01:49 PM Parent: #39
Quote:
العزيز القباني يا فنان... ونعم الرد البليغ لبكري!
وبالجد تبقى نونية الخليل إليازة للحب الضاحي وواحي.. حب الفطرة والجمال التصويري... هي ملحمة للفشخرة والفراسة والفروسية... هي غزل للحياة والطبيعة وإبداع في وصف المحبوب!
تغنو بها كثر بدءً من إبراهيم عبدالجليل وسجلتها فضيل الله، إلى أن أبدع في غنائها الشفيع. وأحببتها عند الخالدي وتميزت بها نانسي والفارس الفرجوني... وغناها لنا المصطفي أبو السيد!
الكل قدمها بطريقته... والكل نجح في تطويع كلماتها وإيصالها للسامع عبر القلب والوجدان!
هي محتاجة منا لشرح مفرداتها السودانية البحتة... كما وهي محتاجة لشرح أسباب نظمها وعوامل خلودها!
وياريت نلقى الزمن لده كلو،،،،
هي بلا شك أجمل الأغاني السودانية!
عندما يكتب جنابو ياسين بعيدا عن السياسه يكون مبدعا
