اول حاجة دى ما قصيدة ده نثر يا منثور انتاو فى النثر حاجة كده باهتة و لونا فشفاشى تانى هامالاستيكة مالا عيبا لى تراها جابت لى اخت و نعم الاخت كمان ____ سيد الحوش مالك ساكت ما شفتا الجنا السوّاها شال استيكتو يتنبر ما خلّالو كلمة ما قشاها خلّا ابو حسين يضاحك و جاب شماتو كبّاها و ود اب سن جا بى عجبو و فرحتو ما دسّاها ابو اليمن طلّ يتبختر و جاب الشينة ختّاها و الغالى تمر السوق غبينتو ما دسّاها نعمة و ستهم يتخالن شينة الجنا السوّاها الزول كان قام بى جهلو غشامتو ما ببقى بلاها اممممك شيطان الشعر قام فرتق نواصل لامن يجى ... ده كان جا تانى و ده الشعر يا مندرة مش تمر الهبوب الكاشحنا بيهو فوق ده ______ حكمة البوست سمحة الاستيكة فى يد فرانك التعديل لضبط التفغيلة
يا ود المدير ... الإستيكة من معلقات الشعر الحلمنتيشي ... ( ماركة مسجلة ) ..
كتبها المرحوم محمد أحمد إسماعيل ( جاغوم بن بلاغ ) رضي الله عنه ...
تسمح ؟
وكيف يا السمحة ما بسمح اصابعي العشرة يكتبوا ليك وقلبي استكية للغلط يمسح يدوب بين اصبعين حلوين ويتوه وسط السطور ويسرح ولما تنتهي الكلمات،، نخش في شنطة في منديل ونمشي القهوة نتفسح وهناك عاشق يطيع سحرك يجيب الفانتا شان امرك وتتحكر الشنطة في حكرك و قلبي الدايش وسط منديل يسكلب و يقول يا ليل وجوة الشنطة يتمرجح وترجعي تاني يا الحلوة تلقيني راجيك هناك مصلوب اشوف الناس طشاش في طشاش و اقرا سطوري بالمقلوب أعاين ليك تغمضي انت تعاينيلي اغمض انا ونعيد الكرة من اول اعاين ليك ،، تغمضي انتي تعاينيلي اغمض انا أعاين ليك تفري البسمة لي اضنيك احك راسي وابلع ريقي واقول السمحة لو تسمح احسن نمشي في زاوية وركن ضلمة تقول بسمح وتتلملم وتتخمخم وانا اتكركب واخم نفسي واقع في الكرسي،، أوووب سوري اخبط الجنبي ،، اوووب سوري هناك في زاوية نتقعد واقول ليك والحاصل وفي الواقع وحقو الزول تقول لي هي ياده ما تخجل وتتعقد كون واضح اخم نفسي واقول ليك بي صوتا ندي ورويان يفيض رقة ومزيكة لوتسمحي يا السمحة ترجعي لي الاستيكة
والتحية لكل المأستكين والمأستكات ونقول ليهم أستككم الما ضراكم
ويا حبيبنا جلالدونا كلامي دا لا شعر ولا نثر زي حكاية ود أبزبارقا الحرامي شافوهو معاهو بقرة قالوا ليهو: ود ابزبارقا البقرة حقتك وللا سارقا قال ليهم ولا حقتي ولا سارقا بس عجبتني وسايقا
Quote: قصي قال عندو في الراس قول كتيييير لآكِنوا شايف الخور كبير وإستيكة حادة مسننة شغالة لا بتعرف سغيّر ولا حتي بترحم كبيّر
أخوي ود المدير بالجد عملت العليك كتير و كمان بالحيل، وزي قولك ده كتبنا و عنو فتحنا للنقاش منشور عديل، شجبنا وأدنا و ليهو استنكرنا المسح و الحذف و رفيقهم التعديل، وعنّو ثبتنا توقيع جلي لكل قارئ و اضح ملون و طويل، يمكن مرة بس يحس بكوري ويشعر و ينتفض ضد أسلوب الحقارة و التقليل.
Quote: ؤُ حتي الخبير خِبر الدرِب شغال يأستِك من طرف لا خلآ بوست لزول سغيّر لا خلآ بوست لزول كبيّر استك جمال الكان يعتِّل من زمن خلآهو نفسياتو طيّن دآر يشرب الشاي بي اللبن شِرب العجين وناس العِتالة الكانوا ناقشين ومفتحين الليلة عاملين فيها ميتيّن
بسبب إستيكة الخبير العتالة ضاربين الضللة لا شغل ولا مشغلة
نفسياتهم فى الحضيض تتناوشهم فكرة الهجرة فالعتالة مع الخبير
كانت مصدر دخلهم الرئيسى وكل ذلك ذهب أدراج الريح بعد دخول
جرافات الخبير التى تعاملت بقسوة أكتر من جرافات الإسرائيليين ولولا
لطف المولى لأزهقت تلك الجرافات أرواح العتالة ونقول نحن معشر
العتالة الجاتنا فى مداخلاتنا سامحتنا لكن يا الخبير الفيك إتعرفت .
ود المدير سلام وان شاء الله يوم أستكتك ما يجى قول آمين
Quote: قنعت من العدة يا عربي ...؟؟؟ 😂😂😂😂 بالله رشهم عشان الأستيكة دي انا وقفت وحيد قدام ابو صلعة زول وقف معاي ما في ... بعدين ما تنسى صاحبك كبسور ...
يا ابو حسين ياخي هسّع الجاب سيرة صاحب العِدة منو ؟. غايتو وقفتك ديّك عدّت، لكن تاني ما تعملآ . كبسور دا انا كنت داير اشبكو مع ود الغالي وإفتتح بيهو المعلقة بتاعتي دي لكن انقذتو إنت ...
Quote: ؤُ شوّف ايمنوف، جايبلو رآبط بالله تقول ضنب الخروف ! يا ايمنوف الناس مأستكة تتنخِج بالله عليك راعي الظروّف وابصلعة لا حِس لآ خبر ! ضارب طناش ؤُ جآري القطر ؤُ هو برآهو شغال استكة استك نبيل في الفيس تِحِت ! يا صامت اصمُت وِانقرِع اوّع الشماتة بِتِنسخِت
ههههههههههههههههههه
والله المقطع دا بالغتا فيهو
ابداااااااع
بعد القصيدة تاني مافي مشكلة
قولو لي فرانكنشتاين امسك استيكتك واستك على كيفك
واستكني وتفنن في مسح مداخلاتي استكني ولا تاخذك رحمة بكل مقالاتي استكني يا من تخاف ارائي وكلماتي فان كنت تظن انك على حق ففيما الخوف أيها المجرم العاتي فاعلم انت ومن لف لفك وكل مطبلاتي ان فجر الحرية والخلاص لا ريب آتي لذلك لن احيد عن الطريق ولن تلين قناتي وان استكتمو كل مداخلاتي وجل بوستاتي
سعيد تماما بى خوتك يا ستهم و على قولك هن لاقننا وين و براهم شالو وش القباحة و كان كاسونا مابلقونا تانى .. درب خوّه و موّده و راح عليهم _____ العزيزة نعمات ... شكرا للمشاعر الطيبة و نبيلة دى و ربنا يديم المعروف
Post: #20 Title: Re: قـصـيـدة الإسـتـيّـكـة ... Author: مصطفى البشارى Date: 01-31-2016, 09:35 AM Parent: #19
Quote: بسبب إستيكة الخبير العتالة ضاربين الضللة لا شغل ولا مشغلة
نفسياتهم فى الحضيض تتناوشهم فكرة الهجرة فالعتالة مع الخبير
كانت مصدر دخلهم الرئيسى وكل ذلك ذهب أدراج الريح بعد دخول
Quote: ويا حبيبنا جلالدونا كلامي دا لا شعر ولا نثر زي حكاية ود أبزبارقا الحرامي شافوهو معاهو بقرة قالوا ليهو: ود ابزبارقا البقرة حقتك وللا سارقا قال ليهم ولا حقتي ولا سارقا بس عجبتني وسايقا
ههههههههههههههههه،
ياسر يا حبيب، ياخي أنا زيّكُم إنت ؤُ ود أبزبارقا دا، بس جلال دا زول لخبات ؤُ جاي يرجع الماضي، لكين انا وادي الكمبيوترات دآك حلفت ما ادخُلُو تاني ...